PDIP SA AGUSAN DEL NORTE APROBADO NA SA SP

Mokabat sa halos PhP150 million ang mga nag-unang prayoridad nga mga proyekto, programa, ug aktibidad ang nahilakip sa Provincial Development Investment Program (PDIP) alang sa tuig 2018-2022 sa Probinsya sa Agusan del Norte nga giaprobahan sa Sangguniang Panlalawigan bag-ohay pa lamang.

Ang PDIP usa ka medium term development plan nga giumol aron sa paghubad sa provincial development goals, mga tumong ug mga polisiya ngadto sa mga prayoridad nga PPAs ug magsilbi nga basehan sa provincial government ug sa mga buhatan niini sa pag-andam sa ilang annual budget.

Kini basi sa giendorso sa Provincial Development Council ngadto sa Sangguniang Panlalawigan ubos sa PDC Execom Resolution No. 31, series of 2021.

Ang maong rekomendasyon sa PDC tungod sa kamahinungdanon sa mga proyekto nga kinahanglan na nga maimplementar isip tubag sa panginahanglanon sa katawhan.

Gibahin sa 5 ka sector ang PPAs mao ang mosunod: Development Administration Sector- PhP104,350,000; Social Development Sector - PhP772,000; Economic Development Sector- PhP2,019,832; Environment and Natural Resources Sector - PhP200,000; ug Infrastructure Sector - PhP42,483, 359.08.

Gilauman nga ang maong mga plano nga nakahan-ay makahatag kini og kaayohan ug kalambuan sa probinsya ug ilabina sa katawhan niini. Sa pagpangamahan ni Bise Gobernador Ramon A G. Bungabong ang maong PDIP giaprobahan pinaagi sa Provincial Resolution No. 521-2021. (Justine L. Perez, LGU-Agusan del Norte/PIA-Agusan del Norte)

Bungabong