courant
tel 022 487 3221
Uitgawe 209
die
swartland en weskus
13 Februarie 2013
hugenotestraat 24, malmesbury
Nuwe kliniek gister geopen: Die nuwe kliniek in Wesbank, Malmesbury, is gister amptelik geopen, hoewel dit reeds
sedert Julie 2012 operasioneel is en daagliks ongeveer 300 pasiënte hanteer. Die gesondheidspersoneel het die ys gebreek met 'n inspirerende liedjie 'Through it all'. Lees berig op bl. 3
• tendens van HUISPRYSE wissel na gelang van dorp
Dis ’n kopersmark! Swartlandse huispryse styg die afgelope tien jaar konstant in die Riebeek Vallei en op Malmesbury, maar op dorpe soos Moorreesburg en Yzerfontein het die prys die afgelope paar jaar ietwat gestagneer. Die courant het ondersoek ingestel na die neigings in huispryse in die streek oor die afgelope tien jaar. Vir die doel van ons navorsing gebruik ons die voorbeeld van ‘n tipiese drieslaapkamerhuis, met of sonder ‘n swembad, in ‘n gegoede buurt. Agente by Rawson Eiendomme op Yzerfontein het dit onomwonde gestel dat dit tans ‘n kopersmark is. Die eienaars van Makarios Eiendomme op Moorreesburg, Dries en Sharon van Zyl, sê oor die prys van só 'n drieslaapkamerhuis naby die skole op Moorreesburg, met ‘n swembad en motorhuis, die volgende: "So 'n huis het nege jaar gelede R730 000 gekos en ná die geweldige styging in huispryse in 2007, het dieselfde huis verkoop vir R1,2 miljoen. In die huidige omstandighede sal hierdie huis, sonder noemenswaardige veranderinge soos ‘n ekstra motorhuis of nog ‘n badkamer, teen R850 000 gekoop kan word. “Die huidige kredietwet maak nuwe huisverbande baie moeilik,” sê Sharon. “Sedert dié wet in werking getree het, word ongeveer 80% van alle nuwe aansoeke om huisverbande afgekeur. Die rimpel-effek hiervan vang nie net die voornemende huiskopers en eiendomsagente nie, maar ook die prokureurs wat spesialiseer in huisverbande, asook ander verwante beroepe." In die Riebeek-Vallei sê Gail Friedlander van Pam Golding Eiendomme dat 'n drieslaapkamerhuis in die
Vallei 10 jaar gelede R470 000 tot R500 000 gekos het. Met die geweldige styging in huispryse vyf jaar gelede, het só 'n huis se prys meer as verdubbel tot R1,1 miljoen tot R1,2 miljoen, sonder noemenswaardige verbeteringe. Vanjaar verkoop só 'n huis vir ongeveer R1,5 miljoen tot R1,6 miljoen, sê Friedlander. Sy skryf huidige probleme vir voornemende kopers toe aan die huiwerige benadering wat banke deesdae het wanneer hulle oor huislenings moet besluit. "Behalwe vir die ekonomiese situasie wêreldwyd, was elektrisiteit en water destyds relatief goedkoop - ons was onder die wêreld se goedkoopstes wat water en elektrisiteit betref. Vandag is die prentjie anders, met Suid-Afrika een van die duurstes! Verder is die munisipale tariewe ook veel hoër as vroeër." Rawson Eiendomme op Yzerfontein se navorsing oor die verandering in huispryse in hulle omgewing dui daarop dat ‘n drieslaapkamerhuis in ‘n goeie en veilige buurt tien jaar gelede R475 000 sou kos, vyf jaar later (in 2007) meer as verdubbel het teen R1,4 miljoen en dat die prys nou stagneer teen R1,4 miljoen. Marijanne van Nieuwenhoven en Heleen Plaskitt skryf dié swak groei die afgelope vyf jaar toe aan die swak ekonomiese toestande waardeur ons is: "Banke staan nie meer so geredelik verbande toe nie en weens FICA–wetgewing, waarvolgens die koper se besteebare inkomste deeglik geëvalueer word om dit vir hom moontlik te maak om binne vermoë die paaiement op ‘n verband te kan betaal. Ons beleef op die oomblik ‘n kopersmark. Belangstelling in eiendomme het sta-
dig maar seker weer positief begin swaai. Navrae en verkope is die afgelope ses maande beter. “Probeer soveel moontlik spaar vir ‘n goeie deposito – ten minste 10% van die koopprys. Indien jy gebruik gaan maak van ‘n verband, sorg dat jy ‘n skoon kredietrekord het," beveel hulle aan. Top Eiendomme op Malmesbury se verkoopsyfers vir 'n drieslaapkamerhuis in die Bergzicht-area, met twee badkamers en 'n enkelgarage lyk só: R315 000 vir 2004; R650 000 in 2007 en R730 000 in 2011. "Vanjaar sal dié huis vir R800 000 kon verkoop," sê die prinsipaal, Derick van Zyl. Van Zyl reken egter dat daar nie nét slegte nuus vir huiskopers is nie: "Die rentekoerse is beslis nou op sy laagste. Ons weet nie hoe lank dit nog so laag gaan bly nie, maar van nou af kan dit net styg. Onthou net dat hoewel pryse altyd sal fluktueer; 'n belegging in eiendom nog steeds een van die beste beleggings bly! Die huismark in die R700 000 tot R1 miljoen-mark raak al besiger. Ons verkope op Malmesbury het teen die middel van 2012 begin verbeter - alles goeie tekens." Volgens Van Zyl is die beste raad vir voornemende huiskopers om aanvanklik te soek na kleiner eiendomme met potensiaal vir uitbreiding en verbeterings, soos die bou van ‘n tweede garage. "Moenie as eerste koper jou visier te hoog stel, deur van die begin af in 'n droom-area te moet koop nie! Spaar vir 'n deposito en begin aanvanklik kleiner." Hy voorsien dat die pryse van eiendomme voortaan al hoe duurder sal raak.
NUUS•News
2
13 Februarie 2013
Darling Music Experience Links: Voor sing Mariëtte Frans, Cathy la Cock, Mia Steenkamp (half verskuil) en Elise Steyn. Agter is Maggi Fowle en Clive Basson
Bo: Darling Kollege se skoolkoor tydens hul optrede by die Darling Music Experience, ‘n musiekfees met konserte op verskillende plekke in die Swartland. Dit het die afgelope Vrydag begin en duur tot Sondag.
Links: Charl Thompson, Robert Bezuidenhout, Gojene Sias en Candice Stewart gedurende hul optrede.
Links: Komiteelede van die Darling Music Experience is Judy Wood, Alfred Legner en Juliet Brown.
STRENG KRITERIA TOEGEPAS
Darling LS adverteer hoofpos 5de keer Die pos van skoolhoof by Laerskool Darling word tans vir die vyfde keer die afgelope 20 maande geadverteer. Die eerste vier rondes kon nie ‘n suksesvolle aanstelling oplewer nie. Johannes Mouton van die departement van onderwys se kringkantoor op Malmesbury het bevestig dat die pos ‘n vyfde keer geadverteer word. Jeff Jantjies, voorsitter van Laerskool Darling se beheerliggaam, het aan die courant gesê daar is ná die onderhoude gedurende die vierde ronde einde verlede jaar op ‘n kandidaat besluit. “Ons het ons benoeming deurgestuur na die Wes-Kaapse Onderwysdepartement, wat dit moet bekragtig. “Ons het egter einde Desember ‘n skrywe van hulle ontvang dat die kandidaat nie aanvaarbaar is nie en dat die pos weer geadverteer moet word. Dit is die departement se prerogatief om iemand aan te stel. Al wat ons kan doen, is om iemand te nomineer,” het Jantjies aan die courant gesê. Op die vraag of daar goeie kandidate aansoek gedoen het, het hy gesê: “Uit die aard van
Laerskool Darling, waar die pos van skoolhoof nou vir die vyfde keer die afgelope 20 maande geadverteer word.
die saak het ons ‘n aanbeveling gemaak. As ons ongelukkig was, sou ons nie.” Jantjies sê die jongste beplanning is om teen 1 April ‘n hoof vas aan te stel by Laerskool Darling. Paddy Attwell, woordvoerder van die departement, het vroeër aan die courant gesê: “Die WKOD pas streng kriteria toe vir die pos van skoolhoof en sal nie ‘n aanstelling doen tensy hy tevrede is dat die kandidaat die beste persoon vir die pos is nie.” Die WKOD het die pos die eerste keer in Julie 2011 geadverteer, maar nie een kandidaat kon meer as 60% behaal in die keuringsproses nie, wat onvoldoende is. Die pos is in Februarie 2012 weer geadverteer. Hierdie keer het net een kandidaat aansoek gedoen. Die WKOD het toe weer in April 2012 geadverteer. Die vier kandidate wat aansoek gedoen het, het hul aansoeke egter teruggetrek, volgens Attwell. In Oktober 2012 is die pos toe vir ‘n vierde keer geadverteer, en na ‘n onsuksesvolle aanstellingspoging word daar tans vir die vyfde keer aansoeke ingewag.
3
NUUS•News
13 Februarie 2013
Minister open nuwe Kliniek
‘Beste fasiliteit is ons mense’ “Die mediese dagsorgsentrum op Malmesbury het wêreldklas toerusting en fasiliteite, dus kan die gemeenskap trots wees op dié nuwe kliniek in hul midde,” was die strekking toe die nuwe kliniek in Jakarandastraat gister amptelik geopen is. Die burgemeesters van die Swartland Munisipaliteit en die Weskusdistriksmunisipaliteit, raadslede, die argitek wat dié moderne gebou ontwerp het, asook belangrike rolspelers in die departemente wat vir die bou en instandhou ding van die R33 miljoen-kliniek verantwoordelik is, was teenwoordig. Tydens sy openingsrede het die minister van gesondheid in die Wes-Kaapse departement, Theuns Botha, klem gelê op die voorvereiste wat die departement daarop stel dat elke pasiënt wat ‘n mediese kliniek besoek, ‘n positiewe ondervinding moet hê. “Daarom is dit die uitgawes werd om mo derne, goed verligte geboue te skep sodat ons eerstens ‘n positiewe gesondheidsomgewing kan skep waarbinne pasiënte behandel kan word. “Ons personeel word opgelei om met dieselfde positiewe gesindheid die pasiënte te hanteer. Aansluitend hierby het ons ‘n sms-stelsel in plek, waar pasiënte hul klagtes en griewe kan inbring as die behandeling nie na wense is nie.” “Die departement van gesondheid het in die laaste jaar 4 000 meer personeellede aangestel en het nou meer as 30 000 personeellede op sy datalys. Ons het jaarliks 15 miljoen pasiënt-aksies in ons klinieke, met ‘n addisionele 4 miljoen kontakte aan tuissorg-pasiënte. “Die siekteprofiel is aan die verander – ons sien ‘n 30%-styging in die voorkoms van geestessiektes; ‘n direkte gevolg van drank- en dwelmmisbruik. Dit plaas nie net druk op ons hui dige gesondheidstelsel nie, maar die samewerking van die plaaslike regering in elke dorp is baie noodsaaklik. “Die leiers van die twee munisipaliteite (SM en WKDM) moet asseblief hande vat met die de-
partement van gesondheid en ook voorkomend werk om die groei in drank- en dwelmmisbruik te stuit.” Laastens het Botha ‘n uitdaging aan die gemeenskap gerig deur te vra dat die dagsorgsentrum soos ‘n ‘monument van die gemeenskap’ beskou sal word en nie geplunder word nie. “Dit spreek boekdele as ‘n gemeenskap trots is op sy geriewe en dit vir jare lank netjies in stand hou! Ons beste fasiliteit is ons mense!” Professor Graig Househam, die hoof van gesondheid in die Wes-Kaapse departement, het verwys na die gebrekkige kliniekgeriewe waarin die personeel en pasiënte voorheen moes werk en die groot verskil wat die nuwe gebou met sy groen beginsels, moderne ontwerp en hope natuurlik lig nou bied. “Ek wil hiervoor dankie sê aan elke belastingbetaler, want iemand moet tog hiervoor betaal! Soos al meer mense na die Wes-Kaap stroom (ook baie Suid-Afrikaners, nie net buitelanders nie) raak die behoeftes aan nuwe geriewe al groter. As elke persoon sy deel doen en sy belasting betaal, dan rek ons almal saam die gesondheidsrand!”
Skool se eerste dokters: Wesbank Sekondêr in Malmesbury het sy eer-
ste twee mediese dokters opgelewer. Hulle is albei die seuns van die skoolhoof, Reginald Kortje (links), en sy vrou, Gail, Afrikaans-onderwyseres by dieselfde skool. Gershwin (25) het verlede jaar as dokter gekwalifiseer, en Renaldo (27) Kortje, het in 2009 reeds dokter geword. Gershwin werk tans by die Groote Schuur-hospitaal in Kaapstad en Renaldo by die daghospitaal op Worcester.
Hannelie van der Westhuizen (PGS bestuurder: Swartland en Bergrivier sub-distrikte), Maryna Smith (Distrik-gesondheidsraadvoorsitter), Theuns Botha (minister van gesondheid) en Tijmen van Essen (burgemeester) tydens die onthulling van die gedenkplaat.
menings•opinion
courant
13 Februarie 2013
die
4
Rek die kollektiewe rand
Dieselfde storie oor en oor. Dit is so, maar soms nodig om weer en weer te hoor. En hou aan droom. Met die opening gister van die nuwe kliniek in Wesbank is ‘n paar weer geopper: Om die gesondheidsrand te rek, moet elkeen sy deeltjie doen en sy belastings betaal. Om tuis dop te hou waarna jou kinders op TV en DVD kyk. Só kan jy jou kinders én die gemeenskap help om waardes in stand te hou. Om eenvoudige planne te maak om druk op ons hulpbronne te verlaag. Ry saam met ‘n ryklub, skakel onnodige elektriese toestelle af en gebruik jou oop grond om tuin te maak en self weer kruie en groente te kweek. Dr. Danie Schoeman van die departement gesondheid op Malmesbury het verwys na die nuwe kliniek wat eers as ‘n droom begin het, en deur vele uitdagings moes gaan voordat die eerste sooi gespit kon word. Die minister van gesondheid in die Wes-Kaap, Theuns Botha, sê sy droom is om binnekort dit vir elke Wes-Kapenaar moontlik te maak om minstens een keer per jaar ‘n roetine-mediese ondersoek te ondergaan voordat iemand siek raak. ‘n Duur droom, wat vergesog klink, maar wie weet? As almal saamwerk aan daardie kollektiewe gesondheidsrand, elkeen sy bydrae lewer en vermorsing bekamp, is daardie droom straks moontlik en ook nié so ver in die toekoms nie!
Lafenis:
Baie Swartlanders soek nou gereeld die lafenis van die Weskus op, waar tonele soos hierdie een op Langebaan besoekers begroet.
‘My nooi is in my hartjie, my ouma ‘n kameel’
Dis goeie nuus
deur dr. Andrew Bosman
Hierdie keer sal ek die Here loof
Die geskiedenis van Jakob en die vroue met wie hy getrou het, het ook ‘n besondere betekenis. Jakob het na Haran gevlug weg van sy broer Esau af. Hy het by Laban, sy oom aan moederskant, gekom. Hy het sewe jaar by Laban vir sy dogter Ragel gewerk, maar Laban het Lea aan hom gegee. Daarna ook Ragel, want dit was nie hulle gewoonte om die jongste voor die oudste te laat trou nie. Toe die Here sien dat Lea die nie-geliefde is, het Hy haar skoot geopen, maar Ragel was onvrugbaar. Lea het swanger geword en ‘n seun gebaar en hom Ruben genoem, want sy het gesê dat die Here haar ellende gesien het, “en nou sal my man my liefhê”. So het sy ‘n tweede en ‘n derde seun in die wêreld gebring, ook met die hoop dat haar man haar sou liefhê. Toe Lea ‘n vierde seun het, het sy gesê: “Hierdie keer sal ek die Here loof”. Jesus kom uit die stam van Juda. Die een wat Lea aan die Here opgedra het.
‘My nooi is in ‘n nartjie, my ouma is in kaneel’ - daardie Jan de Wetliedjie beeld die sterk assosiasie wat geure en reuke met sekere oomblikke verbind, so mooi uit. Hoe sterker die ervaring, hoe groter sal die onthou en assosiasie met die reuk wees. Toe ek gisteraand verby ‘n Frangipani-struik stap, voel my hart en my gees skielik 19 jaar jonk. Met sy lieflike, soet reuk verplaas dit my na dooptyd by die Universiteit van Stellenbosch, toe ek as eerstejaar uit die platteland dié fraai blommetjie leer ken het. Frangipaniblom in my hare, frangipaniblom gepars in elke moontlike boek, pienk en geel bome op die hoek van die Wilcocks-gebou, waar ek soggens moes verby draf vir klas. As die wit katjiepiering voorbarig buite seisoen begin blom en sy skerp reuk deur my huis sprei, onthou ek my eerste werk op Worcester, met my ma se geskenkruikertjie van dié welriekende blommetjies op my lessenaar. Dink aan babapoeier wat die vermoë het om ‘Ag Moeder!’ te ontlok, al is geen baba in sig nie, of dat die geur van huiskos ‘n mens laat tuis voel, asof die ouma van die familie jou daar inwag, met haar voorskoot en ‘n moeder-
like druk, net omdat die geure vir dáárdie assosiasie sorg. As ons geblinddoek deur ‘n dag moes gaan, sou ons seker verbaas wees oor hoe geure en reuke ons help om onsself te oriënteer. Elkeen van my kinders het sy eie spesiale reukie, Dana Snyman kan nooit genoeg skryf oor die reuk van Cobra vloerpolitoer nie, die vars waatlemoenreuk verplaas ‘n mens onwillekeurig na somersaande op die strand/plaas/grasperk, met dikwels die gesmeer van die waswit skil sodra die rooi soetheid verorber en die pitjies ver weg geskiet is. Daardie skatryk vreugde van varsgesnyde gras en die eerste reëndruppels op die warm stof-
aarde kan nie met geld gekoop word nie, en so ook nie die heerlikheid van vars gebakte brood met ‘n smeer van jou keuse nie. Maar soos dit oral in die lewe gaan, is die sterk geure-assosiasie nie altyd aangenaam nie: Terwyl ek in Tygerberg-hospitaal gewerk het, was ek oortuig daarvan dat die reuk van ortopediese sale, waar die metaal-hulpmiddels met ‘n bruin ghrieserige lagie gesmeer is en waar sesweke-oue gips gereeld verwyder moes word (!), by my sal spook tot die dag van my dood! Maar nou begin ek wonder of dié reuke waarmee mense my assosieer, altyd net positief is. Ge stel net my huis ruik na huiskos of filterkoffie en ek is nie goeie geselskap nie, maar stug en bot? Of my tuin ruik na lenteblomme maar die spreekwoordelike slang in die gras maak dat mense nie lekker ontspan in my omgewing nie? Dan raak die assosiasie dalk uit rat met die geure, en onthou mense eerder die verdraaide ‘My nooi is in my hartjie, my ouma ‘n kameel!’ - iets wat ek graag tot elke prys wil voorkom! *Lesers word genooi om vir ons bydraes van nagenoeg 500 woorde te lewer. Die redakteur behou hom die reg voor om oor die publikasie van bydraes te besluit.
nuus • news 13 Februarie 2013
Amanda Dinsdag in die Swartland
Een van die grootste teatername in Suid-Afrika, Amanda Strydom, is eerskomende Dinsdagaand op ‘n Swartlandse verhoog te sien in die stuk “Voor ek vergeet”. Voor ek vergeet" is die aangrypende verhaal van ‘n ma en seun, met Strydom, en Hannes van Wyk, wat op 19 Februarie om 20:00 in die De Bron Groot Teater se verhoog op Malmesbury optree. “Voor ek vergeet”... is ‘n reistog van geloof, hoop en liefde wat ma en seun saam aanpak, lui ‘n mediaverklaring van M4 Events & Promotions oor wat Swartlanders van die stuk te wagte kan wees. Gert van Niekerk is die regisseur. Die stuk is deurvleg met verrassende elemente wat die gehoor die heeltyd boei. “Voor ek vergeet”... beloof baie deernisvolle situasies, baie lag en ook trane. Strydom het die rol van Hendrien Botha aanvaar, en met hierdie produksie sal sy vir die eerste keer in 30 jaar haar buiging op die Suid-Afrikaanse verhoog maak as ‘n aktrise in ‘n drama. “Ek het die pragtige en deernisvolle teks van Karen Marx gelees en onmiddellik vir die vervaardigers van die stuk laat weet dat ek hierdie rol baie
graag wil vertolk. Ek is al so lankal lus om weer as aktrise ‘n storie te vertel, om ‘n karakter te word, en ‘Voor ek vergeet’... is perfek vir my. “Die een uitdaging van die stuk is dat ek ‘n ma gaan speel, wat ek nie is nie, maar ek verstaan tog die komplekse verhoudings van ma’s en kinders. Ook is my karakter ongeveer 15 jaar ouer as wat ek nou is – so ek gaan ook hier ‘n paar van my vrese in die gesig moet staar.” Hannes van Wyk, beter bekend as Krynauw in “Egoli” en Len in “Sewende Laan”, speel die rol van Hendrien se seun, Johan Botha. Die teks is luidens die mediaverklaring losweg gebaseer op van sy ondervindinge en hy loop al baie lank met hierdie storie in sy kop rond. “Ek speel al so lank net die slegte seun, die slegte man, en mense wat my in die straat kry is altyd verbaas as ek vir hulle glimlag. Dalk kry ek nou die kans om met die nuwe karakter vir mense te wys dat ek nie so sleg is nie.” Kaartjies teen R100 stuk by Superfoto in die De Bronsentrum op Malmesbury, of by Huis Aandskemering by Pleinstraat 6, Malmesbury, of bel M4 Events & Promotions by 022-4872000 om ‘n navraag te rig.
Wenners van kaartjies vir Amanda Die vyf wenners van dubbelkaartjies elk vir die vertoning van Amanda Strydom op 19 Februarie (Voor ek vergeet) is: Eduard Visser (Hermon);
Lorraine Coetzee (Moorreesburg); Vina van Zyl (Malmesbury); Richard Steinhäuser (Malmesbury) en Claude Roux (Riebeek-Kasteel).
Toerisme: Swartland Toerisme het verlede week in Malmesbury vergader en is agter
van links: Ilze Groenewald (Malmesbury Toerisme); Johno Blunt (Riebeek-Vallei Toerisme); Mia Louw (Malmesbury Toerisme en bestuurskomitee van die Kaapse Weskus Swartland Toerisme); Willem Badenhorst (Yzerfontein Toerisme); Felicia Hefke (Riebeek-Vallei Toerisme); James van der Walt (Moorreesburg/Koringberg Toerisme); Leane Koegelenberg (Yzerfontein Toerisme); Paul Darne (Darling Toerisme); Ilse Loock (Swartland Munisipaliteit) en raadslid Ben Geel (Swartland Munisipaliteit). Voor is Jolene Janse van Rensburg (onder-voorsitter van die Weskus Swartland Toerisme); Henriëtta Bester (ondervoorsitter van die Kaapse Weskus Swartland Toerisme) en Greta Wilson (streektoerismebeampte). Jolene is ook die voorsitter van die Santam Swartland wyn- en olyfroete.
Nuwe bestuur:
Kontreispens op Malmesbury staan sedert verlede week onder nuwe bestuur. Hierdie groepie vriendinne het die nuwe Kontreispens beproef: Van links is Alta Venter, Bea Liebenberg, Mariëtte Malan, Annalene Hanekom en Wilma Jooste.
5
Voor ek vergeet Amanda Strydom (regs) en Hannes van Wyk (links), beter bekend as Krynauw in “Egoli” en Len in “Sewende Laan”, speel eerskomende Dinsdagaand op 'n Malmesbury-verhoog.
nuus • news
6
Porterville-koor maak skoonskip:
Die VGK Jeugkoor van Porterville het skoonskip gemaak by die 10de ATKV/Rapport Suidoosterfees, toe hulle as die algehele wenners van die Korekompetisie aangewys is. Dié kompetisie in die Kaapse Stadsaal het belangstelling vanoor die hele Wes-Kaap gelok. Kore kon deelneem in 5 kategorieë, waarvan die Porterville-koor uiteindelik met die louere in die gemengde kore-afdeling weggestap het! Elke koor moes twee liedere sing, waarvan een ‘n Afrikaanse ligte liedjie moes wees. ‘Die Gebed’ van Koos du Plessis en die immergewilde volksliedjie ‘Kan ‘n man dan nie’, het aan die Jeugkoor ‘n staande ovasie van beide die gehoor en die beoordelaars besorg. Die koor staan onder leiding van Fabion Smith en word begelei deur Alfred Otto. Marcelein Marthinus assisteer.
13 Februarie 2013
Tennis:
Corin de Waal van Laerskool Dirkie Uys op Moorreesburg het in November en Desember verlede jaar as deel van 'n SA toergroep aan verskeide tennistoernooie in Florida, Amerika deelgeneem. Daar was sy tydens twee toernooie die naaswenner in die dogters o.12 finaal, naamlik Casely international en Little Mo. Terug in SA, het sy in Januarie deelgeneem aan die OP Keyhealth en Grens Keyhealth. In Oos-Londen het sy die dubbels vir dogters 0.14 gewen en in Port Elizabeth was sy die naaswenner in die enkelspel vir dogters 0.14.
Swempryse: Pierre du Preez (links) is as die Hoërskool Dirkie Uys op Moorreesburg se Senior Victor Ludorum aangewys en Claudia Rhoode as die Senior Victrix Ludorum, na afloop van die skool se kleurebyeenkoms vir atletiek.
Presteerders op die Hoërskool Dirkie Uys op Moorreesburg se swemgala was van links Willie Hanekom (Junior Victor Ludorum), Hendrie Hanekom (Senior Victor Ludorum), Claudia Rhoode (Senior Victrix Ludorum) en Lenka de Waal (Junior Victrix Ludorum).
nuus • news
7
13 Februarie 2013
Renelda Scholtz van Hoërskool Swartland versnel op die Twilight-gala die afgelope Donderdag in Malmesbury se munisipale swembad.
Hanru du Plessis van Hoërskool Swartland klief deur die water op die Twilight-gala die afgelope Donderdag in Malmesbury se munisipale swembad.
Darling:
Hierdie atlete van die Darling Kollege het deurgedring na die Swartland Atletiekbyeenkoms. Hanlo Wealey, JP Groenewald en Anneke Steyn het presteer in gewigstoot. Anneke het die rekord gebreek tydens die jaarlikse Privaatskool Atletiekbyeenkoms, waar Darling, CPM en Topolino teen mekaar meegeding het.
Vereer:
Frank Myburgh, oud-onderhoof van Hoërskool Swartland en gewese SA-swemkampioen, word vereer voordat hy die Twilight-gala op Malmesbury geopen het.
vermaak•entertainment
8
13 Februarie 2013
Vinnige Valentyntert
Bestanddele: (Net 3) 1 Liter Aarbeigeur-joghurt 1 blikkie kondensmelk 1 pakkie tennisbeskuitjies Metode: Druk tennisbeskuitjies fyn en maak kors daarvan in jou mikrogolfbestande tertbak Meng joghurt en kondensmelk
Giet bo-oor kors. Mikrogolf op hoog vir 4 minute Laat koel af en sit in yskas tot koud. Heerlik en vinnig. Ns. Onthou om môre jou Valentyn te bederf!
deur dr. Andrew Bosman
swartland events/kalender Dit is verpligtend vir alle klubs wat hierdie seisoen aan die Weskus-liga wil deelneem. Vir navrae rakende klubs in u area, kontak gerus vir Marieta Coetzee by 082-959 8000, of om enige navraag te rig.
Musiekfees in Swartland Tot 17 Februarie - Die Darling Music Experience is ‘n reeks klein konserte vir liefhebbers van sowel klassieke as populêre musiek. Die konserte sal aangebied word op wynplase, in Darling se Presbiteriaanse Kerk, plaasskure. Dit sluit in die Maritz Studio en Planet Art Creative Center op Darling, die !Khwa ttu San-sentrum en Strandkombuis by Yzerfontein, Groote Post by Darling en Myrtledene op Malmesbury. Vir nader inligting oor die Darling Music Experience besoek die webwerf www.darlingmusic.org.
Wêreld-skermsweefbyeenkoms 23 Februarie tot 2 Maart - Een van die ses byeenkomste in die jaarlikse Wêreldbekerreeks in skermsweef word by Porterville aangebied. Benewens Suid-Afrika se bestes word deelnemers uit lande soos Frankryk, Switserland, Amerika, Duitsland, Venezuela, Spanje, Portugal en Skandinawië verwag. Die wêreldrekord word tans gehou deur Nevil Hulett, wat vyf jaar gelede ‘n afstand van oor die 502 km afgelê het.
VLV-byeenkoms gesels oor voeding 13 Februarie - Die Malmesbury-VLV vergader in die Mount Royal Golflandgoed om 9:15. Karen Thompson van HELP (Harmony Eating and Lifestyle-program) praat oor die holistiese lewenswyse en regte eetgewoontes. Koste: R20 per persoon vir nie-lede, maar almal is welkom. Bespreek by Jeanette Orchard 071 643 5805 en lees meer by www.helpdiet.co.za Jannie Mouton op Moorreesburg 14 Februarie - Die sakemagnaat Jannie Mouton, voorsitter en stigter van PSG, is die hoofspreker op die Swartland Kleingraan-Ontwikkelingsgroep (Skog) se Voorsaaidag in die Moorreesburg stadsaal. Die onderwerp van sy toespraak is: “Sukses in uitdagende tye”. Verskeie ander sprekers sal optree. Diegene wat die Voorsaaidag wil bywoon, kan vanaf 8:00 teen R100 registreer. Die opening en verwelkoming is om 9:00, waarna Mouton aan die beurt sal kom. Die verrigtinge duur tot omstreeks 13:00. Oorskietwol vir Kansa 15 Februarie - Sonnet van die Kansa-kantoor ontvang vandag alle oorskietwol vir die brei van knie-kombersies vir die kankerpasiënte van die streek. Kansa nooi almal om betrokke te raak by hierdie omgee-projek. Skakel 022 482 1111 vir meer inligting. A Nite under the stars 16 Februarie - Verskeie bekende kunstenaars, jazz-groep en DJ tree op in die Malmesbury-stadsaal om 19:30. Dit is ‘n fondsinsamelingsfunksie vir die West Coast Community Foundation. Dit sluit in mengeldrankies met aankoms en driegangmaaltyd.
Bootsale / Markdag op Moorreesburg 23 Februarie - Moorreesburg & Koringberg Toerisme bied hul maandelikse verkopings aan by die Museumterrein vanaf 08:00 - 13:00 Inskrywingsfooi is R30 per stalletjie. Kontak Annelize Cordon by 022 433 1072 of 082 574 0357 om ‘n navraag te rig.
Bel Magaret Tippens vir meer inligting by 022 4821993. Aglow meeting 16 February - Aglow Malmesbury will be having their meeting at 16:00 at House of Prayer, Nywerheidsingel, Malmesbury. The Word and testimony will be shared by Franco Bocks. For more information phone Elaine Walker at 02248 24782. Off-Road racing near Riebeek 16 February - the Western Cape Off-Road Club will be hosting round one of their Western cape bike and quads off-road championship at the farm Langkoolf, 10km outside Riebeek West. Social riders and riders who would like to start racing welcome. Food and refreshments available. Spectators are welcome. For further info see www.westerncapeoffroad.co.za or call Clive Crouse on 082 900 1334 or Craig van Rensburg on 083 272 3513
Wedloop op Moorreesburg 2 Maart - Die Swartland Atletiekkklub bied aan ‘n halfmarathon (21,1 km), wat om 7:00 wegspring, ‘n 10 km om 7:15 en ‘n pretloop wat om 7:30 begin by die Gene Louw Sportgronde. Besoek die webwerf www.swartlandac.co.za of bel Dienie Truter by 082 895 8395 of 022 433 1895 om navraag te rig. Kerkdiens op Malmesbury 17 Februarie - Die AGS Corpus Christi hou hul oggenddiens om 09:30, met die titel: ‘Voorspoed Van die Goddelose In Perspektief’ deur past. Piet Smit Die aanddiens om 18:30 is ‘n gesinsdiens in die vorm van DVD-vertoning. Skakel 073 447 2902 ten einde navraag te rig. Musiekuitvoering op Malmesbury 17 Februarie - Die NG Moederkerk op Malmesbury hou ‘n uitvoering met hul 74-jarige orrel en ander instrumente (viool, klavier en fluit) om 18:30. Hierdie ‘Musical Soirée’ herdenk die gemeente se historiese erfenis en daar word gehoop om hierdie uitvoerings ‘n gereelde geleentheid te maak! Slegs ‘n sagte kollekte vir die orrelfonds. Weskus Netbalunie Algemene Jaarvergadering 20 Februarie - Die eerste algemene vergadering om 19:00 by die Koringmuseum in Moorreesburg.
Relay For Life op Malmesbury 2 tot 3 Maart. Dié jaarlikse geleentheid van die kankervereniging by Hoërskool Swartland se A-veld. Spanregistrasies beloop R500 per span (10 tot 15 lede - R33.34 per spanlid). Kontak Megan Lesch by 022 482-4658/ 073 215 0186 en Anna Lesch by 022 482-2087 vir luminaria-sakkies @ R10 elk. Alle kanker-oorwinnaars word uitgenooi na die ete/bederf die middag voor die Relay begin. Om te registreer, sms/skakel Sarie Nell by 076 528 2955, of ‘n navraag te rig. Hardloop op Malmesbury Die Altech Autopage Swartland Atletiekklub bied elke Dinsdag om 18:00 ‘n tydtoets/draf/ stap aan by die park in Toscastraat, Panorama, Malmesbury. Almal welkom. Kontak Zelda Burger by 022-482-8000 of Laura Schreuder: 073-888-5014 om ‘n navraag te rig.
NUUS•News
9
13 Februarie 2013
Langebaan, Vredenburg & Malmesbury
THE
bIG PrICE DroP
Garnish and décor not included
Pryswenner:
Alet Marais (regs) van Malmesbury ontvang haar prys in die courant se Valentynskompetisie, 'n moderne sonbril ter waarde van R850, van Karin Albertyn (links) van Hattingh Oogkundiges op Malmesbury. Die volledige lys wenners is in die berig hier onder.
2899
5999
PnP no nametM Fresh Chicken Braaipacks 5, 10 or 16 Piece per kg
Bulk Lamb Packs (Consists of Chops, stew Cuts, riblets and roasts)
Wenners in ons Valentynskompetisie Die wenners in die courant se Valentynskompetisie word vandag aangekondig. Die wenners is: 'n Moderne sonbril van Hattingh Oogkundiges ter waarde van R850: Alet Marais van Malmesbury; 'n Heerlike ete vir twee by Cherry Lane: Heidi van der Westhuizen (Malmesbury);'n bottel Cuvee Brut van die Swartland Wynkelder: Bernadene la Grange (Moorreesburg); 'n geskenkbewys van R150 van Brito's: Melany van der Merwe (River-
lands); R150 se blomme van Henry's Bloemiste: Lizl Kotze (Malmesbury); Mountain Creek Spur op Piketberg gee 'n geskenbewys van R250.00 aan Jackie Ferguson (Piketberg); Sabino Canyon Spur skenk 'n R200-geskenkbewys aan E Jacobus (Malmesbury); Sabino Canyon Spur gee ook R200 aan Mariette Burger (Malmesbury). Baie geluk en ‘n gelukkige Valentynsdag aan al ons pryswenners en baie dankie aan al ons borge!
buy 2 for
2799
2000 PnP sweetcorn 4s
Medium Potatoes 1st Grade 7kg
Garnish and décor not included
399
649 elk
PnP Toebroodjieham 100g
PnP Vars Melk Verskeie 1 liter
Voëlkykers:
Tydens die voëlkykkursus by die Malmesbury biblioteek, het dr Anton Odendal van Birdlife Overberg aan ongeveer 30 belangstellendes 'n kursus in voël-identifisering aangebied. Mense vanaf Tulbagh en die res van die Swartland het dit bygewoon. By Odendal (links agter op die foto), is van links Marlene Taylor, Julitta van Huffel, Gary Brown, Annelize Cordon, Johannes Hendricks en Karin Theron.
buy 3 GET 1 frEE
749
595
each
Imitation Cream Doughnut
Sasko White Toastie loaf 700g
Moorreesburg-buurtwag:
Die Moorreesburg SAPD het onlangs erkenning en sertifikate van die Buurtwag van die omgewing gegee vir hulle goeie, harde werk wat hul vrywillig lewer. Die buurtwaglede is links agter A/O Hugo Meyer, Willem Kotze, Lt Kol Andrew Williams, Jaco Benjamin en Kevin Persens (Voorsitter). Voor links is Christiaan Adonis, Hanselie Swarts, Elize Benjamin, Linda April, Danwell Bergman, Malie Cloete en Christoline Markus.
Vennootskap:
Die Weskus Kollege en W&R Seta het 'n vennootskap gevorm wat aan afgestudeerde studente die geleentheid bied om ervaring in die werksplek op te doen. Op die foto is Jillian Britton, (middel, kantoor-admin-student,) besig om waardevolle wenke en hulp by die personeellede van Waltons Malmesbury te kry, Danhaline Daniels en Jean Arendse.
3899
2949 Sunfoil sonneblomolie 2 liter
twinsaver enkellaag Toiletpapier 15s
always there for you.
PLuS EArN PoINTS
PRICeS VaLID 14 - 17 FeBRuaRY 2013 AT PICk N PAy LANGEbAAN, VrEDENburG & MALMESbury oNLy www.picknpay.co.za
Please Recycle
CuStoMeR CaRe
Toll Free: 0800 11 22 88 (lAndline only. CellPhone rATes APPly)
Pick n Pay endeavours to meet the demand for these promotional items, but stocks are limited. Some stores may not stock some of these products. Please check availability: 0800 11 22 88 (toll free landline only. Cell phone rates apply). We strive to ensure all printed information is correct, but will not be liable for any print errors that may occur. Advertised prices are inclusive of VAT where applicable. We reserve the right to limit quantities. smart shopper terms and conditions apply. Certain products are excluded from the smart shopper programme, please see in store or go online for more details.
9884M_Bil
10
CPM
13 Februarie 2013
Moderne rekenaarlokaal: Die Christelike Privaatskool op Malmesbury het ‘n nuut opgegradeerde rekenaarlokaal in gebruik geneem. Lené Voigt, 'n graad 7-leerder, is hier aan die werk op een van die rekenaars. Die rekenaarlokaal beskik nou oor Windows 8 en Office 2013.
Sport is ‘n belangrike van CPM se opvoeding.
CPM
11
13 Februarie 2013
CPM met gesogte toekenning vereer Die Christelike Privaatskool op Malmesbury met sy meer as 200 leerders, is pas aangewys as die wenners van 'n opname deur PMR Africa, 'n maatskappy wat opnames en studies doen oor elke moontlike onderwerp regoor die hele SuidAfrika tot in Mauritius. Dié toekenning as 'hoogste waarde in die besigheids-afdeling' in die Kaapse Weskus-streek beteken baie vir dié skool en CPM kan dit voortaan in sy bemarkingstrategie aanwend. "Ons skool het gewen in die afdeling: Besigheidsektor: Privaatskole in die Kaapse Weskusstreek," sê die CPM-hoof, Willie Taylor. "Gebaseer op 'n algemene peiling het ons 4,25 uit die hoogste punt van 5 gekry. Hiervoor sal ons die 'Diamond Arrow Award' ontvang by 'n funksie in April. Die CPM het in 1999 ontstaan en in die eer ste jare sy klasse in 'n huis naby die middedorp
ingerig. Reeds van die begin af is baie moeite gedoen om elke kind maksimaal te ontwikkel en aan soveel as moontlik sportsoorte bloot te stel. Teen Maart 2003 het die CPM na sy huidige skoolgebou teen die N7 verhuis en het van toe af geskiedenis gemaak met sy ontwikkeling en groei: "In die laaste tien jaar het ons ons fasiliteite behoorlik verdubbel," sê Taylor. Die skool stel hom ten doel om bekostigbare gehalte onderrig aan elke kind te bied, in klei ner klasse as die gewone. Sportfasiliteite het só ontwikkel dat elke kind uit 'n reeks sportsoorte kan kies, kultuur en akademie gedy in 'n omge wing waar die kinders veilig voel en tussendeur woel die skoolgemeenskap om hul deel te doen met gemeenskapsprojekte, sodat elke kind die skool in graad sewe verlaat as 'n jong tiener wat die wêreld vierkantig in die oë kan kyk en met selfvertroue enige hoërskool kan betree.
Willie Taylor (skoolhoof van CPM) en Debbie van Vuuren (links), onderwyseres.
Nuwe leerkragte by CPM:
By die Christelike Privaatskool op Malmesbury is die volgende leerkragte nuut aangestel vanjaar: Juanita Snyders (graad 4) en Mariette Visser (graad 6).
12
NUUS•NEWS
13 Februarie 2013
NUUS•News
13
13 Februarie 2013
Steun vir polisie: “Ek gaan na meer as 150 verskillende dorpe landwyd om Chris-
ten-gemeenskappe te mobiliseer sodat Christene hul plaaslike polisiestasies ‘aanneem’, sodat die manne in blou bedien kan word met die Woord, met gebed en met die liefde van Christus! Ons SAPD leef daagliks in die moeilikste omstandighede en hulle het ons ondersteuning baie nodig!” Aan die woord is die mobiliseerder van dié projek, Marcell Cilliers. Vrydag was Cilliers in samewerking met Bessie Smit, die koördineerder van die ‘Adopt a Policestation”projek op Malmesbury om aan die plaaslike polisiestasie en die speurtak hier ‘n ‘aannemingsertifikaat’ te oorhandig. Cilliers het van 1995 tot 2000 op Malmesbury gewoon, waartydens sy betrokke was by die eerste beraderskursus vir verkragtings- en aanrandingslagoffers, asook die stigting van die polisie se traumakamer in 2000. Van links staan Cynthia Slingers, Annatjie Loots, Hentie Smit, kol. M.N Nakabile en Letitia Frank.
Nuut:
Daniel Prins (regs) is pas aangestel as verkoopsbestuurder by JB’s Nissan op Malmesbury. Hy word gelukgewens deur Simon Kotze.
Vinkies:
Die Vrolike Vinkies Kleuterskool op Malmesbury spog vanjaar met 'n identiese tweeling, Jaimee en Johlee Williams in Graad R. By hulle is hul onderwyseres, Vivienne Messina.
Bydrae by skool is ‘vrywillig’ Na aanleiding van die berig in die courant van 6 Februarie "Sóveel kos skole nou", het die hoof van St Thomas Primêr op Malmesbury, Michael
de Kock, daarop gewys dat sy skool nie skoolfonds hef nie, maar ouers versoek tot 'n "vrywillige donasie van R200 per jaar".
Blouspan wen: By HDU se kleure-atletiek was die Blouspan die wenners van die
optog, dans en sangafdeling. Heydenrich Visser (naasregs) van Piketberg het die Stoffel Visser-skild, wat in die sestigerjare deur sy pa geskenk is, aan die wenspan se dirigente Paula Smit, Hannemie de Jongh en Jemelda Bon oorhandig.
14
dienste•services
13 Februarie 2013
Wenpaal toe: Lesley Ann Syster, Anestra Warries (in blou), Berenice Poedels hard-
loop op Wesbank Sekondêr se kleurebyeenkoms in Wesbank, Malmesbury. Warries het die wedloop gewen.
Gaan jaag op stofpaaie Langkloof-plaas, 10 km buite Riebeek-Wes, is Saterdag die gasheer vir die Wes-Kaapse OffRoad vierwiel- en motorfietskampioenskap. Die roete sluit verskeie plase in die omgewing van Hermon en die omstreke van die Bergrivier in. Hierdie aksie op die stofpaaie van die Riebeek-Vallei is ronde een van die kampioenskaps reeks. “Die vierwiel- en motorfietskampioenskappe is oop vir almal – die topryers én sosiale ryers, asook diegene wat vanjaar wil begin ry,” het die organiseerder, Clive Crouse aan die courant gesê. Deelnemers se ouderdomme wissel van vier jaar tot die Meesters-afdeling en drie roetes is
reeds vir die verskillende kategorieë ingerig. Baie groot name sal sake uitspook vir ‘n plek in die topposisies en plaaslike name soos Wernich van der Walt, hoërskoolleerder van Hoërskool Swartland in die ope 450 cc vierwielkategorie en Clint Rieper, die top ope motor fiets-deelnemer in die ope-afdeling, sal Saterdag in aksie wees. Die seniors se roete strek oor 40 km en ‘n drie-uurroete, wat hope aksie behoort te lewer. Toeskouers is welkom en Laerskool RiebeekKasteel bied die verversings aan. Sien www.westerncapeoffroad.co.za vir meer inligting oor die roete.
Wayne wen gholfstryd Wayne van Tonder met 39 punte het Saterdag se Stablefordkompetisie op die Malmesbury-gholfbaan gewen.
Piet Kemp was die naaswenner, gevolg deur Jan Potgieter en vierde Izelle van Tonder, wat al drie op 32 punte geëindig het.
Munisipaliteit Swartland, beskik tans oor onderstaande vakatures vir korrek toegeruste en gekwalifiseerde persone:
Departement van die Direkteur: Finansiële Dienste
Hoof: Kredietbeheer
(V1/13) • Salarisskaal: R220 848 – R286 668 p.j. • Malmesbury Om vir hierdie pos in aanmerking te kom moet kandidate beskik oor: • ’n B-graad met regsvakke en Rekeningkunde • rekenaargeletterdheid (MS Excel en Legal Suite) • ’n geldige kode B-rybewys • goeie onderhandelings- en kommunikasievaardighede (in Afrikaans en Engels) • die vermoë om onafhanklik te kan werk en onafhanklike besluite te kan neem • 2 jaar toepaslike ondervinding.
Departement van die Direkteur: Siviele Ingenieursdienste
Proseskontroleur
(V2/13) • Salarisskaal: R98 628 – R128 016 p.j. • Moorreesburg Om vir hierdie pos in aanmerking te kom moet kandidate beskik oor: • ’n Klas III Operateursertifikaat • goeie interpersoonlike en kommunikasievaardighede (in Afrikaans of Engels) • die vermoë om onafhanklik te kan werk • beplannings- en organiseringsvaardighede • goeie tegniese vaardighede • toesighoudingsvaardighede • 1 jaar toepaslike ondervinding. Diensaanvaarding: So spoedig moontlik. Volledige besonderhede en die voorgeskrewe aansoekvorms kan gedurende kantoorure telefonies aangevra word by mnr. D. Carolus by 022 487 9400 of op ons webtuiste by www.swartland.org.za. Voltooide aansoeke waarop die posverwysingsnommer duidelik aangebring moet word en wat gewaarmerkte afskrifte van kwalifikasies insluit, moet gerig word aan die Menslike Hulpbronafdeling, Privaatsak X52, Malmesbury 7299. Geen aansoeke wat per faks of e-pos aangestuur word, sal vir oorweging in aanmerking kom nie. Aansoeke sluit om 12:00 op Vrydag, 22 Februarie 2013. Laat of onvolledige aansoeke sal nie oorweeg word nie. Twyfelagtige kwalifikasies of dokumentasie sal ’n aansoeker onmiddellik diskwalifiseer. Indien ’n aansoeker binne ses weke ná die sluitingsdatum nog geen terugvoering ontvang het nie, kan aangeneem word dat die aansoek onsuksesvol was. Slegs kandidate op die kortlys sal gekontak word. Die Raad behou die reg voor om geen aanstelling te maak nie. Swartland Munisipaliteit is verbind tot Gelyke Indiensneming en onderskryf die beginsels van Regstellende Aksie. Gestremde persone word derhalwe aangemoedig om aansoek te doen.
Munisipaliteit • Municipality • Umasipala www.ayandambanga.co.za
110743DIECOURANT
Kontak 022 487 3221 vir advertensies wat werk!
Vir promosies en advertensies, kontak ons by admin@diecourant.co.za.
15
kleintjies•smalls 13 Februarie 2013
1
Algemeen General
CLOSING DOWN SALE!! Engineering shop closing down. Equipment for sale including 1m lathe, 2m lathe,CNC lathe, milling machine, 3 welding machines etc. Contact Derek @ 083 631 0255.
2 Gesoek Wanted GESOEK/OP SOEK NA: Welkom meubels betaal harde kontant vir 2de handse goeie meubels, linne, breekgoed, mans skoene, vroue skoene, handsakke, ens. Kontak 022 487 1547/084 794 7528.
12 Dienste Services GOOGLABLE - Laat ek jou skoolwerk vir jou doen. Van skooltake en mondeling tot vakansie idees.... tarief per uur. Kontak Andrée Truter 078 209 9089/022 482 3809. -----------------------------DIENSTEABC KINDERPARTYTJIES-Kindertemapartytjies, dekor, tafeltjies, stoeltjies, koeke en versiersuiker prints. Kontak Elsa 078 544 2038, abcpartytjies@gmail.com of www.abcpartytjies. weebly.com -----------------------------DU TOIT TRAILERSSleepwaens te huur, asook kar sleepwa “piggy back”, asook skaap spitbraai te huur. Kontak 022 482 1767/072 237 2349. -----------------------------JK SkoonmaakdiensJou alles in 1 tuindienste. Sny van grasperke en rante. Snoei van bome en struike. Skoonmaak van beddings. Uitleg van tuine, verkoop en le van gras. Verwydering van tuinvullis. Kontak Jaco vir gratis kwotasies. 083 227 5937. -----------------------------KONTANTLENINGS vir maandelikse persone. Persone op swartlys ook welkom. 074 114 2554. ------------------------------
UITHAAL en Verwydering van bye. Kontak Kobus 083 722 7787/022 482 2767. -----------------------------YSKASTE HERSTEL. Ook binne lekke. New Freeze, Kerkstraat 18, Moorreesburg. Skakel 082 573 1589/083 651 5547. ------------------------------
4
Te koop For sale
EGTE LEER MANSKOENE-(Vellies, stewels en sandale). Teen spesiale pryseMalmesbury. Kontak Max 083 275 8266. -----------------------------GESONDE BLOEKOMHEUNING te koop @ R20.00/350 ml per potjie. Skakel 072 245 1850. -----------------------------Heuning te koop. 3kg emmertjie @ R150.00. Skakel Kobus 083 722 7787/022 482 2767. -----------------------------NEGOSIKAS: Op die hoek van Hill en Vredestraat. Soek en verkoop gister en eergister se ware, veral wit linne en porselein asook alles wat interressant en oud is. Skakel Tannie Juna: 022 487 2601. -----------------------------Namibiese Kudu Biltong @ R195 p/ kg. Droëwors @ R175 p/kg. Ideaal vir geskenke. Kontak Jaques 073 294 3343. Malmesbury aflewerings ingesluit. ------------------------------
23 Verlore/ Lost
Jong wit en gemmer wyfie kat verlore geraak 17/12/2012 in die Spar parkeer area. Skakel asb 073 203 4797.
Huur 7 Te To Let
TE HUUR-Koringberg/ Gemeubuleerde woonstel. krag & water ingesluit @ R1800.00 per maand. kontak 022 423 8015 of 076 740 6395. -----------------------------WYKLAND EIENDOMME- R4600 - 3 slaapkamer woning naby Laerskool - onmiddellik. Kontak Elize 022 487 1484. -----------------------------
Kontak ons vir advertensies wat werk by 022 487 3221.
-
20 Gelukwensing Congratulation
RAAI WIE WORD 1 (ASHANTé) Geluk met jou 1ste verjaarsdag. Mag daar nog vele verjaarsdae vir jou voorlê. Liefde: Mammie, Daddy, Oupa, Ouma en Stella. ------------------------------
te 14 Voertuie koop VOERTUIE TE KOOP Aandag! Alle kliënte.
Alleenlik kontant. Voertuie dringend gesoek! Ek betaal kontant vir enige voertuig of bakkie en doen ook bankaflosse. Kontak 083 464 6960. -----------------------------1998 Pajero 2.8 Diesel, 9 sitplekke, Groen 4x4-Goeie toestand (Malmesbury) @ R54000-00. Kontak 082 879 0675. ------------------------------
16
Betrekkings Vacancy
BETREKKING - Digger Loader Drywer Moorreesburg gesoek met sober gewoontes en kode 8 rybewys. Moet met masjien kan werk. Meganiese kennis. Kontak Hendrik 082 415 5054. ------------------------------
courant
die
SPORT
tel 022 487 3221
13 Februarie 2013
Verloor naelskraap in eindstryd teen Maties
Wesbank skitter in sewestoernooi
Naaswenners:
Eindstryd:
Melvin Lalla Lazarus van Wesbank rank hoog in die eindstryd van die sesde OK Mini Mark Castle Wesbank 7’s Toernooi in Wesbank, Malmesbury. Hy word ondersteun deur Evan Liedeman. Regs is Maxwill Baygon Bailey, skrumskakel. Wesbank het naelskraap met 22-20 teen die Maties verloor.
Op spoed:
Johan September van Wesbank op spoed teen Newtons in die die sesde OK Mini Mark Castle Wesbank 7’s Toernooi in Wesbank, Malmesbury.
Wesbank het skitterend vertoon deur deur te dring tot die eindstryd van die sesde OK Mini Mark Castle Wesbank 7’s Toernooi die afgelope Saterdag in Wesbank, Malmesbury. Dit word as die grootste sewesrugbytoernooi in die Wes-Kaap beskou. Wesbank het in die eindstryd naelskraap met 22-20 teen die sterbelaaide span van Maties verloor. Wesbank se manne is agter van links na regs Salmon Pietersen, Evan Liedeman, Marno Hart, Bobby Mathee, Peter “Pypi” Hendricks, Klein Ai, Emgee Fredricks en Divan Green. Voor van links na regs is Nico Maarman (afrigter), Maxwell Julies, Johan Spetember, Angelo Hendricks, Bampie Solomons, Deshton Wellman en Melvin “Lalla “ Laserus. Ondanks die reën het nage noeg 3000 toeskouers, onder wie Peter de Villiers, vorige Springbokafrigter en tans breier van die Universiteit van Wes-Kaapland, die toernooi bygewoon.
Plus EArn Points
Vredenburg, Langebaan & Malmesbury
19995 25999 Jameson Irish Whiskey 750ml
Speler van toernooi:
Deston Wellman (regs) is as die Speler van die Toernooi aangewys na afloop van die die sesde OK Mini Mark Castle Wesbank 7’s Toernooi die afgelope Saterdag in Wesbank, Malmesbury. By hom is die toernooidirekteur, Eduaan Houwburg.
Hennessy VS Cognac 750ml
7995
Viceroy Brandy 750ml
Stefan De Villiers (Maties-kaptein), Bobby Mathee (OK MiniMark) en Koos Loubser.
BiG PricE tHE
DroP
kAs Prys
kAs Prys
14499
11995
per kas
per kas
Amstel Lager Nie-inruilbare Bottels of Blikke 24 x 330ml
Castle Lager of Carling Black Label Nie-inruilbare Bottels 24 x 340ml
Always there for you PRICES VALID 14 - 17 FEbRuARy 2013 At Pick n PAy liquor VrEDEnBurG, lAnGEBAAn & MAlMEsBury only
(not for sAlE on sunDAys At MAlMEsBury liquor)
Pick n Pay endeavours to meet the demand for these promotional items, but stocks are limited. Please check availability: 0800 11 22 88 (toll free landline only. Cell phone rates apply). We strive to ensure all printed information is correct, but will not be liable for any print errors that may occur. Advertised prices are inclusive of VAT where applicable. We reserve the right to limit quantities. smart shopper terms and conditions apply. Certain products are excluded from the smart shopper programme, please see in store or go online for more details.
Alcohol Not for Sale to Persons Under the Age of 18. Drink Responsibly.
9883M/Bil