Stef Stauffer: ‹Hingerhang›

Stef Stauffer

HINGER HANG Roman

STEF STAUFFER HINGERHANG

IH_Stauffer_Hingerhang.indd 1

23.08.18 13:04

Der Zytglogge Verlag wird vom Bundesamt für Kultur mit einem Strukturbeitrag für die Jahre 2016–2020 unterstützt.

®

MIX Papier aus verantwortungsvollen Quellen

www.fsc.org

FSC® C083411

© 2018 Zytglogge Verlag Alle Rechte vorbehalten Lektorat: Angelia Schwaller Korrektorat: Jakob Salzmann Layout/Satz: Melanie Beugger Druck: CPI books GmbH, Leck ISBN: 978-3-7296-0994-5 www.zytglogge.ch

IH_Stauffer_Hingerhang.indd 2

23.08.18 13:04

Stef Stauffer

HINGER HANG Roman

IH_Stauffer_Hingerhang.indd 3

23.08.18 13:04

IH_Stauffer_Hingerhang.indd 4

23.08.18 13:04

U wes nid wahr syg, so sygs de zmingscht guet erfunge, hei si de öppe trääf zitiert.

U wes eim der Gring o fasch nid het zueggä, het me das usnahmswiis la gäute u gfunge, wo si rächt heig, heig si rächt.

IH_Stauffer_Hingerhang.indd 5

23.08.18 13:04

IH_Stauffer_Hingerhang.indd 6

23.08.18 13:04

Meersou Wi aut dass me eigetlech syg, hets de öppe gheisse, u di richtegi Antwort wäri gsi, genau das syg äbe der Punkt. Benäh söui me sech wi erwachse, aber wes de um ds Dörfe göngi, syg me de blitzartig wider Ching. Wüu dörfe hei ging nume di angere. Säuber het me müesse. Das mit deren Autersfrag isch sowiso so ne Sach gsi. Wüu, we me bischpiuswiis het aagfange, so a re Bäbe oder a re Grusle umestudiere, de isch me nid drum um cho z finge, di zwo sygen im ene soublöden Auter, o we aui angeren um eim um bhouptet hei, mi syg säuber im ene soublöden Auter. Aber irgendwo düren isch men im Gägesatz zu dene zwo Koleginnen am ene ganz angere Punkt gstange. Nid drunger oder drüber. Eifach irgendwo näbedranne. Oder dernäbe, so hätt me das o chönne gseh. Vilech isch d Frag vom Standpunkt aber ja gar nid umbedingt vom Auter abhängig gsi. Nume hätt me säuber nid rächt gwüsst, vo was de süsch. Genetisch bedingt het es nid chönne sii. Us em Lacki Luuk het me sech nämlech nüt gmacht u ds Gränne het me o nid ging grad zvorderscht gha, so wi angeri um eim ume. U dass me schiinbar di Einzigi isch gsi, wo dä Salat nid het wöue chönnen ässe u Bluet- u Läberwürscht het gruusig gfunge, het eim o chli z dänke ggä, o we si eim hei aaggä gha, Bluetwürscht sygi Schoggiwürscht.

Aber das het o nume d Schwoscht gloubt. Bis dass men ihre das du mau gseit het, un es de när haut widerume gheisse het, wi aut dass me eigetlech syg. Derbii het men doch nüt aus e chli Entwickligshiuf wöue leischte, wi denn, wo men ihre het vor Ouge gfüert, dass es der Samichlous nid git. Wüus doch nüt Piinlechers git, aus so Gugus z gloube, wo aui angeren im gliichen Auter scho lengschtens aus totale Chinderchram 7

IH_Stauffer_Hingerhang.indd 7

23.08.18 13:04

hei entlarvt gha, u mi het d Schwoscht eifach wöue dervor bewahre, ir Schueu de eines Tages vou blöd da z stah. Mi het eren auso di Sache zeigt, im Chäuer unger hinger em Vorhängli, di Sache, wo dä aagäblech Samichlous de brächti, u d Schwoscht het nüt Schlöiers gwüsst, aus d Mueter ga z frage, warum dass der Samichlous di Sache scho bi eim im Chäuer heig. Es isch ja ersch Nofämber gsi. U so het mes de grad gseh gha i däm Jahr mit de Wienachtsgschänk. Mit aune. Es het es zümftigs Tonnerwätter ggä, u d Frag, wi aut dass me eigetlech syg, hei si derbii usnahmswiis vergässe, u i settige Momänte isch eim d Vermuetig de aube zimlech naach gläge, Eutere sygen äuä scho erwachsen uf d Wäut cho. O we si duurend betont hei, was si i däm Auter nid aues scho heige.

Müesse, wouverstange. Hüener iitue u Chüngle mischte. Aus so settigs Züüg. Aus hätt men öppis derfür chönne, dass si eim nume grad e Meersou erloubt hei, u die weiss Gott nid söfu z tüe het ggä, für dass me das hätt chönnen aus Arbeit bezeichne, u das hei si de widerume aus guete Grund gno, für dass me het müesse d Chuchi mache, wärend der Brüetsch uf ds Weze verschwunden isch. Das isch er ging nam Zmittag. Aber sicher nid wüu er hätt müesse, sondern wüu er hätt müesse häufe u no ender vilech wägem Lacki Luuk u wüu me niemer stört, wo uf em Weze hocket. So isch das nämlech glüffe. Der Brüe­tsch isch am Läsen u me säuber am Maschinen iirume gsi. U derbii het me ds Muu no vou Salat gha. Wüu ohni Salat isch niemer dervocho. Das isch e Zyt gsi, wo der Salat no gsung isch gsi u – vor auem der rot – zimlech bitter. U d Mueter het äuä ds Gfüeu gha, je farbiger öppis syg, deschto meh Vita­miine heigs drinn. Nume bim Süesse het si das chli angers gseh. Dert hets de aube gheisse, mi hätt o gschyder en angeri Glasse gno, e weniger farbigi, we me von deren einte wider so ne violetti Zunge het gha u 8

IH_Stauffer_Hingerhang.indd 8

23.08.18 13:04

die ungstraft het dörfen use­strecke, für sen aune z zeige, öppis, wo süsch usdrücklech zu dene Sache ghört het, wo me nid gmacht het. Dass di violetti Zungen äbe genau der Sinn vo deren einte Glassen isch gsi u me die nid het use­ gläse, wüu si fein wär gsi, sondern wäg genau dere gruusig violette Schnure, het d Mueter nie begriffe, aber äbe, so sy di Erwachsenen u di weniger Erwachsenen äbe verschide gsi. U mi het auso jede Mittag probiert, irgendwie um dä Salat ume­zcho, oder zmingscht z luege, dass das Täuer müglechscht komplikazionslos läär wird. So het me de eifach aue Salat uf einisch i ds Muu gstungget, chli dergliiche ta, mi würdi das ässe, u isch de vom Tisch. U de hätt me de äbe uf ds Weze söue, das Züüg ga usela. Aber das isch ja nid ggange. Dert isch ja scho der Brüetsch ghocket, u säuber het me müesse der Tisch abruume. Das söu mau öpper mache, mit der Schnure vou bitterem Salatbrei, ohni toube z wärde uf e Brüetsch. U när het de öpper no öppis gfragt, zimlech sicher öppis Blöds, wäg der Schueu oder so, u mi het nid chönnen Antwort gä, wüu mit vouem Muu redt me ja nid, u dass me ds Muu vou het gha, hätt ja niemer söue merke, u so het me sech de wägg­ddrääit u öppis brummlet u de eifach hurti d Schwoscht gchlemmt, für abzlänke u o no, wüu die o grad gnärft het, wi si eim ihres dräckige Täuer vor d Nase gsteut het, aus chönnt si das nid grad säuber i d Maschine tische. Aber die isch äbe chlyner gsi, u Chlyneri hei nid grad der Huuffe müesse, sogar ihri Meersou het si eim zu sire iche ta. Das syg, für dass die nid so eleini syg, hets gheisse u dass di Meersou ja eim heig, hei si nid wöue ghören u o nid, d Schwoscht syg ja eifach nume z fuu zum säuber Mischte. Denn het me ja no nid chönne wüsse, dass dere Meersou e relatiif töifi Läbes­erwartig isch beschide gsi – nid wäg em Mischten oder wüu si der Schwoscht hätt 9

IH_Stauffer_Hingerhang.indd 9

23.08.18 13:04

ghört. Eifach drum, wüu sech am Xändu si Mueter het e Hung zueche ta, so ne Jaghung, wo re duurend ab isch u mängisch o bis zu eim hei, u de het er eso ne Meersou us der Chischte, wo vorusse gstangen isch – warum weiss der Tüüfu –, gschnappet u töödt. Das isch äben Inschtinkt gsi, u das isch es de o gsi mit dere Meersou vor Schwoscht. Di eigeti isch eleini bblibe. No sibe Jahr lang. Was eim hingerdrii chli leid ta het. Nid umbedingt das Eleinisii, aber das trischte Läben i dere himutruurige Plastigchischte, wo itz uf aus uche no ne Techu übercho het wäg däm Hung vor Mueter vom Xändu. U die het me de ab u zue haut gmischtet, auso di Chischte. Oder hätti emu müesse. Söfu zum Müesse, wo angeri nid hei, emu denn nid, wes Gröseri het ume gha.

U de het me se drum i Arm gchlemmt, d Schwoscht, u het grad Schwein gha, dass dä blutt isch gsi, dä Arm, so dass es de emu o chli weh het ta, u prompt het si afa päägge u gränne – das het bi dere nämlech fasch wi uf Chnopfdruck funkzioniert, das mit de Träne – u de het si grätschet, u de hets de äbe grad wider gheisse, wi aut dass me eigetlech syg.

10

IH_Stauffer_Hingerhang.indd 10

23.08.18 13:04

Flughaber Das mit em Auter isch ja nume ds Einte gsi. Ds Angeren isch das gsi mit däm, wo me macht, u däm, wo me nid macht.

Mi göng zum Bischpiu nid im Treener i ds Dorf. Aber gnau gno het me ja gar ke Treener gha. Mi hets ja o nid eso gha mit em Spörtle. Wobii dass es die, wo mit em Treener i ds Dorf sy ggange, s o nid umbedingt so mit em Spörtle hei gha. Emu we me ihrer dicke Ränze so aagluegt het. Mi redi o nid mit vouem Muu u scho gar nid wüescht. U derbii hätt me da de no ganz angeri Wörter kennt. We die deheime gwüsst hätte gha, wie dass d Bäbe so gredt het, we der Tag isch läng gsi, de hätte si äuä nid ging gseit gha, d Schueu syg ds Wichtigschte. Dert het me nämlech no ganz angers glehrt. Mi göng o nid mit de Schue i ds Huus u mi gäb d Hang bim Grüesse u der Name. Nid nume so Grüessech oder we müglech öppe no Hallo. Nei, Grüessech Frou Hügli het es müesse heisse, de isch d Wäut ir Ornig gsi. Emu di chliini Wäut deheime. U das isch genau das gsi, wo eim bim Bützu ging so imponiert het. Bim Bützu, wo aui über ne glachet hei u nume vom Zwerg Nase gredt hei, we si überhoupt einisch von ihm gredt hei. Dä Tüp mööggi d Ross aa im Stau, u derbii het er eifach nume der Tariif düre ggä, u d Ross hein ihm gfouget.

Dä het äbe no gwüsst, wi me sech Reschpäkt verschaffet mit sine eis sächzg. Dä het nämlech en inneri Gröössi gha, u dä isch em Knutti über e Bitz galoppiert, o wes gheisse het, em Knutti galoppieri niemer über e Bitz. Das gäbi Flughaber, het der Knutti nämlech bhouptet, u nid numen är, der Schnee­bärger u der Hueber hei das o gmeint, aber bi dene het me das nid so äng gseh. Nume bim Knutti het me gmunklet, dä heig es Gwehr bi sech uf em Traktor, u drum 11

IH_Stauffer_Hingerhang.indd 11

23.08.18 13:04

het me de das mit em Flughaber ärnscht gno, oder emu das mit em Galoppiere. Nume der Bützu nid. Dä het erklärt, u das grad eso im ene Ton u mit ere Säubverständlechkeit, aus wüssti är am beschte, was würklech zeut im Läbe, Ross, wo vorwärts wöuge, schiissi nid bim Seckle. Das machi nume so settig lahmi Güggle, wo me zersch hundert Mau müess i ds Füdle stüpfe, bis si de äntlech der Motor alöii. U de het er sis Ross la zie, kwer über e ddröschet Bitz u het e Jutzer la fahre, u säuber isch me hinger drii, un es isch eim vorcho, aus würd me itz de churzum abhäbe. U wo du der Knutti einisch am enen Aabe mit em Traktor derhär isch cho, grad wo me langsam wider i Trab überggangen isch u sech d Träne vo de Backe gwüscht het, wo eim ds Tämpo i d Ouge tribe het, isch der Bützu grediuus uf dä zuegritte, het früntlech d Hang glüpft u glachet. Grüessech Herr Casutt, het er gmacht. U der anger isch so baff gsi, dass er gar nüt het chönne säge vo sim höche Tschon Diir oben abe. U gar nüt isch gsi vo wäge nach der Schrotflinte griiffe, u mi isch wytergritte u nüt isch passiert. Gar nüt. Das isch äbe der Bützu gsi, u wo men ihm gseit het, dä heissi de im Fau nid Casutt, sondern Knutti, isch ihm das no einisch gliich gsi u no ne Grund meh zum Lache. Em Bützu het niemer müesse säge, was me z mache heig u was nid. Dä het eifach gmacht. U glachet, emu meischtens. Dä het das äbe chönne, im Gägesatz zu eim.

Dä het sech nümm müesse la säge, was me macht u was nid.

Mi göng nid ohni d Zäng z putzen i ds Bett zum Bischpiu u de Bääbi wärdi nid d Haar abghoue. Grad settigs het me nämlech schwär bbüesst deheime. Emu denn, wo em einte Bääbi, usgrächnet däm vor Schwoscht, e rächte Schübu gfääut het gha. Natürlech hei si das denn eim aaghänkt, o we me no so gschwore het, mi sygs im Fau nid gsi. Schwöre tüeg me o nid, hets de nume gheisse u mi syg aaständig den Erwach12

IH_Stauffer_Hingerhang.indd 12

23.08.18 13:04

sene gägen­über u höischi nid no use. Mi bringi gueti Note hei u mi spili es Inschtrumänt. U genau da isch me promt a dä Punkt cho, a dä eint, wo hätt chönnen entscheidend wärde für di eigeti Loufbahn. Dä mit de Note wär ja no so einigermaasse ggange, sogar dä mit den Ufgabe. We me nämlech fangen öppis glehrt het gha i sim meh oder weniger überschoubare Läbe, de söfu, dass es meischtens uf nüt angers aacho isch aus uf d Stichprobe. Uf zwone Syte Franzwörtli hets nämlech zimlech genau drü ggä, wo chli lenger sy gsi u schwirig hei usgseh. Wär die het chönne, het d Ufgabe gmacht gha – i den Ouge vom Leischt, wo das kontroliert het. U d Arbeitsbletter het me ja ging scho ir Schueu gmacht, ir Pouse, wo angeri umeghanget sy. U we men i der Stung der Gring e chli bir Sach het gha, de isch das mit dene Note überhoupt ke Sach gsi. Eifach nid z viu Zyt z verlüüre mit dere Schueu, isch d Dewiise gsi. Das het nid emau so schlächt ghoue. Aber dä mit em Inschtrumänt isch scho chli tümmer gsi. Wär me bi der Blockflöte bblibe, hätt me sech viu Zyt u Erger erspart. Aber äbe, hingerdrii isch me ging gschyder. So wi bi däm Bääbi, wüu hingerdrii het d Schwoscht de irgendeinisch zueggä, si heig da e nöii Frisur wöuen usprobiere.

Aber wyt hingerdrii het si das einisch fürebbrösmet, wos scho lengschtens verjährt u nümm zur Diskusion gstangen isch u settigs überhoupt e ke Roue meh gspiut het, wüu das Bääbi scho jahrelang uf em Eschterig isch glägen un es niemeren meh intressiert het. U drum het de o ke Sou irgendöppis dergliiche ta, vo wägen es tüeg eim leid oder so, dass men eim dazmau eifach d Schoud heigi ggä, u das us luter Gwanheit. Öpper het ja ging müesse tschoud sii, u dä öpper isch me ging säuber gsi. Das isch aune zäme irgendwie am ringschte ggange. Was hinger syg, syg gmääit, hei si de nume gmacht. U dermit isch di Gschicht mit däm Bääbi erlediget 13

IH_Stauffer_Hingerhang.indd 13

23.08.18 13:04

gsi. O wider so nen auti Purereglen äuä, das mit däm Määie, eso ne soublöde Satz, wo me ab u zue het müesse ghöre u sech derbii gfragt het, was die deheime mit ihrem Rääseli äch vom Määie verstöie. U vom Pure. Wüu bi Bieris äne hei de da ganz angeri Regle ggoute. Die hei dert ihrer eigete Gsetz gha, wi me schnäu einisch glehrt het gha. Aber dert isch es schliesslech o nie um Schueu oder Note oder um Inschtrumänt ggange. Dert het men angeri Problem gha. U so tüpischi Erwachsenesätz, wos de nume ging gheisse het, das syg dänk im übertragene Sinn gmeint, sy dert nid gang u gäb gsi wi bi eim deheime. Gäg settigs het me da nid viu dörfen iiwände, eso, wi me us Prinzip gäg di Erwachsene eigetlech gar nüt het iizwände gha. Wüu die dert düre nid eso verruckt flexibu sy gsi. U mängisch isch de grad i settige Momänte d Frag i eim uftoucht, gobs würklech so ersträbenswärt syg, säuber o erwachse z wärde. Aber der Bützu isch ja o erwachse gsi. U irgendwie o nid.

14

IH_Stauffer_Hingerhang.indd 14

23.08.18 13:04

Telemann Meischter gheii nid vom Himu, het me öppe müesse ghöre, u drum isch es de schliesslech o nid bi der Meersou bblibe. Es het scho öppis Grösers häre müesse, wüu a re Meersou der Meischter z zeige, isch ja nid würklech en Useforderig gsi. Vo aune Tier, wo i dere Hisicht wär i Frag cho, het eim ds Ross am meischten überzoge. Nume d Schwoscht het ds Gfüeu gha, si wöugs o no mit emene Hamschter probiere. Säuber het mes gseh gha mit settige Viicher. Aber sie het sech äbe i chlynere Schritte wyterentwicklet aus angeri. Wo du dä Hamschter aber irgendeinisch isch verschwunde gsi u ersch zwo Wuche speter i ihrer Madratze inne wider isch fürecho, u das o nume, wüus i ihrem Zimmer trotz auem Lüfte ging strenger het afa schmöcke, het si de das mit dene meh oder äbe weniger läbige Spiuzüügtierli o äntlech ufggä. Einisch isch de zwar da no dä Schiukrott derzwüsche cho, dä, wo eines Tages isch dür e Garte cho z loufe u me ne de es paar Jahr lang bhaute het, wüu me nid hätti gwüsst, wohäre mit ihm, bis er de wider ggangen isch, so win er isch cho, u mi het glehrt, wi me so nes Tier fachgrächt überwinteret u aues.

Im Panzer het er es Löchli gha, u de het me ne an ere länge Schnuer chönnen aabinge, so dass er nümm dervo het chönnen u am Ändi vo sim Radius de eifach an Ort u Steu gspuelet isch, bis es e Duele het möge gä i ds Rääseli. Zur Sicherheit het men ihm no ne Sugnapfpfiiu vom Pfylebogen uf e Panzer gchläbt, so dass me ne sogar im höche Gras no gfunge hätt, wenn er doch de einisch ab wär. U gliich isch er de einisch am ene Summertag trotz au dene Maassnahme wider furt gsi. E grosse Verluscht isch es nid gsi, wüu aus Gwinn het ne eigetlech nie öpper aagluegt gha. Vilech am 15

IH_Stauffer_Hingerhang.indd 15

23.08.18 13:04

erschte no der Brüetsch. Wüu dä itz o einisch es Tier het chönne striichle, ohni dass er hätt müessen erniesse. Aber e Schiukrott z striichle hets itz o nid würklech bbracht, u gob das Tier das überhoupt het chönne würdige, wär ja de o no so ne Frag gsi. Cha guet sii, dass d Schwoscht das Schnüerli du verschnitte het. Es hätt o guet eim säuber chönnen i Sinn cho sii, aber da derfür isch eim dä Schiukrott, wo ke Mönsch het gnue gärn gha, für ihm überhoupt e Name z gä, de gliich irgendwie z gliich gsi. Mi isch ja scho lang vo däm Chliitiergfotz ewägg cho gsi. U so, wi mes mit dene Viicher gha het, isch es eim o mit den Inschtrumänt ggange. Mi het sech nümme lenger möge mit ere Blockflöte zfride gä. Nid, dass me grad obenuse hätt wöue, aber wyter het me scho wöue cho. U sech siner Ziiu drum nid auzu töif gsteckt. Chatze u Hüng het me ja schliesslech o übersprunge gha u diräkt d Ross aawisiert. U so het mes o mit der Kwerflöte u der Klarinette gmacht. Bubizüüg, so Blasinschtrumänt. E Giige het es müesse sii, nid meh u nid weniger. Das het viu besser tönt. Emu, we me dervo gredt het. Oder we me wider u wider di Kasette het la loufe, wo me sech het gchouft gha, für sech dä ungloublech Ton, wo me säuber o het wöue chönne fürebringe, ging u ging wider vor Ohre z füere. Dass der Paganini oder süsch e Meischter, wo da gspiut het wi der Tüüfu, vilech grad e Chutte z gross isch gsi für ne mit sich säuber z vergliiche, het me sech derbii nid überleit. Aber mi het ja schliesslech o nid hingerfragt, we me di Blitz-Büecher gläse het, wo wiudi Hängschte si zähmt worde, warum dass es niene nüt het gheisse vom Mischte u chaute Scheiche oder Brääme. Vo wytem gseh isch mängs haut grad schnäu einisch viu schöner gsi aus vo naachem aagluegt. Aber das het me schliesslech zersch o mau müesse lehre. U mi het sech de drum so settegi Sache gwünscht, wo derewä verheissigsvou 16

IH_Stauffer_Hingerhang.indd 16

23.08.18 13:04

hei gschune, dass si eim nümm us em Gring hei wöue gah, u mi het ging u ging wider dervo aagfange, bis si de das deheime nümm hei möge ghöre. Un es ugrads Mau hets es de möge gä, dass es gheisse het, de söu me haut. Mi müess das schliesslech säuber wüsse. U mi het genau gwüsst, dass es im Prinzip nume drum ggangen isch, eim la i öppis iche z lauere. Vilech isch denn o grad eso langsam chlei d Moden ufcho gsi, siner Goofe la z mache, für dass si us ihrne Fähler söui lehre. U so het me sech de haut ds einte oder ds angere Mau trumpiert u derbii ddänkt, gschei nüt Bösers. Wes de när nid numen o no jedes Mau gheisse hätt, das hätt si eim scho viu früecher chönne säge. Aber denn i dere Zyt vom Paganini hei si nüt wöue gseit ha, u si hei für so nes Inschtrumänt gluegt, u wis so isch mit de Ziiu, teu sy chlei neecher gläge gsi aus angeri. So isch di Giige auso plötzlech da gsi, uf enes Ross hingäge het me no lang chönne warte. Oder o grad dermit ufhöre, uf das Warte. Settigs isch nämlech nid emau zur Diskusion gstange. Wes einisch dütsch u dütlech Nei het gheisse, de isch es derbii bblibe. Da het der Vatter gar nüt kennt. U was der Vatter einisch gseit het gha, das het ggoute, da het me nümm zur Mueter müesse. Aber mi het ja o nid für nüt der Ruef vom Stürmi gha. Vom stuure Gring, wo sech aui gfragt hei, wo äch dä härchömi. Derbii hätt me gar nid so wyt ume müesse ga sueche. Scho der Grosspeer isch e stuure Siech gsi u der Vatter nid weniger. Nume hätte die das nie zueggä. Si sy ja schliesslech o Manne gsi, u die hei chönne stuur sii, wi si hei wöue, i ihrem Schargon het das konse­ kwänt gheisse. Das syg e gradi Linie. Stuur isch me aus Einzegi säuber gsi. U drum het me o lang ging gmeint gha, mi syg vermuetlech aus Bebe verwächslet worde oder öpper heig eim vor der Hustür uf em Bodetecheli deponiert, so schlächt het me i di Familie passt. Zu däm ambizionierte 17

IH_Stauffer_Hingerhang.indd 17

23.08.18 13:04

Brüetsch, wo fadegrad aui höchen Erwartige het chönnen überträffe, u der härzige Schwoscht mit de länge, blonde Haar. Wo me säuber doch nume so muusbeeschi Fädeli het gha, wo si eim churz abgschnitte hei, scho im Chindergarte, nume wüu denn der Fotograf gseit het gha, itz müess er das Vogunäscht no chli i d Ornig tue, u me drum när uf dere Foto ging nume uf di Riueli gluegt het, wo der Strääu i dene fiine Häärli hingerla het. Di Gschwüschterte hei beidi nie so Problem gmacht wi me säuber mit sim Töipeligring. Em Tüüfu ab em Chare gheit syg me, hets de öppe gheisse. U mit der Zyt het me de das o ggloubt, u vo denn aa isch aues de plötzlech viu ringer ggange. Zwar nid umbedingt mit em Giige spile.

Das isch e Kwau gsi. Meh äuä no für di angere. Aber das isch vilech gnau gno no di einzigi Motiwazion gsi, für wyter­ zmache. Ganz legau het me so d Schwoscht chönne närfe, u mi het drum druf gachtet, ging genau denn z üebe, we si däne i ihrem Zimmer gärn i Rue öppis für sich hätti gmacht.

D Mueter het nie nüt gseit derzue. Aber mit der Zyt sy aui doch de zimlech froh gsi, dass me di freie Namittäg lieber im Rossstau het wöue verbringe u nid deheime mit der Giige. Im Rossstau het me niemer gnärft. Am Bützu isch das nämlech gliich gsi, gob eim der Himu gschickt heigi oder me em Tüüfu ab em Chare gheit syg. Warschiinlech isch dä säuber einisch uf däm Charen obe ghocket u isch rächtzytig abgsprunge, u der Zuefau hets wöue, dass me usgrächnet näben ihm glandet isch. Oder är näb eim. Wobii das mit em Zuefau ja o no so ne Sach isch gsi. Wüu me däm nid grad auzu viu het dörfen überla. Süsch hätts de chönne sii, dass me plötzlech hinger emene Noteständer am Konsi ghocket wäri anstatt im Sattu u eim de niemer meh vo Zyt zu Zyt gfragt hätt, wi aut dass me eigetlech syg. Mi hätt das gmacht, wo aui machen i däm Auter u vilech sogar no meh. Wär 18

IH_Stauffer_Hingerhang.indd 18

23.08.18 13:04

es Wunderching worden u hätt di erschti Giige im Jugendorcheschter gspiut, Beethoven oder süsch öppis, wo guet tönt hätt – u das nid numen em Namen aa. Namittagelang hätt me de Etüde gspiut, ufen u aben u füren u zrugg, dass es nume so ne Fröid wär gsi für aui zringsetum u si stouz wär gsi uf eim, wüu me öppis hätti chönne, wo angeri nie zstang bbracht hätten i däm Auter, u d Stuurheit wär eim zguet cho u dere hätt me itz Ehrgiz gseit, u aus wär i der Ornig gsi.

Nume dass äbe das, wo me het wöue chönne, wo angeri nie im Läbe zstang würde bringe, öppis ganz angers isch gsi, aus wöue Sümfoniie z intoniere. Auso het men em Zuefau ds Zepter nid überla u d Zügu säuber i d Hang gno u s bim Tele­ mann la guet sii.

19

IH_Stauffer_Hingerhang.indd 19

23.08.18 13:04