courant Uitgawe 207
die
swartland en weskus
tel 022 487 3221
30 Januarie 2013
hugenotestraat 24, malmesbury
Almal
saam:
Swartland se 440 kgspan werp alles in die stryd teen Drostdy A in Saterdag se toutrektoer nooi op die velde van Hoërskool Swartland op Malmesbury. Die Swartlanders wat hulle so inspan is Wiana Muller (voor), Franco Coetsee en Gemma Andersen. 700 leerders en 157 spanne het deelgeneem. Middel Maart word die Bolandspanne aangewys vir die SA-byeenkoms, wat vanjaar in Kimberley gehou word.
OPLEIDINGSGELEENTHEID VIR JONG MENSE
Riebeek kry sjefskool ‘n Nuwe sjefskool vir die Riebeek-Vallei bied nou aan 10 jong mense die geleentheid om opleiding en ‘n internasionaal-erkende kwalifikasie in die kosbedryf te kry. Dit kom nadat Don King, die voormalige besturende direkteur van die Internasionale Hotelskool (IHS), twee dae na sy aftrede in Junie verlede jaar, betrokke geraak het by die Riebeeck-Vallei Spesiale Skool in Riebeek-Wes, en dadelik die moontlikheid raakgesien het om aan jong mense hierdie opleidingsgeleentheid te bied. Ikusasa, wat ‘hoop’ of ‘nuwe môre’ beteken, rig nou sy sjef-opleidingslokaal met spesiaalontwerpte werkstasies in die voormalige Smuts Malan-koshuis se eetsaal op teen ‘n geraamde koste van R500 000. Die hoofborge van hierdie projek is Pick n Pay en PPC (Pretoria Portland Cement). Ikusasa School of Cooking het in 2009 in Durban ontstaan met die doel om minderbevoorregte skoolverlaters in die kosbedryf op te lei en ‘n wêreldklas kwalifikasie te bied. Met die ondersteuning van die Chaine des Rotisseurs,
‘n Franse voedsel en wynvereniging wat op die uitkyk was vir ‘n projek om te ondersteun, het dit gegroei en toe die Internasionale Hotelskool, destyds onder die stuur van Don King hier by betrokke geraak het, het dit behoorlik vlamgevat. Die Don King Ikusasa School of Cooking in die geboue van die Riebeeck-Vallei Spesiale Skool is die tweede van sy soort in die land. Studente ontvang die 10-maande kursus van R60 000 gratis, indien die ouers nie die klas- en losiesgelde ouers kan bekostig nie. Dié nuut-ingerigte skool in Riebeek-Wes na der nou vinnig voltooiing en sal na verwagting op 1 Maart open. Dit bied ses moderne werkstasies en sal net 10 leerders kan inneem. Die opleiding word aangebied deur ‘n gekwalifiseerde Cordon Bleu-sjef van die Vallei. Aansoekers moet graad 10 of ‘n gelykstaande kwalifikasie hê en tussen 18 en 21 jaar oud wees. Aansoeke sluit op 1 Februarie en die keu
ringspaneel sal van 8 tot 10 Februarie vergader. “Aansoekers moet onthou wanneer hulle maats oor naweke kuier, sal hulle moet werk vir praktiese ondervinding!” maan King. “Studente sal Maandae tot Woensdae klas loop in hul lokaal en daarna tot Saterdae prakties doen in nabygeleë kombuise van die Vallei se restaurante. Die koshuis bied blyplek vir die studente, maar onthou, die Ikusasa School of Cooking funksioneer apart van die Riebeeck Vallei Spesiale Skool – dis bloot die geriewe van die Spesiale Skool wat ons benut.” * King het op 30 Junie 2012 finaal na die Riebeek-Vallei gekom om hier af te tree, nadat hy en sy vrou reeds sewe jaar gelede hul aftreehuis hier gebou het. Slegs twee dae later het hy by dié projek betrokke geraak en moes hy vir eers sy aftrede ‘uitstel’ ten einde dié nuwe projek te vestig. Gevra oor die rede vir hul besluit om hulle hier te vestig, sê King: "Ons het op ‘n dag die Riebeek-Vallei besoek. Toe ons oor die pas ry en die Vallei voor ons sien lê, het ek en Moira tegelyk besluit dis ons aftreedorp! Dit was liefde met die eerste oogopslag!"
Always First with Quality & Choice! DOUBLE DEAL 6kg Chicken Freezer Bag
139.99 p/bag
Pork Braai Chops /Texan Steaks
34.99 p/kg
Budget Burgers (20s)
32.99
p/box
Prices valid at all Brito’s stores from Wednesday 30 January until Saturday 02 February 2013. While Stocks Last. E&OE
2kg French Polony
Brito’s Meat Centres Customer Information: Tel: 021 950 1000. Address: Cilmor Street, Kaymor, Stikland, 7535. www.britos.co.za
22.95 each
500g Smoked Viennas
2 20.00 for
NUUS•News
2
30 Januarie 2013
PROVINSIE MOET NOG GOEDKEUR
Rioolplase vir nóg dorpe in die pyplyn ‘n Grafiese voorstelling van die Weskus Kollege-perseel wat in Malmesbury beoog word.
Raad sê môre oor Weskus Kollege Die voorgestelde terrein vir die bou van die Weskus Kollege op Malmesbury, sal baie moontlik môre tydens die spesiale raadsvergadering in die stadsaal sy laaste groen lig kry om dié lang verwagte kampus te bou. Die voorgestelde verkoop van ses erwe wat saam ongeveer 13 000 vkm beslaan, word dan finaal bespreek. Dié persele is almal tans in die besit van die Swartland Munisipaliteit (SM) en groot dele hiervan sluit dié erwe in wat vir jare geoormerk is vir die beplande Rivierpad, wat verlede jaar finaal op die lange baan geskuif is. Dié beplande transaksies volg nadat verskeie ander persele op Malmesbury in die laaste jare ondersoek is, maar die knoop nooit deurgehak kon word nie. Die terrein ter sprake sluit hoofsaaklik erwe in wat tussen Loedolfstraat en die Dieprivier lê en tot by Kerkstraat strek. Twee erwe aan die bokant van Kerkstraat, wat ook vroeër geoormerk was vir die Rivierpad, is ingesluit by die voor gestelde transaksie, wat altesaam ‘n rapsie meer as R5 miljoen beloop. Volgens die agenda van môre se vergade ring reflekteer die grondwaardes die toepaslike munisipale waardasies, soos bepaal deur die Suid-Kaap Waardeerders, wat in 2010 die mees
onlangse Swartlandse waardasies gedoen het. Verdere aanbevelings wat in môre se vergadering bekragtig behoort te word, is dat daar ‘n serwituut langs die Dieprivier behou sal word om beweegruimte te bied vir gebruik deur dorpenaars en besoekers en dat die koper die kostes vir hersonering en die aanbring van grootmaatdienste (elektrisiteit en water) sal dra. Die bouwerk aan die beoogde kampus sal later vanjaar begin en sal ruimte bied vir 1 200 tot 1 500 studente, het Tijmen van Essen, burgemeester van die SM verlede week aan die courant gesê. Die ingenieursfakulteit sal na wat verneem word, nie op die Malmesbury-kampus ingerig word nie. Ingenieurstudente sal dié vak in die Paarl-kampus kan volg. Implikasies vir omliggende geboue sluit in die verskuiwing van die Malmesbury Duiweklub (waarmee die SM behulpsaam sal wees) asook die ontruiming van die huidige Roelcor-gebou. * Intussen het die McDonaldsgroep belangstelling getoon in ‘n langtermyn-huurooreenkoms met die SM om hul besigheid ook op die walle van die Dieprivier te vestig, op dieselfde perseel waar die Kollege binnekort gebou gaan word. Ná navorsing hieroor, sal die raadsvergadering môre ook hieroor ‘n besluit moet neem.
Ná verlede week se courant-berig oor die moderne rioolplaas vir Malmesbury wat nou voltooiing nader, is die volgende inligting oor die ander dorpe van die streek se rioolaanlegte ook verkry: Die grootste ander rioolaanleg is in die Riebeek-Vallei teen 'n begrote bedrag van R41 040 000 (geoormerk vir 2014). Die ander beoogde projekte behels vir Koringberg: R5 700 000 (2013 - tans in heroorweging); Chatsworth: R2 280 000 (2015); Darling: R9 609 000. Van Essen het verlede week aangedui dat die beplanningsfases van hierdie rioolwerke dié belangrikste fases van die proses is. Verder moet die Swartland Munisipaliteit altyd die per capitauitgawe per dorp bereken om die uitvoerbaarheid van elke projek te bepaal. Die ondersoek na Riebeek-Vallei se rioolwerke het die volgende ingesluit: Of daar in Riebeek-Wes en Riebeek-Kasteel elk ‘n rioolwerk gebou moet word; of PPC/Ongegund by RiebeekWes se werke ingesluit kon word; of daar ‘n gesamentlike Vallei-rioolwerk gebou kon word wat óf in Riebeek-Wes óf in -Kasteel kom en waar PPC/ Ongegund ook aangesluit kan word en of dit dalk moontlik is om die rioolwater oor die berg na Malmesbury te pomp om sodoende bedryfskostes te spaar.
"Met al die ondersoeke wat oor minstens twee jaar gestrek het, is bewys dat dit die meeste koste-effektief sal wees om ‘n gesamentlike werke in Riebeek-Kasteel te bou," het Van Essen gesê. "Toe moes die serwitute van die nuwe rioollyn onderhandel word vanaf PPC/Ongegund na Riebeek-Wes en dan na Riebeek-Kasteel. Op Riebeek-Wes moes ook onderhandel word met 'n grond-eienaar op wie se grond die huidige verdampingsdamme van Riebeek-Wes lê, maar wat ‘n groot aantal jare gelede (nog voordat Swartland Munisipaliteit die bestuur van die twee Riebeek-dorpe oorgeneem het) alle waterregte verkry het van water wat oorloop uit daardie verdampingsdamme - dus 'n heel ingewikkelde proses!" "Die departement van waterwese het die Riebeek-aanleg reeds goedgekeur, dus is daar geen rede om te dink dat die Provinsie dit sal afkeur nie en het ons reeds opdrag gegee aan die ingenieurs om die finale ontwerpe te doen sodat ons moontlik op tender kan uitgaan op dieselfde tyd as wat provinsie se toestemming verkry word om sodoende tyd te bespaar," het Van Essen aan die courant gesê.
Hekkieslopers:
MALMESBURY
R499 000
MOORREESBURG
ALLEENMANDAAT
WESBANK
Slaapkamers 2 Badkamer 1 Motorhuise 2
WEB 97280
Netjiese huis in stil area. Sonnige onthaal area met buite braai wat beskerm is teen die wind. Mooi uitsig vanaf stoep. [K] 022 487 3905 HAJIRAH 072 072 4303
MOORREESBURG
R999 999
ALLEENMANDAAT
KYK HIER!
Slaapkamers 3 Badkamers 2 Motorhuise 3
HUIS OP KLEINHOEWE
WEB 278944
Eiendom met baie potensiaal. Boorgat water, vrugtebome en voëlhokke. Kom kyk gerus! [K] 022 433 3444 ANNA MARIA 083 210 0071
WEB 63848
Netjiese eiendom op 1 304m² erf met vrugteboord. Ruim slaapkamers, ingeboude kaste en groot kombuis. [K] 022 433 3444 ANNA MARIA 083 210 0071
MOORREESBURG
ALLEENMANDAAT
Slaapkamers 3 Badkamer 1
R999 000
R1 150 000
ALLEENMANDAAT
PRAGTIGE KLEINHOEWE
Slaapkamers 3 Badkamers 2
WEB 283361
Pragtige kleinhoewe met krale, boorgat, vrugtebome, onderdak parkering en vele meer! [K] 022 433 3444 ANNA MARIA 083 210 0071
die courant
Om hier te adverteer, kontak een van ons bekwame bemarkers by 022 487 3221 of stuur ‘n epos na admin@diecourant.co.za. Waarvoor wag jy?? Gou-spring, ons advertensies verkoop soos soetkoek!
Rico Warries (foto links bo) van St. Thomas Primêr hardloop in die o.13 200 m hekkies tydens ‘n vierhoekige atletiekbyeenkoms op die Wesbank-sportgronde. Die ander drie skole wat deelgeneem het, was Wesfleur, Kerria en Saxonsea. Whitney Adams (foto regs bo) van St. Thomas Primêr op pad na haar eerste plek in die dogters o. 12 150 m hekkies by dieselfde byeenkoms.
Nuut by skool:
Nuwe personeel by Laerskool Swartland op Malmesbury is Nina Steenkamp (graad R) en Ciska Louw (graad 1). Kathy Steenkamp (regs) is nuut in die administratiewe kantoor.
3
NUUS•News
30 Januarie 2013
Jeff Petersen (regs), skoolhoof van RV Spesiale Skool, en Jennifer Kamerman, inisieerder van die vergadering. die SAPD se brigadier Deon Hagen by die vergadering.
leiers antwoord, nog vergaderings volg
Valleiers praat met SAPD, SM Inwoners van die Riebeek-Vallei het Vrydag in Riebeek-Wes se stadsaal op ‘n vergadering met die polisiediens (SAPD) en die Swartland Munisipaliteit (SM) saam besin oor oplossings vir gemeenskapskwessies wat hul voel dringende aandag verg. Die munisipale bestuurder van die SM, Joggie Scholtz, het die vergadering met ongeveer 100 inwoners gelei. Veral die gemeenskap se veiligheid, die opknap en verhuring van die Riebeek-Wes se stadsaal, die park in Riebeek-Wes asook toekomstige ontwikkelingsprojekte in die omgewing is bespreek. Brigadier Deon Hagen, onder wie se beheer die Riebeekvallei val, het verduidelik hoeveel personeel daar in terme van die huidige begroting in diens is en toegelig dat die druk groot is wanneer een lid die stasie beman én die telefoon behartig. Hy het die onder meer gesê: * Dit is noodsaaklik dat inwoners by formele strukture soos die gemeenskapspolisiëringsforum (GPF) aansluit (die opkoms by GPF-vergaderings is nie na wense nie). Meld alle wangedrag en wetsoortredings aan, al word dit nie altyd opgelos nie. * Alle aanmeldings en SAPD-lede se wangedrag word altyd dissiplinêr ondersoek, dus moet dit ook te alle tye aangemeld word. * Alle polisievoertuie is aan outomatiese opsporingstelsels gekoppel. Dus kan dit elke oomblik op streeks- en nasionale vlak gevolg word.
Hagen het verduidelik dat die polisiemag op nasionale vlak met 9 000 lede verminder is. Tóg is hy en kaptein Sarmien Kotzé op Riebeek-Wes besig met vertoë om die polisiekantoor op Riebeek-Kasteel te heropen. “Die voertuie is altyd te min om die drie dorpe (Riebeek-Wes, Riebeek-Kasteel en Hermon) te bedien, daarom die stadige reaksietyd. “Daar is ‘n moratorium geplaas op die reservistediens, maar ons probeer dit nou lig.” Hagen het beklemtoon dat die kommunikasie tussen die publiek en die polisie belangrik is, veral weens wanopvattings oor die SAPD se werkverrigting. Kotzé het ‘n Riebeek-imbizo op 13 Februarie aangekondig waar die publiek weer hul menings en vrae kan lug. Die volgende GPF-vergadering is op 6 Februarie. Daar is ook opvolgvergaderings met die munisipaliteit vir 5 Februarie op Malmesbury en 19 Februarie in Riebeek-Wes vasgestel. Scholtz het die vergadering ook toegelig oor geld wat die SM die afgelope 10 jaar in die vallei bestee het asook die nuwe rioolplan vir die Riebeekvallei (sien berig op bladsy 2). Die inisieerder van dié vergaderings, Jennifer Kamerman, het gesê: “Die natuurskoon, die plattelandse aantrekkingskrag, die historiese waarde en unieke voorkoms van Riebeekvallei moet die toerisme-aantrekkingskrag daarvan ondersteun. “Daarom werk ons hard vir sake soos ‘n veilige, skoon omgewing.”
Malmesbury Sakekamer skop af met Spitbraai Die Malmesbury Sakekamer begin 2013 met 'n informele kuier en spitbraai op 12 Februarie by die OLOK-saal van Hoërskool Swartland om 18:00 vir 18:30. Die bestuur nooi alle sakelui uit na dié ge-
leentheid, veral nuwe lede. Bespreek teen Vrydag 8 Februarie om 15:45 by Annabelle van der Merwe (022-482 1060) om die beplanning met kos te vergemaklik. Kostes is R80-00 vir lede en vir nie-lede.
menings•opinion
courant
30 Januarie 2013
die
4
Speel die kaarte in jou hand
Ons ken almal daardie gevoel as die kaarte in jou hand net een ding uitspel – dat jy geen kans het nie, jou kaarte is te swak! Dan kan jy óf moed opgee, óf jou kaarte so slim moontlik speel, want soms kom die geluk wel na jou kant toe. Dís die volwasse uitweg wat die Riebeek-Valleibewoners verlede week gekies het, toe hulle ‘n vergadering gereël het met die plaaslike polisiekantoor, die Swartland Munisipaliteit en soveel as moontlik rolspelers in die Vallei. Met dié doel voor oë om die vredigheid en skoonheid van die Vallei te herstel; soos dit was vóór die slang in hul paradys losgelaat is. Die proses was goed, want daar was ‘n afwesigheid van persoonlike aanvalle en van politiek. Die uitslag was beslis nie vir almal aangenaam nie, maar die lesse geleer was dalk net betyds: Lesse soos om die bestaande bronne en strukture te benut eerder as om heeltyd nuwes te wil skep; dat gesprekke met diegene wat onder skoot kom, altyd baie belangrik sal bly om misverstande en riemtelegramme, wat opsweep en verdeel, te voorkom; dat eie inisiatief stadstuine en dorpsingange kan verfraai; dat saamgesels latere saambaklei kan beperk. Ons wat die paadjie stap, met al sy uitdagings en vreemde situasies, weet nie altyd of ons besluite en optrede regtig die perfekte uitweg is nie. Maar dan probeer ons minstens dat die besluite wat ons neem, so ingelig en volwasse as moontlik sal wees.
Op Darling: ‘n Wawiel rus luilekker na jare se arbeid by die Darling-museum.
Respek vir die ref...!
Dis goeie nuus
deur dr. Andrew Bosman
Altyd onder alle omstandighede
In Paulus se brief aan die Thessalonisense skryf hy dat hulle nie iemand kwaad vir kwaad moet vergeld nie en verskeie ander voorskrifte. Maar wat miskien maklik klink maar nie so maklik uitvoerbaar is nie, is vers 18. Dat hulle altyd en in alle omstandighede dankbaar moet wees, omdat dit die wil van God in Christus Jesus vir hulle (ons) is. Aan die einde van die jaar is daar gewoonlik alle vorms van terugskouing. Wat in die politiek gebeur het wêreldwyd, asook in sport en die weer. So kan ons daagliks terugkyk na dit wat vandag in ons lewens gebeur het. Dit wat goed afgeloop het is maklik om voor dankbaar te wees, maar dit wat skeefgeloop het? Om God met ons lewe te vertrou, moet ons soos Job die goeie en die slegte uit Sy hand kan ontvang (Job 2:10). Vir die wat glo, werk alles ten goede uit. Die Here het 'n plan met elkeen van ons lewens. Laat ons Hom raadpleeg oor die jaar wat voorlê, sodat ons kan ontvang wat die Here vir ons wil.
As kind onthou ek hoe die toeskouers op Nuweland doodstil geraak het as die skoppers aanlê pale toe - tuisspan óf besoekers! By Nuweland-krieketveld het ek geleer dat ‘n mens ook die opponent se goeie spel erken en toejuig. In Sydney, Australië, het ek onlangs deurgeloop onder die giftonge van die Australiese krieketondersteuners. Dit nadat ek die Australiese kolwer David Warner verkeerdelik BVP uitgegee het. Ongelukkig vir my is die flater onmiddellik in stadige aksie op die grootskerm gewys en is dit begroet met ‘n oorverdowende geboe!! Toe ons die veld vir aandete verlaat, het een van die toeskouers in die ledepawiljoen my ‘n “skelm” genoem. Ongelukkig vir hom was die sekuriteitspersoneel binne hoorafstand en is dié persoon gevra om die stadion te verlaat. Die meeste skeidsregters is amateurs wat die diens verrig oor hul liefde vir die spel. En ja, skeidsregters maak foute!! Suid-Afrikaners is sportmal en daar sal in enige gesprek oor sport, ook oor die skeidsregter se vertoning uitgewy word. Die meeste van die kommentaar is gewoonlik slegs opinie en nie op deeglike kennis van die reëls gebaseer nie. Onbillike kritiek word soms selfs verder gevoer met persoonlike aanvalle en beledigings. Dit is op enige vlak onaanvaarbaar. Miskien is dit tyd dat ons as Swartlanders die res van die
wêreld daaraan herinner hoe toeskouers hulself by sportwedstryde moet gedra deur self ‘n verandering in ons gedrag by sportwedstryde teweeg te bring. Dit is jammer dat toeskouers hul die reg toe-eien om skeidsregters te beledig en te vloek. In die ergste gevalle word skeidsregters selfs aangerand. Ouers se gedrag is gereeld by skoolwedstryde pro blematies. Verlede seisoen het twee skole in Gauteng se ondersteuners handgemeen geraak. Die voorbeeld wat ons aan die jeug met dié optrede stel is dat dit in orde is om die beamptes openlik te kritiseer. Skeidsregters op skoolvlak doen hierdie diens meestal gratis. Alle skeidsregters, goed en swak, verdien meer respek. Swak gedrag van ouers ontmoedig bekwame skeidsregters omdat hul nie bereid is
om hulself aan die wangedrag bloot te stel nie. Maak ‘n positiewe verskil langs die veld. Moedig jou span se spelers aan met positiewe verster king soos “Hou kop/Hou aan konsentreer/Hou die druk/Goeie aangee/ skop/doel/duikslag/Probeer weer/Moenie opgee nie!” Lewer geen kommentaar oor skeidsregter of opponente nie. Tiener-kinders verkies dat hul ouers hulle nie wangedra langs die veld nie. Moenie dat jou kinders hul vir jou moet skaam nie. Wys jou passie vir jou span op ‘n manier wat almal sal wys van watter stoffasie jy gemaak is. MY wenk: Leer die reëls en etiek van die spesifieke sport sodat jy meer kan verstaan waarom sekere beslissings gemaak word. Om byvoorbeeld langs ‘n rugbyveld te raas is meer aanvaarbaar as langs ‘n krieketveld. Elke sport het sy unieke tradisies. Ek het so 18 maande gelede ‘n hokkiereëls-eksamen geslaag om te probeer om my seuns se hokkiewedstryde beter te verstaan. Tydens wedstryde in die Engelse Premierliga rugbykompetisie bly alle toeskouers steeds vandag doodstil as die skoppers aanlê - in dieselfde land waar sokkerondersteuners bekend is vir hul boewery. So binne een gemeenskap is daar uiteenlopende houdings t.o.v. skeidsregters en opponent. Kom ons kies die regte een! *Die skrywer, Marais Erasmus internasionale krieketskeidsregter en inwoner van die Swartland.
nuus • news
5
30 Januarie 2013
Bejaardes kry eie plek in Wesbank Vir 55 bejaardes van die Goue Jare Dienssentrum op Malmesbury was Woensdag 'n geskiedkundige dag, toe hulle ná drie jaar weer hul eie vergaderlokaal in gebruik kon neem in die sysaal van die AME-kerk in Wesbank. Die Goue Jare Dienssentrum moes die laaste jare gereeld van lokaal verwissel en kon in dié tyd nie aandag gee aan belangrike ander kwessies nie. Nou, met meer stabiliteit en ook met die hulp
van die Belgiese egpaar Ivan en Ingrid Gheysens, wat verlede jaar na Malmesbury geïmmigreer het, kan die aansoek om Lotto-geld vir 'n voertuig, die rekenarisering van hul boekhoustelsel en fondsinsamelings soos 'n glanstee, meer aandag geniet. Nellie Mentoor, die voorsitter van die Dienssentrum, het tydens die opening haar dankbaarheid teenoor die AME-kerk uitgespreek en gesorg vir 'n verrassingsete vir dié senior burgers.
Hoe Gemaak met...
Somersnoei vir tuin Prefekte: Die leerlingraad van Laurie Hugo Primêr is voor: Brunhilda Visser, Chan-
dré van Aarde, Austin Alexander (hoofseun), Clive Rafferty (skoolhoof), Cedeeqe Williams (hoofmeisie), Deneke Thyssen, Daniella de Klerk. Agter: Gerhardus Erasmus (adjunkhoof), Tiffany van der Horst, Caylon Kuiler, Stefran Faro, Leighton Boois, Jayden Patience, Frederico Noordeman, Pedro Bon, Maudrey Isaacs, Henrico Visagie, Jason Swarts, Lawrence Williams.
Musiekfees in die Swartland gehou
Die Darling Music Experience, wat van 8 tot 17 Februarie aangebied word, is reeds in 2006 geloods met die doel om ‘n reeks klein konserte aan te bied vir liefhebbers van sowel klassieke as populêre musiek. Onder die uitvoerings in verskillende sale in die Swartland, is kontemporêre kamermusiek, koorwerke en jazz. Hiermee word ‘n platform geskep vir “die volgende generasie van Suid-Afrika se voorste musici,” lui ‘n mediaverklaring van
Vaardigheidsontwikkeling:
die organiseerders op www.darlingmusic.org. Die konserte sal aangebied word op wynplase, in Darling se Presbiteriaanse Kerk, plaasskure. Dit sluit in die Maritz Studio en Planet Art Creative Center op Darling, die !Khwa ttu San-sentrum en Strandkombuis by Yzerfontein, Groote Post by Darling en Myrtledene op Malmesbury. Vir nader inligting besoek die webwerf www. darlingmusic.org.
Kursusgangers in sakevaardighede, loodgietery en bouwerk het hul sertifikate na suksesvolle voltooiing op ‘n seremonie van Afrisam in die Thusong-sentrum in Ilingelethu, Malmesbury ontvang. Agter van links staan Ashley Adams (hoofbestuurder: boumateriaal van Afrisam), Bizwaphi Zolani Ben, Sonkwenye Siyabonga, Bokolo Thembani, Nami Lulamile Sylvester, Maqoko Ncedile Phillip, Hilton Marinus (uitvoerende hoof, Maranatha Vaardigheidsontwikkelingsinstituut), Charmaine Marinus (administratiewe bestuurder, Maranatha), Johan Scholtz (werkebestuurder, Rheebok Quarry) en David Johns (trustee, Maranatha). Voor van links sit Nombewu Nompatheko, Qangani Nomacwerha, Muhsin Rhoda (instrukteur van die loodgieterskursus), Yolinda Daniels (aanbieder van die kursus in sakevaardighede) Enese Siyanda, Mhlawuli Lucricia Nobabalo.
Ja, dit is hoogsomer en sommer lekker warm. Die bome en struike groei asof hulle mal is en daarom moet jy gereeld terugsnoei om hulle in toom te hou en ‘n mooi fatsoen te gee. Gebruik altyd goeie en skerp snoeiapparaat om mooi netjiese, skoon snitte te verseker. Veral ons roosbome kan nou nog ‘n lekker terugsnoei kry om meer nuwe groei te stimuleer sodat hulle weer lekker kan blom voordat dit winter word. Al jou heinings en vormboom-pies (lollipops en topiary’s) moet gereeld geknip word, want hoe meer gereeld jy hulle knip, hoe mooier en kompakter word hulle. Struike wat in die laat winter en lente blom, dra hulle blomme aan die huidige somergroei. Knip en snoei hulle liewer net nadat hulle klaar geblom het. Onthou om jou rose gereeld voeding te gee om gesond te groei en baie blomme te dra. Die beste voeding vir rose is die gewone 3.1.5 of 8.1.5-kunsmis, ook Sudden Impact for Roses of Ludwig's Vigorosa (5.1.5); almal uitstekende produkte. 'n Voeding, wat ook op ander plante gebruik kan word, is Multi-Booster, dit is water-oplosbaar en bevat ook magnesium wat plante help om voeding beter te absorbeer.
Inspekteer gereeld vir peste en plae en wees veral die uitkyk vir die rooispinnekop (rooispinmyt) wat gedurende die warm en stowwerige maande gereeld kop uitsteek. Bespuit betyds en gereeld om peste uit te wis en in bedwang te hou met die korrekte middels; vra gerus raad by jou plaaslike kwekery. Die rose se spuitprogram vir hierdie tyd van die jaar behels Rosecare en Rose Protector, twee produkte wat alreeds 'n 'cocktail' is en dit beheer verskeie insekte en swamme. Jy moet egter gereeld jou spuitprogram afwissel om te verhoed dat die peste en plae immuniteit opbou, so wissel dit af met Orius of Chronos vir die swamme en met Seizer vir die Rooispinmyt en witvlier. Koinor is 'n sistemiese produk wat jy by die wortels gooi en die plant neem dit op en só beheer jy groenluise (aphids), dopluis en witvlieg. Rose moet genoeg water kry, anders kwyn hulle. Beskerm jou plante teen die hitte met genoeg water en 'n goeie deklaag van kompos of boombas (denne). Gee regdeur die jaar klein hoeveelhede voeding van 3.1.5 of 2.3.4 om plante sterk te maak. Lekker tuin natmaak! Tuingroete George Retief
motors•motoring
6
30 Januarie 2013
Die vette, die maere, lyke, nog ‘n D en die Qashqai
gevorm is en hoe mooi hulle eintlik van binne lyk, begin die (on)gesonde verstand bietjie werk. In die eerste plek is die Skepping ONGELOOFLIK. Maar dan kan mens nie help om te wonder hoekom die oënskynlik gesonde mense (nog mooi in plek alles waar dit moet wees) dan dood is nie. Te veel gesonde (in die oë van Jan Alleman) mense gaan dood.
dié bly darem maar ‘n vraag. Natuurlik het al hier die D’s voorkeuraandele in daardie gesprekke. Hoeveel D’s ken jy? Die groepe: Daar is die Weigth Watchers en die Weigh Less. Omgeegroe pe van TLC . Dr so en so se D. ‘n Hele rits strawwe 13-dag D’s. Die Hartstigting se D en een of ander Royal Hospitaal se D. Dan is daar die bloedgroepD’s (O, daaroor is baie nogal positief en ander
Nee, maar die statistiek wys darem dat die risiko’s om die lewe te laat al groter word as die liggaam te swaar werk. Dit aanvaar die uwe gelate, maar of dit darem nodig is om veral so vroeg in die jaar die oorheersende onderwerp om die teetafels te wees,
...negatief). Inspuitings en pille. Eetlusdempers en Hoodia. óf plaas die aksent elders. Verbrand meer as wat jou kake kou en siedaar. Natuurlik is daar ‘n magdom maniere. Nuwe giere. Elke tweede maand ‘n ander een. Maar maer wil hulle wees
Spring of dans. Trap of hol. Stoot op of druk af. Sluk genoeg windpompsjerrie en laat die tieker bietjie vinniger tiek. ...... en spaar die kake. Dooie mense word uitgestal. In die stad is daar ‘n grillerige uitstalling wat ongelooflik leersaam is en dalk is dit die beste medisyne. Kopmedisyne. Dink jy nie ook partymaal hierdie beheptheid met fiksheid en gesond eet en ‘n mooi lyfie hê is amper soos die osoonlaag en aardverwarming nie. Dit voel meer na ‘n geldmaakfoefie. Elke tweede dag is daar ‘n nuwe wonderkuur op die mark wat eetlus demp en ‘n ewe splinternuwe eetprogram (haat daardie 5-letter Dwoord). En hulle kry dit reg om miljoene mense te mobiliseer en inderdaad dele van hulself te verloor. Die siek deel van hierdie “gesonde” aksies is
dat daardie verlore stoorgoed (vir die maer jare) maar weer hul weg terugvind en dikwels sommer bietjie meer word en die sentimeters skielik ook meer is. Het al gesien hoe stukke persoonlikheid saam met daardie ligte straaltjie uit die liggaam vloei. ‘n Gesonde liggaam (seker dan ‘n vietse een ook) huisves ‘n gesonde verstand. Laat ek jou vertel. As dit so was, kan Einstein en kie maar bly wees die uwe is nie so viets nie ... Nee, dit is so. Of ja, jy moet liewers nie dit doen nie. (dié kontras is ook maar vreemd in ons spreektaal). As jy so deur daardie uitstalling van voormalige mense loop en sien hoe mooi hulle
‘n Paar feite van belang:
Nissan Qashqai 2.0 Acenta 4 silinder Krag: 102kW @ 5200 r/min Wringkrag: 198Nm @ 4400 r/min Verplasingsinhoud: 1997 cm3 6-spoed Handrat
Lengte: 4,330m Breedte: 1,783m Hoogte: 1,656m ABS remme met EBD en BA Brandstoftenk 65l 3 jaar/100 000km waarborg Prys: R310 900
en daar is soveel idees. Wie is gewillig, die vlees of die gees. As jy nou tevrede is (of ontevrede) met waar jy jouself in hierdie aspek van jou lewe bevind, maak vrede en geniet jou lewe. Bederf jouself want jy is net een keer jonk. Los die oefening en koop vir jou ‘n lekker kar. Baie makliker. Gaan klop sommer aan by JB’s Nissan en ry hulle Qashqai 2.0 Acenta. En as hy/sy jou nie beïndruk nie, moet jy maar baiesiekel ry en ala Anton Goosen só mooi boude kry. Hierdie is beslis een van die heel beste kope in die motormark vandag (g’n wonder sy hoë markaandeel in die betrokke segment nie.) As jy my vra oor indrukke. Dis maklik. Qashqai (‘n nomadiese woestynvolk) staan vir gemak en gerief deur daardie woestyn. Hy bied wat dit vra. Selfoonversoenbare MP3 radio CD met USB en Aux -sok met kontroles asook dié van die ritrekenaar op die stuurwiel. Onafhanlike klimaatbeheer, hoogteverstelbare bestuurdersitplek wat jou in beheer plaas, 200mm grondvryhoogte, hy ry besonder sag danksy spesiale klankdigting, 6-spoed handrat, spoedbeheer op die stuurwiel, en afvou-armleuning met stoorplek vir agterste passasiers, verdeelbare afvou agter-
sitplekke vir ekstra bagasieruim, 6 lugsakke, 18 duim allooivellings, en en en...... En dan is daar die brandstofverbruik wat die uwe nogal beïndruk het. Trippie stad toe agter die voormalige mense aan (weliswaar mooi gery) maar met die terugkeer was die verbruik volgens die ritrekenaar (en hoe ver kan hy nou uit wees?) ‘n baie goeie 13.8 liter km per liter. Doen jouself ‘n guns en toetsbestuur hierdie Qashqai met die aksent waar dit saak maak. Eers as jy hom gery het, sal jy verstaan. En, vergeet nou van die dêm D’s. Geniet en kry die wiele wat pas. Cheers tot dié bande weer teer vat.
DIE NISSAN X-TRAIL OORWIN DIE EPIESE AVONTUUR RONDOM LESOTHO Deur meer as 1000km van uitdaagende terein op hoë hoogtes te dek met ’n enkele tenk brandstof, bewys die Nissan X-Trail 4x2 diesel dat nie alle SUV’s brandstof vrate is nie en dat nie alle veldry avonture ’n 4x4 benodig nie.
Nissan. Innovation that excites. Bespreek vandag ’n toetsrit!
JB’s Nissan Malmesbury vir X-Trail VANAF
R259 950
Admin, lisensie en registrasie koste ingesluit
finance@jbnissan.co.za • Daniel 082 831 1598 • Andries 083 283 9916 • Sienie 082 874 2786 • Sontie 082 453 4656
JB’s Nissan Bokomoweg 54, Malmesbury Tel 022 482 1124 www.jbnissan.co.za
motors•motoring 30 Januarie 2013
7
Swartlanders laat enjins brul
Die enjins het Vrydag en Saterdag oudergewoonte gebrul en die jaagduiwels het mekaar behoorlik opgedreun by die Tygerberg Raceway by Kraaifontein se maandelikse byeenkoms. Die Swartland was ook goed verteenwoordig met ervare name soos Nicky Koegelenberg (middel links) van Riebeek-Wes wat sy teenstanders behoorlik laat les opsê het asook sy seun Raniel. Al het dit nie altyd klopdisselboom gegaan nie en was daar ‘n selfs ‘n ongeluk tussen pa en seun, het hulle hul goed van hul taak gekwyt tot groot vermaak van die duisende toeskouers. Nog hoogtepunte op die program was die deelname van Amerikaanse jaers in die V 8-afdeling.
Onder die jonger garde by die naweek se motorwedrenne by die Tygerberg Raceway was Dylan Nel (links) en Han-koch Brand (onder) van Malmesbury. Dylan het deelgeneem in die afdeling vir gemodifiseerde motors asook die Hotrods. Brand in sy Corsa met ‘n 2l Nissan-enjin is in die pronkrondte vergesel van sy suster, Mariëtte, en Albert Strauss.
Professioneel. Passievol. Betroubaar
UD Trucks Malmesbury 54 Bokomostraat, Malmesbury Tel: (022) 482 1124/5 24 Uur Padbystand 0800 008 800 www.udtrucks.co.za
Andries Steyn
Verkoopsbestuurder
Cobus Louw
Diensbestuurder
By UD Trucks Malmesbury plaas ons groot klem op die bou van langtermynverhoudings met ons klante, en lewer deurlopende steun tydens ’n produk se lewensiklus. Ons bly ook verbind tot die verskaffing van innoverende vervoeroplossings en diensaanbiedinge aan ons klante wat gebou word op vertroue, grondige kennis van die bedryf en ’n stewige arsenaal tegniese vaardighede. Ons is jou trotse vennoot op jou pad na sukses.
Kosie Smit
Onderdelebestuurder
vermaak•entertainment
8
30 Januarie 2013
Rosyntjiebrood Plaas Tannie buite Moorreesburg het in die wonderlike tyd groot geword toe families nog op Sondae gekuier en die tantes elkeen ‘n spog-resep, wat hulle soos ‘n staatsgeheim bewaar het, gehad het. Wanneer hulle gekook of gebak het, is daar van ‘n skeut meel en ‘n knypie sout gepraat. Of so drie skutte kaneel en ag, sit sommer ‘n lekker diep skep room by! Glo my, elkeen se skeut of skut was anders en elkeen het ‘n geheime afoorkoppie of kastrolletjie gehad om daardie spesifieke resep nog meer uniek te maak! Deur die jare het Plaas Tannie dus so proe-proe gekook en daarom het ons al ‘n hele klompie resepte ‘herwin’. Ek deel graag Plaas Tannie se onfeilbare Rosyntjie-broodresep:
Meng saam: 1. 500g pitlose rosyne 2. 2 ½ ml sout 3. 15ml suiker 4. 500ml yskoue water. Roer vir suiker om op te los en laat rus dit ‘n paar minute staan. Kry gereed: 1. Verhit jou oond op 180°C 2. Smeer ‘n klein broodpannetjie 3. Gooi 500g bruismeel in ‘n knieskottel en maak ‘n holte in die middel. 4. Gooi rosyne-mengsel in holte van meel. 5. Meng versigtig, maar moenie te veel hanteer nie. 6. Sit in broodpan en bak 30-40 minute tot gaar. Let op: Dit is ‘n ‘swaar’ brood, want daar is baie rosyne in. Eet sodra dit afgekoel is.
deur dr. Andrew Bosman
swartland events/kalender Nianell op Riebeek Kasteel 1 Februarie – Nianell tree om 20:00 op in die Royal Hotel in Riebeek-Kasteel. Kaartjies kos R120. Bespreek vooraf by tel. 022 448 1378. Ikusasa sjefskool-inskrywings sluit 1 Februarie – Hierdie nuwe opleidingskool vir sjefs in Riebeek-Wes kan net 10 kandidate per jaar aanvaar en inskrywings sluit vandag. Stuur jou e-pos na admin@ikusasa.co.za of skryf ‘n motiveringsbrief aan Recruitment, Posbus 114, Riebeek-Kasteel 7307.
Amanda Strydom, Diva van Afrikaanse musiek, en Hannes van Wyk, speel op 19 Februarie in die stuk “Voor ek vergeet” op Malmesbury. Die courant gee in samewerking met M4 Events & Promotions aan vyf gelukkige lesers elkeen ‘n dubbelkaartjie vir “Voor ek vergeet” in die De Bron Groot Teater op Malmesbury. Om in aanmerking te kom vir die kompetisie, sms voor Maandag 11 Februarie om 14:00 jou naam, dorp en die naam van die betrokke kunstenaars na 084 8333 813.
Ontbyt saam met Leon Goosen 2 Februarie - Coram Deo-gemeente op Malmesbury bied ‘n ontbyt saam met Leon Goosen aan in hul saal in Dr Euvrardstraat 20 om 8:30 vir 9:00. Koste: R55 en R25 (kinders onder 12). Gratis konsert volg die aand om 18:30. Skakel 022-4821502 of 0723459557. Malmesbury Netbalklub 18 en 19 Maart - Malmesbury Netbalklub hou ‘n Besigheidstoernooi op Laerskool Swartland op Malmesbury se netbalbane. Inskrywingsvorms kan by Wanda gekry word. Inskrywings sluit 22 Februarie. Skakel 084 519 2237 of e-pos wandalesch@ telkomsa.net met u navrae. Kerkdiens op Malmesbury 3 Februarie - Die AGS Corpus Christi hou hul oggenddiens om 09:30 met die titel: Voorspoed Van die Goddelose in Perspektief. Die prediker is past. Piet Smit. Die aanddiens volg om 18:30 met die prediker past. Piet Smit. Bel 073 447 2902 vir navrae. Kalligrafie-werkswinkel op Darling 6 Februarie - Die Darling-museum en Jenny Meyer bied dié kursus oor hierdie eeue-oue kuns aan om 10:00. Skakel Dianne vir besprekings by 0224923361 of info@darlingtourism.co.za Jannie Mouton op Moorreesburg 14 Februarie - Die sakemagnaat Jannie Mouton, voorsitter en stigter van PSG, is die hoofspreker op die Swartland Kleingraan-Ontwikkelingsgroep (Skog) se Voorsaaidag in die Moorreesburg stadsaal. Die onderwerp van sy toespraak is: “Sukses in uitdagende tye”. Verskeie ander sprekers sal optree.
Kaartjies vir Amanda op Malmesbury
Diegene wat die Voorsaaidag wil bywoon, kan vanaf 8:00 teen R100 registreer. Die opening en verwelkoming is om 9:00, waarna Mouton aan die beurt sal kom. Die verrigtinge duur tot 13:00. VLV-byeenkoms gesels oor voeding 13 Februarie - Die Malmesbury-VLV vergader in die Mount Royal Golflandgoed om 9:15. Karen Thompson van HELP (Harmony Eating and Lifestyleprogram) praat oor die holistiese lewenswyse en regte eetgewoontes. Koste: R20 per persoon vir nie-lede, maar almal is welkom. Bespreek by Jeanette Orchard 071 643 5805 en lees meer by www.helpdiet.co.za Oorskietwol vir Kansa 15 Februarie - Sonnet van die Kansa-kantoor ontvang vandag alle oorskietwol vir die brei van kniekombersies vir die kankerpasiënte van die streek. Kansa nooi almal om betrokke te raak by hierdie omgee-projek.
Skakel 022 482 1111 vir meer inligting. A Nite under the stars 16 Februarie - Verskeie bekende kunstenaars, jazz-groep en DJ tree op in die Malmesbury-stadsaal om 19:30. Dit is ‘n fondsinsamelingsfunksie vir die West Coast Community Foundation. Dit sluit in mengeldrankies met aankoms en driegangmaaltyd. Bel Magaret Tippens vir meer inligting by 022 4821993. Wêreld-skermsweefbyeenkoms 23 Februarie tot 2 Maart - Een van die ses byeenkomste in die jaarlikse Wêreldbekerreeks in skermsweef word by Porterville aangebied. Benewens Suid-Afrika se bestes word deelnemers uit lande soos Frankryk, Switserland, Amerika, Duitsland, Venezuela, Spanje, Portugal en Skandinawië verwag. Die wêreldrekord word tans gehou deur Nevil Hulett, wat vyf jaar gelede ‘n afstand van oor die 502 km afgelê het.
“Voor ek vergeet” op verhoog 19 Februarie – “Voor ek vergeet” is die aangrypende verhaal van ‘n ma en seun, met die Diva van Afrikaanse musiek, Amanda Strydom, en Hannes van Wyk, om 20:00 in die De Bron Groot Teater op Malmesbury. “Voor ek vergeet...” is ‘n reistog van geloof, hoop en liefde wat ma en seun saam aanpak. Die stuk is deurvleg met verrassende elemente wat die gehoor die heeltyd laat wonder oor so baie dinge. ‘Voor ek vergeet...’ beloof baie deernisvolle situasies tussen `n ma en seun, baie lag en trane. `n Relevante stuk teater wat by almal aanklank sal vind en waarin elke mens homself sal herken -`n Eg eerlike en menslike drama. Kaartjies teen R100 stuk by Superfoto in die De Bronsentrum op Malmesbury of by M4 Events & Promotions. Bel 022-4872000 om ‘n navraag te rig. Pretloop op Moorreesburg 2 Maart - Die Swartland Atletiekkklub bied aan ‘n halfmarathon (21,1 km), wat om 7:00 wegspring, ‘n 10 km om 7:15 en ‘n pretloop wat om 7:30 begin by die Gene Louw Sportgronde. Besoek die webwerf www.swartlandac.co.za of bel Dienie Truter by 082 895 8395 of 022 433 1895 om navraag te rig.
NUUS•News
9
30 Januarie 2013
Pad in lente gereed Die opknapping van die pad tussen Darling en Malmesbury teen ‘n koste van bykans R90 miljoen behoortin die lente voltooi te word. Nagenoeg 60% van die projek om die pad op te knap en te verbreed is reeds voltooi, volgens Andre du Preez, besturende direkteur van die kontrakteur, Power Construction. ‘’Ons moet nog 7,5 km se pad oorbou, tussen km 7,8 en km 10,3, en tussen km 15,05 en km 19,8.’’ Volgens Du Preez is alles op skedule en is die kontrakteur tans inderwaarheid ‘n maand voor met die program. Die beoogde datum van voltooiing is in die tweede helfte van vanjaar. “Ons beoogde datum is einde Julie 2013, as ons al die seëlwerk inkry voor die embargo. ‘’Die embargo-periode is wintermaande, tussen Mei en Augustus, wanneer die weer te koud en nat is om met teerprodukte te werk, daarom wag ons dan tot September om die teerwerk te voltooi. ‘’So ons probeer hard om voor Mei die laaste teerwerk klaar te maak. Indien nie, sal dit einde Oktober 2013 wees.’’ Die oorspronklike koste van die projek was
Prefekte op Riebeek:
R78,50 miljoen. Met die ekstra 5,5km pad se oorbou tussen die spoorweglyn (by km 4.8) en Elsana-plaas (by km 10,3) beloop dit nou R88,8 mijoen. Die gemiddelde vertraging gedurende ‘n rit tussen Malmesbury en Darling is tans nagenoeg 15 tot 20 minute weens twee permanente stopry-reëlings. Van die kontrakteur se huidige probleme is ‘n tekort aan bitumen van die verskaffers en met die verskaffing van padmateriaal van plaaslike groewe, asook soms die weersomstandighede, spesifiek wind en reën. "Die situasie met die groewe is alleenlik ‘n probleem indien die hoeveelheid materiaal wat nodig is om die program te dryf, nie beskikbaar per dag/maand is nie, en dan ons sou ophou. “Huidiglik is dit nie ‘n wesenlike probleem nie, maar ons gaan baie materiaal nodig hê om die produksie te handhaaf, en dit hang dan af van die voorsieners asook die vervoerders (trokke) se vermoëns. “Kwaliteit is partykeer ook problematies, maar ook dit lyk nie tans na ‘n probleem nie - die materiaal voldoen aan die tegniese vereistes," het Du Preez geantwoord.
Die leerlingraad vir 2013 by die Laerskool RiebeekKasteel is: Agter: Tyreeq Faro, Gawie Steyn, Vaughn Krumbock, Pieter Melt Hanekom, Van Eeden Hanekom, Fryhoff du Toit, De Villiers Brink. Voor: Marjanne Smuts, Katinka Theunissen, Annali Brink, Angenita Mynhardt, Danielle Gerber, Karla Steyn en Chrisna Blom.
Elkana: Die gereelde besoekers van Elkana Kindersorg-sentrum op Malmesbury
het bruikbare geskenke van oorsese besoekers ontvang. Nadat die courant onlangs berig het oor Lisette van der Harst, die mondhigiënis uit Nederland, wat die Elkanakinders touwys gemaak het oor mondsorg, het die Van der Harst-gesin se Nederlandse vriende se kinders by die skool begin om tandeborsels, -pasta en skryfbehoeftes bymekaar te maak. Die Bierman-gesin het uiteindelik met 37kg se geskenke na Suid-Afrika gereis en dit aan Elkana se kinders en personeel geskenk. Op die foto is die Nederlandse kinders wat die geskenke gereël het, Antoinette en Hidde Bierman, by die gereelde Elkana-gangers. Die Nederlandse besoekers is vriende van Joop en Joke Pinckaers van Malmesbury, beide toegewyde organiseerders van die Elkana Kindersorgsentrum.
Rekords:
Atletiekrekords by Laerskool Swartland op Malmesbury is opgestel deur Danielle Carstens (diskus D.13 - 26,27m); Kelsey Ziegers (gewigstoot D11 - 8,72m); Jana Relihan (800m D.12 - 2:33:19 en 1 200m D.12 - 3:59,93); Juandré Theron (voor, krieketbalgooi S7 - 34,17m) en Jana le Roux (afwesig met die neem van die foto: stap D 13 - 9:21:58).
10
Leana Fourie en Terina van der Merwe, kantoorpersoneel van Heating & Cooling Solutions, ofte wel HCS op Malmesbury, spesialiste in verhitting en verkoeling,
hcs promosie • promotion
30 Januarie 2013
HCS staan reg vir al jou verkoelingsen verhittingsbehoeftes Heating & Cooling Solutions, ofte wel HCS op Malmesbury, is 'n maatskappy wat daartoe verbind is om enige verhittings- of verkoelingsbehoefte te bevredig, maak nie saak hoe groot of klein die uitdaging. HSC streef in samewerking met toonaangewende maatskappye in die lugversorging-, verkoeling-, insoleringen ventileringsektor na die verskaffing van gehalteprodukte met noukeurige vakmanskap. Deur die aanwending van sowel HCS as hul verskaffers word klante voorsien van tegniese inligting, mede dingende kwotasies en uitstekende ondersteuningsdiens. HCS, geleë by sy nuwe perseel by Arcadiastraat 14 op Malmesbury, is 'n maatskappy wat oor die jare groot
sukses behaal het. Dit is danksy die toewyding van sy eienaars tot elke projek. Onder die leiding van die eienaars, Heinrich Schreuder en Angelo Dipaola, word die agste bestaansjaar tans gevier. Van sy personeel van nagenoeg 15 is sowat 80% heeltyds met verkoeling besig, terwyl die oorblywende 20% op insuleringsopdragte konsentreer. Daar is twee vroue wat die onderneming se administrasie behartig. Danksy hierdie wenbenadering ten einde klante net die beste diens te gee, gaan die besigheid net van krag tot krag, luidens die webwerf www.hcsolutions. co.za. Van die kundigheid wat tans aangebied word, is eerstens lugversorging. Dit sluit in die installering van die beste
produkte, asook die diens en herstel van alle soorte. Tweedens is daar verkoeling, wat die bou van vrieskaste en koelkamers insluit. Hier sluit die diens in diens en herstelwerk, asook verkoelings volgens alle groottes en spesifikasies. Dan is daar 'n reeks insuleringsmoontlikhede. HCS se ventileringsdiens behels onder meer die verskaffing van uitsuigtoestelle en varslugstelsels. HCS behartig onder meer plafon-Isolasie (isotherm), en Isoboard wat in die plek van ‘n ‘rhino board’-plafon gebruik kan word, asook die verf en skoonmaak van dakke. ‘n Nuwe “skoukamer” wat beligting, lugversorgers en die nodige elektriese produkte sal verkoop, kan binnekort besoek word. In samewerking met Absabank kan finansiering gereël word vir goedgekeurde kliënte. Voorwaardes en keuring geld. HCS maan die pubiek om op die uitkyk te wees vir nie-geakrediteerde lugversorgingsinstalleerders. HCS bied ook ‘n spesiale aanbod op ‘n 9000BTU Gree lugversorger met ‘n 5 jaar waarborg wat slegs teen R4700.00 geïnstalleer kan word. Vir nader besonderhede besoek die webwerf www.hcsolutions.co.za of bel 022 4873333 om 'n navraag te rig of kontak info@ hcsolutions.co.za per epos.
Heinrich Schreuder, mede-eienaar van HCS op Malmesbury.
hcs promosie • promotion 30 Januarie 2013
Personeel van HCS op Malmesbury is agter van links na regs Theunis Fourie, Heinrich Schreuder, Andre Bosman, Jody Raath, Arthur Hendricks en Andrew Majonga. Voor van links na regs hurk Gift Souta, Angelo Dipaola, Piet Geduld en Barend Snyman.
11
NUUS•NEWS
12
Aan die werk by HCS
30 Januarie 2013
PROMOSIE
Rekords:
Hierdie leerders van Hoërskool Swartland op Malmesbury het rekords verbeter tydens verlede week se kleure-atletiekbyeenkoms: Lebo Masinga (300m hekkies D.14 – tyd 54,34 en 90m hekkies D.14 – tyd 16,04); Ester van der Merwe (3000m stap D.17 – tyd 18:03,91); Thando Magingxa (5000m stap S.17 – tyd 28:03,00); Juanine Langeveldt – 3000m stap D.19 – tyd 18:31,65); Sam Walters (300m hekkies S.14 – tyd 48,07 en 100m hekkies S.14 – tyd 16,57); Elaine Steyn (Spiesgooi D.17 – afstand 29,78). Afwesig met die neem van die foto was Marlize Louw (Gewigstoot D.17 – afstand 9,07). Die aflosspan 4 x 100m S.15 het ook 'n nuwe wentyd aangeteken met 49,00s.
Goudspan:
Die Goudspan by Hoërskool Swartland het die geesbe ker by die interkleure atletiek gewen. Hul dirigente is agter: Tim Manga, Curwan Gouws, Leandré Moses en Revin Hartnick. Voor is Cassey-Rae Hayes en Kristin Krieling.
Avuyile Sithole (foto bo) aan die werk op HCS se perseel op Malmesbury, en op die foto onder sit die HCS-manne koppe bymekaar met ‘n volgende projek.
UITNODIGING OM LEDE VIR GESONDHEIDSFASILITEITSRADE TE BENOEM Die ampstermyn van baie gesondheidsfasiliteitsrade by hospitale (“Rade”), wat in ooreenstemming met die Wes-Kaapse Wet op Gesondheidsfasiliteitsrade, 2001 (Wet 7 van 2001) (“die Wet”) saamgestel is, verval in Februarie 2013. Die Provinsiale Minister van Gesondheid nooi dus hiermee gemeenskapsliggame of persone uit om persone te benoem om op nuutsaamgestelde Rade te dien. Die Provinsiale Minister moet ingevolge artikel 6(1) van die Wet minstens agt en hoogstens veertien lede in ’n Raad aanstel, insluitend: (a) persone verteenwoordigend van ’n gemeenskap of gemeenskappe wat deur die gesondheidsfasiliteit bedien word; (b) minstens een persoon met tegniese kundigheid van die sakewêreld, die reg, finansies, rekeningkunde of ’n ander terrein wat met die funksies van die Raad verband hou; (c) die hoof van die hospitaal; (d) minstens een persoon verteenwoordigend van die kliniese personeel van die betrokke hospitaal, wat deur die kliniese personeel van daardie hospitaal benoem word; (e) minstens een persoon verteenwoordigend van die niekliniese personeel van die betrokke hospitaal, wat deur die niekliniese personeel van daardie hospitaal benoem word; en (f) in die geval van ’n hospitaal waar gesondheidsberoepslui opgelei word, minstens een persoon verteenwoordigend van akademiese belange en wat deur die Visekanselier van die betrokke universiteit benoem word. Neem asseblief kennis dat die volgende hospitale ’n volle ledetal vereis: • Alan Blyth-hospitaal (Ladysmith); • Alexandra-hospitaal; • Brewelskloof-hospitaal; • Brooklyn Chest-hospitaal; • Caledon-hospitaal; • Citrusdal-hospitaal; • Clanwilliam-hospitaal; • DP Marais-hospitaal; • George-hospitaal; • GF Jooste-hospitaal; • Groote Schuur-hospitaal; • Harry Comay-hospitaal; • Helderberg-hospitaal; • Hermanus-hospitaal; • Karl Bremer-hospitaal; • Knysna-hospitaal; • LAPA Munnik-hospitaal; • Malmesbury ID-hospitaal; • Mitchells Plain-hospitaal; • Montagu-hospitaal; • Mosselbaai-hospitaal; • Mowbray-Kraamhospitaal; • Murraysburg-hospitaal; • Nelspoort-hospitaal; • Otto Du Plessis-hospitaal; • Outdshoorn-hospitaal; • Paarl-hospitaal; • Prins Albert-hospitaal; • Radie Kotze-hospital (Piketberg) • Rooi Kruis-oorloggedenkhospitaal vir Kinders; • Riversdal-hospitaal; • Robertson-hospitaal; • Somerset-hospitaal; • Stikland-hospitaal; • Tygerberg-hospitaal; • Uniondale-hospitaal; • Valkenberg-hospitaal; • Valsbaai-hospitaall; • Vredenburg-hospitaal; • Vredendal-hospitaal; • Wesfleur-hospitaal; • Wes-Kaapse Rehabilitasiesentrum; • Worcester-hospitaal. Die volgende inligting word vir alle benoemdes vereis: 1. ’n Ondertekende afskrif van die benoemingsvorm; 2. Die naam van die hospitaal waarvoor die benoeming gemaak word; 3. Die volle naam en adres van die benoemde; 4. ’n Ondertekende afskrif van die benoemde se curriculum vitae; 5. Die motivering vir die oorweging van die benoemde as ’n geskikte lid van die Raad; 6. ’n Verklaring deur die benoemde van sy of haar bereidwilligheid om ’n lid van die Raad te wees. Buiten die bogenoemde, vir benoemdes ingevolge artikel 6(1)(a) van die Wet, d.i. vir gemeenskapsverteenwoordigers, moet die volgende inligting die benoemings vergesel: (a) Die volle naam en adres van die gemeenskapsliggaam wat die kandidaat benoem, en ’n afskrif van die grondwet van die liggaam of ’n ander stigtingsdokument; (b) ’n Aanduiding van of die benoemde ’n lid van die liggaam is wat die benoeming maak en, indien wel, die lengte van die benoemde se lidmaatskap, en indien die benoemde nie ’n lid is nie, hoekom die liggaam daardie persoon benoem. Persone of liggame wat benoemings maak asook benoemdes moet asseblief op die volgende let: • Die Provinsiale Minister van Gesondheid sal lede aanstel. • Die posisie van ’n lid in ’n Raad is vrywillig met geen besoldiging daaraan geheg nie. Lede van die Raad kan egter deur die Raad vergoed word vir sekere reis- en verblyfonkoste wat aangegaan is. Benoemingsvorms is verkrygbaar by en kan afgelewer word by: Me. Tanya Davids OF Mnr. Herman van der Westhuizen Direktoraat: Strategiese Beplanning en Kantoor van die Minister van Gesondheid Koördinering Wes-Kaapse Regering Wes-Kaapse Regering: Gesondheid Posbus 2060, Kaapstad, 8000 Posbus 2060, Kaapstad, 8000 Tel.: 021 483 5417 Tel.: 021 483 3539 Faks: 021 483 3205 E-pos: Tanya.Davids@westerncape.gov.za Die sluitingsdatum vir alle benoemings is 28 Februarie 2013.
NUUS•News
13
30 Januarie 2013
Jolanda Retief teken vir haar span punte aan op CPM se kleurebyeenkoms.
Angelique van Niekerk (groen) van CPM op Malmesbury seil oor die hoogspringlat.
Charnese van der Westuizen land in die verspringgat tydens CPM se kleurebyeenkoms.
Jana Nel van Laerskool Swartland in die verspring.
BO: Mila-Mari van Lill (middel) van Laerskool Swartland op pad wenpaal toe.
Tony Louw (links) en Hans Neethling van Laerskool Swartland spook sake uit.
Amelie van Lill in die hoogspring by Laerskool Swartland.
LINKS: Francilize Rossouw gooi die diskus tydens Hoërskool Swartland se kleurebyeenkoms.
LINKS: Daniel du Toit in die hoogspring by Hoërskool Swartland se kleurebyeenkoms.
ALBERTINIA
1. SAKEGEBOU IN NYWERHEIDSGEBIED 2. HOUTWERKMASJINERIE,TOERUSTING, ENS. Erf 1397, Nywerheidslaan 1, Albertinia: Groot: 2 367m² Verbeter met ±400m² Werkswinkel, met Kantore en Stoorkamer:
HOUTWERKGEREEDSKAP Hout: • geelhout • stinkhout • swarthout • oregon-den • beukehout • denneplanke • verskeie ander soorte • afvalhoutstukke • eikehoutskaafsels. Houtwerkmasjiene: • Rockwell bandsaag, tafelsaag, lysmasjien (spindle) + lemme • Elephant 14” bandsaag + lemme • Emco Rex dikteskaaf • Wadkin Bursgreen skaaf en dikteskaaf 300mm + lemme • skuurmasjiene • draaibanke • tapmasjien • staanbore • Makita verdieper (router) en tafel • sweismasjien • Morse guillotine • 3-fase wap • kompressor • Dewald Radial saag • “G-Wald Precision Dovetail Jointing System” plus Makita verdieper (router) en lemme vir maak van louvre-deure. Kleiner Elektriese Masjiene: • Makita figuursaag, orbitale skuurmasjiene, bandskuurders, handskawe, boor, verdiepers, boor • Ryobi sirkelsaag • Black & Decker boor, “heatgun” • gomspuit • hoekslyper • Speedmate sirkelsaag. Kantoortoerusting: • staalkaste • liaseerkabinette • liaseerkassies • Milners kluis • sekuriteitskabinet • boekrakke • Sharp optelmasjiene • snippermasjien • guillotine • Minolta fotostaatmasjien • hanglêers • Leverarch lêers • skryfbehoeftes • houtrakke • staalrakke • trollies • trommels • tekenbord • vlekvryestaaltafel • werkstafels • werksbanke met bankskroewe • koffietafels • wiegie • tafels • stoele • drankkabinet • swarthoutbedkassie • mahonielessenaar. Losgoed: • luidsprekers • domkrag • gas-sweisbottels en krane op ’n trollie • 10kg gasbottels • Cadac blaaslampstel • petrolkan met uitgooipyp • waterpomp • Singer voetstuk • spinwiel • handgewigte • spieëls • loodglasgereedskap • ammunisieherlaaistel • fiets • vleissaag met meule en worsstopper • sinkbad • dubbelopwasbak • houtlere • Cadac skottelbraaiers • kinder-trapkar • grassnyer, kunsmisstrooier, tuinslang, grawe, vurke • verfbakke, kwaste en rollers • troffels en teëls • prente • gevlegte laaie • houtvernisse, olie en kleursel • lampe, gloeilampe, elektriese motors • spykers • boute en moere • skroewe • Rawl proppe • wassers • katrolle • skuurpapier • slypstene • skarniere • laai-“runners” • hamers • vyle • tange • bore • beitels • skroewedraaiers • draaibankbeitels • bobbejaanskroefsleutels • sproeispuit • driepote • sperrat en bande • syfer- en letterponse • messeslypstel • Gedore sokstel • Poprivet stel • oorslag en boorpunte • spykermasjiene en spykers • ”snytap en snymoer-stel (tap and die) • soldeerboute • leerpons en merker • sae • handskawe • houtpassers en maatbande • verdiepbore • Torque moersleutel (wrench) • waterpas • winkelhake • houtnaels (dowels) • “biscuits” • deurhandvatsels • maatstokke • houtklampe • G-klampe • allensleutels • draadborsels • stofmaskers.
110462
DONDERDAG 7 FEBRUARIE 2013 1. EIENDOM OM 10:00 OP DIE PERSEEL 2. GEREEDSKAP, TOERUSTING EN LOSGOED OM 11:00 BY GOURITSSTRAAT 4.
Elaine Steyn in die spiesgooi by Hoërskool Swartland se kleurebyeenkoms.
VOORWAARDES: Eiendom: By ons kantoor. Toerusting: Kopers moet met ID en bewys van verblyf registreer. Slegs bankgewaarborgde tjeks is aanvaarbaar voor verwydering van items.Verkope is onderhewig aan reserwepryse. Items mag bygevoeg of weggelaat word sonder vooraf kennisgewing. NAVRAE: Koos van Rensburg 083 625 5466 / Dawie van Rensburg 084 581 0781
Tel: 028 713 4003 - www.kvrveilings.co.za
14
dienste•services 30 Januarie 2013 PROMOSIE
Kom Zumba jou fiks op 'n danspartytjie
Uithourit:
Julie Craig ry in Saterdag se uithourit oor 85 km, wat uit drie bene bestaan het; die eerste twee oor 32,5 km elk en die laaste been oor 20 km. Altesame 80 perde het deelgeneem aan die jaagtog, wat deur die Swartland Uithouritklub aangebied is.
Riana Lamprecht en Leandri Schoeman van Malmesbury is twee Herbalife-agente wat Zumba en Herbalife gaan kombineer sodat die beste resultate vir gewigsverlies en 'n gesonder leefstyl bereik kan word. Die klasse gaan aangebied word deur 'n professionele instrukteur wat spesialiseer in Zumba-fiksheid. Dié klasse is nie net gemik op digene wat gewig wil verloor nie, maar ook vir dié van ons wat bloot 'n gesonder leefstyl wil handhaaf. "Ons beoog om oggend- en laatmiddagklasse aan te bied sodat dit in almal se skedule sal inpas." Maar wat is Zumba? Zumba is ‘n koste-effektiewe, moderne, opwindende, Latyns-geïnspireerde en kalorie-ver-
brandende dansfiksheidspartytjie wat ook deur vele glanspersoonlikhede effektief gebruik word. Ná elke sessie sal 'n maaltydvervanger en spierhersteldrankie van Herbalife teen ‘n minimale fooi aangebied word. Kom sluit aan by die danspartytjie! 'n Geregistreerde professionele en goed opgeleide Zumba-instrukteur kom bied klasse aan by Huis van Zyl-meisieskoshuis in Langstraat, Malmesbury vanaf begin Februarie. Vir verdere navrae, stuur ‘n sms na 0833568383 of 071 6436666 of e-pos jou naam na malmesburyzumba@gmail.com. “Zumba is vir oud en jonk, kom geniet die partytjie saam met ons!” nooi Riana en Leandri vriendelik.
15
kleintjies•smalls 30 Januarie 2013
2
Gesoek Wanted
Soek ou tydskrifte en gebruikte potplant houers (enige grootte) in Malmesbury omgewing. Sal oplaai. Soek ook bruikbare swart plantsakkies. Kontak 082 832 2458. -----------------------------Welkom meubels betaal harde kontant vir 2de handse goeie meubels, linne, breekgoed, mans skoene, vroue skoene, handsakke, ens. Kontak 022 487 1547/084 794 7528. ----------------------------
12 Dienste Services ABC KINDERPARTYTJIES-Kindertemapartytjies, dekor, tafeltjies, stoeltjies, koeke en versiersuiker prints. Kontak Elsa 078 544 2038, abcpartytjies@gmail.com of www.abcpartytjies. weebly.com -----------------------------Bekende skoonmaak dienste in en om Swartland (ms’s min) brei uit. Skoonmaak van huise, kantore, enige besighede, was van vensters, ens. Kontak Amorette 072 271 2881. En dan was van matte/matrasse. Kontak Elsabe 078 381 9953. -----------------------------DU TOIT TRAILERSSleepwaens te huur, asook kar sleepwa “piggy back”, asook skaap spitbraai te huur. Kontak 022 482 1767/072 237 2349. -----------------------------Fridge repairs at low cost and all household appliances in Malmesbury and surrounding towns. Contact 078 213 9857. -----------------------------HUIS-PALEIS MEUBELS-Verskaffer van alle Truform en Cloud Nine beddens en matrasse, asook alle parte vir huishoudelike toebehore. Skakel 022 482 2100. -----------------------------JK SkoonmaakdiensJou alles in 1 tuindienste. Sny van grasperke en rante. Snoei van bome en struike.
Skoonmaak van beddings. Uitleg van tuine, verkoop en le van gras. Verwydering van tuinvullis. Kontak Jaco vir gratis kwotasies. 083 227 5937. -----------------------------KONTANTLENINGS vir maandelikse persone. Persone op swartlys ook welkom. 074 114 2554. -----------------------------TOP CARPETS EN BLINDS-Teëls, matte laminering, vinylvloere, blindings en hersteldiens. Gratis kwotasies en professionele diens. Skakel 022 482 2100. -----------------------------UITHAAL en Verwydering van bye. Kontak Kobus 083 722 7787/022 482 2767. -----------------------------YSKASTE HERSTEL. Ook binne lekke. New Freeze, Kerkstraat 18, Moorreesburg. Skakel 082 573 1589/083 651 5547.
koop 4 Te For sale
TE KOOP
EGTE LEER MANSKOENE-(Vellies, stewels en sandale). Teen spesiale pryseMalmesbury. Kontak Max 083 275 8266. ----------------------------Heuning te koop. 3kg emmertjie @ R150.00. Skakel Kobus 083 722 7787/022 482 2767. -----------------------------NEGOSIKAS: Op die hoek van Hill en Vredestraat. Soek en verkoop gister en eergister se ware, veral wit linne en porselein asook alles wat interressant en oud is. Skakel Tannie Juna: 022 487 2601. -----------------------------Namibiese Kudu Biltong @ R195 p/ kg. Droëwors @ R175 p/kg. Ideaal vir geskenke. Kontak Jaques 073 294 3343. Malmesbury aflewerings ingesluit. -----------------------------20 Liter leë kanne te koop @ R10.00 elk. (Malmesbury) Kontak Paula 084 585 5730.
16
Betrekkings Vacancy
Benodig kode 10 Drywer met PDP. Sober
gewoontes. Kontak 073 364 1279. -----------------------------Justine VelsorgVerdien ekstra geld, verkoop Justine. SMS naam en area na 084 655 1983. -----------------------------Toesighouer vir parstyd in wingerd benodig. Moet oor eie vervoer beskik.Kontak 083 455 1046.
7 Te Huur
To Let TE HUUR
PROPERTY SELLERSR7000 - Netjiese 4 slaapkamers, 2 bdkamers, Tv kamer, Plaaskombuis met binnebraai, Oregon kaste en vloere. swembad, dmh, buite geboue. R7000 - Gerestoureerde 3 slaapkamers, 2 badkamers, Groot sit/eetkamer, Dubbel motorhuis, Buitegeboue, emh. R3370 - 2 Slaapkamer woonstel. R1970 - Eenman Woonstel.R4400 - 3 Slaapkamer + Mh (kompleks). Skakel kantoor 022 487 1264. -----------------------------Woonhuis in Moorreesburg vanaf 1 Februarie. 3 slpk, 2 badk. Kontak Piet 084 569 7742 of Beulah 071 428 3201. -----------------------------
4 Eiendom te koop
HUIS TE KOOP Begoniastraat 69, Wesbank. Prys R120 000.00 onderhandelbaar. Kontak eienaarSimone op sel: 079 190 7577. -----------------------------
23 Vermis/ Lost
Jong wit en gemmer wyfie kat verlore geraak 17/12/2012 in die Spar parkeer area. Skakel asb 073 203 4797. -----------------------------
21
Dankie Thank You
Ek wil graag vir almal baie baie dankie sê vir al die gebede, navrae,
telefoon-oproepe, ens tydens en na my operasie in Durbanville-Mediclinic: in die eerste plek vir die Heer en Meester vir Sy leiding en teenwoordigheid, oral en altyd. ‘n Spesiale woord van dank vir die twee leraars (dii. O’ Kennedy en Snyders) vir hul besoeke en gebede. ‘n Spesiale dank aan Annatjie van Niekerk, wat altyd bereid is om my na die hospitaal en spesialis te vervoer. Ook vir haar gebede en moed inpraat en onderskraging in hierdie moeilike tyd! Ek herstel nou weer tree vir tree. Anette Smith.
20 Gelukwensing Congratulation
30/01/2013 - MONA BROWN. Gelukkige 83ste verjaarsdag aan ons ma en ouma. Dankie ook dat u haar so gespaar het met goeie gesondheid. Mag daar nog vele verjaarsdae kom dat ons haar kan bederf. Van Anne Brown en gesin en al die ander Brown familie en vriende.
Kontak ons vir advertensies wat werk by 022 487 3221.
courant
die
SPORT
tel 022 487 3221
30 Januarie 2013
WES-KAAP SE TOP-KLUBS SPEEL OP MALMESBURY
Sewesrugbyfees op Wesbank wag Die voormalige WP- en Springbokrugbyspeler Earl Rose is onder heelwat top-spelers wat op Saterdag 9 Februarie uitdraf in die die sesde OK Mini Mark Castle Wesbank 7’s Toernooi in Wesbank, Malmesbury. Prysgeld van R18 000 is op die spel in wat beskou word as die grootste sewestoernooi vir klubspanne in die Wes-Kaap. Dit word op die Wesbank-sportterrein aangebied. Die aksie begin reeds die oggend om 9:00 wanneer spanne soos Maties, Wesbank, Hamlets, St. Georges, Strand, Eersterivier, Maccassar, Young Peoples, Rocklands, Vredenburg, Caledon, Victoriane, Malmesbury, Mamre, Newtown, Vineyards, Belhar, Sir Lowrians, UWK en Korrektiewe Dienste mekaar die stryd aansê. Met 2013 as die sesde agtereenvolgende aanbieding van die toernooi, beloof die dag om selfs groter en beter as tevore te wees. Benewens Rose, in die kleure van Sir Lowrians, is van die ander spelers wat hul vaardighede ten toon sal stel die WP-speler Bennie Adams, ook van Sir Lowrians, terwyl Marno Hart, Boland Cravenweek-ster, en Rodwill Jonkers, Boland 0.21, albei vir Wesbank sal uitdraf, het Ian Adams, woordvoerder van die toernooiorganiseerders, aan die courant gesê. Vir Maties sal Josh Bassingthwaighte en Stefan de Villiers van die SA sewesgroep en Hayden de Villiers van die SA Studente-sewesgroep in aksie wees. Vir Vredenburg sal Boland se Ashley Esau en Jason Jantjies ook hul slag wys. Die Castle Hoekie het ook al ‘n instelling onder ondersteuners geword en sal hierdie jaar in volle swang wees met selfs meer promosies en pret en plesier. ‘n Verskeidenheid van kosstalletjies sal tot die beskikking van toeskouers wees. “Hierdie jaar voeg ons ook ‘n ‘kiddies corner’ by, wat die kleinspan sal vermaak,” lui ‘n mediaverklaring van Adams. Sedert die ontstaan in 2005, het die Wesbank Rugbyklub se jaarlikse sewestoernooi van krag tot krag gegaan. “Toeskouerbywoning het ‘n stewige toename oor die afgelope jare getoon en groei steeds. Klubs van die WP en Boland kompeteer jaarliks in die toernooi. Dit is verstommend om elke jaar die hope jong talent te sien wat die Wes-Kaap oplewer,” lui die verklaring. “Drie jaar gelede het die toernooi ‘n geweldige hupstoot gekry toe SAB (Castle) aangekondig het dat hulle graag aanboord wil kom as hoofborg vir die toernooi. Hierdie jaar het OK Mini Mark Malmesbury ook aan boord gekom om tesame met Castle die hoofborge te wees.” Kaartjies is beskikbaar teen R10 vir volwassenes en R5 vir kinders. Besoek gerus die toernooi se Facebookblad by www.facebook.com/alloutsevens.
Terughou:
Melanie Stemmet van Malmesbury B se tennisspan speel 'n terughou in die wedstryd teen die Strand. Sy en Leria De Jongh het hul dubbelspelwedstryd teen S.Stapelberg en J.Whitfield met 7-5, 7-6 geklop. Malmesbury B het met 6 wedstryde teenoor 2 gewen, terwyl Malmesbury A met 8-0 verloor het teen die Strand en Malmesbury C Bottelary B met 6-2 geklop het.
Twee silwer medaljes:
Twee swemmers van Hoërskool Swartland het gekwalifiseer om aan die WP A Kampioenskapsgala deel te neem. Van links staan Karla Smit, Olinka Steyn (afrigter) en Renelda Scholtz. Karla het tot twee finale deurgedring, die 100m vryslag en 200m vryslag. Renelda het tot vyf finale deurgedring, naamlik die 200m vryslag, 50m borsslag, 100m vryslag, 200m borsslag en 200m wisselslag. Renelda het twee silwer medaljes verower, in die 100m vryslag, en 50m borsslag.
Plus EArn Points
Vredenburg, Langebaan & Malmesbury
5495 Alto Rouge 750ml
6499 Majors Whisky 750ml
BiG PricE tHE
DroP
16499 Each
Carvo Caramel or Chocolate Vodka 750ml
14999
per case
Hunter’s Dry Cider Non-returnable Bottles or Cans 24 x 330ml per case
Always there for you PRICES VALID 31 JAN - 3 FEb 2013 At Pick n PAy liquor VrEDEnBurG, lAnGEBAAn & MAlMEsBury only
12999 per kas
Carling black Label Nie-inruilbare Bottels 24 x 340ml of Blikke 24 x 330ml per kas
(not for sAlE on sunDAys)
Pick n Pay endeavours to meet the demand for these promotional items, but stocks are limited. Please check availability: 0800 11 22 88 (toll free landline only. Cell phone rates apply). We strive to ensure all printed information is correct, but will not be liable for any print errors that may occur. Advertised prices are inclusive of VAT where applicable. We reserve the right to limit quantities. smart shopper terms and conditions apply. Certain products are excluded from the smart shopper programme, please see in store or go online for more details.
Alcohol Not for Sale to Persons Under the Age of 18. Drink Responsibly.
9805M/Bil