ÍBÚINN frétta- og auglýsingablað
Netfang: olgeirhelgi@islandia.is Útgefandi: Fjölritunar- og útgáfuþjónustan Ritstj. og áb.: Olgeir Helgi Ragnarsson Íbúanum er dreift með Íslandspósti á öll heimili og fyrirtæki í póstnúmer 301, 310, 311, 320 & 356. Upplag 2.000 eintök. Íbúinn kemur að jafnaði út á fimmtudögum. Skilafrestur auglýsinga kl. 12 á þriðjudögum.
Auglýsingasími: 437 2360
ÍBÚINN
frétta- og auglýsingablað
14. tbl. 13. árgangur
3. maí 2018
Brekkufjallið var ekki beint sumarlegt á að líta á baráttudegi verkalýðsins, 1. maí sl. en svipmikið og glæsilegt að vanda.
Mynd: Olgeir Helgi
Langþráð skóflustunga hjá Kaupfélaginu Síðasta föstudag var tekin fyrsta skóflustunga að nýbyggingu Borgarlands, dótturfélags Kaupfélags Borgfirðinga (KB), sem á að rísa á Digranesgötu 4, við hlið Bónuss í Borgarnesi. Um er að ræða 1.000 fermetra byggingu. Í mars sl.voru liðin tíu ár síðan Skipulags- og byggingarnefnd Borgarbyggðar veitti lóðarhafa samþykki til byggingar verslunarhúss á umræddri lóð. Í millitíðinni höfðu miklar sviptingar í efnahagslífinu áhrif á framkvæmdir. Ekki er endanlega ljóst hvaða starfsemi verður í húsinu en hún mun felast í ferðatengdri þjónustu. Til stendur að þetta verði fyrra húsið af tveimur sem munu rísa á lóðinni.
Frá skóflustungunni: Guðrún Sigurjónsdóttir stjórnarformaður KB sem jafnframt tók skóflustunguna. Eiríkur J. Ingólfsson sem verður aðalverktaki við bygginguna, Margrét Katrín Guðnadóttir verslunarstjóri hjá Kaupfélagi Borgfirðinga og Guðsteinn Einarsson kaupfélagsstjóri.
Í janúar á síðasta ári auglýsti KB eftir mögulegum samstarfsaðilum í fyrirhugaða byggingu. Þar kom fram að húsnæðið
væri ætlað til reksturs á ferðatengdri þjónustu, svo sem veitingarekstri, hótelrekstri, ferðaþjónustu, verslun og þess háttar.
Láttu vita af þér! - Auglýsing í Íbúanum kemst til skila Auglýsingasími: 437 2360