THE APOSTOLIC FAITH MISSION OF SA DIE APOSTOLIESE GELOOFSENDING VAN SA
Nuusflits | 28 April 2017 Geagte Kollega, 1. WEEK SUID AFRIKA IN GEBED! Die 22ste April 2017 sal vir ewig in die geskiedenis geëts word as die dag waar 'n miljoen Suid-Afrikaners van alle rasse, geslagte en ouderdomme bymekaargekom het om vir ons geliefde land te bid. Dit was 'n kragtige dag van gesamentlike gebed wat Suid-Afrika se eenheid in Christus getoon het: https://www.youtube.com/watch?v=2bCrcyrAfZw&feature=youtu.be. Ek doen 'n beroep op alle AGS gemeentes om deel te neem aan ‘n aktiewe veldtog wat ons land verder wil week (of in Engels “soak”) in gebed. Miskien is jy bewus van die 50 dae van gesamentlike gebed deur verskeie denominasies en gebedsbewegings wat aan IFSA (Intersessors for South Africa) verbind is. Die 50 dae van gesamentlike gebed strek vanaf Paasfees tot Pinkster (2017): IFSA webwerf: http://ifsaprayer.co.za IFSA YouTube-kanaal: https://www.youtube.com/channel/UCpHHSTRh3X-eoLDlin57w-Q Die fokus van hierdie gesamentlike gebedspoging is om liefde en seën oor Suid-Afrika uit te spreek. Ek moedig ons gemeentes en lidmate aan om deel te neem aan hierdie poging om ons land in gebed te week. Ek stel voor dat die volgende gebedspunte in ons gebede ingesluit word: • MISDAAD: Bid vir bemagtigde Suid Afrikaanse burgers wat saam met ons land se veiligheidsagentskappe en regstelsel sal optree om die plaag van misdaad uit te roei, veral geweldsmisdaad. • EKONOMIE: Bid vir ekonomiese groei, uit rommelstatus uit. Bid vir die soort ekonomie wat werk sal skep en vlakke van armoede sal verminder. • ONDERWYS: Bid dat ons onderwysstelsel verbeter sal word om nodige vaardighede op te lewer. Bid dat daar oplossings gevind sal word vir die hantering van die huidige finansiële uitdagings in opvoedkundige instellings. • KERK EENHEID: Bid dat die kerk in staat sal wees om op te staan en met een stem te praat teen gedrag binne die kerk wat wegneem van ons getuienis. Bid ook dat die kerk sal opstaan en met een stem praat oor die tipe Suid Afrika waaroor ons droom en bid.
2. AGS NASIONALE KONFERENSIE 2017 Die AGS Nasionale Konferensie vind plaas vanaf Sondagaand 10 September tot Woensdagaand 13 September by die AFM Kwa-Zulu Natal Celebration Centre, 33 High Straat Tongaat (Past. Ronnie Naidoo se Gemeente). Die sentrum is naby die King Shaka Internasionale Lughawe geleë. Gedurende die Maandag en Dinsdag sal daar PCD werkswinkels aangebied word. Konferensie dienste sal plaasvind elke aand gedurende die byeenkoms. Meer gedetailleerde inligting sal binnekort volg. As u enige navrae het oor die konferensie, kontak asseblief Mnr. Desmond Alie by die AGS Hoofkantoor by 012 644 0490. 3. AANSOEKVORMS: BESKIKBAAR VANAF DIE AGS WEBBLAD Ek wil jou graag bewus maak dat alle AGS aansoekvorms afgelaai kan word (in PDF formaat) vanaf die AGS webblad. Ons moedig ons Pastore aan om die AGS webblad direk te besoek om toegang te verkry tot die aansoekvorms, in plaas daarvan om die AGS Hoofkantoor te kontak en ‘n versoek te rig. Gaan na www.afm-ags.org. Soek die “About” menu. Klik op die “Application Forms” opsie. Beweeg af om 'n spesifieke aansoekvorm te soek. Die direkte skakel na die bladsy: http://www.afm-ags.org/application-forms Ons vertrou dat hierdie funksionaliteit elke leier tyd sal spaar en die aansoekvorms maklik toeganklik vir almal sal maak.
4. PAASFEES KONFERENSIES: TERUGVOER Ek wil jou graag aanmoedig om ons in kennis te stel indien jou betrokke gemeente, streek, netwerk of departement vanjaar 'n spesiale Paasfees konferensie of viering gehad het. Ons wil van jou hoor! Stuur 'n e-pos aan chantalle@afm-ags.org en vertel ons kortliks wat die tema van die konferensie was. Jy is ook welkom om ons te wys deur middel van 'n kort video of 'n paar fotos. Jou terugvoer word waardeer! Seën MG Mahlobo
DIE APOSTOLIESE GELOOF SENDING VAN SUID-AFRIKA NASIONALE KANTOOR Gebou nr.14 | Central Office Park | Jeanlaan 257 | Centurion Gauteng Suid Afrika Posbus 9450 Centurion 0046 Tel: 27 12 644 0490 | Faks: 27 12 644 0732/4 | www.afm-ags.org Nuusbrief Redakteur: Past. M.G. Mahlobo (President of the AFM) mmahlobo@afm-ags.org Navrae: Chantalle Schutte (Interne Kommunikasie Spesialis) chantalle@afm-ags.org
The WHOLE church taking the WHOLE Gospel to the WHOLE world.