UNHA ESTRELA NO VENTO

Ledicia Costas vista por ela mesma

Outros libros da autora

CLUB DE LECTURA “Laretas” IES POETA AÑÓN

Ledicia Costas no IES Poeta Añón Decembro-2013

“Nacín unha tarde de setembro. De pequena o que máis me gustaba era ler, arrincarlle os cables ás bonecas e visitar cemiterios. Estou convencida de que os libros que devorei sendo unha nena marcaron de xeito irremediable o meu futuro. Por algunha razón que aínda non comprendo, estudei Dereito. Exercín uns anos como avogada, pero desde hai xa tempo dedícome por completo á literatura, cousa que me fai moi feliz. Sigo visitando cemiterios, todos os que podo. Teño centos de fotos en cemiterios de distintos lugares do mundo.

Gústanme as historias de meigas, pantasmas e mortos. Son unha lectora apaixonada de autores como Agustín Fernández Paz, Neil Gaiman, Angela Sommer-Bodenburg, Astrid Lindgren ou Philip Pullman. O meu director de cine favorito é Hayao Miyazaki e a miña serie de animación de referencia Dragon Ball, baseada nun manga escrito e ilustrado por Akira Toriyama. Teño devoción polas ilustracións de Ana Juan e Nicoleta Ceccoli. Non sei cantas historias me quedan por escribir. Agardo que varias ducias. A miña intención é seguir dando o mellor de min en cada libro. Porque as mellores historias son as que se escriben coa cabeza pero, sobre todo, co corazón”.

Foto: metropolitano. gal

2012

2015

2016

2012

2015

2017

2014

2016

2017

Fontes consultadas para a elaboración desta guía: •

http://lediciacostas.com/es/

•

https://orecunchodolector.es

•

https://www.xerais.gal/catalogos/proyectos_lectura/ XG00011601_1.pdf

IES POETA AÑÓN -OUTES-

UNHA ESTRELA NO VENTO Ledicia Costas –199925 FEBREIRO 2019

ARGUMENTO “Unha estrela no vento” é a historia de Miguel Foz, un estudante dun instituto vigués de bacharelato de dezasete anos. Comproba como o seu mundo derrúbase dun día para outro; farto do seu pai, da súa profesora de literatura, de toda a xente que o rodea, síntese que é diferente a todos. Un día recibe unha boa malleira que o deixa eivado na casa durante días; mentres, os seus colegas que frecuentan a sala de billar da cervexería Lagoa deciden vingarse. Ábrese un enfrontamento entre dúas pandas que será moi diferente ó que todos eles agardan. Miguel Foz atopará no seu curmán Abel, que padece unha minusvalía física, e en Reina, unha moza xitana que vende rosas, o que é a solidariedade e o amor. Reina e Abel ensinaranlle a ver a vida dun xeito distinto.

PERSONAXES Miguel: o protagonista. A través dos seus ollos coñecemos a vida dun rapaz de 17 anos, un rapaz ao que a vida non llo está poñendo nada fácil pero que segue loitando a pesar de todo.

PARA DEBATER •

Reina: Rapaza xitana que vende flores. Conecta axiña con Miguel quen lle merca unha rosa para regalarlla, tratala coma a unha máis, defendela… A relación con seu irmán –o Bruto-é de submisión da muller fronte ó home da casa.

•

Abel: curmán do protagonista. Unha das persoas polas que máis aprecio sente Miguel; é un rapaz cunha deficiencia física que emprega cadeira de rodas.

•

Paula: é a irmá pequena de Miguel, unha rapaza chea de tenrura pola que o noso protagonista sinte moito agarimo.

•

•

•

Nai de Miguel: unha das poucas persoas que cre nel dende un principio, mostrando unha gran comprensión incluso nos peores momentos.

Pai de Miguel: representa todo o contrario á nai. É un mentireiro que vive a súa propia vida, esquecendo por completo que ten unha familia, só sente aprecio pola súa filla pequena.

Profesora de literatura: Representa o mundo dos adultos que ten o seu esquema feito respecto ós adolescentes, pero tamén o mundo dos profesionais preocupados polas persoas coas que traballan.

“Cando entrou no meu cuarto quedou un tanto sorprendido.

Supoño que non agardaba ver nin tantos libros nin o poster que representaba o cadro de Dalí Cisnes reflectindo elefantes colgado da parede “(p. 122)

Maqui: Un dos rapaces no grupo de Miguel. Neste caso, un personaxe case antagonista que comeza sendo amigo para converterse finalmente en inimigo. Ó longo do relato imos descubrindo coma ademais de presumido e fardón é racista, e remata mudando a traidor do seu grupo.

Miguel, o protagonista, é un rapaz de 17 anos que non acaba de atopar o seu lugar no mundo. Lembras algún detalle que amose esa insatisfacción? Sénteste identificado con el?

Hai algún aspecto da súa personalidade que che chamara a atención?

Con que personaxe simpatizaches máis? E co que menos?

Lembras de que maneira é introducido cada capitulo?´

Miguel non se cansa de escoitar a música de The Brokers. Pásache a ti algo parecido con algún cantante, grupo ou canción?

A familia de Miguel pasa por momentos difíciles. Cres que a actitude de Miguel cara ao seu pai está xustificada?. No epilogo o pai dille “quérote moito” e Miguel pensa “Demasiado tarde” Ese quérote non pagaba o prezo dunha vida. Como interpretas ti ese pensamento do protagonista?

•

Que título lle terías posto ti ao libro?

•

Como continuarías a historia?

•

Que visión se dá da mocidade neste relato?

•

•

•

Coñeces algún outro libro ou película que falen dun enfrontamento entre bandas?

Que sabes da etnia xitana? No libro, que se nos di acerca de Reina (familia, traballo, vivenda...)?

Que foi o que máis che gustou do libro? E o que non che agradou nada e cambiarías?