Wettiger Nochrichte Januar 2017

Usgab 1/17 1

Januar 2017 INFORMATIONE UND NOIIGKEITE US WETTIGE

INHALT VO DERE USGAB

Gmeindrat und Bevölkerig hend ufs noie Jahr aagstosse De traditionell Noijahrsaalass het geschter uf em Zentrumsplatz stattgfunde. Überraschigsgascht isch de Markus Dieth gsi.

Als Überraschigsgascht het er dann au en Noiling aakünd, nämlich de Neo-Regiirigsrat und sit geschter Alt-Gmeindammaa Markus Dieth.

Vor während und nach de Aasproche hets Glühwy und Punsch geh und vor em Marroni-Stand e langi Schlange.

Regirigsrot Markus Dieth bi sinere Noijahrsred

Mit sinere erschte Red als Gmeindamma het de Roland Kuster d Bevölkerig im Zält uf em Zentrumsplatz begrüesst. Guet gfüllt isch s Zält gsi, vo Wettigerinne und Wettiger, wo mitenand und mit em Gmeindrat ufs noie Jahr hend welle aastosse. Em Roland Kuster het me bi sinere Aasprach aagmerkt, wi sehr er sich uf sis noi aaträtene Amt froid.

•

Noijahrsapéro

•

Chraftwerk produziirt weniger Strom

•

De Max Knecht isch gschtorbe

•

De Gmeindrat het d Ressort noi verteilt

•

Wi chunnt me im Winter mit em Velo sicher uf Bade?

•

D Chinderbühni Wettige präsentiirt s dritti Stück

•

Verzicht uf Salz wege de Platane

De Gmeindamme Roland Kuster

Artikeltitel Zum Anzeigen von Spaltenumbrüchen, Abschnittswechseln und andere Formatierungszeichen klicken Sie auf der Registerkarte Start in der Gruppe Absatz auf das Symbol für Alle anzeigen (die Absatzmarke).

Seite #

WETTIGER NOCHRICHTE | Usgab 1/17

2

Chraftwerk Wettige produziirt weniger Strom Di gringe Mengene a Niderschläg führed dazu, dass s Chraftwerk am Stausee sit em August 2016 weniger Strom produziirt wi im langjährige Mittel. Sit em Dezember cha numme en Drittel vo de maximale Leischtig produziirt werde.

D Pegelständ vo de Flüss si tüüf. Wer vil a de Limmig unterwägs esch gseht, dass das au z Wettige eso esch. «Eusi Chraftwerk a dä Limmat produziered sit letschtem August weniger Strom als im langjährige Mittel», said d Marie Oswald, Mediesprecherin vo de EWZ. Sit em Dezember chönni numme «no en Drittel vo dä Usbauwassermenge für Stromerzügig» bruuchd werde. Wills im Dezember durch de Schnee in de

De Max Knecht isch gschtorbe Kurz vor em Jahreswechsel esch de erscht Wettiger Iiwohnerrats-präsident, de Max Knecht, gschtorbe. Das het sin Sohn, de Christian Knecht uf Facebook bekannt geh und stoht au uf de Website vom Max Knecht.

Im 2016 het Wettige d Iiführig vom Iiwohnerrat im 1966 gfiired. De Max Knecht isch damals zum erschte Iiwohnerratspräsident gwählt worde.

Bärge immer wenig Wasser hetti, sig d Produktion au normlaerwis gringer, aber im 2016 het d EWZ numme zwei Drittel vo de im Dezember übliche Strommengi chönne produziire.

Durch d Linthkorrektur und d’Züriseeregulierig, sind d Folge für d Charftwerk und d Natur no nöd graviirend. Dadurch «händ mir i der Limmat zurziit mit 40 m3/s

Seeabfluss no 10 m3/s meh Abfluss als s‘Minimum vo 30 m3/s», so d Mediesprecherin witer.

Di grundsätzliche Problem vo de tüüfe Pegelständ gits aber ned numme a de Limmig, sondern au am Rhii, wi s Badener Tagblatt scho am 2. Januar 2017 brichtet het.

Uf d Wält cho esch er im 1929 z Schneisige. D Bezirksschuel het er z Endige bsuecht und s Gymnasium z Stans. Danach het er z Fryburg im Üechtland, z Paris und z Züri Jus studiirt.

eröffnet, mit dem er drü Joht spöter uf Wettige züglet esch. Im 1965 esch er in de Grossi Rat vom Kanton Aargau gwählt worde, den er eis Jahr (1973) au präsidiirt het. Im 1985 esch er usem Grosse Rat usgschide.

Im 1955 het er ghürate und z Döttige es Aawalts- und Notariatsbüro

Bis z letscht het de Max Knecht Wahlprognose erstellt, wo er uf sinere Website veröffentlicht het und wo regelmässig au vom Badener Tagblatt vor Wahle veröffentlicht worde sind.

Sini letschti Prognose esch für d Grossratswahl im Oktober 2016 gsi und er esch sehr stolz gsi, wenn sini Prognose nöch am tatsächliche Resultat glege sind.

WETTIGER NOCHRICHTE | Usgab 1/17

3

De Casinoball ged's nümm..

De traditionelli Casinoball im Casino in Wettige findet das Johr nümm statt.

D Räbeschläcker organisierd öppis neu’s…

De Chlapf..... am Samschtig de 18. Februar 2017 findet de Aalass zom erste Mol be LägerBräu uf em Chloster-Areal statt.

Beginne wird’s ab 18 Uhr met eme Gugge-Warm-Up, d Party startet ab 20Uhr mit diveres Guggene.

D CHINDERBÜHNI WETTIGE PRÄSENTIIRT S DRITTI STÜCK Scho de dritti Kurs vo de Chinderbühni Wettige goht z End. Wi jedes Mal gits zum Schluss en Ufführig, au dismol wider im Gluri Suter Huus.

Mit vil Herzbluet leitet d Claudia Sandmeier sit einehalb Jahr d Chinder-bühni Wettige. Jewils en halbjährige Kurs wird vo de Schauspilerinne und Schauspiler mit ere Ufführig abgschlos-se. Jetzt isch es wider so wit: Am Mentig, 16.

Januar 2017 spiled d Chind vom 3.

Kurs s Stück «Oben/Unten – Ein Spiel zwischen den Welten». De Iitritt isch e Kollekte, wo d Unkoschte vo de Ufführig und em aaschlüssende Apéro sell decke. Iiglade isch jede, wo wot cho. Abgseh vo de Eltere, Verwandte und em witer Umfäld vo de Schauspilerinne und Schauspiler dörft s Stück bsunders für di Chind und ihri Familie interessant si, wo sich für de viirt Kurs interessiire. Der started am 20. Februar mit emem Schnuppertraining.

Gugge-Warm-Up Au das Johr findet de Gugge-WarmUp uf em Zentrums-Platz z Wettige statt.Am 28. Januar 2017 vo 11 bis 23 Uhr esch für Barbetrieb und Guggesound gsorgt.

De Gmeindrat het d Ressort noi verteilt Mit em Rücktritt vom Markus Dieth und de Yvonne Feri verbunde mit em Wechsel vom Roland Kuster ins Amt vom Gmeindammaa, het de de Gmeindrat d Ressort noi verteilt.

Sit em 1. Januar 2017 isch de Roland Kuster Gmeindammaa und als Nachfolgerin vo de Yvonne Feri hed d Kirsten Ernst ihres Amt als Gmeindrätin aaträte. Über d Nachfolg vom Markus Dieth im Gmeindrat entscheided d Stimmbürger am 12. Februar. Aber d Ressort sind glichwohl scho noi veteilt worde. De Nachfolger vom Markus Dieth im Gmeindrat (also de Martin Egloff oder de Roland Michel) wird s bisherig Ressort vo de Yvonne Feri (Sozials und Familie) überneh und d Kirsten Ernst het s Ressort vom Markus Maibach (Tiefbau und Umwält) übernoh. Der het dafür d Finanze und Stüüre unter sich, für di bisher vom Gmeindammaa verantwortlich isch gsi. Zudem isch er für d Umsetzig vo de LOVA 2 verantwortlich. De Roland Kuster het im Ressort Präsidials nebe Forscht, Kanzlei, Stab/Dienscht, Informatik, Ortsbürger, Personal, Ruum- und Verkehrsplanig, und de Polizei au Beriich bhalte, für di er scho bisher verantwortlich gis isch: Füürwehr, ZSO-RFO und s Projekt vo de Sanierig vom Tägerhard.

IMPRESSUM Wettiger Nochrichte Postfach 2239 5430 Wettige 2

WETTIGER NOCHRICHTE | Usgab 1/17

Verzicht uf Salz wege de Platane Geschter hend mir imene Artikel nach de Sicherheit vo de Veloverbindige uf Bade gfröged.

Uslöser sind en Leserbrief vom November 2016 in de Limmatwelle und oiseri geschtrigi Teschtfahrt gsi. De Verzicht uf Salz het mit de alte Platane z tue.

De Werkhofchef vo Bade, de Thomas Stirnemann, het uf oiseri Aafrog usführlich gantwortet. Demnach hend d Werkhöf vo Bade und Wettige mitenand abgschpro-che, wi d Verbindig zwüsche Wettige und Bade über de Ländliwäg im Win-ter gruumt wird. De Verzicht uf s Salze vo de Strecki het vor allem mit de alte Platane am Ländliwäg z due, wil si durchs Salz gfährdet wäre. Us dem Grund wird numme de Schnee uf d Siite gstosse und numme uf de Brugg selber chunnt - wege de erhöhte Gfahr vo Glattiis - Salz zum Iisatz.

De Usbau vo de Brugg zu ere Velostrecki hetti sich uf jede Fall glohnt, so de Thomas Stirnemann. Und wenn mer ehrlich sind, dann het er rächt. Numme an einzelne Täg oder maximal Woche esch de Veloweg nöd nutzbar oder numme unter erschwerte Bedingige, bi dene me notfalls au uf de ÖV cha uswiche oder doch de Velowäg über d Hochbrugg bruuche, wo uf de Prioritäte-Lische für schwarzgruumti Velowäg stoht.

4

Grossi Ehr für de Hockeyclub Rotwiis Wettige – A Europacup im Tägi !!!

RWW isch usgwählt worde als Usrichter vom Dame A Europacup (EuroHockey Indoor Club Champions Cup). S Turnier find vom 17. bis 19. Februar 2017 im Tägi statt.

Zum EuroHockey Indoor Club Champions Cup treffed die acht beschte Fraue-Teams vo Europa ufenand. Es mässed sich denn i de Tägi-Halle: - Mannheimer HC (Dütschland) - SV Arminen (Öschtriich) - HC Minsk (Belarus) - HC Pingouin (Belgie) - Club de Campo Villa de Madrid (Schpanie) - SK Slavia Prag (Tschechie) - SV Kampong (Niderlande) - HC Rotweiss Wettingen (Schwiiz) De Hockeyclub us Wettige wot en unvergässliche Event uf d Bei stelle und het extra es 14-chöpfiges OK bildet, wo sit August 2016 für das Turniir schaffed.

Rotwiis Wettige isch stolz und freut sich riesig, dass si de internationali Event dörfed durefüehre. De Verein het scho bi villne europäische Turnier als Verastalter bewiese, dass Wettige en tolle Usträgigsort esch, natürli au dank de Unterstützig vo de Gmeind und vo villne freiwillige Hälfer.

Will d Dame vo Rotwiis im letzscht Johr ufgstige sind, wartet jetzt mit dem A-Europacup e bsunders tolli Ufgab uf de Verei. Er hofft natürli uf vill Zueschauer, wo faire Spitze-Sport und e tolli Atmosphäre chömed cho gnüsse!

Drüü Rotwiis-Damen a dr U21 EM in Wien erfolgrich!!

Die drü HC Rotwiiss Spielerinne Jessica Aebi, Tamara Trösch und Flavia Wassmer sind zur Ziit mit der U21 HallenhockeyNationalmannschaft in Wien. Und obwohl eigentlich niemert mit de Schwiiz grechnet het, hends eusi Nati-Girls überraschender- aber sehr verdienterwiis - is Halbfinal gschafft. Hüt Samschit-Obig, spieled sie am Halbi sibni gege d’Tschechey um de Izug is Final.

Höchi Unfallgfahr uf de Isebahnbrugg Über de Winterdienscht uf em Ländliwäg und de Isebahnbrugg hend mir scho gschribe gha. D Situation isch im Momänt sehr prekär und mir empfehled s Uswiiche über d Hochbrugg!

Scho vor einige Täg het sich en Läser bi ois gmeld und vo Fuessgänger brichted, wo Müeh hend gha, d Brugg z überquere. Für d Velofahrer isch d Situation no schwiriger. In de letschte Täg hend mir vo einigi Velofahrer vernoh, wo uf de Brugg gstürzt sind. Passed also uf oder wiiched uf d Hochbrigg us, bevor öppis schlimmers passiirt.