MGA PROYEKTONG PAGPALAMBO SA AGUSAN NORTE PADAYON NGA GIPATUMAN

Walay puas ang probinsya sa Agusan del Norte ubos sa administrasyon ni Gobernador Dale B. Corvera pagpadangat ug mga proyektong imprastruktura aron masuportahan ang ekonomikanhong pagabante sa probinsya, mahimong sayon ang paglihuk-lihok sa mga residente o makapahiluna og pasilidad pagpugong sa pagkaguba o pagpasiuli sa kinaiyahan, sumala pa sa Provincial Engineering Office.

Sa pakighinabi kang Engr. Renato Corvera, ang provincial engineer, iyang gibutyag nga sa kasamtangan naay 21 nagpadayon nga konstruksyon. Ang major projects ug ang level of accomplishments karon, sumala kang Engr. Corvera, mao ang mosunod: Concreting of Bay-ang Mahaba FMR with Bridge – 99.76%; Upgrading/Improvement of Buenavista-Otao-Talo-ao Provincial Road – 92.24%; Upgrading/Improvement of Sanghan-Luna-CalulutayCalamba Provincial Road – 14.12%; Upgrading/

By Shena Mae Pabia

Improvement of Maoligao Provincial Road – 50.45%; Upgrading/Improvement of NRJ-Triangulo-Punta Beach Provincial Road – 88.67%, ug; Upgrading/ Improvement of Culit-Pagao-Jaguimitan Provincial Road – 46.13%.

Gi-target sa Provincial Engineering Office ning probinsya nga mahuman ang maong mga proyekto ning tuiga aron hapsay ug malahutayong maagian ang mga kalsada ilabina alang sa mga residente nga lagyo ang mga uma o panimalay. “Paningkamutan gyud nga mahuman kung walay mga circumstances nga panghitabo, mahuman gyud siya as scheduled,” sumala ni Engr. Corvera.

Engr. Renato Corvera

“Among obligasyon to monitor and supervised the project, every week ginabisita na sa atong mga project engineers, naa man tay mga naka assign nga mga project engineer every project,” sigon ni Engr. Corvera.

Dugang pa ni Engr. Corvera nga pipila sa kaabag sa probinsya sa maong mga proyekto mao ang Philippine Rural Development Project [PRDP] ubos sa Department of Agriculture, Conditional Matching Grant to Provinces [CMGP] sa Department of Interior and Local Government (DILG) ug uban pang National Line Agencies. (Agusan Up, LGU Agusan del Norte/PIA Agusan del Norte)