THE APOSTOLIC FAITH MISSION OF SA DIE APOSTOLIESE GELOOFSENDING VAN SA
Nuusflits | 4 November 2016 AGS Kollegas, Ons as gelowiges en kerk glo onwrikbaar in die krag van gebed: Veral gesamentlike gebed. Daarom wil ons ‘n beroep op al ons gemeentes doen om vir die volgende drie of vier Sondae spesifiek en ernstig te bid vir die volgende sake: 1. Reën. Verskeie van ons gemeentes bid alreeds hiervoor, maar gegewe die volgehoue droogte, die feit dat ons damme op die oomblik baie leeg is en ons streng waterbeperkings in die gesig staar, moet ons volgehou en gefokus hiervoor intree. 2. Die Ekonomie. Die ekonomiese situasie in die land lei daartoe dat baie mense werkloos is en ‘n toenemende aantal individue elke aand honger gaan slaap. Kom ons bid en vra die Here vir Sy Wysheid, Voorsiening en Ingryping terwille van al ons land se mense. 3. Sekondêre en Tersiêre eksamens. Skoliere en studente reg oor die land begin binnekort, of is alreeds besig met jaareindeksamens. Bid asseblief vir hulle vir die vermoë en geleentheid om te studeer, kalm te bly in die eksamen situasie en hulle bes te lewer. Ons dank ons gemeentes byvoorbaat vir hulle aktiewe betrokkenheid by hierdie gebedsversoek. Ons het die afgelope paar weke heelwat navrae ontvang (per e-pos en telefonies) oor die AGS tafeldoeke wat gebruik is by die GBM 2016 konferensie en het alreeds 95 bestellings ontvang. Indien jy ook vir jou gemeente ‘n AGS tafeldoek wil bestel stuur ‘n e-pos na sales@afm-ags.org. Seën! MG Mahlobo
DIE APOSTOLIESE GELOOF SENDING VAN SUID-AFRIKA NASIONALE KANTOOR Gebou nr.14 | Central Office Park | Jeanlaan 257 | Centurion Gauteng Suid Afrika Posbus 9450 Centurion 0046 Tel: 27 12 644 0490 | Faks: 27 12 644 0732/4 | www.afm-ags.org Nuusbrief Redakteur: Past. M.G. Mahlobo (President of the AFM) mmahlobo@afm-ags.org Navrae: Chantalle Schutte (Interne Kommunikasie Spesialis) chantalle@afm-ags.org
The WHOLE church taking the WHOLE Gospel to the WHOLE world.