Civkon AGI PO Box 750, 1000 Skopje, Macedonia Phone/Fax: +389 2 2551611 E-mail: contact@civkon.mk www.civkon.mk
Што е Blower Door Test? Blower door тестот ја мери воздухонепропустливоста, т.е. запечатеноста на објектот. Со оваа постапка просторот кој се тестира се става во состојба на вакуум или зголемен притисок, со помош на софистициран вентилатор поставен на влезната врата или на некој од прозорците. Измерениот проток на воздух низ вентилаторот, го дефинира количеството на воздух кој продира низ обвивката на објектот при затворени прозорци, врати и други отвори.
Ваквото тестирање всушност симулира состојба еквивалентна на ветер со брзина од 35 км/час, кој во исто време дува од сите страни на објектот (вклучувајки го и покривот, но и оние страни кои се под земја, или залепени со други објекти). Резултатите од тестот се презентираат со број на измени на кубатурата на воздух во објектот, при разлика на притисоците надвор и внатре од 50Pa (Паскали). Оваа дијагностика се врши согласно стандардот ЕN13829, а воедно е и дел од процедурите за оценка на квалитетот и енергетската ефикасност на објектите и овозможува дополнителни 10 до 15 поени согласно ESPEC стандардот. Со тестирањето покрај добиените резултати за протокот на воздух, се дефинира и вкупната големина на отвори низ кои неконтролирано протекува воздухот, како и типот на слабостите. Blower Door тестот е недеструктивна, нештетна и сосема безопасна метода, како за објектите и опремата, така и за луѓето. Може да изведува во вселени и во празни објекти. Oваа инспекција може да се сретне и под други имиња, како на пример: Door Fan Test, или пак Blower Door Fan Test.
Page | 1
Civkon AGI PO Box 750, 1000 Skopje, Macedonia Phone/Fax: +389 2 2551611 E-mail: contact@civkon.mk www.civkon.mk
Кога се прави Blower Door Test? Во зависност од потребите на инвеститорот, или од проблемите со објектот, Blower Door тестот може да се спроведе во различни термини, во различни фази од изградбата на објектот или во текот на користењето на објектот. За објектите во изградба, најдобро е контролата да се спроведе пред завршување со градежните работите (во фаза на затворена карабина), за да се овозможи едноставно и ефтино поправање при незадоволителни резултати.
Најнеповолна опција за инвеститорот или за корисникот на објектот е да пристапи кон мерки за подобрување на воздухонепропустливоста без пред тоа да се направи Blower Door тест, бидејки можно е да се навлезе во големи и беспотребни трошоци, како и да се дојде до преголема воздухонепропустливост, која пак со себе исто така носи големи пробелми. Идеално е тестот да се спроведе два пати: ТЕСТ 1: Откривање на проблемите, после што се пристапува кон отстранување на дијагностицираните слабости и санација; ТЕСТ 2: Мерење на проток и сертифицирање на ƞ50 и q50 вредности, по завршување со сите градежни работи;
Page | 2
Civkon AGI PO Box 750, 1000 Skopje, Macedonia Phone/Fax: +389 2 2551611 E-mail: contact@civkon.mk www.civkon.mk
Што се постигнува со Blower Door Test-от? Нивото на запечатеност (воздухонепропустливост) кое треба да се постигне е дефинирано со стандарди. Потребната воздухонепропустливост зависи од типот на објектот, од неговата намена, од видот на системите за греење, од системите за внесување на свеж воздух и од системите за противпожарна заштита. Нивото на запечатеност се изразува преку две вредности, но само првата е мерлив критериум: преку број на измени за 1 час, на воздухот кој се наоѓа во волуменот на просторот кој се мери, при разлика на притисок внатре/надвор од 50Pa (паскали). Тоа е таканаречен коефициент ƞ50 („Ни пеесет“), а се изразува во единица h-1 (број на измени на час) и преку специфичното количеството на проток за еден час, при разлика на притисок внатре/надвор од 50Pa (паскали), таканаречено q50 („Ку пеесет“). Се изразува во m3/(m2٠h) (метри кубни, по метар квадратен, на час). Вредностите кои се добиваат може да се групираат на следниот начин: 10 до 20 измени на час – се работи за објект во многу лоша состојба, со голем провев и огромни загуби на енергија 7 до 10 измени на час – објект во лоша состојба, каде не е обрнато внимание при изведбата на деталите. Провевот и загубите на енергија се неприфатливо големи. 5 до 7 измени на час – објект во солидна состојба, со „поднослив провев“ и „прифатливи загуби на енергија“, но не ги задоволува критериумите. 3 до 4 измени на час – задоволителен објект, и ги задоволува ENERGY STAR критериумите. Помалку од 3 измени на час – добро запечатен објект, кој ги задоволува највисоките стандарди за енергетска ефикасност и овозможува висока удобност во просторот. Ваква запечатеност се бара и е дозволена само кај објекти со системи кои внесуваат свеж воздух со рекуперација. Помалку од 0,6 измени на час – извонредно добро запечатен објект и ова е критериум за највисокиот енергетски и комфорен стандард на светот наречен PASSIVE HOUSE. Важно е да се знае дека при високите нивои на запечатеност, кога ƞ50 е помало од 2h-1 (две измени на час), треба да се пристапи кон дополнителни мерки за внесување и рекуперација на свеж воздух. Во спротивно можни се несакани последици по квалитетот на воздухот и појава на мувла и влага во просторот. Заради тоа, работењето со воздухонепропустливоста (запечатеноста) на објектите не треба да се работи на своја рака и од аматери, туку исклучиво од стручни лица за таа проблематика.
Page | 3
Civkon AGI PO Box 750, 1000 Skopje, Macedonia Phone/Fax: +389 2 2551611 E-mail: contact@civkon.mk www.civkon.mk
Што ние можеме да направиме во врска со Blower Door Test-от? Располагаме со потребната опрема од реномираниот производител Retrotec, искуство и сертифициран кадар за вршење на целата процедура. Можеме да спроведеме Blower Door Test на станови, куќи и деловни простории од сите големини, но и на цели објекти без разлика на нивната големина (станбени згради, хотели, болници, театри, кина, производствени погони, па се до големи стоваришта, спортски сали, деловни и трговски центри). Пред да се спроведе тестот вршиме волуметриски пресметки, за да го употребиме соодветниот и за таа намена калибриран вентилаторски систем. Употребуваме мерни уреди Retrtotec DM-2 и Retrotec DM-32, а со помош на преносните компјутери и со софтверскиот пакет FanTestic ги утврдуваме резултатите веднаш по тестирањето. Во случај на незадоволителен резултат на тестот ќе дијагностицираме дали се работи за големи отвори низ кои се создава провевот или за микропукнатини, а во можност сме и да направиме дополнителен таканаречен Air Leakage Test, со што ќе ги лоцираме и обележиме сите места од кои истекува воздух. Од направеното мерење и добиените резултати правиме целосен извештај кој ги содржи сите потребни информации, препораки и сертификати, а во рок од неколку дена по завршување со тестот. На ваков начин клиентот ќе биде сигурен дека ги има сите потребни податоци и упатства за да пристапи кон санирање на недостатоците доколку ги има, или ќе има потврда за квалитетот на објектот. За очекување е дека со санирањето на проблемите кои ќе се лоцираат, ќе се намали неконтролираниот провев за 20% до 30% кај објектите кои се во солидна состојба (ƞ50 = 5h-1 до 7h-1), па се до неколку кратно ПРЕД ПОСЛЕ подобрување за објектите кои се наоѓаат во лоша состојба. Резултатите се посебно изразени кај објекти со големи површини и монтажни фасадни или кровни системи (деловни или производствени објекти со панелни, структурални или стаклени фасади) и кај ваквите објекти подобрувањата и заштедите во греење и ладење најчесто се впечатливо големи. ПРЕД
ПОСЛЕ
Page | 4