Usgab 2/17 1
Februar 2017 INFORMATIONE UND NOIIGKEITE US WETTIGE
D Drüfachturnhalle im Margi cha baud werde Hüt het s Stimmvolk nöd numme en noie Gmeindrot gwählt worde, sondern au über de Bau vo de Drüfachturnhalle. S Kreditbegehre esch aagnoh worde. D Vorlag, wo scho im Iiwohnerrot e grossi Mehrheit gfunde het, esch mit au vo de Stimmbürgerinne und Stimmbürger mit 4206 Ja zu 1539 Nei dütlich aagnoh worde. D Stimmbeteiligung het bi 46 % gläge.
INHALT VO DERE USGAB
•
D Drüfachturnhalle …
•
Di erscht Damemannschaft …
•
Ma aus Wettige z München verhaftet
•
Wettige Second!
•
De Fabian Rimann het sin noie Lade eröffnet
•
Di füft Staffel vom Best…
•
And the Winner is …
•
…
Di erscht Damemannschaft vo RWW esch d No. 3 zesch Europa D Überraschig perfekt. S Ziil Klasseerhalt hät RWW bi witem übertroffe. Vor em EuroHockey Indoor Club Cup Women bi ois z Wettige esch s Ziil vo de RWW-Dame de Klasseerhalt gsi. Nach de Rundespil esch der gsichered gsi und Wettige het sich sogar für de Halbfinal könne qualifiziire. Nach de Niderlage gege Minsk (Belarus) esch am Sunntig de Match um de dritti Platz uf em Programm gstande. Dete hend d Dame mit Unterstützig vo begeischterte Zueschauerinne und Zueschauer gege Madrid mit 3:2 gunne. So hät RWW das Turniir mit Bronze chönne erfolgriich beende und sich in Europa als Spitzemannschaft mit eme super Umfäld chönne präsentiire.
WETTIGER NOCHRICHTE | Usgab 2/17
2
Maa us Wettige z Münche verhaftet En ägyptischer Maa, wo z Wettige wohnt, esch am Flughafe z Münche feschtgnoh worde. De Vorwurf luted uf Chindsentführig. Nach Aagabe vo de Süddütsche Zitig hät de Maa am Donnschtig am Abe Striit mit sinere Frau gha. Mit sine beide Töchtere im Alter vo nüni und zwölfi het er d Wohnig z Wettige verlah. Öppe um Mitternacht hät sich d Frau a Polizei gwendet und d befürchtig güsseret, de Maa chönnd sich mit de Töchtere ins Usland
WETTIGE SECOND! Sit öppe zwei Woche goht es wi e Welle z erscht durch Europa, aber scho länger über di ganz Wält. Alli wend zweite si. Mir natürlech au! Und mit akzeptiire: America first! Wo di niderländisch Late Night Show "Zondag met Lubach" s Video "Netherlands Second" präsentiirt het, da het no niemed damit grechnet, dass sich der Trend rund um d Wält wird usbreite. De Dütschi Jan Böhmermann het dann in sinere Late Night Show es Video über Dütschland präsentiirt und alli Late Night Shows ufgfordered mitzmache.
absetze. D Poizei hät dann di umligende Flughäfe informiirt und am Fritigvormittag esch de 38-jährig am Flughafe Münche bi de Uswiskontrolle bim Iichecke für en Flug uf Toronto (CDN) feschtgnoh worde.
Scho am Namittag esch de Schwiizer Usliferigsaatrag bi de Kriminalpolizei z Erding (Bayern) iigreicht worde und de Ägypter sitzt jetzt z Landshuet in Usliferigshaft.
Uf de Site http://everysecondcounts.eu send d Videos us de verschidnige Länder z finde. In de Zwischeziit het sogar d Lägerebräu für sich proklamiirt: Lägerebräu Second. Mir sind aber überzoge, dass
Wettige Second s einzig richtig esch.
Bildnochwiis: Thomas Kniess, Wikimedia, CC-3.0
https://youtu.be/y85G4cJaR qQ
WETTIGER NOCHRICHTE | Usgab 2/17
3
D Primarschuel Zehntehof esch am Zügle De Unterricht i de Container esch Vergangeheit. Nach de Sportferie gohts im noie Schuelhuus witer.
De Fabian Rimann het sin noie Lade eröffnet Für Liebhaber vo feiner Schoggi esch e kurzi aber heftigi Liidensziit z Änd gange. De Chocolatier het wider offe.
Lang hend d Schüelerinne und d Schüeler, aber au d Lehrerinne und d Lehrer uf den Momänt gwartet, i dem si ins noischti Schuelhuus vo de Schwiiz hend dörfe. Um nach de Ferie chönne z starte, hend 5. und 6.-Kläs-sler scho sit em Donnschtig letschti Woche Ferie gha. D Lehrerinne und d Lehrer hend dann chönne packe und in de Zwischeziit sind d Zügelauto dra, alles vom Margi i de Zehntehof z bringe.
Zwei Woche esch de Lade vom Fabian Rimann zue gsi und wird hüt am noie Standort a de Landstroos 32 eröffnet. Dete hets meine Platz wi bisher und s Aagebot wird erwitered. So hets noi au es Café, wo in d Rüümlichkeite integriirt sind.
Rot Wyss esch am Wochenend doppelte Schwiizermeischter worde
Am letschte Wocheänd sind d Hallemaschters z Lozärn gsi und sowohl s Dame-Team wi s Herre-Team vo RWW sind Schwiizer Hallemeischter worde. D Dame hend de 17. Halletitel gunne mit eme 2:1 gäge Lozärn. D Herre sind im Final gäge de Überraschigsgegner Olte aaträtte und hend nach Aafangsschwirigkeite 4:1 gunne. Scho vorher sind d U21 Juniore und d U14 Maidli au Schwiizermeischter worde, so dass RWW in dere Hallesaison gsamthaft viir Schwiizermeischtertitel gunne het.
And the Winner is … Di füft Staffel vom Bestatter isch vorbi Vili hend mit Spannig uf di 5. Staffel vom Bestatter gwartet und au Wettige isch zu filmische Ehre cho. Hüt isch mit de sächste Folg d Staffel z Änd gange. Mit vilne Lüt i de Schwiiz het me in de letschte Woche am Tsischtig am Abe nüd chönne abmache. Si sind dihei vor em Fernseh di noie Folge vom Bestatter glueged. De Luc und d Anna-Maria sind wider im Aargau uf Verbedcherjagd gsi. Bemerkenswert us Wettiger Sicht isch di viirt Folg, wil di Szene mit em Mord z Wettige dreiht worde sind. Au Werkhofmitarbeiter sind daderbi in Szene gsetzt worde.
De Hallebode für s Hockeyturniir esch parat Nach sächs Stond gmeinsahmer Arbet sind die 29 Rolle Teppich met emene Gsamtgwicht vo 5 Tonne verleid. D Bahne genau usgrechtet, aberkläbt, Chläber vo vergangene Aaläss.entfernt, poliert, von Tägi-Abwart met de Maschine potzt, vo Hand notröchnet ond am Schloss d Markierige genau usgrächnet ond ufkläbt. En wassergrüene Bode met nor dere Markierig wo eusi Hockey-Dame zom Spele bruched. Förf Zueschauer esch di schnelli Sportart so no attraktiver zom Luege.
De Wettiger Gmeindrat esch wider komplett. Nachfolger vom Markus Dieth im Rat esch de Martin Egloff. Mit Spannig esch s Ergäbnis vom 2. Wahlgang vo hüt, 12. Februar 2017 erwartet worde. Im 1. Wahlgang vom 18. Dezember 2016 het de Roland Michel (CVP) mit 1489 Stimme d Nase vor em Martin Egloff (FDP) mit 1304 Stimme gha. Diesmal het de Martin Egloff d Nase vorn gha. Mit 2536 Stimme het er de Roland Michel hinter sich glah, wo mit 2443 numme 93 Stimme weniger gha het.
IMPRESSUM Wettiger Nochrichte Postfach 2239 5430 Wettige 2
WETTIGER NOCHRICHTE | Usgab 2/17
4
Es stoht en heisse Wahlherbscht bevor D Gmeindratsersatzwahl vom 12. Februar 2017 steckt de Unterstützer vom Roland Michel und de CVP no i de Chnoche. Aber d Partei-Stratege denked scho an de 24. September. Am 24. September 2017 sind z Wettige Gsamterneuerigswahle. Unter anderm werded de Iiwohnerrat, d Schuelpfläg und de Gmeindrat noi gewählt. D Usgangslag wird wohl spannend werde, esch doch mit dütlech meh Kandidatinne und Kandidate z rächne, wi Sitz zur Verfüegig stönd. Iifluss wird au ha, welli Vakanze entstönd, gits doch immer wider Grücht de Eint oder die Ander vo de amtiirende würded nüm aaträtte. Mir hend bi de Parteipräsidentinne und Präsidente und em Philippe Rey nachegfröged, was si zum jetzige Zitpunkt scho chönnd säge. D CVP het nach de Niderlag bi de Erstazwahle vom 12. Februar bekannt geh, dass si
nebem Gmeindamma, em Roland Kuster, e witeri Kandidatur wend bringe, um de verloreni Sitz zrugg z'hole. Zudem het de Präsident von de EVP, de Lutz FischerLamprecht Stellig bezoge. D EVP het vor viir Johr de Sitz im Gmeindrat nöd chönne verteidige und wot das im Herbscht korrigiire. D Vorstand het deshalb scho im letschte Herbscht e Findigskommission iigsetzt, wo bi de Nominationsversammlig aafangs Juni de Parteibasis en geeignete Kandidat bzw. e
geigenti Kandidatin wot präsentiire. Interesse an ere Kandidatur het au s Forum 5430 einisch aatönd. D Antwort, was de Vorstand bi sinere Sitzig am letschte Donnschtig bschlosse het, ligd eus aber no nöd vor. Au bi de BDP esch veeles unklar. De Michael Merkli het zwar nach em erschte Wahlgang im Dezember 2016 aakünd, er würdi im September 2017 wider kandidiire, falls d Partei ihn würd nominiire, aber es git Hiwiis, dass d BDP z Wettige Uflösigserschinige zeigd.
Was wird us de Wettiger BDP? In Wettige sind drü BDPler politisch aktiv. Zum eine de Michel Merkli, Iiwohnerrat und s Ushängeschild vo de Partei. De zweit Iiwohnerrat esch de Martin Spörri, wo durch sin Wächsel vo de SP zu de BDP letschtere e Verdopplige vo de Sitz im Iiwohnerrat brochd het. De dritt esch de Beni Blaser, Mitgliid vo de Wettiger Iibüprgerigskommission. All drü sind bi de Grossratswahle im Oktober 2016 für d BDP vom Bezirk Bade aaträte und sind au mitenand uf Plakat z gseh gsi. Wi jetzt bekannt worde esch, het sowohl de Michael Merkli wi au de Beni Blaser ihre Parteiustritt erklärt. Hintergrund esch en Konflikt mit de Kantonalpartei. De Michael Merkli het i de Zwischeziit aakünd, dass es e Freii Wählergruppiirig wird gründe, für di er im Iiwohnerrat wird bliibe und di au bi de Wahle im Herscht wot aaträte.