courant
• Bergrivier 1Swartland Weskus • Bergrivier
dié
6 Februarie 2019
• Free • Gratis
Wes-Kaap se #1
Bou saam met goeie nuus
Uitgawe 504
•SAKEMAN BELÊ VERDER IN DIE WESKUS
6 Februarie 2019
Ontwikkeling ‘enorm’ •Madi Pieterse “Dit is enorm!” Dit is die woorde van `n bekende sakeman van Laaiplek/Velddrif/Port Owen, wat ook hotelle en restaurante in London besit. Hierdie uitroep van Russel Foster vat in `n neutedop saam die beplande ontwikkeling van die hawe by Laaiplek deur die Laaiplek Hawe-Forum en verskeie ander rolspelers. Die Forum is dit eens dat die tyd van praat en droom verby is en dat die realiteit begin gebeur. Vir hulle is dit nie meer `n kwessie van ‘as’ nie, maar ‘wanneer’. “Besigheidsmense in Laaiplek en omgewing stem oor een ding saam: die plek is ryp vir drastiese stappe om toerisme te bevorder. Daar bestaan `n groot toeloop van toeriste na die area, die visbedryf taan en ons kort nuwe bloed, nuwe geleenthede, nuwe werksgeleenthede, nuwe alles,” gesels `n baie entoesiastiese Dian Müller, argitek van dele van die ontwikkeling en woordvoerder namens die Hawe-Forum. “Alhoewel nog niks goedgekeur is nie, is ons in volle swang om dinge te laat gebeur.” Onder andere word 145 selfsorg-eenhede, Bergrivier Family & Lifestyle Facility, in die vooruitsig gestel wat op die punt staan om goedgekeur te word. Die Harbour Edge-ontwikkeling beskik reeds oor 68 gedienste persele. Die Eigelaargroep het ook gedienste erwe binne die hawegebied en die opgradering van die Laaiplek Hotel om by die ontwikkeling in te skakel, sal binnekort begin. Die beplande wandelpad dwarsdeur die ontwikkeling sal toegang tot die hotel bied. Die Sunset Villas met ses woonstelle en die Sunset Cabanas met sewe meenthuise vorm ook reeds deel van die hawegebied. Ook op die tafel is die Key Way Shipwright Facility & Academy. In samewerking met die Bergrivier Munisipaliteit word daar gekyk na die integrasie van die Stywe Lyne-karavaanpark in die nuwe ontwikkeling. Dian vertel dat hy groot inspirasie vir die argitektoniese tema ontvang het nadat hy plaaslike skrywer Lokkie van Zyl se boek, Velddrif se Stories, onder oë gehad het en besef het dat die Italianers `n groot invloed gehad het in die geskiedenis van Laaiplek. Daarom word Italiaanse argitektuur, afkomstig van Romeinse argitektuur, in die ontwikkeling benut. In die beplanning is `n getylose marina, `n optelbrug, waterslotte, dalk `n droogdok by die slip, `n multi-denominale kerk, `n trou-venue, konferensiefasiliteite met negentien Romeinse-styl huise en ook sewentien woonstelblokke. Die brug oor die getylose marina is `n replika van die Rialto-brug in Venesië, waar besoekers in die toekoms pragtige onthoufoto`s sal kan neem. Selfs replikas van die Kolosseum en die Pant-
Die area waar die beplande ontwikkeling sal geskied.
heon in Rome, natuurlik in baie kleiner weergawes as die ware Jakob, gaan elkeen `n rol speel in die algehele prentjie van die ontwikkeling. Die Kolosseum sal dien as amfiteater en sal ook beskik oor `n opelug verhoog waar kunswedstryde, musiekfeeste, toneel-opvoerings, of enigiets anders aangebied sal kan word waaraan die gemeenskap kan dink. Die plek sal basies gratis aan die gemeenskap beskikbaar gestel word om te benut. Dian hoop dat Steve Hofmeyr die eerste kunstenaar sal wees om die verhoog te betree. Aan die onderkant van die Kolosseum sal winkelen restaurantspasie beskikbaar wees. Dit sal saamvloei in stegies met straatkafeetjies en straatkunstenaars wat die middelpunt van aktiwiteite sal vorm om dit bedags en saans vir besoekers aantreklik te maak. Op die geplaveide wandelpad (boardwalk) regdeur die ontwikkeling, waar nêrens trappe sal wees nie behalwe af na die strand toe, sal gholfkarretjies, fietse, stootwaentjies en rolstoele kan beweeg. Die Forum beplan ook om die seefront wat weggekalwe is te herwin deur letterlik `n muur daar te bou en as verhewe wandelpad teen die strandgebied te gebruik, wat gaan veroorsaak dat daar nie verdere erosie gaan plaasvind nie en ook `n verbintenis kan wees tussen
die hawegebied en die gemeenskapsgedeelte in St Helenastraat. Bes moontlik sal die De Villiersstraat-ingang verleng word na `n sirkel wat ook die hawegebied met St Helenastraat verbind. In die sirkel word `n baie interessante node beplan - `n kubus wat op sy punt staan en van kleur verander wanneer om die sirkel beweeg word. Die node word geskep as bevestiging aan besoekers dat hulle die hawegebied, die ‘nuwe waterfront’, binnegaan. Die plaveisel (“cobblestones” of keistene) wat vir die wandelpad gebruik gaan word sal deur die gemeenskap gemaak word, sodat elkeen wat op die wandelpad beweeg, sal weet dat die hele gemeenskap by hierdie groot projek betrokke was. “In breed: dit is so vroeg in die beplanningsproses dat ons nie regtig daarop kan staatmaak dat planne goedgekeur is of gaan word nie, maar op watter punt van die beplanningsproses besluit jy om vir mense te sê dat dit besig is om te gebeur?” gesels Dian. “Plaaslike mense is al so negatief oor ontwikkeling wat sou plaasvind en nooit gebeur nie. Ons is egter doodernstig om hierdie te maak werk en weet dit gaan werk, want ‘the next best thing to steak and whisky’ is Laaiplek, want almal kom hierheen!”
NUUS • NEWS
2
6 Februarie 2019
NUUS • NEWS
Entrepreneurs styg uit en laat hul merk in gemeenskap Verlede jaar in Oktober het die Afrikaanse Handelsinstituut in die Wes-Kaap, in samewerking met onder andere die Weskus Sakekamer, opleiding aan `n aantal entrepreneurs van die area gebied. Tydens die onlangse sakekamervergadering wat by die Hoedjiesbaai Hotel gehou is, is die vyf entrepreneurs van die Weskus wat die opleiding deurloop het, aan lede van die sakekamer bekend gestel. Hulle is ook nou lede van die Weskus Sakekamer en sal voortaan gereeld die maandelikse byeenkomste bywoon om bekend te raak met ander besighede in die omgewing. Die dames het elkeen bietjie van hulleself vertel en wat hulle hoop om te bereik. Anita Brooks is die eienaar van Elmada Clothing (Pty) Ltd en doen naaldwerk vir onder andere Sea Harvest (paslakens, kussingslope en gordyne vir die bote), Tronox (werkshemde) Duferco (wasgoedsakke) en West Point Processors (werkshemde). Sy het baie jare gelede haar leerlingskap in hierdie ambag deurloop in die Paarl en het deur die jare ondervinding opgedoen in die maak van onderklere, langbroeke en kortbroeke en is gereeld bevorder tot toesighouer en bestuurder van die maatskappye waarvoor sy gewerk het. In 2005 het sy en haar kinders Saldanha toe verhuis, waar Anita eers as monitor vir Nosipho-kontrakteurs gewerk het vir Seevissery en daarna `n pos aanvaar het by Apples & Pears. Hierna was sy deel van `n kleremaak-projek van die West Coast Business Development Centre op Saldanha, wat later die besigheid aan die werkers gegee het. Twee van die dames wat deel was van die projek het besluit om hulle eie maatskappye te stig en Anita het agtergebly om aan te gaan met die besigheid. Behalwe vir bestaande kontrakte, sal Anita graag die besigheid wil uitbrei om ook oorpakke en ander klere-items te maak. Kleremaak is Anita se passie en haar grootste droom is om `n ontwerpkursus te doen sodat sy haar eie klerereeks kan uitbring. Lee-Ann is die eienaar van Cherry On Top, `n bakkery wat haar kliënte voorsien van heerlike gebak. Alhoewel Lee-Ann tans van die huis af die bakkery bedryf, het sy reeds `n perseel in die sentrum by Spar op Saldanha waar van die gebak uitgestal. Sy wag tans op `n besoek van die gesondheidsinspekteur van die Weskus Distriksmunisipaliteit wie sal aandui waar die stoof en dubbelwasbak ge-
ïnstalleer moet word, sodat alles volgens die reëls reg sal wees. Lee-Ann is veral baie opgewonde oor die stoof asook `n elektriese menger, industriële toerusting wat sy as geskenk ontvang het om haar besigheid suksesvol te bedryf. Lee-Ann is baie oopkop oor haar besigheid en die toekoms en besef dat daar struikelblokke sal wees. Maar vir haar is struikelblokke iets wat oorkom moet word en niks gaan haar onderkry nie. Alles gebeur op die regte tyd as sy net geduldig kan wees om te wag. Daarom is haar droom om in die toekoms nie net `n winkel op Saldanha te hê nie, maar ook op ander dorpe in die omgewing. Marina Erasmus en Mageret Skei is die trotse eienaars van Sweet Moupsie Cleaning Solutions Pty (Ltd). Nadat albei hierdie dames vir baie jare by Mykonos Casino gewerk het, het hulle uiteindelik verlede jaar besluit om hulle eie ding te doen. Hulle het dae en nagte om gesit en `n besigheidsplan uitgewerk, begroting op te stel en strategie uit te werk. Sweet Moupsie staan op vier pilare: betroubaarheid, deeglikheid, spanwerk en bekostigbaarheid. Hulle glo dat as hulle na hulle personeel omsien en hulle goed behandel, dit sal deurtrek na goeie diens en kliënttevredenheid. Marina en Mageret praat met groot lof van die West Coast Business Development Centre, wat die dames bygestaan het met elke aspek van papierwerk wat nodig was om hulle besigheid te registreer. Hulle eerste proeflopie was op 1 Augustus verlede jaar waar hulle en hulle span hulle eie huisie skoongemaak het. Daarna was dit `n buurvrou en drie vriendinne se beurt en Sweet Moupsie was weg uit die wegspringblokke! Op 22 en 23 Oktober het hulle die “Prepare For Business”-opleiding bygewoon wat deur die Wes-Kaapse Afrikaanse Handelsinstituut en die Weskus Sakekamer moontlik gemaak is en aangebied is deur Dr Willie Cilliers. Dr Willie het ook elkeen se Weskus Sakekamer-lidmaatskapfooi vir die jaar betaal. Sweet Moupsie het die jaar afgeskop met `n kontrak van Langebaan Holiday Homes en het as geregistreerde diensverskaffer van Life Weskus Privaat Hospitaal alreeds `n aantal kere die woonplek van besoekende dokters skoongemaak. Hulle ontvang positiewe en ondersteunende terugvoer van kliënte en kry weekliks nog werk by.
NUUS • NEWS
3
6 Februarie 2019
•TAIWANESE-REGERING SKENK TEGNOLOGIE AAN SKOOL
Skootrekenaars vir Karookop-leerders ‘n Afvaardiging van die Taiwanese regering het verlede week die Bergrivier Munisipale gebied besoek om altesaam sewe skootrekenaars aan die plaaslike skool, Karookop Laerskool te skenk. Die burgemeesterskomitee van die munisipaliteit onder leiding van die uitvoerende burgemeester, raadsheer Ray van Rooy, het die afgevaardigdes na die plaasskool vergesel wat sowat 50km buite Piketberg geleë is. Sewe skootrekenaars is deur die Taiwanese regering geskenk waarby meer as 140 leerders sal baatvind. Henk Brand, skoolhoof van Karookop Primêre Skool beskou die skenking as ‘n groot seën vir die skool wat nog nooit vantevore skootrekenaars besit het nie. “Ons is baie dankbaar. "Die skootrekenaars sal ons help om met die wêreld daar buite in verbinding te tree as gevolg van die feit dat ons so ver van alles geleë is. "Die rekenaars gaan ook vir die leerders van groot waarde wees wat hul navorsing vir projekte daarop sal kan doen en verder hulle rekenaarvaardighede só sal verbeter,” voeg hy by. Volgens Dean Wang, direkteur generaal van Taipei se skakelkantoor in Kaapstad, wou hulle graag inwoners van landelike gebiede help. “Ons wil ons liefde teenoor ander wys en daarmee wil ons ook ander inspireer om hulle volle potensiaal te bereik. "Daarom skenk ons dié skootrekenaars met die hoop om die vlak van opvoeding te verbeter deur middel van tegnologie, “ sê Wang. Karookop Primêre skool is in 1960 gestig en
het met slegs 60 leerders begin en gegroei tot 147 leerders tussen Gr. R en Gr. 7. Volgens Van Rooy is hulle baie dankbaar teenoor die Taiwanese regering vir die gawe skenking. Die regering was opsoek na ‘n skool in die Bergrivier omgewing wat regtig behoeftig is. “Ek dink opvoeding is die sleutel tot ‘n kwaliteit lewe. "Ek is seker daarvan dat dié skenking die leerders sal help om met die buitewêreld in verbinding te tree wat eindelose deure vir hulle sal oopmaak.” Lede van die uitvoerende komitee het verder ook skoolbehoftes aan die leerders uitgedeel. “Pas die skool se hulpbronne op. Voed jouself op sodat jy verder kan gaan studeer en ‘n sukses van jou lewe kan maak.”
Bo: Lede van die uitvoerende burgemeesterskomitee saam met die Taiwanese afvaardiging wat sewe skootrekenaars aan die Karookop Primêre skool oorhandig het.
Bo: Raadslid Adam du Plooy het saam met die uitvoerende burgemeester Ray van Rooy skryfbehoeftes aan Gr. R en Gr. 1-leerders uitgedeel.
Vennote vat hande vir moontlikhede Die gasspreker tydens die Weskus Sakekamer se maandvergadering, wat Donderdagaand by die Hoedjiesbaai Hotel op Saldanha gehou is, was Dr Louise van Rhyn, Hoof Uitvoerende Beampte en stigter van Partners for Possibility (PfP). PfP is `n geregistreerde, nie-winsgewende en openbare weldaad-organisasie, ‘n vlagskipprojek van Symphonia for South Africa, wat verskeie programme en werkswinkels hou en werk aan maatskaplike samehorigheid en grootskaalse maatskaplike verandering in Suid-Afrika. PfP bevorder en fasiliteer leierskaps-ontwikkelingsgeleenthede vir sakeleiers, skoolhoofde en skool-beheerliggame en mobiliseer burgers en gemeenskappe om met skoolhoofde en onderwysers saam te werk om ons kinders op te voed. "Elke landsburger het ‘n rol om te speel, die talente en bydraes van elke landsburger is nodig. Die einddoel is dat Suid-Afrika waarlik ‘n land kan word wat “lewendig is vir moontlikhede (alive with possibility)”. Die Weskus Sakekamer het van die projek te hore gekom nadat ‘n oud-kollega van die voorsitter Darelle Scheepers, Dave Morris, haar gekontak het. Dave was ‘n aantal jare gelede die bestuurder by Namakwa Sands en het sowat twee jaar gelede persoonlik betrokke geraak by PfP. “’n Lewensveranderende ondervinding,” volgens hom. Daar bestaan twee sisteme van onderwys in Suid-Afrika – 20% is wêreldklasskole met hulpbronne en ondersteuning van ouers en ‘n
beheerliggaam en 80% is waar hulpbronne nie voldoende is nie, onderwysers nie voldoende opleiding ondergaan het nie, klasse baie groot is en ondersteuning van ouers minimaal is. Leerders uit laasgenoemde skole word jongmense wat kwaad is vir alles en almal rondom hulle om dit nie ‘n regverdige situasie is nie. 78% van graad 4-leerders kan nie betekenisvol lees in enige taal nie en die kanse is dat hierdie leerders ook nooit matriek sal skryf nie. PfP pak die probleem by die begin. Die hoofdoel is om skoolhoofde toe te rus met die nodige vaardigheid, kennis en ondersteuning wat hulle nodig het om verandering in hulle eie skool teweeg te bring en ‘n ondersteunende, lewendige, aktiewe skoolgemeenskap te stig. Sekondêre doelstellings: Vestig ‘n samewerkende en funksionerende span onderwysers by elke skool; Om ouers sodanig betrokke te kry dat hulle verantwoordelikheid as hoof-opvoeders sal neem; Bewerkstellig ‘n sterk sin van vennootskap tussen onderwysers en ouers; Om gemeenskapsvennootskappe te ondersteun tot voordeel van leerders. ‘n Groot persentasie van leerkragte wat as skoolhoofde aangestel is, het nooit die nodige leiding of opleiding ontvang om so ‘n groteske taak aan te pak nie. Die een dag is die persoon ‘n kuns-onderwyser, en net die volgende dag is hy/sy ‘n skoolhoof wat, sonder enige ondervinding van IT, finansies, begrotings opstel, sekuriteit, bestuur,
ensovoorts, aan die diepkant ingegooi word om moet swem of sink. Geen maklike taak vir enigiemand nie. Wanneer ‘n besigheidspersoon by ‘n skool betrokke raak, stap hy gewoonlik in met kennis van baie van hierdie aspekte en kan hy die hoof touwys maak sodat die hoof ook ‘n “suksesvolle besigheid” kan bedryf, leer om sy onderwysers te motiveer en wanneer die rimpeleffek verder gaan, ook ouers by die skool se daaglikse bedrywighede betrokke te kry. Terselfdertyd leer die besigheidspersoon die omvang ken van hoe dit is om elke dag by ‘n skool betrokke te wees en die magdom take en verantwoordelikhede wat rus op die skouers van onderwysers en hoofde. Na bykans twee jaar se betrokkenheid het Dave Morris al baie geleer en hy sou besigheidspersone aanbeveel om betrokke te raak, die pad saam met ‘n skool aan te pak en uiteindelik dieselfde vervulling as hy te geniet. Daar is tans 20 000 skole regoor Suid-Afrika waarvan 917 reeds betrokke is by die projek as-
ook 320 korporatiewe maatskappye. Enige navrae in dié verband kan gerig word aan die Weskus Sakekamer op (022) 715 1968 of info@weskussakekamer.co.za.
4
6 Februarie 2019
NUUS • NEWS
Waar wàs jy? Meeste van ons ken die gevoel.... wanneer jy by die huis instap, laat van die werk af, of rugby-oefening, of te lank getalm by `n vriend of vriendin se huis.... en die instapwoorde in jou ore: “Waar wàs jy?” Dave Gordon se wenfoto by die Weskus Fotografieklub vandeesmaand vertel die hele storie. Daar bestaan geen twyfel oor die trant van die gesprek op daardie takkie nie. Met ‘Where have you been?’ behaal Dave Gordon 27 punte in die oop kategorie. Adele van Schalkwyk se twee foto`s, ‘Nowhere to Run’ en ‘Paaltjiewagter’ is albei in die tweede plek en sy ontvang goud daarvoor. Die Januarie-onderwerp, ‘Happiness in Colour’, se wenfoto, ‘Dans! Dans! Dans!’, is geneem deur Petra Schoeman, waarvoor sy ook goud kry. Die onderwerp vir Februarie is ‘Silhouette’ en moet nie later as Vrydag, 15 Februarie gestuur word na photos@weskusfotoklub.co.za. Enige navrae kan gerig word aan Anna-Marie op 084 577 7752.
Pienk boeie op Yzerfontein se strand vir redding Yzerfontein spog ook nou sedert die begin van die maand met ‘n pienk lewensreddingsboei wat onlangs by die hoofstrand op die kusdorp aangebring is. Talle lewens is al volgens die Nasionale Seereddingsinstituut (NSRI) langs die Suid-Afrikaanse kus gered danksy dié inisiatief wat gedurende November 2017 deur die instituut van stapel gestuur is. ‘n 135 Pienk reddinsgboeie is aanvanklik by hoë risiko strande geplaas wat teen Februarie verlede jaar reeds 11 lewens gered het. Die projek is juis geloods omdat daar nie altyd geswem word waar lewensredders teenwoordig is nie. ‘n Verdere drie lewensreddingsboeie, geborg
deur die plaaslike Swartland Munisipaliteit sal binnekort by die bestaande reddingsboei gevoeg word. Die NSRI doen ‘n beroep op inwoners en strandgangers om nie die reddingsboeie te steel nie. Ouers word ook gevra om kinders in te lig oor wat presies ‘n reddingsboei is en waarvoor dit gebruik word. Die reddingsboei moet slegs in ‘n noodsituasie gebruik word en nie as “speelgoed” beskou word nie. Indien daar nie ‘n lewensredder teenwoordig is nie en iemand word in die see gewaar wat in gevaar is, moet die reddingsboei na die persoon gegooi word en die nooddienste kontak. “Pas die reddingsboeie op. Dit kan ‘n familielid se lewe red,” voeg hulle by.
NOTICE OF BASIC ASSESSMENT PROCESS AND INTEGRATED WATER USE LICENCE APPLICATION PROCESSES FOR THE PROPOSED UPGRADE OF STORM WATER AND ENVIRONMENTAL SYSTEMS IN THE PORT OF SALDANHA WITHIN THE JURISDICTION OF SALDANHA BAY LOCAL MUNICIPALITY IN THE WESTERN CAPE PROVINCE Notice is hereby given in terms of Regulation 41 (2) of the Environmental Impact Assessment (EIA) Regulations of December 2014 as amended, published in terms of Chapter 5 of the National Environmental Management Act, 1998 (Act No. 107 of 1998), Section 73 of the National Environmental Management: Waste Act, 2008 (Act No.59 of 2008) Amendment and Section (21) of the National Water Act, 1998 (Act 36 of 1998) for the application of Waste Management and Water Use License for the aforementioned project. NATURE OF ACTIVITY Transnet SOC Limited proposes to upgrade the storm water and environmental systems within the Port of Saldanha. The proposed development entails the upgrade of the existing storm water infrastructure within the Port. The proposed project triggers the following listed activities: Legislation National Environmental Management: Waste Act, 2008 (Act No.59 of 2008) Amendment National Water Act, 1998 (Act 36 of 1998)
Regulation/Section of the Act Government Notices R. 633 of 2015 as amended Section 21 Water Uses
Triggered Listed Activities Category A, Activities 1, 12 and 13 Section 21(g)
LOCATION The proposed development will be undertaken entirely within the Port of Saldanha within the jurisdiction of the Saldanha Bay Local Municipality (Wards 5 and 6) in the Western Cape Province. NAME OF APPLICANT Transnet SOC Limited AVAILABILITY OF DRAFT BASIC ASSESSMENT REPORT FOR REVIEW AND COMMENT You are invited to register as an Interested and Affected Party and notified of the availability of the Draft Basic Assessment Report for review and comment at the locations indicated below. VENUE/SITE Saldanha Bay Public Library Langebaan Public Library Nsovo Environmental Consulting website
ADDRESS Municipal Building, Berg Street, Saldanha, Western Cape Province, 7380 Corner of Oostewal and Bree Street, Langebaan, Western Cape, 7357 www.nsovo.co.za
CONTACT Nolubabalo Cebisa, Tel: 022 714 8010 Email: nomfazic@webmail.co.za Ms. Lizé Sadie, Tel: 022 707 5030 Email: lbnlib@webmail.co.za Rejoice Aphane, Tel: 011 041 3689 Email: rejoice@nsovo.co.za
To submit your comments relating to this project, please contact us through any of the contact details below within 30 days from the date of this notice. NSOVO ENVIRONMENTAL CONSULTING Contact person: Rejoice Aphane, Email: rejoice@nsovo.co.za or admin@nsovo.co.za , Tel: 011 041 3689, Fax: 086 602 8821 Address: Postnet Suite 697, Private Bag X29, Gallo Manor, 2052 Please quote Reference F009-17 in all correspondence. This advert is prepared for and on behalf of Transnet SOC Limited.
NUUS • NEWS
6 Februarie 2019
Vredenburg se Relay for Life om die draai
Relay For Life is een van CANSA se vlagskipprojekte wat jaarliks regoor Suid-Afrika plaasvind en is waarskynlik een van die organisasie se grootste fondsinsamelingsprojekte elke jaar. Dit het egter ook ten doel om gemeenskappe kankerslim te maak. Saterdagaand 9 Maart om 18h00 skop Vredenburg se CANSA Relay For Life by die Vredenburg Sportgronde af en sal deurnag aanhou tot 06h00 die oggend van 10 Maart. Relay For Life is `n oornagbyeenkoms waar spanne van tien tot vyftien persone deelneem aan `n 12-ure staptog waartydens kanker-oorlewendes herdenk word. Daar is heelwat simboliek agter die 12-ure deurnaggeleentheid: Deelnemers plaas hulself in die skoene van ‘n kankerpasiënt en begin die Relay, terwyl die son nog skyn. Hierdie wegspringgedeelte simboliseer die tyd van diagnose, wanneer die pasiënt nog gesond voel. Die son wat ondergaan is die besef wat tot pasiënte deurdring dat `n moeilike stryd voorlê. Die son is onder en simboliseer vir Relayers die tyd wanneer die pasiënt met behandelings begin. Die son is onder en dit is stikdonker, dié tyd wanneer Relayers die Luminaria-seremonie hou. Luminaria-sakkies word om die baan uitgepak, elk met ‘n kersie in wat dan tydens hierdie geleentheid, waar alle ligte af is, aangesteek word. Luminaria-sakkies is wit papiersakkies wat aan die gemeenskap verkoop word wat dit versier ter herinnering of herdenking aan ‘n spesifieke
persoon. Die Luminaria-seremonie simboliseer ook die begin van behandelings vir die pasiënt en die brandende kers se liggie is die hoop wat skyn vir volkome herstel. Die wat die kankerstryd verloor het, maar ook die wat tans daarteen baklei, word onthou. Die aanhoudende stappery maak deelnemers moeg, net soos `n kankerpasiënt wat die pad moet stap en moeg word en wil opgee, maar nie kan nie. Almal wil opgee, die voete is seer en moeg en die lyf wil eerder gaan slaap, maar deurdruk is die wagwoord totdat…. Die son se eerste strale oor die nuwe dag begin breek, wanneer die einde van die nag se stap en swaarkry verby is. Vir die kankerpasiënt beteken dit die laaste behandeling of ondersoek, die einde van ‘n moeilike pad. Deelnemers stap die laaste rondte met die wete dat hulle besig is om klaar te maak en kan gaan rus. Maar wag, daar is tog nog een rondte wat gestap moet word: die eerste rondte vir die volgende jaar se Relay! Hoekom? Die stryd teen kanker sal nooit ophou nie. Vanjaar se tema is Karnaval en koste beloop R750 per span. Vir meer inligting kan Eldrieda Engels gekontak word by 082 854 3145 en spanregistrasies kan gedoen word by Riana Oosthuizen 078 179 8775 / oosthuizen.riana@yahoo.com. Die personeelvennoot is Amber Zandberg (022) 482 1111 / azandberg@cansa.org.za
Kontak ons • Contact Us Redakteur: Izélle Garciaizelle@diecourant.co.za
Joernalis: Madi Pieterse madi@diecourant.co.za
Finansies: Jane Gouws - accounts@ diecourant.co.za
Bemarkingsbestuurder: JB Patersonads@diecourant.co.za
Bemarkers: Desiré Kriel desire@diecourant.co.za
Web: www.diecourant.co.za Facebook: @diecourant Tel: 022 487 3221
5
6
6 Februarie 2019
Propvol ekspo vanjaar 'n móét om te besoek Dit is weer tyd vir die Wes-Kaap se jaarlikse groot Buitelug-kuier, die kykNET Buite-ekspo wat op Môreson in die Swartland plaasvind. Die groot kuier is van 15 tot 17 Februarie. Dié ekspo word buite Malmesbury gehou en elke jaar bring die organiseerders, Trio Events, nuwe uitstallings en vermaak vir ekspogangers. Vanjaar is geen uitsondering nie en met die gewildheid van die ekspo was uitstallingruimtes en kampeerplekke reeds bykans 'n maand voor die afskop uitverkoop. Die vol program vir die naweek sluit weer 'n lang lys gunstelinge en nuwe hoogtepunte in. Ook is daar 'n groot klomp senior vennote wat met hul borgskappe bydra tot ekspogangers se buitelug-ervaring. Trio Events bied die ekspo aan met kykNET as hoofborg. Daarmee saam is daar dié courant, Die Burger, TygerBurger, Maroela Media, Bok Radio, Weg Ry & Sleep, Swartland Munisipaliteit, Jimmy’s Steakhouse Sauces, Agrimark, Malmesbury Toyota, Hankook Tyres en die Wes-Kaapse Regering. Vanjaar is daar 'n Jimmy’s Steakhouse Sauces Braaigeveg met akteurs van Suidooster en Arendsvlei wat mekaar die stryd aansê. Onder hulle is daar die Swartlander Dean-John Smith (Wade), oud-leerling van Schoonspruit Sekondêr, wat Suidooster se Braaispan gaan versterk. Sy spanmaat is Marco Spaumer (Tim), terwyl Crystal-Donna Roberts (Janice) en Sherman Pharo (Thys) Arendsvlei sal verteenwoordig. Die gewilde Sjef Tommy (Vaatjie van Toks & Tjops) sal saam met Jimmy Baptista as beoordelaars optree. Ekspogangers kan hulle weer gereed maak om die nuutste in buitelug- en kamptoerusting van nader te bekyk. Daar is 'n Agrimark-skattejag met groot pryse vir die wenspanne asook die geleentheid vir besoekers om Suzuki SA se nuwe Jimny eerstehands te ervaar op 'n spesiale 4x4-rybaan. Dan is daar vir die eerste keer kameelritte en ook weer André de Villiers van Safari 4x4 Roetes wat gratis Amarok 4x4-hindernisritte aanbied asook helikopterritte. Die GT Camper Braaicorner behoort weer 'n baie gewilde punt onder besoekers te wees en die
Promosie
GT Camper Sportpark gaan seker maak rugbygeesdriftiges is reg vir die afskop van die Superrugbyseisoen tussen die Stormers en die Bulls. Erik de Milander sal vananf 16:30 'n paneelbespreking voor die wedstryd lei met De Wet Barry, Marius Joubert en Marulaboom. Die snuffel-en kunsmark is ook elke jaar baie gewild veral onder vrouebeoekers en vanjaar beloof om geen uitsondering te wees nie Vir die kinders is daar weer die gewilde pretpark en die Sondagoggend is daar 'n vertoning van Lollos en Lettie – 10 jaar Basaar. Die Hankook-kunstenaars wat vir die vermaak sal sorg in die kykNET Arena, is Amore, Nadia Louw, Desmond Wells, Fatman en Caroline Grace van The Voice, en Demi Lee Moore wenner van die Die Kontrak. Die Sondag is daar 'n spesiale program met ‘Chereè en Vriende sing Country’ waar Chereè sal optree saam met Denis East, Tommy Dell en Peter Mohr. En naas die buiteluguitstallings en meer kosstalletjies as voorheen, is daar ook die splinternuwe Môreson Plaaskombuis met van die beste plaasetes, koffie, tee en varsgebakte produkte. Daar is ook ‘n Castle Light kroeg en biertuin en die baie gewilde “slush”-tuin om almal se dors te les. Kaartjies vir die naweek is reeds by computicket beskikbaar. Die naweekpakkette beloop R130 vir volwassenes en R40 vir kinders (4 tot 18 jaar). Die pryse vir Vrydag (12:00-21:00) is R40 vir volwassenes, R20 vir pensioentrekkers en R20 vir kinders. Saterdag (09:00-21:00) se toegangsgeld beloop R80 vir volwassenes, R40 vir pensioentrekkers en R30 vir kinders. Die toegangsgeld vir Sondag (09:00-15:00) is R40 vir volwassenes, R20 vir pensioentrekkers en R20 vir kinders. Kontak gerus vir Marius by marius@ekspo.co.za of 082 570 5758 vir enige bemarkings-, borgskapof media navrae. Rig enige uitstallersnavrae aan Tersia by accounts@ekspo.co.za of 071 659 9915. Besoek gerus ook die webwerf by www.ekspo.co.za vir meer besonderhede.
NUUS • NEWS
Saldanha Bay Youth Council donates books to Wupperthal Members of the Saldanha Bay Youth Council donated more than 300 books to the community of Wupperthal after a recent fire destroyed 45 homes in this historic village. The Junior Mayoral Committee handed the text books over to the organisers of the West Coast 4 Wupperthal benefit concert at the Saldanha Multipurpose Centre on 26 January.
NUUS • NEWS Geleenthede Vrydag-Sondag 8-10 Februarie: Bob Marley Festival, Saldanha - 073 707 9880 Sondag 24 Februarie: Piket-Bo-Berg Boeremark, Piketberg, Jane Paterson 083 208 6873 / www.piket-bo-berg.co.za Groote Post Country Market, Darling, (022) 451 2202 / info@iloveyzer.co.za Friday-Sunday 22-24 February: Jazz on the Rocks, Paternoster – (021) 591 5208 / admin@ jazzontherocks.co.za Saterdag 23 Februarie: Lambertsbaai Boeremark. Navrae Jacky Valentine 082 920 8886 / Ian Turner 0833 700 400 / www.facebook.com/ weskusmarket P.L.A.Y. Denlyn Park Country Craft Market, Langebaan, 09h00-13h00. Groot verskeidenheid produkte, speelplek vir kleingoed. Kontak Denise (022) 772 0638 / Lynne 082 935 5497 vir meer inligting. Sondag 24 Februarie: Piket-Bo-Berg Boeremark, Piketberg, Jane Paterson 083 208 6873 / www.piket-bo-berg.co.za Sondag 3 Maart: Mykonos Mark, Langebaan, (022) 707 7000. Vrydag 1 Maart: Sundowners at the Boma at !Khwa ttu, Darling (022) 492 2998 / www. khwattu.org Vrydag 8 Maart: Darling Cellars Music Picnic – (022) 492 2276 / www.darlingcellars.co.za Saterdag 9 Maart: Darling Cellars Crush Day – (022) 492 2276 / www.darlingcellars.co.za Cansa Relay For Life, Vredenburg – 082 854 3145 Tuesday 12 March: Friends of Arderne Gardens in Claremont and Birdlife SA will be hosting an event to raise funds for a mission to restore the beauty of Cape Town's birdsong to gardens, 18h30-20h30, R500pp. Saterdag 30 Maart: Rooibosteefees, Clanwilliam – Sanet (027) 482 1007 / admin@rooibosinfohub.com Lambertsbaai Boeremark. Navrae Jacky Valentine 082 920 8886 / Ian Turner 0833 700 400 / www.facebook.com/weskusmarket P.L.A.Y. Denlyn Park Country Craft Market, Langebaan, 09h00-13h00. Groot verskeidenheid produkte, speelplek vir kleingoed. Kontak Denise (022) 772 0638 / Lynne 082 935 5497 vir meer inligting. Sondag 31 Maart: Groote Post Country Market, Darling, (022) 451 2202 / info@iloveyzer.
6 Februarie 2019 co.za Piket-Bo-Berg Boeremark, Piketberg, Jane Paterson 083 208 6873 / www.piket-bo-berg.co.za Saterdag 6 April: Piquetfees, Piketberg. Navrae Piketberg Toerisme (022) 913 2063 / tourism@piketberg.com / www.piketbergtourism. co.za Paasfees Blommemark, Goedverwacht – 083 872 7149 / 073 957 9549 / www.travelbergrivier. co.za Sondag 7 April: Mykonos Mark, Langebaan, (022) 707 7000. Saterdag 27 April: Lambertsbaai Boeremark. Navrae Jacky Valentine 082 920 8886 / Ian Turner 0833 700 400 / www.facebook.com/ weskusmarket P.L.A.Y. Denlyn Park Country Craft Market, Langebaan, 09h00-13h00. Groot verskeidenheid produkte, speelplek vir kleingoed. Kontak Denise (022) 772 0638 / Lynne 082 935 5497 vir meer inligting. Sondag 28 April: Piket-Bo-Berg Boeremark, Piketberg, Jane Paterson 083 208 6873 / www. piket-bo-berg.co.za Groote Post Country Market, Darling, (022) 451 2202 / info@iloveyzer.co.za Sondag 5 Mei: Mykonos Mark, Langebaan, (022) 707 7000. Saterdag 25 Mei: Lambertsbaai Boeremark. Navrae Jacky Valentine 082 920 8886 / Ian Turner 0833 700 400 / www.facebook.com/ weskusmarket P.L.A.Y. Denlyn Park Country Craft Market, Langebaan, 09h00-13h00. Groot verskeidenheid produkte, speelplek vir kleingoed. Kontak Denise (022) 772 0638 / Lynne 082 935 5497 vir meer inligting. Sondag 26 Mei: Piket-Bo-Berg Boeremark, Piketberg, Jane Paterson 083 208 6873 / www. piket-bo-berg.co.za Sondag 2 Junie: Mykonos Mark, Langebaan, (022) 707 7000. Vrydag-Saterdag 28-29 Junie: Snoek- en Patatfees, Goedverwacht – 078 316 3988. Saterdag 29 Junie: Lambertsbaai Boeremark. Navrae Jacky Valentine 082 920 8886 / Ian Turner 0833 700 400 / www.facebook.com/ weskusmarket P.L.A.Y. Denlyn Park Country Craft Market, Langebaan, 09h00-13h00. Groot verskeidenheid produkte, speelplek vir kleingoed. Kontak Denise (022) 772 0638 / Lynne 082 935 5497 vir meer inligting.
Sondag 30 Junie: Piket-Bo-Berg Boeremark, Piketberg, Jane Paterson 083 208 6873 / www. piket-bo-berg.co.za Saterdag 6 Julie: Darling Winter Beerfest – (021) 286 1099 / philippa@darlingbrew.co.za / www.darlingbrew.co.za Sondag 7 Julie: Mykonos Mark, Langebaan, (022) 707 7000. Saterdag 27 Julie: Lambertsbaai Boeremark. Navrae Jacky Valentine 082 920 8886 / Ian Turner 0833 700 400 / www.facebook.com/ weskusmarket P.L.A.Y. Denlyn Park Country Craft Market, Langebaan, 09h00-13h00. Groot verskeidenheid produkte, speelplek vir kleingoed. Kontak Denise (022) 772 0638 / Lynne 082 935 5497 vir meer inligting. Sondag 28 Julie: Piket-Bo-Berg Boeremark, Piketberg, Jane Paterson 083 208 6873 / www. piket-bo-berg.co.za Sondag 4 Augustus: Mykonos Mark, Langebaan, (022) 707 7000.
Neem deel/ gaan kyk: Saturday-Sunday 26-27 January: Downwind Dash, Langebaan to Saldanha 082 449 5033 / 082 451 1548 / 082 350 0884. Sunday 27 January: Langebaan Country Estate MTB 15km Funride - (022) 772 2112. Saterdag 2 Februarie-Saterdag 9 Maart: Tennisliga, Vredenburg-klub. Enige navrae kan gerig word aan Karin Pelser 064 646 4335. Sunday 24 February: Langebaan Country Estate MTB 15km Funride - (022) 772 2112. Saterdag 2 Maart: Darling Rally – Darling Toerisme (022) 492 3361. Saterdag 23 Maart: Langebaan Country Estate Weskus Marathon – (022) 772 2112. Saterdag 30 Maart: Kolsvlei MTB, Piketberg – Paul Burger 082 574 9550. Sunday 31 March: Langebaan Country Estate MTB 15km Funride - (022) 772 2112.
7 Langebaan Parkrun, Saterdae 08:00, Langebaan Country Estate, Oostewalstraat. Gratis, registreer vooraf – parkrun.co.za/langebaan. Langebaan Stars-gimnastiekklub, oefen Dinsdae en Donderdae, Gemeenskapsaal, Breëstraat, Langebaan – Madeleine 082 811 8118. Salkoriane-atletiekklub oefen Maandae, Dinsdae en Donderdae – stappers Vernon - 083 392 9356 en atlete Sakkie - 071 427 6731. Vredenburg-judoklub oefen Dinsdae en Donderdae 17:00-19:00, Louwville-gemeenskapsaal, Vredenburg – Frazer 064 475 3097. Vredenburg-tennisklub oefen Woensdae 16:00 en Saterdae 13:30 – Karin Pelser 064 646 4335. West Coast Combat School, Monday-Thursday 17:00-19:00, Friday 17:00-20:00, mixed martial arts, School Street, Vredenburg - Anthony 076 197 7261. Weskus-klawerjasunie (‘n streekskaartspelliga baie soos troewe). Sondae, kom speel saam – Charles 073 928 9004.
KERKDIENSTE SONDAE * CHURCH SERVICES SUNDAYS NG Kerk Vredenburg Akkerdyk, Herculesstraat 09h30 – 022 713 1314 AGS Weskus Lighuis, Hoofstraat, Vredenburg 09h00 – 083 230 5656 / 084 205 6944. Baptist Church, De Klip Street, Vredenburg 10h00 – 076 370 2132. West Coast Vinyard Church, Heuningklip Street, Vredenburg 09h30 - 022 713 4253. Nuwe Lewe Kerk, bo-op FNB, Hoofstraat, Vredenburg koffie vooraf, 10h00 – 073 179 0992. NG Kerk Vredenburg-moedergemeente, Hoofstraat, Vredenburg 09h30 – 022 715 1276. NG Kerk St Helenabaai, 09h00 - (022) 736 1353. Living Waters Ministry, Stasiestraat Vredenburg (AW Boards-gebou), 10h00 - 063 116 9576. Weskusgemeente, Vredenburg. 08h50; Radioprogram Kruispad Dinsdae 20h00-21h00, Weskus Radio 92.3 FM - 084 584 8953.
Sportklub-aktiwiteite weekliks Langebaan-atletiekklub, elke weeksdag, atlete oefen baan, veld, landloop, tweekamp, stap en pad – Christopher 073 232 0046 / chrodgers1@gmail.com.
Stuur asseblief inligting vir die gratis dagboek na izelle@diecourant.co.za vóór 10:00 Maandae.
courant 6 Februarie 2019
dié
8
Tel: 022 487 3221
NUUS • NEWS
SPORT
6 Februarie 2019
Rekords spat in swembad
Verskeie ou swemrekords het verlede Woensdag in Hopefield in die slag gebly tydens die jaarlikse kleure-swemgala van Hoërskool Hopefield. Nuwe rekordhouers staan voor van links en regs Nina Slabber, rugslag D12 en Janco Britz rugslag S12. In die middel staan Ryan David biathlon S17; Michelle Koen vryslag D14; Quizandri Mouton rugslag D14 en Chrizandi Basson L/S biathlon. Agter staan Mieke van der Merwe vryslag & rugslag D17; Jeroen van der Merwe vryslag S19; Adriaan van Zyl borsslag en vryslag S14 en biathlon S16; Henko Niewoudt H/S wisselslag, vlinderslag en vryslag S17. Vanjaar se matrieks het met groot entoesiasme aan die gala deelgeneem. Die gouespan het die swembeker gewen.
Krieket: Die o.15A-krieketspan van
Hoërskool Vredenburg het die naweek na Malmesbury gereis om hier teen die span van Hoërskool Swartland mee te ding. Die span het egter hul rieme styfgeloop en kon nie die knoop deurhak nie.