aria di famiglia by Edition Albiana

A. Jaoui è J.-P. Bacri

Un’ aria di famiglia

Agnès Jaoui è Jean-Pierre Bacri

Un’ aria di famiglia Adatazione in lingua corsa di a pezza Un air de famille Jean Thomas Marchi

15 € ISBN : 978-2-84698-369-3

Aria di famiglia_couv.indd 1

23/06/2010 10:00:40

Int-Un Aria di Famiglia-94p-170610.indd 1

21/06/2010 16:39:30

ATTU 1 DENIS. – Vole chercosa d’altru, sta giuvanotta ? (Face di nò cù u capu)… Nò ?… Ùn vole micca un antru picculu aperitìvu ? BETTY. – Nò. Ùn vole nunda. DENIS. –… In veru ? BETTY. – Iè ! DENIS. – Una piccula Suze si la ripiglierebbe vulenteri, mi pare, nò ? BETTY. – Innò, và bè cusì. DENIS. – Ghjè in collera, sta giuvanotta, si dicerebbe… BETTY. – Aiò, và bè, fà la finita, o Denis… Un mumentu du silenziu DENIS. – Faci u musu ? BETTY. – Manc’appena.

Int-Un Aria di Famiglia-94p-170610.indd 7

21/06/2010 16:40:04

DENIS. – Ùn faci micca u musu ? BETTY. – Innò, ùn facciu manc’appena u musu. DENIS. – Sì cuntenta… BETTY. – Iè, iè, è possu esse propiu cuntenta, ghjè stata una bella ghjurnata, aghju mandatu à cacà u mo patròne, era un pezzu ch’eo n’avia a voglia, sò cuntentissima. DENIS. – À quale, à Benito ? BETTY. – Iè, à Benito in persona. DENIS. –… È… u to fratellu, c’era ? BETTY. – Nò, hè un peccatu, hà mancatu quessa… Quandu li la cunteraghju, hà da saltà cum’un cabrettu. DENIS. – Cume, voli dì ch’ellu serà cuntentu ?… BETTY. – Hè capita… DENIS. – Ne sì sigura ?… BETTY. – Iè, chì ne sò sigura… ùn aspettava chè quessa… Hè Philippe chì u pate, sopratuttu, à Benito. Un mumentu DENIS. – U teni caru, à Philippe, ùn hè micca vera ? BETTY. – Ghjè u mo fratellu. DENIS. – Ancu Henri hè u to fratellu. BETTY. – Iè, ma… ùn hè micca listessa… incun Philippe simu più stretti… È po travagliemu inseme, è po… (un silenziu) ùn duviamu micca vede ci mercuri passatu ? DENIS. – Euh… mercuri ? Ùn duviamu micca chjamà ci ?

Int-Un Aria di Famiglia-94p-170610.indd 8

21/06/2010 16:40:04

BETTY. – Nò, sì tù chì duvii chjamà mi. DENIS. – Eo ? Cume eo ? BETTY. –… DENIS. – T’aghju dettu ch’eo ti chjameria, ne sì sigura ? BETTY. – Aiò, basta, fà la finita. DENIS. – Innò, aspetta appena ! Ùn mi n’arricordu micca : aghju dettu che ti chjameria, eo ? BETTY. – Umbè, ascolta mi, ùn mi n’arricordu più manch’eo, eccu !! Mi smuraliza, stu cuntrastu… Un silenziu. DENIS. – Sì sigura ch’è n’aviamu precisatu e cose à issu puntu ? BETTY. –… DENIS. – Allora, s’ell’ hè cusì, mi ne sò scurdatu cumplettamente. Hè bizarru. BETTY. – Ùn hè tantu bizarru, ti accade una volta nantu à duie. Un mumentu. DENIS. – Ma perchè ch’ùn ai micca chjamatu, tù ? BETTY. – Umbè… o Denis, ùn la sò micca. Ci vole à arrestà sta… sta cosa quì, sta spezia di relazione merdosa, à coll’ è fala, ùn ci avemu più da vede è basta cusì. Femu la finita incun tuttu què. (Un mumentu). Ùn cambierà tante cose, ma l’affare serà chjaru, o mancu. DENIS. – Cum’ ai dettu ? Sta relazione « merdosa » ?

Int-Un Aria di Famiglia-94p-170610.indd 9

21/06/2010 16:40:04

BETTY. – Ghjè una figura. DENIS. – Iè… poca figura ! BETTY. – Sta relazione ch’ùn hà neh capu neh coda, sè tù preferisci. DENIS. – Umbè… iè… forse… preferiscu… Sì tù chì decidi. BETTY. – Cum’è sempre. Un silenziu. Denis stà à pusà, u so stracciu nantu à e dinochje ; hè sturdulitu. DENIS. – Ùn capiscu micca. Ùn ci simu mai prumessi nunda ? Tù, tù… tù aspetti altre cose ? BETTY. – Cume ? Cosa dici ? Cosa voli ch’aspettessi ? Ùn aspettu nunda, ùn ti dumandu micca u matrimoniu, sò cum’è tè, facciu a mo vita, a sai… Ti dumandu simplicemente di chjamà quand’è tù dici ch’è tù chjamerai !! Henri spunta. HENRI. – Và bè, o Denis, ùn hè micca troppu dura ? Ma cosa faci, ti pulisci e dinochje ? DENIS (distrattu, sbiguttitu). – Iè, iè… HENRI. – Avà po sò belle pulite, poi attaccà u restu, s’è tù voli… (S’addirizza à a giuvanotta, basgendu la) Ghjè un pezzu ch’è tù sì quì, tù ? BETTY. – Una decina di minuti, un quertu d’ora… HENRI (Parlendu à cherchissia chì si trova daretu à u decoru). – Iè, cosa voli ? Ai a fame… Appena di pazienza… Vengu… vengu. (À a giuvanotta) Quandu mi vestia, di sopra, aghju intesu una voce di donna, mi paria a voce di

Int-Un Aria di Famiglia-94p-170610.indd 10

21/06/2010 16:40:05

mamma, mi sò dettu : « Piombu, sò digià quì »… (Passa daretu à a cascia) Ghjè incridibule, ai veramente listessa voce chè mamma, tù, di luntanu… Un silenziu. BETTY. – Ti sì messu u to ghjileccu di u vennari ? HENRI. – Bè… di siguru, cosa voli ch’e mi mettissi ? BETTY. – È Arlette ? Ghjè quassù ? HENRI. – Nò, ùn ci hè micca, ti rendi contu… Vai à sapè cos’ella face, torna, quessa custì ; à mumenti sò ott’ore menu un quertu, è ùn hè nancu rientrata, è tuttu què perchè ? per stà à puttachjà cù a so amica, cum’è sempre. Una stonda. BETTY. – Quantunque, « c’est beau l’amour ». HENRI. – Cume, « c’est beau l’amour » ? BETTY. – A to manera di parlà di a to moglia, « c’est beau »… Si sente tutta l’affezzione, a cumprensione… HENRI. –… È cosa ci capisci, tù, vivi incun cherchissìa ?… Quand’è tù viverai incun cherchissia dipoi quindeci anni, tandu venerai à truvà mi, è ne riparleremu, di a cumprensione… Vai troppu à u sinemà, tù… Ellu, leghje troppu libri, è tù vai troppu à u sinemà… BETTY. – Ma cosa c’entru à fà, eo, custì nentru ? HENRI. –… (s’annerva. À Betty) À mumenti ghjunghjenu, è ella ùn ci hè micca, ti pare normale, à tè ? A sà chì u vennari, ghjè u ghjornu d’a famiglia, po avè appena di rispettu, nò ? Per quale passu, eo, s’elli ghjunghjenu è ch’ella ùn ci hè micca ?… per un catinu, ch’ùn sà micca

Int-Un Aria di Famiglia-94p-170610.indd 11

21/06/2010 16:40:05

tene a so moglia… Ùn sò micca babbu, eo… Ùn m’aghju micca da lascià piglià a suprana cum’è ellu… « Trop bon, trop con. ». Ma ùn m’impedisce micca di tene la caru, à Arlette… A tengu caru… Ma…. Ùn ci vole micca à esagerà ! Digià chì trovu chì sò troppu bravu, eo… Cosa ai à ride, tù, ind’è u to scornu quallà, ùn hè micca vera, forse ?… DENIS. – Ùn la sò micca, o patrò, eo ùn c’entru micca… HENRI. – Dì la puru, vai ci !… Dì cos’è tù pensi… vai ci puru… DENIS. – nò, nò, ùn sò à u currente di nunda, eo, a dì la franca, preferiscu ùn dì nunda,… ùn vogliu micca ingagià mi… BETTY. – Ùn vole micca ingagià si, Denis, ghjè cusì, ellu… Ghjè neutre… Ma possu risponde à a so piezza, eo, s’è ù voli… HENRI. – Nò, nò, a toia, a risposta, a cunnoscu : m’ai da caccià a to sega, e donne di quì, e donne di quallà, è hà da durà un’ora… BETTY. – Un’ora, forse nò, ma e donne di quì, e donne di quallà, quessa, di siguru. HENRI. – Poi dì cos’è tù voli, eo a sò chì un omu hè un omu, è una donna, hè una donna. DENIS. – Nant’à issu puntu, simu d’accordu. HENRI. – Ognunu u so sessu ! Hè cusì : « Ognunu per so arte è Anton Matteu à vende sumeri. »… (Versu u decoru) Voli a to giraffa ? A voli a to giraffuccia ? (Và è ritorna subitu). L’altru ghjornu, guerdu u tennis à a televisiò, è cosa vecu… ? Una donna in short !!! Aiò, aiò, franca-

Int-Un Aria di Famiglia-94p-170610.indd 12

21/06/2010 16:40:05

mente !… Una ghjucadora di tennis, in short !… (à Denis) Ti pare una cosa normale, à tè ? DENIS. – Euh… Una donna in short ?… S’ella mi pare una cosa normale ?… HENRI (in zerga). – Iè, una ghjucadora di tennis, prufeziunale ! DENIS. – Euh… Ùn mi sò mai postu issa quistione, ma euh… pensu chì dipende di u short, aghju vistu certe donne cun certi shorts, chì hè, hè, hè… HENRI. – Aiò, o Denis, ùn sì micca appena scemu !… Una ghjucadora prufeziunale !!! DENIS. – Avà, hè vera chì e ghjucadore prufeziunale,… ùn la sò micca… voi preferite e jupettes, mi pare, nò ? HENRI. – Hè sigura chì preferiscu e jupettes !!! Un silenziu. Betty è Denis sò stumacati. BETTY (à Denis). – Finalamente, dà mi un’antra piccula Suze. Aiò… ùn vecu micca perchè chì mi privu di beie, u vennari, eo… HENRI. – Ghjè cum’è tè, s’è tù fussi appena di più feminile, ùn ti sterebbe micca male… BETTY. – Iè, a prussima volta, vengu in jupette… HENRI. – Parli cum’è un omu, bei cum’è un omu… Ùn sentenu di nunda e to manere ! Ùn hè micca cusì ch’è tù truverai à cherchissia, credi la puru… Eo, s’o ti la dicu, ghjè per tè… « Incun l’acetu, ùn si piglia micca mosche » ! Guerda chì ti resta pocu tempu, ti la dicu…

Int-Un Aria di Famiglia-94p-170610.indd 13

21/06/2010 16:40:05

BETTY. – Ti ringraziu, o Henri, quesse sò parolle chì mi facenu veramente prò, avia bisognu di chercosa di semplice per rimette mi u cervellu à segnu, È tù ai truvatu propiu cosa ci vulia à dì : « Incun l’acetu, ùn si piglia micca mosche ! ». Allora chì eo, guerda appena, cridia chì ci vulia l’acetu ! Ti rendi contu ! M’aiuti veramente, hè incridibule, basta un semplice pruverbiu è tuttu s’arrangia ! (Un silenziu. Betty si calma)… Dici sempre ch’è tù ùn voli micca ch’omu ti pigli per un catinu, o Henri, ma per quessa ci vole ch’è tù fessi qualchì sforzu, ancu tù… Un silenziu. HENRI (à Denis). – Ci ai capitu chercosa, tù ? DENIS. – Iè, iè, tuttu… HENRI. – Ghjè ammursciata ? DENIS. – Iè, a diceria cusì, anch’eo… HENRI. – Iè, allora… “Il n’y a que la vérité qui blesse”, nò ? DENIS. – Nò, nò, o patrò, ùn hè micca vera, quessa… Anch’eo dicia cusì finu à l’età di dodici anni, è poi… HENRI. – S’ell’ùn si pò mancu più parlà tra fratellu è surella… (un silenziu. Guerda à Denis). Dì mi appena, l’ai da strufinà torna assai, a pompa à biera ?… DENIS. – Ci vole à lustra la, o patrò, ci vole ch’ella luccichessi, altrimente à cosa serve ? S’ellu ci hè una cosa chì deve luccicà, ind’un caffè, hè propiu a pompa à biera, quantunque, questu hè un travagliu chì ci vole a fà lu cuscenziosamente…

Int-Un Aria di Famiglia-94p-170610.indd 14

21/06/2010 16:40:05

HENRI. – Dà piuttostu una strufinata in terra, o Denis ! Aiò, simu in ritardu è tù ti l’allonghi, stai à chjachjarà !… Hà da esse un scumpigliu, quì… U vennari sera, ùn ci hè micca tempu à chjachjarà !… A sai ch’è no chjudimu più à bon’ora, u vennari… DENIS. – Site voi chì m’interrugate… HENRI. – Merda !!! Merda !!! O puttana, mi ne sò scurdatu cumplettamente di quellu !! DENIS (interrumpendu a so facenda). – Cosa ci hè ? HENRI. – Travaglia, tù !!… Ùn sì micca cum’ò Napuleò, ùn hè micca vera, ùn sì micca capace di parlà è di fà a pulizia in listessu tempu, tù… DENIS. – Fecia a pulizia, Napuleò ? HENRI. – Mi ne sò scurdatu di guerdà u mo fratellu !!… DENIS. – Di guerdà lu… HENRI. – À sett’ore di sera !! M’hà dumandatu di guerdà lu… DENIS. – Hè venutu à vede vi à sett’ore di sera, è vi hà dettu « Guerda mi » ?… Ùn capiscu micca… HENRI (s’annerva). – À a televisiò, o caprò !!! Passava à l’emissione regiunale, à sett’ore, è eo, à iss’ora custì, spenghju u postu, giustu appuntu. Guerdu u mo ghjocu, è po spenghju. M’hè surtita di capu. DENIS. – Passava ind’è un’emissiò ? In chì onore ? HENRI. – In chì onore ? voli ride ? A sai quale hè u mo fratellu ?… (una stonda)… L’aghju cumplettamente mancatu. (À Betty) È tù, o Betty, l’ai vistu ? Và bè, aiò,

Int-Un Aria di Famiglia-94p-170610.indd 15

21/06/2010 16:40:05

scusa mi, và bè, sì veramente feminile… L’ai vistu, à Philippe, tù ? Ci ai pensatu ? BETTY. – Hè sigura… HENRI. – Iè, ma tù travagli incun ellu tutt’a ghjurnata, ghjè facile… L’ai vistu, allora ? BETTY. – Iè. Una stonda. Henri riflette. HENRI. – Aghju da dì chì l’aghju vistu, anch’eo, dì mi appena cume era… BETTY. – Ai da dì una bugia, dunque ? HENRI. – Hè capita ch’aghju da dì una bugia, ùn m’aghju micca da amusà à dì li ch’e mi ne sò scurdatu, allora chì mamma mi hà telefunatu un’ora prima perch’ùn mi ne scurdessi micca… (Un mumentu) Ùn la sò micca, ghjustu appuntu, perchè chì m’hè surtita di capu, hè stata cusì… Allora ? Cume s’hè passatu l’affare ? Cos’hà dettu Philippe ? Di cos’hà parlatu ? Tè, cum’era vestutu ? DENIS. – Iè, è po u decoru, i mobuli, a chjocca di l’animatore… HENRI. – Iè, eccu, tuttu què… BETTY. – Credi ch’elli t’anu da interrugà à issu puntu ?… HENRI. – Nò, ma ùn si sa mai, mi hà dettu « Tè, guerda mi à sett’ore di sera, dumane, passu ind’un emissiò »… È mamma chì mi chjama un’ora prima, hè siguramente per sapè cosa ne aghju pensatu…

Int-Un Aria di Famiglia-94p-170610.indd 16

21/06/2010 16:40:05

BETTY. – Ma nò, hè ghjustu perchè tù u vidissi, è basta cusì. Hà chjamatu à tuttu u mondu. Passa à a televisiò, prevene a so famiglia, hè normale… Cosa voli ch’ellu ti dumandi, ci capisci qualcosa ind’è u mercatu di l’ordinatori, tù ? HENRI. – Iè, hè vera, sò baullu, eo, sò l’imbecille d’a famiglia, ai regiò, ùn vecu propiu micca perch’ellu mi dumanderebbe chercosa. BETTY. – Dì mi appena s’aghju dettu quessa ? HENRI. – Ogni volta hè listess’affare, a cunnoscu a musica, o si tù, o ghjè mamma o ghjè Philippe, ghjè sempre listessa canzona : ùn capiscu nunda, ùn sò nunda, è ùn vale mancu a pena di spiecà mi. BETTY. – Ma nò !… Aiò, fà la finita… micca vera… HENRI. – Ùn hè micca vera ? O Denis !! Ùn hè micca vera ? DENIS. – Quale, torna eo ? Perchè chì casca sempre nant’ à mè ? HENRI. – À quale possu dumandà ? Una stonda DENIS. – Aiò, và bè, cosa era a dumanda ? HENRI. – Eo, ùn sò micca l’imbecille di sta famiglia ? DENIS. – Iè, iè… HENRI. – AAAH !! Quantunque ! (Un silenziu. È poi à Denis) Ùn ai incasciatu chè què dipoi trè ore dopu meziornu ? DENIS. – Ùn ci hè statu mancu un fiatu. HENRI. – Umbè, què po allora…

Int-Un Aria di Famiglia-94p-170610.indd 17

21/06/2010 16:40:05