IPS SA HILIT NA LUGAR SA NASIPIT MAPASALAMATON SA AGUSERBISYO SA AGNOR

By Shena Mae Pabia

Mapasalamaton kaayo ang mga residente sa hilit nga komunidad sa Indigenous Peoples (IP) sa Sitio Mimbahandi ug mga kasikbit niini nga mga sitio sa mga barangay sa Camagong ug Jaguimitan sa Nasipit tungod sa pagpadangat sa probinysal nga panggamhanan sa Agusan del Norte og nagkalain-laing serbisyo sa pagpanguna mismo ni Gob. Dale B. Corvera, Mayor Enrico Corvera sa Nasipit ug mga ahensya sa nasudnong panggamhan niadtong Abril 12-13. “Dako gyud ang among pagpasalamat nga si Gobernor [Dale B. Corvera] nga usa sa naghatag ug higayon nga diri gyud gidala ang immersion, kay sa tinuod, ang diri sa minbahandi, sukad-sukad karon pagyud nahigdaan og tanan ahensya sa gobyerno nga nakita gyud sa katawhan,” sumala ni Datu Talagsaon Jimbo M. Mansaguinda, ang tibal chieftain sa Sitio Minbahandi.

Dugang ni Datu Jimbo nga “Bisan lisod atong dalan, kritikal, pero naningkamot ang mga ahensya sa gobyerno nga makaabot dinhi sa Sitio Minbahandi, aron pagdala ug paghatod sa mga daghang dugang nga mga project para kanato nga mga tribong Higaonon.” Sa iyang mensahe giapasabot ni Gob. Corvera nga ang pagpadangat sa maong mga serbis “bunga sa panagsabot sa mga ahensya, lokal ug nasyunal, aron mapaabot kaninyo ang mga services karong adlawa gikan sa provincial government”. Ubay-ubay nga mga serbisyo ang napadangat sa maong AguSerbisyo

ubos sa AGUSAN UP!, ang kampanya sa pagpalambo sa administtrasyon ni Gob. Corvera kaabag ang buhatan ni Kong Angel Amante-Matba, nga nagsilbi usab nga immersion activity sa nagkalainlaing nasyonal nga ahensya. Nagsilbi usab ang maong kalihukan nga kabahin sa Renewed Intensified Community Outreach (RICO) program sa lungsod sa Nasipit.

Apil sa mga napadangat ug ang gidaghanon sa benepisyaryo niini mao ang mosunod: Medical consultation-467; Operation tuli-68 ug Dental Services-58, Family Planning Services (Pap Smear)-78; Excision mask surgery-4; Operation Alisbukol, ug; Blood sugar monitoring.

Nakahatag usab og Walking canes-10, Wheelchairs-15, Mosquito Nets-400, Food packs, Reading glasses, Surgical kits, Dental Kits, Medical kits, Buntis kits, Women/ Child health care, Vitamins, Medicines.

Nakahatag usab ang Provincial Agriculture Office [PAO] og baboy, manok-300, Vegetable ug Corn seeds, Tilapia Caraga INFOCUS Fingerlings-5,000. Ang Environmental and Natural Resources Division [ENRD] nananom og fruit trees, mahogany ug lambog seedlings-155 ka punoan; lakip na ang monoblock ug kiddie chairs, portable sound system; Ice cream-15 tubes, water drums-5, Printer sa skwelahan sa sitio-2; Nakahimo usab ang buhatan sa Provincial Disaster Risk Reduction Management Office [PDDRMO] og Basic Life Support Training. Ang buhatan sa Department of Interior and Local Government [DILG] nanghatag ug libreng flashlight kadapanimalay. Ang National Commission on Indigenous Peoples [NCIP] naghatag og Libreng legal nga konsultasyon kabahin sa mga IP ug CADT. Ang Department of Trade and Industry [DTI] usab nagpahigayon ug libre nga demo sa paghimo ug Powder Detergent nga sabon, product clinic ug konsultasyon sa negosyo. Ang Eastern Gateway Eagles Club Region II nanghatag ug libreng tsinelas ug hygiene kits. Ang Philippine Red Cross libreng nagpahigayon og Information drive ug bloodletting. Ang Philippine National Police adunay libreng tupi, hygiene kits, Lice Alis ug Padula sa laro ng lahi.

Ang Technical Education and Skills Development Authority [TESDA] nagpahigayon og pagbansay sa kahanas ug naka gradawar og 581 ka lumulupyo kansang gradwasyon gitambongan ni Sec. Isidro Lapeña mismo. Nakig partner usab kini sa munisipyo pagpahiluna og bakery, repair shop ug hardware ubos sa Busilak Enterprise. Sa maong okasyon usab gilusad sa probinsya ang “CADT OG-KAAGPAS” (Pinulongang Higaonon sa CADT Express) ubos sa AGUSAN UP! gihapon. Ubos niini tutokan ang suporta sa pagpananum sa kayutaan sa mga IPs ug pagproseso sa abot niini alang sa ilang ekonomikanhong paglambo. Kaabag usab sa probinsya sa maong kalihukan mga kasundaloan, kapulisan, DOST, DepEd, DSWD, DOT, DENR, DAR, DA, DOLE, NIA, Land Bank, DBP, PhilFida, DPWH, Aboitiz Power, Pilmico, Adfil ug uban pa. (Agusan Up, LGU Agusan del Norte/PIA Agusan del Norte)