1 minute read
Almottâsah
from Loostâš 03/2020
Kove: Wikipedia
Kove: Latteanarâšah podcast.
Advertisement
Anarâškielâlâš Wikipedia lii tääl olmâ Wikipedia
Čällee: Fabrizio Brecciaroli
Anarâškielâlâš Wikipedia šoodâi virgálávt roovvâdmáánu 19. peeivi 2020 tme 15:07. Tot kávnoo čujottâsâst https://smn.wikipedia.org/.
Anarâškielâlâš Wikipedia lii nubbe sämikielâlâš Wikipedia pajekielâlii Wikipedia maŋa. Nuuvt kočodum “láláttâh”-muddoost láá nelji eres sämikielâ: nuorttâlâškielâ, maadâsämikielâ, juulevsämikielâ já kieldâsämikielâ. Tain kale láá tuše 0–160 artikkâlid já aktivlij čällei meeri-uv lii ucceeb ko tavekielâst já anarâškielâst.
Skammâmáánu 18. peeivi artikkâleh lijjii jo 1 802, mon áánsust anarâškielâlâš Wikipedia lii tääl 241. stuárráámus Wikipedia ubâ maailmist. Tot lii uáli pyeri – eromâšávt ko váldojeh huámmášumán jieškote-uvlágán kielâi sárnoomereh. Maailmist láá suullân 300 kielâd, main láá paijeel 1 miljovn sárnod, já suullân 4 500 kiellâd, main láá paijeel 1 000 sárnod. Anarâškielâst vuod sárnooh láá tuše 400–450.
Jis halijdah lasetiäđuid Wikipediast teikâ máhđulâšvuođâin finniđ kesipargosaje Wikipedia-čällen, te vääldi ohtâvuođâ Anarâškielâ seervi mediapargei šleđgâpoostâ peht: (fabrizio.brecciaroli@gmail. com).
Kuldâl anarâškielâlâš podcast!
Čällee: Iida Virtanen
Latteanarâšah lii Niina Aikio-Siltala já Neeta Jääskö uđđâ anarâškielâlâš podcast, mon puáhtá kuldâliđ Soundcloudist. Podcast vuossâmuš uási almostui syeinimáánu loopâst, já taan räi láá almostum ohtsis käävci uássid jyehi nube oho.
Podcastist Niina já Neeta lává kieđâvuššâm ovdâmerkkân pyereestvaijeem, mađhâšem sehe kielâkoččâmušâid. Yle Säämi sahhiittâlmist suoi lává ettâm, ete puátteevuođâst podcastist sättih leđe kyesih-uv. Jurduid já macâttâs puáhtá adeliđ sunnui om. Facebookist teikâ Instagramist.
