• 4de KWARTAAL 2016 • DIE APOSTOLIESE GELOOFSENDING VAN SUID-AFRIKA NASIONALE KANTOOR Gebou nr. 14, Central Office Park, Jeanlaan 257, Centurion, Gauteng, Suid-Afrika Posbus 9450, Centurion 0046 Tel: 27 12 644-0490 | Faks: 27 12 644-0732/4 www.afm-ags.org https://issuu.com/afm_ags Geagte Kollega,
INHOUD • Geagte kollega - 1 • Ware eenheid in die AGS - 3 • Die welstand van Pastore - 4 • Strategiese leierskap ontwikkeling - 5 • One AFM Game Plan - 5 • Slot - 7
Dit is ‘n voorreg om jou te groet in die naam van ons Here, Jesus Christus! Laat my toe om weereens al ons leierskap te bedank wat die Algemene Besigheidsvergadering in September bygewoon het. Dit was ‘n historiese oomblik waar ons 20 jaar van eenheid in die kerk herdenk het en ook ons Nasionale Ampsdraers verkies het. Graag wens ek my mede ampsdraers geluk met hulle verkiesing en wens hulle alles van die beste toe: Dr. J.J. La Poorta (Vise President), Dr. H.J. Weideman (Hoofsekretaris) en Past. B. Petersen (Hooftesourier).
Van Links na Regs: Past. B. Petersen, Dr. J.J. La Poorta, Past. M.G, Mahlobo, Dr. H.J. Weideman
ALGEMENE BESIGHEIDSVERGADERING 2016
-2-
Ek wil graag hierdie Pastorale Brief gebruik om spesifieke prioriteite uit te lig wat belangrik gaan wees vir die AGS om in die toekoms in te beweeg. Hierdie is die strategiese fokus punte wat ek en my mede-ampsdraers op die hart dra vir die volgende termyn.
WARE EENHEID IN DIE AGS Die wyer Suid-Afrikaanse samelewing word gereflekteer in die Apostoliese Geloofsending van Suid- Afrika en daarom kan ons verwag dat sosiale faktore ‘n impak op die kerk uitoefen. Ek is bekommerd oor die onrus en onsekerheid wat ons land in die gesig staar en wil versoek dat ons sal aanhou bid vir ons land. Jesus het ons immers geroep in Matteus 5:13-16 om die sout en die lig van die aarde te wees. Ons het 20 jaar van kerkeenheid herdenk by die onlangse Konferensie en Algemene Besigheidsvergadering. Ons het almal op een of ander manier deel gehad aan die eenheidsproses met verskillende verwagtinge en vrese – gedryf deur ons diverse agtergrond en ervarings. Ons kan almal saamstem dat die eenheidsproses nie maklik was nie en met tye beskryf kon word as moeilik en pynvol. In die proses het ons ook mekaar beter leer ken. Die AGS se storie van eenheid was saamgevat in ‘n kort video insetsel wat gespeel was by die Algemene Besigheidsvergadering en is nou ook op YouTube beskikbaar: https://www.youtube.com/watch?v=9fI5ylB5GKw. (Op die versoek van verskeie pastore gaan ons hierdie video insetsel binnekort beskikbaar stel op DVD formaat. Bestellings kan binnekort by die Nasionale Kantoor geplaas word). By die Algemene Besigheidsvergadering was daar geleentheid geskep om relevante inhoud te deel rondom die proses van eenheid. Dankie aan Past. Antionette Erasmus wat hierdie aanbieding vir ons behartig het. Ons het ook ons eenheidsveterane erken wat ‘n sleutel rol gespeel het in hierdie proses: • • • • • • • • • • • • • •
Dr. I.S. Burger Dr. J.J. La Poorta Past M.G. Mahlobo Past B. Petersen Past E.J. Gschwend Past F. Chikane Dr. J.L. Langerman Past G.L.R. Kinnear Mr. D. Alie Dr. M. Hendricks Past F. Joseph Past R. Naidoo Past S. Pillay Past P. Murugen
• • • • • • • • • • • • • •
Past J.G. Jacobs Past V. Dorasamy Prof. W.J. Hattingh Past P.J.H. De Witt Mr J. Erikson Mr M.J. Mashinini Past T.W. Herbert Dr F.P. Moller Snr (oorlede) Past F.H. Cronje (oorlede) Past S. Seipei (oorlede) Past J.D. Meiring (oorlede) Past P.J. Gerber (oorlede) Past J.A. Wort (oorlede) Past D. James (oorlede)
• • • • • • •
Past A.S. Nxumalo (oorlede) Past V. Pieterse (oorlede) Past M. Chinnappan (oorlede) Past J.H. van der Bank (oorlede) Past A. Jacobs (oorlede) Past S.J. Scheffers (oorlede) Past G.S. Erasmus (oorlede)
“Dit is krities belangrik dat ons lidmate en pastore die AGS sien as hulle geestelike tuiste waar hulle werklik behoort.” -3-
WARE EENHEID IN DIE AGS verv.
As ek terugkyk en reflekteer op die AGS se unieke storie van eenheid, glo ek sterk dat ons verder moet bou op hierdie prestasie en die eenheid van ons kerk verder versterk en verdiep. Sonder dieper vlakke van eenheid gaan ons nie die ware roeping van ons kerk kan uitleef nie. Dit is krities belangrik dat ons lidmate en pastore die AGS sien as hulle geestelike tuiste waar hulle werklik behoort. Verder wil ek sien dat ons as kerk wegbeweeg van die idee dat ons mekaar slegs verdra, na waar ons mekaar se diversiteit en verskille aanvaar en saam ‘n impak maak op ons gemeenskappe. Die AGS se eenheid moet in verband staan met ons geloofsbelydenis, die gesag van die Bybel en die viering van ons God-gegewe diversiteit. Die belange van al ons lidmate is vir my belangrik met veral die toekoms van ons kinders en die jeug wat na aan my hart lê. Gedurende my termyn as President van die AGS sal ek myself toespits om alle hindernisse tot ware eenheid aan te spreek. Dit sluit in verskille t.o.v. ras, inkomste klas, geslag, taal, etnisiteit, ekonomiese status en stedelike of informele omgewings. Slegs deur ware eenheid in die kerk sal ons daadwerklik ‘n verskil kan maak aan die uitdagings van ons land.
DIE WELSTAND VAN PASTORE Omdat ek self in die bediening staan vir 38 jaar is ek deeglik bewus van die behoefte om te verseker dat pastore toegerus is vir die daaglikse uitdagings van die bediening. Die welstand van pastore is wyer as net gesondheid op ‘n fisiese vlak. Dit sluit finansiële en geestelike welstand in, asook gesonde verhoudinge. Ek is bekommerd oor die hoë vlakke van uitputting, swak gesonheid en ‘n algemene tekort aan pastorale welstand. Die ontwikkeling van ons pastore en hulle algemene welstand benodig ons dringende aandag. Die tyd vir intensionele mentorskap programme is nou nodig. Die gebed vir Gaius in 3 Johannes 1-2 in die New Kings James weergawe praat ook van pastorale welstand: Die brief kom van die ouderling en word gerig aan Gaius, die vriend wat opreg liefhet terwyl ons saam verbonde is aan die waarheid. Liewe vriend, ek hou aan bid dat dit in alle opsigte met jou goed mag gaan en dat jy net so gesond sal wees soos dit geestelik met jou goed gaan.
-4-
STRATEGIESE LEIERSKAP ONTWIKKELING Die ontwikkeling van leiers op alle vlakke van die kerk is ‘n kritiese vereiste vir die toekomstige impak en sukses van die AGS. Gedurende Maart 2012 het die NLF (Nasionale Leierskap Forum) ‘n komitee aangestel om die behoefte en moontlikhede aan interne leierskaps ontwikkeling op verskeie vlakke van die kerk te ondersoek. In Julie 2012 was ‘n ontwikkelings raamwerk goedgekeur deur die NLF, maar dit was nie verder gedryf of toegepas nie. Hierdie prioriteit is ‘n uitstaande item op die NLF agenda wat nog uitgevoer moet word.
“Tydens my termyn wil ek graag verseker dat ons as Nasionale Ampsdraers, in verhouding met relevante AGS rolspelers, leierskap ontwikkelings programme doelgerig vestig.” Holistiese opleidings programme wat direk bydrae tot die ontwikkeling van toekomstige leiers, gaan verseker dat die AGS oor ‘n groter verskeidenheid van verkiesbare leiers beskik. Ek glo ook dat hierdie tipe opleiding die kwessie van opvolgbeplanning (of te wel “succession planning”) in die kerk gaan aanspreek. Tydens my termyn wil ek graag verseker dat ons as Nasionale Ampsdraers, in verhouding met relevante AGS rolspelers, leierskap ontwikkelings programme doelgerig vestig.
ONE AFM GAME PLAN Die AGS is ‘n missionale kerk met ‘n passie vir die wen van siele. Dit is hierdie missionale fokus wat die fondasie skep waarop alle kerk aksies uitgevoer word – of te wel die onderliggende motivering vir alles wat ons aanpak. Die “One AFM Game Plan” is die naam van die proses wat ons gebruik om die kerk op alle vlakke van leierskap weer in fokus te bring met hierdie roeping. Die Groot Opdrag van Jesus staan sentraal tot die Game Plan. Die begeerte is om die AGS terug te neem na ‘n missionale fokus waar elke lidmaat ‘n kragtige getuie is wat siele wen vir die Koningkryk – op die markplein binne plaaslike gemeenskappe. Tot op hede is die volgende uitkomstes bereik onder alle leierskapsvlakke in die kerk: (i) bewustheid van die Game Plan, (ii) positiwiteit en inkoop en (iii) ‘n basiese begrip van die betekenis van missionale kerk en die 5 drywers of fokus areas. Gedurende ons 2016 NOB Streeksbesoeke het ons as ampsdraers egter opgetel dat die kwessie van taal en begrip prioriteit bly.
“... kwessie van taal en begrip ...” Om die kwessie van taal en begrip aan te spreek is daar ‘n veeltalige DVD hulpmiddel ontwikkel wat die AGS se missionale fokus aanbied in 4 verskillende tale (Afrikaans, Engels, isiZulu en Sesotho) asook in verskeie formate: kort artikels, video insetsels en ‘n digitale foto album. Hierdie hulpmiddel is gestuur na -5-
ONE AFM GAME PLAN verv. alle streekskomitees met die idee dat elke AGS pastoor een in die hand ontvang. Indien jy nog nie hierdie hulpmiddel ontvang het nie, kontak gerus jou streek/netwerk komitee. Ek vertrou werklik dat hierdie hulpmiddel jou Bybelse begrip en verstaan van missionale kerk sal verdiep en versterk. Ek vertrou ook dat dit tot jou selfvertroue sal bydrae wanneer jy as pastoor die konsepte aan ander leiers moet oordra.
VOORBEELD: Digitale foto album
VOORBEELD: Videos VOORBEELD: Artikels Gedurende die Algemene Besigheidsvergadering het ons leiers versoek om ‘n vraelys te voltooi wat spesifiek persepsies toets rondom vordering t.o.v. die Game Plan. Ek wil graag van hierdie geleentheid gebruik om van die belangrikste terugvoer met jou te deel: • Alle streeks en netwerk strukture was verteenwoordig by die Algemene Besigheidsvergadering. • Presiderende pastore en kerkrade het 80% van die totale bywoning verteenwoordig. • 56% van leiers het aangedui dat die Game Plan alreeds gefasiliteer is met die kerkraad. • 41% van leiers het aangedui dat die Game Plan nog nie gefasiliteer is met die kerkraad nie, maar dat dit wel in die beplanning is.
• Die terugvoer wys dat 41% van leiers saamstem dat komitees tot ‘n groot mate ondersteuning bied aan plaaslike gemeentes, 35% dui gemiddelde ondersteuning aan met slegs 17% wat min tot geen ondersteuning aandui. • Die top 3 hindernisse wat vordering blok is aangedui as: (i) taal, (ii) begrip en (iii) implementasie of praktiese toepassing.
“... wil ek graag alle pastore en kerkrade aanmoedig om die Game Plan fasilitering so gou moontlik te voltooi.” -6-
ONE AFM GAME PLAN verv. In die lig van die bogenoemde, wil ek graag alle pastore en kerkrade aanmoedig om die Game Plan fasilitering so gou moontlik te voltooi. Moet asseblief nie hinder om die ondersteuning of hulp van jou streek/netwerk komitee te vra nie. Ek wil graag in hierdie verband ons komitees bedank vir hulle insette, ondersteuning en aktiewe betrokkenheid by die Game Plan. Ons sien uit na 2017 waar die fokus van die Game Plan gaan draai vanaf begrip en konsepte na implementering en toepassing binne die konteks van die plaaslike AGS gemeente.
“Ons sien uit na 2017 waar die fokus van die Game Plan gaan draai vanaf begrip en konsepte na implementering en toepassing binne die konteks van die plaaslike AGS gemeente.”
SLOT
Ek wens graag ons pastore, hul families en al ons lidmate ‘n geseënde Kerstyd toe. Mag dit ‘n waardevolle en betekenisvolle tyd saam wees. Ek bid ook beskerming oor die van ons wat gaan reis op watter wyse ookal. Mag jy rus ervaar in die fees seisoen en vol krag terugkeer vir 2017 se bedieningsjaar. Seën! MG Mahlobo
DIE APOSTOLIESE GELOOFSENDING VAN SUID-AFRIKA NASIONALE KANTOOR Gebou nr.14 | Central Office Park | Jeanlaan 257 | Centurion Gauteng Suid Afrika Posbus 9450 Centurion 0046 Tel: 27 12 644 0490 | Faks: 27 12 644 0732/4 | www.afm-ags.org Nuusbrief Redakteur: Past. M.G. Mahlobo (President van die AGS) mmahlobo@afm-ags.org Navrae: Chantalle Schutte (Interne Kommunikasie Spesialis) chantalle@afm-ags.org
The WHOLE church taking the WHOLE Gospel to the WHOLE world.
-7-
ALGEMENE BESIGHEIDSVERGADERING 2016
-88--