Mučis argâ -kovehástu, Laura Ylinampa

Kovehástu: Mučis argâ

Tekstâ ja koveh: Laura Ylinampa

Mun lam Laura Ylinampa, arâkoskâahasâš nissoon.Mun aasâm Kaamâsist, mutâ paargo keežild orodâm távjá Ruávinjaargâst, kost lam meiddei vuálgus. Mun luuvâm anarâškielâ já forgâ pedagoglijd uápuid Ketterä korkeakoulu -haavâst.

Muu nube pargoost toontuh uáinojeh viehâ távjá. Ijhân tot lah komálâš ollágin, ko pargosaje lii Juovlâááhu tupe Juovlâäijih kylást! Maidsun toontuh taan kooveest

Čižetpeln: Vorâs vorrâ. Mun jiem puurâ vâi iäláččim, mutâ mun iälám vâi purâččim.

Kooskast: Taan ive ferttiim rahtâččiđ hilloid já njuvdâsijd jyehilágán muorjijn. Tain lam jo valmâštâm tievâdâskaahuid sehe huolhijd já olgoenâmist puáttám kuossijd.

Uálgispeln: Viljâiguin já obbijn mij ain laavip herskustâllâđ lättyid.

Liäibum lii šiev vyestitiäddu luhâmân já essee čälimân. Liäibuččim já mälističčim vala eenâb jis must ličij peerâ, mii purâččij muu kááhuid já maalijd! Tääl koolgâm ohtuu taid puurrâđ.

Muu rähis elleeustev Valtti Tuurukuoškâ alda. Sun kal lii muu peeljih, muu njune já muu čalmeh sevŋis meecist. Kaavpugist sun lii muu

Pajalist: Mun lam eivi vyejimin kuusnii. Vyeijim ääigi mun oostâm kuldâliđ sämikielâlijd, eŋgâlâskielâlijd já suomâkielâlijd podcastijd. Jis tun uáináh muu autostân sárnumin, sáttá leđe et mun lam puhelimest, teikkâ sáátám-uv mun olssân sárnuđ meiddei! Vyelni: Koronačohčuv pargoost.

Taat kove lii valdum Njolâsuáiváá alne. Puđâldâsah pennuiguin tuálvuh maangâlágánáid soojijd já luándu almonij piällás. Täst mun lam vuottuumin, já muádi tiijme keččin peenuv kalga vyettiđ taid.

Maggaar lii tuu mučis argâ? Jis halijdah uásálistiđ háástun, vääldi ohtâvuođâ toimâtteijei: anaraslosta@anaraskielaservi.fi

35

RÄHTEEH

FABRIZIO BRECCIAROLI

Fabrizio lii vuálgus Italiast, mut áásá tääl Sveeicist. Sun lohá anarâškielâ Oulu ollâopâttuvâst. Sun lii porgâm Anarâškielâ seervi mediapargen čohčâmáánu 2019 rääjist. HENNA AIKIO Henna áásá perruinis Oulust, mut aaibâš távjá Anarân. Sun lii suomâ- já sämikielâ máttáátteijee. Luuhâm lii suu mielâ mield ääigiájánâs. Jis luhâmušah noheh, taid kalga čäälliđ jieš lase! SÁÁRÁ SEIPIHARJU Sáárá lii ollâopâttâhuáppee, kote lohá anarâškielâ, tavesämikielâ, sämmilij kulttuur já pedagogiik Oulu ollâopâttuvvâst. Sun halijdičij oppâđ uđđâsij já essei lasseen čäälliđ meid fiktiivlâš teevstâid anarâškielân. Astoääigi sun porá ennuv já uáđá. PETTER MOROTTAJA

Petter áásá Helsigist, parga Oulust já kiäččá Anarân. Rijjâääigi sun smiättá, maggaarsun lii leđe neeljikielâg páárnáš. TOMI KOIVUNEN Tomi Koivunen lii jotkâuáppee Tuurku ollâopâttuvâst já kuállejeijee suomâkielâ lehtor Udmurteennâm staatâollâopâttuvâst, jis Ruošâ rääji motomin lekkâs. IIDA VIRTANEN Iida lii porilâš čällee. Teikâ turkulâš. Meddâl Porist. Já áásá Tukholmast. Teikâ Tuurkust. Pyeri jis jieškin muštá. Sun šiärráá puoh kirkkásumosávt talle, ko sun piäsá karaoken já lávlu Dingo. SUSANNA KAARTINEN

Susanna lii freelancer arkkiteht já graafisâš vuávájeijee. Sun lii Anarist meddâl, já áásá tääl Australiast oovtâst kandâskipárijnis já 65 savzâinis. Astoääigi sun lijkkoo

tuoijuđ, kuvviđ já mälistiđ. JASMINA SCHRECK

Jasmina lii vuálgus Saksaast, kost ij kuittâg makkum. Sun lii aassâm Oulust ive 2006 rääjist já lohá anarâškielâ Giellagas-instituutist. Sun haalijd porgâđ aašijd ráávhust,

ij huápust. LAURA YLINAMPA

Laura áásá Kaamâsist, mutâ pargo keežild oorood távjá Ruávinjaargâst, kost sun lii meiddei vuálgus. Sun lohá anarâškielâ já forgâ pedagogilijd uápuid Ketterä korkeakoulu -haavâst.