1 minute read
KAMPANYA PAGSUGPO SA DIABETES UG HYPERTENSION GILUSAD
Gilusad sa probinsya sa Agusan del Norte ang Diabetes and Hypertension Club sa Tagkatong, Carmen, Agusan del Norte.
Advertisement
Ang kalihukan gipasiugdahan sa personahe sa Provincial Health Office (PHO) kaabag ang ahensya sa Non-Communicable Coordinator – Agusan del Norte.
Gitambongan usab ang kalihukan sa LGUCarmen Officials nga representahan ni Eva Palarca, SB Committee on Health Chair, Municipal Health ug Barangay Officials. Ang pagpadangat og mas malukpanon pang health services kabahin sa Amomang Agusanon Flagship Program sa probinsya ubos sa AGUSAN UP!, ang kampanya sa pagpalambo sa administrasyon ni Gob. Dale B. Corvera kaabag ang buhatan ni Kongw. Angel Amante-Matba. Sa gilusad nga kalihukan, mosuma sa 150 ka indibidwal ang nahigayonan og konsultasyon, blood sugar testing ug chest x-ray. Naghatag pod ang DOH og oryentasyon sa mga lumulupyo kalabot sa kamapanya batok sa diabetes ug hypertension aron makasayud sa mga lakang nga kinahanglan sundon apil na ang hustong pagpili sa pagkaon.
Ang mga lakang nga buhaton ning maong kampanya pagbatok sa diabetes ug hypertension mao ang mosunod: Step 1 - Registration, Step 2 pagkuha og BP ug timbang, Step 3 - Zumba, Step 4 - Fasting Blood Sugar, Step 5- Advocacy and Counselling ug, Step 6 - Paghatag og mga Medisina. (Shena Mae Pabia with a report from Jhenny Fabian, Agusan Up, LGU Agusan del Norte/PIA Agusan del Norte)
