Breederivier gazette 3 sept 2013

Breederivier

Year 17 • 3 September 2013 | Tel. 023 626 5212

www.bolandgazette.co.za bolandgazette.mobi

Humeure vlam op by hof HILDERINE SCHRÖDER

Die polisie op Ashton moes verlede Woensdag (28 Augustus) ’n skokgranaat gebruik om woedende betogers buite die hof in bedwang te bring.

Volgens kapt. Sylvan Smith, polisiewoordvoerder, het van die sowat 150 betogers die voertuig van Johnny Burger en Wilhelm Treurnicht met klippe gegooi. Die motor is ook omsingel en heen en weer geskud.

Burger en Treurnicht staan tereg op aanklag van aanranding met die opset om ernstig te beseer ná die beweerde aanranding van Flippie Engelbrecht (19) in Januarie 2008.

Engelbrecht het na bewering bloeding op die brein opgedoen en kry sedertdien, ná ’n operasie om dit reg te stel, epileptiese aanvalle. Tydens een só ’n aanval het hy na bewering in ’n vuur-konka geval wat daartoe gelei het dat hy albei sy hande verloor het.

Die saak is tans skerp in die kollig ná ’n persverklaring vroeër landwyd sowel as internasionaal begin sirkuleer het.

Hierin versoek Carina Papenfus van die organisasie Freedom Trust dat die Rietvallei Wynlandgoed, waarvan Burger die eienaar is en waar die beweerde aanranding gebeur het, geboikot word.

Papenfus het ook ná verlede week se hofverskyning beweer die beskuldigdes kry voorkeur-behandeling daar.

Charmaine Pekeur, kantoorbestuurder van die hof op Ashton, het gister in reaksie hierop gesê dat sy in geen opsig betrokke was by hofverrigtinge nie, en dat sy daarom nie in ’n posisie is om enige kommentaar te lewer nie.

Intussen het Richard van As, ’n skrynwerker van Randburg in Gauteng, wat self in 2007 vier vingers in ’n werksongeluk verloor het, hom oor Engelbrecht ontferm en vir hom kunshande gemaak. Dié robothand maak gebruik van rekkies en toutjies om die vingers aan die kunshande te laat werk. Volgens Papenfus kom Engelbrecht reeds goed reg met sy kunshande.

Die saak is tot 13 September uitgestel.

Bron: Worcester Standard

FOOD, WINE AND LOTS OF ENTERTAINMENT: More than 400 locals and visitors flocked to the McGregor Food and Wine Festival on Saturday to enjoy the best this historic town has to offer. But visitors were not only treated to the best wine and cuisine, but also top-notch entertainment by pupils of the McGregor Waldorf School who went all out. According to Mira Weiner, tourism officer at McGregor Tourism, the festival was an “absolute success despite the weather”. “We were thrilled with the outcome!”

PHOTOS SUPPLIED

2

News - Nuus

Breederivier Gazette

Herberg dalk in die knyp DALEEN FOUCHÉ Die Herberg Kinderhuis mag dalk binnekort ’n afname in fondse beleef indien hul huidige situasie voortduur.

Petro Uren, bemarker van die Herberg Kinderhuis, verduidelik dat die Herberg bevoorreg is om talle donateurs te hê wat die kinderhuis ondersteun, maar sê huidige donateurs is grotendeels van gebiede buite die Langeberg.

Sy sê die donateurs voel al hoe meer dat die nood in hul eie gemeenskappe toeneem en dat hulle eerder geld in hul plaaslike gemeenskappe moet bestee.

Uren meen dat inkomste volgens alle aanduidings daal.

Verder dra die styging in brandstofpryse ook drasties by tot die afname in skenkings van donateurs van ander gebiede, omdat dit nie meer haalbaar is om items oor lang afstande te vervoer nie.

Uren meen daar is reeds aanduidings dat donasies in die vorm van klere en kos ’n drastiese afname toon. Die kinderhuis moet dus nou waardevolle fondse gebruik om die nodige kos en klere aan te koop, waar hulle dit voorheen in die vorm van donasies ontvang het.

Uren sê die een wyse waarop die plaaslike gemeenskap die Herberg kan

ondersteun is deur middel van die Neseiertjie, ’n geldinsamelingsprojek.

Sy verduidelik dat mense items aan die Herberg kan skenk wat hulle nie meer gebruik nie en dit wat die Herberg nie self kan gebruik nie, word verkoop en die nodige items met dié geld aangekoop.

Die Herberg Kinderhuis versorg en bied verblyf aan sowat 122 kinders en die begroting van die huidige boekjaar is R7,1 miljoen, waarvan slegs 48% deur die staat gesubsidieer word. Uren sê die Herberg moet dus die ander 52% self insamel om die boeke te laat klop.

Die Herberg het verskeie geldinsamelings-inisiatiewe soos die verkoop van pannekoeke, ’n SMS-donasielyn en sedert vanjaar verhuur die Herberg kamers uit gedurende die Wacky Wine Weekend.

Nog ’n bekommernis vir Uren is die groot nood wat tans bestaan vir ekstra klasse vir die kinders in veral tale en wiskunde. Sy doen ’n beroep op lede van die plaaslike gemeenskap wat onderleg is in hierdie vakke om van hul tyd te skenk om die kinders te help om dié vakke onder die knie te kry.

Uren sê die Herberg is dankbaar vir almal wat hul harte vir die Herberg oopmaak.

Die Herberg Kinderhuis val onder Badisa, die maatskaplike organisasie van die NG Kerk, en word elke jaar geoudit.

BBP-BESOEK: Ellen Pakkies, die vrou wat bekend geword het as gemeenskapswerker ná sy haar tikverslaafde seun vermoor het en toe gemeenskapsdiens moes doen, het Bonnievale verlede Donderdag (29 Augustus) besoek. Sy was ’n gasspreker in die Happy Valley-gemeenskapsaal. Sy het met kinders en ouers gepraat oor dwelmmisbruik. Hier is sy en rdl. Rodger Kortje van die Langeberg munisipale raad saam met kinders van die Vangnet Projek van Bonnievale.

FOTO VERSKAF

Dinsdag 3 September 2013

Olyfberg kry goud vir suiwer olie Olyfberg-olyfprodukte het pas tydens die agtste SA Olive-toekenningsfunksie wat op 21 Augustus gehou is, ’n goue medalje vir hul medium-vrugtige ekstra suiwer 2013-olyfolie verwerf.

Beoordelaars moes tydens vanjaar se kompetisie ’n rekordaantal olyfolie-inskrywings proe en beoordeel.

“Dit is ’n groot voorreg om hierdie erkenning te ontvang aangesien die olyfbedryf volhoubaar groei; olies se kwaliteit verbeter jaarliks en die kompetisie raak sterker,” meen trotse nuwe bestuurder van Olyfberg, Pieter Kruger, oor hul prestasie.

“By Olyfberg glo ons in ’n tweeledige fokus – kwaliteit van produk en bekostigbaarheid. Jy kan goeie of swak olie van goeie vrugte maak, maar jy kan nie goeie olie van swak vrugte maak nie.

Hier by Olyfberg is ons trots op ons handelsmerk en volgehoue prestasie. Ons sal nooit ’n produk op die mark plaas as ons nie volkome daarmee tevrede is nie,” aldus Kruger.

Die Naudé-gesin is Danila Naudé (eienaar), Willem Meyer (skoonseun), Nicola Meyer (dogter), Frikkie Naudé (eienaar), Daniel Naudé (seun) en Caren Naudé (skoondogter) PHOTO VERSKAF Olyfberg is ’n plaaslike familieplaas, wat besit word deur die Naudé-gesin.

Olyfberg en die Kankervereniging van Suid-Afrika (Kansa) span tans kragte saam in die stryd teen kanker. Ter ondersteuning van kankernavorsing, skenk Olyfberg R2 aan Kansa vir

elke liter van hul Ekstra Suiwer Olyfolie wat verkoop word. Kyk gerus uit vir die Kansa Smart Choice-seël op Olyfberg Ekstra Suiwer Olyfolie-bottels.

Vir meer inligting kontak Wilna Hugo by wilna@olyfberg.com of 023 342 5096, of besoek die webtuiste by www.olyfberg.co.za.

Hier is KFC se held op R’son!

Linda Simons van die Robertson Children Feeding Scheme is Woensdag 28 Augustus as KFC Robertson Local Hero aangewys. As deel van haar prys het sy R5 000 kontant ontvang en kan ook toerusting en of kos ter waarde van R10 000 aankoop om hul werk te vergemaklik.

Linda was oorweldig tydens die oorhandiging, maar ook baie opgewonde om dié goeie nuus met die kinders van die Robertson Children Feeding Scheme te deel.

Volgens Michael Andrews, areabestuurder van KFC Boland, was dit vir die paneel geweldig moeilik om ’n wenner te kies, aangesien daar soveel wonderlike mense vir die KFC Local Hero-kompetisie genomineer is. “Baie dankie aan elkeen wat die moeite gedoen het om ’n nominasie in te dien, asook elke genomineerde vir jul tyd en die opofferings wat jul maak vir jul medemens.”

Linda Simons (KFC Robertson se Local Hero), Michael Andrews (KFC Boland-areabestuurder) en Andrè van Jaarsveld (KFC Robertson-bestuurder) FOTO: ZELDA KLOPPERS

Dinsdag 3 September 2013

News - Nuus VROUEMAAND-AFSLUITING: Net so voor Vrouemaand tot ’n einde gekom het, het die uitvoerende burgemeester van die Langeberg-munisipaliteit, Diana Gagiano, in samewerking met die plaaslike polisie en verkeersdepartement, vrouebestuurders verlede Donderdagoggend (29 Augustus) in ’n vriendelike padblokkade laat stilhou om klein geskenkies aan hulle uit te deel.

Links is Gagiano saam met van die beamptes wat deelgeneem het. Op die foto regs groet sy ’n motoris en passasier.

Sakelui sluit ooreenkoms Die Bonnievale Sakekamer het Woensdag 21 Augustus, ondanks die koue weer, byeengekom by die Bonnievale-rolbalklub.

Die agenda was volgepak met aktuele items, onder meer die teken van ’n ooreenkoms van samewerking tussen die sakekamer en die Langeberg-munisipaliteit.

Die dokument is geteken deur die uitvoerende burgemeester, Diana Gagiano, en Hansie Wolfaardt, voorsitter van die sakekamer.

Izak van der Westhuizen, direkteur van ingenieursdienste by die Langeberg-munisipaliteit, het die vergadering op die hoogte gebring van die jongste verwikkelinge oor die Langeberg-infrastruktuur.

Van der Westhuizen het die vergadering ingelig dat daar ’n meesterplan uitgewerk is om die water- en rioolinfrastruktuur in die Langeberg te bestuur.

Daar word ook ’n nuwe reservoir beplan vir Bonnievale. Die projek om nuwe waterpype in die Langeberg aan te lê, vorder goed.

Daar is onlangs ’n omvattende instandhoudingsplan vir die Langeberg se paaie opgestel.

Sodoende kan die munisipaliteit eerste aandag gee aan die paaie wat dit die meeste nodig

het en sal alle paaie herstel word volgens die prioriteitslys.

Van der Westhuizen het ook die vergadering op die hoogte gebring van die opgradering van die R317 wat in Augustus ’n aanvang geneem het en die opgradering van die pad van Ashton deur Cogmanskloof tot Montagu wat Januarie begin.

Van der Westhuizen het aan die vergadering die voor- en nadele van die twee moontlike stortingsterreine deurgegee. Die een opsie is ’n plaaslike stortingsterrein buite Bonnievale en die tweede opsie ’n streekstortingsterrein op Worcester. ’n Besluit oor die aangeleentheid sal binnekort deur die raad geneem word.

Die raad sal ook binnekort ’n besluit neem oor die moontlikheid van ’n wetstoepassingsagentskap vir die Langeberg-munisipaliteit wat die groeiende probleem van informele nedersettings sal aanspreek.

Van der Westhuizen sê daar is tans meer as 450 onwettige plakkers net in Nkqubela.

Nadat Van der Westhuizen die vergadering op die hoogte gebring het, het Theuns Coetzee genoem dat die Bonnievale Sakekamer die moontlikheid van ’n tegniese skool vir die gebied ondersoek.

Hulle is tans besig om vas te stel of daar ’n behoefte is aan so ’n skool.

EINDE EN BEGIN: Vrydag was ’n historiese dag vir die Breederivier Gazette toe die personeel hul nuwe kantoor in die Absa-sentrum in Paul Krugerstraat betrek het. Daar is ook afskeid geneem van Daleen Fouché, wat die afgelope twee jaar as verslaggewer goed ingeburger geraak het, maar nou by DistriksPos in die Strand gaan werk. Anita de Kock sal as vryskutverslaggewer werk tot ’n nuwe aanstelling gemaak is. Van links is Anita en Daleen, Annelien Dean (redaksionele uitgewer van die Gazette-groep), Annelda Grootboom (geklassifiseerd en administrasie) en Zelda Kloppers (advertensies).

3613 EW 1CEKL0Q7E

DALEEN FOUCHÉ

Breederivier Gazette

3

Menings - Opinion

‘Monster’ wat gesinne vernietig ROSIE JANSEN Voor my sit ’n sestienjarige seun dubbeld gevou sy maag sit en vashou, soos iemand met erge maagkrampe. Sy tengerige skouers ruk van die rou snikke.

Hy gebruik die groot wolmus op sy kop om die trane wat vrylik vloei, af te vee. Dan gryp hy sy kop krampagtig vas en roep in ’n skor en bevreesde stem uit: “Los my, neeeee los my, ek wil dit nie hê nie. Ek wil nie, ek wil nie.

Los my. Nee, jy maak my ma seer !” Hoewel hy pleitend met iemand praat, sien ek niemand nie.

Langs hom sit sy ma op die rusbank. ’n Gebroke vrou.

Trane stroom oor haar wange.

As ’n ma kan ek myself indink in die pyn in haar hart. Soos baie moeders meestal doen as hul kinders die verkeerde pad loop, vra sy saggies en snikkend: “Waar het ek verkeerd gegaan?”

Geen ma stuur haar kind om die slaaf te word van die vernietigende Tik-monster nie. Geen ma sal haar kind ooit aanmoedig om dwelms te gebruik nie, maar dit is in baie gevalle ons as ma’s se eerste gedagte. Ons soek altyd die

fout by ons, in ons opvoeding as moeders. Wie sal die gebruik van tik by jou kind aanmoedig?

Wanneer gaan ons jeug besef dat die oënskynlike onskuldige kristalle eintlik gif vir jou liggaam is? Wanneer gaan hulle leer uit dit wat die statistieke oor tik en ander dwelms vir ons wys? Dis so hartseer om te sien dat ’n eens gesonde, sorgvrye en gelukkige jongmens se lewe verander in net mooi die teenoorgestelde. Wanneer gaan jongmense se oë oopgaan en sien wat dit aan ’n ouer doen om sy kind vuil, ongewas, maer en uitgeteer te sien? Om nie eens te praat van die eens lewenslustige jongmens wat ’n moeë en lustelose mens word nie.

Eens betroubare en liefdevolle jong kinders raak leuenaars en so aggressief soos ’n jong leeu as hulle nie hul sin kry nie. Ek sidder as ek daaraan dink dat jong meisies so ver gaan om hul pragtige jong liggame aan gewetenlose skurke te verkoop in ruil vir dié tikmonster.

Die ander hartseer van die verslawing aan dié dwelm is dat dit nie eens net meer jong lewens beïnvloed nie, maar dat selfs volwassenes slagoffers raak van dié moordenaar.

Ek wil aan diegene wat hierdie vernietigende dwelm aan ons kinders beskikbaar stel sê hulle kan verseker wees dat die prys vir hierdie beskik-

baarstelling aan ons kinders vir hulle baie hoog gaan wees.

Ek weet nie hoe ’n ouer rustig slaap as hy weet hy is die oorsaak van ’n ander ouer se trane en smart nie, want dwelmverspreiders se kinders is gewoonlik nie verslaaf aan die monster nie.

Die ander kant van die saak is dat die wiel draai en dat die lewe op ’n ander manier met sake afreken. God is ’n regverdige God en Hy laat somtyds dinge in ons lewe toe maar Hy laat ook geregtigheid geskied aan diegene wat onregverdig behandel word.

Jongmense, elkeen van julle is met ’n doel op dié aarde gesit. Jy het die een lewe by God gekry waarvan jy die beste moet maak. Moet nie toelaat dat enigiemand jou daarvan beroof nie. Dit geld selfs die jongmense wat hulle laat misbruik om die dwelm op straat te versprei, terwyl die lord snoesig en baie gerieflik in sy grand huis sit.

Moenie dat gierige wreedaards julle weerhou om deur dwelms julle van jul lewensdroom weg te hou nie. Moenie dat mense jul lewens met jul familie verwoes nie. Familie is die enigste wat deur dik en dun by jou sal staan. Elke keer as ’n persoon besef hy moet die dwelm laat staan, is dit dieselfde ma en pa wat hy besteel en belieg het, wat hom ondersteun om jou lewe ten goede te verander.

Dinsdag 3 September 2013

Teleurgesteld met Robertson SAPD Ons was onlangs in Robertson om bietjie te kom kuier in die ou dorpie waar ek 12 jaar gewoon het.

Daar was ’n insident en ons is na die polisie. Hulle het iemand uitgestuur maar die twee polisiemanne aan diens was uiters onbehulpsaam. Die een het eers later, toe hy ingelig was oor presies wat gebeur het, probeer samewerking gee maar die ander een was uiters onbeskof, beledigend en heeltemal onbehulpsaam. Is die SAPS nie veronderstel om mense te beskerm nie?

Die insident het gegaan oor ’n vreemde man wat sommer net in my ma se huis ingeloop het, reg deur die huis waar my suster in die badkamer was. Dié man het my suster se kop teen die muur geslaan en toe teruggegaan na sy woning bo Light Centre. Hy het goed geskree van daar bo en die polisie het ook nie eens probeer om die man onder te kry en hom weg te neem nie.

Niemand het hom in die huis ingenooi nie, wat in my oë “trespassing” is, en ook

het hy my suster aangerand, en dit was nie eens die eerste moeilikheid nie.

Twee weke voor dit het hy ses ruite by my ma se huis uitgeslaan toe hy onder die invloed van dwelms was. Hoe kan sulke dinge toegelaat word om te gebeur? En die polisie, waarvoor is hulle daar? Om dronk mense toe te sluit en padblokkades te hou?

Sonder die vriendelike hulp en kennis van Môreson Grondverskuiwers se mense, Johan du Preez, Jorrie Jordaan, Johan Lesch en Stefaans asook Jaco en Van Zyl de Wet, met hul uiters vaardige graafmasjien-operateur, Frans Brits, sou ons nooit ons lank-reeds-nodige gr. R-klas op sy plek kon kry nie.

Vir vier ure lank het Johan Lesch en Stefaans onverpoosd en druipnat die vragmotor met die skeepsvraghouer en die hyskraan-vragmotor deur die los, nat sand “gemanoeuvre” totdat die gr. R-klas afgelaai is op sy staanplek!

Baie dankie ook aan Philbert Lourens, wat vir Kobus van Deventer en Herman gestuur het om die loshangende ligte,

wat deur die ruwe pad los geskud is, te kom regmaak.

Dankie ook aan Korrektiewe Dienste se mense wat ons gehelp het met die “regkry” van die terrein waar die klaskamer staan, aan Dirk Swanepoel vir die skenk van ’n vrag klip wat ook daarvoor gebruik is, en aan Built It se mense wat vir ons vyf sakkies sement geskenk het.

Vir al hierdie mense wil Willem Buchholz Primêr se personeel en leerders net baie, baie dankie sê.

En bowenal aan ons Hemelse Vader al die eer vir die goeie guns by al die mense en vir ’n wonderwerk – ons eie gr. R-klaskamer!

LYNNE, Web-gebruiker

KAPTEIN M. KLAASTEN, hoof van sigbare polisiëring, reageer: Dankie vir die geleentheid om kommentaar te lewer. Vanaf hierdie kantoor kan ons nie kommentaar lewer nie aangesien ons nie die feite het van die insident nie. Ons sien egter die aantygings in ’n baie ernstige lig en wil graag die klaagster aanraai om enige senior offisier of die stasiebevelvoerder te kontak en haar bewerings op skrif te stel sodat hierdie aangeleentheid indringend ondersoek word.

Hierdie kantoor is verbind tot gehaltedienslewering aan ons gemeenskap.

Graad R-klas sê dankie vir klaskamer

WILLEM BUCHHOLZ PRIMÊR-PERSONEEL

3613 EW

Breederivier Gazette

3613 EW

4

Dinsdag 3 September 2013

) Die polisie in Ashton en Robertson is dringend op soek na inligting nadat ’n onbekende man Vrydagaand dood op die pad tussen Ashton en Robertson gevind is. Volgens kapt. Marchel Klaasten van die Robertson-polisie het hulle die aand berig ontvang van ’n man wat langs die pad lê. Nadat ondersoek ingestel is, is gevind dat die man reeds dood was en die polisie vermoed dat iemand oor die man gery en daarna weggery het. Enigiemand wat inligting oor die voorval het, word versoek om met die naaste polisiekantoor in verbinding te tree. ) Die polisie in Robertson het Saterdagmiddag ’n klagte ontvang van ’n bakleiery in Jubelstraat. Daar aangekom het hulle ’n man gevind met ’n wond in sy bors. Die man was reeds dood en is later deur familie geïdentifiseer as Mintor Philander (44). ’n Man (27) is later deur die polisie in hegtenis geneem. ) Die polisie in Robertson is in besit van verskeie verlore of gesteelde items, waaronder ’n windbuks-geweer en besproeiingstoerustig.

Indien enigiemand die items verloor het, kan hulle die polisie of ao. E. Naude bel by 023 626 8282. ) Die kluis van ’n plaasboer in die Ashton-omgewing is op Vrydag 23 Augustus oopgedwing en ’n haelgeweer is onder meer uit die kluis gesteel. Die Ashton-polisie rapporteer dat die boer vir ’n wyle weg van die plaas was. Toe hy terugkeer het hy gevind sy kluis is met ’n hoeksnyer (grinder) oopgesny en die kombuisdeur oop forseer. Verder is ’n boor, haelgeweer en patrone, goue manshorlosie en ’n verkyker vermis. Die Ashton-polisie versoek die gemeenskap om hulle te nader met enige inligting aangaande die voorval. ) Op Dinsdag 27 Augustus om ongeveer 14:30 is die liggaam van ’n pasgebore babaseun gevind tussen bome op die Klaasvoogds-Oos-pad naby die Robertson-Ashton-pad. Na bewering het ’n motorbestuurder naby die plek sonder petrol gaan staan. Hy het toe na ’n houer begin soek tussen die bosse en op ’n swart plastieksak afgekom, dit oopgemaak en die lyk van die baba daarin gevind. Die polisie is onmiddellik gekontak en ’n saak van verswyging van geboorte is geopen. Die liggaam van die baba is na die Worcester-hospitaal geneem, waar die nadoodse ondersoek die volgende dag plaasgevind het. Die moeder is egter onbekend en die Ashton-polisie vra dat die gemeenskap hul hand moet vat met die opsporing van die ma. Alle inligting sal vertroulik hanteer word. Ao. Jonathan Franse kan in albei gevalle hierbo gebel word by 023 615 8120.

Kokkedoor-finaliste kook op Barrydale Die jaarlikse Renosterbos-bergfietsuithouren op 7 September het vanjaar ’n kinkel.

In samewerking met Barrydale se eie Kokkedoor-finalis, Toitnette du Toit, is ’n hele rits Kokkedoor-finaliste genooi vir ’n verrassingspakkie-kookkompetisie.

Enige besoeker wat die dag by die ren is, het ’n kans om saam met een van die besoekende Kokkedore in te spring en te sien wie skep die beste uit ’n spesiale verrassingspakkie. Die finaliste wat op Barrydale gaan wees, is Marinda Engelbrecht, Mathilda Venter, Casper Zulch, Aletta Coetzer en die kinkelkokwenner, Tiaan Langenegger.

RSG-huiskok Errieda du Toit en glanskok/sjef Francois Ferreira is daar om seker te maak dat die jus van die sous geskei word.

Die geld wat ingesamel word, sal vir die welwillendheidsprojekte wat baat uit die dag se verrigtinge by Renosterbos aangewend word.

Die naweek skop af met ’n eksklusiewe Kokkedoor-tafel die Vrydagaand (6 September) by die Barrydale Karoo Hotel. Toitnette bied ’n spesiale ete aan vir die Kokkedore en die beoordelaars.

Kaartjies vir Vrydag 6 September om 19:00 by Barrydale Karoo Hotel kos R300 en sluit ’n wynproe in deur Joubert Tradauw-wyne. Bespreek by 028 572 1226.

News - Nuus

Breederivier Gazette

5

6

General - Algemeen

Breederivier Gazette

Die geletterdheids-presteerders is (agter van links) Donovan du Preez, Soraya Cupido, Mariam Hendricks, Devandre Adendorf, Shamila Swanepoel, Kuhle Vena en Mark-Junior Hendricks. In die middel is Mellisa Cupido, Bradley Swanepoel, Bianca Hill, Ryan Stevens, Sonja Spamer en Miche du Toit. Voor is Emelia Maartin, Ebenhaeser Sebonike, Tasneen Pretorius, Nicaylen Fortuin en Maroshaun du Toit.

Die wiskunde-uitblinkers. Agter van links is Feron du Toit, Jaqueline Konstabel, Jenovan Sebonike, Hendrik Jeneke, Mark-Junior Hendricks en Valentino Tromp. In die middel is Jolene Natel, Ryan Stevens, Mellisa Cupido, Athluano Stevens, Janno Eksteen, Samuel Koopman en Miguel Sibonike.

Voor is Jody de Wee, Tasneen Pretorius, Maroshaun du Toit, Surene Cupido, Mickylen Booysen en Keano van Wyk.

Dinsdag 3 September 2013

EISTEDDFOD – LETTERKUNDE: Dié leerlinge van Hoërskool Robertson het in die Worcester Eisteddfod se letterkunde-afdeling presteer. Van links is Eloize Oosthuizen, Shani Retief, Megan Janse van Rensburg en Lyn-Mari Solomon.

Wakkerstroom se slimkoppe

Leerlinge van Wakkerstroom-Wes Primêr was die wenners van die sesde ronde van hul onderwyskring se Wiskunde- en Geletterdheidstoetse.

Die leerlinge het almal volpunte in hul onderskeie gebiede behaal. Die skool is

baie trots op die leerlinge se ontwikkeling en veral op die ouers wat baie nou betrokke geraak het.

Die skool se bestuur sê die belangrikheid van lees en skryf kan nie genoeg beklemtoon word nie.

“Wat duidelik uitstaan, is almal se en-

toesiasme en hier geld die skool se mantra van ‘ek kan, ek wil, ek sal’ en Malala Yousafzai se uitdrukking ‘one child, one teacher, one pen and one book can change the world’.

“Dis al wat ons kinders nodig het om sukses in die skool te behaal.”

EISTEDDFOD – KUNS: Christelle van Niekerk, Michelle Lourens, Anya vom Hagan en Lize Neethling van Hoërskool Robertson is ’n paar van die leerlinge wat medaljes vir hul kuns tydens die Worcester Eisteddfod ontvang het.

EISTEDDFOD-MEDALJEWENNERS: Tydens die Worcester Eisteddfod het Férrol-Jon Davids vier medaljes vir fluit en klarinet ontvang en Alicia van de Vyfer een medalje vir kuns. Férrol-Jon is ook uitgenooi om aan die pryswennerskonsert deel te neem.

BONNIEVALE-REDENAARS: Hoërskool Bonnievale se redenaars vir 2013 is onlangs aangewys. Hulle is, van links, LizeMari Viljoen (Engels), Bea Wentzel (seniors), Jana Wessels (juniors) en Rachelle du Preez (Laerskool).

Wat jy moet weet vóór jy die winterrolletjies laat wegsmelt Dieetkundige Mareli Conradie gee ’n paar feite wat jy moet ken as jy rolletjies wil afskud.

Dit is nie die vet in kos wat jou laat vol voel nie.

Studies by die Pennsylvania-universiteit in Amerika het bevind dat maaltye wat uit verskillende verhoudings vet bestaan min of geen verskil maak ten opsigte van hoe versadig dit

jou laat voel nie. ’n Laevet-ete, hoog in proteïen en veral vesel, het ’n baie groter versadigende effek wat baie langer duur.

Om maaltye oor te slaan is nie ’n goeie manier om gewig te verloor nie.

Navorsing het al herhaaldelik bevestig dat mense wat gereeld deur die dag eet en soggens vroeg begin met ontbyt, beter gevoed is, beter

konsentreer en minder gemoedsfluktuasies het. Mense wat gereeld maaltye oorslaan, is meer geneig om oorgewig te wees, omdat, wanneer hulle wel by eet uitkom, hulle te veel van al die verkeerde kosse eet.

Lae koolhidraatdiëte stroop nié die liggaam van kalorieë nie.

Aangesien koolhidraatkos gewoonlik saam met ander kos wat hoog in vet is geëet word, sny mense wat koolhidrate uit hul dieet sny baie meer uit as nét koolhidrate.

Die oorspronklike vinnige gewigsverlies wat mense op lae koolhidraatdiëte ervaar, kan verklaar word deur die liggaam se gestoorde glukose wat opgebruik word vir energie. Vir elke 1 g glukose wat jou liggaam dan gebruik skei hy 3 g water uit. Die gewigsverlies in die eerste 14 dae kan dus hoofsaaklik toegeskryf word aan verlies aan water. Ná hierdie periode is die gewigsverlies ook baie stadiger.

Geen dieet sal selluliet wonderbaarlik laat verdwyn nie.

Selluliet is maar net gewone vet wat dimples maak omdat daar te veel daarvan in een “bindweefselsakkie” gestoor moet word. Almal kan dit kry, ongeag gewig of fiksheidsvlak. Dit is wel meer sigbaar as die hoeveelheid vet toeneem. Daar is dus nie ’n tipe kos wat van slegs selluliet ontslae kan raak nie. Al wat jy kan doen is om jou totale liggaamsvet te verminder en só minder vet per bindweefselsakkie te hê.

Gesonde eetgewoontes kan geld bespaar.

Vir ’n ligte middagete is ’n tuisgemaakte volgraan-toebroodjie met slaai en iets vleiserigs goedkoper as ’n gekoopte broodjie. ’n Vrug is baie goedkoper as ’n sjokoladestafie of ’n pakkie aartappelskyfies. ’n Tuisgemaakte, gebalanseerde bord kookkos sal jou baie minder kos as enige wegneem- of restaurantete.

Jy het nie baie proteïen nodig nie.

Suid-Afrikaners is geneig om baie meer vleis te eet as wat hul liggame benodig. Al wanneer wel meer proteïen nodig is, is wanneer met swaar gewigte geoefen word.

Dinsdag 3 September 2013

General - Algemeen

Breederivier Gazette

7

Kom kyk rokke vir matriekafskeid Hoërskool Robertson hou op 19 September matriekafskeid by die Kallie de Wet-saal.

Lede van die gemeenskap word uitgenooi om die swierige aankoms van die ma-

trieks en hul metgeselle te kom bekyk.

Saalbesigtiging kan gedoen word van 13:00 tot 14:30 teen R5. Pawiljoentoegang van 16:00 af kos ook R5.

Country cats vir skou gesoek maande en ouer; Grootste/ Geskiedenis sal op 28 Septemkleinste kat (gemeet van neus ber gemaak word wanneer die tot stert). eerste kampioenskap-katskou Laastens, maar nie die minin die Breederivier gehou ste nie, is die Battle of the Catsword as deel van die 2013 Lenkompetisie. Elke kat op die teskou. skou sal geklassifiseer word Die katskou sal plaasvind in as ’n City Cat (stadskat) of ’n die Landbousaal op die skouCountry Cat (plattelandse terrein. Ruimte in die saal is kat) volgens waar hy/sy beperk tot sowat 70 katte. woon. Die publiek sal gevra Die publiek sal in staat wees word om te stem vir die kat om telers te ontmoet en met waarvan hulle die meeste hou hulle te gesels. (een stem per besoeker).

Afgesien van die normale Hierdie stemme sal getel kampioenskapklasse vir word om die “City Cat”- en die stamboekkatte, is daar ook ’n kategorie vir gewone katte, Prag-katte soos dié word uit die “Country Cat”-wenners te kroon. Van hierdie twee sal waar hulle ook sertifikate en Langeberg vir die skou gesoek. die kat met die heel meeste titels kan verwerf soortgelyk stemme ook gekroon word as die “Breederiaan dié van die stamboekkatte.

Nie alleen sal hierdie skou ’n eerste vir Ro- vier Lentekat”.

Daar is inskrywings vir “City Cats” van sobertson wees nie, maar dit sal ook die eerste katskou in Suid-Afrika wees waar katte gaan ver as Kaapstad en Port Elizabeth, asook meeding in die Xtreme Cats-kompetisies. Elke “Country Cats” van Malmesbury, Stellenklas sal eindig met twee wenners: een aan elke bosch en Wellington. Dit sal hartseer wees as uiterste end van ’n funksie wat gemeet moet daar geen plaaslike katte uit die Breederivier word. Omdat dit die eerste kompetisie van sy inskryf nie! Om hierdie rede, en omdat dit ’n soort in die land gaan wees, sal die wenners eerste skou is vir die Breederivier, sal inskryoutomaties ook Wes-Kaap-rekordhouers so- wings vir “Country Cats” uit die Breederivier aanvaar word tot 6 September. wel as Suid-Afrikaanse rekordhouers wees.

Vir meer inligting, besoek Chats du Cap se Die Xtreme Cats-klasse is: Langste/kortste stert; Grootste/kleinste ore; Swaarste/ligste webtuiste by www.chatsducap.co.za of e-pos chatsducap@gmail.com. kat onder 10 maande; Swaarste/ligste kat 10

Pretwenke om jou sekretaresse te bederf Sekretaressedag word op Vrydag 7 September gevier en is die perfekte geleentheid om jou kantoor se sekretaresse te bederf.

Die meeste kantore sal waarskynlik in duie stort as daar nie ’n bekwame sekretaresse aan die stuur van kantooradministrasie staan nie.

Sekretaressedag is in 1952 in die Verenigde State van Amerika begin om mense aan te moedig om ’n loopbaan in administrasie te volg. Die beroep is uitdagend en vereis van sekretaresses om te alle tye vriendelik en georganiseerd te wees. Hoë vereistes word aan die professionele sekretaresse gestel, aangesien haar werk en optrede dikwels die eerste kennismaking van die onderneming is.

Hier is ’n paar idees vir kantoorpersoneel

om hul sekretaresses te bederf: ) Gee haar die dag af. ) Bring vir haar ’n bos blomme met ’n mooi kaartjie, onderteken deur al die personeel. ) Hou vir haar ’n teepartytjie in die kantoor. ) Koop vir haar twee kaartjies na ’n musiekkonsert. ) Laat die baas van die kantoor die sekretaresse se werk vir die dag oorneem en kyk of hy die taak net so professioneel kan afhandel. ) Gee vir haar ’n geskenkbewys vir ’n skoonheidsessie. ) ’n Goeie bottel wyn is altyd ’n mooi en handige geskenk. ) Neem haar uit vir ’n vonkelwyn-ontbyt.

11

In Memoriam

FAMILIEKENNISGEWINGS FAMILY NOTICES 07

ALGEMENE DIENSTE GENERAL SERVICES 1141

Gelukwensing Congratulations

RAAI WIE WORD 9?

BOOYSEN JOENADE Baie geluk met jou verjaarsdag vandag, mag jy jou dag geniet en God's rykste seënwense vir jou.

Ons is baie lief vir jou. Van Mammie Nicolene, ouma en Jozniquece, Josua en antie Hanna.

DU TOIT, ANNA Geb.20/03/1953Gest.27/08/2012 27 Augustus was Mamma 1 jaar weg van ons. Die verlange is nogsteeds groot, maar God het ons berusting gegee en ons gun jou die rus. Van verlangende man, kinders, kleinkinders, familie en vriende.

Algemene Dienste General Services

KOM geniet die avontuur en ontspanning van perdry by die Robertson Ryskool.* Ons bied verskeidenheid van rylesse vir kinders en grootmense vir beginners en ervare ruiters *Outrides tussen die wingerde en langs die Breërivier * Wynproë op ‘n perd se rug of met die waentjie by Majors Hill en Springfield. * Perdrykampe vir kinders gedurende skoolvakansies * Mini kommando’s op Saterdae* Kinderpartytjies. Skakel ons gerus by 072 291 7631 of 082 402 7088.

Breederivier

Year 17 • 3 September 2013 | Tel. 023 626 5212

Villagers delf onderspit teen Hammies gers ’n onverdoelde drie behaal (3-5), terwyl Hamiltons geantwoord het met nog twee strafdoele (9-5). Die tuisspan het hierna sy voorsprong vergroot met ’n verdoelde drie waarna die manne kante geruil het met die telling op 16-5.

Na rustyd het Hammies beter geskrum en ’n oorstootdrie gedruk. Die doelskop was mis (21-5). Villagers het beter gevaar in die lynstane, maar die balbesit wat hulle só gewen het, afgestaan weens swak hantering.

Albei spanne het ’n strafdoel by hul tellings gevoeg wat die eindtelling 24-8 gemaak het.

The K2 Breede River Canoe Marathon promises to be a race to remember.

Breede River will turn into a race course The annual K2 Breede River Canoe Marathon, a K2 doubles event, will be held on a pristine 75 km section of the Breede River between the towns of Robertson and Swellendam on Saturday 7 and Sunday 8 September.

The weather and water forecasts to date indicate another year of quality racing in a beautiful part of our country. K1s and K3s are always welcome. The marathon, in its 46th year, is

3613 EW 1CEKZH57E

Young Hamiltons van Worcester het Villagers Montagu Saterdag (31 Augustus) met 24-8 in ’n Superliga-Oos-rugbywedstryd verslaan. Die rustydtelling was 16-5 in Hammies se guns.

Die tuisspan het in die eerste helfte die wind effektief benut om die besoekers met goeie skoppe onder druk te plaas. Met die wind in hul blaaie was Hamiltons ook meer suksesvol met skoppe na die pale – hulle het elf punte aangeteken (drie strafdoele en ’n doelskop).

Hulle het vroeg in die wedstryd die voortou geneem met ’n strafdoel (3-0). Daarna het Villa-

BOLAND-ROLBAL: Brian Challis, David Rouch en JD Wentzel van Hoërskool Bonnievale is in die Boland o.19-rolbalspan opgeneem.

the biggest river race in the Western Cape. It is a classic family- and spectator-friendly event that never fails to impress, with top paddler combinations from around the country vying for the prestigious title.

This year the event doubles up as Western Cape Canoe Union K2 River Championships and according to organisers, the talent of the entries received to date is impressive.

For more information, visit www.breedemarathon.co.za.

WES-KAAP LANDLOOP: Jana Wessels en Donovan Kawula van Hoërskool Bonnievale is opgeneem in die Wes-Kaap-landloopspan. Hulle gaan op 21 September vanjaar aan die SA Landloopkampioenskap deelneem.