1 minute read
GIHANGYONG ‘LIMITED FACE-TO-FACE CLASSES’ SA CABADBARAN CITY SUPORTADO SA SP
Gihangyong ‘limited face-toface classes’ sa Cabadbaran City suportado sa SP
Suportado karon sa Sangguniang Panlalawigan ang gihangyong full support sa Department of Education (DepEd)-Schools Division of Cabadbaran City sa probinsya sa Agusan del Norte isip pag-adopt sa maong ahensya mahitungod sa DepEd Memorandum No.0712021 nga nag-unod, “Concerning Preparations for the Pilot Face-toFace, Expansion and Transitioning to New Normal” nga giaprobahan ni Presidente Rodrigo R. Duterte kaniadtong Setyembre 20, 2021 aron sa pagpatuman usab niini. pagasugdan na sa DepEd-Cabadbaran City Division ning probinsya ang pagpahigayon og self-assessment gamit ang School Safety Assessment Tool isip preparasyon ug ang mga eskwelahan uban ang LGUs, mga estudyante ug mga ginikanan moagi sa proseso sa orientasyon, mobilisasyon ug pagkumpirma sa kaandam sa dili pa ang aktuwal nga pagpatuman niini aron masiguro ang kaluwasan sa pagbalik sa eskwela.
Advertisement
Kini pangunahan mismo sa division monitoring teams sa maong schools division uban ang COVID-19 local task force aron madeterminar and kaandam sa tanang eskwelahan sa maong Division adesir ipatuman ang limitado nga face-toface nga klase ning tuig 2022.
Ang maong lakang giaprobahan pinaagi sa Provincial Resolution No. 537-2021 sa Sangguniang Panlalawigan sa rekomindasyon sa Committee on Education and Culture diin tsirman niini si Provincial Board Member Rodulfo A. Pitogo atol sa ika- 118th sesyon regular. (SVDeligero, LGUAgusan del Norte/PIAAgusan del Norte)
