504 dié courant Wellington

courant courant

• Bergrivier 1Swartland Wellington

dié dié • Free • Gratis

Bou saam met goeie nuus Wes-Kaap se #1 • Bergrivier 1Swartland Wellington

Uitgawe 504 12 September 2018

Jozua droom en dink in ink Wes-Kaap se #1

Bou saam met goeie nuus

Uitgawe 486

•SAKEKAMER FOKUS OP KUBERRUIM

•Jaomi Zeeman Die Wellingtonner Jozua van Schalkwyk is ‘n kunstenaar wie se kunswerke elke dag in die strate en werkplekke van die dorp gesien kan word.

Sy kuns is ook regoor die Wes-Kaap te sien. Sy uitstalruimtes wissel van kantore, werkswinkels, langs die strande van ons kus, agter toonbanke tot op die sypaadjies langs ons strate. Elkeen van sy kunswerke het ‘n spesiale betekenis vir die eienaars daarvan en is op spesiale versoek vir hulle geskep.

Jozua is ‘n tatoeëerkunstenaar. Hy en twee ander kunstenaars bedryf ‘n tatoeëerstudio in die dorp enZeeman sedert hulle hul deure verlede jaar oop•Jaomi gemaak het, kan Sakekamer hulle nie voorbly omsamewerkliënte te Die Drakenstein het, in bedien nie.CS Cybershield, Sanlam en Golden king met Die 39-jarige Jozua het in‘ndiespesiale Paarl grootgeword Thread Communications, inligtingen aanvirGimnasium Hoërskool gematrikuleer.

Hy sessie plaaslike sakevroue aangebied waar bly voordele die afgelope jaar alvan in Wellington en is en die die en 17 gevare sosiale media trotse pa van twee seuns ‘n dogtertjie. die kuberruim onder dieen loep geneem is.

Volgensinsiggewende Jozua het hy van kleinshet af ‘n Hierdie sessie opbelangstelDinsdag in die fynere van die lewe gehad.

4ling September bydinge die Boschenmeer Landgoed “Ek was van kleins af ‘n dromer wat dinge in ‘n plaasgevind. ander gesien het. Ek nog altydhet die Talleperspektief plaaslike besigheidsenhet sakevroue mooi in alles waardeer.

Dit en is seker die geleentheid bygewoon grootgrotendeels baat gevindte danke aan my ma, Marietjie by die interessante praatjies.Nortje, wie se liefde virAnine die natuur die mooi in die lewe op my afgevan ender Westhuizen van Golden vryf het,” sê hy.

Thread Communications, ‘n spesialis op die Nadat hy die talle suksesvolle ander beroepe beoefen het,van het gebied van aanwending hy in 2013 in tatoeëerwerk begin belangstel. sosiale media in die besigheidswêreld, het die “In oor Junie het dievan bewondering tatoedames die2013 voordele die gebruikvir van die ëermerke uit diewerkplek bloute uitingelig. wortel geskiet in my kuberruim in die hart.

Ek was meegevoer deurmedia die delikate kuns Volgens Anine kan sosiale platforms daaraan verbonde. het alle bronne baie suksesvol in dieEksakewêreld en totdaaroor voorbegin bymekaarmaak en vele nagte deurgegaan deel van besighede benut word. sonder slaapmedia terwyl ek tekeninge, videos en web“Sosiale platfoms soos facebook, -seminare en bestudeer het ookhulpmiddel onderrig by instagram linkedinhet. is ‘nEk kragtige suksesvolle tatoeëerkunstenaars wat my om jou besigheid te adverteer gekry en netwerke gehelp het om ‘n goeie en fondasie te lê. kliënte Uiteindelik met ander besighede moontlike te het ek my eerste tatoeëermerk in Desember 2013 bewerkstellig. gemaak,” vertelhet hy.byvoorbeeld 3,8 miljoen ver"Instagram Sedert80% daardie tatoeëermerk het sy kuns bruikers, vaneerste verbruikers volg besighede en hierdie vaardigheid gegroeien tot30% een van gerekende op platform vandie verbruikers kunstenaars in die In Februarie 2018 koop produkte watWes-Kaap. hulle op instagram gesien het hy het,” hetsysybesigheid, gesê. die Genesis Tattoo Studio, se deure oopgemaak.

Anine het hierdie platform ook as ‘n plek Jozua hul was kreatiwiteit dit ‘n proses om besigheid waarVolgens besighede kansyuitbeeld, ‘nte vestig. besigheidsblad kan skep, hutsmerke kan moes myself van skep,“Ektreffende foto’sbewys kan aan plaasdieenmense subtiele Wellington. Dit was alles die werd, want handelsmerksigbaarheid kanmoeite bewerkstellig, vandag het ek kliënte van so ver as Kaapstad, voorgehou.

Citrusdal, Porterville vele meer.

Ons VolgensTulbagh, haar is Twitter nogen ‘n goeie platform wat deur sakevroue gebruik kan word.

“Met 7,7 miljoen gebruikers, 83% van die wêreld se leiers wat op hierdie platform in aksie is en 76% van verbruikers wat handelsmerke hier na vriendelike diens aanbeveel, is dit ‘n kragtige instrument in enige besigheid,” het sy gesê.

Volgens Anine is Linkedin ‘n meer professionele, ernstige platform.

“Linkedin het 6,1 miljoen verbruikers en 94% van werwers is op hierdie platform om kandidate te vind.

"Dit is die effektiefste sosisale media platform vir webwerf-verkeer en leidrade,” het sy

NUUS • NEWS

6 Februarie 2019

•SIEN SY WERK AS LEWENDE KUNSWERKE

• Free • Gratis

NUUS • NEWS

6 Februarie 2019

12 September 2018

Moderne vrou se rol in samelewing Jozua van Schalkwyk in aksie, verdiep in sy kuns.

is nou drie tatoeëer-kunstenaars by die Studio. Dit tot die keuse van tatoeëermerke en om die kliënt is ek, Ziggy Rebel en Tania Roodman. Ons is al drie se emosie vas te vang en in die kunswerk uit te spesialiste wat verseker dat die publiek die beste beeld is vir my baie spesiaal.

"Dit is wonderlik om die sielkundige effek in ‘n kwaliteit kuns kry,” sê hy trots.

Sy kliënte bestaan uit ‘n verskeidenheid mense. kliënt te sien sodra ‘n tatoeëermerk klaar gedoen Mense van alle ouderdomme, kulture, gelowe, is.

"Min mense besef hoe kragtig die emosionele inkomstegroepe en sosiale afkoms klop by hom vir band tussen persoon en die tatoeëermerk is. Voor tatoeëermerke aan.

“My kliënte se diversiteit is regtig fantasties. Dis ek elke dag begin, vra ek ook vir hulp van ons sowaar van A tot Z, en dit is een van die lekkerste Hemelse Vader dat ek elke kliënt reg sal bedien. dele van my werk - om met mense uit alle vlakke Daar was al gevalle waar mense ingestap het en van die samelewing te kommunikeer en saam met sonder ‘n tatoeëermerk uitgestap het. Hulle het net ‘n oor nodig gehad wat luister,” vertel Jozua. hulle ‘n pad te stap,” sê Jozua.

Sy kleintyd-drome was om ‘n sielkundige te Die tatoeëerbedryf is natuurlik nie sonder uitAnine Francis Nieuwoudt van die word. dagingsvan nie.der Westhuizen van Golden Thread Communications, Drakenstein Sakekamer, Jan-Hendrik en die Helét Borchardt SanJozua hoop dat stigma rondomvan tatoeëer“Enige tatoeëerkunstenaar is beter asStander gister, van Cybershield lam. maar swakker as môre. As kunstenaar moet ‘n merke afgebreek sal word.

“Ek wil as tatoeëer-kunstenaar groei en mens voortdurend daarna strewe om te verbeter, gemaak het,graag gegee. gesê. verbeter als wat ek doen.

Ek wil ook te Jan-Hendrik groei en aan te pas byvan die groot verskeidenheid Hy hetinook die vooren nadele vangraag gratis‘n Stander CS Cybershield het gemeenskapsprojek begin waarbespreek. ek tatoeëermerke tatoeëer-style,” Jozua. met ‘n inligtingsessie Wi-Fi vir kliënte en besighede Anine se praatjiesêopgevolg bendeledejywatgratis hul lewe verander het vir hom is die reaksie van sy kliënte op hul van “Wanneer Wi-Fi gebruik, is hulle jou oor Volgens die kubersekuriteit en inligtingsekuriteit. veranderen ofdata toemaak sodat hulle ‘n tweede kans in tatoeëermerke grootste dryfkragvan en motivering. nie beskerm nie.

Kuberkrakers Volgens homsyhou die gebruik telefone, inligting die lewe kan en kry,”baksake sê Jozuaonderskep, oor sy drome.

“Om ‘n pad met ‘nmedia, kliënt tee-posse, stap metrekenaars, betrekking kan e-posse virusse op die internet, sosiale selfone, tablette, sowel as die feit dat mense toestel aflaai en toegang tot jou data en stelsels nie net in kantore nie, maar ook in koffiewinkels verkry,” het hy verduidelik.

Jan-Hendrik het ook die terme “phising” en en restaurante besigheid doen talle voordele, “spoofing” verduidelik en wenke vir die voorkomaar ook talle gevare in.

Hy het ook na die gevare van kuberdiefstal ming daarvan gegee.

Besighede se digitale voetspoor en die en kuberkrakers verwys. belangrikheid daarvan is bespreek.

“Wagwoorde is soos onderklere.

Die wetlike aspekte rondom sosiale media "Jy moenie toelaat dat ander mense dit sien nie, jy moet dit gereeld verander en jy moet platforms en wenke rondom hierdie kwessie is dit nooit met vreemdelinge deel nie,” het hy ook bekyk.

Die dames wat die sessie bygewoon het, het geskerts.

Hy het die kenmerke van ‘n sterk wagwoord dit baie insiggewend gevind en kon rondom verduidelik en ook wenke oor hoe om uit te heerlike eetgoed hul ervaring en idees ten vind of iemand op jou kubersekuriteit inbreuk opsigte van die gebruik van sosiale media deel.

Hearing Tests Hearing Aids Hearing Protection

Tel: 021 870 1898

20 Verster Street, Paarl (Next to Medicross) www.paarlhearing.co.za

2

NUUS • NEWS

6 Februarie 2019

•TANIA SMIT SE SOSIALE MEDIA-BLAD NOU IN BOEKVORM

Hekelwoorde van my Hart na Wellington Tania Smit is ‘n skrywer wat die afgelope tyd groot aanhang onder lesers verwerf het. Haar facebook-blad, Hekelwoorde van my hart, het meer as 15 000 volgelinge en lesers van regoor die land verorber en deel daagliks haar inskrywings op sosiale media.

Tania het aan die einde van verlede jaar haar eerste boek, Hekelwoorde van my Hart, gepubliseer en sy kan sedertdien nie voorbly met die bekendstelling, verkope en voorlesings van hierdie publikasie nie. Op Saterdag 16 Februarie sal Tania haar nuwe boek om 10:00 op Wellington by die Breytenbach-sentrum se Bôrdienghuis kom bekendstel.

Tania, wat op Oudtshoorn woon, het eintlik BCom Regte by Tukkies studeer en bestuur tans ‘n groot eiendomsagentskap se nasionale eiendomsportefeulje waar kliënte hul huise nie meer kan bekostig nie.

“Ons onderhandel met die banke om van hulle skulde af te skryf en agterstallige rekeninge namens hulle te betaal sodat hulle ‘n nuwe lewe met ‘n ligter las kan begin – dis ‘n baie harde en besige werk, maar ook ongelooflik bevredigend,” sê sy.

Tania se skrywery was onbeplan en die gevolg van ‘n hele reeks onvoorsiene dinge wat in haar lewe gebeur het.

“Na my egskeiding het ek lief geraak vir ‘n man wat my hart ver verby sy verste grense van seerkry laat breek het. Nadat ek uiteindelik my

lewe weer bymekaar kon sit, het ek deur baie meer vlakke begin voel en beleef, ook baie dieper dinge in ander mense begin raaksien. My skrywery het begin nadat ek so vyf jaar gelede met

my pa se ou 4x4-bakkie saam met ‘n vriendin in die Karoo gaan staan het en daaroor geskryf het op facebook. Die reaksie op die stukkie was so positief dat ek van toe af maar net aangehou het,” vertel Tania.

Sy het met haar skrywes ‘n belangrike aar in mense se gevoelslewens raakgeboor en haar facebook-inskrywings het ongekende reaksie ontlok en duisende volgelinge tot gevolg gehad.

“Dit was nooit my bedoeling nie. Ek het maar net baie eerlik oor my eie ondervindings en emosies begin deel, op ‘n diep vlak van kwesbaarheid, omdat ek nie gevoel het ek hoef skaam te wees oor my menslikheid nie. Ek het kwesbaar gaan staan met ‘n oop hart. Mense het dit aangegryp omdat dit vir hulle toelaat om met sagter oë na hulself te kyk, iets wat almal seker so nodig het,” sê sy oor haar blits-roem.

Volgens Tania put sy inspirasie vir haar skryfwerk uit alledaagse dinge.

“My groot inspirasies is die saamwees om kos, die veld, emosies en die interaksies tussen mense. Iemand het nou die dag so mooi vir sy Engelse vrou verduidelik – hy het gesê ek skryf oor die ‘human condition’,” sê sy.

Hierdie benadering en die groot aanklank wat dit by duisende mense gevind het, het uiteindelik tot die publikasie van haar eerste boek in September verlede jaar gelei.

“Ek het dit self gepubliseer deur Kwarts Uitgewers, omdat die groot uitgewers nie gevoel

het die boek sal genoeg aftrek kry by die publiek nie. Dit was ‘n fantastiese reis van ontdekking en vervulling. Die boek bestaan uit kort stories en gedigte oor menswees – baie snaaks maar ook baie diep. Dis baie verteerbaar en leesbaar, daar is ook baie mans wat dit baie geniet,” vertel sy oor haar boek.

Volgens Tania sou sy in haar wildste drome nooit ‘n dekade gelede kon droom dat sy vandag op boektoere deur die land sou reis nie.

“Tien jaar gelede was ek besig om te skei, en ek het my lewe weer aanmekaar probeer sit.

Een jaar gelede het die uitgewers my eers laat weet dat hulle nie belangstel om die boek te publiseer nie. Só baie het in een jaar gebeur, dis net ongelooflik,” sê sy verwonderd.

Nou hoop Tania dat haar boek lesers sal help om eerlik, maar met sagte oë na hulself in die spieël te kyk.

“My hartswens is dat die woorde lesers sal help om dapper met hulle gevoelens om te gaan, en dat dit hulle sal help om met vergifnis te kyk na hulle eie beste probeer. Ten spyte van hoe baie ons droogmaak, is daar min mense in die wêreld wat nie permanent hul beste probeer nie,” sê sy.

Belangstellendes kan 082 378 7990 of tania@hekelwoorde.co.za vir besprekings vir die bekendstelling van die boek in Wellington kontak. Kaartjies sal nie by die deur beskikbaar wees nie.

Nuwe Eenheid verseker 'n veiliger Drakenstein Die Drakenstein Munisipaliteit het onlangs ‘n gespesialiseerde eenheid, naamlik die Taktiese Reaksie Eenheid, of Tactical Reaction Unit (TRU), bekendgestel. Hierdie eenheid sal help om te verseker dat Drakenstein ‘n veiliger plek vir inwoners en besoekers is. In reaksie op ‘n verskeidenheid krisisse in die area, sal die TRU se verantwoordelihede ‘n ondersteunende rol vir die Munisipaliteit se Wetstoepassingseenheid, sowel as ‘n Eenheid van Toegangsbeheer en Sekuriteit insluit.

Die TRU sal ook die Munisipaliteit se Behui-

singsafdeling bystaan in die verwydering en sloping van onwettige informele strukture in Drakenstein.

Alhoewel die eenheid nie self enige slopingswerk sal doen nie, voorsien en verseker dit ‘n veilige omgewing vir hul Behuisingskollegas om hul werk in veiligheid te doen.

Voorts sal die TRU ander munisipale departemente of eenhede wat sekere situasies moet hanteer, help met ontplooiing en as ondersteunende bron optree. Hul sal byvoorbeeld hulp verleen wanneer daar hoë-risiko aksies of

bedrywighede uitgevoer moet word. Die TRU werk saam met die Suid-Afrikaanse Polisiediens (SAPS) en die SAPS Publieke Orde-polisiëring en sal reageer sodra hul hulp ingeroep word.

Tot dusver het die TRU ‘n indrukwekkende impak op die instandhouding van algemene toepassing van wet en orde in Drakenstein gemaak. Sedert die ontstaan van die eenheid het burgerlike ongehoorsaamheid merkbaar in die munisipale area afgeneem. Die eenheid sal waarskynlik groei soos wat sy rol uitbrei.

Hierdie inisiatief is ‘n elite-eenheid onder

leiding van Eugene de Lange, Bestuurder: Wetstoepassing en Sekuriteit by die Munisipaliteit. Die TRU het mense in diens wat oor unieke vaardigehede beskik en hulle sal binnekort gespesialiseerde voertuie, vuurwapens en ‘n reeks taktiese toerusting hê waarmee hul vermoë om vinnig in krisis-situasies op te tree, verbeter sal word.

Belangstellendes kan meer inligting oor die TRU by die Drakenstein se Munisipale Wetstoepassings en Sekuriteitsafdeling bekom deur die tolvrye nommer, 080 131 3553, te skakel.

NUUS • NEWS

6 Februarie 2019

•EGPAAR WERK AS GEDUGTE SPAN SAAM

Geleenthede, blomme, kos is Potgieters se passie •Jaomi Zeeman Celeste en Marinus Potgieter is twee Wellingtonners wat ‘n mens moeilik in ‘n boksie sal kan plaas. Hierdie twee energieke mense het nie net ‘n passie vir onvergeetlike geleenthede, mooi blomkuns en goeie kos nie - hulle wil hierdie liefdes ook met mense deel.

Marinus en Celeste het in 2014 na Wellington getrek. Hulle is albei al vir 14 jaar lank in die “geur-industrie” betrokke. Celeste het ‘n graad in koswetenskap en Marinus is ‘n wynmaker.

“In ons harte het ons ‘n groot passie daarvoor om goeie kos, geselskap en geleenthede wat gevier moet word in groot, onvergeetlike geleentheid te omskep. Ons heg waarde aan vriendskappe en mense en ons het eintlik dienende harte,” vertel hulle.

Marinus het in Stellenbosch grootgeword, terwyl Celeste haar grootwordjare, as die kind van ‘n diplomaat, in die internasionale arena spandeer het. Dié twee het twee dogters en hul gesin het intussen baie lief geword vir Wellington.

“Die mense en die ‘hominess’ van Wellington bekoor ons. Daar is iets spesiaal omtrent die dorp en die mense wat ‘n mens net kan verstaan as jy dit self ervaar. Dit het ‘n ou-wêreldse sjarme en ‘n nostalgiese aantrekkingskrag,” sê hulle.

Celeste en Marinus bedryf voltyds ‘n besigheid wat geleenthede beplan. Hulle het ook ‘n blommewinkel in ‘n senrum op die dorp. Asof hierdie twee besighede hulle nie besig genoeg hou nie, het hul nou boonop ‘n nuwe avontuur aangedurf. Hulle het ‘n nuwe restaurant, “Aan Tafel”, op die Diemersfontein Wyn- en Leefstyllandgoed geopen.

“Dit was nog altyd ‘n droom van ons om ‘n spasie te hê waar ons al ons liefdes kan uitleef. Een van die redes waarom ek so baie van geleentheidsbeplanning hou, is dat jy ‘n oomblik wat vir altyd in iemand se herinneringe sal bly voortleef, kan skep. Dit is dieselfde met die blommewinkel. Die merkbare effek wat jy in

blom-geskenke of om iemand met blomme te seën kan waarneem, is iets wat enigeen se gees sal lig. Die nuwe restaurant en die mini-geleentheidspasie is ‘n verlenging van dít wat ons toelaat om ons speelveld van geleenthede te kan deel,” verduidelik Celeste.

Volgens haar het haar grootwordjare as ‘n diplomaat se kind ‘n direkte invloed gehad op waaroor haar hart vandag warm klop.

“As die dogter van ‘n diplomaat het ek grootgeword in ‘n omgewing waar ek die heeltyd gasvrou moes speel as ons buitelandse minis-

ter, ambassadeurs en verteenwoordigers van ander lande ontvang het. Dit het dit tweede natuur gemaak om uit te vra oor ander mense se behoeftes en wat dinge vir hul lekker sal maak,” sê sy.

Celeste het Marinus in haar tweedejaar op universiteit ontmoet en sy borrelende geaardheid het haar dadelik aangetrek.

“Die belangrike ding is dat ons betrokkendheid in die gasvryheidsbedryf die boustene gevorm het vir waarmee ons tans besig is. Saam glo ons dat die geleentheid om Aan Tafel aan te

3 durf ons die kans gee om die beste kante van onsself uit te leef en dat dit ‘n natuurlike uitvloeisel is wat ons by ons besigheidsportefeulje kan voeg,” verduidelik sy.

Die naam “Aan Tafel” het vir hulle ‘n spesiale betekenis.

“Dit verteenwoordig alles wat met nostalgiese tye en mooi herinnering te doen het. Dit het te doen met ‘n plek waar families saamkom, waar stories gedeel word en waar lekker kos geniet word. In vandag se gejaagde lewe is dit iets wat afgeskeep word en ons wil graag hierdie ervarings laat herleef,” sê Celeste.

Hulle beplan om die spyskaart elke 4 maande aan te pas na gelang van die seisoen en veranderende neigings. Volgens hulle sal gaste ook altyd na nuwe, interessante disse kan uitsien.

“Ons fokus is ouwêreldse disse wat met ‘n moderne kinkel en flair herleef,” sê sy.

As die eienaars van meer as een besigheid, ken hulle die uitdagings wat met sulke groot inisiatiewe gepaard gaan.

“Ons verstaan die belangrikheid van mense wat ons visie deel, die doelwitte ken en met ‘n soortgelyke ingesteldheid as ons werk. Om sulke mense te vind en ‘n span te bou, is dikwels die grootste hekkie waaroor ‘n mens moet kom.

Maar wanneer jy dit regkry, dryf die masjien homself en kan jy jou drome na ‘n nuwe rat laat oorskakel. Jy kan nie altyd oral wees nie, so jy het ‘n sisteem en sekere operasionele metodes nodig wat die span maklik kan volg as jy nie daar is nie. Oor die algemeen moet die ervaring vir kliënte dieselfde bly,” deel Celeste haar raad.

Wat haar en Marinus, ten spyte van lang ure en baie opofferings, motiveer, is die feit dat hulle weet dat hul as ‘n familie besig is om aan die toekoms te bou.

“Ons weet dat ons die vrugte van ons harde werk sal pluk, maar meer belangrik is die feit dat ons ander mense se lewens verryk en nie net ons eie nie. Om jouself in ‘n omgewing van positiewe, aansteeklike energie te bevind is elektries en jy kan nie onaangeraak daarvan wegstap nie.

Dit is ons hoop dat ons hierdie tipe voetspoor in ander se lewens sal los,” sê sy hoopvol.

Intussen droom Marinus en Celeste daarvan om aan te hou doen waarmee hul nou besig is.

“Dit is wat ons die gelukkigste maak. Ons hoop om nog besigheidsgeleenthede langs die pad raak te loop, maar altyd met die onderliggende beginsel dat ons ‘n betekenisvolle impak om ander se lewens kan maak. Dit is wat dit ‘n onvergeetlike ondervinding maak,” sluit sy af.

4

6 Februarie 2019

NUUS • NEWS

Maak jou merk, maak nie saak hoe klein

So aan die begin van Februarie is die ouers van skoolgaande kinders of jongmense wat vir die eerste keer koshuis toe moes gaan verlig dat die merk van klere en skryfbehoeftes nou eers agter die blad is. Hulle hoop dat hul kinders hierdie jaar hul merk in die lewe sal maak. Vir die opvoeders lê daar weer baie merkwerk voor. “Op julle merke, gereed”, is iets wat talle atlete die afgelope tyd gereeld tydens atletiekbyeenkomste gehoor het.

Party mense dra nog die merke wat 2018 en die vreeslike lang Januarie op hul gelaat het.

Ander is merkbaar opgewonde oor die nuwe vooruitsigte van 2019. Dit is ook merkwaardig hoe vinnig die nuwe jaar weer sy loop geneem het. ‘n Merk is ‘n teken wat, opsetlik of onopsetlik, op iets agtergelaat word. Dit onderskei ‘n voorwerp van ‘n ander een of dui soms verskillende kategorieë aan. Of dit nou ‘n stempel, kenteken, kol, vlek, streep, brandmerk of tatoeëermerk is - mense en die wêreld waarin hul leef, is maar vol merke.

Anthony Bourdain het geskryf dat soos ‘n mens deur die lewe beweeg, jy merke los - hoe klein ook al. In ruil daarvoor los die lewe ook merke op jou.

In Wellington is daar talle mense wat merke los. Sommiges is klein, ander groot en in die kollig. Die meeste merke wat saakmaak, het ‘n positiewe invloed en laat dinge in ons gemeenskap vooruitgaan.

Pauw Gedenk Primêr se inisiatief om ‘n loslitdag ten bate van Badisa te hou, mag miskien na ‘n klein druppel in die emmer van nood lyk, maar dit maak ‘n groot regmerk langs die goeie werk wat onder hulpbehoewendes in ons gemeenskap gedoen word. Die erfenis wat Dwergiebos Pre-Primêr in ons dorp as opvoedkundige instelling nagelaat het, is voorwaar ‘n baken wat ‘n merkbare invloed oor bykans 4 dekades op ons plaaslike jeug gehad het. Met haar “Hekelwoorde van my Hart” facebook-inskrywings en die bundel wat daaruit gepubliseer is, het Tania Smit ‘n merk in talle lesers se lewe gelos. Nou kom sy die boek in Wellington bekendstel. Die plaaslike Klopse los al vir meer as ‘n eeu lank ‘n ongeloolflike merk op ons erfenis met hul jaarlikse kompetisie.

Die finale rondte van hierdie jaar se uitdaging wat die afgelope naweek plaasgevind het, was weer ‘n merkwaardige okkasie. Met die mooi geleenthede wat hulle beplan, die pragtige blommekuns wat hul optower en die heerlike kos wat hulle nou ook by hul nuwe restaurant bedien, raak Celeste en Marinus Potgieter mense se lewens op ‘n positiewe manier aan. Die veerkragtige Cullen Ruiters wil graag met sy hoogspringtalent sy merk in die rekordboeke maak en die Breytenbach Sentrum en Galery gaan hierdie jaar ‘n propvol, merkwaardige kultuurprogram aan Wellingtonners bied. Isabeau Botha en haar span het met hul toekenning as beste uitstalling vir die tweede agtereenvolgende jaar ‘n groot merk in die uitstal-industrie gemaak en Jozua van Schalkwyk maak letterlik daagliks sy merk met sy ongelooflike tatoeëerkuns.

Barak Obama het in 2013 tydens een van toesprake gesê dat dit nie maklik is om jou merk in die wêreld te maak nie. “As dit maklik was, sou almal dit doen. Maar dit is nie. Dit kos geduld en toewyding en dit gaan gepaard met talle mislukkings langs die pad. Die groot toets is nie of jy mislukking kan vermy nie, want jy kan nie. Die toets is of jy kan aanhou,” het hy gesê.

Mag elkeen hierdie week hul merk maak, ‘n merkbare verskil maak en iewers ‘n merkwaardige bydrae lewer. (Of dalk sommer vir ‘n tatoeëermerk gaan.)

Wees altyd aan die voorpunt van die goeie nuus met ons sosiale media.

Volg ons Facebook-blad by @diecourant.

Spesiale Loslitdag: Pauw Gedenk Primêr het op Vrydag 25 Januarie ‘n spesiale

loslitdag gehou. Hulle het met hierdie inisiatief gepoog om die tema “Omgee” gestalte te laat kry. Die opvoeders en leerders is aangemoedig om klere , nie-bederfbare produkte, asook finasiële bydraes skool toe te bring as skenking. Ruim skenkings is ontvang en die skool het besluit om alles wat met hierdie inisiatief ingesamel is, aan Badisa in Wellington te skenk.

Op die foto is Julius Williams (skoolhoof, in die middel), Gaynor Pietersen (Maatskaplike Hulpwerker student - links) en Therese Fredericks (Maatskaplike Werkster – Badisa).

Breytenbach-sentrum en Galery beplan propvol 2019 Die plaaslike Breytenbach-sentrum en Galery beplan allerhande ongelooflike aktiwiteite, vertonings en inisiatiewe vir 2019. Hul program beloof ‘n jaar vol kultuur-hoogtepunte, heerlike vermaak en die viering van talle groot kunstenaars se talente.

Volgens Francois Lötter, bestuurder van die Breytenbach Sentrum, sal hul dorpenaars hierdie jaar elke maand met die beste vertonings deur bekende en gerekende kunstenaars bederf.

Hul het die jaar reeds met ‘n energieke Abba-vertoning deur Mike and the Harmonics op die buitelugverhoog afgeskop.

In Februarie kan Wellingtonners na Koos van der Merwe se Valentynsdagvertoning en Gerald Clarke en ‘n paar Praagse musikante se vertonings uitsien. Mike and the Harmonics maak vroeg in Maart weer ‘n draai by die Bôrdienghuis Teater met ‘n vertoning van die Beatles se musiek.

Ander aktiwiteite en projekte wat by die Sentrum sal plaasvind, sluit die bekende skrywer, Rachelle Greeff, se skryfskool in. Aspirant-skrywers het reeds op Saterdag 2 Februarie die eerste sessie van hierdie skryfskool bygewoon.

Die Breytenbach Boekklub sal, soos verlede jaar, weer ons land se voorste skrywers vir boekbekendstellings nooi en boekwurms kan hul regmaak vir een of meer geleenthede wat elke maand aangebied sal word.

Die Bôrdienghuis Teater sal ook weer vir plaaslike kunstenaars beskikbaar wees om hul talente ten toon te stel. ‘n Dramaskool by die Sentrum, onder leiding van die bekroonde dramaturg Alma Nel, dien nie net as slypskool vir opkomende jong dramastudente nie - hulle sal ook ‘n spesiale vertoning tydens die jaarlikse Tuin van Digters in September op die planke hê.

Buiten al die vertonings, die Boekklub se bedrywighede, die Skryfskool en die Dramaskool, loods die Breytenbach Sentrum ook hierdie jaar weer talle projekte. Onder hierdie projekte tel die Leesprojek, waar oud-onderwyseresse leesvaardighede aan leerders by plaaslike skole tuisbring, die opleiding van mense in die gemeenskap in naaldwerk en dagsorg, sowel as ‘n Digprojek by Weltevrede Sekondêr, waar poësie as meganisme ingespan word om sosiale kwessies aan te spreek. Die bekende digter, Diana Ferrus, het ook ‘n Mengelmoesdigters-projek waar sy die digkuns van plaaslike digters by die Sentrum help slyp.

Volgens Francois is die finansiële bestuur, fondswerwing, borgwerwing, die onderhoud van die Sentrum se gebou, fliekaande, samewerking met die Drakenstein Munisipaliteit, vakansieprogramme vir plaaslike leerders, ‘n Kinderberaad, ‘n kunsskool, hul verbintenis met PEN Afrikaans, die koffiewinkel in die Sentrum, die blootstelling wat hul aan plaaslike plaaskore

wil gee, sowel as ‘n Fliekklub dinge wat alles deel van die Breytenbach-sentrum se jaarbeplanning en inisiatiewe insluit.

Hierdie jaar se Tuin van Digters beloof ook om ‘n groot hoogtepunt te wees. Nie alleen word die Ingrid Jonker literêre prys tydens die fees oorhandig nie, maar Breyten Breytenbach se 80ste verjaardag sal ook tydens hierdie fees gevier word. PEN Afrikaans se jaarvergadering sal boonop tydens hierdie geleentheid plaasvind. Talle interessante optredes, gesprekke en aktiwiteite word ook vir die Fees beplan.

Wat die aktiwiteite by die Breytenbach Galery betref, kan Wellingtonners na ‘n jaar propvol kunshoogtepunte uitsien.

Volgens Anne-Ghrett Erasmus, kurator van die Galery, skop hul die jaar met die uitstalling “Alleensaam” af. Hierdie uitstalling sal uit ‘n versameling kunswerke van Jana Muller, wie se man, Hilgard, ‘n ortopediese chirurg wat in 2017 selfdood gepleeg het, bestaan. Hilgard se fotografie sal saam met haar kunswerke uitgestal word.

Nog ‘n projek van die galery behels ‘n inisiatief wat verlede jaar deur onder andere Henk Serfontein, ‘n gerekende kunstenaar, die choreograaf Hannah Leventhal en die sielkundige Willie Erasmus van stapel gestuur is. Hulle het ‘n werkswinkel met kinders wat aan fetale alkoholsindroom ly, aangebied. Die resultate en impak wat dit op die kinders gehad het, het hul genoop om hierdie inisiatief vanjaar verder te voer.

“Die projek gaan definitief hierdie jaar voort.

Ons soek nog borge om dit tot sy volle reg te laat kom,” sê Anne-Ghrett.

In Maart sal die bekende Louis Jansen van Vuuren sy 70ste verjaardag by die Breytenbach Galery vier.

Tydens hierdie okkasie sal daar nie net ‘n uitstalling van sy kunswerke in die galery te sien wees nie, maar daar sal ook ‘n spesiale ete, “Lunch with Louis”, aangebied word. In April sal daar ‘n uitstalling van Zetah Baartman in die galery wees en tydens die jaarlikse Suidoosterfees sal Anne-Ghrett as kurator optree.

Meimaand kan Wellingtonners na ‘n uitstalling deur Frans Mulder en Ceramic Matters uitsien en in Junie sal Jaco Benade se uitstalling, “On Beauty”, in die galery pryk. Susan Bloemhof se uitstalling, “Running with wolwes”, sal in Julie in die galery te sien wees en in Augustus sal die Wellingtonner, Anja van Wyk, se uitstalling, “Black Blossom”, dorpenaars bekoor. In September sal die galery gasheer speel vir die kunstenaars by die Tuin van Digters uitstallings se uitstallings.

Met so ‘n program sal 2019 vir Wellingtonners ‘n jaar propvol kultuur, vermaak en kunshoogtepunte wees.

NUUS • NEWS

5

6 Februarie 2019

Talle Wellingtonners het die Boland Tweekampspan verteenwoordig toe hulle op Saterdag 2 Februarie aan die Highgate Interprovinsiale Tweekampbyeenkoms op Oudtshoorn gaan deelneem het. Op die foto is die Wellingtonners Jason le Cordeur en Geo van Niekerk wat in die Senior Ope-afdeling deelgeneem het.

• Kerke • Churches • Kerke • Churches • Anglican Church Sunday morning: April to Sept at 08:00; Oct - March at 07:30; Wed. Morning : 09:30 (end Jan to mid Dec); 4 Milner Street, Wellington.

Enquiries: 021 873 1425.

NEW Sunday morning at 09:00 (English service); HJN Training Centre, College Street, Wellington.

Enquiries: 082 355 3280.

Joshua Generation Sunday morning 09:00 (English), Sunday evening (Afrikaans) 17:00. Provence, Milner Road.

Enquiries: 021 873 6541.

NGK Moeder-gemeente Sondagoggend om 09:00. Sondag-aanddiens Leefkerk om 18:00.

H/v Kerk- en Piet Retiefstraat, Wellington.

Navrae: 021 873 1561.

Kerk van Macedonië Sondagdiens om 10:00; Groenberg.

Navrae: 062 836 1316 of 074 608 0519

NGK Noord-gemeente Eerste en vierde kwartaal begin die dienste om 9:00 en tweede en derde kwartaal is die

diens op Sondagoggende om 09:30: MacCronestraat 11, Wellington.

Navrae: 021 873 2763.

Shofar Sondagoggend om 09:00 Laerskool Hugenote, Kerkstraat 41.

Navrae: 021 873 7677

NGK Wellington-Oos Sondagoggend om 9:00 en Sondagaand om 19:00 op die h/v Barlinka en Cummingsstraat, Wellington.

Navrae : 021 873 2690

AGS Wellington Dienstye en Junior Kerk : Sondae 09:00 asook 18:00 by Terracestraat 3, Wellington.

Kontak: 083 258 8717 of 021 873 3375

St George's Presbyterian Church Sunday mornings at 09:30 (English); 22 Jan van Riebeeck Street.

Enquiries: 021 873 2021.

Crystal Gates Outreach Ministries Sondag-oggende om 10:00 en Vrydag-aande om 19:00, te Bergrivierstraat 32, Vanwyksvlei, Wellington. Alle besoekers welkom.

6

6 Februarie 2019

NUUS • NEWS

Wenke wat beginners kan Wellingtonner en span wen help om te lees Uitstal-toekenning Dit is baie belangrik dat kinders van die begin af aangemoedig word om te lees en ‘n liefde vir lees gekweek word anders kan dit later manifesteer as ‘n leesprobleem.

Dit kan hulle prestasie in al hulle skoolvakke negatief beïnvloed.

Beginnerlesers het aanmoediging en ondersteuning nodig. Dit is harde werk om te leer lees.

Daar is verskeie dinge wat ouers kan doen om beginnerlesers te help.

Kies die regte boek – dit moet op die lesertjie se vlak wees en hulle moet dit ook interessant vind.Verduidelik nuwe woorde in ‘n storie en bespreek die tema van die boek.

Laat hulle hardop lees sodat hulle hulleself kan hoor en sodat hulle gehelp kan word as hulle vashaak.

Hulle moet gereeld lees – dis beter as hulle vir kort periodes op gereelde tye lees as om ‘n lang tyd voor ‘n boek deur te bring. Lees is baie uitputtend vir die beginner.

Wees geduldig! Gee die leser tyd om ‘n woord vir hom of haarself uit te pluis deur die woord te

klank. Die belangrikheid van klank moet nooit onderskat word nie.

Klankonderskeiding help ook met spelling.

Vra vrae soos met watter klank begin of eindig ‘n woord sodat hulle bewus word van klanke.

Lees hardop vir hulle en laat hulle boeke wat hulle reeds gelees het en ken weer en weer lees om vloeiende lees te oefen sonder om nuwe woorde te probeer aanleer.

Dis baie belangrik dat beginnerlesers van die begin af leer om met begrip te lees.

Maak dus seker dat hulle verstaan wat hulle lees deur na ‘n paar bladsye te stop en vir hulle te vra om te vertel wat in die storie gebeur. ‘n Storie kan ook net halfpad gelees word en dan vir hulle gevra word wat dink hulle gaan verder gebeur.

Na hulle weergawe kan die storie dan voltooi word.Dit sowel as verbeeldingspeletjies moedig kreatiewe denke aan wat lei tot begrip.

Daar is leesprogramme wat beginnerlesers help om te leer lees. Besoek gerus die webblad www.tinacowley.co.za vir meer inligting

Die jaarlikse kykNET Buite-ekspo op die Môreson-plaas buite Malmesbury, beloof om vanjaar groter en beter te wees as van te vore.

Vanjaar se ekspo word vanaf 15 tot 17 Februarie aangebied met sangers soos Demi-Lee Moore en vele meer.

10 gelukkige lesers van Wellington kan elk 'n

naweekkaartjie na dié gewilde ekspo wen.

Stuur 'n WhatsApp-boodskap met die slagwoord EKSPO, saam met jou naam, van en tuisdorp na 084 8333 813 voor Vrydag om 12:00 om in aanmerking hiervoor te kom.

Wenners sal telefonies in kennis gestel word.

Wen kaartjies na ekspo

Die Wellingtonner Isabeau Botha, die korporatiewe kommunikasiebestuurder van Agri Expo, het saam met haar span ‘n gesogte prys ingeoes.

Die landbou-ekspo-plaaservaring-kombinasie “Agri-Expo Livestock” en “Die Groot Plaasproe” is op Donderdag 31 Januarie met die bedryf se hoogste lof, naamlik die ROAR-toekenning as “Beste Handel- en Verbruikersuitstalling in Afrika”, in die kategorie vir uitstallings groter as 12 000 m2, bekroon.

Met hierdie prestasie is dit die tweede jaar in ‘n ry dat Isabeau en haar span van die beste kommersiële uitstallings in Afrika met hul landbou-uitstalling uitstof en tydens die uitstalbedryf se jaarlikse toekenningsgeleentheid met die louere wegstap.

Daar is teen die room van die uitstalbedryf in Suider-Afrika meegeding, met ander prominente uitstallings wat as wenners aangewys is, waaronder “MamaMagic: The Baby Expo Cape Town” van Exposure Marketing, “Caminex Zambia” van Specialized Exhibitions Montgomery, asook “World Travel Market (WTM) Africa”, “Decorex Durban” en “Fire and Feast Meat Exhibition” van Reed Exhibitions.

Die toekenning is deur AAXO (Association of African Exhibition Organisers) in samewerking met EXSA (Exhibition Association of Southern Africa) by Montecasino in Johannesburg tydens die ROAR-toekenningsgeleentheid oorhandig.

Die beoordelaars is kundiges in die bedryf, waaronder Irene Costa (Business Events Africa), Shanna Jacobsen (3S Media) en Lance Gibbons (Film Event Media).

Volgens Johan Ehlers, Hoof Uitvoerende Beampte van Agri-Expo, die landbougenootskap wat Livestock en die Groot Plaasproe jaarliks in Oktober op Sandringham buite Stellenbosch aanbied, is erkenning deur die uitstalbedryf net so ‘n belangrike motivering as die landboubedryf en die publiek se ondersteuning van die projek.

“Agri-Expo se visie is juis om landbou te bevorder deur die aanbied van professionele uitstallings. Hierdie toekenning is nie net erkenning vir Agri-Expo nie, maar vir die groter landboubedryf in Suid-Afrika,” sê Ehlers.

“Livestock en die Groot Plaasproe is oor die afgelope vyf jaar uitgebou tot een van die min geleenthede in Suid-Afrika waar die publiek die totale waardeketting van verskillende landbou-

bedrywe op ‘n toeganklike wyse kan ervaar. Dit het ontwikkel tot ‘n veeldoelige landbou-ekspo wat ‘n tuiste bied aan meer as 20 verskillende projekte wat landbou in sy geheel bevorder – en behels dus ‘n logistieke meesterstuk.”

Volgens Isabeau kon alle lede van AAXO vir die toekennings inskryf.

“Dit word beskou as dié toekenningsgeleentheid in die bedryf en word deur kenners in die bedryf beoordeel om erkenning te gee aan uitnemendheid in die bedryf,” sê sy.

Sy verduidelik dat die inskrywings volgens die sukses van hul uitstalstrategieë, hul openbare betrekkinge, bedryf en die uitvoering beoordeel word.

“Dit behels ‘n gewigtige inskrywingsvorm met bywoningsgetalle wat geverifieer word, bewyse van media-blootstellinge soos skakels na Youtube videos en radio-onderhoude, terugvoering van uitstallers, en nog vele meer,” sê Isabeau.

Sy en haar span is baie opgewonde en trots op hul prestasie.

“Ons is opgewonde oor hoe Agri-Expo Livestock en die Groot Plaasproe jaar na jaar groei en veral hoe meer en meer vennote uit die landbousektor en ook die publiek wat van die plaaslewe hou daarby betrokke wil raak. Dit verg harde werk van ons personeellede, uitstallers, dierevertoners en vennote om ‘n skou en fees op hierdie standaard aan te bied – ons gee dus graag erkenning aan almal wat ons help om dit moontlik te maak,” sê sy dankbaar.

Om twee jaar in ‘n ry so ‘n groot toekenning te kry, beteken natuurlik ‘n verantwoordelikheid om op hierdie prestasies voort te bou.

“Innovering is belangrik – dit is eintlik ‘n permanente gegewe in die landboubedryf. Ons hoop om verder uit te brei, veral met die sukses van ons landbou-opvoedkundige skoleprogram en ons inligtingsdae vir boere. Belangstellendes is welkom om meer te leer by www.livestock. org.za of www.diegrootplaasproe.co.za en ons te kontak om betrokke te raak, hetsy as uitstaller, besoeker of vennoot. Lank lewe die landbou!” sê Isabeau oor hul planne vir die volgende Groot Plaasproe en Livestock.

Hierdie jaar se Agri-Expo Livestock en die Groot Plaasproe sal van Donderdag 10 Oktober tot Saterdag 12 Oktober by Sandringham plaasvind.

NUUS • NEWS

7

6 Februarie 2019

Nael: Gideon

Louw van Hugenote Hoërskool het in die 1500m vir seuns onder 15 in die PMWbyeenkoms op Dal Josaphat-stadion, behoorlik vir sy teenstanders hakskene gewys en baie gemaklik gewen. Hugenote, Hoërskool Swartland, Worcester Gimnasium, La Rochelle en Boland Landbou het hier kragte gemeet.

Foto: Johan Viljoen

Grondslagfase: Op 23 Januarie het Laerskool Hugo Rust se Gr RR-, R- en 1-leerders kragte gemeet tydens hul jaarlikse Grondslag-

fase atletiekbyeenkoms. Plaaslike kleuterskole was ook genooi om aan hierdie prettige byeenkoms deel te neem. Na afloop van die wedlope het ouers en vriende heerlik langs braaivleisvure gekuier en mekaar beter leer ken. Buco Paarl was die borg van die aand.

8

courant

NUUS • NEWS

Hearing Tests Hearing Aids Hearing Protection

Tel: 021 870 1898

20 Verster Street, Paarl (Next to Medicross) www.paarlhearing.co.za

dié

6 Februarie 2019

WELLINGTON SPORT

Tel: 022 487 3221

6 Februarie 2019

•HOOGSPRINGER VAN NEWTON SEIL OOR DIE DWARSLAT

Veerkragtige Cullen laat rekords spat •Jaomi Zeeman Die Wellingtonner Cullen Ruiters is ‘n twaalfjarige seun met vere in sy voetsole. Hierdie kranige hoogspringer is ‘n leerder aan Newton Primêr en is besig om die een rekord na die ander te laat spat.

Volgens die lang, lenige Cullen se ma, Jessica, aard hy na haar broers wat albei ook lank is en op die sportveld presteer het.

“Beide my broers is lank en het uitgeblink in sport. My jongste broer was ook `n hoogspringer en beide my broers het ook baie goeie rugby gespeel,” sê sy.

Cullen se goeie gene, sowel as sy vasberadenheid en harde oefening werp nou vrugte af. Hy het op Vrydag 25 Januarie tydens die Elite Atletiekbyeenkoms op Dal Josaphat die hele skare aan sy voete gehad tydens sy hoogspringitem.

Die aanvang van die aflositems is selfs uitgestel sodat Cullen eers kon klaar spring. Die dwarslat is keer op keer opgeskuif en Cullen het elke keer, onder groot gejuig van die toeskouers, daaroor geseil. Hy het die Boland rekord vir seuns o/13 met ‘n hoogte van 1,69m verpletter.

“Dit was dié hoogtepunt van sy hoogspringloopbaan tot dusver. Anne-Marie April, sy afrigter, het na die tyd gesê dat sy skoon hoendervleis gekry het toe sy sien wat gebeur. Die pawiljoen en hele veld, almal het doodstil gestaan ten aanskoue van die hoogtes wat hy behaal het. Hy het twee keer die lat op 1,66 afgespring, maar met sy derde sprong het die skare gejuig toe hy oor die lat seil. Toe die lat opgeskuif word na 1,69, het hy sommer met sy eerste sprong sukses behaal. Die skare was in ekstase! Cullen het na die tyd vir my gesê, toe hy oor die lat seil, het hy gevoel om vir juf April hoog in die lug op te gooi.

Sy blydskap het geen perke geken nie,” vertel die trotse Jessica.

Hy het op Saterdag 2 Februarie voortgebou op hierdie prestasie en die seuns o/13 hoogspring by die Sentraal-Boland Atletiekbyeenkoms met ‘n hoogte van 1,65m gewen.

Volgens Jessica is hul familie baie trots op Cullen en hulle moedig hom aan om net sy beste te lewer.

“Cullen is `n baie plat-op-die-aarde kind. Ek is so bly dat sy sukses nie na sy kop toe gegaan het nie. Dis die fout wat so baie van die atlete maak, hulle sukses gaan kop toe en dan verloor hulle fokus. Dit is definitief nié die geval met Cullen nie,” sê Jessica dankbaar.

Cullen was van kleintyd af lief vir sport. Hy is, buiten ‘n uitstekende atleet, ook ‘n kranige krieket- en rugbyspeler.

“Hy wou een jaar selfs aan sokker deelneem, maar toe moes ek halt roep. Ek is baie bly dat hy so geesdriftig is oor sy sport, want deesdae word die jongmense aan soveel euwels blootgestel en ek dink sport is nie net goed vir jou gesondheid

nie, dit hou jou weg van allerhande kattekwaad,” sê sy ma.

Cullen het in 2016 vir die eerste keer aan hoogspring begin deelneem en het sommer met die intrapslag die eerste plek in die Boland behaal.

“Dit was toe dat ons besef het dat hy `n natuurlike talent hiervoor het. Vir ons familie was dit `n besonderse prestasie omdat geeneen in ons familie dit nog kon regkry om Bolandkleure te verwerf in enige vorm van atletiek nie.

Hy het toe ook die Wes-Kaapse span gehaal, maar by die byeenkoms waar hy die Wes-Kaapse span verteenwoordig het, het hy uitgeval en dus nie die S.A span gehaal nie,” vertel Jessica.

In 2017 het Cullen wel tot by die SA-Kampioenskappe gevorder en ‘n 8ste plek, met ‘n hoogte van 1,35m, in Potchefstroom behaal.

Verlede jaar moes hy egter, as gevolg van ‘n dyspierbesering, aan die SA-Kampioenskappe onttrek.

Volgens Jessica was sy besering eintlik ‘n seën, omdat dit hom by ‘n fisioterapeut laat beland het wat hom geassesseer en bevind het dat sy vastrapvoet se spiere baie swak was.

“Die fisioterapeut het hom vir sessies in haar spreekkamer laat kom waar sy spesiale strekke, rugoefeninge, beenspieroefeninge, maagoefeninge, asook balanseringsoefeninge met hom gedoen het. Sy het nie net op een deel van sy lyf gefokus nie, maar op sy hele liggaam.

Sy het hom ook baie moed ingepraat. Dit het ‘n ongelooflike invloed op hom gehad toe hy hierdie jaar weer begin spring het,” sê Jessica dankbaar.

Gelukkig is daar ‘n hele paar mense wat Cullen se talent raakgesien het en hom help om dit te ontwikkel.

“Cullen gaan aan die einde van elke maand na `n sportskool in Kuilsrivier. Dis `n skool wat deur die Departement van Sport en Kultuur gestig is om kinders soos hy te bemagtig. Dis `n 3 jaar-kontrak, met ander woorde wanneer hy volgende jaar hoërskool toe gaan, sal hy nog vir 2 jaar betrokke wees by die skool. DCAS het dit vir hom moontlik gemaak om by dié sportskool te begin oefen. Hulle het uitstaande atlete uitgesoek om hulle verder te ontwikkel. Die tipe oefeninge wat hulle daar doen, is fiksheidoefeninge. By die betrokke sportskool is daar atlete wat in verskillende sportsoorte uitblink,” verduidelik Jessica.

Anne-Marie April, ‘n onderwyseres by Newton Primêr, het ook Cullen se potensiaal raakgesien en hom in September 2017 onder die bekwame hande van die bekende afrigter, Bennie Schlegter, laat oefen. Anne-Marie het Cullen en nog twee atlete van die skool twee keer per week Stellenbosch toe geneem vir spesiale atletiekoefeninge. Daar het Cullen ook die

"Mammie, ek gaan my beste lewer." - Cullen geleentheid gekry om saam met die wêreldkampioen in hoogspring te oefen - iets wat hom baie aangemoedig het.

Cullen en Jessica is baie dankbaar vir almal wat hom ondersteun en help om sy talent te ontwikkel. “Die opofferinge wat hy, asook almal wat betrokke was met sy afrigting, gemaak het, het beslis vrugte afgewerp.

"Een van hierdie persone, Frederick Muller, seun van Anne-Marie, het ook `n groot rol gespeel in Cullen se oefenprogram. Hy het Cullen gehelp met sy strek- en core-oefeninge, dus weet Cullen nou hoe belangrik hierdie tipe van oefeninge vir hom is. Hy is nou baie meer gedissiplineerd in sy oefening. Juf Nieuwendyk, ook `n onderwyseres van Newton Primêr, speel tans ook `n baie groot rol in Cullen se oefenprogram.

Daar is soveel mense wat Cullen ondersteun en aanmoedig. Die lysie is te lank om almal se name te noem, maar ons sal hulle ewig dankbaar sal wees,” sê Jessica.

Cullen is nie net ‘n kranige hoogspringer nie. Hy is die afgelope week ook as sy skool se hoofseun aangewys - iets wat hy met net soveel oorgawe as sy sport wil aanpak.

Hy droom daarvan om hierdie jaar die SA-hoogspringkampioen vir die seuns o/13 te word.

“En hy droom van ‘n paar spykerskoene. Hy’t gesê: ‘Hierdie jaar is dit my jaar en niks en niemand gaan my keer nie.’ Hy sê ook voor elke byeenkoms: ‘Mammie, ek gaan my beste lewer, al gebeur wat’,” sê Jessica oor haar veerkragtige seun.