Ciencies. Cartafueyos Asturianos de Ciencia y Teunoloxía, Payares 2014, Númberu 4

Cartafueyos Asturianos de Ciencia y Teunoloxía Payares 2014 // Númberu 4

Evolución de los protocolos web nel so 25 aniversariu | MENGUA EN DELLOS METROS DE LOS SISTEMES DUNARES COSTEROS N’ASTURIES ¿Nótase yá’l cambéu climáticu? /// /// LA BIODIVERSIDÁ QUE LLEVAMOS CON NÓS. Microbiota autóctono, probióticos y prebióticos /// /// ACEROS AVANZAOS D’ALTA RESISTENCIA /// /// LA NUECHE OSCURA DEL SER. Llocura y sociedá n’Asturies /// ///

REDAICIÓN Conseyu de redaición

SUMARIU 4/

Mengua en dellos metros de los sistemes dunares costeros n’Asturies: ¿Nótase yá’l cambéu climáticu?

Por Ricardo Anadón Álvarez

24/

La biodiversidá que llevamos con nós.

Microbiota autóctono, probióticos y prebióticos Por Juan Evaristo Suárez

Presidenta: Ana María Cano González Direutor: Carlos Lastra López Secretariu Téunicu: Héctor García Gil

Comité d’espublización Mario Díaz Fernández Santiago García-Granda Xabiel García Pañeda Eva García Vázquez Juan José Lastra Menéndez Carlos López Fernández David Melendi Palacio Xosé Antón Suárez Puente Pedro Suárez Rodríguez

38/

Aceros avanzaos d’alta resistencia

Por Pablo García Chao

Diseñu gráficu y maquetación ARAZ.NET

54/

Evolución de los protocolos web nel so 25 aniversariu Por David Melendi Palacio, Xabiel García Pañeda & Roberto García Fernández

80/

La nueche escura del ser: llocura y sociedá n’Asturies. Un repasu a l’asistencia psiquiátrica hasta la Guerra Civil (1936-1939) Por Ignaciu Llope Fernández

EDITA Academia de la Llingua Asturiana C/ L’Águila 10 Apartáu de Correos 574 33080 Uviéu Tfnu. 985 211 837 Fax. 985 226 816 www.academiadelallingua.com alla@academiadelallingua.com AcademiadelaLlinguaAsturiana @ALLA_ast Depósitu Llegal: AS-4862-2011 ISSN: 2174-9639 Imáxenes: fontes al pie de semeya Les opiniones y artículos equí recoyíos son responsabilidá de los sos autores y nun han ser necesariamente compartíos pola revista.

/2/

Ciencies 4 (2014)

(2014) Ciencies 4

/3/

MENGUA EN DELLOS METROS DE LOS SISTEMES DUNARES COSTEROS N’ASTURIES ¿Nótase yá’l cambéu climáticu?

Testu y Semeyes Ricardo Anadón Caderalgu d’Ecoloxía xubiláu Universidá d’Uviéu Los temporales sobrepasaron la duna de La Praya de Navia, dexando a les comunidaes vexetales ellí asitiaes mui dañaes. El sable foi arrastrao contra l’interior, llegando al aparcadoriu. Nesti casu nun yera la primer vegada qu’asocedía esti fenómenu nuna duna tan baxa y recién.

/4/

Ciencies 4 (2014)

Esti artículu encargóse al autor a mou de colofón gráficu del que se dedicó al cambéu climáticu nel númberu anterior d’esta mesma revista (N. del E.)

(2014) Ciencies 4

/5/

/ Mengua en dellos metros de los sistemes dunares costeros d’Asturies

L

es dunes costeres son sistemes dinámicos venceyaos a sableres y arenales que se caltienen al rodiu d’una situación d’equilibriu.

Los aportes de nuevos materiales al traviés del aire compénsense cola perda que se produz per aciu de los temporales marinos . Les variaciones señalaes puen tener un ciclu estacional. Sobro les dunes asítiense comunidaes vexetales que fixen el sable y dan estabilidá a les mesmes.

Les modificaciones nos aportes o les perdes alterarán la situación del sistema dunar. Una mengua de los aportes producíos per aciu de l’aición humana nos ríos, p.ex. los banzaos o estructures costeres como los diques, puen ser axentes causales. Pero, amás de la intervención humana direuta, taría la intervención indireuta venceyada a cambeos del clima: cambeos nos rexímenes de vientos, elevación del nivel del mar… ente otres. Pue alterase la marea meteorolóxica, la direición ya intensidá del folaxe, y por supuestu, l’altor de la marea. Too ello sumao a los cambeos cíclicos na marea astronómica Dende hai unos años vienen observándose alteraciones de los perfiles dunares n’Asturies.

Cuando se deteuten, apaecen escalones cuasi verticales, reflexu d’una retirada de sable de les partes más averaes al mar asociaes a temporales d’iviernu. Pero nel iviernu de 2014 la secuencia repetida de temporales que coincidieron con marees vives astronómiques produxo un retrocesu severu de la mayoría de los sistemes dunares costeros d’Asturies. Nun se pue achacar a una causa concreta’l retrocesu observáu, pero posiblemente la combinación de fuertes temporales con elevación de la marea meteorolóxica, la continuada elevación del nivel del mar, la coincidencia con marees vives y con abonda probabilidá cambeos na direición del folaxe tean

/6/

Ciencies 4 (2014)

detrás d’estos cambeos. Podría ser un avisu de cambeos costeros nun futuru non mui llonxanu.

Nes imáxenes que se presenten darréu faise por amosar la secuencia de cambeos dende 2009 o 2010 (de magar tengo imáxenes disponibles) o de les modificaciones que se produxeron nos dos últimos temporales del iviernu. Les sableres y dunes que s’amuesen son d’occidente a oriente: La Praya de Navia, La Praya de Frexulfe, La Playa de Barayu, Los Quebrantos/El Sablón, La Playa Salinas, La Playa Rodiles y Playa Vega. L’orde escoyíu ye amosar les sableres de les que se tienen imáxenes d’años anteriores en primer llugar, p’amosar les que sufrieron tresformaciones nos últimos años.

La playa de Barayu (Outur, Valdés)

En febreru de 2010 la duna de Barayu presentaba un corte apreciable del frente dunar, magar que tovía caltenía les comunidaes vexetales colonizadores, sobre manera Ammophila (na imaxe, verde claro nel frente dunar). Nel llau oriental de la sablera pue vese que la duna llega per delantre d’un espolón rocosu, señaláu cola flecha. En setiembre de 2012, la situación yera asemeyada a la de 2010: Nun s’apreciaba retrocesu de la duna, anque nun se notaba tampoco recuperación nenguna.

(2014) Ciencies 4

/7/

/ Mengua en dellos metros de los sistemes dunares costeros d’Asturies

La playa de Barayu (Outur, Valdés)

La parte de la desembocadura del ríu nun presenta modificaciones apreciables fuera de pequeños escalones nel sable resultáu del fluxu d’agua nel estuariu.

N’avientu de 2012 pue vese la turria que yá s’observó en 2010, pero con aportes de sable na base y la presencia de delles plantes colonizadores. Podría representar una recuperación llixera del perfil «normal» de la duna, que nun s’apreciaba na semeya anterior.

Na imaxe pue vese que los efeutos sobro la duna nun yeren homoxéneos en tol frente dunar, sinón que contra l’occidente de la sablera (al fondu na imaxe) siguía activa la perda de sedimentu. L’escalón nel sable que se ve en primer planu sedría reflexu de l’actividá erosiva diferencial en zones del arenal.

L’escalón del frente dunar llegaba al metru d’altor en delles zones. Representa una modificación notable del perfil dunar, que suel presentar una pendiente suave y continua contra’l mar.

/8/

Ciencies 4 (2014)

(2014) Ciencies 4

/9/

/ Mengua en dellos metros de los sistemes dunares costeros d’Asturies

La playa de Barayu (Outur, Valdés) Dempués de los dos primeros temporales del añu 2014 el retrocesu del frente dunar algamó gran importancia. L’espolón rocosu, tovía anubiertu pola duna en 2010 y 2012, quedó albentestate. Representa un retrocesu de dellos metros del frente dunar, que, al empar, algama dellos metros d’altor. Cuasi tola parte clara del frente dunar que s’aprecia na semeya de la páxina 7 sumióse.

Si se mira con más detalle vense tapinos d’Ammophila cayíos na base y un pequeñu escalón secundariu. L’altor del cortáu ye de dellos metros.

/10/

Ciencies 4 (2014)

Dempués del últimu gran temporal del iviernu’l frente dunar retrocedió dellos metros más (marzu de 2014). Compárese la situación del espolón rocosu al fondu (flecha colorada) colos de les semeyes a la izquierda y en páxina 7. Tamién destaca la desapaición del pequeñu escalón secudnariu que s’aprecia na semeya que ta embazo a la izquierda.

La vexetación afeutada dempués del últimu temporal inclúi acomunidaes más afitaes, con un suelu incipiente. Tamién afeutó a dellos pinos que taben colonizando estes nueves comunidaes de la duna.

(2014) Ciencies 4

/11/

/ Mengua en dellos metros de los sistemes dunares costeros d’Asturies

La playa de Barayu (Outur, Valdés)

La Playa Salinas / La Playa San Xuan (Salinas / San Xuan, Castrillón) Na parte del ríu la perda de sable foi tamién importante, atopándose restos de materiales arrastraos pol folaxe na zona d’Ammophila que se ve na semeya inferior de la páxina 8 nel primer reconcu del ríu; esto reflexaría que l’agua debió pasar per enriba d’estes zones.

Los primeros temporales del añu 2014 supunxeron un impautu mui importante pa les dunes de les playes de Salinas y San Xuan. Dende’l dique del paséu de Salinas, hasta’l dique d’entrada a la Ría d’Avilés perdióse práuticamente tol frente dunar hasta la cimera de les dunes primaries. L’altor qu’algamó’l corte yera de más de 4 metros.

L’efeutu del mar non solo llegó a les dunes sinón tamién a partes del cantil de la zona oriental de la sablera (al fondu de les semeyes de les páxines 7, 9 y 10). Modificaciones asemeyaes puen vese n’otros cantiles, magar que nun son oxetu d’esti trabayu.

/12/

Ciencies 4 (2014)

Polos restos que se ven na sablera pue deducise que’l folaxe cutía na base de la duna cola consiguiente retirada de sable. Dende la cimera hubo argayos hasta llograr una nueva situación d’equilibriu pa l’arena moyao.

(2014) Ciencies 4

/13/

/ Mengua en dellos metros de los sistemes dunares costeros d’Asturies

La Playa Salinas / La Playa San Xuan (Salinas / San Xuan, Castrillón) L’últimu temporal del iviernu de 2014 retrasó la duna de forma apreciable, perpasando en muchos puntos la cresta de la duna primaria. Esto afeutó a comunidaes a sotaventu de la duna y a los paseos y miradorios (semeya de marzu de 2014).

Dempués del branu les pendientes de la duna suavizaron. L’arena seco tien una pendiente d’equilibriu menor que lo moyao, polo que se produciríen esllizamientos a lo llargo de tol branu hasta llograr un nuevu equilibriu (semeya de setiembre de 2014).

Ente les especies afectaes a sotaventu de la cresta de la duna primaria había unes mates de borrachinal.

/14/

Ciencies 4 (2014)

Al quedar les raíces al aire, pola mor de la perda de sable, les plantes del borde secaren. Los llabores de limpieza de la sablera pue que motivaren tamién que se caltenga una pendiente homoxénea na duna.

(2014) Ciencies 4

/15/

/ Mengua en dellos metros de los sistemes dunares costeros d’Asturies

La Praya de Frexulfe (Piñeira, Navia) Na playa de Frexulfe les dunes foren afeutaes tan aína como nel iviernu de 2009, inda que non en tol frente dunar (flecha azul). L’espolón rocosu señaláu cola flecha colorada asitiábase tres de la duna.

Un bon indicador de la magnitú del retrocesu pue vese nel espolón rocosu qu’agora sobresal sobro la sablera. En 2009 la duna llegaba per delantre d’esi espolón.

Dempués de los temporales del 2014 el frente de la duna retrocediere dellos metros, de lo que ye señal l’espolón rocosu (flecha colorada) que yá sobresal dalgunos metros sobro la sablera (febreru de 2014).

/16/

Ciencies 4 (2014)

(2014) Ciencies 4

/17/

/ Mengua en dellos metros de los sistemes dunares costeros d’Asturies

Los Quebrantos / El Sablón (L’Arena, Sotu’l Barcu) En tol frente dunar de la playa de Los Quebrantos prodúxose un escalón dempués de los dos primeros temporales del iviernu de 2014. En delles partes más baxes el folaxe perpasare’l frente dunar depositando morgazu, maderos y plásticos bien pa dientro na duna.

En pasando l’últimu gran temporal del iviernu de 2014 l’escalón frontal de la duna retrocediere dellos metros y sobrepasare la duna en dalgunos puntos. L’efeutu notábase a lo llargo de tola sablera.

Les infraestructures construyíes nel frente dunar quedaron dañadas pol folaxe qu’estrozó los diques defensivos. El paséu podíen transitalu les persones que s’averaben a ver los efeutos del temporal.

/18/

Ciencies 4 (2014)

Una parte importante del paséu dañáu nos temporales anteriores foi destruyíu nel últimu.

La plataforma de cementu esbarrumbó y dalgunes partes foren desplazaes dellos metros hacia atrás. Munches de les pieces del suelu foren llevaes decenes de metros nel interior de la duna.

(2014) Ciencies 4

/19/

/ Mengua en dellos metros de los sistemes dunares costeros d’Asturies

La Playa Rodiles (Seloriu, Villaviciosa)

Na parte occidental de la sablera, l’escalón que se formó foi más baxu.

A primer vista paecía que les zones de pasu pa les duches foren les más afectaes, quiciabes porque tienen menos vexetación o por haber menos sable nesos puntos.

La Playa Rodiles viose afeutada sobre manera na so parte oriental, onde se formó un escalón de más de dos metros d’altor (marzu de 2014).

Les foles perpasaron los frentes dunares en dellos puntos arrastrando materiales vexetales y pasareles contra l’interior del ocalital. Tamién afectaron a partes que rayen cola escollera d’entrada a la ría, onde retiró sable y rompió una parte importante de les pasareles del paséu.

/20/

Ciencies 4 (2014)

(2014) Ciencies 4

/21/

/ Mengua en dellos metros de los sistemes dunares costeros d’Asturies

La Playa Vega (Berbes, Ribeseya) En delles partes de la duna, les comunidaes afectaes constituyíen yá praderes esplotaes pal ganáu, lo que se nota polos postes de llendes ente los praos.

La parte occidental de la sablera perdió l’arena dexando espuestes les plataformes rocoses. El suelu y la vexetación que se desendolcaba na base de los cantiles llavólos l’aición del folaxe, dexando la roca espuesto.

En La Playa Vega viose la formación d’un importante escalón nel frente dunar qu’abarcaba tola sablera. El folaxe llegó hasta los aparcadorios (marzu de 2014).

/22/

Ciencies 4 (2014)

(2014) Ciencies 4

/23/

LA BIODIVERSIDÁ QUE LLEVAMOS CON NÓS Microbiota autóctono, probióticos y prebióticos

IZQUIERDA SUPERIOR Henry Tissier: en 1899 deteutó que nes fieces de neños amamantaos apaecíen bacteries biforcaes (Lactobacillus bifidum, posteriormente Bifidobacterium spp.) que nun taben presentes nes de los alimentaos con lleche de fórmula.

Postuló qu’eses bacteries sedríen responsables de la menor morbilidá del primer grupu.

Por Juan Evaristo Suárez Caderalgu de Microbioloxía Departamentu de Bioloxía Funcional. Universidá d’Uviéu

/24/

Ciencies 4 (2014)

DERECHA SUPERIOR Ilya Metchnikoff: recibió’l premiu Nobel en 1875 por descubrir la fagocitosis. En 1909 fixo un viaxe a los Balcanes, au observó que la xente vivía hasta edaes mui avanzaes. Rellacionó esti fechu col consumu de yogur.

CENTRU INFERIOR Minoru Shirota: pediatra xaponés qu’en 1929 aislló una cepa de Lactobacillus casei de les fieces d’un neñín y alministróyla a otros que carecíen de foria infecciosa, llogrando que curaren.

(2014) Ciencies 4

/25/

/ La biodiversidá que llevamos con nós. Microbiota autóctono, probióticos y prebióticos

L

a microbiota autóctono, d’ocupación o indíxena, ta constituyío pol conxuntu de microorganismos que colonicen de mou estable la superficie epidérmica y la de les mucoses. La microbiota xuega un papel esencial na nuesa vida, hasta’l puntu de qu’esta sedría imposible na so ausencia; poro, la rellación ye, xeneralmente, mutualista (beneficiosa pa los dos socios de la simbiosis). Los microorganismos que lo componen son mui abondantes, el so númberu perpasa nunes diez vegaes al de célules del nuesu propiu organismu y, por exemplu, la metá del volume de les nueses fieces ta constituyíu por microorganismos qu’habiten nel nuesu aparatu dixestivu y que foron arrastraos al esterior. Agora bien, la simbiosis pue convertise en parasitaria si concurren circunstancies especiales, principalmente disfunciones de la respuesta inmune.

Vamos repasalo agora peles distintes partes del cuerpu humanu: La microbiota de la piel La piel ye la capa más esterna del cuerpu; polo tanto ye fácilmente colonizable polos microorganismos ambientales. Sicasí ta, en xeneral, seco, ye ácido, carez d’abrasiones continues y los nutrientes son escasos, lo que llimita muncho los microorganismos que puen establecese sobre ello. Estes condiciones tan males amenorguen, nos humanos, nes glándules sudorípares y sebácees y nos folículos pilosos, nos qu’hai más humedá y nutrientes.

Les bacteries constitúin al rodiu del 95% de la microbiota de la piel, predominando les pertenecientes a los filos Actinobacteria (60% del total) y Firmicutes (25%). Les primeres tán representaes por corinebacteries y propionibacteries, mentanto que Staphylococcus epidermidis sedría’l representante cuasi esclusivu de les se-

/26/

Ciencies 4 (2014)

gundes. Tamién apaecen fungos, principalmente del xéneru Malassezia (que, como veremos, son beneficiosos, pero de los que la so proliferación escesiva ye l’orixe de la faílla o caspa) y ácaros (arácnidos microscópicos) que viven nos folículos pilosos (Tabla 1).

La colonización de la piel nun ye uniforme.

Nes partes más seques, como los antebrazos, la parte anterior de les piernes y el revés de les manes, hai pocos microorganismos y, paradóxicamente, la mayor diversidá, lo que suxer contaminación continuada más que residencia estable. Los pliegos (veríes, sobacos, espacios interdixitales, etc.) son les partes más llentes de la piel y nellos predominen les corinebacteries y los estafilococos. Nestes zones hai unes glándules especiales que segreguen, amás de sudor, un llubricante qu’evita la rozadura ente los dos llaos del pliegu. Esta secreción úsenlo como alimentu les bacteries predominantes en cada zona, siendo los productos de refugaya resultantes, los responsables del so golor peculiar. Pa cabu, nes rexones sebácees humanes (el cueru cabelludo, detrás de les oreyes, la cara, el llombu, etc.) predominen les propionibacteries y Malassezia, que degraden los lípidos presentes nel sebu (nomao tamién «grasa educao») y lliberen ácidos grasos, contribuyendo decisivamente al ph ácido de la piel y na so proteición frente al establecimientu d’organismos patóxenos.

Dominiu

Reinu

Filu / División

Clas

Exemplu

Archaea (arquees)

Archaea (arquees)

A.II. Euryarcheota (euriotes, euriarqueotes)

Methanobacteria (metanobacteries)

Metanóxenos intestinales

Gammaproteobacteria

Escherichia (intestín gruesu)

Epsilonproteobacteria

Helicobacter (estómagu)

Clostridia (clostridios)

Lachnospira, Faecalibacterium, Roseburia (intestín gruesu)

Bacilli (bacilos)

Lactobacillus (vaxina, intestín delgáu), Staphylococcus (piel), Streptococcus (boca)

B.XIV. Actinobacteria (actinobacteries)

Actinobacteria (actinobacteries)

Bifidobacterium (intestín gruesu), Propionibacterium (piel, intestín gruesu), Corynebacterium (piel), Gardnerella (vaxina)

B.XX. Bacteroidetes (bacteirodetes)

Bacteroidetes (bacteirodetes)

Bacteroides, Prevotella (intestín gruesu)

Rhizopoda (rizópodos)

Amebes comensales (boca, intestín)

Mastigophora (mastigóforos)

Giardia (duodenu)

Ascomycota (ascomicetos, ascomicotes)

Saccharomycetes (sacaromicetos)

Candida (vaxina, boca, intestín gruesu)

Basidiomycota (basidiomicetos o basidiomicotes)

Exobasidiomycetes (exobasidiomicetes)

Malassezia (piel)

Arthropoda (artrópodos)

Arachnida (arácnidos)

Demodex (ácaros de la piel)

B.XII. Proteobacteria (proteobacteries)

B.XIII. Firmicutes (firmicutes) Bacteria (bacteries)

Protista/ Protoctista (protistes)

Eukaryota (eucariotes)

DERECHA Tabla 1. La diversidá taxonómica de los microorganismos que conformen la microbiota autóctono y citaos nesti trabayu.

Bacteria (bacteries)

Fungi (fungos)

Animalia (animales)

Protozoa (protozoos) (dellos filos)

(2014) Ciencies 4

/27/

/ La biodiversidá que llevamos con nós. Microbiota autóctono, probióticos y prebióticos

L’aparatu dixestivu presenta multitú de conductos y cavidaes y en caún d’ellos atopamos un microbioma humanu carauterísticu (Fig. 1).

Boca: bayura de bacteries, protozoos y formientos. El papel mutualista de munches d’elles ye discutible; d’esti mou, los estreptococos y dalgunes otres bacteries causen caries y otros problemes dentales pola mor de que producen ácidu qu’ataca l’esmalte de los dientes.

Los formientos son responsables de les aftes qu’apaecen, con frecuencia, na mucosa de les persones inmunodeprimíes.

Esófagu: nun hai colonización permanente; l’esófagu ye un conductu virtual (ta colapsáu pola musculatura que lu arrodia pa evitar re-

ARRIBA Figura 1. Esquema del aparatu dixestivu, con indicación de les concentraciones de microorganismos presentes en cada parte del mesmu; ucf: unidaes formadores de colonies o célules viables. Imax cedida por Claudia Herrera y Francisco Guarner del Hospital Vall d’Hebron, Barcelona.

/28/

Ciencies 4 (2014)

gurxitaciones), pel que s’abre camín la comida y arrastra a los posibles microorganismos que pudieren intentar establecese nel mesmu.

Estómagu: fundamentalmente llactobacilos.

L’acidez estomacal ye una barrera cuasi infranqueable pa los microorganismos qu’inxerimos cola comida y la bebida, protexendo d’esta miente al intestín frente a les infeiciones. La concentración de llactobacilos ye tan baxa que nun se sabe si exercen daqué efeutu mutualista significativu. Per otra parte, aproximadamente’l 40% de la población contién Helicobacter pylori, que s’asocia a la producción de gastritis, úlceres péptiques ya inclusive dellos tipos de cáncer gástricu.

Intestín delgáu: nel duodenu la microbiota ye escaso, entá permanez parte de l’acidez estomacal y nél desemboquen los conductos biliar y pancreáticu. La bilis ye tóxico pa munches bacteries y el fluyíu pancreático contién una serie d’enzimes que podríen, lliteralmente, dixerir les bacteries que s’establecieren ellí. Nel yeyunu va incrementándose la concentración bacteriana, que ta formada principalmente por llactobacilos.

Nel ileón la concentración y diversidá de los microorganismos residentes aumenta rápidamente y va reflexando adulces la que tendremos nel intestín gruesu.

Intestín gruesu: la densidá microbiana ye enorme; ta dominada por bacteries, pero tamién hai arquees, fungos (formientos) y protozoos (Tabla 1) (Fig. 4B). Amás d’una enorme densidá, hai una gran diversidá; calcúlase qu’hai más de 500 especies ocupando esi hábitat, de mou que, nel so conxuntu,

DERECHA Figura 2. Micrografía óptica de célules de Bifidobacterium longum. Nótese la morfoloxía biforcada que da nome al xéneru. Semeya cedida por Patricia Ruas (Grupu de probióticos del Institutu de Productos Llácteos d’Asturies).

dan llugar a un ecosistema estraordinariamente maduru y, en resultes d’ello, resistente a la inducción de cambeos dende l’esterior: ye lo que se denomina la homeostasis intestinal. Dientro de los grupos bacterianos qu’habiten nel intestín gruesu, los más abondosos son los Firmicutes y los Bacteroidetes, que constitúin aproximao’l 35% del total en cada casu, siguíos peles Actinobacteries, que sedríen dalgo menos del 10%.

Los xéneros más abondantes dientro de los Firmicutes son Faecalibacterium y Roseburia; al grupu de los Bacteroidetes pertenecen les bacteries de los xéneros Bacteroides y Prevotella, que son los más abondantes nel hábitat intestinal, siendo les Actinobacteries más frecuentes les encuadraes dientro del xéneru Bifidobacterium (Fig. 2). La inmensa mayoría d’estes bacteries son anaerobies estrictes; ye dicir, llogren la enerxía que necesiten per aciu de la formentación o de la respiración anaerobia, siendo estremadamente susceptibles al oxíxenu. Esta llimitación túvoles nel anonimatu hasta que se desendolcaron los métodos independientes de cultivu, qu’identifiquen a los microorganismos pente medies del análisis de la secuencia de nucleótidos de los sos xenomes.

¿Cómo se produz la colonización del aparatu dixestivu?

De primeres nel partu, como consecuencia del contautu del neñu cola microbiota vaxinal y lo propio de la zona perineal. Esta colonización vese favorecida pol pH gástrico relativamente elevao (non ácido) y la secreción atenuada de bilis, típico de los recién nacíos. La evolución posterior de la microbiota va tar mui venceyada al réxime alimenticiu del neñu. Asina, nos primeros meses namás tomará lleche, lo que promoverá l’establecimientu de llactobacilos y bifidobacteries; los primeros porque metabolicen la llactosa mui eficazmente y les segundes por cuenta de que na lleche humano hai una serie d’oligosacáridos complexos qu’utilicen perbién.

Estos oligosacáridos nun s’atopen na lleche d’otros mamíferos y nun son asimilables por nós, polo que paez que la so función sedría precisamente favorecer l’establecimientu de les bifidobacteries nel nuesu intestín. A los 5-6 meses d’edá entama la toma de papielles de frutes, lo que supón l’aporte d’otros azucres y de polisacáridos y promueve la colonización por bacteries de la división Firmicutes y la diversificación del ecosistema intestinal. Ente unes dos selmanes y

(2014) Ciencies 4

/29/

/ La biodiversidá que llevamos con nós. Microbiota autóctono, probióticos y prebióticos

un mes dempués emprima la alimentación con purés de verdures, que tienen multitú de polisacáridos complexos y faciliten la llegada de los Bacteroidetes y l’asentamientu definitivu de los Firmicutes. L’adición paulatina de carne, xema de güevu y pescáu a los purés provocaría la colonización por Escherichia coli y otres proteobacteries, de mou que nel momentu del cambéu a una dieta adulta yá taríen nel intestín tolos actores que determinarán l’asentamientu d’una microbiota maduro y compensao, lo qu’asocede, arriba o abaxo, a partir de los dos años d’edá.

Microbiota del aparatu xenitourinariu Les diferencies anatómiques y fisiolóxiques del aparatu uroxenital d’homes y muyeres obliga a que los tratemos separadamente.

Home: La microbiota ye escaso pola mor de que’l mexu llava la uretra periódicamente y a que l’orificiu de salida ta mui xebráu del anu, que ye la fonte principal de contaminación del aparatu escretor. Por eso les infeiciones urinaries son infrecuentes nos homes, sacante qu’heba circunstancies predisponentes como l’usu de pañales o calles; asina, son relativamente comunes en vieyos y en neños pequeños, siendo esti l’únicu tramu de la vida en que la infeición urinaria ye más frecuente n’homes qu’en muyeres.

Muyer: Pola mor de la xebradura ente la uretra y la vaxina (Fig. 4), el mexu nun llava esta última cavidá, permitiendo asina l’establecimientu d’una microbiota estable nella. Esto faila, al empar, susceptible a la infeición, fundamentalmente dende’l tractu entéricu, por cuenta de la proximidá de la vulva y l’anu. La vaxina ye, amás, una estación intermedia que facilita l’accesu de

/30/

Ciencies 4 (2014)

ARRIBA Figura 3. A) Aspeutu de la mucosa del colon vista per microscopía de barríu. Imaxe cedida por María Vicario y Francisco Guarner del Hospital Vall d’Hebron, Barcelona. B) Célula de la mucosa vaxinal cubierta de llactobacilos. Imaxe tomada de la Tesis Doctoral de Soledad Boris, Universidá d’Uviéu.

DERECHA Figura 4. Posición relativa de los muérganos del aparatu reproductor femenín onde se ve la proximidá de les víes urinaria, reproductora y dixestiva, lo que facilita l’espardimientu microbianu d’unes a otres. (N del E.)

la microbiota intestinal a la uretra, hasta’l puntu de que, cuasi invariablemente, la infeición de la vexiga urinaria vien precedida pola presencia del axente causal na vaxina. El llargor curtiu de la uretra facilita tamién la llegada de microorganismos indeseables a la vexiga y la producción de cistitis y otres afeiciones renales.

Agora bien, los microorganismos predominantes na vaxina camuden cola edá y l’actividá endocrina. Asina, nes neñes premenárquiques l’epiteliu vaxinal ye fino y ta bastante seco, lo

que determina que la microbiota predominante seya lo de la piel más un reflexu de lo intestinal que contamina la zona perineal. Esta microbiota ye transitorio, de forma que si la colonización ye permanente, ye porque hai una fonte continua de nuevos microorganismos. La llegada a la pubertá, provocada pol aniciu de la producción d’estróxenos, va xenerar un aumentu del espesor del epiteliu vaxinal y la secreción d’un exudáu que favorez la colonización por llactobacilos y, en menor midida, por Gardnerella vaginalis, Candida albicans y otros, que puen convertise en patóxenos si proliferen enforma. Les especies de Lactobacillus más habituales na mucosa vaxinal son L. crispatus, L. jensenii, L. gasseri y L. iners. Los llactobacilos producen ácidu lláctico y agua oxixenao (Fig. 5A) qu’eliminen a los microorganismos d’orixe intestinal y controlen la densidá de los patóxenos potenciales.

Nel embarazu induzse una cierta inmunosupresión pa evitar el refugu del embrión, porque esti producirá antíxenos paternos y, polo tanto, estraños pal sistema inmunitariu maternu. Esti efeutu vese compensáu pol incrementu de la concentración d’inmunoglobulina a y de célules fagocítiques y la disminución del ph vaxinal. Esti últimu efeutu ye pola mor del incrementu de la concentración de llactobacilos y de l’acidez que producen, sobre manera nel tercer trimestre del embarazu. La razón d’estos cambeos sedría doble; per

(2014) Ciencies 4

/31/

/ La biodiversidá que llevamos con nós. Microbiota autóctono, probióticos y prebióticos

La microbiota autóctono suministra nutrientes, aprovecha los non dixeribles, desendolca’l sistema inmunitariu y compite colos microbios patóxenos.

DERECHA Figura 5. A) Colonies de llactobacilos vaxinales nun mediu de cultivu nel que los productores d’agua oxixenao anicien colonies escures. Tomao de la Tesis Doctoral de Rebeca Martín, Universidá d’Uviéu. B) Micrografies electróniques de célules de llactobacilos enantes (D) y 30 minutos dempués d’amesta-yos plantaricinaC (E y F), una bacteriocina producida por un Lactobacillus plantarum aislláu del quesu Cabrales. Tesis d Beatriz González, Universidá d’Uviéu.

/32/

Ciencies 4 (2014)

un llau, la proteición de la mucosa vaxinal y del fetu frente al desendolcu de procesos infeiciosos per vía ascendente y, per otru, el desaniciu de posibles axentes nocivos que pudieren inducir patoloxía na ma (fiebres puerperales) o nel recién nacíu (por exemplu, meninxitis por Streptococcus agalactiae), derivaes de la infeición nel momentu del partu.

La menopausia provoca una gran mengua del exudáu vaxinal, de la densidá de los microorganismos residentes y el cambéu de la microbiota predominante, que pasa a tar constituida por bacteries intestinales y de la piel, como ocurría cuando la neñez. Como consecuencia, amenorguen les infeiciones vaxinales típiques y aumenta la patoloxía urinaria, causada fundamentalmente por bacteries entériques. Esti efeutu pue revertise parcialmente con terapia hormonal, que mimetizará les condiciones de la vaxina cuando la edá fértil y conducirá, otra vuelta, a la dominancia de los llactobacilos na cavidá.

Funciones de la microbiota autóctono Les principales son cuatro y actúen constantemente, razón pola que, paradóxicamente, pasen desapercibíes: • 1. Suministru de nutrientes esenciales, como les vitamines y dellos aminoácidos; la necesidá d’inxestión d’estos amenorga precisamente pola mor de los producíos pola microbiota indíxena.

• 2. Aprovechamientu de nutrientes non dixeribles: De los múltiples glúcidos complexos que s’inclúin na nuesa dieta, namás tres, la sacarosa, la llactosa (non siempre) y l’almidón, son dixeribles poles nueses propies enzimes. El restu, como la celulosa y les pectines d’orixe vexetal o los glicosaminoglicanos de la carne (heparán y condroitín sulfatu ente otros) lleguen al intestín gruesu cuasi intautos. Ellí degrádalos la microbiota autóctono que xenera h2, co2 y ácidos grasos de cadena curtia. Estos últimos inhiben el

xorrecimientu d’organismos patóxenos, son una fonte d’enerxía fundamental pa los enterocitos (principalmente l’ácidu butírico) y neutralicen los grupos amoniu xeneraos pola desaminación de los aminoácidos y otros nutrientes. Per otru llau, esos ácidos grasos de cadenes curties, incrementen tamién la presión osmótica lluminal, induciendo la secreción d’agua y, xunto a los gases xeneraos, aumenten el volume de les deposiciones y too ello estimula’l peristaltismu intestinal. Pa cabu, los ácidos acético y propiónico van al fégadu; ellí, el primeru ye convertíu n’acetil coenzima a ya intégrase nel ciclu de Krebs y nes rutes de síntesis de llípidos, mientres que l’ácidu propiónico s’incorpora a les rutes del catabolismu glucídicu. Postúlase que la microbiota colónico contribúi con más de 500 kcal diaries al nuesu metabolismu, siendo esencial la so actividá nos países subdesarrollaos, nos que la dieta suel ser muy rico en glúcidos complexos.

• 3. Desendolcu del sistema inmunitariu: Les bacteries en xeneral y les de la microbiota d’ocupación en particular, presenten na so superficie componentes que contribúin a la puesta a puntu de les nueses defenses frente a la infeición. Por tanto, el contautu continuu ente elles y el sistema inmunitariu ye una mena d’entrenamientu que lu caltién en bona forma pa poder repeler con eficacia a los axentes infeiciosos.

• 4. Antagonismu microbianu: Fai referencia a la capacidá de tornar l’asentamientu de microorganismos foráneos, potencialmente patóxenos, sobre les nueses mucoses.

(2014) Ciencies 4

/33/

/ La biodiversidá que llevamos con nós. Microbiota autóctono, probióticos y prebióticos

Mecanismos implicaos nel antagonismu microbianu Hai tres principales, la interferencia cola colonización de les mucoses, la producción de compuestos antimicrobianos y la coagregación colos patóxenos potenciales.

• Interferencia cola colonización: L’establecimientu d’un microorganismu nuna cavidá depende de la so capacidá d’adherise al epiteliu y d’aprovechar les condiciones ambientales de la mesma. L’adherencia depende del reconocimientu ente molécules superficiales del microorganismu (adhesines) y del hospedador (receutores).

L’aprovechamientu del ambiente inclúi la utilización eficaz de los nutrientes disponibles y l’adautación a les condiciones del mesmu (ph, po2, etc.). La microbiota d’ocupación ta dafechamente adautada a vivir nes nueses cavidaes (Figura 3A, 3B), lo qu’esplica que l’establecimientu de patóxenos namás asoceda cuando se desanició la microbiota normal (por exemplu, tres un tratamientu con antibióticos per vía oral) o cuando se produz una invasión estraordinariamente numberosa (caso del cólera o de les toxiinfecciones por Salmonella).

• Producción de compuestos antimicrobianos: Les bacteries de la microbiota xeneren multitú de sustancies con capacidá antibiótica como los ácidos y l’agua oxixenao (Figura 5A), que s’obtienen per aciu de formentación de los glúcidos, y les bacteriocines (Figura 5B), que son péptidos que formen poros nes membranes y/o inhiben la síntesis de la parede bacteriana, siendo, por ello, bactericíes.

/34/

Ciencies 4 (2014)

• Coagregación colos patóxenos: dellos miembros de la microbiota apiéguense a los organismos estraños ya tornen la unión cola mucosa; al empar, la vecindá d’entrambos aumenta la efectividá de los compuestos antimicrobianos que pudiere producir el mutualista.

Los perxuicios achacables a la microbiota d’ocupación son, fundamentalmente, dos: • 1. Infeiciones endóxenes: los microorganismos autóctonos puen comportase como patóxenos si penetren al mediu internu o si se faen mui abondosos. Asina, Bacteroides ye beneficioso nel intestín gruesu, pero conviértese nun patóxenu mui peligrosu si invade la cavidá peritoneal. Una situación de descompensación ye la que conduz a la vaxinitis causada pol fungu Candida albicans. Esti formientu forma parte de la microbiota vaxinal y en condiciones normales nun ye patóxeno, pero sí, si se fai predominante nesta cavidá.

• 2. Xeneración de sustancies carcinoxéniques: el metabolismu de los nutrientes y los ácidos biliares pola microbiota indíxena conduz, dacuando, a la xeneración de sustancies que puen tresformar a les célules intestinales en tumorales. Por eso ye importante que los restos permanezan pocu tiempu nel organismu: habrá menor oportunidá de que se xeneren molécules nocives y de qu’estes interaicionen coles célules de la mucosa del colon.

Probióticos son microorganismos que, alministraos cola dieta, resulten beneficiosos pa la salú. Prebióticos son compuestos non dixeribles qu’estimulen el xorrecimientu de la microbiota autóctono.

Organismos probióticos La Organización Mundial de la Salú defínelos como «microorganismos vivos que, cuando s’alministren en cantidaes acionaes, confieren un beneficiu a la salú del consumidor». De mano, cualquier componente de la microbiota d’ocupación podría ser candidatu a convertise en probióticu, darréu que toos ellos contribúin, potencialmente, a xenerar los beneficios qu’otorga’l conxuntu. Sicasí, na práutica pertenecen fundamentalmente a dos grupos microbianos: los llactobacilos (Figura 5A) y les bifidobacteries (Figura 5B). La razón d’esto ye que son probablemente los únicos, dientro de los que colonicen les nueses mucoses, que son inocuos baxo (cuasi) cualquier circunstancia y que, por ello, foron reconocíos como organismos gras (generally regarded as safe) y qps (qualified presumption of safety) por la Food and Drug Administration de los Estaos Xuníos y la European Food Safety Authority, respeutivamente. Agora bien, la falta de virulencia ye una condición necesaria, pero non abondo pa considerar a un microorganismu como probióticu. Dientro de les carauterístiques deseables qu’han cumplir, ta l’adautación a les condiciones de la cavidá diana y una bona adherencia al epiteliu que la recubre (por eso prefiérense organismos con esi mesmu orixe), la xeneración de sustancies antimicrobianes, l’ausencia

de resistencies tresmisibles a antibióticos y, sobre manera, qu’heba ensayos clínicos que certifiquen que les espeutatives remanecíes de les sos bones propiedaes in vitro, se cumplen tres la so alministración a voluntarios, previniendo l’apaición de cuadros concretos o collaborando na so resolución.

Beneficios asociaos a l’alministración d’organismos probióticos: aquellos pa los qu’hai una mayor evidencia divídense en tres categoríes: • Reversión de sintomatoloxíes de mala dixestión. L’exemplu típicu ye la resolución de la intolerancia a la llactosa. Los llactobacilos degrádenlo ya torguen asina que llegue ensin dixerir al intestín gruesu y ocasione flatulencia, distensión abdominal y foria, ente otros síntomes.

• Reposición de la microbiota dempués de que lo residente se desaniciere por cualquier causa. Los casos meyor demostraos son la reversión de la foria causada por tratamientu con antibióticos y la de les fories de neños producíes por rotavirus. N’entrambos casos l’organismu probióticu vien a ocupar la superficie mucosa que quedó erma, constituyendo asina una solución d’emerxencia qu’atenúa los síntomes y facilita la recolonización polos microorganismos indíxenes.

(2014) Ciencies 4

/35/

/ La biodiversidá que llevamos con nós. Microbiota autóctono, probióticos y prebióticos

• Nesti apartáu englobaríase tamién la prevención de recidives de vaxinosis y de vaxinitis mediada por llactobacilos probióticos, alministraos tres del tratamientu específicu colos antibióticos apropiaos.

• Prevención de la mastitis na llactancia. La secreción de lleche aumenta la humedá de los conductos galactóforos y crea condiciones afayadices pal establecimientu d’organismos patóxenos nellos. Va poco demostróse de mou fidedignu que llactobacilos alministraos per vía oral puen colonizar los conductos y torgar l’asentamientu de bacteries indeseables, previniendo, ya inclusive curando, les mastitis.

• Otros: Hai otres afeiciones nes que los microorganismos probióticos paecen exercer un efeutu beneficiosu, magar que la evidencia nun ye tan sólida como nos casos yá descritos; ente elles podemos mentar per orde de mayor a menor evidencia, la enterocolitis necrotizante (una afeición típica de neños prematuros que, al ser poco frecuente, dificulta la obtención de datos con significación estadística), la enfermedá inflamatoria intestinal y la colitis pseudomembranosa.

Prebióticos Denomínense asina a compuestos non dixeribles, presentes na dieta, qu’estimulen el xorrecimientu o l’actividá de los microorganismos autóctonos, resultando nun beneficiu pa la salú.

Estructuralmente son oligo o polisacáridos de fructosa (fos y inulina respeutivamente) o de galactosa (gos). Tamién s’usa la llactulosa (un disacáridu de galactosa y fructosa) y el llactitol (galactosa y un polialcohol derivao de la gluco-

/36/

Ciencies 4 (2014)

sa). El so oxetivu ye doble; per un llau, promover la proliferación de la microbiota indíxena y, con ella, l’antagonismu frente a la colonización por microorganismos foráneos y, per otru, potenciar los efeutos positivos asociaos al metabolismu de los glúcidos complexos. De fechu, estos compuestos yá tienen un llugar nel Vademecum, magar que la so aición terapéutica nun s’asocie, comúnmente, cola microbiota autóctono. D’esta miente, úsense como axentes laxantes por cuenta de la so capacidá d’aumentar el peristaltismu (véase l’apartáu d’esti mesmu artículu «Funciones de la microbiota autóctono») y na prevención y tratamientu de la encefalopatía hepática; nesti casu, los ácidos grasos derivaos de la dixestión de los prebióticos pola microbiota del colon, neutralicen los grupos amoniu resultantes de la degradación de los alimentos nitroxenaos, evitando’l so pasu a la sangre y l’apaición del cuadru neuropsiquiátricu que s’asocia a la incapacidá de los enfermos hepáticos pa eliminalos.

Simbióticos Denomínase asina a la mestura d’ún o más organismos probióticos con ún o dellos compuestos prebióticos. El so oxetivu ye favorecer el desendolcu/actividá de los probióticos y prebióticos componentes pa potenciar les sos propiedaes saludables, xenerando un efeutu sinérxicu ente ellos. Esto implica qu’un productu namás pue denominase simbióticu si demostró inducir un efeutu beneficiosu superior al de la suma de los xeneraos, por separao, polos sos integrantes. Xunto a esto, espérase qu’esta meyora s’acompañe d’un incrementu de la densidá de los probióticos componentes o de les actividaes saludables a que dan llugar.

Referencies bibliográfiques Chen, Y.E. & H. Tsao (2013).- The skin microbiome: current perspectives and future challenges.

J. Am. Acad. Dermatol., 69: 143-155.

Guía Práctica de la Organización Mundial de Gastroenterología (2011). Probióticos y prebióticos. http://www.worldgastroenterology.org/probiotics-prebiotics Binns, N. (2013).- Probiotics, prebiotics and the gut microbiota. ILSI Europe Monograph Series. http://www.sepyp.es/es/sabermas Koenig, J.E., A. Spor, N. Scalfone, A.D. Fricker, J. Stombaugh, R. Knight, L.T. Angenent & R.E. Ley (2011).- Succession of microbial consortia in the developing infant gut microbiome. Proc. Natl.

Acad. Sci. U S A. 108 Suppl 1: 4578-4585.

Martínez-Cuesta, M.C., C. Peláez & T. Requena (2012).- Probióticos en la salud humana. http://www.sepyp.es/es/sabermas Sommer, F. & F. Bäckhed (2013).- The gut microbiota–masters of host development and physiology.

Nat. Rev. Microbiol., 11: 227-238.

Srinivasan, S., C. Liu, C.M. Mitchell, T.L. Fiedler, K.K. Thomas, K.J. Agnew, J.M. Marrazzo, & D.N. Fredricks (2010).- Temporal variability of human vaginal bacteria and relationship with bacterial vaginosis. PLoS One., 5: e10197.

Suárez, J.E., D.A. Beltrán, M. Daza, S.P. González, J.A. Guerra, A.R. Jurado, D. Ojeda & J.M. Rodríguez. (2012).- La microbiota vaginal: composición y efectos beneficiosos. Consenso sobre usos de los probióticos en Ginecología. http://www.sepyp.es/es/sabermas

(2014) Ciencies 4

/37/

ACEROS AVANZAOS D’ALTA RESISTENCIA

Por Pablo García Chao Inxenieru i+D ya investigador predoctoral Universidá de Manchester

/38/

Ciencies 4 (2014)

Prototipu d’estructura d’automóvil desendolcada nel contestu del proyeutu ulsab, nel que participaron 35 fabricantes d’aceru de 18 países y nel que s’emplegaron per primer vegada los aceros avanzaos d’alta resistencia.

Semeya: WorldAutoSteel

(2014) Ciencies 4

/39/

/ Aceros avanzaos d’alta resistencia

E

sti trabayu consiste nun averamientu a los aceros avanzaos d’alta resistencia, desendolcaos va poco más d’una década col envís de tresformar los automóviles en vehículos más llixeros y seguros. Lloñe de representar namái una posibilidá de futuru, esti tipu de materiales empléguense yá güei de mou mayoritariu nes carroceríes de los coches y ye previsible que s’inxerte n’otros sectores cola mesma fuercia nos años vinientes. D’esta miente, la inversión d’al rodiu de tres millones d’euros anunciada por ArcelorMittal pa entamar a producilos nes sos instalaciones d’Avilés constitúi una oportunidá única p’asegurar la continuidá de la metalurxa asturiana. L’amenaza de territorios más competitivos en costos, como son l’este d’Europa o Asia, obliga a Asturies a siguir los pasos de países punteros como Suecia o Alemaña, onde se va dexando amodo la producción intensiva d’aceru corriente en favor de la fabricación ABAXO Figura 1. Espécime enantes y dempués del ensayu de tracción (izquierda) y mientres lu estiren les pinces (derecha).

Semeyes: Pablo García Chao y Northern Michigan University.

/40/

Ciencies 4 (2014)

d’aleaciones especiales, qu’apurren un mayor valor amestáu, pero requieren un conocimientu teunolóxicu más avanzáu.

Propiedaes mecániques de los metales: l’ensayu de tracción El comportamientu mecánicu d’una aleación metálica carauterízase na industria pente medies del llamáu ensayu de tracción, que básicamente tien como oxetivu comprobar cuánto pue allargase una pequeña muestra del metal ensin que ruempa. Enantes d’escomenciar, esti material de prueba, que se denoma espécime y tien la forma d’una barra pequeña, gárrase pelos dos estremos con pinces hidráuliques o neumátiques (Fig. 1) Son estes dos pinces les que, al separtase ente sí a velocidá constante colos estremos bien suxetos, faen que’l material vaya estirándose hasta qu’acaba por romper y queda dixebrao en dos trozos pela metá.

El valor de la llende elástica de los materiales ye fundamental cuando se planien estructures de construcciones o de máquines, como ye’l casu de les carroceríes de los coches

Mentanto que l’ensayu tien llugar, tanto l’allargamientu del espécime como la fuercia preciso pa xeneralu rexístrense de mou instantaneu hasta que se produz la rotura. La representación gráfica ente entrambos pa un metal típico amuésase na figura 2 y nella puen estremase les mesmes tres faces de comportamientu qu’esperimenten los componentes metálicos cuando formen parte de los sistemes reales.

Esto ye asina porque l’ensayu de tracción nun fai más que reproducir de manera controlada sobro l’espécime lo que-y asocede a cualesquier pieza metálica que tenga d’aguantar fuercies nuna estructura real.

• La faza A denómase faza elástica y correspuende a los allargamientos más baxos. Equí los allargamientos son entá recuperables, ye dicir, si se dexa de facer la fuercia, l’espécime torna al so llargor orixinal como si fore un muelle. Compruébase nesta faza que la fuercia que tien d’aplicase aumenta cuasi llinialmente col estiramientu’l material.

• Cuando se perpasa un allargamientu determináu, parte del mesmu dexa de ser recuperable, colo que l’espécime nun recupera yá’l so llargor inicial, sinón que queda permanentemente allargáu. La faza na que tien esto llugar ye la faza B o faza plástica y nella l’aumentu de la fuercia cola deformación dexa de ser llinial y amenorga en comparanza col de la elástica.

• Finalmente, la faza C ye la faza de rotura,

que s’anicia nel momentu nel que l’espécime entama a perder espesor per un puntu situáu a metá del so llargor. Dende que s’entra nella, l’espesor nesi puntu amenorga pasu ente pasu hasta que l’espécime acaba rompiendo perhí. Como un material ye siempres más débil cuanto más endelgazao tea, la fuercia necesario pa siguir allargándolo mengua dende que s’entra nesta faza hasta la rotura final.

Acordies colo anterior, nel comportamientu de los componentes metálicos hai un primer rangu de magnitú de fuercies pa les que, anque se deformen, los componentes recuperen la so xeometría orixinal cuando la carga dexa d’aplicase. Pela cueta, hai otru rangu de fuercies más altes pa les que les deformaciones son yá permanentes. El llímite ente les dos faces llámase llende elástica y representa la fuercia qu’un material pue resistir ensin deformase. Pa que’l valor seya representativu de l’aleación, el valor midíu nel gráficu del ensayu tien de dividise ente l’espesor del espécime, de mou que la llende elástica de l’aleación seya la mesma cualquiera que fore l’espesor emplegáu nel ensayu.

El valor d’esta llende elástica de los materiales ye fundamental cuando se planien estructures de construcciones o de máquines, como por exemplu les carroceríes de los coches. Nestos casos ye’ llabor de los diseñadores asegurase de qu’en nengún casu los componentes van tener deformaciones permanentes, esto ye, de que les

(2014) Ciencies 4

/41/

/ Aceros avanzaos d’alta resistencia

ARRIBA Figura 2. Curva fuercia-allargamientu típica d’una aleación metálica, coles principales propiedaes mecániques representaes sobro ella. Imaxe: Pablo García Chao.

fuercies que van tener de soportar na estructura nun pasarán enxamás de la llende elástica de l’aleación na que se fabricaron. Esta ye la manera de garantizar la seguranza y la estabilidá de tol sistema na función pa la que se concibiere y, polo tanto, son preferibles en xeneral llendes elástiques mayores, que faigan que los componentes aguanten fuercies más altes ensin qu’apaezan deformaciones non recuperables. Ye por esto que les aleaciones con llendes elástiques más altes considérense davezu na industria como «de mayor calidá», ye dicir, «más resistentes».

Sicasí, l’usu final de los materiales siderúrxicos como parte de construcciones y máquines nun ye la so única aplicación. Con frecuencia –pa da-yos la forma de componentes determinaos– les aleaciones tienen de pasar per procesos de fabricación intermedios. En munchos d’ellos, los denomaos como procesos de conformáu, esa xeometría algámase precisamente

/42/

Ciencies 4 (2014)

deformando’l material per aciu d’una presión, ye dicir, faciendo una fuercia sobro él. Un exemplu ye la estampación, el procesu más común y tradicional pa fabricar pieces pa les carroceríes d’automóviles. Nél, una prensa fai presión sobro una chapla orixinalmente plana pa que s’adaute a la xeometría d’un moldu tridimensional, que pue tener por exemplu la forma del capó o de la puerta d’un vehículu. Al contrariu qu’enantes, pa estos procesos les llendes elástiques baxes son beneficioses, porque faen que seya más reducida la presión qu’hai que facer pa que la chapla nun recupere la xeometría plana en cuantes se saca de la prensa. Les aleaciones con estes carauterístiques puen trabayase d’esta miente más fácilmente y suel llamáseles aleaciones «blandes».

ARRIBA Figura 3. Exemplu de barra de material dúctil (izquierda) y de material fráxil (derecha) depués de la rotura nel ensayu de tracción. Semeya: Springer Handbook of Mechanical Engineering.

Na curva fuercia-allargamientu del ensayu de tracción viose cómo’l colapsu del espécime escomenciaba nel puntu onde la fuercia yera máximo. El valor de la mesma llámase llende de rotura y entiéndese como la capacidá d’un material pa resistir fuercia ensin entamar a romper y, poro, quedar inservible. Como la llende elástica, esta propiedá esprésase dividiendo la midida estrayida del ensayu ente l’espesor utilizáu, porque como yá se comentare la mesma aleación aguanta más fuercia cuanto mayor seya l’espesor del componente. Aparte, l’estiramientu nel puntu nel que l’espécime ruempe conozse como allargamientu a rotura, y amuesa cuánto ye capaz d’estirase un metal ensin que-y apuerte’l fallu.

Como la llende elástica, estes dos propiedaes son básiques pa definir la manera de comportase d’una aleación. Per un llau, la llende de rotura ye otra midida de la resistencia d’un material, esta vegada non hasta que se deforma permanentemente sinón hasta qu’entama a romper.

Pel otru, los materiales con allargamientos a rotura altos son materiales «dúctiles», y ye evidente qu’interesen nos procesos de conformáu cola finalidá de ser pa da-yos a los productos xeometríes más alloñaes de la inicial ensin que ruempan pel camín. No que cinca a la so vida útil nes estructures, estes aleaciones son tamién más recomendables, darréu que los materiales que pela cueta son fráxiles fallen ensin avisu previu: en cuantes se supera la so llende elástica, namái sufren pequeñes deformaciones hasta colapsar dafechu.

Esto último pue entendese fácilmente con una güeyada al espécime a lo cabero del ensayu de tracción. Nel casu d’una aleación dúctil, el material endelgaza claramente na zona C del gráficu enantes de romper, como se ve na figura

(2014) Ciencies 4

/43/

/ Aceros avanzaos d’alta resistencia

3, mientres que’l fráxil nun amuesa nenguna reducción perceutible nel so espesor. Al reproducise esti comportamientu nes estructures reales, la deformación visible de los materiales dúctiles ayuda a xulgar el so riesgu de rotura en casu de problemes.

P’acabar, l’otru resultáu relevante del diagrama fuercia-allargamientu ye l’área zarrada so la curva. Esta superficie equival a la enerxía por unidá de volume que, deformándose, ye p’absorber el metal enantes de romper. Esta propiedá, conocida como tenacidá, aprovéchase por exemplu p’ameyorar el comportamientu énte choque de los vehículos. Les carroceríes fabricaes en materiales más tenaces absuerben más enerxía en casu d’impautu, amenorgando la deceleración qu’esperimenten los pasaxeros y amenorgando asina’l so riesgu de lesiones y mancadures n’accidentes.

Desendolcu de los aceros avanzaos d’alta resistencia La estaya de l’automoción carauterízase pol so papel determinante nel desendolcu de nueves soluciones teunolóxiques, que llueu son adoptaes adulces pol restu la industria. Destacáu: El sector de l’automoción tien un papel determinante nel desendolcu de nueves soluciones teunolóxiques, adoptaes llueu lentamente pol restu la industria. Nel casu de los aceros avanzaos d’alta resistencia, el so desendolcu tuvo orixe nel proyeutu d’anovación ulsab (Carrocería d’Automóvil n’Aceru Ultrallixero n’inglés), llideráu por inxenieros de Porsche ente los años 1994 y 1998 y nel que participó un consorciu de trenta y cinco fabricantes d’aceru de dieciocho países. Esti grupu incluyía los aceristes más destacaos a nivel mundial, ente ellos l’Aceralia S.A. d’aquel tiempu. Con un presupuestu de 28

El sector de l’automoción tien un papel determinante nel desendolcu de nueves soluciones teunolóxiques, adoptaes llueu lentamente pol restu la industria

IZQUIERDA Figura 4. Curves fuercia-allargamientu típiques de los aceros tradicionales.

Imaxe: Pablo García Chao.

/44/

Ciencies 4 (2014)

millones de dólares, el finxu del proyeutu yera algamar una carrocería con unes carauterístiques que permitieren a la industria encarar los sos principales retos de futuru.

El primeru d’ellos yera la creciente xuba de los precios de los combustibles fósiles, que xunto a una llexislación n’emisiones de gases d’efeutu ivernaderu cada vegada más restrictiva facía imprescindible una reducción nel pesu de los vehículos que menguare’l so consumu de combustible. Al empar, la mayor severidá nes pruebes de choque que los coches teníen de pasar requería un ameyoramientu de la so capacidá d’absorción d’impautos. Amás, nun sector enforma competitivu como’l del automóvil, too esto yera necesario ensin que les soluciones aumentaren el costu los vehículos, y de mou que pudieren llevase a la práutica colos medios de producción en serie existentes, ye dicir, que los componentes habíen siguir pudiendo fabricase per aciu de los procesos de conformáu que taben usándose nesi momentu, lo mesmo qu’axuntase colos d’ensamblaxe.

Hasta’l desendolcu del proyeutu ulsab, les propiedaes de los aceros siguíen la tendencia que s’amuesa na figura 4. Per un llau, había aleaciones que yeren abondo dúctiles y, poro, mui bones pa la fabricación de les pieces, porque con elles podíen facese componentes de chapla pa les carroceríes que foren complexos.

Per otru, había aceros que teníen alta resistencia (aceros hsla) y yeren bonos p’aguantar les fuercies ensin deformase cuando los componentes taben en funcionamientu, pero les xeometríes que yera posible consiguir con ellos taben perllimitaes al ser fráxiles. A mediu camín ente les dos taben los más tenaces, los más afayadizos pa los choques, pero que nun yeren nin mui resistentes nin mui dúctiles.

(2014) Ciencies 4

/45/

/ Aceros avanzaos d’alta resistencia

pesu global de la mesma. Amás, l’incrementu na ductilidá que s’algamó principalmente colos dp y trip fixo que la tenacidá aumentare enforma en comparanza cola de los aceros d’alta resistencia convencionales, lo qu’ameyoró abondo’l comportamientu énte choque de los componentes.

Con tolo anterior, el resultáu del proyeutu uslsab foi una carrocería constituyida por 94 pieces principales, les más fabricaes por estampación, y un 25% más llixera que la media de les de los coches d’aquel tiempu. La mengua consecuente nes emisiones de gases d’efeutu ivernaderu estimóse superior al 10% y la estruc-

ABAXO Figura 6. Componentes de la estructura del Porsche Cayenne 2010 por tipu de material.

Imaxe: Porsche ag.

tura foi a superar pruebes d’impautu entá más severes que les afitaes nel finxu’l proyeutu. Esto llogróse ensin que’l so costu final fore superior al de los vehículos comerciales d’aquel momentu, lo que yera tamién condición imprescindible.

Inda más, l’análisis económicu detectó potencial claru d’aforru col emplegu de les nueves aleaciones. Anque’l costu de la so producción por quilogramu ye mayor que’l de los aceros tradicionales, la reducción nel espesor y, poro, nel pesu de los componentes fai que munches vegaes estos materiales resulten más económicos.

Como exemplu del beneficiu apurríu por estos aceros al llevase al mercáu, el Porsche Cayenne que se llanzó nel añu 2002 utilizándolos yá tenía un conteníu n’aceru d’alta resistencia d’un 64%, enforma mayor que’l 33% del Porsche Boxster de 1996, que llóxicamente incluyía solo aceros d’alta resistencia tradicionales. La siguiente versión del

ARRIBA Figura 5. Ductilidá (allargamientu a rotura) y resistencia (llende de rotura) de los aceros tradicionales (blanco y negro) y de los aceros avanzaos d’alta resistencia (color). Imaxe: World Steel Association.

El proyeutu ulsab El desendolcu col proyeutu ulsab de los aceros avanzaos d’alta resistencia permitió vencer estes restricciones nes propiedaes de los aceros.

Concretamente, como amuesa la figura 5, les aleaciones d’esti grupu son o bien más dúctiles a igual llende elástica que los aceros tradicionales (tipos dp y trip) o bien más resistentes a igual allargamientu a rotura qu’aquellos (tipos cp y ms).

En primer llugar, l’incrementu na ductilidá fixo que les pieces de la carrocería qu’enantes teníen que se fabricar n’aceros poco resistentes

/46/

Ciencies 4 (2014)

porque los d’alta resistencia nun yeren dúctiles abondo pudieren facese n’aceros con llendes elástiques y de rotura elevaes (tipos dp y trip).

En segundu llugar, la mayor resistencia algamada posibilitó que los componentes pa los que la fabricación nun requería muncha ductilidá foren inda más resistentes (tipos cp y ms). D’esti mou, como d’estes dos maneres pudieron usase materiales de mayores llendes elástiques y de rotura nos diferentes componentes, pudo reducise l’espesor de toos ellos ensin qu’amenorgare la resistencia de la estructura, y con ello menguase’l

(2014) Ciencies 4

/47/

/ Aceros avanzaos d’alta resistencia

Estímase que güei, de mou global, un 30-40% de los automóviles ta fechu n’aceros avanzaos d’alta resistencia

modelu, entamada en 2010, incorporó más avances nesti sen y Porsche foi p’amenorgar nun 10% más el pesu total del vehículu, magar qu’incluyía cerca d’un 4% más de pesu correspondiente a nueves carauterístiques (Fig. 6).

Por embargu, güei los aceros avanzaos d’alta resistencia nun son parte solamente de los vehículos de Porsche, sinón que s’utilicen yá de mou estándar en toles marques d’automóvil. Otru exemplu paradigmáticu ye’l del Honda Civic, nel que la cantidá d’aceru d’alta resistencia pasó de menos del 10% en 1996 hasta práuticamente la metá en 2006. Esto fixo que, pa un tamañu un 4% mayor, el so pesu se reduxere cuasi un 9%, pasando dende’l puntu de vista de la seguranza de tener cuatro estrelles na prueba ncap d’impautu frontal y tres na d’impautu llateral a la máxima calificación de cinco en dambes dos.

Anguaño, con tolos avances desendolcaos dende la fin del proyeutu ulsab, estímase que de mou global un 30-40% de los automóviles ta fechu n’aceros avanzaos d’alta resistencia, coles mesmes fontes camentando que nos próximos años esti númberu puea vese incrementáu hasta alredor del 40-50%. L’avance sedrá más rápidu conforme más se vayan desendolcando nueves aleaciones d’esti grupu y conforme más se vayan adautando los procesos de fabricación y xuntura de los componentes de les carroceríes a les sos carauterístiques, que son bien estremaes de les que teníen les aleaciones tradicionales.

/48/

Ciencies 4 (2014)

DERECHA Figura 8. Observación microscópica de la microestructura d’un aceru martensítico, onde se ve la martensita en color negro y la ferrita en color blanco.

Semeya: Centro Richerche Brasimone.

ARRIBA Figura 7. Representación esquemática de la microestructura d’un aceru dual.

Imaxe: World Steel Association.

Tipos d’aceros avanzaos d’alta resistencia El fierro puro apenes s’emplega industrialmente porque ye mui blandio. D’esti mou, trabayalo ye perfácil, pero tien tan poca resistencia que nun sedría p’aguantar fuercies como les que tienen de soportar les estructures de máquines y construcciones. Ye por eso que, pa da-y más resistencia, el fierro xúntase col carbonu dando llugar a los aceros, que son los materiales estructurales más comúnmente usaos, xustamente pol so balance de ductilidá y resistencia.

En sentíu xeneral, los aceros defínense como xuntances de fierro y carbonu nes que la masa del carbonu nun supera’l 2,1% del total. Na microestructura de los mesmos, estos dos elementos puen combinase ente sí de delles maneres distintes, que se denomen fases y tienen propiedaes perestremaes de ductilidá y resistencia.

Polo tanto, ye la cantidá de caúno na microestructura d’una aleación lo que determina les propiedaes globales d’esta.

(2014) Ciencies 4

/49/

/ Aceros avanzaos d’alta resistencia

• La segunda ye la cementita, un compuestu químicu formáu por una cantidá de carbonu más alta, que pela cueta ye fráxil y resistente.

ARRIBA Figura 9. Representación esquemática de la microestructura d’un aceru TRIP. Imaxe: World Steel Association.

Esta división en fases de la microestructura d’un aceru depende de cómo se desendolque’l procesu d’enfriamientu del aceru fundío y calecío que sal del altu fornu. La primer fase importante na que solidifica l’aceru llíquido al dir enfriando ye l’austenita, que namái ye estable a altes temperatures. Poro, termina por convertise del too n’otres a midida que la colada baxa de temperatura. En concreto, si la velocidá del enfriamientu ye enforma lenta, tresfórmase en dos fases que, en cantidaes variables, son les que tán presentes finalmente na aleación a la temperatura ambiente, la del so usu normal.

• La primera d’elles ye la ferrita, que por tener propiedaes magnétiques ye, por exemplu, el material no que se faen los imanes. La so estructura ye tala que nun pue contener muncha cantidá de carbonu y, por eso, les sos propiedaes recuerden a les del fierro puro, ye dicir, ye dúctil y blandio.

/50/

Ciencies 4 (2014)

Puesto que pa fabricar los aceros tradicionales usábense siempres velocidaes d’enfriamientu lentes, la forma qu’había de xugar coles sos propiedaes yera xubir o baxar la proporción de carbonu nel conxuntu. Cuanto menos carbonu había con respeuto de fierro, más austenita se tresformaba en ferrita y menos en cementita, y esto daba llugar a aleaciones con propiedaes más paecíes a les de la ferrita, ye dicir, dúctiles y blandies. Según s’incluyía más carbonu, la proporción de cementita yera más alta y, con ella, tamién la resistencia y la fraxilidá. Ye asina como s’espliquen les diferencies nes curves de la figura 4, tornándose los aceros tradicionales en más resistentes y fráxiles cuanto mayor ye la proporción de carbonu na so composición.

Sicasí, si l’enfriamientu se desendolca d’un mou más bruscu, l’austenita puede convertise n’otres fases amás d’en ferrita y cementita.

Por exemplu, con enfriamientos perrápidos, a temperatura ambiente la ferrita apaez xunto cola martensita, que ye estremadamente duro y fráxil. Surden d’esta miente los aceros de fase dual (DP), que se denomen asina pola combinación d’estes dos fases que s’atopa na so microestructura (Fig. 7). La ferrita forma un matriz continuu dúctil, nel que se concentra l’estiramientu del material cuando se deforma y nel qu’hai espardíes pequeñes islles de martensita, que son les qu’aumenten la resistencia del material a igualdá d’allargamientu de rotura colos aceros d’alta resistencia tradicionales.

Cuanto más rápidu ye l’enfriamientu, mayor

ye la proporción de martensita na microestructura final, y menor polo tanto la de la ferrita.

Llega un momentu nel que la primera d’elles faise mayoritaria sobro la segunda, y ye asina como apaecen los aceros martensíticos (ms) (Fig. 8). Poles carauterístiques del so matriz de martensita, estos aceros tienen resistencies mayores que les de los tradicionales, pero tamién se carautericen pola so fraxilidá. Sicasí, la presencia de ferrita fai que la ductilidá seya bastante pa poder da-yos forma per mediu de procesos de conformáu ensin que ruempan. Como exemplu del ameyoramientu en resistencia algamáu colos aceros avanzaos, cuando con aceros tradicionales difícilmente se puen tener llendes de rotura de 800 mpa, anguaño’l máximu que ye posible alcontrar nun aceru comercial ye yá de 1700 mpa, correspondientes al Docol®1500 M del acerista suecu Swedish Steel ab.

Un tipu especial d’aceros avanzaos d’alta resistencia constitúinlu los aceros de plasticidá inducida pola tresformación (trip), que son los desendolcaos va menos tiempu. Carauterícense por tener les mayores ductilidaes, que s’espliquen pola esistencia d’austenita na so microestructura a temperatura ambiente (Fig. 9). Como de mou natural esta fase nun ye estable per debaxo de 723ºc, parte de l’austenita tien que se retener artificialmente pa que nun llegue a tresformase mentanto que la colada enfría.

Esto consíguese amestando otros elementos como’l manganesu o’l níquel a xuntances que tengan de por sí conteníos altos en carbonu.

La ventaya d’esta austenita retenío ye que, de la que se va deformando’l

material, va convirtiéndose en martensita. Esto resulta en que’l material aguanta allargamientos más altos y, poro, tien una capacidá d’absorción d’impautos ameyorada con respeuto a la de los aceros de fase dual. Aparte l’austenita, na microestructura del aceru trip ensin deformar hai tamién pequeñes cantidaes de martensita nun matriz que ye ferríticu. La desventaya que tienen estos aceros ye la relativa falta d’homoxeneidá nes sos propiedaes, que paecen variar abondo coles condiciones de producción y de vida útil de l’aleación.

A lo cabero, los aceros de fase complexa (cp) son los menos habituales y deben el so nome a les numberoses fases que los componen (Fig. 10). Aparte de ferrita y martensita, cunten con austenita retenío, cementita y bainita, que ye una fase que se forma con velocidaes d’enfriamientu non tan altes como les que dan llugar a la martensita y, por eso, nun ye tan duro como aquello.

ABAXO Figura 10. Representación esquemática de la microestructura d’un aceru de fase complexa.

Imaxe: ArcelorMittal.

(2014) Ciencies 4

/51/

/ Aceros avanzaos d’alta resistencia

Otres aplicaciones de los aceros d’alta resistencia L’allixeramientu llográu na automoción polos aceros d’alta resistencia pue ser tamién beneficiosu n’otres aplicaciones qu’impliquen movimientu, darréu que mover menos pesu traduzse siempres nun aforru d’enerxía. Un exemplu ye’l casu de Pac Global, una compañía suiza que consiguió reducir asina’l consumu de les máquines de llimpieza de botelles que produz. En concreto, pal so últimu prototipu, fabricar les pinces que tiren poles botelles n’aceru d’alta resistencia reduxo’l pesu de caúna de los 40 quilos que pesaben na versión anterior a namái 17 (Fig. 11).

Esta mengua nun contribuyó solo a reducir el gastu de funcionamientu de la máquina, sinón que fixo tamién que’l preciu unitariu del componente fore más baxu.

Per otru llau, anque les estructures de la estaya de la construcción seyan estátiques, l’alta resistencia tamién tien ventayes pa esti sector.

L’allixeramientu ye equí igualmente beneficiosu, porque una de les cargues que tien de resistir la estructura nel so conxuntu ye’l so propiu pesu.

Asina, l’alta resistencia amenorga les fuercies a soportar polos componentes, que pueden tener entovía menor espesor y, poro, ser entá más económicos.

La mengua nel pesu afeuta de la mesma manera a les partes de la construcción situaes más per debaxo, que nun son otres que la so cimentación y el suelu nel que ta afitada. Si la construcción ye más llixera, les esixencies de cimentación son menores y el suelu nun tien necesidá d’una capacidá portante tan alta. Asina, puede pasar a construyise la mesma estructura en terrenos que d’otru mou nun sedríen pa tener por ella con seguranza. Amás, tien de tenese en cuenta que la llixereza de los componentes fai

/52/

Ciencies 4 (2014)

más cenciellos tanto’l so tresporte como la so instalación na obra.

Aparte, l’emplegu de los aceros d’alta resistencia tien ventayes mui específiques pal procesu de perfiláu, que como la estampación ye un procesu de conformáu nel que se parte d’una chapla plana. Anguaño, estímase qu’alredor del 8% de la producción mundial d’aceru se tresforma en productos finales per aciu d’esti procesu.

Dalgunos exemplos son les defenses llaterales de les autopistes, paneles y pieces estructurales pa la construcción o delles pieces d’automóviles, como les defenses de les coches o los marcos de les ventanes.

El principal problema del perfiláu, qu’económicamente ye tan relevante, ye l’apaición de defeutos como’l torcimientu que s’amuesa na figura 12, que fai que’l productu salga del procesu retorcíu en vez de rectu. La causa del mesmu son delles deformaciones non deseaes producíes pola propia fabricación, que queden de mou permanente nel productu. Como los aceros d’alta resistencia tienen una llende elástica más alta, la cantidá d’estes deformaciones que queden nel productu final ye menor con ellos y asina se reduz la magnitú del defeutu. D’esti mou pueden algamase ameyoramientos drásticos como’l que se ve nel casu de la figura, nel que l’usu d’un aceru martensítico amenorgó’l torcimientu a menos d’un 10%

La producción d’aceros avanzaos d’alta resistencia pue ser una oportunidá única pa reforciar el sector metalúrxicu asturianu del so valor orixinal, medíu cuando s’utilizaba un aceru corriente de baxa resistencia.

D’esti mou les ventayes de los aceros d’alta resistencia nun se circunscriben namái a los importantes aforros que trai l’allixeramientu de los componentes ensin que pierdan resistencia o tenacidá, sinón que tamién puen facilitar los sos procesos de fabricación.

Too esto fai que seya previsible un rápidu avance nes diferentes estayes de la industria nos próximos años y que, de resultes, la so producción constituya una oportunidá única pa reforciar el sector metalúrxicu asturianu, nun contestu nel que los países con mano d’obra más barato torguen cada vegada más la competencia nel segmentu de los aceros tradicionales o de menor calidá.

ABAXO IZQUIERDA Figura 11. Pinces fabricaes n’aceru d’alta resistencia pa la máquina de llimpieza de botelles de Pac Global.

Semeya: Swedish Steel ab.

ABAXO DERECHA Figura 12. Torcimientu d’un perfil en Z fabricáu por perfiláu nun aceru de baxa resistencia (izquierda, 18,7°/m) y nun aceru martensítico d’alta resistencia (derecha, 1,8°/m).

Imaxe: Pablo García Chao.

(2014) Ciencies 4

/53/

Evolución de los protocolos web nel so 25 aniversariu

Por David Melendi Palacio,

Xabiel García Pañeda & Roberto García Fernández Departamentu d’Informática Universidá d’Uviéu

L

Sala de sirvidores del CERN - Conseil Européen pour la Recherche Nucléaire.

Semeya: Florian Hirzinger.

/54/

Ciencies 4 (2014)

os servicios web son los más carauterísticos de lo que podemos considerar l’Internet modernu. Güei hai un porcentaxe de probabilidá mui altu de que cualesquier usuariu al que se-y entrugue polo que ye Internet, conteste con una descripción asemeyada a lo que pue ser un serviciu web. Ye más, tolos sistemes operativos modernos traen un restolador instaláu. Ye tala la importancia d’estos servicios y de les aplicaciones que-yos sirven de base, qu’inclusive Microsoft tuvo que camudar la so política de distribución del restolador Internet Explorer col sistema operativu Windows per sentencia xudicial (Elzinga et al., 2001).

Los servicios web sírvennos pa divertinos, pa informanos, pa deprender, pa comunicanos, pa mercar, pa facer xestiones personales, etc.

Ensin sabelo, les teunoloxíes que-yos sirven de base tamién s’empleguen en televisiones, móviles, electrodomésticos y en toa triba de dispositivos. Pero, en resume ¿qué ye un serviciu web? Pues un serviciu web pue definise como un sistema d’intercambiu d’información multimedia. Si vamos al casu más cenciellu, nun ye más qu’un serviciu nel qu’un programa manda un mensaxe a otru pa descargar un ficheru.

(2014) Ciencies 44 (2014)

/55/

/ Evolución de los protocolos web nel so 25 aniversariu

Fundamentalmente, estos servicios operen sobre la base de tres pegollos teunolóxicos: • html: Ye un llinguaxe pa maquetar documentos. De forma declarativa, permite especificar qué parte del testu ye un parágrafu, qué ye una llista, una tabla, etc.

• uri: Ye un sistema de referencies que permiten saber el nome d’un recursu o la so ubicación.

• http: Ye un protocolu que define cómo son los mensaxes qu’intercambien un restolador y un sirvidor web.

tribuida. Yera marzu de 1989, pero’l problema nun yera nuevu. Asina, Berners-Lee inspírase en dalgunos trabayos anteriores.

Vannevar Bush yá pensare dempués de la Segunda Guerra Mundial que’l gran retu de la humanidá yera xestionar el gran crecimientu de conocimientu xeneráu no qu’él llamaba rexistros o records (Bush, 1945). Dende’l puntu de vista del problema pa un investigador, Vannevar Bush diseñó’l sistema memex, que permitía a una persona guardar, recuperar y siguir asociaciones ente pares de documentos. Inspiraos en Vannevar Bush, los trabayos d’otros investigadores como DoEl 20 d’avientu de 1990 arranca nel cern el primer uglas Engelbart o Ted Nelson tamién influyeron nel enfosirvidor web y espublízase la primer páxina web que de Berners-Lee. Pela so parte, Douglas Engelbart, col Pa comprender l’orixe d’estes teunoloxíes teso nls, pensó en disponer d’un sistema asemeyáu a memex, pero que dexare facer el trabayu nemos que pensar nel orixe mesmu de los sercollaborativu ente dellos usuarios (Engelbart y vicios web. Todo entamó nel Centru Européu English, 1968). En paralelu, la visión de Ted Neld’Investigación Nuclear (cern) en Suiza. El problema yera cómo organizar y acceder a la bayura d’información d’investigación que xeneraba’l cern. Un científicu británicu, Tim Berners Lee, fixo en 1989 una propuesta pa meyorar esta situación (Berners-Lee, 1989). Na figura 1 podemos ver un estractu de la propuesta orixinal, col comentariu del supervisor de Berners-Lee, Mike Sendall no cimero del documentu.

Nesta propuesta Berners-Lee describe’l problema d’accesu a la información nel cern y propón un sistema d’información enllazada y dis-

DERECHA Figura 1. Propuesta de Tim Berners-Lee al so supervisor Mike Sendall (Berners-Lee, 1989). (CERN - Conseil Européen pour la Recherche Nucléaire).

/56/

Ciencies 4 (2014)

son yera la de tener una rede xigante de documentos, con daqué estructura, enllazaos ente sí en sirvidores desplegaos a escala mundial, nel proyeutu que más tarde diba dar el nome de Xanadú (Nelson, 1967). Foi Nelson el qu’inventó’l términu “hipertestu”.

Otros trabayos interesantes qu’influyeron nel desendolcu de Berners-Lee foron los de Goldfarb, Mosher y Lorie. Inventores de los llinguaxes d’etiquetes, diseñaron el primeru d’estos llinguaxes nel añu 1969, gml. Más tarde, Goldfarb diseña’l llinguaxe sgml que ye lo que podemos considerar precursor direutu d’html. Na figura 3 podemos ver un exemplu de códigu sgml.

En definitiva, Berners-Lee, tomando referencies en trabayos anteriores, fai la so propuesta’l

ARRIBA Figura 2. Presentación d’Engelbart y English (1968).

(Stanford Research Institute.

IZQUIERDA Figura 3. Entrada del diccionariu Oxford d’inglés en sgml. (http://commons.wikimedia.org/wiki/File:OED-LEXX-Bungler.jpg)

12 de marzu de 1989. Esta apruébase y BernersLee ponse a trabayar nel desendolcu del so proyeutu. Cronolóxicamente, los primeros llogros conseñables son los que vienen darréu: • El 20 d’avientu de 1990 arranca nel cern el primer sirvidor web y espublízase la primer páxina web, tal y como s’amuesa na figura 4.

• El 10 de xineru de 1991, la web ábrese a la comunidá d’investigadores en física d’alta potencia vía la biblioteca del cern.

• El 6 d’agostu de 1991, Berners-Lee escribe

un resume del proyeutu en dellos grupos de noticies d’Internet: La web faise pública.

• El 12 d’avientu de 1991 despliégase’l el primer sirvidor fuera d’Europa, nel Stanford Linear Accelerator Center de California, ee.xx.

• El 30 d’abril de 1993, el cern llibera la web al públicu ensin royalties, asegurando que permanecerá como un garrapiellu d’estándares abiertos. Esto tien un efeutu inmediatu y a lo

(2014) Ciencies 4

/57/

/ Evolución de los protocolos web nel so 25 aniversariu

cabero de 1993 yá hai más de 500 sirvidores web. La declaración orixinal ye la que pue vese na figura 5.

• N’ochobre de 1994, col sofitu del cern, el proyeutu darpa y la Comisión Europea, Berners-Lee funda nel mit el World Wide Web Consortium o w3c, que ye la organización que dende esti momentu pasa a encargase del desendolcu de la web.

Esto ye l’entamu d’un proyeutu ablucante que, güei, entá sigue n’evolución. Ye talu’l desendolcu teunolóxicu fechu nestos 25 años de vida del web, que nun sedríamos a reproducilo nun trabayu de les carauterístiques que se persiguen equí. Poro, vamos centranos nes seiciones siguientes pa comentar el desendolcu fechu nesti periodu de los protocolos de comunicaciones que faen qu’estos servicios puean esistir.

/58/

Ciencies 4 (2013)

ARRIBA IZQUIERDA Figura 4. Primer páxina web vista nun restolador de testu.

(CERN - Conseil Européen pour la Recherche Nucléaire).

ABAXO Figura 6. Funcionamientu básicu de http versión 0.9.

EVOLUCIÓN DE LOS PROTOCOLOS WEB Magar que güei hai protocolos estremaos que s’usen nos servicios web, el so protocolu básicu ye http o Hypertext Transfer Protocol.

Como s’amuesa na figura 6, la función d’esti protocolu ye la de dexar qu’un restolador puea pidir un ficheru a un sirvidor web. Cola direición que-y pasa l’usuariu, el restolador conéutase al sirvidor web y pása-y un mensaxe nel que-y pide un ficheru. El sirvidor recibe’l mensaxe y respuende con otru mensaxe nel qu’inclúi’l ficheru solicitáu. En resume, http define esti modelu d’interaición ente restolador y sirvidor, amás del formatu de los mensaxes de solicitú y respuesta.

Como vamos ver, esti protocolu sufrió bien de cambeos nestos últimos años. Sicasí, entá caltién la so filosofía orixinal: diseñóse pa ser cenciellu d’implementar. Ye un protocolu ensin estaos, poro, tolos pidimientos procésense de forma independiente. Cualesquier aplicación pue usalu con hipertestu o otros formatos de ficheru como puen ser ficheros d’audiu o videu.

ARRIBA DERECHA Figura 5. Documentu de lliberación de la web.

(CERN - Conseil Européen pour la Recherche Nucléaire).

http sufrió bien de cambeos nestos

últimos años, pero entá caltién la so filosofía orixinal

(2014) Ciencies 4

/59/

/ Evolución de los protocolos web nel so 25 aniversariu

HTTP VERSIÓN 0.9 En 1991 dase a conocer la primer versión documentada d’esti protocolu: http 0.9 (Berners-Lee, 1991). Esta versión yá afitaba les bases del modelu d’interaición que diba usase a lo llargo d’años y que s’amuesa na figura 7.

Lo que se plantea ye que cuando’l restolador necesita descargar un ficheru, abra una conexón de tresporte col sirvidor. Per esa conexón manda un mensaxe de solicitú y aguarda una respuesta.

En mandando la respuesta, el sirvidor pieslla la conexón de tresporte.

Na especificación de nivel de tresporte recomienden usar tcp, sicasí dexen la puerta abierta a otros protocolos orientaos a conexón como decnet (Martin y Leben, 1992) o iso tp4 (iso/iec 8073:1997). Tamién se fai una reserva del puertu tcp 80 pa les conexones col sirvidor.

Los documentos especifíquense con unes señes web llamaes udi, que tienen el siguiente formatu: http://hostname[:port]/path[?searchwords] Onde hostname ye’l nome o la direición ip de la máquina na que ta agospiáu’l ficheru a descargar y port ye’l puertu a nivel de tresporte cuando nun s’usa’l 80. path depende del sirvidor, pero normalmente ye la ruta y el nome del ficheru. searchwords son pallabres clave que puen usase pa facer una busca.

Los mensaxes son cenciellos. Una solicitú ye la cadena get siguida de la udi del documentu que se va descargar y la combinación de símbolos cr –retornu de carru- y lf –saltu de llinia–. Una respuesta ye direutamente’l ficheru solicitáu al sirvidor.

Orixinalmente’l protocolu taba pensáu namás pa sirvir ficheros html. Poro, si’l ficheru nun esiste o hai un error nel procesamientu de la solicitú, el sirvidor xenera un mensaxe html informando del error.

/60/

Ciencies 4 (2014)

• • •

• • • • • ARRIBA Figura 7. Modelu d’interacción d’http 0.9.

HTTP VERSIÓN 1.0 Un añu dempués d’espublizar http 0.9, sal la version 1.0 del protocolu, que tien que s’entender como la primer version completa del mesmu (Berners-Lee, 1992). Nesta version considérense dos formatos de pidimientu y rempuesta, amás de permitir dellos tipos de pidimientos estremaos. Los mensaxes incorporen información de control en forma de cabeceres y nes rempuestes pónense códigos de control pa saber lo que pasa coles pidimientos.

Arriendes d’ello, incorpórense dellos aspeutos del estándar mime.

Los mensaxes siguen siendo cenciellos. Almítense mensaxes como los de la versión 0.9, no que se llama como pidimientos y respuestes cencielles. emás, permítense pidimientos y respuestes completes, qu’incorporen cabeceres de control ente otres coses. El formatu de los pidimientos y les respuestes completes ye’l que sigue:

Pidimientu-Completu = Métodu URI VersiónProtocolu CrLf [*<Cabeceres- Pidimientu >] [CrLf <Datos>] Respuesta-Completa = Versión-Protocolu Códigu-Estáu Descripción-Estáu CrLf [* Cabeceres-Entidá] [CrLf Datos] Como podemos ver, sigue usándose la combinación de símbolos cr y lf pa estremar les llinies del mensaxe. Nos pidimientos que xeneren los clientes, incorpórase un métodu qu’indica’l tipu de mensaxe. Nes respuestes que xenera’l sirvidor incorpórase un códigu y una descripción de lo que pasó col mensaxe al que se respuende. Los pidimientos y les respuestes puen llevar datos axuntos. El recursu que se solicita o referencia, indícase no que güei se llama uri, términu que vieno a sustituir al orixinal uri, pero que caltién un formatu similar.

Diséñense dellos tipos de pidimientos o métodos:

get :

Pídense los datos indentificaos pola direición o uri. head: Igual que get, pero la rempuesta nun inclúi datos axuntos, namás les cabeceres. checkout : Igual que get, pero pon un bloquéu al recursu solicitáu pa que nun lu puea modificar otru usuariu. put : Modifica’l recursu colos datos del pidimientu. delete: Borra’l recursu identificáu pola uri. post : Constrúi un nuevu recursu colos datos del pidimientu. checkin: Igual que put, pero quita’l bloquéu fechu anteriormente con un checkout.

Otros: showmethod, link, unlink, textsearch, spacejump, search.

Les cabeceres estrémense ente cabeceres de pidimientu, xeneraes pol cliente nos sos pidimientos, y cabeceres d’entidá, xeneraes pol sirvidor nes respuestes. Les cabeceres de pidimientu incorporen información importante pa que’l sirvidor puea procesar les solicitúes como datos qu’identifiquen (From) o autentiquen (Authorization) al usuariu, información de formatos aceutaos pol cliente (Accept, Accept-Encoding o Accept-Language), información que fai una pidimientu condicional (If-Modified-Since), datos del software del cliente (User-Agent) o detalles pal pagamientu de los costos d’usar un serviciu (Charge-To). Les cabeceres d’entidá proporcionen información que tien que se conocer pa poder procesar la respuesta como detalles sobre los datos axuntos (Content-Length, Content-Type, Content-Transfer-Encoding, Content-Encoding, Content-Language, Date, Expires o Title), de les sos distintes versiones (Last-Modified, Version o Derived-From), del costeu d’acceder a esi recursu (Cost) o información sobre los métodos

(2013) (2014) Ciencies 4

Ciencies 3

/61/ /61/

/ Evolución de los protocolos web nel so 25 aniversariu

Dende la so espublización en 1996, http 1.0 tuvo qu’adautase a los tiempos amestando dellos anovamientos y quitando aspeutos del estándar que nun teníen interés pa la comunidá permitíos pal recursu solicitáu (Allowed o Public).

Incorpórense códigos y descripciones d’estáu nes respuestes que xenera’l sirvidor. Esta información permite a los restoladores saber qué pasó colos sos pidimientos, si hebo un error o si se procesaron con éxitu. Úsase una estructura de códigos d’error clasificaos en centenares, del mesmu mou que n’otros protocolos más vieyos como smtp (Postel, 1981) Los códigos 200 son d’éxitu, los 300 pa facer redireiciones, los 400 son pa indicar un error del restolador (por exemplu nel formatu del so pidimientu y los 500 pa un error del sirvidor.

ACTUALIZACIÓN DE HTTP VERSIÓN 1.0 En 1996, cuatro años dempués de la espublización d’http 1.0, asoléyase l’actualización cabera de la mesma versión 1.0 (Berners-Lee et al., 1996). Dende’l desendolcu de la versión 1.0 orixinal, abondos desarrolladores foron amestando anovamientos nos sos productos que s’incorporen al estándar nesta versión. Del mesmu mou, viose nestos últimos años que dellos aspeutos del estándar nun tienen interés pa la comunidá. Poro, quítense del protocolu camudando en parte la so filosofía orixinal. Amás, dellos aspeutos poco claros na versión anterior especifíquense con más detalle güei.

Na actualización cabera de la versión 1.0 de http almítese que l’arquitectura de serviciu basada nun restolador y un sirvidor nun ye válida en tolos casos. Ye posible que los pidimientos pa-

/62/

Ciencies 4 (2014)

sen per dellos programes intermedios. Bien por aspeutos de seguranza, funcionales o, cenciellamente, aforru de recursos, hai dalgunos programes que tamién puen tar presentes nuna arquitectura d’un serviciu web. Asina, un restolador conéutase a ún d’estos programes en cuenta coneutase direutamente al sirvidor. Dempués esti programa encárgase de procesar el pidimientu y de facelu llegar al sirvidor. Nel estándar inclúinse los casos d’un proxy, pasera y túnel.

• Un proxy (güei conocíu como forward proxy) vien a ser un programa que despliega’l responsable d’una rede na que los usuarios acceden a Internet, pa facer dalgún tipu de control sobre l’actividá d’esos usuarios. Esto pue ser esixir a los usuarios unes credenciales pa coneutase a Internet, restrinxir l’accesu a dellos sitios, etc. Tamién ye un programa que pue usase pa tresformar los pidimientos y respuestes cuando los restoladores y los sirvidores usen versiones estremaes del protocolu.

• Una pasera (güei conocida como reverse proxy) vien a ser un programa que despliega’l responsable d’una rede na que hai dellos sirvidores desplegaos. La idea ye la d’esponer esti programa como si fore un sirvidor de verdá. Los usuarios conéutense a él pensando que tán coneutándose al sirvidor real, pero en realidá fai de fachada o de sirvidor bastión. En recibiendo un pidimientu, la pasera pide los datos al sirvidor de verdá y dempués vuelve una respuesta al restolador.

Asina, los sirvidores reales nun s’esponen a un ataque del esterior de la rede, namás s’espón la pasera. Tamién pue usase pa comunicar restoladores con sirvidores que nun usen el protocolu http, faciendo una especie de traducción de mensaxes.

• Un túnel permite que dos programes qu’usen un protocolu estremáu a http puean comunicase con esti protocolu. Podemos pensar en dos falantes d’asturianu que nun puen comunicase nesta llingua. Poro, usen d’intermediarios dos falantes d’asturianu ya inglés. El primer falante d’asturianu diz al intermediariu lo que quier unviar.

L’intermediariu fala col otru intermediaru n’inglés y l’intermediariu caberu tresmite al segundu falante’l mensaxe. Esta utilidá ye interesante porque’l protocolu http suel funcionar en toles redes, mientres qu’otros protocolos puen nun funcionar principalmente por polítiques de seguridá restrictives.

ARRIBA Figura 8. Modelu d’autenticación na actualización cabera d’http 1.0.

Nesta actualización tamién s’incorpora el conceutu de caché. Una caché permite responder a un pidimientu ensin pidir los datos al sirvidor. Por exemplu, cuando un proxy recibe un pidimientu que yá procesó nel pasáu, pue contestar con una respuesta asemeyada a l’anterior ensin pidir los datos al sirvidor. Poro, un proxy que tenga una caché dirá guardando información de tolos pidimientos que procese pa poder xenerar respuestes futures. Esta ye una midida d’aforru principalmente.

Otru aspeutu que se concreta nesta actualización ye’l mecanismu d’autenticación que nun foi a especificase en detalle na versión 1.0 orixinal. Esti mecanismu pue vese na figura 8. Si un restolador quier acceder a un recursu protexíu, el

(2014) Ciencies 4

/63/

/ Evolución de los protocolos web nel so 25 aniversariu

sirvidor va responder con una respuesta d’error col códigu 401 y con detalles sobre’l formatu de les credenciales na cabecera www-Authenticate. En recibiendo esta respuesta, el restolador tien qu’unviar otru pidimientu incorporando les credenciales del usuariu na cabecera Authorization, nel formatu conseñáu pol sirvidor. Si les credenciales son correutes, el sirvidor respuende col recursu protexíu. Si les credenciales nun son correutes, el sirvidor xenera una reSpuesta como la primera qu’unviare. D’igual mou, l’estándar incorpora’l formatu d’unviu de credenciales Basic, que consiste n’aplicar una tresformación Base64 a la cadena resultante de concatenar el nome d’usuariu con un “:” y la so contraseña.

Authorization: Basic+”“+Base64(usuariu+:+con traseña) En xeneral, el formatu de los pidimientos y les respuestes caltiénse, pero fáense dellos cambeos, quedando, na so versión completa, tal y como vien darréu: Pidimientu-Completu = Métodu URI VersiónProtocolu CrLf *(Cabeceres-Xenerales | Cabeceres-Petición | Cabeceres-Entidá) CrLf [Cuerpu-Entidá]

Respuesta-Completa = Versión-Protocolu Códigu-Estáu Descripción-Estáu CrLf *(Cabeceres-Xenerales | Cabeceres-Respuesta | Cabeceres-Entidá) CrLf [Cuerpu-Entidá]

/64/

Ciencies 4 (2014)

Como podemos ver, respeuto a la versión orixinal los cambeos son principalmente semánticos no que cinca a la clasificación de les cabeceres.

Fáense cambeos nos métodos orixinales, escaeciendo dellos métodos, dando más importancia a un garrapiellu d’ellos y camudando la filosofía de dalgunos. Na parte principal del estándar caltiénense namás tres métodos: get y head, que caltienen la so función orixinal y post, que s’usa na actualidá p’apurrir unos datos que tienen que s’aceutar como una entidá subordinada de la uri del pidimientu. Exemplos son apurrir datos d’un formulariu, amestar datos nuna base de datos o espublizar un mensaxe nun foru. Del restu de métodos namás se caltienen con dellos cambeos delete, link, unlink y put, pero separtaos a un segundu llugar al espublizalos nun anexu.

Tamién se reduz el númberu de cabeceres al descartar funcionalidaes planteaes na versión orixinal. Asina desapaecen delles cabeceres rellacionaes col control de versiones y el pagamientu de servicios. Per otru llau, delles cabeceres camuden la so función, como pue ser el casu de Date que güei ye pa indicar l’instante de xeneración del mensaxe. Arriendes d’ello, faise una meyor clasificación de les cabeceres en cabeceres xenerales, que puen usase nuna respuesta o nun pidimientu (Date o Pragma), cabeceres que namás se puen usar nun pidimientu (Authorization, From, If-Modified-Since, Accept-Encoding, Accept-Language, User-Agent o Referer) o nuna rempuesta (Location, Server o www-Authenticate) y cabeceres d’entidá que proporcionen detalles sobre los datos axuntos al mensaxe (Allow, Content-Encoding, ContentLength, Content-Type, Expires o Last-Modified) Pa cabu, tamién se faen delles matizaciones na definición de dellos códigos d’estáu y surden códigos nuevos como puen ser los del grupu 100 que s’acuta pa usos futuros.

ARRIBA Figura 8a. Conexones persistentes.

ABAXO Figura 8b. Encadenáu de pidimentos.

http versión 1.1 http 1.1 (Fielding et al., 1999) espublízase, na so revision definitiva, trés años dempués d’espublizar l’actualización cabera d’http 1.0. en 1999. Esta revision dexa obsoleta una espublización preliminar d’http 1.1 nel RFC 2068.

Les anovaciones más notables d’esta versión tán nel modelu d’interaición ente’l restolador y el sirvidor. Como comentábamos enantes, un restolador que se comunica con un sirvidor con http, tien d’abrir una conexón tcp pela qu’unviar el pidimientu. Dempués, el sirvidor xenera una respuesta y pieslla la conexón tcp. Esti modelu pue vese na figura 7. El problema ye que, na mayoría de los casos, un restolador nun va pidir namás un ficheru al sirvidor, sinón un garrapiellu d’ellos. Poro, tien d’abrir y pesllar abondes conexones pa poder algamar tolos ficheros quenecesita pa pintar la páxina web en pantalla. Esti modelu, qu’amás se procesa en secuencia, ye mui ineficiente. Pa meyoralu, surden dos cambeos na versión 1.1: • Conexones persistentes. Cuando un restolador abre una conexón tcp, el sirvidor nun la pieslla namás devolver una respuesta. Asina, el restolador pue unviar más d’un pidimientu na mesma conexón tcp. Esti modelu, que pue vese na figura 8a, necesita que’l restolador indique al sirvidor cuándo pue pesllar la conexón. Incorpórase la cabecera Connection que col valor keep-alive quier dicir que’l sirvidor tien que caltener la conexón abierta y que col valor close indica que’l sirvidor pue pesllar la conexón. Los temporizadores internos de los sistemes operativos encargaríense de pesllar conexones de restoladores que nun lleguen a unviar un Connection a close.

• Encadenáu de pidimientos. Cuando s’usen conexones persistentes, el restolador tien

(2014) Ciencies 4

/65/

/ Evolución de los protocolos web nel so 25 aniversariu

abierta una conexón col sirvidor pa poder unviar más d’un pidimientu. L’unviu de dellos pidimientos pue facese aguardando a recibir una respuesta enantes d’unviar el siguiente pidimientu, como s’amuesa na figura 8a. Pa meyorar entá más el rindimientu, na versión 1.1 de http tamién se contempla’l casu de que, si’l restolador yá sabe qué ficheros tien que descargar del sirvidor, faiga pidimientos ensin esperar pola respuesta de caún d’ellos, como s’amuesa na figura 8b.

Tanto les conexones persistentes como l’encadenáu de pidimientos persiguen meyorar el rindimientu nel serviciu, aforrando’l pieslle y aniciu de conexones TCP innnecesaries y pudiendo unviar pidimientos ensin esperar poles respuestes correspondientes. Pero no que cinca al modelu d’interaición, na versión 1.1 del protocolu http tamién s’incorpora una funcionalidá que vien a iguar l’unviu de ficheros de grandes dimensiones entre restolador y sirvidor: la codificación en cachos.

La codificación en cachos fai posible unviar un pidimientu o una respuesta en fragmentos.

Ente otres ventayes d’esti modelu, ta la posibilidá d’unviar ficheros de grandes dimensiones. Si meditamos sobro’l mou de funcionamientu del serviciu, cuando’l sirvidor fai una respuesta tien que construyir un mensaxe de testu en memoria que dempués unvia pela conexón tcp entamada pol restolador. Si’l ficheru ye de grandes dimensiones, llega un momentu nel que tol ficheru, amás de les cabeceres, códigu d’estau y demás, cárgase na memoria de la máquina que correspuenda, provocando un colapsu de la mesma o una baxada notable nel so rindimientu (pola mor de la paxinación o swapping a memoria secundaria). La codificación en cachos funciona como

/66/

Ciencies 4 (2014)

se ve na figura 9. El restolador o’l sirvidor, cuando quieren usar codificación en cachos, incorporen una cabecera nomada Transfer-Encoding col valor chunked. Asina, l’otru cabu sabe que va recibir el mensaxe fragmentáu. Pela mesma conexón tcp, lo primero que manda esi restolador o sirvidor ye la primer parte del mensaxe, que suel incluir la primer llinia, les cabeceres y un fragmentu de los datos. Na parte cimera d’esi fragmentu ponse’l so tamañu en formatu hexadecimal. Siendo del mesmu mensaxe, l’unviu del siguiente fragmentu nun necesita incluyir la primer llinia de pidimientu/rempuesta ni les cabeceres. Poro, lo que s’unvia namás ye’l tamañu n’hexadecimal y el fragmentu de datos.

N’unviando tolos fragmentos, mándase namás un 0 indicando que yá s’unviare tol ficheru.

Na versión de http 1.1 tamién s’inclúin anovaciones relatives al usu de programes intermedios. Asina, incorpórense delles cabeceres qu’estienden el modelu d’autenticación de la figura 8 a un escenariu nel que l’autenticación tamién se pue facer nun proxy. Sobre la figura 8, la primer respuesta del proxy sedría una 407 Proxy Authentication Required con una cabecera Proxy-Authenticate pa indicar el formatu d’unviu de les credenciales del usuariu. Dempués el restolador unviaría les credenciales nel formatu indicáu na cabecera Proxy-Authorization. Per otru llau, na segunda metá de los años 90 estandarizóse’l crifráu de les comunicaciones a nivel de tresporte col protocolu ssl y la so evolución tls. En redes nes que se desplieguen proxies, esti cifráu pue provocar problemes. Los proxies saben el sirvidor col que se tienen que coneutar garrando los datos que vienen nel pidimientu http que-yos apurre’l restolador. Pero la negociación de los parámetros de cifráu, qu’implica un intercambiu de mensaxes entre’l

Les anovaciones más notables de http 1.1 tán nel modelu d’interaición ente’l restolador y el sirvidor

ABAXO Figura 9. Codificación en cachos.

restolador y el sirvidor, faise enantes d’unviar el pidimientu http. Poro, el proxy nun ye a saber con qué sirvidor tien que se coneutar porque nun llega a ver los mensaxes http.

Pa iguar el problema col cifráu y los proxies, nesta versión d’http incorpórase’l métodu connect. Con esi métodu, el restolador informa al proxy d’a qué sirvidor tien que se coneutar.

N’estableciendo la conexón col sirvidor, el proxy respuende confirmando al restolador esti fechu.

Nel casu de ssl/tls, dempués d’esta confirmación entamaría la negociación entre’l restolador y el sirvidor usando’l proxy como intermediariu. Agora yá funcionaría porque’l restolador ta coneutáu al proxy y el proxy ta coneutáu al sirvidor.

Otru preséu interesante qu’incorpora esta versión d’http ye la posibilidá pal restolador de solicitar una parte namás de los datos totales qu’hai nel sirvidor (una parte d’un ficheru en cuenta del ficheru enteru). El funcionamientu ye meyor velu con un exemplu. Si un sirvidor mete nuna respuesta la cabecera Accept-ranges cola unidá de midida que correspuenda (por exemplu bytes), ta indicando al restolador que pue pidir partes d’esi recursu medibles nesa unidá. Por exemplu, si nel siguiente pidimientu’l restolador mete la cabecera Range col valor bytes=0-499, quier dicir que ta pidiendo los primeros 500 bytes del ficheru. El sirvidor entós unviaría namás esi fragmentu y na respuesta inxertaría la cabecera Content-Range col valor bytes 0-499/1234, indicando qu’unvia los primeros 500 bytes d’un total de 1234.

No que cinca al formatu de los pidimientos, caltiénse igual que na versión anterior a nivel sintáuticu, pero fáense cambeos nos métodos y nes cabeceres principalmente. De los métodos de la versión anterior, namás se caltienen get,

(2014) Ciencies 4

/67/

/ Evolución de los protocolos web nel so 25 aniversariu

Lo que diba ser http 1.2 queda namás nuna especificación de caráuter esperimental d’un mecanismu d’estensión d’http

head, post, put y delete

ensin camudar el so significáu. Incorpórase’l métodu connect, comentáu enantes, amás d’options y trace. options ye pa saber los métodos que soporta un sirvidor o un recursu particular y trace ye una especie d’ecu pa facer depuraciones. Aumenta’l númberu de cabeceres pola incorporación de nueves funcionalidaes, delles comentaes enantes.

http versión ¿1.2?

Namás un añu dempués de la espublización de la última revisión d’http 1.1, nel añu 2000, asoléyase lo qu’entama como la version 1.2 del mesmu. Y dicimos entama, porque pel camín pasa de ser http 1.2 a An http Extension Framework (Nielsen et al., 2000). Esto ye: un cenciellu mecanismu d’estensión d’http que nun llega nin siquiera a ser estándar, sinón una especificación de caráuter esperimental.

Una vegada más, como asocediere nel pasáu, reconozse qu’hai tensiones ente’l mundu empresarial/iniciativa privada y los comités públicos d’estandarización. Les empreses, mui anovadores, proponen abondes ampliaciones al estándar. Pero estes enxamás lleguen a ponese nél o pónense mui tarde. Poro, lo que se fai con esta especificación ye diseñar un mecanismu xenéricu pa que los fabricantes puean desendolcar les

/68/

Ciencies 4 (2014)

anovaciones que-yos pete, ensin violar le especificaciones estándar. La filosofía ye percenciella: • Daquién diseña una funcionalidá nueva o estensión, y asigna-y una uri única a mou d’identificador universal.

• Un restolador que quier usar esa estensión, pon una cabecera nel so pidimientu incluyendo esi identificador universal • Si’l sirvidor implementa la estensión, fadrá lo que se-y pida. En cualesquier otru casu, contestará con una respuesta http normal y corriente.

Los pegollos que caltienen esta filosofía son delles cabeceres y dalgunos cambeos menores que vamos comentar: Les estensiones puen ser obligatories o optatives. La diferencia ye que si’l sirvidor nun implementa una estensión obligatoria tien que volver un error. Pa indicar la obligatoriedá o la opcionalidá d’una estensión, úsense les cabeceres Man o Opt respeutivamente. Nestes cabeceres ponse la uri de la estensión que se quier usar y el prefixu que va poner a otres cabeceres que son específiques d’esta estensión. Un sirvidor que soporta http 1.2 ye a interpretar les cabeceres Man y Opt y saber lo que tien que facer, pero ¿qué pasa con un sirvidor que nun soporta http 1.2? Nel casu d’un sirvidor non compatible,

cuando les estensiones son Opt nun pasa nada porque respuende con una respuesta http normal. Pero pal casu de les estensiones Man, lo que se fai ye poner un “M-“ enantes del métodu, lo que fai que los sirvidores nun compatibles devuelvan un mensaxe d’error (por exemplu mget en vez de get) Les estensiones puen ser saltu-a-saltu o cabu-a-cabu. Les estensiones saltu-a-saltu aplíquense na más que na conexón actual (por exemplu entre’l restolador y un proxy o entre un proxy y el sirvidor) y les cabu-a-cabu aplíquense a tola cadena de conexones dende’l restolador al sirvidor (por exemplu, pasando por dellos proxies) Les cabeceres Man y Opt indiquen estensiones cabu-a-cabu, pero les C-Man y C-Opt indiquen estensiones obligatories y opcionales aplicaes namás saltu-a-saltu.

Nel siguiente exemplu (Nielsen et al., 2000) vemos un pidimientu put na que se pide una estensión obligatoria cabu a cabu (vemos la cabecera Man y el prefixu m- nel métodu).

L’identificador de la estensión ye http://www. copyright.org/rights-mngement y el prefixu pa les cabeceres específiques ye 16. Les cabeceres específiques son 16-copyright y 16-contributions. Un sirvidor non compatible con http 1.2 respuende con un error porque nun pescancia’l métodu M-PUT. Un sirvidor compatible, vuelve

un error si nun soporta la estensión http://www. copyright.org/rights-mngement porque ye obligatoria (Man). Un sirvidor compatible que soporta esa estensión, usará la información de les cabeceres 16-copyright y 16-contributions pa saber lo que tien que facer.

M-PUT /a-resource HTTP/1.1 Man: "http://www.copyright.org/rightsmngement"; ns=16 16-copyright: http://www.copyright.org/ COPYRIGHT.html 16-contributions: http://www.copyright. org/PATCH.html Host: www.w3.org Content-Length: 1203 Content-Type: text/html <!doctype html ...

El protocolu WebSocket Magar que la version 1.2 d’http (o mecanismu d’estensión) nun llegó a usase masivamente, la version 1.1 del protocolu entá ye la version de referencia d’esti estándar. Pero, lóxicamente, dende’l so desendolcu pasaron bien d’años nos que los desarrolladores de software siguieron faciendo abondes anovaciones. Delles d’estes anovaciones puen ser la distribución d’información

(2014) Ciencies 4

/69/

/ Evolución de los protocolos web nel so 25 aniversariu

IZQUIERDA Figura 10. Desendolcu de chat con http.

ABAXO Figura 11. Formatu de mensaxe Websocket.

WebSocket ye un protocolu diseñáu pa ufrir un serviciu de comunicación simétricu y full-duplex ente un cliente y un sirvidor

/70/

Ciencies 4 (2014)

en vivo, los xuegos interautivos, los servicios de mensaxería instantánea (o comunicación interautiva) integraos en páxines web. Estes anovaciones puen implementase con http, pero de forma mui poco eficiente. Por exemplu, si queremos facer un serviciu de mensaxería instántanea con http y software convencional, como vemos na figura 10, el restolador tien que facer un sondéu periódicu del sirvidor cada dellos segundos pa saber si hai mensaxes nuevos pal usuariu.

Si’l sirvidor tien mensaxes nuevos pa unvia-y al usuariu, tien qu’esperar a que ‘l restolador d’esi usuariu entrugue por mensaxes nuevos.

L’exemplu del chat tien dellos inconvenientes. En primer llugar, el restolador de los usuarios ta faciendo pidimientos cada pocos segundos consumiendo de forma, quiciabes, innecesaria. El restolador d’un usuariu que nun recibe mensaxes ta xenerando pidimientos igualmente, pero estos son innecesarios. Per otru llau, si mengua la frecuencia del sondéu podemos reducir el númberu de recursos consumíos, pero’l serviciu pierde interactividá porque los mensaxes llegaríen tarde al usuariu. Agora bien ¿cómo meyoramos esta situación? Lo meyor ye que’l sirvidor, de la que recibe un mensaxe pa un usuariu, unvie al so restolador el mensaxe nesi momentu, pero esto con http nun se pue facer porque’l sirvidor tien un rol pasivu siempre. Necesítase otru protocolu como pue ser WebSocket (Fette y Melnikov, 2011).

El protocolu WebSocket ye un protocolu de nivel d’aplicación diseñáu pa ufrir un serviciu de comunicación simétricu y full-duplex (bidireicional y simultaneu) ente un cliente y un sirvidor.

El protocolu pue usase dende los programes JavaScript inxertaos nes páxines web. Tanto un restolador que lu use, como un sirvidor, pue unviar al otru cabu un mensaxe cuando-y pete. La conexón ente’l cliente y el sirvidor entama con un pidimientu http normal. Esti pidimientu, normalmente de tipu get, lleva una cabecera Connection col valor Upgrade, indicando que se quier camudar el protocolu http por otru. Esti nuevu protocolu indícase na cabecera Upgrade que, nel nuesu casu, tendrá’l valor websocket. Asina, el sirvidor sabe que’l restolador quier usar WebSocket. Esti pidimientu tamién lleva otres cabeceres p’acutar delles opciones y pa facer comprobaciones de seguranza como Sec-WebSocket-Key, Sec-WebSocket-Protocol, o Sec-WebSocket-Version o SecWebSocket-Extensions. Si’l sirvidor contesta con

una respuesta 101 Switching Protocols y se cumplen les comprobaciones de seguranza, entama l’intercambiu de mensaxes WebSocket.

Los mensaxes qu’unvia’l restolador y el sirvidor tienen el formatu binariu que se pue ver na figura 11.

Como se ve na figura 11, los mensaxes tienen una estructura binaria na qu’hai dellos campos de control con estremaes funciones. Quiciabes el campu más importante ye oc o códigu d’operación que ye un campu de 4 bits qu’almite los valores que vienen darréu (preséntense en formatu hexadecimal): • 0: Esti ye un mensaxe que lleva un fragmentu d’una secuencia de mensaxes. El campu F de la cabecera indica qu’esti ye’l fragmentu final.

• 1: Esti ye un mensaxe que tresporta datos en formatu testu. Nuna secuencia de fragmentos, esti valor marcaría l’entamu de la secuencia darréu que’l restu de fragmentos llevaría’l valor 0 n’ oc.

• 2: Esti ye un mensaxe que tresporta datos en formatu binariu. Nuna secuencia de fragmentos, esti valor tamién marcaría l’entamu de la secuencia ya que’l restu de fragmentos llevaría’l valor 0 n’oc.

• 3-7: Son códigos reservaos.

(2014) Ciencies 4

/71/

/ Evolución de los protocolos web nel so 25 aniversariu

• 8: Esti mensaxe úsase pa indicar que se quier pesllar la conexón.

• 9: L’emisor quier saber l’estáu del otru cabu (Ping).

• A: L’emisor contesta a un mensaxe anterior con oc igual a 9 (Pong).

• B-F: Son códigos reservaos.

Los valores del campu oc condensen el funcionamientu del protocolu. Si por exemplu un restolador quier unviar al sirvidor un mensaxe de testu grande y pesllar la conexón, xeneraría la siguiente secuencia: El primer mensaxe llevaría nel campu oc el valor 1, los siguientes mensaxes con datos de testu llevaríen n’OC el valor 0. El mensaxe caberu que tresporta datos de testu llevaría’l campu F a 1. Dempués d’unviar tolos mensaxes de testu mandaría otru mensaxe col campu oc a 8.

Nel exemplu del chat, n’estableciendo la conexón los restoladores y’l sirvidor tendíen una conexón abierta un tiempu indefiníu. Pa que nun se peslle sola, dacuandu intercambiaríen mensaxes con oc a 9 y a a (ping-pong). Si’l sirvidor tien un mensaxe pa un usuariu, mandaría-y una secuencia de mensaxes de testu. Si l’usuariu quier retrucar, el so restolador unviaría una nueva secuencia de mensaxes de testu. Si l’usuariu quier desconeutase, el restolador unviaría un mensaxe con oc a 8. Si lo que fai l’usuariu ye cenciellamente pesllar el restolador, l’ausencia d’actividá na conexón fadría que’l sirvidor la pesllare automáticamente.

/72/

Ciencies 4 (2014)

ESTÁU DE LOS PROTOCOLOS ANGUAÑO (AÑU 2014) Websocket ye un protocolu que paez que ruempe un poco la evolución tradicional d’http en versiones que se van remocicando y evolucionando. Y nun ye qu’http tea muertu, sinón que cenciellamente lleven munchos años ensin espublizar una nueva versión. Nel añu 2014 hai dos víes abiertes de trabayu respeuto a http: una revision d’http 1.1 y la espublización de la version 2 d’http.

Nueva revisión de http 1.1 Nuevamente, 15 años dempués de la última revisión estandarizada d’http 1.1, faise una revisión d’esta versión del protocolu. La revisión última d’esta versión ye de xunu de 2014 y yá ta camín de convertise n’estándar. Esta revisión condensa lo que ye la base del protocolu más una refilera de funcionalidaes, pero con un nivel d’especificación más detalláu. Pol so llargor, decídese espublizalu en 6 documentos: • Sintaxis de mensaxes y empobinamientu (Fielding y Reschke, 2014a) • Semántica y conteníu (Fielding y Reschke, 2014b) • Pidimientos condicionales (Fielding y Reschke, 2014c) • Pidimientos de fragmentos (Fielding et al., 2014a) • Cachés http (Fielding et al., 2014b) • Autenticación (Fielding y Reschke, 2014d).

Como podemos ver, la parte básica del protocolu (sintaxis y semántica) condénsase en dos documentos. Los otros cuatro especifiquen delles funcionalidaes yá comentaes enantes, colos cambeos propios d’esta versión.

No que cinca a la sintaxis y empobinamientu (Fielding y Reschke, 2014a), confírmase’l modelu d’interacción básicu colos cambeos inxertaos na revisión anterior d’http 1.1 (Fielding et al., 1999), la esistencia de proxies, paseres y túneles, el funcionamientu de delles cabeceres y la estructura orixinal de mensaxes. Per otru llau, el nivel de detalle na especificación ye muncho mayor, aclariando delles duldes que podíen surdir nel pasáu, escaezse’l formatu cenciellu de empobinamientu 0.9 (Berners-Lee, 1991), inclúinse na especificación les uri https que correspuenden a mensaxes empobinamientu unviaos sobre ssl/tls y matízase’l funcionamientu del métodu connect.

En cuantes a la semántica y conteníu (Fielding y Reschke, 2014b), lo que se fai principalmente ye desaniciar ambigüedaes con un nivel d’especificación más detalláu. Confírmense les cabeceres yá definíes nel pasáu, faciendo delles aclaraciones sobro’l formatu de los sos valores y la interpretación de los mesmos. Tamién se caltienen los mesmos métodos que na versión anterior y los mesmos códigos d’estáu, incrementando’l nivel de detalle na especificación. Surde un códigu nuevu pa que los sirvidores puean suxerir camudar de protocolu proactivamente (426 Upgrade Required). Per otru llau, establezse un métodu pa estender el protocolu amestándo-y nuevos métodos, cabeceres y códigos d’estáu.

Los pidimientos condicionales son daqué que lleva nel estándar dende la versión 1.0 orixinal pola mor de la cabecera If-Modified-Since (Berners-Lee, 1992). Dende esa versión, foron amestándose nueves cabeceres indicando precondiciones pa poder aplica-y un métodu a un recursu determináu. Güei, estes cabeceres y la lóxica que-yos correspuende, recuéyense nun documentu específicu (Fielding y Reschke, 2014c).

Nesti documentu, el nivel d’especificación ye mui superior a lo recoyío en versiones anteriores del protocolu. Por exemplu, aclariase lo qu’hai que facer en casu d’ambigüedá cuando hai delles cabeceres condicionales nel mesmu pidimientu.

Los pidimientos de fragmentos d’información yá yera daqué recoyío na versión 1.1 d’http (Fielding et al., 1999). Anguaño, esta funcionalidá tamién se recueye nel so documentu específicu (Fielding et al., 2014a). Esti documentu concentra tola funcionalidá rellacionada con esti mecanismu, apurriendo más exemplos y con un nivel de detalle mayor, na llinia del restu de documentos d’esta especificación.

Les cachés tamién son un mecanismu compatible con http dende l’actualización cabera d’http 1.0 (Berners-Lee et al., 1996). Na revisión que se fai agora d’http 1.1, dedícase un documentu enteru a esti mecanismu (Fielding et al., 2014b). El nivel de detalle del mesmu nun ye comparable al de les versiones anteriores del estándar no que cinca al tratamientu de les cachés, faciendo una bayurosa descripción de cómo se calcula’l frescor d’un recursu.

El documentu caberu d’esta nueva especificación d’http 1.1 céntrase n’autenticación d’usuarios (Fielding y Reschke, 2014d). Nun se faen aportaciones considerables, como nes otres partes d’esta revisión del protocolu, puesto que

(2014) Ciencies 4

/73/

/ Evolución de los protocolos web nel so 25 aniversariu

namás se condensa tolo escrito nes versiones anteriores nun documentu específicu: el modelu xeneral d’autenticación, códigos d’estáu y cabeceres tanto pa l’autenticación en sirvidores como en proxies, orixinalmente en Berners-Lee et al. (1996) y (Fielding et al. (1999).

http versión 2 Entá n’estau borrador, al empar que se trabaya na nueva revisión de la versión 1.1 d’http, yá ta trabayándose no que se quier llamar version 2 d’esti protocolu (Belshe et al., 2014). Como vamos ver, al contrario de lo que paez, esta versión nun compite cola anterior.

L’enfotu de la versión 2 ye facer un consumu más eficiente de los recursos de rede. Como diz la propia especificación d’esta versión del protocolu, el formatu de los mensaxes d’http 1.1 diseñóse pa que se desendolque coles ferramientes afayadizes na década de los 90 del sieglu pasáu (Belshe et al., 2014). Asina, tien delles carauterístiques que, güei, puen ser ameyoraes no que cinca al rendimientu d’un serviciu web.

La versión 1.1 yá amestaba al estándar delles optimizaciones coles conexones persistentes y l’encadenáu de pidimientos (Fielding et al., 1999). Pero, asina y too, entá con estes optimizaciones el procesamientu de los pidimientos tien que ser secuencial. La secuencialidá pue provocar bloqueos head-of-line, nos qu’un problema cola respuesta d’un pidimientu fai que se retrasen les respuestes posteriores. Además, les cabeceres de los mensaxes http son bultables y faen que’l tamañu de los mensaxes medre enforma. Dellos estudios asitien el tamañu de les cabeceres ente 200 bytes y más de 2 kilobytes (spdy, 2014). Poro, http 2 naz col enfotu d’optimizar los servicios web dende’l puntu de

/74/

Ciencies 4 (2014)

Al empar que se trabaya na nueva revisión de http 1.1, yá ta desendolcándose la version 2 d’esti protocolu, pero, al contrario de lo que paez, esta versión nun compite cola anterior

vista de les comunicaciones.

Como se ve na figura 12, una conexón http 2 entama col mecanismu yá utilizáu por WebSockets. El restolador entama les comunicaciones con un pidimientu http normal, pero nél pídese camudar de protocolu (Connection a Upgrade) pa pasar de http 1.1 a http 2 (Upgrade a h21). Si’l sirvidor contesta con una respuesta con códigu 101 Switching protocols y confirma que se fai’l cambéu a http 2 (Connection a Upgrade y Upgrade a h2), entamen les comunicaciones nesta versión del protocolu.

Como se ve na figura 12, nel pidimientu del restolador métese una cabecera http -Settings con dellos parámetros que van usase pa nego-

ciar les comunicaciones ente’l restolador y el sirvidor. Polo menos, esta cabecera tien que tener valores pa los parámetros settings _ max _ concurrent _ streams y settings _ initial _ window _ size. Con estos parámetros, el restolador indica’l númberu de transacciones http 2 concurrentes qu’almitiría y el númberu máximu de bytes que pue recibir ensin unviar una confirmación de vuelta al sirvidor.

1. El valor h2 correspuende a una conexón http 2 sobro tls, mientres qu’h2c ye pa entamar una conexón http 2 sobro tco direutamente (ensin cifráu).

ARRIBA Figura 12. Entamu de comunicación http 2.

Esa primera transaición (pidimientu + respuesta) ye usando http 1.1, pero la negociación acaba usando dellos mensaxes nel formatu propiu d’http 2 unviaos pela conexón tcp yá establecida. Si’l sirvidor confirmó’l pidimientu del restolador, lo primero que fai ye unviar un mensaxe de tipu settings col númberu de transacciones qu’almitiría y el so “tamañu de ventana”. Al mesmu tiempu, el cliente tien qu’unviar una confirmación final col mensaxe hexadecimal 505249202a20485454502f322e300d0a0d0a534d0d0a0d0a 2 y un mensaxe settings con dalgunos parámetros finales.

N’acabando esta primer fase de negociación, el restolador y el sirvidor yá tán d’alcuerdu pa usar http 2 pa comunicase. Cada vegada qu’el restolador quiera unviar un mensaxe al sirvidor, usando la conexón tcp establecida (con tls o ensin él), entama una transaición nueva y con ella unvia los datos que-y pete. Lo mesmo’l sirvidor, que pue tamién entamar transaiciones hacia’l restolador. Una transaición ye equiparable a un intercambiu de mensaxes http ordinariu (pidimientu+respuesta). Na semántica del protocolu, estes transaiciones llámense fluxos Puen abrise tantos fluxos concurrentes como se negociare orixinalmente colos settings _ max _ concurrent _ streams. Lo que se fai ye un tratamientu asemeyáu al encadenáu de pidimientos d’http 1.1, pero rompiendo l’orde secuencial de les mesmes.

2. pri * http/2.0 CrLf CrLf SM CrLf CrLf

(2014) Ciencies 4

/75/

/ Evolución de los protocolos web nel so 25 aniversariu

Por exemplu, si un restolador necesita pidir dos ficheros, xenera dos fluxos y pide los ficheros colos mensaxes http 2 que correspuenda. Estos mensaxes van pela mesma conexón tcp, pero lleven un identificador de fluxu. La diferencia ye qu’anguaño’l sirvidor pue responder col segundu ficheru enantes que col primeru: nel orde que-y apeteza. Si hai un problema con ún de los pidimientos, esti nun retrasa a los otros. Esto ye pa evitar el problema de bloqueos head-ofline comentáu enantes. Ye más, http 2 incorpora un mecanismu de priorización que-y sirve a un cabu pa indicar al otru cómo quier que se procesen los fluxos. Poro, llevándolo a la semántica clásica d’http, el procesamientu de los pidimientos yá nun ye nel orde de llegada.

Los mensaxes http 2 tienen el formatu binariu que vemos na figura 13.

Como vemos na figura 13, los mensaxes tienen una estructura na qu’hai dalgunos campos de control con estremaes funciones. El campu más interesante ye Tipu que ye un campu de 8 bits pa indicar el tipu de mensaxe de que se trata. Ensin entrar en detalle nel protocolu, quiciabes los más interesantes son data (0x0), que ye pa unviar datos (por exemplu una páxina o los datos d’un formulariu) y headers (0x1), que ye pa unviar información de control (por exemplu les cabeceres clásiques de http) Pa entender el funcionamientu no que ye un contestu de navegación, vamos ver un exemplu.

/76/

Ciencies 4 (2014)

ARRIBA Figura 13. Formatu de mensaxe http 2.

DERECHA SUPERIOR Figura 14. Pidimientu d’una páxina web con http 2.

DERECHA INFERIOR Figura 14. Unviu d’una páxina web con http 2.

Na figura 14 amuésase cómo sería un pidimientu d’una páxina web.

El pidimientu http 1.1 que vemos a la izquierda de la figura 14, estrémase en dos partes. La primera tien les cabeceres, que se meten nun mensaxe headers na forma que se ve na figura, entamando un fluxu nuevu. Nel mensaxe headers indícase qu’esti mensaxe acaba les cabeceres (end _ headersSí), yá qu’estes podríen unviase en dellos mensaxes header si fai falta. Amás, indícase que nun acaba’l fluxu (end _ streamNo), porque entá tien qu’unviar el mensaxe data. La segunda parte del pidimientu, que sedría lo que va nel cuerpu d’entidá (por exemplu los datos d’un formulariu web), mándase nun mensaxe data nel que s’indica qu’esta parte acabó d’unviar mensaxes pa esti fluxu (end _ streamSí).

El sirvidor respondería entós con daqué ase-

meyao a lo que vemos na figura 15. La respuesta http 1.1 que vemos a la derecha estrémase en dos partes. La primera tien les cabeceres que s’unvien nun mensaxe headers y la segunda tien el ficheru que se manda nun mensaxe data. La filosofía ye la mesma que la del unviu de la pidimientu.

El cuerpu d’entidá (los datos), yá se podíen

comprimir en versiones anteriores del protocolu. Yera daqué que yá recoyía la versión 1.0 cola cabecera Content-coding (Berners-Lee et al., 1996). La novedá ye qu’agora los datos de cabecera que s’unvien nos mensaxes headers tamién se comprimen usando la especificación de Peon y Ruellan (2014), reduciendo’l volume d’información que s’unvia.

(2014) Ciencies 4

/77/

/ Evolución de los protocolos web nel so 25 aniversariu

CONCLUSIONES Esti trabayu reflexa la evolución de los protocolos que dan encontu a los servicios web. Estos protocolos tán diseñaos pa permitir que les aplicaciones puean comunicase, ufriendo los servicios básicos que necesiten pa comunicase.

Los servicios web entamen nun sitiu mui concretu, pero espárdense rápidamente per tol mundu apaeciendo bien d’empreses que desendolquen productos pa estos servicios. Tener protocolos estándar ye importante pa garantizar la compatibilidá ente toos estos productos. El problema ye’l desacople ente los grupos d’estandarización y les empreses. Nel aniciu, los grupos d’estandarización que facíen estos protocolos pensaben les funcionalidaes que podíen ser interesantes pa les empreses, pero yá viemos qu’esto foi un fracasu. Dellos mecanismos previstos na primer revisión de http 1.0 tuvieron que se quitar porque nun se llegaron a implementar enxamás. Yá dende bien aína, la proactividá de los comités volvióse reactividá. Les anovaciones de les empreses yeren tan rápides, que los estándares dieron nuna compilación de coses que yá taben usándose. Inclusive llegó’l puntu nel que se fixo daqué pa que les empreses pudieren anovar ensin romper col estándar. Poro, acompasar el trabayu d’estandarización con un entornu tan cambiante como’l teunolóxicu ye una xera percomplexa.

Finalmente, vemos qu’enxamás se fai nada perfeuto: les coses siempre puen ameyorase. Pa los usuarios de la web lo único que se nota, quiciabes, ye que les páxines son más guapes, pero que lo demás nun camuda un res. La realidá ye bien distinta. Daqué tan bultable como facer servicios más rápidos, nun ye namás un problema de la nuesa conexón a Internet.

La electrónica ye meyorable, los sistemes operativos son meyorables, los productos software son meyorables, los protocolos de comunicaciones son meyorables y too esto necesita del trabayu de munchos investigadores ya inxenieros que faen la nuesa vida cada vegada más emocionante.

Referencies bibliográfiques Belshe, M., R. Peon & M. Thomson (2014).- Hypertext Transfer Protocol version 2. [Versión 14 de xunetu de 2014], en http://tools.ietf.org/html/draft-ietf-httpbis-http2-14 [consultada per última vegada’l 4 de setiembre de 2014].

Peon, R. & H. Ruellan, H (2014).- hpack - Header Compression for http /2, [Versión 9 de xunetu de 2014], en http://tools. ietf.org/html/draft-ietf-httpbis-header-compression-09 [consultada per última vegada’l 4 de setiembre de 2014].

Berners-Lee, T. (1989).- Information Management: A Proposal, cern, en http://www.w3.org/History/1989/proposal-msw. html [consultada per última vegada’l 9 de mayu de 2014.

Berners-Lee, T. (1991).- The original http as defined in 1991, en http://www.w3.org/Protocols/ HTTP /AsImplemented.html [consultada per última vegada’l 2 de setiembre de 2014].

Berners-Lee, T. (1992).- Basic http as defined in 1992, en http://www.w3.org/Protocols/ HTTP / HTTP.html [consultada per última vegada'l dos de setiembre de 2014].

Berners-Lee, T., R. Fielding & H. Frystyk (1996).- Hypertext Transfer Protocol – http /1.0, en rfc 1945. 1996.

Bush, V. (1945).- As we may think in The Athlantic, xunetu de 1945.

Elzinga, K., D. Evans & A. Nichols (2001).- United States v. Microsoft: Remedy or Malady. 9 George Mason Law Review 633.

Engelbart, D.C. & W.K. English (1968).- A Research Center for Augmenting Human Intellect”. afips Conference Proceedings of the 1968 Fall Joint Computer Conference, San Francisco, ca, 33:. 395-410.

Fette, I. & A. Melnikov (2011).- The WebSocket Protocol, en rfc 6455, 2011.

Fielding, R., J. Gettys, J. Mogul, H. Frystyk, L. Masinter, P. Leach & T.Berners-Lee (1999).- Hypertext Transfer Protocol – http /1.1, en rfc 2616. 1999.

Fielding, R., Y. Lafon & J. Reschke (2014).- Hypertext Transfer Protocol (http /1.1): Range Requests, en rfc 7233.

Fielding, R., M. Nottingham & J. Reschke (2014).- Hypertext Transfer Protocol (http/1.1): Caching, en rfc 7234.

Fielding, R. & J. Reschke (2014a).- Hypertext Transfer Protocol (http /1.1): Message Syntax and Routing, en rfc 7230.

— (2014b).-Hypertext Transfer Protocol (http /1.1): Semantics and Content, en rfc 7231.

— (2014c).- Hypertext Transfer Protocol (http /1.1): Conditional Requests, en rfc 7232.

— (2014d).- Hypertext Transfer Protocol (http/1.1): Authentication, en rfc 7235. iso/iec

(1997).- Information technology –Open Systems Interconnection– Protocol for providing the connection-mode transport service. iso/iec 8073:1997(E).

Martin, J. & J. Leben (1992).- decnet Phase V: An osi Implementation. Digital Press.

Les meyores na teunoloxía de la comunicación necesiten del trabayu de munchos investigadores ya inxenieros que faen la nuesa vida cada vegada más emocionante

Nielsen, H., P. Leach & S. Lawrence (2000).- An http Extension Framework. rfc 2774.

Nelson, T.H. (1967).- Getting it out of our system. Information Retrieval: A Critical Review. G. Schechter, ed. Thomson Books,Washington d.c: 191-210.

Postel, J. (1981).- Simple Mail Transfer Protocol, en rfc 788. spdy:

An experimental protocol for a faster web, en http://dev.chromium.org/spdy/spdy-whitepaper, [consultada per última vegada’l de setiembre de 2014].

/78/

Ciencies 4 (2014)

(2014) Ciencies 4

/79/

LA NUECHE ESCURA DEL SER: LLOCURA Y SOCIEDÁ N’ASTURIES

Maqueta de La Cadellada espuesta nel nuevu huca

Un repasu a l’asistencia psiquiátrica n’Asturies hasta la Guerra Civil (1936-1939)

Por Ignaciu Llope Especialista en Medicina Familiar y Comunitaria.

Psiquiatra. Coordinador de los Servicios de Salú Mental del Área ii-Cangas del Narcea. sespa.

Esti artículu tien como base la conferencia dictada pol autor nos cursos de la Universidá Asturiana de Branu (uabra) de 2013 en Cangas del Narcea. (N. del E.)

/80/

Ciencies 4 (2014)

Imaxe aérea de La Cadellada en 1962

(2014) Ciencies 4

/81/

/ La nueche oscura del ser: llocura y sociedá n’Asturies

A

paez n’Asturies la primer referencia documental a la pallabra llocura, llamativamente, nuna obra dedicada a la llingua gallega. Trátase del Catálogo de voces y frases de la lengua gallega, de Frai Martín Sarmiento, que recoyó términos sentíos nos sos viaxes per Asturies nos años 1720 y 1723, y que-y abultaron útiles pa illustrar les correspondientes voces gallegues. Lloria –que non *lloría– foi la forma conseñada, rellacionándola directamente col gallegu «louria»: aludiría a la llocura, a comportamientos caprichosos, incomprensibles que, nin dicíen nin atopaben xacíu nel reinu de la razón; y con esa acepción recueye’l términu’l Diccionariu de la Llingua Asturiana de l’alla. Asina que llocu o alloriáu ye mesmo’l demente que l’alienáu, cualesquier persona que careza de lloria, qu’alloqueza.

Pero l’idioma tamién ye a estremar los estaos del alma y, tamién, esos procesos nos que la escuridá anubre’l ser y el sufrimientu tapez la razón. Pa los estaos depresivos úsase dende tristura –tristeza, melancolía– a señaldá –esi sentimientu de tristura que da l’ausencia– o murniu, como consecuencia del procesu d’amurniase, d’atristayar, pero nun sen melancólicu, de permanencia. Y tamién nesi espectru convencional de la bipolaridá, términos como esprecetáu o desprecetáu cinquen un territoriu que raspia la manía, un estáu de disforia y ánimu espansivu, qu’alcuando da n’enraxonase, esi descontrol d’ira y violenta reaición a reales o supuestes provocaciones; y aventáu ye esi otru ser que pol so calter ta en boca de tola redolada, ye un maniosu que nun tien tiez personal y va albentestate de

/82/

Ciencies 4 (2014)

les circunstancies de la vida; pola contra, allunáu avérase a la llocura cíclica, a la inconstancia d’afeutos y amoriar, estordigar o tresbandar seríen dalgo asina como alloriar de secultre y d’esta miente, la so malura, la so ruptura con toa norma o riegla revélase impredecible. Y a la par d’estos términos, fatu, lluellu, pascaxu, panoyu, feñe, azopilón, mazcayu o tochu definen graos varios d’imbecilidá, o inocente qu’al facese axetivu espeya un estáu del espíritu xenerosu y comprensivu cola debilidá humana y les sos miseries. Por nun falar d’esi bixu de términu que define con precisión esquisita aquel estáu d’incomodidá, de malestar col mundu y colos demás, d’irritabilidá de baxa intensidá, d’afán imposible de sosiegu y soledá: la repunancia. ¿Y babayu? Una ayalga terminolóxica que furta la imaxe de la idiocia, de la babaya pingando d’un llabiu inferior ensin rixu, y trescala precisa no que tienen de ridícules ya inadecuaes les conductes que se quieren intelixentes y sabies y nun son más que la güelga fata de la estupidez.

Vese cómo nos recursos del idioma asturianu hai pallabres coles que llendar la llocura, nun intentu taxonómicu que tien que ver col poder esconxurador de la enunciación, de la dicción lletra a lletra, enveredada a contener un desasosiegu que vien d’esi desorde que s’albidra primordial, anterior al pautu civilizatoriu y que medra como un animal secretu na vida y obra de los homes y de les muyeres. Ye un melancólicu esfuerciu por dar nome al territoriu de la llocura, a esi llugar nel que’l mundu pierde la so tranquilizadora dimensión, esa midida aceptada y apautada qu’estrema la pasión de «la nueche escura del ser».

IZQUIERDA Julio Somoza.

La mirada propia, la mirada ayena Nel so enraxonáu ensayu d’ensayu El carácter asturiano, Julio Somoza (1848-1940) afirma que (1979: 55) «la locura [de los asturianos] es una forma de exaltación o irritabilidad del temperamento, peculiar por las condiciones del clima y de las enfermedades originadas por la calidad y miseria de la alimentación». En poques llinies resume una manera d’entender la llocura como daqué que remanez de la miseria y de les males condiciones de vida, que de dalguna miente yera una constante de la sociedá asturiana de magar la Edá Media hasta los años nos que’escribía l’eruditu xixonés, nos finales del sieglu xix. Pero don Julio nun facía otra cosa qu’inxertase nuna llarga tradición que yá bien ceo identificaba a los asturianos (y gallegos) como llocos, de poco fiar, miserables, físicamente zafios y feos, folganzanes y daos al vinu y a la molicie; vicios toos que teníen na miseria y nes faltes materiales d’alimentación, vivienda ya hixene’l so orixe y xustificación. Si bien esta carauterización yera d’autoría alóctona, l’amarguxada diatriba de Somoza concasaba con una manera de definir el carauter asturianu nel que la poca tiez d’espíritu y mente yera consustancial. Porque si yá nel poema La jura de Santa Gadea del ciclu romancísticu del Cid, la condición d’asturianos de los asesinos fai’l crime más vil («Villanos mátente Alfonso,/villanos que non fidalgos/de las Asturias de Oviedo/que non sean castellanos») ye na lliteratura del Sieglu d’Oru español onde s’atopen amueses bien evidentes de la imaxe que de los asturianos teníen de Payares p’abaxo. Esi estereotipu calca nuna visión negativa de la que la

(2014) Ciencies 4

/83/

/ La nueche oscura del ser: llocura y sociedá n’Asturies

tochez y lloria, al empar de la miseria natural del país, son argumentos repitíos perdayures (Sánchez Vicente 1999: 38-45), compartíos colos gallegos nes más de les ocasiones. Yá la nomada carta d’Eugenio de Salazar (1530: 302-305) na que describe’l llugar de Tormaleo supón una sátira cruel de les condiciones de vida y de muerte, de l’ausencia d’una mínima salubridá y calca na indignidá moral y na brutalidá de los autóctonos: «...están los hombres, los puercos y los bueyes todos pro indiviso, así porque todos son herederos de la tierra, como porque ni aún en las costumbres se diferencian». Retratu corroboráu por autores como López de Úbeda, Lope de Vega o’l mesmu Cervantes. Esti últimu retrata’l tópicu del caráuter asturianu más rellacionáu cola llocura, lo alloriao, lo aventao nel personaxe d’Avendaño de la Ilustre fregona, pero ye que na Villa y Corte los emigrantes asturianos –xunto colos gallegos– dende’l sieglu xvi distinguiéronse por dedicase a oficios viles ya indecorosos como esportilleros, mozos de cuerda, aguadores y criaos, al empar d’amosar un aspeutu físicu porconzón y xostra: llargues guedeyes, piernes esnudes, afataos de cualesquier manera... pero al empar arguyosos de la so nobleza y fidalguía, contraste que chocaba abondo a los madrilanos (Jiménez Mancha 2007: 24-28). Ensin embargu nun son pocos los testimonios d’autores foriatos (Castañón 1977) –too ello nuna ambigüedá na que conviven na dómina apreciaciones de xenerosidá y de tacañería, de ser arrogantes y de ser miserables,... –qu’emponderen a los naturales del país como exemplu d’honradez, de llaboriosidá y de digna cenciellez nel vivir. En tou casu, superficiales y tópiques aloyes que son una constante nesa haxográfica lliteratura conservadora qu’empondera les virtúes de campesinos y menestrales mentanto respeten sumisamente’l

/84/

Ciencies 4 (2014)

natural orde social y la dominación de les fidalguíes terratenientes y de la Ilesia.

Poro, l’estigma de la llocura rescampla en refranes y dicires de la tradición castellana: «Asturiano, loco, vano y mal cristiano», y tou un tresmontoriu de variantes, como «Asturiano,/loco o vano,/mal amigo,/peor cristiano», «Asturiano,/ loco o vano,/falso amigo,/mal cristiano,/ sucia esposa, /fiede a lepra/o la rosa», «Asturiano,/ loco o vano,/falso amigo,/ruin, avaro/y mal cristiano», «Asturiano,/loco o vano,/falso amigo,/ ruín, avaro,/vil, perjuro/y ma cristiano». Y a mayor bayura exemplificadora: «Mozo asturiano, poco fiel y mal cristiano, o goza al ama, o roba al amo, o las dos cosas a un tramo»; «Al asturiano, vino puro y lanza en mano», «Asturiano, patas de marrano», «Asturiano, oso y cerruno, ninguno», y, como yá ye abondo, «Asturianos, cortos de pies y largos de manos» (Sánchez Vicente 1999: 44-45). En tou casu, trátase d’arquetipos que se caltienen nel tiempu y na lliteratura dando llugar a una imaxe que tien una innegable potencia identificadora hasta’l presente: «Puxa Asturies borracha y dinamitera». Estos retratos que tienen por protagonistes a los naturales de l’Asturies tresmontana espeyen una realidá, que ye la construcción d’una narrativa na que la miseria material tien como consecuencia la miseria moral, concepción primaria que yá nel sieglu xix serviría d’argumentariu pa la constitución na medicina –y, naturalmente na psiquiatría– de la corriente hixenista, qu’entiende la salú dende la salubridá: la llimpieza moral tien que ver cola llimpieza física, l’aire puro y la lluz y el sol. Asina, complementando y abondando no anterior nun son pocos los viaxeros, xente con interés o estudiosos que describen la probitú, la fame y la mala vida del país; valga d’exemplu esti testu de 1861 (De Luján 2001: 233-234):

«Agréguense a estas dificultades las derivadas de la naturaleza de sus terrenos, en extremo accidentados y montañosos, de su clima, de los vientos reinantes en la estación rigorosa del invierno, de la dirección de sus puertos; [...] Asturias y Galicia se han considerado, y aún miran hoy por el común de las gentes, como un país poco favorecido por la naturaleza, pobrísimo en producciones, de cultura y civilización escasa , y que si bien arroja todos los años a los llanos de Castilla, a las Andalucías, a Portugal y al las provincias de Ultramar gran número de hombres que añen a buscar fortuna y trabajo, la causa determinante de tanta emigración es la miseria de la tierra que no permite la operación ni les da el mantenimiento necesario».

Y cuando la lloria cuasi opera como marcador del temperamentu d’un pueblu, resulta obligáu averiguar si tal asertu rescampla tamién na salú y nel discursu médicu articuláu alredor de l’alienación y los sos efeutos.

La escasez de médicos n’Asturies hasta’l sieglu xviii debió ser grande: malapenes se cuntaba con cuatro o cinco a mediaos del xviii, dos o tres d’ellos n’Uviéu

L’orde psiquiátricu na Asturies del vieyu réxime El primer médicu del que se tien anuncia documental n’Asturies ye un xudíu, «don Yuça, fesico» (Tolivar Faes 1976: 14-15) nel postrer terciu del sieglu xiv y que tenía casa y facienda n’Uviéu.

Poco, amás de camientos, se sabe del exerciciu d’esti y d’otros de los escasos galenos de los que se tien constancia. Destacáu: La escasez de médicos n'Asturies hasta'l sieglu xviii debió ser grande: malapenes se cuntaba con cuatro o cinco a mediaos del xviii, dos o tres d'ellos n’Uviéu.

La escasez de médicos n’Asturies hasta’l sieglu xviii debió ser grande, pues malapenes se cuntaba con cuatru o cinco a mediaos del sieglu xviii, dos o tres de los mesmos allugaos n’Uviéu, al serviciu de la ciudá o de la Ilesia, y cola prohibición d’ausentase de la capital ensín autorización (Tolivar Faes 1976: 15-16). Hai na bibliografía nómines más o menes llargues de los médicos (Tolivar Faes 1976: 17-18) de los que nun queda más que’l nome. Lo que sí hai ye consensu nos autores que s’ocuparon de la historia de la medicina asturiana en considerar a Gaspar Casal (1680-1759) figura clave de la mesma. Pero lo cierto ye que, inclusive nel tiempu presente, convivieron y conviven les práutiques profiláutiques tradicionales cola medicina académica, y nel sieglu xviii y xix yeren mayoritaries pola mor de les dificultaes d’accesu de la mayoría de la población a l’asistencia sanitaria reglada.

En xeneral hai una llamativa inorancia sobro les práutiques de la medicina popular alredor de la patoloxía mental (Fernández García). Asina y too, y a títulu exemplificador, había una complexa haxiolatría médico-relixosa y una serie de remedios, como los emplegaos nel histerismu, que s’achacaba a «tener la madre rebuelta», y consistíen nun fervinchu d’artemisa, ruda, orié-

(2014) Ciencies 4

/85/

/ La nueche oscura del ser: llocura y sociedá n’Asturies

IZQUIERDA Frai Benito Jerónimo Feijoo.

ganu, perexil y azucre, o, el cuernu de ciervu preparao como polvu p’asperxar, con asa fedionda, sobre áscuares y depués aspirar el fumu (Junceda Avello 1987: 252-253). Los resultaos nun debíen ser mui aparentes, yá que’l propiu Gaspar Casal (1762 [1988]: 142.) comentaba «nunca vi mujer alguna curada radicalmente de este afecto mediante la medicina...». Lo que sí paez afitao, ye que tanto a los inocentes, como a les estremaes variedaes d’enayenaos, davezu se-yos respetaba y ocupaben na sociedá tradicional un llugar según les sos posibilidaes llaborales y capacidá de socialización (Fernández García: 364).

Esti estáu de coses xeneraba nes élites dirixentes y nes autoridaes una suerte de noxu,

/86/

Ciencies 4 (2014)

interés, refuga y prevención (Álvarez 1985: 42-50). Quedaba pa les autoridaes eclesiástiques la misión de regular la disipada y promiscua vida de la plebe, pues, amás de ser fonte de pecáu, yera ñeru de desorde –de la que la delincuencia yera namás una de les sos más aparentes espresiones– ya inadautación a la natural –por venir de Dios– xerarquía social de la dómina. Naturalmente n’eficaz combinación col brazu secular (González Novalín 1977: 240253). Nesi contestu, l’obispu Agustín Ganzález Pisador aconceya un Sínodu en 1769 cola sida d’ellaborar les condiciones que deberíen reunir los futuros sacerdotes, al igual que los conteníos de les sos enseñances. Nestes Synodales (González Pisador 1796), amás de les cuestiones dogmátiques na llinia del Conciliu de Trento, ye determinante la referencia a la moralidá pública y a les formes aberrantes de relixosidá, mui acordies cola preocupación espeyada polos Illustraos. Nesti puntu, ye de solliñar les coincidencies qu’estes Constituciones caltienen coles Ordenanzas del Principado de 1781 (impreses n’Uviéu en 1782) nes mesmes materies (Rodríguez Muñoz, J. & G. Muñiz, M.A. 1978: 247-250).

Y ensin entrar nes carauterístiques d’eso que Foucault (1976: 75 y ss) llamó «el gran encierru», tuvo na Asturies del sieglu xvii y xviii, sí dicir que nesti tiempu fundáronse y reformáronse numberosos hospitales, especialmente nos caberos años del sieglu xvi y primeros del xvii: Avilés, Xixón, Uviéu, Navia, Pravia y abon-

dos más. N’Avilés, al finalizar el sieglu xvii, había dos hospitales, nos que tamién s’ocupaben de los probes, los pelegrinos y les moces entregaes a la prostitución (Fernández Ruiz 1965: 8788). Yeren estructures custodiales con función de policía social más que clínica o, nel so defeutu, profiláctico-hixénica. Non: nos mesmos espacios correicionales convivíen delincuentes, llocos, prostitutes, probes y méndigos, poro, l’oxetu d’estes instituciones tenía más que ver col caltenimientu d’un orde social xerárquicu y segregáu que cola curación. Yeren pa vixilar y custodiar, non pa curar. Tres la simbólica imaxe de Pinel rompiendo les cadenes de los llocos de la Salpetrière de París nos años de la revolución francesa, el paradigma dominante vei camudando, pero entá mentantu nel sieglu xix conviven los criterios segregadores y estigmatizadores de la enfermedá mental, en non poques ocasiones abordada dende presupuestos penitenciarios, anque la llexislación de la beneficiencia del sieglu xix va perfilando otru marcu llegal na custodia de los dementes.

Feijoo, Casal y el marqués de Santa Cruz son los nomes más representativos del espíritu anticipador illustráu, la nomada «segunda xeneración d’illustraos» o «xeneración de Feijoo» (Fernández Ruiz 1965: 606).

El benedictín Frai Benito Jerónimo Feijoo nació n’Ourense en 1676, anque la mayor parte de la so obra escribióla mentanto permaneció nel Monesteriu de San Vicente d’Uviéu. Foi caderalgu de Teoloxía de la Universidá d’Uviéu dende 1709 hasta la so muerte en 1764. Asina, escribe les sos dos obres capitales nesi tiempu: Teatro Crítico Universal (1726-1740) y Cartas Eruditas (1742-1760). De los munchos aspeutos interesantes de la obra del benedictín, convién solliñar dos: les referencies a la sociedá astu-

riana y les sos idees alredor de la medicina en xeneral, y de la insania en particular. La obra de Feijoo ta mesta de referencies a Asturies, especialmente a la condición llamentable de los campesinos y al empar denuncia les supersticiones, la relixosidá popular, la maxa, la bruxería, los vezos y costumes de los llabriegos, too ello enxertáu nun combate contra los «errores y males comunes», dientro del espiritu críticu, racionalista y pragmáticu de les Lluces. Tentaba de demostrar la falsedá de dellos milagros, la ineficacia de ciertos exorcismos, y, en xeneral, toa una riestra de práutiques populares arreyaes a la maxa, la bruxería, l’adivinación y los sortilexos.

Negaba la existencia de fades, xanes, trasgos y demás seres fantásticos (Rodríguez Muñoz, J. & G. Muñiz, M.A. 1978: 227-230). Nesti espíritu críticu y polémicu inxértense les idees de Feijoo alredor de la medicina, el so exerciciu y los médicos. Conocida ye la so constante polémica colos médicos n’exerciciu de la dómina, a los que sutripó ácedamente, aconseyando (Fernández Ruiz 1965: 139-140) «...que no sea jactancioso en ostentar el poder y la seguridad de su arte; que no sea amontonador de remedios, porque todo médico que receta mucho, es malísimo; que observe, y se informe exactamente de las señales de las enfermedades; y piensa en la cuenta que ha de dar a Dios de los enfermos que murieran antes de tiempo por su culpa, y de los que se condenaron por su ignorancia».

Ocúpase’l benedictín na so obra d’estremaos aspectos de la medicina de la so dómina na que, nun hai que lo escaecer, entá dominaben los paradigmes hipocráticos y galénicos, sacante dellos círculos separtaos de la enseñanza ofi-

(2014) Ciencies 4

/87/

/ La nueche oscura del ser: llocura y sociedá n’Asturies

cial que s’aconceyaben en tertulies en Madrid, Sevilla, Valencia, Zaragoza y Uviéu: yeren los novatores (Telenti, 1969: 353-354). Los conceutos de Feijoo alredor de los trestornos mentales son un aquello enguedeyaos, ensin que nin nosográfica nin nosolóxicamente amuese claridá espositiva (Telenti, 1969: 203). Asina y too, distingue afectos histéricos y melancólicos, dolencies propiamente femenines, con unos síntomes ques on pola mor d’una combinación de «melancolía profunda» con dalgún grau de demencia determinando un anormal comportamientu; delirios o vicios de la imaginación, son más graves, especialmente los delirios maniáticos que define como «errada representación de la Imaginativa la qual figura como existentes las sensaciones externas de los objetos que no hay», siempre qu’ocurra n’estáu de vixilia.

Habría delirios parciales como la licantropía, o la cynanthropia; n’otres ocasiones altérase la memoria; un estáu más grave sería la perturbación del entendimientu, nel que «había una fatuidad que llegaba a la insensatez para todo lo que era obrar por dirección propia». Pal so tratamientu, Feijoo confiaba nes posibilidaes de la persuasión, describiendo dalgún casu nel qu’elli intervieno personalmente. Y pa finar, referíase a les psicosis esóxenes, poniendo como exemplu’l nomáu casu del home-pexe de Liérganes. Inclusive s’ocupó de la interpretación de los suaños, a la que-y daba una cierta credibilidá (Telenti, 1969: 204-211).

Nun semeya que Feijoo tuviera al cabu de les obres de los sos comtemporáneos, o polo menos la influyencia direuta d’estos nel so abordaxe de la insania, nun ye evidente. Trátase de la obra de Georgi Ernst Stahl (1660-1734) o de Thomas Sydenham (1624-1689). Esti últimu nun perconocíu escritu sobro la histeria manifiesta

/88/

Ciencies 4 (2014)

La celda de Feijoo nel conventu de San Vicente axuntaba una tertulia a la que s’allegaben nomaos personaxes de la dómina, ente ellos Gaspar Casal

ARRIBA Historia Natural y Médica del Principado de Asturias de Gaspar Casal.

que nun ye nin puramente somática nin puramente psíquica, mientres que como hipocráticu tradicional reducía toles demás enfermedaes al desequilibriu de los humores (Ackerknecht 1993: 47-49).

La celda de Feijoo nel Conventu de San Vicente de la capital asturiana axuntaba a una tertulia a la que s’allegaben nomaos personaxes de la dómina. Pa dellos autores (Fernández Ruiz 1965: 153-154), esta tertulia vendría ser el biltu de la «Academia de Ciencias Médicas del Principado», tertulia a la que yera avezáu asistente Gaspar Casal. Hai básicamente alcuerdu en solliñar l’amistá qu’axuntaba a Feijoo y Casal, y dalgunos axetívenla de «carnal» (Fernández Ruiz 1965: 154), otros (Mateos Dorado 1978: 230-232, ensin negar l’amistá, rescamplen tamién les polémiques ente ambos dos «nes cuestiones médiques». Nestos conceyos discutíense materies científico-lliteraries, y nellos Casal, según ún de los sos haxógrafos «halló en el Padre Maestro –refierse a Feijoo– el guía seguro de sus investigaciones, el necesario estímulo, y el apoyo firme para llegar a la sabiduría suprema del siglo» (Fernández Ruiz 1965: 153).

Correspuénde-y a Gaspar Casal la descripción princeps de la pelagra, mal de la rosa o lepra asturiensis. Y l’apellíu asturiensis d’esta enfermedá yá ye un resclavu que dexa albidrar la so importancia na historia de la medicina n’Asturies. Miembru de la nomada «xeneración de Feijoo», inxértase dafechu nel grupu de los novatores. Y tamién ye l’autor de les más com-

pletes descripciones, les primeres, de les alteraciones mentales venceyaes a la pelagra.

La biografía de Casal foi, y en parte ye, oxetu d’alderique: anque, en xeneral, acéutase que Casal nació en Xirona un 31 d’avientu de 1680 (Sánchez Doncel 1973: 13-25). Lo que resulta llamadero y hasta sorprendente, ye la inxente producción bio-bibliográfica alredor de la cuestión de la titulación académica de Casal. Y ye llamadero doblemente, pues los esfuercios de los sos biógrafos pa demostrar la existencia de tala titulación ye, dacuando, un aquello desaxerada (Sánchez Doncel 1973: 31-44). En tou casu, l’ausencia de documentación fai imposible afirmar cosa que nun seya especulación, si bien ye cierto lo revesoso que-y resultaría a Casal algamar los sos puestos na medicina oficial ensin la titulación afayadiza (Álvarez Antuña & García Guerra 1995: 44). La sonadía de Casal vien de la publicación d’un solu títulu: Historia Natural y Médica del Principado de Asturias. La edición príncipe asoleyóse en Sevilla nel añu 1762, yá muertu Casal, y foi posible polos enfotos del so collaciu y amigu Juan José García Sevillano.

La obra estructúrase en seis partes. Na primera describe l’autor la xeografia, clima y entornu físicu d’Asturies al igualque les «enfermedades familiares o endémicas de la región»; la segunda ye un tratáu sobro les observaciones qu’han d’enveredar a un diagnósticu acordies coles máximes hipocrátiques; na tercera estúdiense les enfermedaes epidémiques; na cuarta descríbense les enfermedaes endémiques, especialmente’l

(2014) Ciencies 4

/89/

/ La nueche oscura del ser: llocura y sociedá n’Asturies

«mal de la rosa»; la quinta parte ye un rellatu monográficu alredor d’un «cáncer tumorosu» y la cabera ye la que fai referencia a l’afayu del mineral «succino» o «ámbar asturiano» nes mines de Belonciu y Valdesoto nel 1743. Nel Capítulu xix de la primer parte, «De las pasiones histéricas de este país» (Casal 1762 [1959]: 138-143), describe’l mal de madre o histeria, del que diz que carecen d’él la mayoría de les muyeres asturianes «con vida sedentaria», pero «las trabajadoras y labradoras, que mediante el corporal ejercicio, endurecen, encallecen, y acecinan las fibras nerviosas, membranosas, y musculosas, son mucho menos afligidas de esta pasión molesta». Tamién afirma que les riberes septentrionales de la mar manquen más colos «penetrantes olores del ámbar, y el azmicle», que nos países «de temperie caliente y seca. Estrema en tres clases les pasiones histériques por elli observaes. La primera dase en muyeres moces «especialmente doncellas», qu’al entamar «pone triste y como pensativo el semblante», darréu, vien una «llorosa risa o llanto risueño» y acaba con glayíos y aguyíos que «conmueven los oídos más sordos, y pesados». Al empar de los glayíos, les pacientes emprimen con unos esparabanes que-yos ximielga tol cuerpu con grandes corcovos. A la fin, queden ablayaes, callaes y colos güeyos pesllaos. Afirma Casal qu’estos episodios suelen repetise cuatru o más vegaes al añu.

La segunda son aquelles que «privando repentinamente el uso de los sentidos, y aun de las facultades motrices animales, ponen a las mujeres como muertas, cerrando los ojos, sin acción ni movimiento perceptible»; persisten nesti estáu siete o más hores ensin ser p’acordales los remedios al usu («vapores, olores, espíritus»).

Na tercer clase, clasifica Casal les que nun encaxen nes dos anteriores:

/90/

Ciencies 4 (2014)

«porque unas veces afligen con perturbaciones de cabeza, vahidos, zumbidos, perversas fantasías, espasmódicos movimientos de los ojos, etc., otras con ahogos de pecho, y garganta; otras con palpitaciones, y angustias de corazón, pulsos pequeños, desiguales y débiles; otras, con ansias, y náuseas de el estómago, extremos fríos, orinas claras como agua, desmayos, temblores por todo el cuerpo, rugidos de vientre, etc.»

Quiciabes l’aportación más importante de Casal a la historia de la medicina ye la primer descripción de la llocura pelagrosa, fecha dientro de la so aportación a la fixación clínica de la pelagra. Dientro de la sintomatoloxía de la enfermedá, amás de les manifestaciones dermatolóxiques y dixestives, la «demencia» ye l’otru pegollu diagnósticu. Na descripción de Casal, les mancadures dérmiques son protagonistes – como collar de Casal, se conocen na lliteratura médica clásica–, pero nun dexó de solliñar la frecuencia ya importancia de los trestornos mentales. Casal consideraba al calor del sol como la causa desencadenante de la melancolía, estableciendo, amás, anque non mui esplícito, que la melancolía pelagrosa presentaba unes carauterístiques estremaes dende’l puntu de vista pronósticu (Álvarez Antuña & García Guerra 1995: 187-188).

Asina que la pelagra ye una enfermedá crónica debilitante que s’asocia a dermatitis, demencia y foria. Les alteraciones mentales son graves, la fatiga, la velea y l’apatía, davezu danse enantes d’una encefalopatía, que cursa con confusión, desorientación, allucinaciones, perda de memoria y, a lo cabero, psicosis orgánica. Les parestesies y les polineuritis seríen pola mor d’un déficit acompañante d’otres vitamines. Les alte-

raciones mentales de la pelagra asociaríense al amenorgamientu de la conversión de Triptófanu en Serotonina (Wilson J.D. 1998: 546-548).

Anguaño, la etioloxía de la pelagra evolucionó dende un déficit vitamínicu puru o mestu de Niacina o Triptófanu, a otra más enguedeyada: un desequilibriu de los aminoácidos de la dieta o un déficit vitamínicu complexu. Asina les coses, históricamente, dellos consideráronla como una nueva enfermedá, otros rellacioránonla col consumu de pan de boroña, y d’esta miente desplicaben la so mayor prevalencia n’Asturies y ente los campesinos. Y tamién se faló d’ella como enfermedá social o mal de la miseria, siempre venceyada a los probes tradicionales. Nesti sen, ye particularmente interesante ver cómo s’espeyen los planteyamientos ideolóxicos na práctica médica: mentanto unos puxaben por ameyorar les condiciones de vida de los llabriegos, otros, atendiendo a teoríes hereditaries na tresmisión de la pelagra, rispíen por polítiques de triba euxenésica pa impedir l’espardimientu del mal.

La importancia de la pelagra na historia de la medicina asturiana ye doble; d’un llau la so presencia significativa na población fixo inevitable referise a la mesma en cualesquier estudiu o artículu, y del otru, l’aportación de clínicos asturianos o exercientes n’Asturies, foi determinante, emprimando pola descripción princeps de Casal, siguiendo con un tresmontoriu d’autores a lo llargo de tol sieglu xix y culminando en 1880 cola obra de Faustino García Roel. Inclusive en 1958, el mal de la rosa ye la primer enfermedá a la que se fai referencia nuna topografía médica referida a toa Asturies (Delor Castro, 1958: 1722):

“las mejores condiciones de vida en la época presente y el contar con un tratamiento eficaz para combatirla son evidentemente poderosas razones que justifican el retroceso experimentada en los últimos años por el mal de la rosa, que, en muchos sitios, no pasa ya de ser, fuera de circunstancias de excepción, una curiosidad clínica”.

Lo cierto ye que la pelagra desapaez de la producción médco-lliteraria nos entamos del sieglu xx, dexando d’ameritar interés nes numberoses topografíes médiques que s’asoleyen nesos años.

Pero ye interesante constatar cómo la llocura pelagrosa foi oxetu d’atención nos averamientos a la pelagra fechos a lo llargo del sieglu xix. De la llarga nómina d’autores que s’ocuparon de la demencia pelagrosa, tien interés –polo llamadero– la obra de Villalaín.

Naz José de Villalaín na villa asturiana de Navia nel añu 1878, y muerre nel 1939. Llicenciáu en medicina, exerció en Salinas y Arnao. Ye conocíu como escritor n’asturianu baxo l’alcuñu del Americanín de Romadorio, siendo autor de poesíes de triba costumista y festiva (Suárez 1959: 435). De les obres de Villalaín, son conocíes la serie Topografía Médica del Concejo, de les que publicó les d’Avilés, Castrillón, L.luarca, Gozón, Carreño, Illas, Corvera y Sotu’l Barcu, nes que se recueyen datos históricos, médicos y xeográficos de caún d’estos conceyos asturianos; foron reconocíos pola Real Academia de Melicina de Madrid col «Premio Roel». Pero la publicación de Villalaín más interesante tocántenes a la llocura y la pelagra ye precisamente

(2014) Ciencies 4

/91/

/ La nueche oscura del ser: llocura y sociedá n’Asturies

Estado mental de los pelagrosos, monografía de 109 fueyes asoleyada nel añu 1902. Trátase d’un llibrín dixebráu en seis capítulos, entamando per una introducción na que fala del polimorfismu clínicu de la pelagra, afirmando que contra la creyencia más espardida, nun ye Asturies au hai más enfermedá, amás de qu’en cada llugar les manifestaciones nun son les mesmes: n’Asturies, como n’Italia, dominen les manifestaciones mentales de la pelagra, n’otros llugares como Aragón, les dermatolóxiques. Amás de reconocer que «la etiología de la pelagra yo no la sé», adelanta que la pelagra varía nes sos manifestaciones en función del «fondo morboso de cada raza y cada región» y solliña que lo escoso de la prevalencia de la enfermedá na Asturies de la dómina –entamos del sieglu xx– ye porque «la higiene mejora las condiciones de vida de los sujetos que viven en los focos de pelagra, y cuando los presuntos pelagrosos observan sus reglas, (de la higiene), seguramente no padecerán el terrible mal» (Villalaín 1902: 13).

Son estes circunstancies, la herencia, la raza, el sexu, l’estáu civil, la influyencia de los astros, la civilización, les emociones y les profesiones.

Enantes, dexa claro cuála ye la so conceición de la etioloxía de la enfermedá mental «la locura pelagrosa como toda alteración funcional del cerebro, corresponde a una lesión anatómica (...) que entorpece el funcionamiento de las células de la zona psíquica». Pa Villalaín, como pa Roel, na pelagra ye una de les causes una herencia patolóxica progresiva con tendencia a

/92/

Ciencies 4 (2014)

la dexeneración. Pero, si pa Roel la herencia ye causa eficiente y los factores esternos, «causes ocasionales» pa Villalaín ye una más de les circunstancies etiolóxiques qu’enumbera, ente les que destaca la raza. Al referise a la raza, tenta d’afitar delles de les razones poles que la llocura pelagrosa tien les manifestaciones, la incidencia ya intensidá que tien n’Asturies, diferente de les tierres vecines y d’otros llugares d’Europa.

Remanando conceutos racialistes mui del gustu de la dómina , vien a dicir que la constitución étnica estremada de los asturianos determina les manifestaciones de la llocura pelagrosa n’Asturies: «El estudiar las razas no españolas, tiene bastante interés en Asturias, por ser una de las partes de España menos españolas etnológicamente considerada; pues es el país donde hay más elementos de la rama braquicéfala ó continental de Antón, unidos á la mezcla de razas camítica y semítica que constituye la población de nuestra península».

Nesti mesmu orde de coses, sigue Villalaín (1902: 21-23): “acaso sea por casualidad, ó por razón de topografía, pero se observan más pelagrosos en Asturias entre los elementos extraños á España, que entre los ibero-semíticos. (...) Es posible que los cruces entre montañeses de la misma raza, hayan influido predisponiendo á la

locura de la pelagra, pero, como ya dije, es muy posible que por ser los habitantes del campo de Asturias los ménos españoles, (etnológicamente considerados,) de España, parezca cuestión de raza lo que no es más que asunto de localidad, relacionado con la pelagra”.

Sigue con reflexones y divagaciones sobro la constitución étnico-racial del pueblu asturianu y delles, como les dedicaes a los vaqueiros, recoyendo munchos de los prexuicios y teoríes pintoresques qu’alredor d’esti grupu étnicu circulaben naquel entós, pa concluyir que «puede hacerse un resumen de la relación entre la pelagra y la etnología asturiana, diciendo que los españoles la padecen poco; los vaqueiros algo; los celto españoles bastante» (Villalaín 1902: 29). Sigue l’autor analizando les otres causes etiolóxique de la pelagra, concluyendo na mayor frecuencia de los trestornos mentales pelagrosos nes muyeres, nos viudos o solteros, solliña que ye’l branu la estación más peligrosa «por ser el sol el mayor excitante del pelagroso loco» (Villalaín 1902: 31), cuestión a la que yá se refiriera Casal y, amás de les emociones o la civilización, no tocántenes a les profesiones, diz que «la profesión de labrador no predispone por ser tal profesión, sino por las malas condiciones de vida, de alimentos, etc.; además, expuestos los labradores al sol, están sometidos a la acción excitante de sus rayos» (Villalaín 1902: 38).

Nesta consideración de la pelagra como «enfermedá de la miseria» coincide Villalaín cola mayoría de los sos contemporáneos, mesmo na enumberación de delles de les sos causes, como nel venceyamientu de les mesmes nos llabriegos

(Álvarez Antuña & García Guerra: 143-144). Ye una posición enforma asemeyada a la del médicu asturianu Ildefonso Martínez (1821-1855).

Pola contra, Roel refuga d’esta retafila de causes, solliñando l’orixe hereditariu de la llocura pelagrosa, oponiéndose a la corriente mayoritaria, que consideraba a la herencia como factor predisponente qu’afalagaba la incidencia d’otres causes esternes.

Caltiénense nes concepciones de Villalaín dellos de los conceptos que yá solliñara Casal, Roel o Ildefonso Martínez, anque-yos da una importancia estremada. De toes toes, ye na importancia de la «raza» nes manifestaciones y prevalencia de la pelagra onde Villalaín ye más «orixinal», anque non por ello dexa de considerar otres causes como la herencia –más na llinia de Roel–, y esa «intoxicación» que recuerda’l «virus lleproso-pelagrosu» del que falaba Roel coma orixe de tou trestornu mental.

Pero resulta al empar interesante y ablucante la pervivencia hasta tiempos tan serondos como los entamos del sieglu xx, de conceiciones etiolóxiques, clíniques y nosográfiques, de les que delles ufren un ciertu arume hipocráticu.

Sicasí, per aciu del estudiu de la presencia de la pelagra na obra de los estremaos clínicos que s’ocuparon d’ella, ye posible adicar la evolución de la medicina científica n’Asturies, al igual que los sos presupuestos ideolóxicos y clínicos. Ye daqué asina como una llinia ininterrumpida que dende’l sieglu xvii s’allega hasta’l xx, travesando la historia d’Asturies, conviviendo colos homes y muyeres d’esta tierra, dacuando como una presencia amenazante.

(2014) Ciencies 4

/93/

/ La nueche oscura del ser: llocura y sociedá n’Asturies

L’asistencia psiquiátrica n’Asturies: un averamientu históricu Los oríxenes. La «sala de enagenados» del Hospital Provincial de San Francisco (1837-1887) L’Hospital Provincial d’Uviéu surdió en 1837 como resultáu de la xuntanza de los estremaos hospitales de la ciudá y de les sos respeutives rentes. Tuvo’l so llar nel antiguu conventu de San Francisco, y por eso, llamábase-y Hospital-Convento de San Francisco, hasta que s’inauguró en 1887 el gran edificiu construyíu en Llamaquique (Tolivar Faes 1976: 37-38).

No tocántenes a l’asistencia psiquiátrica, hasta mediaos del sieglu xix yera la cárcele la institución encargada de custodiar a los llocos asturianos.

Ye más, na primer estadística oficial de dementes publicada en 1847 obsérvase que, a la contra d’otres provincies, n’Asturies los llocos siguíen recluyíos nes distintes cárceles del territoriu asturianu (Álvarez Antuña & García Guerra 1995: 51).

ABAXO Conventu de San Francisco.

/94/

Ciencies 4 (2014)

Pero acordies coles direutrices de la Llei de Beneficencia de 1849 entamen a rescamplar na Diputación Provincial les primeres inquietúes no que se refier a l’asistencia de los enfermos mentales. Estos namás yeren atendíos provisionalmente nel Hospital–Conventu de San Francisco, y provisionalmente, pola mor de nun dase les condiciones pa ufiertar unos mínimos cuidaos psiquiátricos (Álvarez Antuña & García Guerra 1995: 51).

En sesión de 16 d’abril de 1850, la Diputación aprobó una partida de 23.860 reales pa sufragar los gastos vinientes de la estancia de «dementes» asturianos nos manicomios de Zaragoza y Valladolid. Pelo menos, de magar el sieglu xvi vien esta práutica d’unviar a los llocos asturianos fuera del país. Amás de Zaragoza y Valladolid, los orates asturianos yeren remitíos al manicomiu de San Boi de Llobregat (Antón 1982: 47) y al de Leganés, en Madrid. Pero na mesma sesión na que se consigna la partida anterior, decídese establecer una «Sala de Dementes» nel mesmu edificiu del Hospital Provincial. De toles formes, intentóse l’establecimientu d’una Casa de Llocos, en concordancia col espíritu de la yá

referida Llei de Beneficencia. Asina, en sesión de 12 d’ochobre de 1850, y aduciendo los onerosos gastos qu’ocasiona’l mantenimientu de los llocos n’hospitales d’otres provincies, la Diputación apauta emprimar colos trámites y estudios destinaos al afitamientu de dicha «Casa de Llocos» (Álvarez Antuña & García Guerra 1995: 52).

De la «sala de dementes» prevista nun primer intre pásase al proyecto d’una «Casa de Llocos». Los estudios preliminares iguáronse enaína, y en sesión de 20 de marzu de 1851,

réxime represivu y conservador del xeneral Narváez. Trátase del bieniu progresista (1854-56), qu’escomienza darréu de la victoria del Partíu Progresista nes elecciones a Cortes Constituyentes de 1854.

Nun ye difícil camentar nun bultable aumento de la ocupación de los centros asistenciales y qu’esi aumentu de la morbilidá calcara nes enfermedaes mentales (Álvarez Antuña & García Guerra 1995: 55-56). Esto, xunto al nuevu clima políticu que trayía apareyada una mayor sensibilidá énte’l problema de l’asistencia a los enfer-

En sesión d’abril del 1850, la Diputación aprobó una partida de 23.860 reales pa la estancia de dementes asturianos nos manicomios de Valladolid y Zaragoza, y decidióse establecer una “Sala de Dementes” nel Hospital Provincial (nel conventu de San Francisco). Insisten no de la sala en febreru del 1855 la corporación provincial aprueba un presupuestu de 31.178 reales pa les obres destinaes a un «Hospital de Dementes». Pero, magar la decisión anterior, y con tola probabilidá por enzancos económicos, l’Hospital de Dementes d’Asturies nun foi a construyise.

Será nel año 1855 cuando la Diputación torne a invocar la necesidá d’una atención afechisca a los enfermos mentales. Too ello nel contestu d’una gravísima crisis de subsistencia, que sumió al campu asturianu nuna situación de penuria y miseria tala que llevó a la insurrección popular de 17 y 18 de xunetu de 1854.

Y a la publicación del nombráu «Manifiesto del Hambre», escrito pol Marqués de Camposagrado (García San Miguel 1977: 121-122).

Consecuencia d’estos acontecimientos ye’l cambéu de gobiernu, tres el llargu periodu del

mos mentales, esplica que se retomare l'asuntu de crear un manicomiu n’Uviéu.

D’otra banda, siguen xenerando gastos les estancies de los llocos asturianos nos manicomios y hospitales d’otros llugares, especialmente Valladolid y Zaragoza. Pero, como queda cada vegada más documentáu, los llocos asturianos enantes de ser treslladaos a otros manicomios realizaben estancies nel Hospital Provincial.

Asina les coses, en sesión de 19 de febreru de 1855 dase cuenta de la necesidá d’iguar un departamentu de dementes nes dependencies del Hospital Provincial, teniendo llugar por eses feches l’afitamientu definitivu de tala sala(Álvarez Antuña & García Guerra 1995: 57). Pero la exstencia de la sala d’enayenaos nun evitó la necesidá de remitir llocos asturianos a los manicomios d’otres provincies, de xuru por nun algamase la

(2014) Ciencies 4

/95/

/ La nueche oscura del ser: llocura y sociedá n’Asturies

remisión de los sos síntomes nun plazu razonable. Y tamién, como motivu fundamental, la falta d’espaciu de la sala de dementes. Estos tresllaos continuaron inclusive depués de la inauguración en 1887 del Hospital-Manicomiu de Llamaquique. Nun foi por otro que pola inauguración en 1934 del Hospital Psiquiátricu en La Cadellada la qu’acabó con estos desplazamientos.

Había dos Sales de Dementes, una d’homes y otra de muyeres; y les dos en precaries condiciones hixéniques, como s’afita na Memoria del Xefe clínicu de la seición de varones (González Quirós-Isla 1987: 140-142).

Per otru llau, l’asistencia gratuita yera namás que pa los enfermos probes. Los enfermos de clases acomodaes acudiríen a los médicos más prestixosos y si necesitaben hospitalización recurriríen a las clíniques privaes, qu’entamaben a establecese n’Asturies naquelles dómines. Otra alternativa yera la «sala de distinguíos», como la qu’había nel Hospital Provincial d’Uviéu. Otru detalle importante no que diz al funcionamientu alministrativu del Hospital Provincial ye la posibilidá de que los enfermos ingresaren por mandáu xudicial, y tamién pa la observación de determinaos delincuentes convictos, con la fin d’iguar un informe pericial sobro la so responsabilidá (Álvarez Antuña & García Guerra 1995: 59-60).

Nes fiestes de San Mateo n’Uviéu, visitábase’l manicomiu y los lloqueros (que yeren xoferes de los antiguos coches de caballos, recolocaos) exercíen (previa propina) de guíes, comentando peculiaridaes de los enfermos.

/96/

Ciencies 4 (2014)

Foi Faustino García Roel (1821-1895) médicu d’entrada del Hospital Provincial dende 1848, del que foi dempués numberariu, tando al so cargu, ente otres, les sales d’enayenaos, asistiendo tamién al Hospiciu y al asilu de caridá de San Llázaro. Foi un profesional d’una gran sonadía na sociedá asturiana de la dómina, autor d’una monografía, publicada en 1880, Etiología de la pellagra, na que dedica una especial atención a los aspeutos psiquiátricos de la enfermedá, la «llocura pelagrosa» (Álvarez Antuña & García Guerra 1995: 61-63).

En 1882 enayénase en puya pública l’edificiu del Hospital Provincial de San Francisco y toles sos pertenencies, destinando lo algamao pa la construcción del Hospital-Manicomiu de Llamaquique (Uviéu).

L’ Hospital-Manicomiu de Llamaquique (1887-1937) L’Hospital-Manicomiu de Llamaquique inauguróse en 1887 y dexó asistencia hasta 1937. Los enfermos mentales ingresaben en dos plantes qu’ocupaben la parte norte del Hospital, con una superficie total de 14.700m². En 1931 construyóse un edificiu d’una sola planta al norte d’estes sales, con un pasu pa comunicase col hospital al aire llibre, al traviés d’un llamáu patiu de recréu, que carecía de les mínimes instalaciones. Nos dos primeros pabellones agospiábense dixebraos 150 enfermos, en sales dormitoriu con un númberu mediu de 50 enfermos por sala,

pero con un númberu real que diba más allá de los 313, nunes condiciones d’apetiguñamientu que facíen inevitable siguir colos tresllaos a Valladolid (González Quirós-Isla 1987: 277-279).

En cuantes a l’asistencia, disponíase de dos enfermeros per planta y turnu y amás de dos prauticantes, dirixíos nun entamu pol doctor Sixto Álvarez Armán. Nel añu 1931 incorpórense dos xefes clínicos por oposición, los doctores Pedro González Quirós-Isla y José Fernández González. Como datu significativu, señalar que los enfermeros procedíen de la necesidá d’allugar a los xoferes de los antiguos coches de puntu

ARRIBA Hospital-Manicomio de Llamaquique.

Tarxeta postal (La Nueva, Mario Guillaume).

(de caballos) tres el surdimientu de los taxis de motor. Esti personal tenía la denominación de «lloqueros», incluso nes nómines que percibíen.

Como fechu llamaderu, solliñar que mentanto les fiestes patronales de la capital asturiana, San Mateo, el manicomiu yera dalgo asina como un llugar de visita obligáu, onde los lloqueros, previa propina, exercíen de guíes, amosando los enfermos y comentando les sos peculiaridaes (González Quirós-Isla 1987: 277-279).

Dos o tres vegaes al añu los enfermos nun númberu de 25 a 40 yeren destinaos al manicomiu de Valladolid. Estos tresllaos yeren pola mor de la sobrecarga del espaciu destináu a los enfermos mentales nel hospital de Llamaquique. De toles formes, la escoyeta de los enfermos destinaos a ser treslladaos tenía que ver con otros criterios: asina, cuando les families nun visitaben a los enfermos, estos yeren consideraos como abandonaos, y yeren treslladaos a Valladolid.

Pero ye importante remarcar que de magar 1931, y al abellu de la nueva llexislación psiquiátrica 1, procedióse a dar «altes d'’ensayu», con revisiones periódiques, evitando d’esta manera les espediciones periódiques a Valladolid (González Quirós-Isla 1987: 281). Tamién al abellu de la mesma llexislación prohíbense los métodos de contención mecánica, como les trabes o les camises de fuercia, anque «seguían siendo usados en cualquier momento con profusión» (González Quirós-Isla 1987: 280).

1. Trátase del Decretu de 3 de xunetu de 1931 «Dictando reglas relativas a la asistencia a enfermos psíquicos», na que se regulaben les altes y les sos condiciones, los permisos, les fugues y los reingresos (Art. 27,28, 29, 30 y 33). Vid. Aparicio Basauri y Sánchez Gutiérrez, (1997), «Norma y ley en la psiquiatría española», en Aparicio Basauri, V. (comp.), Orígenes y fundamentos de la psiquiatría en España, Madrid, ela, 1997: 21-42.

(2014) Ciencies 4

/97/

/ La nueche oscura del ser: llocura y sociedá n’Asturies

ARRIBA L’únicu pabellón del vieyu Psiquiátricu que se caltuvo col nuevu huca, magar que mui modificáu. Los árboles yeren abondosos nes instalaciones de La Cadellada.

(Semeya de X.A. García Fernández).

No que se refier a los aspeutos terapéuticos, les axitaciones psicomotores tratábense con escopolamina, morfina, luminal, bromuros, y tintura Tebaica pa les depresiones. Tamién s’utilizaben la denominada sábana termóxena, shock cardiozólici y esencia de trementina (González QuirósIsla, 2001: 281).

En 1927 preséntase’l proyeutu del nuevu manicomiu. Al empar, tamién nel ámbitu priváu l’asistencia psiquiátrica diba enanchándose mentanto se creaben nueves clíniques y estableci-

/98/

Ciencies 4 (2014)

mientos. Ye’l casu del doctor Sixto Álvarez Armán que foi ún de los promotores del Hospital Manicomiu d'Uviéu en La Cadellada. El doctor Álvarez Armán encargóse de la asistencia de les sales de San Nicolás, Santa Rita y dementes d’entrambos sexos.

Polos sos méritos foi comisionáu pola Diputación Provincial xunto al arquiteutu Manuel Bobes Ortiz pa visitar los manicomios d’España y del estranxeru pa concebir un modelu pal Hospital Psiquiátrico de La Cadellada. Foi a dellos congresos y xuntances sobre la especialidá en diversos países. En 1922 foi escoyíu decanu de la Beneficencia Provincial, xefe clínicu del Manicomiu y profesor más antiguu del escalafón, afitando la hidroterapia y modificando’l réxime alimenticiu de los internos. Sixto Álvarez Armán tamién abrió una pequeña clínica na cai Paraíso, esquina Postigo, con capacidá pa seis pacientes que vivíen en réxime familiar, a los qu’aplicaba la psicoterapia. Tamién foi l’asesor del neuropsiquiatra Laureano Sánchez Valdés (1886-1955) cuando en 1923 esti creó un sanatoriu pa enfermos mentales d’entrambos dos sexos en Cualloto, conocíu como Santa Rita (y que peslló nel 1950), nel que trabayó como médicu non residente. Sixto Álvarez Armán morrió n’Uviéu el 7 de xineru de 1928.

L’Hospital Psiquiátrico Provincial de La Cadellada Nel añu 1925 la Diputación Provincial compra una finca de 24 hectárees, «La Cadellada», que dará nome popular al Hospital Psiquiátricu. En 1925 apruébense les bases pa convocar un concursu de proyeutu ente los arquiteutos españoles. N’ochobre de 1926 comisiónase al arquiteutu Manuel Bobes y al doctor Sixto Armán,

ABAXO La capiella del Hospital Psiquiátricu de La Cadellada ye l’únicu elementu (ensin modificar) na redolada del nuevu huca . Na semeya pequeña pue vese la so posición respeutuo a los pabellones del vieyu Psiquiátricu (ver tamién semeya del entamu del artículu). (Semeyes de X.A. García Fernández).

esti últimu como téunicu y direutor del Hospital Psiquiátricu, a un viaxe al extranxeru col oxetu de visitar determinaos manicomios europeos pa d’esta manera redautar un proyeutu ideal. Mentanto, la diputación siguía adquiriendo terrenos a diferentes propietarios (González Quirós-Isla 1987: 138-139).

En 1927 encárgase-y a Manuel Bobes un proyeutu de manicomiu distribuyíu en pabellones, asemeyando un psiquiátricu modelu d’aquella dómina como yera’l de Fleury-les-Aubrais, un pueblu a la vera de la ciudá d’Orleáns (Francia).

Esti proyeutu foui remitíu’l 2 d’agostu de 1927, algamando’l so presupuestu les 4.525.656,7 pesetes. N’agostu de 1927 apruébase una parte del proyeutu d’H.P de la Concha consistente n’ocho pabellones y camín d’accesu a los mesmos, con un valor total de 1.973.686,69 pesetes. Les obraes escomiencen en 1929 y anque s’acaba la so construcción en 1933, nun emprima la so ocupación hasta 1934 (González Quirós-Isla 1987: 40-141). Clasifíquense los enfermos según patoloxíes y dixébrense en función del sexu. Y solicítense talleres, servicios abiertos, la organización del pensionáu, la creación d’un Patronatu social de proteición a los enfermos a la so salida de les clíniques, servicios de radioloxía y d’especialidaes de la Beneficencia municipal.

L’Hospital Psiquiátricu Provincial de La Cadellada axústase al esquema de manicomiu modelu: el manicomiu debe ser «un llugar agradable», con edificios nuevos y agradables,

(2014) Ciencies 4

/99/

/ La nueche oscura del ser: llocura y sociedá n’Asturies

construyíu fuera de les ciudaes, d’una sola planta, con talleres, sales de xuntes, refectorios, patios y xardinos…, con dos departamentos d’homes y muyeres, xebraos según la enfermedá y la so evolución. Estrémense por enfermedaes, pola so riqueza, la so evolución y estáu (convalecientes, curables, axitaos y peligrosos). Establezse sobre l’enfermu un doble orde, el de la patoloxía y el de les normes nosocomiales, que se refuercien col trabayu y la distraición. Pero énte l’anterior idea esquiroliana de separtación nosolóxica, Henri Falret abandónala. Aconseya nun separtar a los curables de los incurables y propón una división metódica, bastante axustada la división en pabellones del proyeutu primariu del manicomiu asturianu, y d'otros como'l manicomiu de Santa Cruz de Barcelona.

La cuidada organización del hospital pretende ser mesmo un mediu de vixilancia continua qu’un mediu terapéuticu. Hai un orde n’horariu, llimpieza, vixilancia y visites. Pa la represión utilícense medios de contención mecánica. Y nesti sistema ye fundamental el trabayu, que tien que s’adautar a les aptitues y costumes de cada país (Peset 1995: 44-46).

Anque’l modelu arquitectónicu de La Cadellada foi «l’establecimientu psicoterápicu» francés de Fleury-Aubrais, nun asemeya que’l manicomiu asturianu combinara «la clinoterapia y la vida de balneario con las ventajas del opendoor» (Huertas, 1992: 101), sinón que (González Quirós-Isla 1987: 140):

/100/

Ciencies 4 (2014)

«el primitivo proyecto (…) realizado por don Manuel Bobes, obedecía, aunque perfectamente concebido, a unos conceptos psiquiátricos de principios de siglo, en los que la labor principal de estos hospitales era la de custodiar a los enfermos mentales y preservar de ellos a la sociedad».

Amás, al respeutive de los servicios llibres o de puertes abiertes, n’España namás se ye a falar de propuestes y reflexones teóriques sobre unes estructures asistenciales qu’enxamás llegaron a institucionalizase (Huertas 2002: 201-202).

En 1936 españa la Guerra Civil y l’Hospital Psiquiátricu conviértese en llinia de frente. Los enfermos son treslladaos a los suétanos del Psiquiátricu, hasta que na Nuechebona de 1936 pasen las muyeres al conventu uvieín de les Dominiques, hasta que’l bombardéu d’esti conventu ocasionó tantes víctimes qu’obligó a un nuevu treslláu (21-2-1937) al Colexu del Santu Ánxel, onde permanecieron hasta ser evacuaes n’abril al monesteriu de Courias (Cangas del Narcea). A esti monesteriu de Courias, previamente foron treslladaos los enfermos varones,

En 1937 les autoridaes republicanes treslladaren enfermos y sanitarios a una Enfermería Mental Militar, nel conventu de Valdedios (Villaviciosa). El 22 d’ochobre tómenla les tropes de Serrano y Molina y el día 27 son afusilaos 17 trabayadores del Hospital Psiquiátricu baxo la supervisión del Xefe Clínicu, José Fernández, al romper les tropes golpistes el cercu de la ciudá d’Uviéu (Tolivar Faes 1976: 140). Per otra banda, les autoridaes republicanes organicen nel conventu de Valdediós (Villaviciosa) una llamada Enfermería Mental Militar, que recibía los enfermos de l’Asturies fiel a la República remitíos pol Tribunal Médico Militar instaláu en Xixón; tres la cayida d’Asturies en manes de los solevaos, estos enfermos son treslladaos a Courias n’ochobre de 1937. El total d’enfermos atendíos y hospitalizaos en zona republicana nel añu 1937 foi de 442 (González Quirós-Isla 2001: 25-28).

Una vegada reconstruyíu l’hospital tres la destrucción ocasionada por y mentanto la Guerra Civil, reiníciense les hospitalizaciones en 1939. Tres la cayida del frente oriental del llexítimu gobiernu de la ii República, les tropes faccioses algamen Villaviciosa, el 22 d’ochobre de 1937 la vi Brigada Navarra y el iv Batallón Arapiles 7 ocupen el monesteriu de Valdediós. El comandante Molina y el teniente coronel Alberto Serrano yeren los mandos. Los emplegaos sani-

tarios siguieron coles sos funciones nel Hospital hasta’l 27 d’ochobre, na qu’asocedió la traxedia qu’inda se recuerda pela contornada poles circunstancies que concurrieron: la crueldá, la premeditación y los intervinientes. D’una banda soldaos del exercitu, ensin dulda col preste de los sos mandos, y d’otra persones que garraren un arma y que como sanitarios d’un Hospital dependiente de la Conseyería de Sanidá yeren funcionarios civiles. Esi día paez ser que llegó un mensaxeru procedente d’Uviéu con un llistáu.

Cinco de los nomes d’esa llista son son prendíos y conducíos a la cárcel de Villaviciosa y darréu a la del Coto, en Xixón, onde sufriríen Conseyu de Guerra. Dos d’ellos seríen fusilaos. Esi 27 d’ochobre son torturaos y fusilaos 17 trabayadores del Hospital psiquiátricu, doce muyeres y cinco homes.

Anguaño, un cenciellu monumentu fai digna alcordanza d’esti fechu ignominiosu. Entamaba la dictadura franquista.

DERECHA Los vieyos árboles de La Cadellada, como estos grandes pláganos, guardáronse cuando les obres y foron tresplantaos: Da gustu velos agora al rodiu del nuevu huca (Semeya de X.A. García Fernández).

(2014) Ciencies 4

/101/

/ La nueche oscura del ser: llocura y sociedá n’Asturies

Epílogu breve: Franquismu y Fin de Sieglu Yá fuera del oxetu d’esti estudiu, pero siendo un escuru prólogu a la psiquiatría moderna, el franquismu condicionó negativamente l’anovamientu y evolución de la disciplina y de l'asistencia a la enfermedá mental mentanto unos 40 años. Valga como piesllu y brinde p’afondar nesta dómina desgraciada.

Tres la ii Guerra Mundial, la dictadura del xeneral Francisco Franco va afitándose cola benevolencia mísere de les democracies lliberales occidentales al calor de la Guerra Fría. Nun contestu de zafiedá científica, la psiquiatría nun xeneró un loci epistemolóxicu separtáu que la preservare d’esi ambiente aforfugante. Asina que careció d’una regresión científica y clínica.

Un caos d’idees euxenésiques, racistes y prexuicios relixosos. Too basao nun inmutable orde manicomial, que namás la nueva era neuroléptica fixo entamar a evolucionar de magar los últimos años 50 del sieglu xx. No tocántenes a l’asistencia, la práutica privada yera dominante pa les clases pudientes y l’asistencia pública caltenía un marcáu calter benéficu y caritativu, na que la presencia de les órdenes relixoses católiques yera determinante. Exemplu paradigmáticu de lo anterior, del ambiente inteleutual de la psiquiatría española de los años 40 y primeros 50 del sieglu xx, ye la figura del xefe de los Servicios Psiquiátricos Militares de la dictadura franquista, Juan Antonio Vallejo-Nájera. Autor d’unos disparataos estudios que tentaben d’afitar la inferioridá mental de les persones d’ideoloxía marxista. En 1938, fixo un estudiu sobre los prisioneros de guerra republicanos, pa determinar

/102/

Ciencies 4 (2014)

qué malformación llevaba al marxismu, allegándose a estes conclusiones (Vallejo-Nájera 1939): La idea de las íntimas relaciones entre marxismo e inferioridad mental ya la habíamos expuesto anteriormente en otros trabajos. La comprobación de nuestras hipótesis tiene enorme trascendencia político social, pues si militan en el marxismo de preferencia psicópatas antisociales, como es nuestra idea, la segregación de estos sujetos desde la infancia, podría liberar a la sociedad de plaga tan terrible.

La inferioridá mental de los partidarios de la igualdá social y política tamién foi oxetu de la so atención: «La perversidad de los regímenes democráticos favorecedores del resentimiento promociona a los fracasados sociales con políticas públicas, a diferencia de lo que sucede con los regímenes aristocráticos donde sólo triunfan socialmente los mejores».

N’Asturies nos años 60, psiquiatres mozos formaos n’Europa y los ee.xx., tenten de dir adulces proponiendo cambios. Estos inxenuos intentos dieron de cote cola miserable situación de l’Asturies de la dómina y fracasó, teniendo qu’esperar a 1982 pa emprimar cola Reforma Psiquiátrica.

Entá en 1983 l’Hospital agospiaba más de 700 internos y cuntaba con un plantiya de 522 trabayadores, incluyendo 25 médicos.

Nes dos décades siguientes el procesu de reducción de les dimensiones del Hospital Psquiátricu ye continuu en favor tanto de l’atención estrahospitalaria como d’inxertar al enfermu psi-

quiátricu na sociedá y nel ámbitu familiar, mentanto bona parte de les funciones d’asiláu pa enfermos seniles derívense a les unidaes de non válidos de les residencies xeriátriques públiques.

La historia del centru hospitalariu entra asina na so fase final, cola mengua progresiva de les sos dimensiones y la perda de funcionalidá, poro, l’año 2003 entamen les llabores de valtamientu de les edificaciones pa la construcción del

nuevu Hospital Universitariu Central d’Asturies (huca), que sustitúi dende 2014 al vieyu Hospital Xeneral d’Asturies. Y esto ensin contemplar la posibilidá de conservación ya integración de les valioses y úniques construcciones del vieyu Hospital Psiquiátricu de La Cadellada nel nuevu, calteniendo na práutica los vicios y zunes na alministración pública qu’envereden directamente al presente. A lo peor del presente.

Referencies bibliográfiques Ackerknecht, E.H. (1993).- Breve historia de la psiquiatría. Seminari d’Estudis sobre la Ciencia, Valencia. Álvarez, L. (1985).- El non-tastu de la cultura popular y les llendes ilustraes. El casu de Feijoo, en Lletres Asturianes, 17, Academia de la Llingua Asturiana: 43-50. Álvarez Antuña, V. & D. García Guerra. (1995).- La enfermedad mental en la vida de Faustino Roel (1821-1895). Los orígenes de la asistencia psiquiátrica en Asturias. Universidá d’Uviéu, Uviéu.

Antón, P. (1982).- Almacén de razones perdidas: Historia del Manicomio de Sant Boi (1853-1945), Barcelona, Científico-Médica:.

Casal, G. (1959).- Historia Natural y Medica del Principado de Asturias, Oficina de Manuel Martín, Madrid,. [Facsímil de la edición de 1900 (1762), reimpresa y anotada por A. Buylla y Alegre & R. Sarandeses y Álvarez, Diputación Provincial de Oviedo, Uviéu].

— (1988).- Historia Natural y Médica del Principado de Asturias. Madrid.. [Facsímil de la edición príncipe de 1762 iguáu por L. Tolivar Faes, Principáu d’Asturies, Uviéu.

Castañón, L. (1977).- Asturias vista por los no asturianos. Ayalga ed., Salinas.

Cervantes, M. (1943).- La Ilustre fregona, en Novelas Ejemplares Tomu I. Espasa Calpe, Madrid: 290294.

(2014) Ciencies 4

/103/

/ La nueche oscura del ser: llocura y sociedá n’Asturies

Delor Castro R. (1958).- Patología regional de Asturias. IDEA, Uviéu.

De Luján, F. (2001).- Viaje científico a Asturias y descripción de las Fábricas de Trubia, de fusiles de Oviedo, de zinc de Arnao y de hierro de la vega de Langreo (Madrid, 1861), en Asturias vista por viajeros románticos extranjeros y otros visitantes y cronistas famosos. Siglos xv al xx. Tomu I. Edición de José Antonio Mases. Trea, Xixón: 233-234.

Salazar, E. (1530).-Carta al licenciado Agustín Guedeja desde la villa de Tormaleo.

Madrid: 302-305. de

bae

tomu

lxii.

Junceda Avello, E.(1987).- Medicina popular en Asturias. idea, Uviéu.

Mateos Dorado, D. (1978).- El panorama cultural del siglo Edad Moderna, Silverio Cañada Ed. Xixón: 230-232.

xviii (i),

en Historia General de Asturias.

Peset J.L. (1995).- El Manicomio Modelo en España. (dd.aa.), n’Un siglo de Psiquiatría en España: I Congreso de la Sociedad de Historia y Filosofía de la Psiquiatría, Madrid, Extra: 44-46

Fernández García J. (1996).- Curanderos y santos sanadores. Aspectos de la medicina popular en Asturias. gea: Uviéu.

Rodríguez Muñoz, J & G. Muñiz, M.A. (1978).- El panorama cultural del siglo de Asturias. Edad Moderna, Silverio Cañada Ed. Xixón: 247-250.

Fernández Ruiz C. (1965).- Historia médica del Principado de Asturias. idea, Uviéu.

Sánchez Doncel, G. (1973).- Gaspar Casal y su obra. IDEA, Uviéu.

Foucault, M. (1976).- Historia de la locura en la época clásica. fce, Madrid..

Sánchez Vicente, X.X. (1999).- La cultura asturiana: dialéctica, narrática y proyectabilidá. Fundación Nueva Asturies. Xixón.

García San Miguel, L. (1977).- Las clases sociales en la Asturias del siglo xix. En Benito Ruano E. (coord.) Historia de Asturias. Asturias contemporánea, Salinas, Ayalga, vol. 8: 121-122.

González Novalín, J.L. (1976).- La vida religiosa en Asturias durante la Edad Moderna, n’Historia de Asturias. Edad Moderna i. Ayalga Ediciones. Salinas: 240-253.

xviii

n’Historia General

Somoza, J. (1979).- El carácter asturiano. Edición de J.L. Pérez de Castro. Monumenta Historica Asturiensia, vii. Xixón.

Suárez, C. (1959).- Escritores y Artistas asturianos. Índice bio-bibliográfico. Tomo vii. IDEA, Uviéu.

González Pisador, A. (1796).- Constituciones Synodales del Obispado de Oviedo. Salamanca.

Telenti, A. (1969).- Aspectos médicos en la obra del maestro Fray Benito Jerónimo Feijoo. idea, Uviéu.

González Quirós-Isla, P.(1987).- La luz y la llama, Oviedo, Júcar, (Crónica General de la Psiquiatría en Asturias, 1)

Tolivar Faes, J. (1976).- Historia de la medicina en Asturias, Salinas, Ayalga.

Huertas, R. (1992).- Del manicomio a la salud mental: Para una historia de la psiquiatría pública.

Madrid, Fondo de Investigaciones Sanitarias de la Seguridad Social.

— (2002).- Organizar y persuadir: Estrategias profesionales y retóricas de legitimación de la medicina mental española (1875-1936). Madrid, Frenia, (Col. Historia y Crítica de la Psiquiatría).

Jiménez Mancha, J. (2007).- Asturianos en Madrid. Los oficios de las clases populares (Siglos xvi-xx).

Serie Etnográfica, 7. Rede de Museos Etnográficos d’Asturies-Muséu del Pueblu d’Asturies. Xixón.

/104/

Ciencies 4 (2014)

Vallejo-Nájera Lobón, J.A. (1939).- La locura en la guerra. Psicopatología de la guerra española.

Librería Santarén. Valladolid.

Villalaín, J. (1902).- Estado mental de los pelagrosos. Observaciones hechas en Asturias. Imprenta La Unión, Avilés.

Wilson J.D. (1998).- Déficit y exceso de vitaminas, en Harrison Principios de Medicina Interna, 13 edición, Mc Graw-Hill, Madrid: 546-548.

(2014) Ciencies 4

/105/

Na xaceda de Tazones vese per primer vegada nel mundu marques de la pelleya de pterosaurios, amĂĄs de les icnites de manes y pies dâ&#x20AC;&#x2122;hasta 18 cm de llargor

/106/

Ciencies 4 (2014)