g
urean
BADA ZESTOAN
BIZIKLETARAKO ZALETASUNIK, BAI HORIXE.
HORREN
ADIE-
RAZGARRI DIRA ELKARRIZKETA HAU EGITEKO BILDU DITUGUN SEI LAGUNAK:
ARITZ ELUSTONDO, ARKAITZ IZETA, GORKA OLAIZOLA, MIKEL SALEGI, XABIER URRESTILA ETA JOSU URTUBIA OTXUA. BIZIKLETAZALE PORROKATUAK DIRA DENAK ERE, ETA GAZTE-GAZTEAK (14-16 URTE ARTEKOAK). ESKARMENTU HANDIRIK EZ DUTE ORAINDIK, BAINA LANERAKO GOGORIK EZ ZAIE FALTA, ETA HORI IZATEN DA ASKOTAN ARRAKASTAREN GAKOA. URTEAN
ONDARMERITU HANDIAGOA AITORTU BEHAR ZAIE, ORDEA, EGUNA JOAN ETA EGUNA ETORRI BIZIKLETA GAINEAN KILOMETROAK ETA KILOMETROAK EGITEN DITUZTEN SEI LAGUN HAUEI. BEJONDEIELA!
BEHIN EDO BITAN BIZIKLETAZ IBILI ETA HERRIKO JAIETAN
BASORA IGOTZEAK BADU BERE MERITUA, NOLA EZ.
"
NOIZ
ETA NOLATAN SARTU ZINETEN MUNDU
HONETAN?
Gorka: Zumaian txirrindulari gazteen talde bat bazela esan zigun gorputz hezkuntzako irakasleak eta han sartzera animatu gintuen. Hasiera batean, Josuk eta Xabierrek zuten han hasteko asmoa, baina, azkenean, Josuk ezetz esan zuen, eta ni animatu nintzen. Halaxe hasi ginen Xabi eta biok. 1213 urte izango genituen garai hartan. Arkaitz: Ni, berriz, 14 urterekin hasi nintzen, kadeteetan. Xabi eta Gorka nola ibiltzen ziren ikusita, niri ere probatzeko gogoa sortu zitzaidan. Josu: Nik betidanik izan dut txirrindulari talderen batean sartzeko gogoa, baina etxean ez zuten nahi. Azkenean, aurten hasi naiz. Hasi beharra neukan, gazteen mailan –jubeniletan– besteen pare jarri nahi banuen behintzat. Mikel: Aritz eta biok futbolarekin bukatu genuenean hasi ginen honetan, asteburuetan zerbait egite aldera. Gustatu egin zitzaigun eta, beraz, jarraitzea erabaki genuen.
Nahiz eta profesionalak izan ez, den-dena ematen dugu
"
TALDE BEREAN ARITZEN AL ZARETE GUZTIOK? Ez. Arkaitz Azpeitiko LAN MOBEL taldean aritzen da, gazteen mailan; gainerako bostok Zumaiako talde batean gaude –SWISS-FLEXen–, kadeteetan. ASKO ENTRENATZEN AL ZARETE? Nahiko. Ez daukagu entrenamendu ezarririk, geure kontura aritzen gara. Hori bai, entrenatzailea dau-
kagu, baina lasterketetarako soilik. Hau da, esaten digute, bai, gutxi gorabehera zer egin behar dugun, zer komeni zaigun eta abar, baina tarteka hitz egiten dugu haiekin, ez beti. Gure mailetan, ez dago taldeko taktikarik eta bestelakorik. Geure kabuz egiten dugu ia dena. LASTERKETA
ASKOTAN PARTE HAR-
TZEN AL DUZUE URTEAN?
Arkaitz: Martxoko lehenbiziko astean hasten gara eta abuztuan edo irailean bukatzen dugu. Nik bi lasterketa izaten ditut astean, eta besteek bat. Deban, Gasteizen… Hara eta hona ibiltzen gara. LASTERKETA GOGORRAK IZATEN AL DIRA? Arkaitz: Baietz esango nuke. Gure lasterketak 90 kilometro ingurukoak izaten dira, errepidean, eta erritmo gogorrekoak. Batez beste, 38 kilometro egiten ditugu orduko. Mendateak ere izaten dira tartean. Xabier: Guk, berriz, 50-60 kilometro inguruko lasterketak egiten ditugu; batez beste, 35 kilometro orduko. Guk ere izaten ditugu mendateak, baina gutxitan.
ZER-NOLAKO
TXIRRINDULARI GAZ-
EUSKAL HERRIAN? Onak. Noizean behin soilik irabazten digute kanpokoek; normalean, bertakook izaten gara garaile. Nahiz eta profesionalak izan ez, den-dena ematen dugu lasterketetan. Pentsa, ukondoren bat edo beste ere atera izan digute, helmugara lehentxeago iristeagatik. TEAK DAUZKAGU
9
EMAITZA
ONIK LOR-
TU AL DUZUE ORAIN ARTE?
Egia esan, bizikleta lasterketetan ez dugu emaitza aipagarririk lortu. Duatloietan, bai. Lehenbiziko hamarren artean sartu gara, behin edo behin. DUELA
GUTXI, ZUE-
TAKO BATZUK
GALI-
ZIAN IZAN ZARETE, DUATLOI BATEAN PARTE HARTZEN.
ZER
ESPERIENTZIA
BIZI ZENUTEN HAN?
Gorka: Euskal Herriko Selekzioarekin joan ginen Galiziara, bost lagun inguru maila bakoitzetik. Esate baterako, kadeteetatik Xabi eta biok eta Lekeitioko hiru mutil joan ginen. Hango mailak harrituta utzi gintuen, baita hango jende andanak ere. Hemen, jende gutxi biltzen da halakoetan. Galizian, berriz, izugarrizko jendetza bildu zen. Gainera, galiziarrek maila ona erakutsi zuten. Gu geu ere ez ginen gaizki ibili: Xabi hogeita seigarren sartu zen helmugan, eta ni hamargarren. Esperientzia polita izan zen, eta prest geundeke berriro hara joateko. ETORKIZUNARI BEGIRA, ZER ASMO DUZUE? JARRAITZEKO INTENTZIORIK BAI? Bai, oraingoz behintzat ez daukagu bizi-
kletari uzteko asmorik. Gustura ibiltzen gara eta datorren urtean ere ildo beretik jarraitu nahiko genuke. Maila ematen izango ditugu kontuak, gantxoarekin ibili behar! Gazteen mailan sekulako txirrindulariak daude, eta horrek errespetu handia ematen du. Lasterketak bukatzea bera ere ez da gutxi. TXIRRINDULARITZA NAHIKO KIROL GARESTIA DA. LAGUNTZARIK JASOTZEN AL DUZUE HANDIK EDO HEMENDIK? Arropa eta lizentziak ordaintzen dizkigute, gainerako guztia geuk jarri behar izaten dugu. Eskatzen hasita, Zestoan bertan txirrindulari talde bat sortzea nahiko genuke. Txirrindulariak bagaude sobera, baina entrenatzailea falta zaigu. Zestoan, futbolak dauka indarra –entrenatzaileak dituzte, baliabideak–, futbolean jokatu nahi ez duenak ia ez dauka beste aukerarik, herritik irten behar du. Pena da. NOLA UZTARTZEN DITUZUE PARRANDA ETA ENTRENAMENDUAK? BATERAGARRIAK AL DIRA? Denboraldian zehar, parranda gutxi egiten dugu guk; hilabete eta erdian behin, asko jota. Afariren baten aitzakia ez da txarra izaten ondoren parrandara joateko.
I
manol eta Olaia Salegi