507 dié courant Wellington by DieCourant

courant courant

• Bergrivier 1Swartland Wellington

dié dié • Free • Gratis

Bou saam met goeie nuus Wes-Kaap se #1 • Bergrivier 1Swartland Wellington

Uitgawe 507 12 September 2018

27 Februarie 2019

•EERSTE VAN SY SOORT IN VOLLE WERKING

Eerste boorgat amptelik geopen

• Free • Gratis

Wes-Kaap se #1

Uitgawe 486

Bou saam met goeie nuus

•Jaomi Zeeman Die amptelike opening van die eerste boorgat en watersuiweringswerke in die Drakenstein het op Donderdag 21 Februarie by die Boy Louw Sportgronde plaasgevind. Hierdie projek, wat tydens die erge droogte die afgelope paar jaar geïnisieer is, is die eerste aktiewe, werkende boorgat en watersuiweringswerke wat al voltooi en amptelik in gebruik is sedert Nasionale Rampbestuur fondse vir hierdie doel beskikbaar gestel het. Die boorgat wat in Generaal Hertzoglaan in Wellington gesink is, is ook in die proses om met die watersuiweringswerke in Welvanpasweg verbind te word, sodat ekstra water in die dorp se •Jaomi Zeeman waternetwerk beskikbaar gestel kan word. Die Tydens Drakenstein Sakekamer het, invan samewerdie openingsgeleentheid die Boy king met CS Cybershield, Sanlam en Louw-boorgat en watersuiweringswerke Golden het talle Thread Communications, spesialewas inligtingrolspelers wat by die projek‘nbetrokke as spresessie vir plaaslike sakevroue aangebied waar kers opgetree. André Kowalewski, senior ingenieur die en gevare van sosiale vanvoordele Drakenstein Munisipaliteit, het symedia trots en ten die kuberruim onder dietydens loep geneem is. opsigte van die projek sy verwelkoming Hierdie insiggewende sessie het op Dinsdag uitgespreek. 4 September by diehetBoschenmeer Landgoed Chris van Pletzen namens die raadgewende plaasgevind. ingenieurs, Aurecon, wat by die projek betrokke Talle plaaslike sakevroue het was, gepraat. Hy besigheidshet die doel, en proses, beplanning die bygewoon en groot baat gevind en geleentheid uitvoering rondom die projek verduidelik. by die interessante praatjies. Volgens Chris het hulle altesaam 76 eksploAnine van geïdentifiseer der Westhuizen rasie-boorgate waarvan hul Golden gehoop Thread Communications, ‘n spesialis het om volhoubare waterbronne met op ‘n die hoë gebied van die suksesvolle voorsieningskapasiteit te vind. aanwending Sekere kriteriavan het sosiale media rol in die besigheidswêreld, het die ‘n bepalende in die geskiktheid van boorgate dames oorBuiten die voordele van die gebruik vanmoes die gespeel. die voorsieningskapasiteit, kuberruim in die werkplek ingelig. die boorgate op munisipale grond geleë wees, by Anine kan sosiale media platforms dieVolgens beraamde begroting inpas, aan omgewingsenbaie suksesvol in die sakewêreld en voorsitiewe en toeganklikheidsvoorwaardestotvoldoen, deel van besighede benut word. goeie waterkwaliteit hê en by die bestaande watermedia platfoms soos kon facebook, en“Sosiale elektrisiteitsvoorsieningsnetwerke inskakel. instagram endus linkedin is ‘ntaak kragtige hulpmiddel “Dit was ‘n groot om geskikte boorom joutebesigheid adverteer en netwerke plekke soek en te te evalueer. Die omvang van die met ander besighede en van moontlike kliënte die te tenderprosedure, die boor eksplorasiegate, bewerkstellig. evaluering van al die bevindings en die uiteindelike "Instagram 3,8boorgate miljoen verbepaling van het die byvoorbeeld mees geskikte was bruikers, 80% van verbruikers volg besighede enorm,” het Chris gesê. op hierdie platform 30% by vandieverbruikers Uiteindelik het dieen boorgat Boy Louwkoop produkte wat hulle op instagram -sportgronde 5Ml/dag opgelewer, die eengesien by die het,” sy gesê. 1,5Ml/dag, by die BurgersenParyshet Sportgronde Anine hierdie platform ook as(Generaal ‘n plek trum is het 0,7Ml/dag, by Welvanpas waar besighede hul kreatiwiteit uitbeeld, Hertzoglaan) 0,5Ml/dag en by Newkan Orleans Park is ‘n0,2Ml/dag besigheidsblad gevind. kan skep, hutsmerke kan skep,Dietreffende foto’s kan plaas enbevat subtiele water by die Boy Louw-boorgat yster handelsmerksigbaarheid kan bewerkstellig, en magnesium en moet by die watersuiweringsvoorgehou. aanleg wat ook op die terrein gebou is, behandel Volgens haar is Twitter nog ‘n goeie platform wat deur sakevroue gebruik kan word. “Met 7,7 miljoen gebruikers, 83% van die wêreld se leiers wat op hierdie platform in aksie is en 76% van verbruikers wat handelsmerke hier na vriendelike diens aanbeveel, is dit ‘n kragtige instrument in enige besigheid,” het sy gesê. Volgens Anine is Linkedin ‘n meer professionele, ernstige platform. “Linkedin het 6,1 miljoen verbruikers en 94% van werwers is op hierdie platform om kandidate te vind. "Dit is die effektiefste sosisale media platform vir webwerf-verkeer en leidrade,” het sy

NUUS • NEWS

27 Februarie 2019

•SAKEKAMER FOKUS OP KUBERRUIM

12 September 2018

Moderne vrou se rol in samelewing Burgemeester Poole drink ‘n glas van die gesuiwerde boorgatwater.

word. Die water wat hier geboor word kan gedu- nale Rampbestuur tot die projek uitgespreek. Hy rende of na ‘n droogtetydperk as ‘n addisionele het ook na die goeie samewerking deur verskeie rolspelers om die projek suksesvol te voltooi, verwaterbron gebruik word. Die befondsing vir die projek is deur die wys. “Hierdie projek is ‘n bewys van Drakenstein Drakenstein Munisipaliteit, die Nasionale Rampbestuur en die Wes-Kaapse Regering moontlik Munisipaliteit se verbintenis en toewyding aan die gemeenskap. gemaak. "Die projek is ‘n groot sukses en ‘n voorbeeld Goodman Chiloane, adjunkhoof van die Nasionale Rampbestuur, het namens die Departement van goeie bestuur waar ons binne ons begroting gebly het en alles op tyd voltooi is. Ons is voortduby die openingsgeleentheid gepraat. Hy het die Drakenstein Munisipaliteit se rend besig om geleenthede vir volhoubare groei te pogings om die watertekort tydens die droogte aan ondersoek en te voorsien,” het hy gesê. Willem Pretorius, senior-bestuurder van siviele te spreek, geprys. “Klimaatsverandering is ‘n uitdaging in Suid- dienste by die munisipaliteit, het die projek ‘n -Afrika en regoor die wêreld en is reeds ‘n meet- “monument van spanwerk, uitstekende diens en bare realiteit. Ons land is die 30ste droogste land tegniese uitnemendheid” bestempel. “Jy kan al die geld in die wêreld hê, maar sonder ter wêreld en die Drakenstein Munisipaliteit tree verantwoordelik op deur die waterkrisis pro-aktief ‘n goeie span, sal jy niks vermag nie. Hierdie proaan te spreek. Hulle het nie net hul waterverliese jek sal, in die geval van ‘n Dag Zero, genoeg water aansienlik verminder nie, maar gee om vir hul voorsien sodat elkeen in ons opvangsgebied die Anine van der Westhuizen van Golden Thread Communications, Francis Nieuwoudt van die gemeenskap en doen hul bes om in elke inwoner minimum hoeveelheid water wat deur die Wêreld Drakenstein Sakekamer, Jan-Hendrik Stander van Cybershield en Helét Borchardt van Sanse basiese menslike behoeftes te voorsien. Ons Gesondheidsorganisasie voorgeskryf word, naamlam. is trots op Drakenstein Munisipaliteit wat oor die lik 25l per persoon per dag, in hul krane in hul eie gesê. huise salhet, kangegee. ontvang sonder om iewers in rye te nodige tegniese vaardighede beskik om ‘n projek gemaak Hy staan,” het ook voor- en nadele van gratis Jan-Hendrik Stander CS Cybershield hetdie hy gesê. soos hierdie suksesvol envan verantwoordelik vanhet sta- gaan virgeleentheid kliënte en isbesighede Anine praatjie opgevolggesê. met ‘n inligtingsessie Wi-Fi Die met ‘n toerbespreek. deur die watersuipel tese stuur,” het Chiloane “Wanneer afgesluit, jy gratiswaarna Wi-Fi almal gebruik, is jou oor Die die kubersekuriteit en inligtingsekuriteit. teenwoordig burgemeester, Conrad Poole, het tydens weringswerke en data nie beskerm nie. Kuberkrakers hou vir diedie gebruik gesellig kon verkeer. sy Volgens toespraakhom sy dank bydraevan van telefone, die Nasio- inligting die internet, sosiale media, e-posse, rekenaars, kan e-posse en baksake onderskep, virusse op selfone, tablette, sowel as die feit dat mense toestel aflaai en toegang tot jou data en stelsels nie net in kantore nie, maar ook in koffiewinkels verkry,” het hy verduidelik. Jan-Hendrik het ook die terme “phising” en en restaurante besigheid doen talle voordele, “spoofing” verduidelik en wenke vir die voorkomaar ook talle gevare in. Hy het ook na die gevare van kuberdiefstal ming daarvan gegee. Besighede se digitale voetspoor en die en kuberkrakers verwys. belangrikheid daarvan is bespreek. “Wagwoorde is soos onderklere. Die wetlike aspekte rondom sosiale media "Jy moenie toelaat dat ander mense dit sien nie, jy moet dit gereeld verander en jy moet platforms en wenke rondom hierdie kwessie is dit nooit met vreemdelinge deel nie,” het hy ook bekyk. Die dames wat die sessie bygewoon het, het geskerts. Hy het die kenmerke van ‘n sterk wagwoord dit baie insiggewend gevind en kon rondom verduidelik en ook wenke oor hoe om uit te heerlike eetgoed hul ervaring en idees ten vind of iemand op jou kubersekuriteit inbreuk opsigte van die gebruik van sosiale media deel.

Hearing Tests Hearing Aids Hearing Protection

Tel: 021 870 1898

20 Verster Street, Paarl (Next to Medicross) www.paarlhearing.co.za

NUUS • NEWS

27 Februarie 2019

NUUS • NEWS

Poole gee toekennings aan plaaslike onderwysers

Plaaslike opvoeders is op Woensdag 20 Februarie deur die burgemeester van die Drakenstein Munisipaliteit, Conrad Poole, vereer. Hoërskoolonderwysers van regoor die munisipale area het tydens ‘n deftige dinee in die Paarl se stadsaal toekennings vir hul goeie werk en hul leerders se uitstekende uitslae in die 2018 matriekeksamen ontvang. Die burgemeester gee elke jaar erkenning aan alle onderwysers in sy munisipale gebied wat ‘n 100% slaagsyfer in hul onderskeie vakke tydens die matriek-eindeksamen kon behaal. Met hierdie Burgemeester Toekennings vir Uitnemendheid in Opvoeding, wil hy hulde bring aan onderwysers se harde werk, maar ook plaaslike opvoeders aanmoedig om elke leerder se volle potensiaal te ontwikkel. Talle eregaste, waaronder skoolhoofde, onderwysers, raadslede, verteenwoordigers van skole, sowel as die minister van onderwys in die Wes-Kaap, Debbie Schäfer, het die geleentheid bygewoon. Die bekende John Koopman het as seremoniemeester opgetree en die leerders van New Orleans Sekondêr, Boys High Hoërskool, sowel as Girls High Hoërskool het vir vermaak tydens die glansryke geleentheid gesorg en die gaste met dans, sang, tromspel en drama-items getrakteer. Tydens haar toespraak het Schäfer die onderwysers met hul leerders se uitstekende uitslae in 2017 se matriekeksamen gelukgewens. Sy het ook na die talle uitdagings in die onderwys verwys. “Dit is wonderlik om by ‘n geleentheid soos hierdie erkenning te gee aan onderwysers wat soveel opoffer en onbaatsugtige diens, soms

onder baie moeilike omstandighede, aan ons leerders lewer. Dit is egter ook waar dat daar baie probleme in die Wes-Kaap ten opsigte van onderwys is. Dit is juis as gevolg van ons goeie prestasies in die onderwys dat ons ‘n toeloop van leerders na die Wes-Kaap ondervind - iets wat ons onderwysstelsel onder druk plaas omdat die geld wat aan ons toegeken word nie in verhouding met ons groei in leerdertalle aangepas word nie,” het sy gesê. Schäfer het beklemtoon dat hulle sal aanhou veg vir meer geld vir onderwys. Volgens haar hou die tesourie se bydrae nie by met die groter hoeveelheid leerders in die provinsie nie. Sy het ook talle inspirerende stories van leerders wat, ten spyte van moeilike omstandighede en talle uitdagings baie goed in die matriekeksamen presteer het, vertel. “Die Wes-Kaap se slaagsyfer lyk miskien swakker as verlede jaar, maar daar moet in gedagte gehou word dat ons retensiewaarde 63% is, vergeleke met al die ander provinsies s’n wat onder 50% is. Dit beteken dat ons meer leerders vanaf graad 10 suksesvol deur matriek kry as al die ander provinsies,” het sy bygevoeg. “Geluk vermenigvuldig wanneer dit gedeel word. Dieselfde geld vir omgee. Onderwysers moet nooit vergeet dat elke klein bietjie wat hulle doen, help om ons toekoms te bou nie,” het Schäfer afgesluit. Die burgemeester het by haar aangesluit toe hy die onderwysers met hul leerders se uitstekende uitslae in die 2018 matriekeksamen geluk gewens het. “Ek bring hulde aan die onderwysers omdat

Heel bo links: Wikus Naude van Hugenote Hoërskool ontvang sy skool se toekennings namens sy onderwysers. Heel bo regs: Wellington Hoërskool se toekennings word in ontvangs geneem. Heel bo middel: Weltevrede Sekondêr se toekennings word in ontvangs geneem. Bo: Bergrivier Sekondêr se toekennings word in ontvangs geneem. ons dit wat hulle elke dag doen, baie waardeer. Ten spyte van persoonlike uitdagings bly hulle by hul doelwitte en offer hulle daagliks hul tyd en vele ander dinge op om aan ons streek en land se toekoms te help bou en ons moet hierdie dinge vier. As munisipaliteit is ons verbind tot gehalte-onderrig en die daarstelling van die nodige hulpbronne. Ons vier vandag die werk van goeie onderwysers wat die uitdagings van die onderwys

verstaan en opvoeding verskaf wat van toewyding, onselfsugtigheid, innoverende oplossings en goeie leierskap getuig,” het hy gesê. Burgemeester Poole en minister Schäfer het toekennings aan al die hoërskole in die area oorhandig wat in hul onderskeie vakke ‘n 100% slaagsyfer behaal het. Die skoolhoofde van elke skool het die toekennings namens hul onderwysers in ontvangs geneem.

ST Potgieter praat by Wellington Ondersteuningsgroep Die Wellington Ondersteuningsgroep het hul byeenkomste vir die jaar met ‘n praatjie deur dr. ST Potgieter afgeskop. Die byeenkoms het op Dinsdag 19 Februarie in die Martha Zaal van die Moedergemeente plaasgevind. Potgieter, ‘n sielkundige, skrywer, motiveerder en mentor het oor die tema “Neem verantwoordelikheid” gepraat. Hy skryf ook gereeld nuusbriewe en is ‘n gereelde spreker op RSG se Pitkos-program. Die byeenkoms het met ‘n oomblik van stilte ter nagedagtenis aan Petro Greef, die stigter van die Ondersteuningsgroep wat onlangs oorlede is, begin. Potgieter het sy praatjie met die vraag, “Wat is verantwoordelikheid?”, afgeskop. Volgens hom moet ‘n mens eers verstaan wat onverantwoordelike optrede behels om die omvang van verantwoordelikheid te begryp. “Onverantwoordelikheid is nie ‘n neutrale saak nie. Dit het altyd ‘n invloed op ander mense en word nie in isolasie gepleeg nie. Dit kan gewoonlik tot konflik lei en laat dikwels ‘n gemors agter. Mense wat onverantwoordelik optree, wil ook graag ander blameer en soek verskonings. Uiteindelik word die gevolge van hul optrede iemand anders se

probleem,” het hy verduidelik. Potgieter het voorbeelde uit die Bybel ter illustrasie van sy standpunt genoem. Hy het na die verhale van Adam en Eva, sowel as die storie van Jona verwys. Na afloop van die praatjie kon gaste saamkuier en verder vrae aan Potgieter stel.

NUUS • NEWS

27 Februarie 2019

•SMUTS (73) NIE OP SY BAADJIE GETAKSEER

Danie se lewe vol avontuur inspireer •Jaomi Zeeman Die Wellingtonner Danie Smuts is iemand wat jy nie op sy baadjie moet takseer nie. Hy mag dalk binnekort sy 73ste verjaardag vier, maar hierdie energieke man is allermins ‘n pensioenaris wat op die stoep sit en tee drink. Sy kleurryke lewe en talle avonture getuig van ‘n ewige nuuskierigheid, wanderlust, ‘n opportunistiese lewensbeskouing en ‘n positiewe gees - iets waarmee hy steeds elke dag die lewe aanpak. Daar is min mense wat kan sê dat hulle ses tale kan praat, ‘n geregistreerde toergids is, ‘n Franse lektor was, die hoofdirigent van Kovsies was, ‘n gekwalifiseerde nasionale tennisafrigter is, die Direkteur van Korporatiewe verhoudings by ‘n universiteit was, as ‘n diplomaat in talle lande gewerk het en boonop die lirieke vir die immergewilde “Hie’ kommie Bokke” geskryf het. “Ek ontvang nog steeds tantieme vir die lirieke van ‘Hie’ kommie Bokke’ en talle ander lirieke wat ek op daardie album geskryf het,” lag Danie. Leon Schuster is een van sy groot vriende en ook ‘n referent op sy curriculum vitae. Danie het selfs ‘n rol in Leon se fliek, You must be joking, vertolk. Sy liefde vir woorde en tale is duidelik wanneer Danie oor sy ervaring as Franse lektor, sowel as al die ander tale wat hy magtig is, praat. “Ek het ‘n passie vir tale. Ek kan Afrikaans, Engels, Frans, SeSotho, Vlaams en Hollands vlot praat en myself ook in Duits en Spaans help,” sê hy. Danie, wat oorspronklik van Wepener kom en

al regoor die wêreld gewoon en gewerk het, het verlede jaar van Bellville na Wellington verhuis. Hy het destyds Tale en Internasionale Politiek aan Kovsies studeer, waar hy basiese Frans geleer het. Later het hy by die Sorbonne Universiteit in Parys kursusse in Frans voltooi. Sy taalvaardigheid het handig te pas gekom tydens sy werk as buitelandse diplomaat. Danie het ook al as Franse lektor by die Boland Kollege in Stellenbosch gewerk en Franse klasse in Atlanta, Georgia in die VSA gegee. Deesdae gee hy privaat Franse lesse en onder sy plaaslike studente tel die personeel van Val de Vie. “Hulle wil Frans leer vir sakebelange in Mauritius waarby hulle betrokke is,” verduidelik Danie. Hierdie man het al 51 lande besoek. Tydens sy 25 jaar in die staatsdiens, waarvan hy die laaste 10 jaar in die intelligensiediens was, het hy onder meer in Washington DC, Parys, die Ivoorkus, Luxemburg, Brussels en Genève gewoon en gewerk. Hy is boonop ‘n bobaas-tennisspeler en -afrigter. Terwyl hy in Spalding Lincolnshire gewoon het, het hy Franse lesse aangebied en ook daar tennis gespeel. Tydens sy verblyf in Bellville, het Danie ook Franse lesse gegee en saam met Handri Westman, die hoof van WP Skole Tennis, ‘n tennisskool bedryf. In Georgia het hy vir die klubspan in die Amerkaanse ligatoernooi gespeel, waar hulle as wenners uit die stryd getree het. Plaaslik het Danie al vir 5 provinsies op die tennisbaan uitgedraf. Hy het Noord-Gauteng, die Vrystaat, SWD, Boland en WP in sy tennisloopbaan

verteenwoordig. In 2002 is hy ook vir die Suid-Afrikaanse span gekies en het die land in Oostenryk by ‘n internasionale kampioenskap verteenwoordig. Volgens Danie het sy werk hom na baie interessante plekke geneem en baie mense laat ontmoet. “Ek en my familie het gehelp om die Berlynse Muur af te breek. Ek het nou nog ‘n baksteen wat ons daarvan gehou het. Toe ek in Washington DC ‘n lid van die Persklub was, het ek onder andere mense soos Margaret Thatcher ontmoet. Tydens my tyd by ons ambassade in Parys het ek ‘n rugbyspan op die been gebring, want daar was baie Krygkor-personeel in die ambassade werksaam wat gesorg het dat ons wapens van Frankryk kon kry vir die Bosoorlog in Angola. Ons span het dan na klein Franse dorpies gereis om teen hul dorpspanne rugby te speel. Ek het ook bevriend geraak met die destydse Franse rugbykaptein, Jean-Pierre Rives, wat aan my 68 hoofpaviljoenkaartjies gestuur het om die Franse rugbyspan te ondersteun tydens hulle 5-nasies toetse. Ons was dus lede van die ‘supporteurs de quinze francaise’ of ondersteuners van die 15 Franse wat gespeel het en ‘allez les bleus’ of ‘gaan bloues’ geskree het,” onthou hy. Danie het ook al sy eie toerisme-besigheid bedryf, vir die Vrystaat waterpolo gespeel en krieket vir Radio Hoogland en Radio Oranje uitgesaai. Een van sy meer onlangse interessante aktiwiteite was die vertolking van die rol van ‘n dokter in ‘n Britse fliek, “Riding with sugar”. “Dit sal binnekort op grootskerms te sien wees,” sê hy.

Hy gaan gereeld vir advertensie- en fliek-oudisies wanneer sy agentskappe, Casting 101 en 39 Steps hom as geskikte kandidaat stuur. “Dit hou my besig en is altyd ‘n interessante besigheid. En dit hou my uit die kwaad uit,” lag hy. Intussen is Danie dolgelukkig op Wellington. “Ek is mal oor die plek en dit is vir my lekker om deel van die gemeenskap te wees en ‘n bydrae hier te lewer. Ek gee tennislesse, bied Franse klasse aan en is by talle gemeenskapsaktiwiteite betrokke,” sê hy. Belangstellendes kan Danie by 063 640 1897 of smutsdaan@gmail.com kontak.

Plaaswerkers kan nou inskryf vir Agri’s got Talent

Inskrywings vir die jaarlikse Agri’s got Talent (AGT) kompetisie het onlangs geopen. Hierdie kompetisie is ‘n sosiale-opheffingsprojek vir landbouwerkers en word geborg deur HORTGRO, die Sitrus Produsente Vereniging, die VinPro Stigting, die Suid-Afrikaanse Tafeldruifbedryf en die Wes-Kaapse Departement van Landbou. Die kompetisie beloof om hierdie jaar selfs groter en beter as vorige jare te wees. Volgens die organiseerders het die Sitrus Produsente Vereniging (CGA) hierdie jaar as ‘n borg by die kompetisie aangesluit. Dit beteken dat die AGT

in 2019 ‘n groter geleentheid as vorige jare sal wees. Hierdie opwindende sangkompetisie wat deur die sitrus-, sagtevrugte-, wyndruif- en tafeldruif-industrieë aangebied word, is nou oop vir inskrywings. Dit is vanjaar die vyfde keer dat hierdie gewilde kompetisie die plaaswerf laat dreun. Sangitems kan in enige genre gelewer word. Landbouwerkers wat van pop, country, rock, jazz of klassieke musiek hou, kan almal vir AGT inskryf. “Hierdie is ‘n fantastiese geleentheid om jou talent ten toon te stel, groot pryse te wen,

en jou merk te maak vir jou gemeenskap. Finaliste ontvang ‘n week van intensiewe sang-en verhoogopleiding, asook lewensvaardigheidsontwikkeling,” sê Carmé Naudé, kommunikasie spesialis van Hortgro. Die Gala-aand sal op 2 Augustus by die Lord Charles Hotel in Somerset-Wes plaasvind. Belangstellendes wat vir die kompetisie wil inskryf, kan ‘n WhatsApp klankgreep van ongeveer 3 minute na 082 372 1557 stuur of per e-pos aan agrisgottalent@gmail.com rig. Die kandidaat se naam en van, geboortedatum,

selfoonnommer en die naam van die plaas/ pakhuis/kelder waar die persoon werk moet die inskrywing vergesel. Die persoon se posbeskrywing, die naaste dorp en hoe lank hy/sy al op die plaas, in die pakhuis of by die kelder werk, moet ook genoem word. Belangstellendes kan ook meer inligting op die AGT Facebookblad, www.facebook.com/ agrisgottalent, of hul webwerf by www.agrisgottalent.com bekom. Hulle kan ook vir Carme Naude by carme@hortgro.co.za of 021-8702900 vir enige navrae kontak.

27 Februarie 2019

NUUS • NEWS

Klein begin Kuns integrale deel van is groot gewin Jana se terapie

‘n Mens voel soms oorweldig wanneer lang lyste daaglikse take, verantwoordelikhede, probleme en sleurwerk soos ‘n berg voor jou uittroon. Mense weet dikwels nie hoe hulle hulself in genoeg repies kan opkerf om by alles wat hulle moet doen en wat van hulle verwag word, uit te kom nie. ‘n Oorlading van inligting en werk lei gewoonlik tot oorlade emosies en druk, wat vinnig-vinnig in ‘n donker afwaartse maalkolk kan ontaard. Dit is mos daardie laaste strooitjie wat die kameel se rug wil laat breek en die laaste druppel wat ‘n emmer kan laat oorloop. Die klein jakkalsies is die grootse karnallies. Tog skryf Clay Shirky dat dit nie noodwendig ‘n oormaat inligting en verantwoordelikheide is wat ons oorweldig nie - die dilemma is dat ons ‘n filter-probleem het. Wanneer ons dinge kan filtreer en reg kanaliseer, sal dit miskien nie so ‘n oorweldigende effek op ons hê nie. Die antwoord lê dikwels in klein treetjies in plaas van groot spronge. In ons omgewing is daar talle voorbeelde van hoe ‘n klein begin tot groot gewin en positiewe uitkomste kan lei. Die droogte wat die Wes-Kaap die afgelope paar jaar in ‘n knelgreep gehad het en “Dag Zero”-spookstories laat opdoem het, se moontlike gevolge het soms oorweldigend gelyk. Die Drakenstein Munisipaliteit se klein begin met die boor van toetsgate om alternatiewe waterbronne te vind, het egter uiteindelik tot ‘n deurbraakprojek, wat genoeg water vir ons hele munisipale area in geval van waterskaarste kan genereer, gelei. Die eerste werkende boorgat en watersuiweringswerke is hierdie week amptelik geopen. Die kunstenaar en fisioterapeut, Jana Muller, se verlies as gevolg van haar ortopeet-man se selfdood wou haar oorweldig. Haar aanvanklike klein treetjies in ‘n kunsklas het uiteindelik tot genesing, groei en ‘n hele reeks kunswerke gelei. Die Wellingtonner Danie Smuts se klein treetjies in die rigting wat sy hart hom gelei het, het hom uiteindelik ‘n kleurvolle lewe met talle interessante herinneringe besorg. Die Superstars Klopsegroep se eenvoudige begin in iemand se huis op Skuldbult, het hulle nie net die bewondering van Laurika Rauch laat verdien nie - hulle is nou ook op pad om aan die Rio Karnaval te gaan deelneem. Elke plaaslike onderwyser se onselfsugtige klein bydrae wat soms dag na dag ongesiens verbygaan, is onlangs deur die burgemeester erken toe uitstekende matriekuitslae vereer is. Plaaswerkers wat miskien elke dag in die wingerde en boorde sing-sing hul werk doen, kan binnekort met die Agri’s got Talent kompetisie nuwe moontlikhede en drome ontgin. Volgens dr. ST Potgieter wat die afgelope week by die Wellington Ondersteuningsgroep gepraat het, is die eerste klein tree tot ‘n sinvolle lewe om verantwoordelikheid vir jouself te neem - iets wat tot groot gewin kan lei. Ons ken almal die storie van hoe om ‘n sogenaamde olifant te eet. Elke klein bietjie help. Klein begin is half gewin. Mag elkeen hierdie week ywerig klein happies vat en klein treetjies in die regte rigting neem.

Wees altyd aan die voorpunt van die goeie nuus met ons sosiale media. Volg ons Facebook-blad by @diecourant.

Die kunstenaar Jana Muller se uitstalling, Alleensaam, is tans by die Breytenbach-galery te sien. In hierdie uitstalling word Jana se kuns saam met die fotografie van haar oorlede man, Hilgard, vertoon. Hilgard, ‘n ortopediese chirurg van die Paarl, het in 2017 onverwags selfdood gepleeg. Jana kom oorspronklik van Namibië en het in 2000 na Suid-Afrika getrek om te studeer. Sy het as fisioterapeut gekwalifiseer en in 2006 met Hilgard getrou, waarna hul na Pietermaritzburg getrek het, sodat hy sy verpligte drie jaar staatsdiens as gekwalifiseerde dokter kon doen. “Ons was mal daaroor om saam te reis, te stap en fiets te ry en het altwee ‘n passie vir die buitelewe gehad. Ons was gelukkig om die plekke waar ons gewoon het, te verken en ook vir ses maande oorsee te reis voordat Hilgard in ortopedie begin spesialiseer het,” vertel sy. Hul seun, Zac, het in 2014 sy opwagting gemaak. Aan die einde van 2017, kort nadat Hilgard sy MMed-tesis ingehandig het, het Jana en Zac vir Hilgard aan selfdood verloor. “Hy het daaroor gepraat dat hy ‘eendimensioneel’ gevoel het in daardie tyd - wat die laaste ding was wat hy was. Ek besef nou dat Hilgard uitbranding ervaar het en sy ware sin van self en rasionele denke verloor het as gevolg daarvan. Dit is steeds ‘n verwoestende werklikheid vir elkeen wat vir hom lief was,” sê Jana. Alhoewel sy kuns as vak in matriek gehad het en kunsklasse bygewoon waar sy gewerk en woon het, het sy eers in 2014 formeel met kunslesse by Nanette Ranger in die Paarl begin. Daar is sy aan waterverf, akrielverf en olieverf, ink, sowel as verskeie vorms van drukwerk bekendgestel. “My oorgang tot drukwerk het begin toe ek Nanette gevra het om my te help om minder presies in my tekenwerk te wees. Drukwerk het my geleer hoe om die onverwagse en soms verrassende resultate te waardeer. Die veelsydigheid van die tegnieke en eindelose moontlikhede van kreatiwiteit, hergebruik en kopiëring van onvolmaakte kunswerke het vir my amper verslawend en terapeuties geraak,” erken sy. In 2018 het Jana geleer om met klei te werk - iets wat volgens haar vir nuwe ervarings en perspektiewe gesorg het. Sy het in 2018 ‘n kunswerk gemaak wat sy op ‘n foto wat Hilgard in ‘n ou hospitaalsaal in 2006 in Pietermaritzburg geneem het, gebaseer het. “Om sy werk as inpirasie vir myne te gebruik, het my gehelp om ons lewens saam te onthou en hom te herontdek soos wat hy was voordat hy dood is. Omdat ek eintlik Engels is, het ek gedink dat die woord ‘alleensaam’ in Afrikaans bestaan. Dit het net reg geklink vir hierdie kunswerk. Blykbaar het ek eintlik vir die woord ‘eensaam’ gesoek, maar op een of ander manier het ‘alleensaam’ meer gepas en ek het besluit om dit te hou,” verduidelik Jana. Anne-Ghrett Erasmus, kurator van die Breytenbach Galery, het Jana oortuig dat die woord “alleensaam” ‘n gepaste uitdrukking is vir die feit dat sy nie woorde het om haar gevoel te beskryf nie. Die betekenis van Hilgard se fotografie wat saam met haar kunswerke uitgestal word, strek vir Jana veel verder as blote prente teen mure. “Hilgard het, nadat hy sy finale MMed-tesis ingehandig het, beplan om twee dae later verlof te neem, so die lewe het gelyk of dit besig is om rustiger te word. Maar dit het nie vir hom nie. Hy het, soos so baie ander, nie na die ‘self-

moord-tipe’ gelyk nie. Toe hy dood is, was baie mense kwaad en het op sy dood, eerder as op die multi-dimensionele, ongelooflik kreatiewe en empatiese dokter, pa, man en vriend wat hy was, gefokus. Hilgard was lief vir die lewe, het die beste sin vir humor gehad en was baie lief vir fotografie, skryfwerk, houtwerk en vir sy werk. Aangesien ons altyd gespot het dat ons eendag saam ‘n uitstalling sou hou, is hierdie uitstalling ‘n viering van die liefde wat ons vir visuele kuns gedeel het. Dit is ook ‘n herinnering aan die ryke, inspirerende en kreatiewe siel wat hy was,” sê Jana. Volgens haar dra die uitstalling ekstra betekenis omdat haar eie werk dikwels donkerder emosies uitbeeld. “Maar hier is ek nog, en Hilgard is weg. Miskien kyk ons na die ‘selfmoord-tipe’ op ‘n heel verkeerde manier,” sê sy. Volgens Jana het kuns haar gehelp om iets so abstrak soos rou en verlies te verwerk. “Ek weet nou dat die proses en die produk ewe belangrik is in kreatiwiteit. Keramiek het my die ruimte gegee om te skep waarvan ek weet, maar waarvoor ek nie woorde het nie. Om woorde te vind na trauma is ‘n algemene probleem en kuns is ‘n ideale manier om verlies, wat ‘n warboel van emosies, ‘n verdraaide, komplekse, deurmekaar bondel gevoelens is, uit te beeld. Wat ek gevoel het, was onuitspreeklik vir my. Kuns het my gehelp om sin te maak daaruit en het ‘n uitlaatklep gebied vir my frustrasie, skuldgevoelens, blaam en eensaamheid,” erken sy. Vir Jana is die skeppingsproses, die besigtiging van die kunswerk en die ervaring van die werk deur iemand anders se oë ‘n verweefde ervaring. Hierdie ervaring bring ook Hilgard se fotografie vir haar in perspektief. “Ek dink fotografie het die lewe vir Hilgard genormaliseer. Dit was ‘n manier waarop hy die wêreld sonder enige pretensie kon sien. Hy het nie die laaste jaar van sy lewe veel tyd vir enigiets gehad nie, wat nog te sê van ‘n kreatiewe uitlaatklep. Ek wonder of die kreatiewe proses nie meer belangrik is as wat ons dink wanneer dit by die verstaan van wie ons is, kom nie,” sê sy. Vir Jana was dit aanvanklik ‘n uitdaging om betekenis in haar kunswerke uit te beeld aan kykers wat nie die konteks daarvan verstaan of ken nie. “Ek het egter besef dat om die werk te skep deel van my helingsproses was. Hoe dit geïnterpreteer word hang nie van my af nie - en dit is juis daarin dat die towerkrag lê,” sê sy. Volgens Jana is dit vir haar ‘n voorreg om haar hartseer tussen die foto’s wat Hilgard se siening van die lewe uitbeeld, te sien. “Ek dink dat ons werk saam die skoonheid en brutale dele van die lewe uitbeeld. Ek was aangenaam verras met hoe Anne-Ghrett ons werk gegroepeer het. Sy het patrone en narratiewe in die werk raakgesien wat ek nie self kon nie. Die uitstalling is soos ‘n storie van liefde en verlies, van skoonheid en verwoesting en genesing,” verduidelik sy. Jana se volgende projek is om Hilgard se joernaalinskrywings, wat hy saam met die voorwerpe wat hy versamel het, in ‘n boekvorm saam te stel. “Ek voel nou gereed om die verlede te onthou en op te hou om op ons verlore toekoms te fokus,” sluit sy af.

NUUS • NEWS

Wellington Klopse het Laurika in vervoering

27 Februarie 2019

Yesteryear’s low prices, Today’s great savings! Set of 3

60L

R199 SAVE R150

Die bekende sangeres, Laurika Rauch, het onlangs in ‘n persoonlike boodskap gesê dat sy en haar man, Chris, “gobsmacked” is met ‘n plaaslike Klopse-groep se vertolking van een van haar liedjies. Die Wellingtonse Klopse-groep, die Wellington Superstars, het tydens die jaarlikse Klopse kompetisie op die dorp ‘n verwerking van Laurika se “Stille waters” in die afdeling vir “Senior Combine” gedoen. ‘n Youtube-video waarin die Superstars, wat ook as die algehele wenners van die kompetisie aangewys is, hierdie lied sing, is deur die Wellingtonner Shafiek Mouton aan Laurika gestuur. Haar reaksie was een van verwondering. Laurika het gesê dat dit ‘n “eer” is dat die Superstars haar liedjie vir hul vertoning gekies het. “Baie geluk met hierdie verwerking. Dit is uiters mooi en opwindend wat julle doen,” het Laurika laat weet. “Al die lof kom Carl Louw en sy span toe,” het Shafiek op sy facebook-blad laat hoor. Die video van die vertoning kan by https:// w w w.yo u t u b e . co m / watc h ? v = 4 D _ DT M p w9OY&feature=share op youtube gesien word.

LIMITED TO 5 DEALS PER CUSTOMER

DEALHSE OF T R YEA

Set of 3

100L

R299 solutions for all your STORAGE

ADDIS CLEAR STORAGE BOX + LID

11L - R59 SAVE R15 26L - R109 SAVE R30 56L - R129 SAVE R50

SAVE R150

needs, big or small, we've got it all!

KILLER DEAL

R349 SAVE R90

R149

R89

SAVE R80

SLIMLINE 3 DRAWER (WHITE & SMOKY)

BUY 2 PACKS FOR

MAXI 4 DRAWER MOBILE UNIT

HANGERS 5 PER PACK ASSORTED COLOURS

SAVE R40 65L

LAUNDRY BIN + LID

R20

R49 SAVE R30

HOME CLASSIX GLASSES FRANSCHOEK RANGE

Horse champion: Ame Van Zyl

who is a Gr R pupil of Huguenot Primary school’s Doemsie Campus, competed this weekend at SANESA at the South African National Equestrian Schools Association in Stellenbosch. She rode very well and was Placed 1st in all her classes. She won 1st place Rosette for Proficiency Riding test 1 and 1st place Rosette for Proficiency Riding test 2 and 1st place Rosette for primary schools Equitation and 1st place Rosette for Working Riding Test and a 1st place Rosette for Performance Riding .

R59 SAVE R30

WHITE WINE 385ML 4 PK

RED WINE 490ML 4 PK

HIPSTER LAUNDRY BIN

FLUTE 190ML 4 PK

VALID UNTIL 24 MARCH '19 OR WHILE STOCKS LAST

Errors & omissions excluded. We reserve the right to limit quantities. VISIT OUR WEBSITE AT: WWW.MAMBOSPLASTICS.CO.ZA

R199

BUY 4 MASON JARS

SAVE R50

R50

620ml GIN & TONIC GLASSES x 6 PACK

GLASSWARE

ambo s

STORAGE

HOME

LIKE US ON

HEAD OFFICE: 021 911 5555 WESTERN CAPE: SANDOWN: 021 554 0626, BELLVILLE: 021 948 3767, FREE STATE: BLOEMFONTEIN: 051 421 0029, LANGENHOVEN PARK: 051 446 0023 VISIT OUR WEBSITE AT: WWW. MAMBOSPLASTICS.CO.ZA

ONLY AVAILABLE AT OUR BELLVILLE, SANDOWN AND BLOEMFONTEIN STORES

27 Februarie 2019

18de Kaasfees beloof talle pret en opwinding

NUUS • NEWS

Die 18de Suid-Afrikaanse Kaasfees wat van Vrydag 26 tot Sondag 28 April 2019 op Sandringham plaasvind, beloof om ‘n baie spesiale geleentheid te wees waar besoekers 18 spesiale ervarings sal kan beleef. Volgens die organiseerders is die volgende ervarings alles deel van die Kaasfees waarna mense kan uitsien: 1. ‘The Cheese Emporium’: Die hart van die SA Kaasfees waar jy die grootste verskeidenheid kase – ou gunstelinge én innoverende nuwes – onder een dak kan proe en koop. 2. ‘The Italian Experience’: ‘n Splinternuwe toevoeging spesiaal geskep in samewerking met Food Lover’s Market. Hier kan mense kuier-kuier deur ‘n piazza stap en Italiaanse gasvryheid én gastronomie in oorvloed ervaar – van Mozzarella en olywe tot Provolone, Prosciutto di Parma, pasta, pesto en meer! 3. Proe dit eerste: Talle uitstallers benut die SA Kaasfees as ‘n platform om nuwe produkte bekend te stel en die mark te toets. Hier kan besoekers nuwe produkte ontdek vóór dit op die winkelrakke verskyn. 4. ‘The Tasting Room’: Kaas trou hier met wyn, bier en elke nuwe gier. Kom kyk, luister en proe teen geen ekstra koste nie ... en ervaar interessante smaakkombinasies saam met bekende ‘foodies’ soos The Kate Tin (Katelyn Allegra) en The Food Fox (Ilse van der Merwe), asook saam met die gewilde Bok Radio Brekfis-duo Wimpie en Le-Lue! 5. Raak ‘n bietjie rustig-dag: Vrydag 26 April ‘n werksdag? Nooit! Dis dan ‘pay-day’ – perfek vir ‘n luilekker kuierdag saam met jou hele boek/ tuin/hekel/koffie/rolbal/ryklub! Kyk uit vir ‘Raak ‘n bietjie rustig’-pakkette vir groepe en kom ontdek die fees teen jou eie pas. 6. Ontmoet boetiekkaasmakers: Kom ondersteun entrepreneurs wat ten spyte van die droogte van heinde en verre kom om hul unieke handgemaakte kase aan kaasliefhebbers bekend te stel! 7. ‘Cape Made: Taste the Alternatives’: ‘n Vars van die plaas-versameling van alternatiewe produkte soos olywe, heuning en rooibos te kies en te keur ... met winskopies direk van produsente, danksy ‘n vennootskap met die Wes-Kaapse Departement van Landbou. 8. ‘The Cape Made Kitchen’: Kom ervaar

proe-proe hoe sjefs van die Private Hotel School toor met kaas, brood en alternatiewe produkte te danke aan ‘n handevat tussen die Wes-Kaapse Departement van Landbou, Hortgro, die Melkprodusente-organisasie (MPO), Graan SA en Agri-Expo. As ‘n bonus is daar ‘n gratis resepteboek om huis toe te vat! 9. Onthou-oomblikke: Dit raak net beter jaar na jaar! Die SA Kaasfees is ‘n gewilde plek om verjaarsdae en herdenkings te vier (of om jou wederhelf te ontmoet à la glanssjef Bertus Basson!) 10. Boetiek is baas: Ondersteun boetiekvervaardigers terwyl jy nuwe smaakervarings ontdek en leer waardeer – van wyn en bier tot gin met heuning, amandel, boegoe, aarbei of chai! 11. ‘The Ladismith Cheese Carving Competition’: ‘n Daaglikse hoogtepunt in Blossom se Gazebo – skryf gratis by die fees in (plek is beperk). Bewys jou kreatiwiteit, kerf ‘n kaas en wen groot pryse! 12. ‘The Music Gazebo’: Kom geniet jou aankope op die ritme van gewilde plaaslike kunstenaars terwyl jy saam met familie en vriende kuier. 13. ‘The Milk Factory’: Besoek die vriendelike koeie en bokke by die Melkfabriek en wys vir die kleinspan waar die kaas vandaan kom.

14. ‘The Gourmet Lane’: Gewilde kosstalletjies bedien watertanddisse – met net nog meer kaas! 15. ‘The Kiddies Corner’: Ure se pret en vermaak vir die kinders in ‘n veilige omgewing terwyl die ouers ontspan. 16. #SundayFamilyFunDay: Kom geniet ‘n ware #SundayFunday saam met jou hele familie terwyl van die land se beste kase en ander boetiekprodukte net ‘n paar treë weg wag. 17. ‘The Connoisseurs’ Experience’: Daar is slegs 100 kaartjies per dag vir hierdie eksklusiewe feeservaring met skadu-sitplek, ‘n kaasbord, ‘n bottel wyn plus vele ekstras. Opskud, verlede jaar se fynproewers kom almal terug vir meer! 18. Wees veilig: Die SA Kaasfees bevorder die verantwoordelike gebruik van alkohol. Maak gerus gebruik van pendeldienste en taxi’s vir ‘n fees vol gemoedsrus. Die feestye is van 10:00 tot 18:00 daagliks. Kaartjies is beskikbaar by Computicket. Geen kaartjies sal by die hekke verkoop word nie. Vir meer inligting kan belangstellendes www.cheesefestival.co.za, Twitter @SACheeseFest, Facebook @SACheeseFestival en Instagram @sacheesefest besoek, of Agri-Expo by tel 021 975 4440 of admin@agriexpo.co.za kontak.

NUUS • NEWS

27 Februarie 2019

Wellingtonner en kie met pas-en-proe-sessies by Woordfees Die Wellingtonner Isabeau Botha, korporatiewe kommunikasiebestuurder van Agri Expo, gaan hierdie jaar saam met haar span ‘n interessante Landbouproe-reeks by die Woordfees op Stellenbosch aanbied. Met hierdie inisiatief wil hulle mense aan die herkoms van hul kos en wyn bekendstel. “Mense gaan proe-proe ontdek waar hul kos vandaan kom,” sê Isabeau. Skaapvleis vanuit die Hardemanskaroo tot die Kamdeboo, Qualité-kase, veldgrasvleis en wildsvleis asook Suid-Afrika se Top 10 Sauvignon Blanc- en ander bekroonde wyne is van die interessante proe-ervarings wat op fynproewers wag tydens die vierde jaarlikse Agri-Expo Landbouproe-reeks by die US Woordfees van Vrydag 1 tot Maandag 10 Maart 2019 op Stellenbosch. Die reeks bestaan vanjaar uit nege pas-en-proe-sessies met bekende kos- en wynpersoonlikhede. Op Sondag 3 Maart kan mense proe-proe saam met die Veldvleisvereniging van Suid-Afrika leer hoe die verskillende maniere waarop kos produseer en verwerk word, unieke smake teweegbring. Die aanbieder, glanssjef Bertus Basson van Overture-restaurant faam, sal konvensionele lendesnit of kruisskyf sowel as veldgrasvleis onder die vergrootglas plaas. Kenners gesels so tussen die proe deur oor hoekom ‘naspeurbaar’ die nuwe gonswoord is. Die “Koning van die Karoo”, Gordon Wright, sal ook saam vir Sondagmiddagete aansit. Op Sondag 10 Maart kan mense by hom aansluit vir ‘n braai in samewerking met Skaapvleis SA – met skaapvleis vanuit die Overberg, die Hardemanskaroo en die Kamdeboo. Wright, skrywer van die topverkopers “Farm to Fork” en “Karoo Food”, sal gesels oor hoe Suid-Afrikaanse skaapvleis deel vorm van die internasionale “Slow Food”-beweging en inderwaarheid ‘n nasionale skat geword het. ‘n Opwindende eerste is die pas-en-proe van bekroonde Qualité-kase met van Suid-Afrika se Top 10 Sauvignon Blanc-wyne op Woensdag 6 Maart. Die Qualité merk van gehalte word jaarliks tydens Agri-Expo se Suid-Afrikaanse Suiwelkampioenskappe aan uitnemende suiwelprodukte toegeken. Slegs 13 uit ‘n totaal van 563 kase het in 2018 hierdie prestigetoekenning ontvang.

“Dit is soos die Oscars, net met ‘n bietjie meer kultuur!” lag Isabeau. RJ Botha, voorsitter van die Sauvignon Blanc Belangegroep, sal van die wenners van die 2018 Sauvignon Blanc Top 10-kompetisie in die kollig plaas. “Wit & rooi: Versnitte eie aan die Kaap” op Dinsdag 5 Maart is nog ‘n nuwe proe-ervaring in samewerking met Cape Vintner Classification (CVC) wat eiesoortige terreinspesifieke Kaapse ikoonwyne bevorder. Die internasionaal bekende Franse Bordeaux wit- en rooiwyne is meestal versnitte van verskillende kultivars wat mekaar komplementeer. Hierdie wyne sal eerstemonds saam met wynmakers van Kanonkop en Vergelegen geproe kan word, terwyl hulle verduidelik hoe hierdie beginsel ook op eie bodem toegepas word. Sjef Bertus bied op Vrydag 1 Maart weer die gewilde proe van Merino-lambsboud uit verskillende streke in samewerking met Merino SA aan. Die vleis is van Merino-lam wat telkens ewe oud is, ewe lank verouder en op dieselfde wyse gaargemaak is, met geen geurmiddels nie. Gaste kan dus die smaak en geure van die verskillende streke proe en self besluit watter streek se lam die beste smaak. Die bekende Kaapse Wynmeester en Veritas vise-voorsitter, Bennie Howard, sal die perfekte Veritas-bekroonde rooi wyne as pasmaats skink. Op Donderdag 7 Maart volg ‘n unieke Merinolam-proe van Konsortium-Merino, bekend vir hul aanpasbaarheid – ván die Boesmanland tót op die Hoëveld, sowel as in die Overberg, die Karoo én die Oos-Kaap. Fynproewers kan lamsboude uit vyf verskillende streke saam met Veritas-bekroonde rooiwyne proe. Die lamsvleis is weereens ewe lank verouder en word deur sjef Bertus op dieselfde wyse gaargemaak, met geen geurmiddels nie. Tydens die Shiraz-en-Wildsvleisproe op Saterdag 2 en 9 Maart sal mense ervaar hoekom

Suid-Afrikaanse Shiraz-wyne as van die beste pasmaats vir wildsnitte beskou word. Edmund Terblanche, voorsitter van Shiraz Suid-Afrika, asook keldermeester en bekroonde wynmaker van La Motte-wynlandgoed, kom deel sy kennis terwyl sjef Bertus verskillende wildsnitte – sonder enige tierlantyntjies soos konfyte, souse of speserye – voorsit. Die bekroonde Charles Back van Fairview is weer terug as die aanbieder van ‘n kaas-en-wyn-proe op Vrydag 8 Maart, propvol vermaaklike stories oor hoe nuwe kaassoorte en wynstyle geskep word. Johan Ehlers, Hoof Uitvoerende Beampte van Agri-Expo, sê dat hulle as landbougenootskap

die beeld van landbou op opwindende maniere bevorder. “Hierdie inisiatief by die US Woordfees, in samewerking met ons vennote die Sauvignon Blanc Belangegroep, Skaapvleis SA, Merino SA, Shiraz SA, Fairview, CVC, Konsortium Merino, Veritas en die Veldvleisvereniging skep ‘n toeganklike en vermaaklike platform om kennis oor die oorsprong van landbouprodukte te bevorder,” sê hy. Al die proe-sessies vind van 12:00 tot 12:45 by Die Khaya in Ryneveldstraat, Stellenbosch, plaas. ‘n Beperkte aantal kaartjies is by Computicket beskikbaar. Besoek www.woordfees.co.za of www.agriexpo.co.za vir meer inligting.

courant

dié

27 Februarie 2019

NUUS • NEWS

WELLINGTON SPORT

Tel: 022 487 3221

27 Februarie 2019

Superstars op pad Rio toe Foto's: Roswall de Vries

•Jaomi Zeeman 18 lede van ‘n plaaslike Jeug en Gemeenskapsontwikkeling Klopse-groep vertrek eersdaags na Brasilië waar hulle aan die wêreldbekende Rio Karnaval sal deelneem. Dié 18 lede van die Wellingtonse Superstars Klopse-groep sal saam met 18 ander lede van die Ashwin Willemse Orient Klopsegroep in Kaapstad by die Rio Karnaval deelneem. Hulle vorm die Wes-Kaapse Marsjeer Orkes wat hul unieke klanke saam met ander internasionale musiekgroepe van 2 tot 9 Maart in Rio de Janeiro se strate sal laat opklink. Die Superstars het onlangs ook as die algehele wenners van die plaaslike Drakenstein Klopse Unie se jaarlikse kompetisie uit die stryd getree. Hierdie plaaslike Klopse-groep is in 2005 deur Ulrico en Jermaine Davids en hul vriende, Shafiek Mouton, Marco Hera, Brendon April, Eugene Minnaar en die legendariese Christy (Midal) Abrahams gestig. Sedertdien het hulle van krag tot krag gegaan. Die Superstars het in 2007 vir die eerste keer aan die plaaslike Klopse-kompetisie deelgeneem en uit die staanspoor gewys dat hulle mededingend is. Hulle het derde geëindig is 2007 en het sedertdien al 5 keer as die wenners van dié strawwe kompetisie uit die stryd getree, 5 keer tweede geëindig en 3 keer derde gekom. Die hele Superstars groep bestaan uit altesaam 150 lede wat almal uit die Wellington-

-omgewing kom. Hul ouderdomme wissel tussen 1 en 50 jaar en 80% van hul lede is jonger as 18 jaar. Die jong lede is almal skoolleerders uit plaaslike skole soos St. Albans Primêr, Hillcrest Primêr, Bergrivier Sekondêr en Weltevrede Sekondêr. Volgens Ulrico was die doel van die groep nog altyd om die jeug te bemagtig en om ‘n positiewe verandering in die gemeenskap teweeg te bring. “Ons wou die jeug betrek, hulle bemagtig deur musiek te kan leer en lees en voortdurend geleenthede vir hulle te skep. "Ons wil die kwaliteit van klopse in die dorp na ‘n volgende vlak neem. "Ons maak ook gebruik van plaaslike vervaardigers vir ons klere wat sodoende help met werkskepping in Wellington,” sê Davids. Sy broer, Jermaine, noem dat daar verskeie struikelblokke in die gemeenskap is om te oorkom. “Armoede en werkloosheid lei tot dwelmmisbruik, wat tot misdaad lei. Ons wil positiewe verandering in die gemeenskap teweegbring. Ons kinders het al in Maleisië, Thailand en die Verenigende Koningkryk opgetree en ons probeer soveel as moontlik geleenthede vir hul skep,” sê hy. Die talentvolle Carl Louw is die groep se afrigter en hy werk baie hard om die jong lede van die groep bladmusiek en die fynere kunsies van koorsang te leer. Fadiel Gesant is die leier van die Western

Cape Marching Band Organisasie wat die samewerkingsooreenkoms tussen die Superstars en die Ashwin Willemse Orient Marching Band lei. Hy het sedert 2007 al talle deure vir die groep oopgemaak om internasionaal op te tree en te kompeteer. Die groep het al in Indonesië, Maleisië en Thailand opgetree. Die Superstars maak geskiedenis, omdat dit vanjaar die eerste keer is dat ‘n Suid Afrikaanse groep aan die Rio Karnaval sal deelneem. Die Rio Karnaval is die grootste karnaval ter wêreld en die lede van die Superstars wat ons land daar gaan verteenwoordig, is baie opgewonde oor hierdie geleentheid. Die lede van die groep wat die toer na Brasilië gaan meemaak, is op grond van hul gedrag en vertoning gedurende die jaar deur hul eie orkeslede gekies. Met hierdie prestasie doen hulle hul mantra vir die jaar, #WaardesIsAlles, gestand. Om sulke prestasies te behaal, verg ure se oefening en absolute toewyding. Die groep het ‘n musiekprogram wat oefening van April tot Oktober, drie keer per week, behels. Tydens November en Desember word daar vir die plaaslike kompetisie geoefen. Die voorbereiding vir die Superstars se oorsese deelname moes tussen die gewone oefeninge ingepas word en hul is steeds druk besig met die finale afronding voordat hulle na Brasilië vertrek. “Die span se oefeninge geskied tans by St.

Albans Primêr, waar Roderick Brink vir ons van groot hulp is. Die Superstars se klubhuis was voorheen aan huis van ons geliefde Mamma Shantle Meje op Skuldbult. Sy was Superstars se president tot en met haar sterfte in 2017 en het ‘n baie groot rol gespeel in die ontwikkeling van groep, die lede en die leiers,” sê Shafiek Mouton. Alhoewel die toer deur ‘n paar borge gefinansier word, het die lede wat dit sal meemaak groot uitgawes wat gedek moet word. Almal is druk besig om alles gereed te kry vir hierdie groot avontuur. Volgens Ulrico Davids is die sukses van die Superstars te danke aan almal se lojaliteit aan die groep. “Al die lede van die Superstars het ingekoop op die waardes van ons groep. Ons glo in eienaarskap, dissipline, respek, lojaliteit en ‘n positiewe houding. "Dit is nie net waardes wat in ons groep geld nie, maar wat lede ook in die lewe daar buite uitleef en wat van almal beter individue maak, hul laat floreer en sukses laat behaal in wat hulle aanpak,” sê hy. Die Superstars droom daarvan om in die toekoms hul doelwitte in meetbare aktiwiteite te omskep. “Ons wil meer lede die geleentheid gee om oorsee te toer en ook aan ‘n aantal lede die basis gee om verder musiek te gaan studeer. Ons wil die Superstars van krag tot krag laat gaan met ‘n nuwe, jong leierskorps wat die groep die toekoms kan invat,” sê Ulrico.