KOVAR DICLE
SAL 5
2021/11/30
HEJMAR 25
22
GOTAR
Diclepress13@gmail.com
PARASTINA CEWHERÎ
PARASTINA CEWHERÎ ÇALAKIYA KES BIXWE YE
ZERDEŞT ŞENGALÎ
Têkoşîna mirov a li jiyîn û berde-
wamkirina jiyana xwe du bûyerên wisan in ku ji hev venaqetin û hevdu dimercînin. Weke hebûn mirov çiqas ji xwezayê re xerîb bibe jî girêdanên xwe yên bi
xwezayê re nikare tu carî biqetîne. Ji ber ku mirov berhemeke xwezayê ye û mîna her hebûnî dawiyê de digihê xwezayê û bi wê re dibe yek. Wekî her madeyê di xwezayê de, mirov jî mîna encameke derfetên jiyanê yên ku xweza ji bo mirov çêdike heye. Ger mirovahî zêde dibe û bêyî ku bandoreke çêkirî ya ji hundir û derve ve hebe jiyana xwe demeke dirêj bikaribe berdewam bike, ev, ji ber guncawî û besbûna mercên xwezayê ye.
Mirov, bi qasî bi xwezayê têdigihê û derdixe zanebûnê, dikare ji derfetên jiyanê yên ku xweza dide zêdetir feyde bigire û demeke dirêjtir bijî. Ji ber ku xweza, tevî hemû tevliheviya xwe, bi behre û qabiliyeta fikirandinê ya ku pêşkêşî(dide) mirov dike bingeha bipêşxistina jiyanê û dahûrandina qanûnên xwezayî pêşkêş dike. Xweza, weke hebûnekî/ê her ku ji bo mirov bijî derfet pêşkêş dike mafê jiyankirina mirov heye.
