THE APOSTOLIC FAITH MISSION OF SA DIE APOSTOLIESE GELOOFSENDING VAN SA
NUUSFLITS / 27 OKTOBER 2017
Geagte Kollega, 1.
• 27 FEBRUARIE 2015 •
Bid vir Suid-Afrika, sy Leiers en Toekoms: Sondag, 5 November 2017
Die Nasionale Ampsdraers (NOB) van die AGS het besluit om die verklaring hieronder uit te reik. Ek versoek vriendelik dat pastore hierdie verklaring aan hul gemeentes sal lees op Sondag, 5 November ter bevestiging van die AGS se posisie ten opsigte van leierskap en Suid-Afrika. Laat ons dan gesamentlik bid vir ons land, sy leiers en toekoms. Die AGS neem met kommer kennis van toenemende vlakke van fragmentasie binne politieke partye, werkloosheid, geweldsmisdaad, selfverryking op grond van gierigheid, ongelykheid en polarisasie in ons land. Hierdie konteks het moontlik die potentiaal om die oppergesag van die reg, konstitusionele demokrasie en sosio-politieke stabiliteit in Suid-Afrika, in gevaar te stel. Die AGS komplimenteer die Suid-Afrikaanse Regbank vir sy standpunt en rol in die handhawing van die reg. Ons betreur egter die mislukking van die Nasionale Vervolgingsagentskap (NVG) en die Valke om daadwerklik op te tree teen misdaad, insluitende korrupsie. Suid-Afrika benodig dringend leiers wat ons land eerste sal plaas, en die beginsels respekteer waarvoor baie mense geveg en gesterf het. Ons doen 'n beroep op ons leiers om met integriteit te lei, om werklik ons land en sy toekoms te dien en om die oppergesag van die reg, ons grondwet en die lewens van alle Suid-Afrikaanse burgers te respekteer. In hierdie verband moedig ons ons lidmate aan om leiers in regeringsstrukture in te stem wat voldoen aan die waardes en eienskappe van ‘n leier soos uiteengesit in die vorige paragraaf. Ons doen 'n beroep op ons lidmate en alle Godvresende mense om op Sondag 5 November 2017 ernstig te bid vir ons land, die toekoms en ons leiers. Die verklaring is ook in Engels beskikbaar op die AGS se webtuiste: http://www.afm-ags.org/media 2.
Sensus 2017
Vind asseblief die toepaslike sensus vorms by die onderstaande skakel op die AGS webblad: Gemeente Sensus Vorm Streeks-Sensus Vorm Skakel: http://www.afm-ags.org/pastoral-communication
Die kerk benodig die inligting wat gevra word op die sensusvorms om verskeie redes: • In die eerste plek vir interne gebruik. As 'n kerk met 'n nasionale verteenwoordiging moet ons (onder andere) weet, vir ons eie toekomstige beplanning en strategiese belyning hoeveel gemeentes, geordende predikante en gemeenteleiers daar is. Dit is ook belangrik vir ons om te weet hoeveel lidmate ons het in verskeie ouderdomsgroepe. Dit sal ons in staat stel om te beplan vir toekomstige ontwikkeling en groei in ons bedieninge. • Tweedens om eksterne redes. Ons is gereeld betrokke by gesprekke met ander kerke, organisasies en regeringstrukture waar spesifieke statistiek en inligting ons deelname en insette bepaal. Let asseblief daarop dat die Gemeente Sensusvorm voltooi moet word en teen 15 November 2017 aan u Streeksekretaris / Administrateur gestuur moet word. Die streek sal dan die inligting saamstel en dit deurgee aan die Nasionale Kantoor teen 30 November 2017. Ons maak die vorms beskikbaar in beide Word- en PDF-formaat om terugvoer te vergemaklik. 3.
Aftrede van Pastore
Ons merk met kommer op dat daar ‘n aantal van ons pastore is wat nie voldoende voorsiening het vir sy/haar aftrede nie. Hiermee doen ek ‘n beroep op ons bestuursrade en streekskomitees om ernstig te kyk na, en voorsiening te maak vir die aftrede van pastore in ons gemeentes en streke – alhoewel ek bewus is van die feit dat dit nie altyd maklik haalbaar is nie. Bylaag 10 A.9.1.1 van die AGS Konstitusie stipuleer dat, “Retirement provision in accordance with the provisions of the Pensions Fund Act and the Income Tax Act, to be implemented and serviced by the relevant local assembly/region/department/institution.” Bestuursrade en pastore sê soms dat hulle dit nie kan bekostig om voorsiening te maak vir aftrede nie, terwyl daar tog geld op ander dinge spandeer word. Die waarheid is dat pastore nie kan bekostig om niks in hierdie verband te doen nie. Tydige en deurlopende aksie word vereis. Te veel van ons pastore tree af in omstandighede van totale tekortkoming, of moet eenvoudig so lank moontlik aanhou werk, omdat hulle dit nie kan bekostig om af te tree nie. Bestuursrade is mede-verantwoordelik om pastore te help om voorsiening te maak vir hul aftrede. Ek maak werklik op u staat om aksie te neem met betrekking tot hierdie kwessie. 4.
AGS Nasionale Kantoor: Eind-jaar Sluiting
Neem asseblief kennis dat die nasionale kantoor op Vrydag 15 Desember sluit en weer op Dinsdag 9 Januarie 2018 sal open. Jy is ook welkom om die AGS se jaarlikse kalender vir 2018 by die volgende skakel af te laai: http://www.afm-ags.org/files/afm_2018_calender.pdf Seën! M.G. Mahlobo
DIE APOSTOLIESE GELOOFSENDING VAN SUID-AFRIKA NASIONALE KANTOOR Gebou nr.14, Central Office Park, Jeanlaan 257, Centurion, Gauteng, Suid Afrika Posbus 9450, Centurion, 0046 Tel: +27 12 644 0490 / Faks: +27 12 644 0732/4 / www.afm-ags.org Nuusbrief Redakteur: Past. M.G. Mahlobo (President van die AGS) mmahlobo@afm-ags.org
Navrae: Chantalle Schutte (Interne Kommunikasie Spesialis) chantalle@afm-ags.org
THE WHOLE CHURCH TAKING THE WHOLE GOSPEL TO THE WHOLE WORLD!