Swartland
LEES DIT, BELEEF DIT | READ IT LIVE IT
Year 13 • 10 February 2015 | Tel. 022 482 3817
nuus@swartlandgazette.com bolandgazette.co.za
Kind(3) sterf tragies in brand LIZETTE SMIT DARLING - “Ek kon hoor hoe hy ‘eina, eina’ skreeu,” het die buurman gesê wat tevergeefs probeer het om die driejarige Linwill Damon uit die brandende huis te red. Linwill Damon het in die nag van 31 Januarie en 1 Februarie doodgebrand ná ’n brand op tot dusver onverklaarbare manier in sy ouerhuis in Akkerboomlaan ontstaan het. ’n Roudiens is verlede Donderdagaand voor die uitgebrande huis gehou waar inwoners en familie bymekaar gekom het om mekaar te ondersteun. Juliet Williams (61) het saam met Samantha Damon (24) en haar vier kinders in die huis gebly. Williams is Samantha se tannie. Samantha het, na wat verneem word, die Saterdagaand net voor middernag na die naaste OTM gestap om geld te trek om onder meer sigarette vir haar tannie te koop. Met Samantha se terugkeer sowat ’n halfuur later, was die huis in ligte laaie. Williams het vertel hoe die oudste kind, Eaton (7), haar net voor twaalf wakker gemaak het en vertel het daar is ’n brand in die huis. Williams het vir Eaton en Eudeen (2) uitgeneem en teruggegaan om vir Geralda (7 maande) te gaan haal. Williams en ’n buurman, wat verkies om anoniem te bly, wou vir Linwill in die brandende huis gaan haal, maar die vlamme was teen dié tyd, volgens die buurman, die hoogte van ’n mens. Williams het teen dié tydstip reeds brandwonde op haar gesig en rug opgedoen. Williams het bevestig hoe hulle vir Linwill om hulp hoor skreeu het. Inwoners met wie gepraat is, het vir Linwill as lieflik beskryf en ’n kind wat in almal se harte ingekruip het. Williams en Samantha het gesê dat daar ten tye van die brand nie elektrisiteit in die huis beskikbaar was nie, en daar ook nie ’n kers gebrand het nie. Na Williams se mening lyk dit asof die
brand by die sitkamervenster ontstaan het waar sy gewoonlik geslaap het. Samantha het vertel sy en die pa van die kinders is nie meer saam nie. Hy het nie die roudiens bygewoon nie, maar bure noem hoe hy gereeld met sy hond in die straat verby die huis stap. Geralda is in die Rooikruis-kinderhospitaal opgeneem waar sy vir ernstige brandwonde behandel word. Eaton en Eudeen is ongeskonde. Die polisie het gister teen druktyd bevestig dat die oorsaak van die brand nog nie bekend is nie en ook niemand in hegtenis geneem is op enige klagte wat met die brand of die dood van Linwill verband hou nie.
Juliet Williams (links) het tevergeefs probeer om al die kinders uit die brandende huis te red. Langs haar is Samantha Damon, die ma van die seuntjie wat dood is.
Die kombersie lê op die plek in die uitgebrande huis waar klein Linwill gaan hurk het om van die vlamme weg te kom. FOTO’S: LIZETTE SMIT
2
News - Nuus
Swartland Gazette
Tuesday 10 February 2015
Yzerfontein - rowers steel meer as R1 m CHRIS LIEBENBERG
YZERFONTEIN - Dié stil, rustige kusdorpie met ’n jarelange geskiedenis van geen ernstige misdaad, het onlangs dié status verloor toe rowers helder oordag in die besigste deel van die dorp ’n geldwa gekaap en meer as R1 miljoen ongesiens en sonder geweld gesteel het.
ONGELUKKIGE INWONERS OORHANDIG GRIEWELYS: Ontstoke inwoners van Abbotsdale het Saterdag na Malmes-
bury opgeruk om ’n lys met hul griewe aan die uitvoerende burgemeester, Tijmen van Essen, te oorhandig. Die inwoners is deur die polisie na die Dieprivier-sportgronde herlei waar die lys oorhandig sou word. Hulle wou aanvanklik by die Swartland-munisipaliteit bymekaar gekom het waar die verkiesing van die DA-voorsitter vir die Wes-streek besig was om plaas te vind. Die lys is wel later by die munisipaliteit oorhandig. Volgens dié inwoners, is hulle ongelukkig met die gebrek aan munisipale dienslewering. Hulle voel glo onveilig weens die gebrek aan beligting en straatligte by die nuwe huise op Abbotsdale. FOTO: CHARLOTTE LESCH
Die maatskappy wat die geld vervoer het, het die Darling-polisie in kennis gestel dat volgens hul satelliet-opsporingsinligting, die geldwa gekaap is en by die stortingsterrein buite die dorp staan. Die wagte is ná die kaping ongedeerd by die geldwa gekry en kon na bewering nie die rowers identifiseer nie, aangesien daar deurentyd die loop van ’n vuurwapen in hul gesigte gehou is. Die geldwa het volgens beeldmateriaal van die plaaslike sekerheidskameras die dorp om 12:37 ingekom, by verskeie ondernemings aangedoen en die dorp weer om 12:52 verlaat. Woordvoerders van die plekke waar geld oorgelaai is, sê dat die betrokke personeel aan hulle bekend was en geen onraad vermoed is nie. Die geldwa het, na wat verneem word, nie soos gewoonlik op dieselfde plek by die Kwik-
spar, wat volgens inligting van die polisie, die laaste optelpunt is, parkeer nie, maar aan die oorkant van die straat op die parkeerterrein. Polisie sê die voertuig is waarskynlik by die parkeerarea buite Kwikspar gekaap deur die insittendes van ’n rooi Mazda met ’n CK-registrasienommer. Die beeldmateriaal van sekerheidskameras is egter te onduidelik om die aantal mense of voorkoms van die passasiers te identifiseer. ’n Ooggetuie by die stortingsterrein, ongeveer 3 km buite die dorp, sê hy het gesien die geldwa het ongeveer 13:00 die terrein binnegekom en aan die agterkant, waar dit nie maklik sigbaar is nie, parkeer. Die rooi Mazda het later ook by die terrein aangedoen en twee mense het van die geldwa gehardloop en in die Mazda geklim, waarna hulle in die rigting van die R27 gery het. Die ooggetuie het nie kommunikasietoerusting gehad nie en kon niemand kontak nie. Volgens polisiewoordvoerder, konst. Jonathan Filander, word die misdaad deur die polisie se georganiseerde misdaad-afdeling ondersoek. Buddy de Beer, die voorsitter van die plaaslike buurtwag, het opgemerk dat die rooftog ooglopend goed beplan was. Geen arrestasies is tot dusver gemaak nie en die ondersoek duur voort.
Hoof reageer op brand in vallei CHARLOTTE LESCH RIEBEEK-KASTEEL - Dit het tien brand- en reddingsvoertuie geneem om verlede Sondag se verwoestende brand by Riebeek-Kasteel onder beheer te bring. Bertus Senekal, hoof van rampbestuur by die Weskus Distriksmunisipaliteit, sê die brand is eers teen 21:00 die aand onder beheer gebring na meer as 130 ha se weiding verwoes is. Personeel van die Weskus Distriksmunisipaliteit (WKDM), die Swartland-munisipaliteit en Wynland Distriksmunisipaliteit was op die toneel. Lugsteun is ook omstreeks 16:15 ingeroep toe eiendom in gevaar was. Personeel van WKDM se brand en redding is die volgende oggend terug na die toneel om seker te maak alles was veilig en dat daar geen warm kolle meer sigbaar was nie. “Daar word vermoed die oorsprong van die vuur was by die laaste ry huise in Riebeek-Kasteel, wat grens aan Esterhoff.” Sommige boere het versoek dat die brand-
baan teen Esterhoff verbreed moes word. Senekal het op navraag gesê dat boere so ’n versoek aan die Swartland-munisipaliteit moet rig. “Volgens wet is elke grondeienaar verplig om brandbane op sy eiendom te maak en in stand te hou,” voeg hy by. Jacques Smith van die Swartland-munisipaliteit se brandweerdienste sê hulle het nog geen aansoek van enige boere in daardie omgewing ontvang om die brandbane teen Esterhoff te verbreed nie. “Ek het wel verlede jaar telefonies met ’n boer in daardie omgewing gepraat en ons sou voorbrande daar maak. Ons het drie keer deurgegaan om voorbrande te maak, maar die wind het elke keer te sterk gewaai,” sê Smith. Volgens hom is dit dus nog nie gedoen nie. Hy voeg egter by dat daar elke jaar brandpaaie geskraap word. “Ek was in verbinding met die boer daar wat die verlies gely het en ons het ooreengekom dat ons dit van nou af ’n instelling gaan maak om elke brandseisoen voorbrande daar te gaan maak,” sê Smith.
Helena Brits en Burnese Jooste is die nuwe onderwyseresse by Hoërskool Swartland op Malmesbury. FOTO: LIZETTE SMIT
Man verskyn in hof oor moord MALMESBURY - Leonard White (35) is verlede Vrydagoggend in sy woonstel in Wesbank vermoor nadat hy na bewering met ’n man in ’n argument oor ’n meisie betrokke geraak het. Hy is drie keer met ’n skerp voorwerp gesteek, twee keer in die bors en een keer in
die nek. Polisiewoordvoerder, konst. Hennie du Rand, het gesê nooddienste het vir White op die toneel dood verklaar. Lukas Persens (32), ook van Wesbank, het gister in die plaaslike landdroshof verskyn op klagtes wat met die moord verband hou.
VERKIESING VAN STREEKSLEIER VIND OP MALMESBURY PLAAS: Die DA het die afgelope naweek sy streeksleiers
van die Wes-, Metro- en Oos-streek gekies. Die verkiesing van die voorsitter en verdere streek-leierskapsposisies van die party se Wes-streek het by die Swartland-munisipaliteit op Malmesbury plaasgevind. Altesaam 360 afgevaardigdes van 10 munisipaliteite (vyf van die Weskus-distriksmunisipaliteit en vyf van die Wynlanddistriksmunisipaliteit) het hier byeen gekom. Die kandidate vir voorsitterskap van die Wes-streek was Erik Marais, ’n parlementslid, en Chris Hunsinger, voormalige raadslid van die Swartland-munisipaliteit. Marais is toe tot voorsitter verkies. Hier is Chris Hunsinger besig om sy stembrief in te gooi by Saterdag se verkiesing. Die Wes-Kaapse ANC se leierskapverkiesing word volgens mediaberigte beplan vir 21 en 22 Maart. FOTO: CHARLOTTE LESCH
000001-ST100215
AAAAAA-ST100215
FLMGS10FEB-ST100215
0NUTEC-ST100215
Dinsdag 10 Februarie 2015
News - Nuus
Swartland Gazette
3
Bekroonde joernalis ruil pen vir kospotte CHARLOTTE LESCH Vir meer as twee dekades het Jacques Pauw, gevierde skrywer en bekroonde joernalis, die Afrika-kontinent plat gereis agter oorloë, massaslagtings, korrupsie en ou geskrifte aan. Vir Pauw het dit, na 30 jaar as ondersoekende joernalis en vervaardiger van dokumentêre programme, tyd geword om iets anders te doen. “’n Loopbaan in joernalistiek het ’n beperkte leeftyd. As jy alles gedoen het wat jy wou doen, raak dit tyd om nuwe goed te doen,” vertel Pauw van onder ’n skaduboom by sy nuwe restaurant op Riebeek-Kasteel, Red Tin Roof. Hy het gedurende sy loopbaan ’n string nasionale en internasionale toekennings ontvang, waarvan hy die CNN Afrika Joernalis van die Jaar twee keer ontvang het. Pauw en sy vrou Sam Rogers, ook ’n bekroonde joernalis, het verlede jaar besluit om ’n restaurant, kroeg en gastehuis te koop. Die ou herehuis het eers bekend gestaan as The Travellers Rest, ’n verwaarloosde gebou wat nie die beste reputasie in die dorp gehad het nie. Die paartjie is nie nuwelinge in die vallei nie. Hulle besit sedert einde 2011 die tweede oudste huis op die dorp en het byna elke naweek daar deurgebring. Die ryery vanaf hul woonstel in Seepunt het egter sy tol begin eis. “Ons het begin dink wat ons kan doen om hier te bly,” vertel hy. Hul eie besigheid het na die beste opsie geklink, maar wat? Volgens hom kan hy skryf, kosmaak en tuinmaak. Hulle het toe gehoor van The Travellers Rest wat in die mark was en dit gekoop.
Pauw het op navraag erken hy was baie skepties aan die begin en het gewonder waarin hy homself begewe het toe hulle agterkom hoe gehawend die gebou werklik is. “The Travellers Rest was baie moeg en het toe ’n redelike slegte naam gehad,” vertel hy. Daar was baie werk nodig. “Ons het ’n lys gemaak wat alles kan verkeerd gaan, behalwe nou om ons eie profyt op te drink.” Tog is die taak aangepak en restourasiewerk het op 1 November afgeskop. Die gebou het ’n nuwe voorkoms en naam gekry. Die groen dakke het na rooi verander, daar is mure uitgebreek en die dékor is heeltemal oorgedoen. Die restaurant en gastehuis is versier met ’n verskeidenheid versamelstukke wat Pauw en Rogers van reg oor die wêreld opgegaar het. Elke versiering weerspieël ’n eie storie. Kan hy self kosmaak? Ja, maar Pauw sê daar is ’n groot verskil om kos vir jou vrou te maak of vir 100 gaste. Rogers het kort na sy by e.tv se dokumentêre afdeling bedank het, vir ’n kursus in gasvryheid gegaan. Pauw het opleiding deur ’n beroemde sjef ontvang en vinnig agtergekom die kombuis is nie ’n plek waar hy heeldag wil staan nie. Die sjef het hulle tydelik uitgehelp, maar op 25 November sit hulle toe sonder een en dít terwyl die restaurant sy deure op 6 Desember vir die publiek moet open. Gelukkig het Thapelo Aphané, ’n 21-jarige sjef wat pas sy kursus by die Mount Nelson Hotel voltooi het, tot hulle redding gekom. Pauw en Rogers is dit eens dat die publiek hulle met ope arms verwelkom het en reg deur die feestyd ondersteun het. Hul restaurant was
Sam Rogers (links) en Jacques Pauw (regs) voor hul restaurant, gastehuis en kroeg, Red Tin Roof. FOTO: CHARLOTTE LESCH
op Kersdag propvol. Rogers meen die regte werk begin nou wat bemarking betref en om besoekers van oral te lok. Pauw vertel hy is nie klaar geskryf nie. Hy sal dalk eendag weer, maar kry nou eenvoudig net nie tyd nie. “Ek slaap baie sleg en het altyd 04:00 opgestaan en in daardie tyd geskryf. Nou staan ek dieselfde tyd op om die restaurant te bestuur.” Hy erken hy mis soms nog sy ou lewe. Wat hy die meeste mis, is om te reis. “Nou is ek gebonde hier.” Hoogtepunte in sy lewe was daar baie. Pauw onderskei tussen sy lekker sto-
ries teenoor die aktuele en noodsaaklike stories wat hy moes doen. Die onthulling in 1989 van Vlakplaas buite Pretoria, waar die hoofkwartier van die veiligheidspolisie se sogenaamde moordbendes in die 1980’s was, was noodsaaklik, so ook die dekking van gebeure tydens die Rwandese menseslagting. Sy lekkerste storie was egter in 2008 toe hulle ’n televisie-dokumentêr oor Timboektoe se ou geskrifte gedoen het, wat dateer uit die 11de, 12de en 13de eeu. “Ons moes letterlik onder die sand grawe.” Pauw het sy laaste posisie as deel van Media24 se ondersoekende span baie geniet, maar sê die beperkte hulpbronne het hom begin frustreer. “Koerante se tyd is beperk, hulpbronne word minder en koerante word kleiner.” Volgens hom is ondersoekende joernalistiek in gedrang weens vraatsugtige koerantbase. Hy het in 2009 saam met nege joernaliste ’n ondersoekspan by Media24 begin. Vandag bestaan die span nie meer nie. Alle frustrasies is egter vergete. Hy en Rogers is te besig om nuwe disse uit te dink om oor die verlede te tob. Boeke deur Jacques Pauw, sluit in: Into the Heart of Darkness: The Story of Apartheid’s Killers, (1997) en Dances with Devils: A Journalist’s Search for Truth, (2007), asook Little Ice-Cream Boy (2009). Sy laaste boek is Rat Roads: One Man’s Incredible Journey (2012).
Vier ontvang raadsheerskap KAREL WILLEMSE MOORREESBURG - By die 80ste algemene raadsvergadering van die Weskus Distriksmunisipaliteit (WKDM) wat op 28 Januarie gehou is, het drie raadslede raads-
heerskap ontvang. Elke lid ontvang ’n baadjie, balkie en sertifikaat ter erkenning van hulle jare diens in dié munisipaliteit. Raadsheerskap word aan raadslede toegeken wat vir 10 jaar aaneenlopend diens by ’n munisipaliteit verrig het.
Van links is Henry Prins, die munisipale bestuurder, (WKDM), rdh. Nyanisile Mgoqi (Saldanhabaai), rdh. John Cleophas (uitvoerende burgemeester), rdh. Jan Cillié (Saldanhabaai) en die Speaker, rdl. André Kruger. AAAAAA-ST100215
X1PPY6P5-ST100215
4
Swartland Gazette
Letters - Briewe
Blommetjie op die stoep
Pas aan by kragkrisis
Die vraag wat op baie verbruikers se lippe is, is ofbeurtkragonsvoorlandisvirdievolgendepaar jaar. As die gerugte, dat Eskom se instandhoudingswerk by sy kragstasies sowat 10 jaar agter is waar is, is dit waarskynlik so. Om sekerheid ten opsigte van kragvoorsiening te hê, is die toepassing van beurtkrag op dié stadium onvermydelik. Veral om totale en langdurige kragonderbreking te voorkom. Dit wil sê dat krag afgesit moet word sou dit nie nodig wees nie sodat spaarkapasiteit opgebou kan word. Roelof du Toit, ’n kenner van die Swartlandmunisipaliteit, meen om sekerheid te hê, moet beurtkrag volgens vaste skedules ingestel word ten einde spaarkapasiteit te verhoog om opwekkers wat moontlik onklaar raak, te kan akkommodeer. Die nasionale kragkrisis is die realiteit en dit help nie om daaroor te kla nie. Probeer eerder nou by die omstandighede aan te pas. Indien jy bevoorreg genoeg is om kragopwekkers, gasoonde of sonpanele aan te skaf vir huishoudelike energievoorsiening, moet dit oorweeg word. Indien dit nie nou ’n opsie is nie, pas by die geskeduleerde tye aan. Wanneer beurtkrag nie plaasvind nie nadat ’n noodtoestand aangekondig is, verbly in die oomblik, eerder as om te tob oor hoekom die krag toe nie afgesit is nie. Daar word gesê ’n situasie lyk altyd beter met ’n positiewe gesindheid. Kom ons probeer dit.
Tuesday 10 February 2015
PASTOOR PIET SMIT
EERSTE DRUIWE MET VOETE GEPARS:Parstyd in die Swartland het vanjaar so effens vroeër aangebreek
as gevolg van weersomstandighede. So ook op A.A. Badenhorst Family Wines op die plaas Kalmoesfontein. Die eerste druiwe wat gereed was, is op 13 Januarie deur vyf nageslagte met hul voete gepars. Van links staan Samuel Badenhorst, Jan Hendrik Hill (nefie), Richard Hill (nefie) op die stoel, Ana Badenhorst en Hardy Hill (nefie) en Adi Badenhorst (agter) met die Syrah-druiwe wat gereed is om gepars te word.
Nominasies vir Let’s Play nou oop Dit is vanjaar Supersport Let’s Play se tiende bestaansjaar en saam met die Swartland Gazette is ons op soek na jong sporttalent in die Swartland-streek. Die Gazette nooi jou en jou skool uit om jou prestasie op die veld, baan of selfs in die swembad aan die groot klok te hang. Ons wag vir nominasies van laer- en hoërskole sodat daar elke maand ’n sportman of sportvrou gekroon kan word. Vir die maandwenner is daar ’n ordentlike Let’s Play-geskenkpak op die spel en ’n onderhoud met die oog op ’n berig en foto in die Gazette. Die wenners van elke maand dring uiteindelik deur tot die finale aan die einde van die jaar, waar SuperSport die algehele wenner uit
die streek kies en hy of sy tydens ’n heerlike geselligheid gekroon word. Dis maklik om in te skryf! Vra dat jou skool jou of ’n vriend nomineer met ’n kort opsomming van jou onlangse prestasies, asook jou kontakbesonderhede en dié van ’n afrigter, onderwyser of ouer. Die Gazette sal die maandwenner kontak en ’n onderhoud reël. Sluitingsdatums vir elke nuwe maand sal deur die loop van die jaar aangekondig word, maar onthou dat nominasies nie na die volgende maand oorgedra sal word nie; dus moet sportsterre wéér genomineer word. Stuur inskrywings na lizette.smit@media24.com. Vir meer besonderhede, skakel 022 482 3817.
Iemand stuur vir my ’n foto van ’n blommetjie afgeneem op hulle voorstoep, tussen die harde plaveiselstene met sement tussenin. Mens sukkel om iets aan die groei te kry in die tuin met vrugbare grond. Maar hier staan ’n blommetjie op die “verkeerdste” plek denkbaar. Die son brand so fel in die voormiddag op die stoep dat jy nie kaalvoete daar kan loop nie. Bes moontlik loop jy vandag met die volgende in jou hart: •“Ag, as ek maar net op ’n ander plek kon wees.” • “As ek net ’n beter man gehad het.” •“As ek net nie met hierdie moeilike vrou getroud was nie.” •“As ek tog net nie met hierdie agterstand in die lewe gesit het nie.” •Net meer geld gehad het ...” God praat vandag deur daardie blommetjie met my en jou. Dit verkeer onder slegte omstandighede, maar hy laat hom nie daardeur onderkry nie. Dit groei en beur vorentoe ongeag. Paulus, die apostel, sê binne in die gevangenis (Fil. 4:13): “Ek is tot alles in staat deur Christus wat my krag gee.” Verder sê hy in Fil. 4:11 (NLV): “Ek het regtig geleer om onder alle omstandighede reg te kom.”
Dankie aan my vrou ’n Spesiale dankie aan my vrou Lenie vir haar onselfsugtige opofferinge, standvastigheid, bystand en liefde. Jy was die dryfkrag wat my tot legendestatus gebring het. Ek waardeer alles wat jy vir my al die jare gedoen het baie en wat jy vir my beteken. Liefde, jou man.
KITTO, Malmesbury
Buite Ekspo hierdie naweek MALMESBURY - “Die sukses van die kykNET Buite Ekspo 2014 kan grootliks toegeskryf word aan die feit dat daar op een terrein vir die hele gesin voorsiening gemaak is in ’n veilige plaasatmosfeer.” So vertel Marius Opperman van Trio Events wat vanjaar die negende kykNET Buite Ekspo organiseer. Vanjaar word die tweede ekspo van sy soort in die Wes-Kaap, buite Malmesbury, aangebied. Opperman meen die hele gesin, van ouma tot kleinkind, vind die ekspo insiggewend en baie pret. “So vul die ekspo ’n leemte in die mark.” Die kykNET Buite Ekspo fokus op buiteleweaktiwiteite en -produkte, maar sluit ook vermaak, van 4x4 roetes tot musiek- en kindervertonings in. Opperman noem dat dit wel nie ’n musiekfees is nie, maar poog om die geleentheid vir die hele gesin lekker te maak. Moet nie die ekspo vanaf 13 tot 15 Februarie op Môreson-plaas buite Malmesbury misloop nie.
Trio Events en gaste van die Swartland het verlede week by Radio Tygerberg gaan inloer om te gesels oor die kykNET Buite Ekspo wat vanaf 13 tot 15 Februarie op die plaas Môreson buite Malmesbury sal plaasvind. Van links staan Marius Opperman van Trio Events (hoof-organiseerder van die kykNET Buite Ekspo), saam met Tijmen van Essen (uitvoerende burgemeester van die Swartland), Ivan Meyer (Wes-Kaapse minister van finansies), André de Villers (4x4 kenner) en Joggie Scholtz (munisipale bestuurder van die Swartland). Die manne het saam met die omroeper Richard de Villiers (voor) by Radio Tygerberg gekuier.
Skryf in vir Jong Boer van die Jaar Dit is weer tyd om erkenning te gee aan Wes-Kaapse jong boere wat met fokus, innovering en entrepreneursvernuf die landbousektor van die provinsie en die land die toekoms inneem. Agri Wes-Kaap is opgewonde om weer vanjaar saam met Santam Landbou ’n Jong boer van die Jaar aan te wys wat deur toewyding en passie bydra in die voorsiening van die groeiende bevolking se behoefte aan voedselsekerheid. Die Wes-Kaapse wenner, wat in Mei aangekondig sal word, dring deur na die nasio-
nale Toyota SA Agri SA Jong boer van die Jaar wat later vanjaar aangebied word. ’n Splinternuwe Toyota-bakkie is onder meer op die spel. Agri Wes-Kaap gee ook vanjaar aan lede van die publiek die geleentheid om ’n jong boer vir die kompetisie te nomineer. Enige produsent onder die ouderdom van 35 jaar mag aan die kompetisie deelneem en lede van die publiek wat voel ’n spesifieke produsent verdien erkenning, kan hom of haar vir die kompetisie nomineer.
Bel vir Johanne Rossouw by 021 860 3804 of johanne@awk.co.za om ’n waardige kandidaat te nomineer. Jong boere word ook aangemoedig om vir die kompetisie in te skryf om hulle kundigheid, ervaring en visie vir die landbousektor te deel deur die wye mediadekking wat aan die provinsiale wenners gegee word. Inskrywings sluit op Vrydag 27 Februarie. Gaan like die Agri Wes-Kaap Facebook-bladsy om op hoogte van die kompetisie en die finaliste te bly.
Tuesday 10 February 2015
13 Februarie ) Die kykNET Buite Ekspo vind vanaf 13 tot 15 Februarie op Môreson buite Malmesbury plaas. Vrydag: 11:00 – 21:00, Saterdag: 09:00 – 21:00 en Sondag: 09:00 – 15:00. Bel Marius Opperman by 082 570 5758 vir meer inligting. ) Die Swartland Besigheidsnetwerk vergader om 07:30 by Janno’s op Malmesbury vir ’n netwerkontbyt. Navrae en besprekings by Nora Marais by 082 826 1729.
11 Februarie ) Die Malmesbury Voortrekkers hou ’n Waatlemoenfees en toutrekkompetisie. Bel Sunet de Jongh by 082 877 4789 vir meer inligting.
14 February ) Darling Rugby Club will host its annual seven a side rugby tournament from early in the morning and will end off with a disco in the Darling community hall. There will be lots of festivities throughout the day and various food stalls as well as a beer garden will be available. For more information contact Benito van Bo at 078 599 4174.
14 Februarie ) Kom geniet ’n gesellige Valentynsbuffet teen slegs R150 per persoon by die Ou Huis, op ’n plaas buite Malmesbury. E-pos vir Elrika Lesch by countrykitchen7@gmail.com.
17 Februarie ) Malmesbury Museum bied ’n Soirée aan ’n aand van gedigte en musiek om 19:00. Laat Lorein Katzke van Radio Tygerberg se waardering vir poësie jou inspireer. Bring jou gunsteling gedig of een wat jy self geskryf het, kom dra dit self voor of luister as Lorein dit laat lewe kry. R50/persoon (glas wyn en ligte versnappering ingesluit). Bespreek voor of op 16 Februarie by Christine 022 482 2332 of 082 961 6181.
28 Februarie ) Darling Kelder se gewilde Parsdag wat om 07:45 by Darling Kelder begin, sluit vanjaar ’n ontbyt, ’n trekkerrit, ’n druiwepars en middagete in. Kaartjies vir volwassenes kos R250, kinders kos R150 met kinders onder 12 slegs R100. Besprekings is verpligtend by tasting@darlingcellars.co.za
Kerkdienste ) Dynamic Love Fellowship hou elke Sondag om 17:30 diens by Mount Royal se konferensiefasiliteit. Die prediker is Bertie Brits en die boodskap is genade-georiënteerd. Vir meer inligting kontak die kantoor by 022 487 3233 (Maandae tot Donderdae vanaf 08:00 tot 14:00) ) Malmesbury Methodist Church of SA in St Thomas Street, 09:15 Sunday Worship Service, 08:30 Sunday school started on the first Sunday of the beginning of the school term, Bible studies started on the first Wednesday after the beginning of the school term. For any further enquiries contact Rev John Beck at 022 482 3623. ) AGS Corpus Christi Malmesbury se Sondagoggenddiens is op 15 Februarie om 09:30 met prediker past. Piet Smit. Die tema is: Nuwe Hemel en Nuwe Aarde (3) Sondagaandddiens is om 18:30 met die tema: “Waarom Josef nie gesondig het nie.” Navrae: 073 447 2902
Entertainment - Vermaak
Swartland Gazette
5
6
Classifieds
Swartland Gazette
Tuesday 10 February 2015 Aanbod Aan Bakkie en Motor eienaars. Lopend en nie-Lopende voertuie welkom. Kontak /Sms/Pcm/Whatapp 084 844 0000.
ALGEMEEN 3680
BETREKKINGS 3600
OPVOEDING
MAKELAARS ASSISTENT/NUWE BESIGHEIDS KLERK - Ons benodig die dienste van ‘n admin persoon as persoonlike assistent vir versekerings makelary. Die persoon moet onafhanklik kan werk en verandwoordelik wees vir alle admin en verwerking van nuwe besigheid. Skakel 082 057 4818.
3660
X1PP4R3R-ST100215
FAMILIEKENNISGEWINGS IN MEMORIAM
BOETIE EN SUSSIE SPRINGKASTELE Waterglybane en verskeidenheid springkastele te huur. Skakel Nelia 073 6102 810.
1015
Aan my NANNA, ALICE APRIL, wat vandag 10 Febr’15, 74jr oud is. U eerste verjaarsdag in die Hemel. Hoe graag wil ek Nanna ‘n drukkie gee. Nanna sal altyd in my hart en gedagtes wees. Van: Ellen Howburg.
TJ'S SPRINGKASTELE Springkastele en waterglybaan te huur. Kontak Theresa 082 497 3383. GESONDHEID & SKOONHEID 1430
GELUKWENSINGS 1030
Happy 21st birthday Saul on 12/2/2015!From your Mommy and Daddy.
KRUIEKENNER 1435
Kyk wie word 21 op 12/02/2015! Baie geluk met jou mondigwording. God rykste seëninge. Van: ma, pa, susters en broer. TROUDAGVIERINGS
A MIRACLE EXPERT MAAMA REMMIE THE HERBALIST TroubledMarriages & Relationships Financial problems. Quick Money & get loan in 24hrs. clear Debts. Good luck in business. Unfinished jobs by other healers. Borrow Magicstick & wallet 4 cash. Luck Gambling & Casino. Divorce & Court Cases. Quick selling / buying of property. Malmesbury, Beville, 0717852704
Maama Musa & Baba Musa *Fincial Problems *Lost lover & settle marriages *Delayed pension/Provident package *Bad luck & evil spirits *Unfinished jobs by other Healers *Clear debts/divorce cases court *Man hood problems *Quick selling & buying of properties * Luck in gambling & casino/lotto/ powerball Malmesbury/Bellville: 078 986 4993 / 0610 878 744 Professor Solomon, Koning van Kruie. Prof, nooi almal met probleme wat oplossings sonder sukses gesoek het. Het jou lewensmaat jou gelos/geskei vir iemand anders. Soek jy hom/haar terug. As jy die man/vrou van jou drome aanhoudend ontglip. Manlike geslags probleme. Eksamens & werkonderhoude. Is jy gefire? Soek jy jou werk terug? Hulp met finansiële probleme. Het jy probleme in jou verhouding. Hulp vir verslawing. Hulp met Casino, Lotto & Perde. Nou in Malmesbury vanaf Donderdae tot Saterdae. Doen ook huis besoeke. Alle probleme, betaal na werk gedoen is. Voortrekkerweg, oorkant Edgars. Bel 0603234169 •Relationship / Marriage Problems •Financial, Loans, Quick cash in account •Lucky Oils and magic ring, Lotto and Casino •Failure to get a Child/Miscarriages •Evil Spirits and Curses in homes and business •Delayed/Unfinished work by other healers for free •Long service at wotk without promotion/less pay. Healer Barack Malmesbury Cape Town 073 2399 548 SAAMRYGELEENTHEDE
1045
Dr. Ngobi - Malmesbury Your boy/girlfriend, wife/husband has left or divorced you for someone else and you want him/her to come back. Your loved one is having having an affair and you want him/her to be yours only. The man/woman of your 09/02/2015: Happy dreams keeps escaping 30th aniversary mommy you. Male erectile and daddy. Wat die Here dysfunction. Exams and saam gevoeg het, kan geen interviews. You have been mens skei nie. Baie liefde: fired and need your boss to Lynn, Daniëlle, kleinask you to come back, kinders (Lehaygon & regardless of what Jaygon) en Jason. happened. You need luck in money matters or for very serious court cases. PERSOONLIKE Broken families can be DIENSTE re-united. Addictions. Call 073 496 7398 KINDERVERMAAK 1405
ASPATAT PARTYTJIES: Springkastele, waterglybane, kindertafeltjies & stoeltjies te huur. Kontak: 084 607 5658.
GOOD NEWS FOR ALL! DR H KAITA, a sangoma with strong muthi, spiritual powers. Stop suffering, solve all your persona; problems. Cell: 078 557 6490 / 072 021 4689.
1441
Saamry geleentheid aangebied vanaf Malmesbury na Durbanville weekliks. 082 393 0137. LENINGS 1445
LENINGS!! LENINGS!! tot R200 000. Benodig bankstate, payslip en ID. 5 min pre-approvals. Fiona: 082 422 2271.
Goue Vlokkies Bewaarskool - Vroeë Kinderontwikkeling Opvoeder (ECD). Vereistes: Ten minste vlak 4. Sluitingsdatum: 16/2/2015 @ 16:00. Aansoeke kan per hand afgelewer word by Goue Vlokkies Bewaarskool geleë in Jasmynstraat langs VGK. Vir verdere inligting kontak Me Y. Jasson op 073 4838 228 of Me B. Timotheus op 083 660 7183.
TREADMILL: TROJAN IRONMAN 500 in uitstekende kondisie. Industriele treadmill wat in gymnasiums gebruik word @ R7 000. Kontak Caren 082 327 3349. ALGEMENE & HUISDIENSTE SKOONMAAKDIENSTE 1805
MATTE & Gestoffeerde Meubels. Deeglik skoonmaak & Ontsmetting van matte en bekleedsel. Droog ± 30 min. Skakel Paula 073 393 2373 / 022 487 1615.
GESOEK 3601
Dringend Opsoek na 2 werklose pleister manne. Skakel 0834 7777 14. Wil jy jou eie besigheid begin en finansieël onafhanklik wees? Met ons hulp, kan jy! Verkoop Justine skoonheids produkte. SMS Naam, area en kontak besonderhede na 084 625 0007.
BETREKKINGS GESOEK Naaldwerkster – Maak en herstel van klereasie. Kontak 082 966 4603.
DIENSTE
3670
SEMI-RETIRED COUPLE seeking employment on a farm, etc as either a Farm Manager/Foreman/Keeper HUISVERBETERINGS or Overseer, etc. Our docuVOERTUIE BINNE ments are available on 1835 request to elaborate on our skills, etc. We are both BLINDINGS/BLINDS. VOERTUIE GESOEK very active, healthy, hard JUST BLINDS - Vir kwaliOM TE KOOP working, reliable, honest, teit en diens! Vervaardig & 3075 fully bilingual, fully comherstelwerk van blindings. Vir gratis kwotasies skakel AANDAG !!! Alle Kliënte puter literate and have our VOERTUIE dringend own transport, re-location Tokkie Bredenhand gesoek. is not a problem. Please 083 265 5161. Ek koop enige gebruikte call Kobus or Helena @ voertuie vir kontant. +2776 155 3630 (Cell) or CEGE SMIT BLINDS Skakel 083 464 6960. ktheron1@gmail.com Trading as JS BLINDS (e-mail). Doen bank aflosse. Vervaardigers van alle soorte blindings,asook enige herstelwerk & veranderings. Derick & Nelia 082 788 7210 / 022 487 2394.
2420
PIENAAR BOSMAN
SLOOTGRAWERS Piketberg
3 ton en 5.5 ton BILLIKE TARIEWE Tel: 022 914 5010 (k/u) Sel: 084 846 4783 pienaar.bosman@gmail.com X1PM7B39-ST200115
CK BLINDS. Vervaardigers en verskaffers van alle tipe blindings. Gratis kwotasies. Doen ook herstelwerk. Kontak Elsabe’ 022 487 3948 of 072 126 2394. VERVOER & BERGING 1870
Swartland MiniMovers Meubelvervoer. Clint 074 381 1111. SAKE AAAAAA-ST100215
SAKE GELEENTHEDE 2415
WOULD YOU LIKE to supplement your income? You can do so by becoming a perfume agent. Sell 2 bottles per day and make an extra R4000 per month. We will give you everything you need to get FOR FREE. You get the perfume for R65 and sell it for R130 that's 100% profit. Please call for more information: 074 589 8110.
000001-ST100215
0CMPTRNG-ST100215
DIENSTE 2420
TE KOOP
ALLERLEI 1655
ROOIKRANS – R750 & R850. Afhaal Hopefield. Lewer ook af.0827443772. Samsung wasmasjien 8kg, soos nuut. R1 000. Skakel 073 698 2671.
X1PQ4PMM-ST100215
CPYSHP-ST100215
Tuesday 10 February 2015
Classifieds
Swartland Gazette
Leerders van Naphakade Primêr in Illingelethu op Malmesbury het tydens die Sone-atletiekbyeenkoms, wat 31 Januarie gehou is, baie goed presteer. Saam met die afrigters, Randall Pietersen (heel links) en Hector Makona (heel regs) is (agter van links) Asiphe Nkuwana (5de plek gewigstoot), Azamkelwe Matolengwe (silwer 80 m) en Soyiso Stoto (silwer 80 m, brons 100 m). Voor is Avuzwa Vena (goud 60 m, brons 80 m), Kungawe Nunwana (4de plek 80 m) en Ayabulela Walaza (goud 80 m). Afwesig en nie op die foto is Iviwe Tini (5de plek 80 m) FOTO: LIZETTE SMIT
Malmesbury-rolbal speel gelykop
ROLBAL OP MALMESBURY: Malmesbury se rolbalspan het die afgelope Saterdag in warm weersomstandighede by tye kookwater-spel gelewer, maar moes ongelukkig tevrede wees met ’n puntetelling wat gelykop was. Eerskomende Saterdag ontvang Malmesbury vir Kampsbaai “B”. Die wedstryd begin om 14:00 en toeskouers is meer as welkom om hul tuisspan te ondersteun. Koos Muller (tweede) lewer sy bal af, terwyl Ivan Dicks (lei) toekyk. Op die voorgrond lê Pieter Willemse se bal die tweede skoot, met die opponente lei se bal skitterend net agter die wit bal. Altus Myburgh het hierdie skof met ’n uitstekende dryfskoot gebrand deur die wit bal buite die grens te verplaas. FOTO: CHARLOTTE LESCH
Eienaars van wapens gewaarsku Die Suid-Afrikaanse Polisiediens in die Wes-Kaap is volgens ’n persverklaring tans besig met ’n uitgebreide ondersoek by alle vuurwapenhandelaars. Dit het aan die lig gekom dat wettige vuurwapenlisensiehouers groot hoeveelhede ammunisie aankoop en dit dan versprei of verkoop aan misdadigers. Wettige lisensiehouers weet ten opsigte van hulle lisensievoorwaardes dat hulle nie meer as die voorgeskrewe aantal rondtes in hulle besit moet hê nie. Indien daar wel lisensiehouers is wat hulle aan hierdie misdaad skuldig maak, kan daar strafregtelik teen so iemand opgetree word en sal daar ook ’n bevoegdheidsondersoek gedoen word om te bepaal of hy of sy geskik is om ’n vuurwapen te besit.
7
0BLDZR-ST270115
Swartland Municipality, with its head office in Malmesbury, services the towns of Malmesbury, Yzerfontein, Moorreesburg, Darling, Koringberg, Abbotsdale, Kalbaskraal, Chatsworth, Riverlands, Riebeek West and Riebeek Kasteel. The hub of the Swartland offers you the best of two worlds. You work and live in a tranquil, rural environment with all the modern amenities at hand. When you want to get away from it all, Cape Town is barely 60 km away, while various resorts along the picturesque West Coast are literally just around the corner.
AAAAAA-ST100215
The Municipality currently offers the following vacancies to suitably qualified and equipped persons:
Supervisor: Meter Readers (Malmesbury)
Department of the Director: Financial Services • Reference: V1/15 • R142 632 - R185 148 per annum (T9)
Artisan (Bricklayer) (Moorreesburg)
Department of the Director: Civil Engineering Services • Reference: V2/15 • R142 632 - R185 148 per annum (T9) Commencement of duties: As soon as possible. To view the full advertisement, job requirements and response details, please visit www.swartland.org.za or call Mr. D. Carolus on 022 487 9400. Completed application forms, clearly bearing the post reference number and including certified copies of qualifications, are to be forwarded to the Human Resources Section, Private Bag X52, Malmesbury 7299. Please ensure that the proof is faxed to our direct fax line at 022 487 9460 or e-mailed to solomonsg@swartland.org.za or dejonghs@swartland.org.za Applications forwarded via fax or e-mail will not be accepted. No late or incomplete applications will be considered. Fraudulent qualifications or documentation will immediately disqualify an applicant.
0DUARDENDM-ST100215
AAAAAA-ST100215
Applications close on Friday, 20 February at 12:00. If an applicant has not received any feedback within six weeks of the closing date, it can be assumed that the application has been unsuccessful. Only short-listed candidates will be contacted. Council reserves the right not to make an appointment. Swartland Municipality is committed to Employment Equity and endorses the principles of Affirmative Action. People with disabilities are therefore encouraged to apply.
Municipality • Munisipaliteit • Umasipala www.ayandambanga.co.za
X1PP2A9W-ST100215
121877
000001-ST100215
AAAAAA-ST100215
Swartland
X1PNX445-ST030215
LEES DIT, BELEEF DIT | READ IT LIVE IT Year 13 •
Sowat 40 knortjorre is bymekaar geparkeer kort voor die tydren begin het.
FOTO: CHARLOTTE LESCH
Knortjorre ry weer
MALMESBURY - Saterdagaand was die eerste knortjor-byeenkoms vir 2015. Daar was talle besoekers waarvan heelwat hul eerste besoek aan die baan gebring het.
Na afloop van die byeenkoms het die volgende persone trofeë ontvang: 1ste, 2de, 3de. Beginners: J le Roux, D Saayman, M Stoltz; 160cc: H Esterhuyse, DW Bester, J le Roux; 270: M van der Merwe, R Putter, A Burger;
300: M Bester, F Geldenhuys, De Wet Britz; 390: J van Schalkwyk, W Hanekom, M de Bruyne; Mods: H Burger, J D Claasen, M du Toit. Juan van Schalkwyk is as bestuurder van die dag aangewys. Die volgende byeenkoms sal op 28 Februarie om 16:00 wees. Besoekers is welkom om van die gratis braaigeriewe gebruik te maak.
10 Februarie 2015 | Tel. 022 482 3817
SPORT
MALMESBURY WEN LIGA:Malmesbury Krieketklub (MKK) het Saterdag op hul tuisveld vir Darling uitgestof – hulle het 255 lopies in hul 50 boulbeurte aangeteken en Darling slegs 151. MKK wen met ’n bonuspunt en is die wenners van die Boland Sentraal-liga. FOTO: CHARLOTTE LESCH
A hero in the making MALMESBURY Marc de la Porte from Swartland High School (Gr 10) has been a member of the National Sea Rescue Institute Melkbosstrand station for the past five years. During this Marc de la Porte. time he complePHOTO: LIZETTE SMIT ted intense training courses and has written exams in advanced first aid, advanced navigation, basic fire fighters, VHF Marine Radio license and Rescue swimmers courses. In November the NSRI chose him as Junior Crewman of the Year 2014 at their annual awards event. Marc also got 98% for his Level 3 Advanced First Aid course – he was the youngest student to write this exam. He spends all his free time working with the NSRI - weekends, public holidays and school holidays.
Van links is Braam Esterhuizen, Micke Smit, Ester van der Merwe en Renelda Scholtz. FOTO: LIZETTE SMIT
Tweekamppresteerders MALMESBURY - Vier leerders van Hoërskool Swartland is in die span opgeneem wat die Bolandstreek tydens die interprovinsiale byeenkoms verteenwoordig het wat 7 Februarie in Oudtshoorn gehou is. Die uitslae van die tweekampbyeenkoms wat 24 Januarie op Robertson gehou is, is as volg: Meisies o. 19: Renelda Scholtz, 1ste (2252 punte), Ester van der Merwe, 2de (1924 punte) Meisies o. 17: Micke Smit, 1ste (2233 punte) Seuns o. 17: Braam Esterhuizen, 6de (2083 punte)
Johan Burger en Johan Moller van Malmesbury se tennisklub is besig om op te warm vir hul eerste wedstryd van die jaar. FOTO: CHARLOTTE LESCH
Tennis kry swaar MALMESBURY - Die A-span het erg verroes gelyk in hul wedstryd teen die jeugdige Maties. Die Swartlanders kon slegs twee van hul agt wedstryde wen. In nog ’n wedstryd in die gemengde liga-wedstryde van die Suid-Boland-unie was die C-span van Sarel Steyn ietwat ongelukkig om gelykop te speel teen Kuilsrivier. ’n Besering van Johan Burger het die Swartlanders genoop om
hul wedstryd prys te gee. Wedstrydtelling was drie elk. Op Stellenbosch het die B-span weereens ’n puik vertoning gelewer deur die A-span van Van der Stel met ses wedstryde teen twee af te ransel. Eerskomende naweek reis die A-span na Somerset-Wes om teen Rekreasie kragte te meet, terwyl die B- en C-spanne besoek sal ontvang van Country Club A en Vredenburg se A-span.
GW Burger van Hoërskool Swartland op Malmesbury (gr.11) is uit ongeveer 1000 aansoeke tot ’n kortlys van 12 en later ses mense gekies om langs ’n ervare vlieënier in ’n Boeing waarneming tydens vlugte te doen. Hierdie opwindende geleentheid sal gedurende verskeie vlugte plaasvind. FOTO: LIZETTE SMIT