O mundo secreto de Basilius Hoffman: o ladrón de soños

O mundo secreto de Basilius Hoffman

OS AUTORES FERNANDO M. CIMADEVILA (ESCRITOR) Forma parte activa do panorama literario galego como escritor e editor. As súas inquietudes empresariais empurráronlle a abrir as portas de Auryn, librería do fantástico.

Dende 2011 é director literario de Contos Estraños Editora, especializada en literatura fantástica, de terror e de ciencia-fición, que reúne unha nova xeración de escritores do xénero.

As súas inquietudes musicais levárono a fundar o grupo The Codename como vocalista.

Como escritor destaca o seu labor en literatura infantil coa colección "As aventuras do Apalpador" e a serie de fantasía "O mundo secreto de Basilius Hoffman", un dos maiores éxitos xuvenís dos últimos tempos en lingua galega.

Entre as súas afeccións deportivas destacan o taekwondo, o trekking e durmir a sesta cos seus gatos.

CLUB DE LECTURA “Laretiñas” IES POETA AÑÓN

*O mundo secreto de Basilius Hoffman comprende un ambicioso proxecto de fantasía que abrangue varios medios artísticos, centrados todos eles arredor dunha serie de cinco novelas ilustradas da que ata agora se publicaron dous títulos: O ladrón de soños e Un faro na escuridade. *O autor recoñece que a súa obra é debedora de Tolkien e Michael Ende, pero tamén como outros grandes escritores galegos da materia de Bretaña: lendas artúricas, mitos élficos e lendas atlánticas e mesturado co anterior tamén o “agroterror” ou “terror da terra”. *A pesares do nome inglés do protagonista é unha obra escrita orixinariamente en galego e editada por unha editorial galega: Urco edicións. *A edición en castelán da man de SUSHI BOOKS chegou as librarías en outono de 2014 e xa apareceu como unha das 16 novelas xuvenís recomendadas para o pasado Nadal 2014 en TOPCULTURAL. *Está a piques de saír tamén a edición de “ O ladrón de soños” en eúscaro e catalán. *Na primavera do presente ano 2015 presentarase e sairá a venda a terceira entrega da saga.

“Ao comezo houbo un soño, pois todas as cousas, grandes ou pequenas, comezan cun soño”.

IVÁN VALLADARES GONZÁLEZ(ilustrador

)

Naceu en Vigo, formouse de maneira autodidacta e máis tarde completou a súa formación artística na Escola de Cómic Joso en Barcelona. Despois de varios anos en Catalunya, regresa a Galiza onde compaxina o seu traballo coma Creativo Gráfico na empresa Amarouk Studio có de ilustrador freelance tanto para España como para Estados Unidos.

Extracto do Diario do Cartógrafo.

O MUNDO SECRETO DE BASILIUS HOFFMAN Fernando M.Cimadevila Club lectura IES POETA AÑÓN-OUTES-

26 xaneiro 2015

O argumento Basilius é o tío de Peter Hillman, auténtico protagonista deste conto, un rapaz de doce anos que vive e estuda nun internado e que deberá pasar as vacacións de Nadal no vello caserón de seu tío, xa que os seus pais coma sempre están moi atarefados e non poden atendelo.

Achégase unha nova Era, as antigas portas féchanse definitivamente, os reinos que durante séculos lindaron as fronteiras do noso mundo esvaécense entre as brumas das lendas. Durante anos o profesor Hoffman, explorador de mundos ocultos, dedicou non poucos esforzos a desvelar os seus segredos. Mais só cando o seu sobriño Peter chega ao vello caserón de Hoffman para pasar as vacacións de Nadal, o destino une as súas vidas dando comezo así á batalla definitiva na que se porá en xogo o noso ben máis prezado: o poder da imaxinación.

Principais personaxes

           

Basilius Hoffman.

Peter Hillman.

Rivka.

Xonás Juliet.

Gabriel/Duncan.

Profesor Hamza Seimandi/Mestre.

Abel Rinkin.

Bastet.

Jim-Jim Pai/nai de Meter.

Matrimonio Spinelli.

O gato

bastet

  *É unha deusa da mitoloxía exipcia, tamén denominada Bast, cuxa misión era protexer o fogar e simboliza a alegría de vivir, pois considerábase a deidade da harmonía e a felicidade. *Representábase baixo a forma dun gato doméstico, ou ben como unha muller con cabeza de gato, que sempre leva un sistro (instrumento musical) debido a que lle agradaba especialmente que os humanos bailaran e tocaran música na súa honra. *Era a personificación dos cálidos raios do Sol e exercía os seus poderes benéficos. Encarnaba os aspectos pacíficos de deusas perigosas como Sejmet que expresaban as calidades maléficas do Sol... *Como ollo de Autun estaba asociada á Lúa e protexía os nacementos e ás mulleres preñadas das enfermidades e dos malos espíritos. *O seu culto remóntase aos primeiros tempos da civilización exipcia, e é mencionada nos Textos das Pirámides e en El Libro de los Muertos. *A antiga cidade de Bubastis (hoxe Zagazig, no delta del Nilo) estaba consagrada ao seu culto,e de alí proceden centenares de gatos momificados que foron enterrados na súa memoria. *Os exipcios consideraban a os gatos como manifestacións da deusa Bastet e, conta a lenda, que se renderon ante os persas cando estes sostiñan gatos fronte aos seus escudos, xa que os persas sabían que os exipcios eran capaces de renderse antes de danar a algún gato. Así foi como perderon a cidade de Pelusio, a actual Puerto Said.

 



 O gato ou gato doméstico é unha subespecie de mamífero carnívoro da familia Felidae..É depredador.

Comunícase por xemidos, gruñidos e ao redor de cen vocalizacións ademais da linguaxe corporal.

Non se sabe exactamente cal foi a primeira cultura en domesticalos, aínda que segue asociándose a súa domesticación aos exipcios, asirios ou algunha cultura predecesora a partires do gato salvaxe africano.

Para os exipcios eran animais sagrados e polo tanto o castigo por matar a un gato era a morte.

Como animal de compañía é un dos preferidos do mundo polos seus hábitos de limpeza e a súa independencia.

O gato ten o dobre de células olfactivas que un humano e o seu sentido do olfacto é 14 veces máis fino co noso.

Para comentar...

Gustouche a novela? Cres que é atractiva para mozos e adultos? Que capítulo ou parte resaltarías? Pensas que Peter está conforme coa súa vida? Que che parecen os seus pais? Cumpren a súa tarefa como pais? Que personaxe ou personaxes destacarías? Por que? Cres que os soños se poden realizar? É importante a imaxinación nas nosas vidas?E a fantasía? É o mesmo imaxinación e fantasía? Cal é o personaxe de apariencia máis escura/misteriosa? Que é a Irmandade? Cal é a fin de Avalon? Lembras o artículo 36 das suas normas? Que animal protagoniza as diferentes citas que encabezan cada capí-

tulo? Por que? Que citas vos gustaron ou chamaron a atención? Motivos. Poderíase vivir sen soños? Cales son personaxes positivos e cales negativos? Evolucionan os personaxes ao longo da obra? Cales? Que opinión vos merecen as ilustracións? As considerades necesarias? Axudan á entender o relato? Que opinión che merece o final da novela?É un final aberto ou pechado?Pensas ler as outras entregas da novela?