Til Åsmund og Venke
Natt kl u bben
Mona Vetrhus
Sebastian Meschenmoser
Veslebjørn, mamma og besta skal sova.
– Heilt til snøen forsvinn og graset kjem att, gjespar mamma.
Men Veslebjørn vil ikkje sova.
– Kvifor må eg sova heile vinteren når Ulf får vera ute? – Ulf skal kikka på månen, seier mamma. – Urettferdig! seier Veslebjørn.
– Veit du kva eg gjorde då eg var ung? spør besta.
– Eg sneik meg ut på nattklubb.
– Kva er ein nattklubb? spør Veslebjørn.
– Det er ein magisk dans under diskokula.
Besta løftar fram ei diskokule og kostar av støvet.
Kula glitrar av sølv.
– Wow, seier Veslebjørn.
– Om eg berre fekk ein siste dans, sukkar besta.
– Ein siste dans?
– Ja, eg er ikkje så ung og sprek lenger, seier besta.
– Er ikkje du sterk som ein grizzly, då? spør Veslebjørn og viser musklar.
– Njo, men det er ti år sidan sist eg dansa, svarar besta.
– Det er sovetid, seier mamma.