Albistegia / BoletĂn informativo 39. zkia - 2017 - Ekaina - Junio
#ABIAN Debabarreneko Enplegu eta Lanbide Heziketako Azokaren III. Edizioa
Martxoaren 29tik 31ra bitartean Armeria Eskolak hartu zuen Abian, Debabarreneko Enplegu eta Lanbide Heziketako Azokaren III. Edizioa. Azoka Debabarreneko Lanbide Heziketako ikastetxeek antolatzen dute bailarako udaletxeekin eta Debegesa Garapen Ekonomikorako Agentziarekin elkarlanean. Armeria Eskolaz gain, IMH Makina-Erreminta Institutuak, Meka Lanbide Eskola, Uni Eibar-Ermua, Mutrikuko Akuikultura Eskola eta Eibarko Oinarrizko Lanbide Heziketako Zentroak ere hartu zuten parte. Azokaren helburua bailarako prestakuntza-eskaintza zabala ezagutzera ematea da eta Lanbide Heziketa nabarmentzea, kalitatezko prestakuntzarako aukera moduan, lan-merkatuaren premietara egokitutakoa, ikasleentzat zein langabetuentzat. Edizio honetako berritasun nagusia Enplegua Azoka ere txertatu dela da, bailaran enplegua sustatzeko eta lana bilatzen ari direnei, ikasleei, lanbide-heziketako zentroei eta lana sortzen duten enpresei topaleku bat eskaintzeko. Hain zuzen, ikasleei eta lan bila dabiltzanei zuzendutako azoka da, eta baita gaur egun Debabarrenean lanaren inguruan dauden aukerak ezagutzea nahi dutenentzat ere. Azokan 72 lanpostu eskaini ziren, jarduera ezberdinetan, Debegesak eskualdeko eta inguruko 361 enpresa aztertu eta gero. Bete gabeko postuak betetzeko profesionalak behar dituzten enpresek azokan bertan egin zituzten aurrez hitzartutako elkarrizketak. Halaber, LANBIDE Euskal Enplegu Zerbitzua ere azokan egon zen, eta bailarako lan-eskaintzen inguruko informazioa emateko gune bat eduki zuen. Inaugurazioan izan ziren Marcos Muro Eusko Jaurlaritzako Enplegu eta Laneko Sailburuordea, Amaia Arteaga Eusko Jaurlaritzako Enpleguaren Plangintza eta Berrikuntzako Zuzendaria, Antton Tomasena Gipuzkoako Foru Aldundiko Sustapen Ekonomikorako Zuzendari Nagusia eta Debabarrenako alkateak. Irekierako ekitaldiaren ondoren hasi ziren ponentziak. Azokara gerturatu zirenek bertatik bertara ezagutu zituzten
bailarako prestakuntza-eskaintza eta titulazio-sorta zabala. Parte hartu zuten LHko ikastetxeetako bakoitzak bere stand edo erakusketa-gunea izan zuen, eta bertan erakutsi zituzten euren espezialitateak. Gaur egun, Debabarrenean, 45 prestakuntza-ziklo inguru eskaintzen dira, eduki teoriko eta praktikoekin, eta eremu profesional desberdinei egokitutakoak, eta 2.000 ikasle inguru daude matrikulatuta. Armeria Eskola ere bertan izan zen 3D inprimagailuekin, robotekin, FESTO automatizazio-maketekin, panel elektrikoekin, ikasleek egindako proiektuekin, EHUko Ingeniaritza Fakultatean diseinatutako kotxe elektriko batekin –Formula Student proiektuaren barruan-. Armeria Eskolak urteak dihardu proiektu horretan kolaboratzen, hainbat pieza mekaniko diseinatzen. Erakusketez gain doako hainbat hitzaldi eta tailer ere egon ziren lana bilatu eta ekintzailetza sustatzeko.
Aiming at making the broad Vocational Training offer in the region public, Armeria Eskola hosted the III Annual of the Work and Vocational Training Fair ABIAN at the end of March where not only Armeria Eskola took part, but also five more academic centres in Debabarrena did. The Work Fair being the novelty this year allowed the promotion of a meeting point for people actively looking for work, students, Vocational Training centres and work generating companies. During the fair, a total amount of 72 posts were offered in several activity sectors.