ANDU SCRIVU
TA N D U
SCRIVU
J . - Y. A C Q U AV I VA
T
J E A N - Y V E S A C Q U AV I VA
10 € ISBN : 978-2-84698-378-5
•
Tandu_scrivu_couv.indd 1
E Cunchiglie
•
02/03/2011 11:15:43
int-Jean-Yves Acquaviva_72p_281210.indd 1
02/03/2011 11:22:28
TANDU SCRIVU
Quandu i venti cutrati mi battenu a faccia Chì mi bollenu in capu i sogni citatelle Sintimi misteriosi chì u spiritu abbraccia È chì scappanu, lestri, azzingati à e stelle
7
Tandu scrivu u sole chì empie a mio mente A voce di l’inguernu chì strita frà e frasche U zirlu cantarinu di a fresca surgente È e bande spaperse, quassù in l’alti paschi Quandi u dolce rispiru di zia puesia M’ingutuppeghja l’esse d’un ansciu di serenu Di e rime accuppiate ne scoppia a magia Cum’è scritte in u celu, da un arcubalenu Tandu scrivu a machja chì u focu affanna L’andati scappatoghji, d’asgiu imbalsamati A luna chì à i monti face a ninninanna È i spichi ribelli, da l’acule accampati Quandu l’estru impachjucu di l’ingegnu s’infiara È summerge u mio sguardu di centu mila fiure Marosulu di lacrime o ridente fiumara Mi porti l’albe linde o e pessime bughjure Tandu scrivu e piane vistute à a maghjinca O e filicaghjole chì vaghjime arrussisce L’alivi, l’albitrecce, e lecce, a tassinca È l’onda saltarina chì corre per e spisce…
int-Jean-Yves Acquaviva_72p_281210.indd 7
02/03/2011 11:22:37
CAREZZE
À stonde nuttulone mi vene ‘ssu bisognu Di coglie à e to lapre quelli basgi dulciumi Quelli frutti d’amore à i strani profumi D’andà frà e fureste di i mondi di sognu È corre versu tè cum’è corre u fiume À carizzà u mare è ballà cù e sciume Mi mucanu ‘sse stonde chì sò viote di tè Mi strappanu u core è mi brusgianu l’alma È sunniegnu l’ora quandu in l’alba calma Liata à a mio vita per u sempre sarè È c’à l’eternità in un stessu viaghju Avaremu l’amore per solu paisaghju Eppò ti chjinaraghju n’un lettu di bambace Cù linzoli di seta cusgiti à tennerezza Dolci cum’è un basgiu, cum’è una carezza Per dà ti à rispirà u soffiu di a pace È a billezza linda di i nostri accunsenti ‘Ss’ abbracci silenziosi forti quante li venti…
int-Jean-Yves Acquaviva_72p_281210.indd 8
02/03/2011 11:22:37
DI RIME SCIOLTE
Scrive ghjorni, notte è stagione Luce o bughjicone Dì l’umbrie o puru e sulane Friscure o caldane
9
Fà canzone d’ogni stundarella Tinta d’oru o ancu mischinella Scrive l’ore passate o à vene À rime serene Piaghje, monti è fureste prufonde Stelle è luna bionde Celu, mare è immensi rinaghji Sole di mille raghji Fà canzone d’ogni paisaghju Culuritu à dicembre o à maghju Scrive l’ore bianche o verdicante Di rime tamante Scrive, cantà, dì In puesia cusì... Rise, surisi è carezze sincere Alma è mente ligere Zerga, brioni è core à timpurale Missoghju fatale Fà canzone d’ogni gestu umanu Un cuntrastu, una strinta di manu Scrive l’ore di pace o rivolta D’una rima sciolta Scrive, cantà, dì In puesia cusì...
int-Jean-Yves Acquaviva_72p_281210.indd 9
02/03/2011 11:22:37
ODDIU
À nant’à li to passi, s’alzenu tante croce Sottu à e staffilate calate sò e voce Imperu assassinu tombi ancu u ricordu È di u nostru sangue ùn sì mai à l’accordu Tanti lochi sò morti sottu à e forze indegne Tantu sangue virsatu, tante è tante catene Oghje voli tumbà cultura è lingua nostre Ma sappia chì l’idee ùn si mettenu in chjostre Tante bugie dette, tante trappule messe Cambianu i guverni, u discorsu hè u stessu Noi ùn vulemu guerra vulemu a nostra pace Ma tù cusì sdignosu ci mandi sempre à ghjace Ma falerà a piena, per pulisce a tarra Ma scuppierà u tonu per piccià in e sarre U focu di a vita, quellu di a vindetta È saremu adduniti in pettu à e to saette À l’orlu di l’avvene un antru versu spunta Dumane tù sarè ghjudicatu da a Ghjunta È per tanti castichi, tante tribbulazione Cundannatu da l’omi à l’altare nazione
int-Jean-Yves Acquaviva_72p_281210.indd 10
02/03/2011 11:22:37
À LU GHJORNU SPUNTATU
Acquatu di a mane rinfreschi i mio sogni Quandu in lu primu raghju si scopre u cuntornu À l’angunia a notte fughje incù lu so fornu Eppò lu ghjornu cambia e mio brame in bisogni
11
L’acellu à tempu natu, si move sgalapatu U trattu scrianzatu stuzzica i talavelli In l’aghja testimone di l’anticu macellu Rinasce a rivolta à lu ghjornu spuntatu À lu ghjornu spuntatu in un dolce rimore Si strignenu e mani in un chjerchju immensu U nome libertà ripiglia u so sensu È alloghja a vita in fondu à ogni core À lu ghjornu spuntatu s’arrizza a bandera Di l’eterne spiranze piatte in le nostre mente È risplende a luce d’una fiaccula ardente Chì piccia focu in core è tomba l’addisperu Ingannu di a notte, di a morte funtana Di u sperà di l’omu ùn sia strappatura È sappia chì a lotta campa ancu in la bughjura È ch’in l’ochji d’un populu a rivolta s’intana…
int-Jean-Yves Acquaviva_72p_281210.indd 11
02/03/2011 11:22:38
MONTASEGA
Batt’à nant’à u mio pettu Una catena in oru Trè chilò di pesu nettu Cuntendu a testa di moru Iè sò bellu cum’un camiò Iè, fieru cum’un papachjò Sò omu di grande classa Forse un diu fattu umanu È tutta quella chì passa Mi pizzica in la manu Iè, piattate e vostre moglie Iè, ch’ogni fiore hè da coglie Sò un veru dizziunariu Un pistellu, una putenza Un tippu strasordinariu Tratechju à intelligenza Iè, sò tuttu ciò chì si sà Iè, ma ùn possu palisà
int-Jean-Yves Acquaviva_72p_281210.indd 12
À mè s’è vò mi circate Pinsate à i vostri denti Chì dopu e mastucate Vi cacciaranu i pienti Iè, eiu i facciu falà Iè, i colpi senza cuntà A paghjella ô zitè L’aghju invitata eiu L’altri si mettenu in trè Eiu solu facciu megliu Iè, à cant’à mé Pavarotti Iè, ùn vale trè pomi cotti Camisge ne aghju centu Ma ùn ne portu chè una Ci vecu anc’à lume spentu Sò ghjuntu à nant’à a luna Iè, à cavallu à e bugie Iè, mi tracciu tutte e vie…
02/03/2011 11:22:38
PASSIGHJATE
Vecu à nant’à l’acqua i riflessi d’altronde I dissegni invintati da e fate marine È a dolce carezza di l’ore matutine M’invita à u viaghju per ‘sse stese prufonde
13
Fidà mi à u ventu È lascià mi purtà Vecu à l’infinita corre i raghji d’oru Alliscendu u celu, basgendu a cunfina È una voce linda, una voce turchina Mi dice veni quì à coglie ‘ssu tisoru Fidà mi à u ventu È lascià mi purtà Fidà mi à u ventu È lascià mi purtà S’è i sogni sò centu Centu ne vogliu fà Vecu à l’ore stillate celu è mare cunfusi In un stranu cumbugliu u mondu sottu sopra È in ogni artifiziu chì a natura adopra Annicà si l’angosce è i sperà dilusi Fidà mi à u ventu È lascià mi purtà Vecu à u fà di l’alba ‘sse fiure dissinsate ‘Ssi culori scimiti esse torna armunia È fraià u mio sguardu d’un morsu di sulia Rinnuvendu a chjama à tante passighjate…
int-Jean-Yves Acquaviva_72p_281210.indd 13
02/03/2011 11:22:38
Fidà mi à u ventu È lascià mi purtà Fidà mi à u ventu È lascià mi purtà S’è i sogni sò centu Centu ne vogliu fà
int-Jean-Yves Acquaviva_72p_281210.indd 14
02/03/2011 11:22:38
DI MELE È DI SALE
Sò e muse disposte À impristà mi rime È scrive e to loche è amintà à tè E to superbe coste L’altu di e to cime È tante e canzone chì ribombanu in mè
15
Canzone di statina Ligere è savurite Cum’è un fiume mossu à surgente piacè Canzone maltasgina Di sponde infretulite `È tant’altre stagione à invintà per tè Stagione à l’appollu D’un eternu rinnovu Di culori è profumi chì a natura sà Dumani à l’affollu D’ogni sbilanciu novu Per esse sale o mele di u mondu da fà U sale di ‘ssu mare Prigiuneru o prigione Nidicale o cabbia d’un avvene à tesse U mele chì mi pare Esse in ogni ragione D’ùn dupità mai più di tutte e to prumesse Prumesse di canzone È di muse disposte Per cantà e to loche è amintà à tè Vede à ogni stagione E to superbe coste Dà si à ‘sse puesie chì dormenu in mè
int-Jean-Yves Acquaviva_72p_281210.indd 15
02/03/2011 11:22:38
A CANZONA
S’o sapessi in duie rime caccià tutta a tristezza Di l’ore culor’vaghjime di e stonde di sulezza S’o sapessi a meludia chì cunsola d’ogni pena A funtana d’armunia chì scioglie d’ogni catena Esse a voce, esse u cantu, esse u luciore tamantu Chì accende ogni vita Esse u nidu, esse u locu, esse a fiara, esse u focu Chì scalda l’alba infretulita S’o sapessi in e mio rete piglià ci a puesia À e so strade sicrete attippà ci una cria È ‘sse note vagabonde sposte à ogni fiumara S’o e sapessi asconde nentru à a mio ghitara Esse a voce, esse u cantu esse u luciore tamantu Chì accende ogni vita Esse u nidu, esse u locu, esse a fiara, esse u focu Chì scalda l’alba infretulita S’o sapessi imbulighjà in una stonda fatata ‘Ssi filari di sperà cù a musica incantata S’o sapessi tuttu què ne faria ‘ssa canzona C’à u prufondu di mè dapoi sempre risona Esse a voce, esse u cantu Esse u luciore tamantu Chì accende ogni vita Esse u nidu, esse u locu, esse a fiara, esse u focu Chì scalda l’alba infretulita Esse u nidu, esse u locu, esse a fiara, esse u focu Chì scalda l’alba infretulita…
int-Jean-Yves Acquaviva_72p_281210.indd 16
02/03/2011 11:22:38
FALASORMA
Di sicuru sò fate à avè lu invitatu È à ogni stagione à dà li u so fiatu Di muntagne è marine, di machjoni sarrati chì l’acquatu intigne D’attrachjate turchine, d’albori riccamati è di petre sanguigne
17
Eccu à Falasorma Di rinaghji è di spichi Eccu induve dorme A forza di l’antichi Isula di mimoria Ascondu di a storia Da u capu di guegnu à sin’à palmarella Risplende di billezza tal’un eterna stella Di passi vagabondi, d’infiarate sulane è di licceti scuri D’accuglienti circondi, di sicrete funtane è d’appossi sicuri Eccu à Falasorma Affiancatu à Niolu Eccu induve dorme L’estru di Pampasgiolu Isula puesia Di rime è d’armunia Oghje chì u silenziu ti si vole piglià T’arricordi di prima cum’è s’ellu era avà Di l’ore cantarine, di ‘ssi ghjorni felici quande tù ribumbava Di rise zitelline, di fischi pastureschi, di ghjente chì spirava Ma tu sì Falasorma Sì a nostra risorsa U locu induve dorme L’antica anima corsa È à e to funtane Ne sorgerà dumane
int-Jean-Yves Acquaviva_72p_281210.indd 17
02/03/2011 11:22:38
TREBLINKA
Di notte è pò di nebbia ne era u viaghju Mezu à tarre silenziu, immaculate stese Cù u morsu cutratu d’un eternu farraghju Per pate ne di l’omi e pessime offese Maiò, donne è zitelli imbulighjati è stretti Mandati da ‘ssi treni à u murtale esigliu À una sorte indegna, à ghjorni maladetti Per di l’idee tonte paspà ne u berbigliu A sperenza ne campa ancu in lu bughju cecu A voglia di fighjà torna u sole nasce È mezu à notte è nebbia una luce ci vecu A vita cerca sempre un pratu novu à pasce Maiò, donne è zitelli decisi tutti inseme N’un soffiu di rivolta, brama di libertà Una volta è pò centu anu accesu di speme E notte di ‘ss’infernu chjamatu Treblinka Finite e rivolte, ne ferma u sbilanciu Parechji si sò morti, pocu ne sò scappati Ma à tutti l’hè parsu un distinu più danciu D’andà si ne arritti c’à campà indinuchjati A sperenza ne campa ancu in lu bughju cecu A voglia di fighjà torna u sole nasce È mezu à notte è nebbia una luce ci vecu A vita cerca sempre un pratu novu à pasce
int-Jean-Yves Acquaviva_72p_281210.indd 18
02/03/2011 11:22:38
FIURE DI PALESTINA
Sottu à un celu spurgulatu À mezu à un alivetu Un agnellucciu hè natu` È campa chietu, chietu
19
L’accarezza un zitellu È u cura un pastore In ‘ssu locu cusì bellu A vita pare d’amore Ancu u più finu fiore In sè piatta una spina A vita pare d’amore Ma piegne a Palestina In un pratu verdicheghja L’arbicella di dumane È l’agnellu saltilleghja À l’asgiu di e lite umane Sò cusì belli ‘ssi lochi Quandu l’ora hè sirena Quandu sò spenti i fochi È appaciata a pena Ancu u più finu fiore In sè piatta una spina A vita pare d’amore Ma piegne a Palestina
int-Jean-Yves Acquaviva_72p_281210.indd 19
02/03/2011 11:22:38
U MIO SOGNU
U mio sognu cum’è tanti hè natu in i prati immensi Di quellu tempu graditu quandu a vita era zitella Tal’un mondu invintatu da allusingà i sensi Di profumi incunnisciuti è culori à sta più bella Hè crisciutu mezu à selve zeppe, nere è prufonde Duve l’alburi tamanti, intricciati di vitalba Parianu alliscià i nuli cù e so fronde È adumbravanu l’ore chì l’estate troppu scalda U mio sognu cum’è tanti hà abbracciatu ogni lotta Hà suttu à ogni rivolta è bedu à tante surgente Cù a forza spinsirata di a vita giuvanotta Quandu u core cummanda è chì a ragiò ùn sente U mio sognu oghje sì tù è pò lu nostru figliolu Una fiura assirinata, a luce d’un lindumane A sperenza di campà senza esse mai solu È lascià corre a vita à centu mila funtane
int-Jean-Yves Acquaviva_72p_281210.indd 20
02/03/2011 11:22:38
PRIGIUNERU
E mio cunfine sò Di petra è di farru intricciati È da induve stò Ùn vecu più i verdi prati Ma sunnieghju, iè sunnieghju è sunnieghju E mio cunfine sò Di petra è di farru intricciati È da induve stò Ùn vecu più i verdi prati Ma quandu vene l’ora Di chjode l’ochji è sunnià Pigliu e strade d’oru Quelle accese di libertà
U ventu di u ricurdà
21
Ùn sò s’è un dumane Torna per mè si pisarà S’è à e mio sulane Puderaghju torna avvintà Ma c’ hà da vene l’ora D’apre l’ochji è di fidighjà E billezze di fora A vogliu torna imaginà Chì ùn ci hè matre da parà U fiume di u sunnià È ùn ci hè marchjone à sarrà U ventu di u ricurdà
Chì ùn ci hè matre da parà U fiume di u sunnià È ùn ci hè marchjone à sarrà U ventu di u ricurdà U mio sonnu hè di fole Ma i mio ghjorni sò di stizia Chì campu senza sole Prigiuneru di l’inghjustizia Ma quandu vene l’ora Di lascià a mente scappà Mi trovu torna fora Per e machje di libertà Chì ùn ci hè matre da parà U fiume di u sunnià È ùn ci hè marchjone à sarrà
int-Jean-Yves Acquaviva_72p_281210.indd 21
02/03/2011 11:22:38
DUVE SÒ ?
Duve sò pigliate l’ore Di e rise zitelline Quandu per coglie e more Ùn timiamu e spine Duve sò, duve sò ’ssi mumenti Duve sò, duve sò à i venti o spenti Forse si nè sò andate Cù u fiume di l’età Cù ‘sse piene infuriate À l’eterna libertà Duve sò, duve sò ‘ssi mumenti Duve sò, duve sò à i venti o spenti Duve sò a niscentria È u so cumpagnu l’asgiu Oghje ferma a nustalgia È d’un ricordu u basgiu Duve sò, duve sò ‘ssi mumenti Duve sò, duve sò à i venti o spenti È quelle ardente battaglia Da difende u castellu Fattu di tarra è di paglia Di u mondu u più bellu Duve sò, duve sò ‘ssi mumenti Duve sò, duve sò à i venti o spenti È ‘ssi chjarasgi pumposi Quantu volte vindimiati I rivecu, diviziosi Carchi à frutti inzuccarati Duve sò, duve sò ‘ssi mumenti Duve sò, duve sò à i venti o spenti
int-Jean-Yves Acquaviva_72p_281210.indd 22
02/03/2011 11:22:38
Ma in fondu à u mio core L’aghju tinuti prisenti U profume di ‘sse more È tutti quelli mumenti Sò in mè, sò in mè ‘ssi mumenti Sò in mè, sò in mè à venti Sò in mè, sò in mè ‘ssi mumenti, mai spenti…
int-Jean-Yves Acquaviva_72p_281210.indd 23
23
02/03/2011 11:22:38
IN SOGNU
Qualchì volta in sognu mi ne vogu asgiatu À visità ‘ssi lochi persi nu e mimorie È vecu torna luce a stella di u passatu È move tal’un fiume l’onde di e so storie È vecu l’omi inseme affaccindati in l’aghja Spulendu ‘sse granelle chì turnaranu pane È mi vene a fiura d’una banda ch’impiaghja Quandu arreghje infine, l’estate, e so calmane Vecu sopra à e rate u celu infumicà si L’alivi carchi mensi di e frante à vene E fere insumate attippendu à i chjassi È a ghjente accolta da sparte gioie è pene Mi si parenu vive l’uparate, e chjame Quandi unu facia a forza di tant’altri Ci era ancu poca robba, i vezzi eranu brame Ma l’amore curria frà tutti à passi sgualtri Ùn aghju nustalgia chì ùn l’aghju campata ‘Ssa vita forse cruda ma di quelle serene È sò chì l’alma meia ci s’hè arradicata Chì canta e so stonde viaghjendu à l’avvene…
int-Jean-Yves Acquaviva_72p_281210.indd 24
02/03/2011 11:22:38
TI TENGU CARA
Ti vuleria dà L’oru di a stellaria Per sempre illuminà D’un focu di magia Ogni malincunia Ch’in la to mente và È fà la puesia
25
Ti vuleria dà Un sognu per viaghju À fiancu à tè andà Vede fiurisce maghju È cunnosce à paghju Ogni sole à spuntà Sin’à l’ultimu raghju È dì ti ti tengu cara, ti tengu cara… Ti vuleria dà U putere d’ùn more Fà c’à l’eternità Appese à u to core Corghinu linde l’ore Di u nostru campà È di u nostru amore Ti vuleria dà U mio ortu sicretu ‘Ssu locu libertà U so silenziu chietu Da fà sbuccià l’insetu Chè n’emu fattu avà Francatu da u fretu È dì ti ti tengu cara, ti tengu cara…
int-Jean-Yves Acquaviva_72p_281210.indd 25
02/03/2011 11:22:38
STELLA MARIA
Vogliu intigne a mio penna à l’inchjostru di u sperà È ingutuppà di lume ognuna di e mio rime Da purtà ti in i mio canti l’aria fresca di e cime È u profume scurdatu di l’antica libertà Ch’elli ti sianu dolci i ghjorni di u t’avvene È cantessi di sperenza ogni stonda in a to mente U to sonnu sia calmu cum’è l’albe d’oriente Colmu si sogni, viaghji per e cuntrate serene È corghinu i to sguardi à fior’d’un raghju di sole Da cunnosce e cunfine di ‘ssi paesi landani ‘Ssi tisori chì mai omu ùn hà toccu di e so mani Sianu toi per sempre i misteri di ‘sse fole Stella Maria ô cara ancu l’alba ti ringrazia Quand’in la to risa calda ci si trova ‘ssa lumera Da imbriacà di sole e stese di a to terra Da e valle di Niolu à e machje di Rosazia…
int-Jean-Yves Acquaviva_72p_281210.indd 26
02/03/2011 11:22:39