courant
• Bergrivier 1Swartland Bergrivier
dié
3 April 2019
• Free • Gratis
Wes-Kaap se #1
Uitgawe 512
Bou saam met goeie nuus
So staan sake Wen kaartjies in rugby na Lollos Bl 2
Bl 6
3 April 2019
Dapper dominee stap Bl 5
•OOREENKOMS MET HEIST-OP-DEN-BERG
Leerders na België
Danksy die internasionale ooreenkoms tussen Bergrivier Munisipaliteit en Heist-op-den-Berg Munisipaliteit in België, het tien leerders vanuit die plaaslike munisipaliteit op 26 Maart na die buiteland vertrek. Die ooreenkoms is in 2014 bekragtig en is gebaseer op die drie pilare naamlik afvalbestuur, jeuguitruiling en publieke deelname. Volgens die jeuguitruilingsprogram het Bergrivier Munisipaliteit tien leerders uit die munisipale gebied in 2018 geïdentifiseer om na België te reis juis vir jeuguitruiling en blootstelling aan ander kulture. Die proses was oop vir alle leerders tussen Graad 11 en Graad 12. Die leerders is almal onderskeidelik vanuit Hoërskool Porterville, Steynville Sekondêr, Ho-
ërskool Piketberg en Hoërskool Velddrif gekies. Elke leerder moes ‘n video indien waar hulle ‘n voorlegging gedoen het van die verskil wat hulle in hul gemeenskap sou wil bring. Die beste twee inskrywings per hoërskool is gekies om Bergrivier te verteenwoordig, asook die twee heel beste inskrywings uit die res van al die inskrywings. Enkele temas is vir die program geïdentifiseer waarvan die belangrikste temas die volhoubare ontwikkelingsdoelwitte is om mekaar se lewensomstandighede te leer ken. Een van die temas is ook om uit te vind hoe die jeug betrokke kan raak in sake van die samelewing waar hulle ’n verskil kan maak. Die leerders wat Bergrivier Munisipaliteit verteenwoordig, is Con-Li Dalmarié Halvorsen,
Ravell Frans, Rohan Knoetzen, Marshall Gouws, Romeo Rethabile Mateta, Annwillay Reneva Jansen, Rayvern-Lee Kayster, Danielle Lynette Monk, Ziani Muller en Paula Valentina Rose Fester. Twee leerkragte, een raadslid en een personeellid vergesel die groep leerders. Bergrivier Munisipaliteit is van mening dat die jeuguitruilingsprogram ’n platform skep waar idees bespreek en ervarings gedeel word om die uitdagings wat ons in ons omgewing ervaar, aan te spreek deur die beste oplossings saam te vind. Die leerders het op Dinsdag 26 Maart na België gereis en kom op 12 April vanjaar weer terug. Gedurende 2018 het Heist-op-den-Berg 10 leerders na Bergrivier gebring en dit was ’n groot sukses, luidens die persverklaring van die munisipaliteit.
NUUS • NEWS
2
3 April 2019
NUUS • NEWS
Venter se foto aand se beste Adrian Venter van Paternoster se foto “Lady” is as wenner aangewys tydens die maandvergadering van die Weskus Fotografieklub. Die onderwerp was Portretstudies. Vir Adrian is sy fotonemery `n stokperdjie wat hy vir die afgelope vier jaar al beoefen. Hy het die foto twee jaar gelede geneem. Die model is `n familievriendin. Adrian verkies om landskapfoto`s te neem, maar die geweldige kennis wat hy by die klub opdoen, laat hom toe om ook in ander aspekte, soos mikro-fotografie, te eksperimenteer. Die ope afdeling is gewen deur `n nuweling by die klub, Boeta Lochner. Boeta het in Februarie by die klub aangesluit. Hy en sy gesin is nuwe intrekkers aan die Weskus sedert Oktober verlede jaar en het hulle op die pragtige Jabobsbaai tuisgemaak. Hy neem al foto`s van 1982 af, wat meesal bestaan uit jag-, wild-, vakansie- en reisfoto`s.
Hy het vir ses jaar in Oman (Sultanate of Oman) gewerk en in dié tyd baie foto`s daar geneem. Boeta sorg dat sy kamera altyd naby hom is. Sy wenfoto, “Lostcivilization”, het hy in 2012 op die Salmah Plato geneem. Dit word die Jaylah Toring Grafte genoem. Dit is in die 90`s deur argeoloog Paul Alan Yule “ontdek” nadat hy lugfoto`s in die boek A Day Above Oman, deur John Nowell, gesien het. Die goeie toestand van die grafte, wat bo-op die berge gebou is en tussen 3000 en 5000 jaar oud is, dui daarop dat belangrike mense daarin begrawe was. Navorsers reken dat die plaaslike bevolking die “jinn”- geeste gevrees het en dit word geassosieer met die goeie toestand van die grafte. Maart se beoordelaar was Le Roux Malan. Enige navrae oor die Weskus Fotografieklub kan gerig word aan Anna-Marie by admin@ weskusfotoklub of 084 577 7752.
Daar heers tans groot opwinding in die Swartland-streek wanneer die Groot Uitdaag-liga sy terugkeer maak op Saterdag 06 April 2019. Die Weskus-kampioen skop sy liga-seisoen Saterdag af met 'n tuiswedstryd teen Hopefield. Hopefield, wat eers verlede jaar gereligeer is en toe op die laaste nippertjie weer toegelaat is deur Boland, sal wil opmaak vir verlede jaar se swak seisoen. Die besoekers se teenstaanders vlieg egter hoog met 'n paar goeie voorseisoen-oorwinnings teen taai spanne. Saldanha is tans in 'n liga van hul eie en behoort weer te sorg vir 'n groot aanslag op sy tuisveld waar Saldanha gewoonlik groot pak slae uitdeel. Hopefield sal moet diep delf indien hulle enigsins iets uit die wedstryd wil neem, maar die kampioene behoort gemaklik klaar te speel met die besoekers met 'n bonus-oorwinning van meer as 15 punte. Vredenburg speel Saterdag gasheer vir Paternoster. Wedstryde tussen die betrokke spanne sorg gewoonlik vir groot opwinding. Albei spanne is oorgehaal om hul seisoen op 'n hoë noot af te skop. Vredenburg speel gewoonlik goeie rugby op hul tuisveld en sal oorgehaal wees om die seemanne van Paternoster te klop. Paternoster gaan jaarliks van krag tot krag en behoort weer groot teenstand te bied vir die tuisspan. Vredenburg beskik egter
oor 'n paar vlugvoetige agterspelers wat met hul dartellopies sirkels om teenstaanders kan hardloop. Vredenburg behoort dus Saterdag sy seisoen positief af te skop met 'n oorwinning van minder as tien punte. St Helenabaai speel Saterdag gasheer vir Langebaan. St Helenabaai het 'n baie wisselvallige voorseisoen beleef en sal wil opmaak met 'n sterk vertoning teen Langebaan. Langebaan het egter al in die verlede gewys dat hy nie terugstaan vir die groter spanne nie en beskik oor die nodige skietgoed om vir 'n opskudding te sorg. St Helenabaai is egter 'n moeilike neut om te kraak op sy tuisveld. St Helenabaai was een van die groot aanspraakmakers in die uitspele verlede jaar en sal wil voortbou met 'n goeie oorwinning van minder as tien punte. Die groot verrassingspakkie van 2018, Young Hearts, speel Saterdag gasheer op die grafkelder op Pella teen 'n baie onvoorspelbare Mamre-span. Young Hearts sal wil voortbou op sy goeie vertonings van verlede jaar en min spanne spog met 'n oorwinning op die grafkelder. Mamre sal dus weet dat net 'n groot aanslag en taktiese vernuf 'n oorwinning sal bewerkstellig. Young Hearts behoort die kragmeting naelskraaps met minder as sewe punte te wen. Veldrif het hierdie naweek 'n blaaskans. Abri Adonis
Liga-wedstryde skop af
NUUS • NEWS
3 April 2019
Louw slaan slag met Piketberg-blomme ‘n Navorser van Malmesbury maak ‘n deurslaggewende deurbraak in die blombedryf. Die navorsing deur Eugenie-Lien Louw (34) wat binnekort ‘n ma van twee raak, kan speldekussing-uitvoere verder laat floreer. Sy is tans besig om haar doktorale studies in hortologie aan die Universiteit Stellenbosch te voltooi en sal na verwagting aan die einde van 2019 haar doktorsgraad in Hortologie ontvang. Louw het haar MSc-graad in Hortologie behaal deur die invloed van hoë temperature op die ontwikkeling van proteas te bestudeer. Haar bevindinge word reeds met sukses deur sommige fynbosprodusente in Suid-Afrika toegepas en as ‘n “wesenlike deurbraak” deur lede van die blombedryf beskou. Louw is reeds sedert 2011 die tegniese bestuurder van Arnelia Fynbosplase naby Hopefield. Sy het in die Paarl grootgeword waar sy skoolgegaan het by Laerskool én Hoërskool La Rochelle. Louw het besluit om ná matriek BScAgric met hortologie en grondkunde te studeer en het direk daarná haar MSc graad nagestreef. “Ek wou van die eerste jaar af graag met snyblomme werk en gelukkig was daar ‘n projek vir my,” vertel sy. Die loopbaankeuse kom nie as ‘n te groot verrassing nie aangesien sy nog altyd ‘n natuurliefhebber was. “Ons het kleintyd gereeld gaan stap in die berge saam met my pa. Tuinmaak was deel van my groot word. As ek iets kon plant, water gee en sien hoe dit groei was ek in my element.” Louw se pad na speldekussings het gekom toe sy proewe tydens haar MSc-studies op Arnelia Farms gedoen het. Arnelia Farms is ‘n snyblomplaas en kwekery. Dáár word verskeie Proteaceae, Erica, Bruniaceae, Chamelaucium -en Bougainvillea potplante en/of snyblomme geproduseer. Sy het ná haar M-graad vir ‘n kunsmis maatskappy gaan werk. Dit is gedurende dié tyd toe Hans Hettasch, die eienaar van Arnelia Farms vir haar ‘n pos as tegniese bestuurder aanbied. “Dit was ‘n uitdaging wat ek graag wou aanpak. Sy het twee jaar later begin met haar eerste proewe vir haar PhD. Sy was ook aangemoedig deur Prof. Gerard Jacobs by die Departement Hortologie by Stellenbosch
Universiteit om haar PhD na te streef. Sy is dol oor haar werk, vertel Louw. “As die plante reg en mooi en gesond groei, dan weet jy, jy het die omgewing waarin die plant groei reg bestuur. En elke seisoen is anders en het nuwe uitdagings. Dis baie lekker,” verduidelik sy. Die buitelandse blommemark betaal ’n premie vir speldekussings met lekker lang, reguit stele wat boonop sonder enige teken van insekte of siektes is. Om dit te lewer is makliker gesê as gedaan. Tans kan Suid-Afrikaanse fynbosboere slegs tussen 40% en 80% van hul oeste uitvoer, afhangende van die kultivar betrokke. Danksy nuwe navorsing oor groeireguleerders kan die verbouing van speldekussings met te lang of te krom stele iets van die verlede wees. Die industrie beskou haar resultate as ‘n deurbraak wat fynbosboere in die toekoms aansienlik breër kan laat glimlag as dit by verdienste kom. Louw fokus op die verbouing van fynbosplante. Haar bevindinge is belangrik vir die Suid-Afrikaanse fynbosbedryf, aangesien 46% van alle fynbosuitvoere uit soorte speldekussing van die Leucospermum-fynbosgenus bestaan. Benewens op plase in die Wes-Kaap (veral in die Boland, die Overberg, die Weskus en die Cederberge) word speldekussings ook in KwaZulu-Natal rondom Eshowe en Hilton verbou. Louw sê tydsberekening is belangrik in die toedien van die regte kombinasie van twee spesifieke groeireguleerders, ProGibb® en Promalin®. Die korrekte toediening daarvan op speldekussingbosse sorg dat die onderskeie plante baie meer regop ontwikkel en lyk as wat hulle andersins sou. Groeireguleerders kom natuurlik in plante voor, en beheer alle aspekte van plante se groei en ontwikkeling. ProGibb® is ‘n natuurlike weergawe, terwyl Promalin® sinteties vervaardig word. Soortgelyke produkte word al jare met sukses deur tafeldruif- en sitrusboere gebruik. Louw se navorsing is die eerste om te wys dat die produkte op kommersiële skaal met sukses op speldekussings gebruik kan word. Louw sê die groeireguleerder-mengsel moet toegedien word voordat speldekussingbosse se
stele 10 sentimeter lank is. In die proses word ‘n ideale uitvoerkwaliteit steellengte van 60 tot 70 sentimeter as reël eerder as uitsondering verkry. Die stele geniet daarby ook goeie, deurlopende en eenvormige bedekking van kleiner plantblare. Goedgevormde blomkoppe word gedra. “Mens sien bitter min krom stele per plant as die mengsel net korrek en betyds aangewend word,” verduidelik Louw. Louw het reeds haar bevindinge aan die bedryf oorgedra gedurende die onlangse algemene jaarvergadering van Cape Flora SA, asook by twee konferensies van die Internasionale Proteavereniging (IPA) in Australië en Suid-Afrika. Sommige plaaslike produsente in veral KwaZulu-Natal en aan die Weskus volg reeds haar raad, en verwys daarna as “Eugenie’s Magic Mix”. Hulle reken die uitkomste is die insetkoste van die gebruik van die groeireguleerders werd. “Hierdie is ‘n reuse-deurbraak vir ons industrie, en gaan produsente direk baat,” reken Neil Hall van die plaas Philadelphia buite Citrusdal. Hettasch beskou ook die behandeling as ‘n groot deurbraak. “ Kerry Rowlands, tegniese bestuurder van Zuluflora, sê dat hulle die mengsel reeds met “opwindende resultate” in Hilton, Eshowe en Citrusdal op aanplantings van kultivars getoets het wat tipies probleme met steellengte het. Voordat Louw die gebruik van groeireguleerders kon toets, moes sy eers ‘n deeglike studie doen oor presies hoe speldekussingplante groei en ontwikkel. Dit is die eerste keer dat dit in soveel detail bestudeer is. Soortgelyke inligting is wel vir Protea beskikbaar. Haar navorsing is ‘n natuurlike uitvloeisel van
3
haar werk as tegniese bestuurder van Arnelia fynbosplase buite Hopefield. Haar studies is gedoen onder leiding van dr. Lynn Hoffman en prof. Jacobs van die Departement Hortologie(US). Dit is gedeeltelik befonds deur Arnelia Plase en die Alternative Crop-fonds van die Wes-Kaapse Departement van Landbou, wat deur Cape Flora SA geadministreer word. Haar proewe oor die gebruik van groeireguleerders is tot op semi-kommersiële vlak sedert 2013 vir vyf seisoene op twee plase, Arnelia fynbosplase naby Hopefield en Pomona-plaas by Piket-Bo-Berg, gedoen. Dit is uitgetoets op twee kultivars. Ná haar doktorsgraad in die sakkie is, bly sy aan by Arnelia Farms waar hulle nou met ‘n konsultasie-arm begin het om ander fynbos produsente te ondersteun. En natuurlik tyd te spandeer saam met haar familie wat binnekort vier sal wees.
4
NUUS • NEWS
3 April 2019
Promosie
Aan Oewer Dienssentrum bied versorging wanneer nodig
Aan Oewer Dienssentrum op Velddrif is `n nie-winsgewende organisasie en program van Badisa, `n organisasie wat maatskaplike diensprogramme aanbied. Die naam Badisa is afgelei van die woorde barmhartigheid, diens en saam en is ook `n Tswana-woord wat herder, versorger en ouderling beteken. Aan Oewer lewer `n diens aan bejaarde persone van 50 jaar en ouer en ook persone met gestremdhede, ongeag ras, geloof of geslag. Aan Oewer Dienssentrum se visie is om sulke persone te versorg en dienste aan te bied sodat hulle langer betrokke kan bly in die gemeenskap en ook onafhanklik kan funksioneer in hulle eie woonplekke. By vêrre die grootste diens wat deur Aan Oewer aangebied word, is `n bord kookkos elke dag van die week wat by die dienssentrum genuttig kan word, maar ook weggeneem kan word. Daar is ook `n afleweringsdiens wat etes by huise en besighede in Dwarskersbos, Noordhoek, Laaiplek, Port Owen en Velddrif aflaai. Vir wegneemen aflewer-etes moet eie houers verskaf word. Die goeie nuus is dat enige persoon van enige ouderdom wat `n dag voor die tyd bespreek, van hierdie middagetes kan bestel. Tariewe vir etes word op `n glyskaal bereken. SASSA-lede betaal
so min as R37 per ete, aflewering ingesluit (R40 vir Dwarskersbos) en nie-lede R57 (Dwarskersbos R60). Dinsdae en Donderdae is daar poeding by vir `n paar rand ekstra. Alle etes moet een dag vooruit bestel word by Jo-Ann Willemse op (022) 783 0048 en is vooruitbetaalbaar. Alle fondse wat hierdeur geïn word, asook alle fondse van enige ander diens wat deur Aan Oewer gelewer word, word teruggeploeg sodat alles elke dag op geoliede wiele kan loop en daar na die ouer persone van die omgewing omgesien kan word. Alhoewel `n persoon 50 jaar en ouer moet wees om aan te sluit as lid van Aan Oewer Dienssentrum, kan alle dienste behalwe haarsny deur enigiemand benut word. `n Vervoerdiens word daagliks tussen 08h00 en 11h00 gelewer vir plaaslike ritte indien `n bestuurder beskikbaar is. Die koste daaraan verbonde is R20 per uur per persoon in die Velddrif-area en R60 per rit vir Dwarskersbos-inwoners. Een maal per maand is daar vervoer beskikbaar Vredenburg toe om inkopies te gaan doen. Kostes hiervoor is R100 per rit vir lede en R120
vir nie-lede. `n Minimum van vier persone word hiervoor vereis. Enige rit moet `n dag of twee vooruit bespreek word by Elzette Geustyn of Solette Smith op (022) 783 0048. Die versorgingsentrum in Hibiskuslaan op Velddrif is Dinsdae oop van 09h00 tot 12h00, waar die volgende dienste aangebied word: Diens Lede Nie-lede Bloeddruk Gratis R15 Voete/Naels R30 R40 Bedwas R50 R70 Suikertoets R25 R35 Wondversorging R35 R50 Hare was R20 R35 Vol was Gratis Gratis Bogenoemde dienste word by ouer persone se huise ook aangebied. Enige inligting kan verkry word deur (022) 783 0048 te skakel. Die gemeenskap se hulp en bystand maak `n integrale deel uit van die lief en leed van Aan Oewer Dienssentrum. Alhoewel daar reeds sowat 77 vrywilligers is wat help met dienslewering, sal nog hulp nie te versmaai wees nie.
Vrywilligers help met aanbied van programme, fondsinsamelings, vervoer, kosvoorbereiding en tuisversorging. Aan Oewer kan nie voortbestaan sonder die onbaatsugtige betrokkenheid van die gemeenskap nie. Dit is egter nie net plaaslike inwoners wat die arm van Aan Oewer Dienssentrum sterker maak nie. Persone van regoor die wêreld kan bydraes lewer deur middel van donasies, maar selfs belangriker nog, deur dienste te borg wat deur Aan Oewer gelewer word. Jy kan in Amerika of Rusland wees, `n aftrekorder teken en weet dat `n behoeftige persoon elke weeksdag `n ordentlike bord kos kry, afgelewer by sy/haar huis. In hierdie verband, of met enige ander navrae, kan die dienssentrumbestuurder, Karin Hubbard, gekontak word op (022) 783 0048 of per epos info@badisaaod.org.za. Alhoewel Aan Oewer Dienssentrum vanuit die kantore by die NG Kerk Velddrif bedryf word, is dit twee aparte organisasies en is Aan Oewer se dienste daar vir enigiemand om te gebruik. Besoek gerus ook Aan Oewer Dienssentrum se facebook-blad en gee dit `n ‘like’.
Berge en dale, stof, motorfietse en vierwielmotorfietse (quad bikes) was Saterdag aan die orde van die dag by Koringberg se Funduro, wat vanjaar vir die tiende keer aangebied is. Altesaam 285 ryers het die drie verskillende roetes aangepak en oud en jonk was dit eens dat dit `n baie opwindende dag was. Die ryers het veral die goedgemerkte baan gekomplimenteer. Net voor almal na die dag se ry opgepak en huiswaarts gekeer het, is gelukkige trekkings gehou en vyftig motorfietsverwante pryse is aan deelnemers oorhandig. Tussen die toeskouers was `n bekkige vierjarige seuntjie wat klaarblyklik baie tuis was tussen die motorfietse en vierwielmotorfietse wat heen en weer beweeg het. Hy het vertel dat sy pappa ook 'n deelnemer is. Op 'n vraag of sy pappa `n motorfiets ry, het hy baie gou die saak reggestel dat sy pappa 'n vierwiel ry en sommer ook die tipe vierwiel-rit wat dit is genoem (sy kennis hiervan was effens bokant die vuurmaakplek van hierdie joernalis). Alle fondse wat die dag ingesamel is word aan die kerk op Koringberg oorhandig, wat dit aanwend om kos aan minderbevoorregtes en kinders van die dorp te voorsien.
Konsepbegroting gemik op meer doeltreffende dienslewering Bergrivier Munisipaliteit se konsep begroting vir die 2019-2020 finansiële jaar, wat R423, 782 miljoen beloop, is op 26 Maart 2019 gedurende ‘n Raadsvergadering op Piketberg goedgekeur. Dié begroting is gemik op doeltreffende dienslewering en die verbetering van die lewensgehalte vir alle mense binne die Bergrivier Munisipale gebied. Die konsep begroting is ook in lyn met die behoeftes van die gemeenskappe wat hulle dien soos gedokumenteer in die goedgekeurde Geïntegreerde Ontwikkelingsplan (2017-2022). Die goedgekeurde konsep begroting bestaan uit ‘n konsep kapitaalbegroting van R47, 178 miljoen en ‘n konsep bedryfsbegroting van R376, 604 miljoen. Die munisipaliteit se totale inkomste en bedryfsuitgawe kategorieë weerspieël die volgende jaarlikse begroting waardeverhogings (beraamde 2019-2020 versus aangesuiwerde 2018-2019 begroting). Alle tariewe en heffings vermeerder met 6% behalwe elektrisiteit wat met ongeveer 13,87% sal vermeerder, onderworpe aan Nersa se finale goedkeuring. Nersa het ’n verhoging in elektrisiteit van 15,63% goedgekeur betaalbaar deur die munisipaliteit aan Eskom. Die munisipaliteit het sy bes gedoen om te verseker dat tariefverhogings bekostigbaar bly en dat dit oor die algemeen nie inflasie oorskry soos gemeet aan die Verbruikersprysindeks (VPI) nie. ‘n Uitsondering moet egter gemaak word as daar prysstygings in die insetkoste van dienste is, wat buite die beheer van die munisipaliteit is, byvoorbeeld die koste van grootmaat water en elektrisiteit. ‘n Begroting handel hoofsaaklik oor die keuses wat die munisipaliteit moet maak tussen mededingende prioriteite en fiskale realiteite.
Die uitdaging is om meer te doen met die beskikbare hulpbronne. Bergrivier Munisipaliteit bly gefokus op die effektiewe lewering van kern munisipale dienste en ons bedank die publiek vir hulle vennootskap met ons. Aansoek om deernissubsidies kan gedoen word by die onderskeie munisipale kantore. Die totale huishoudelike inkomste van alle lede van die huishouding wat op die perseel woonagtig is, moet R4 760 per maand (twee staatsouderdompensioene plus 40%) of minder wees of die hoof van die huishouding in wie se naam die rekening geregistreer is, moet ‘n staatsouderdompensioen of ongeskiktheids-toelae ontvang. Ander vereistes is beskikbaar by die deernisbeampte op elke dorp. Die munisipaliteit se verantwoordelikheid as ‘n regeringsfeer is om te verseker dat die lewensgehalte van alle mense wat in die Bergrivier Munisipale omgewing woon en werk, verbeter word. Hulle sal voortgaan om betrokke te raak by beide progressiewe en betekenisvolle gesprekke met ons gemeenskappe. Die Raad sal ook voortgaan om gemeenskapsdeelname te volg en aan te moedig om te verseker dat die munisipaliteit se planne in lyn is met gemeenskapsbehoeftes. Die volledige konsep GOP, begrotingsdokument en besonderhede van die vasgestelde tariewe is beskikbaar op die munisipale webwerf (www.bergmun.org.za), by alle openbare biblioteke en munisipale kantore in die munisipale gebied. Alle skriftelike kommentaar moet gerig word aan die Hoof Finansiële Beampte by cfo@bergmun.org.za teen 3 Mei 2019. Hierdie kommentaar sal aan die Raad voorgelê word op 28 Mei 2019 vir oorweging.
Rugby:
Die rugbyspanne van Saron en Piketberg het Saterdag mekaar die stryd op Piketberg aangesê. Die eerste wedstryde in die nuwe seisoen word hierdie naweek gespeel. Kyk weekliks uit vir dié courant se rugbyverslaggewer, Abri Adonis, se voorspelling. Foto's: Cor Cronjé
NUUS • NEWS
3 April 2019
Dapper dominee en twee lidmate stap Vrydag 5 April pak dominee Clifford James van die NG Kerk op Hopefield en twee van sy gemeentelede die tiendaglange staptog van 256km tussen Calvinia en Ceres aan om geld in te samel vir die herstel van die kerk se dak. Dit was eers net Ninette Joubert en Tjaart Ackermann wat besluit het om hulle bene en voete te gee vir die staptog, maar ds Clifford het `n uitdaging aanvaar om die stap mee te maak en sodoende gemeentelede te motiveer om betrokke te raak. Die inisiatief vir die projek het gekom van Ninette, wat die Tankwa Camino alreeds drie keer gestap het en dit herken as `n geleentheid om die kerk te help om fondse in te samel sodat die dak herstel kan word. Die staptog het die verbeelding van die kerkraad en gemeentelede aangegryp en hulle ondersteun die drie stappers met groot opgewondenheid. Die doel is om soveel moontlik geld in te samel vir die herstelwerk aan die kerk se dak. As oudste gemeente aan die Weskus het die NG Kerk Hopefield Sondag, 11 November
verlede jaar reeds hul 167ste verjaarsdag gevier. Na al die jare is die kerk se dak gedaan en moet vervang word. Die ou kerkgebou, soos hy vandag daar uitsien, is al oor die 100 jaar oud. Oorspronklik was dit ʼn langwerpige gebou, maar van 1910 tot 1911 is die twee vleuels aangebou en die toring opgerig. Die verandering was noodsaaklik om die pragtige ou orrel wat tans nog weekliks in gebruik is, te akkommodeer. Destyds, met die bou van die kerk, het feitlik die hele gemeenskap bygedra om dit te finansier. Aangesien die samestelling van die gemeenskap met die verloop van tyd drasties verander het, bring dit mee dat `n klein groep van Hopefield se gemeenskap nou die kostes sal dra om hierdie ou baken aan die Weskus in stand te hou. Die kerkgebou is `n gewilde toeriste-attraksie vir besoekers van regoor Suid-Afrika en die wêreld en instandhoudingskostes word al meer. Die staptog wat aangepak word, word in die gemeente „Stap-ʼn-Dak“ genoem en ʼn logo is spesiaal vir die geleentheid ontwerp. Die Tankwa Camino is ʼn geestelike pelgrimstog tussen Calvinia en Ceres en word vanjaar
tussen 5 en 14 April aangebied. Die afstand van 256km behels die langste grondpad tussen twee dorpe in Suid-Afrika. Die laaste dag van die staptog is Sondag, 14 April en van die plaaslike gemeentelede gaan met `n bus Ceres toe om die drie stappers daar te ontvang. Die NG Kerk Hopefield se hoop is dat die drie dapper stappers se groot poging vrugte sal afwerp en enige borgskappe sal hoog op prys gestel word. Enigiemand wat `n finansiële bydrae wil lewer, kan dit in die kerk se rekening inbetaal: Naam: NG Kerk Hopefield Bank: Standard Bank Tak: Vredenburg 050511 Rekening: Tjek Rekenngnommer: 083 291 814 Verwysing: Stap-‘n-Dak Die gemeente het ook gevra dat daar gebid sal word ds Clifford, Ninette en Tjaart met hulle voorbereiding en ook op die tog, dat hulle voete sal hou en dat die Here hulle sal seën in hierdie projek.
5
6
CapeNature says fire awareness is an all year round priority
CapeNature statistics show that more than 90 % of fires in the Western Cape are human induced accidental fires that occur largely through negligence. The Western Cape’s economy is heavily dependent on water catchment areas. In order to protect our water catchment areas and the ecosystem services they provide we have to prevent fires and therefore fire awareness is a top priority for CapeNature. Peter Viljoen, CapeNature’s Catchment Manager elaborated as follows: “The Boland Mountain catchments feed water into dams that provide not only citizens of the area with water but also water for irrigation for agriculture. We like to call these water catchment areas the
NUUS • NEWS
3 April 2019
heart of the economy of the Western Cape.” “If you’re a landowner or home owner in an area that can experience wildfires, you should be practicing proactive prevention and protection.” It is important for Western Cape citizens to stay mindful and take safety precautions when dealing with fire, as fires occur throughout the year. Fire safety tips: • Don’t perform high risk activities like welding, grinding and braaing in the open on hot days as it only takes one spark to start a fire. • Report fires immediately. • Be fire wise and proactively protect your property from the threat of wildfires.
Wen kaartjies na Lollos
Lollos is ‘n opvoedkundige Afrikaanse vertoning gerig op kinders tussen die ouderdomme van 1-10 jaar oud. Lollos se hele uitgangspunt is om kinders aktief te kry en saam te dans – die vertonings is dus uniek deurdat terwyl hulle lekker saam beweeg en fiks word hul ook iets leer. Hulle leer onder andere die ABC, hoe om te tel, die dae van die week, hoe om gesond te eet en fiks te raak, hulle leer van ons land, herwinning en vele meer. Lollos stel jaarliks ‘n nuwe produksie, CD en DVD bekend. Hierdie produksie, Lollos 11 – LOLLOS, Jou Slim Ding is 23 Maart 2019 by die KKNK in Oudtshoorn bekend gestel. Lollos het tot op hede 9 CD’s en 10 DVD’s uitgereik waarvan 6 platinum status bereik het. Lollos het ook ‘n SAMA-toekenning gewen vir die beste kinderalbum; ‘n Ghoema-toekennning nominasie in 2015, en dan het ons ook in 2015 die Tempo Toekenning gewen vir die topverkoper DVD. Bietjie meer oor Lollos 11 – Lollos, Jou Slim Ding Sjoe Lollos, jy is darem slim! Op al jou opwindende reise na die Aarde het jy en Lettie al soveel lekker dinge geleer terwyl julle ook hope pret gehad het saam met Disco en die span! Hierdie splinternuwe, kleurvolle vertoning fokus op die interaktiewe vaslegging van lekker lessies wat Lollos & Lettie geleer het. Deur middel van opgewekte musiek en energieke danspassies maak Lollos & Lettie dit maklik vir die maatjies om saam te leer, saam te lag en uitbundig saam te dans. Sien uit na treffers soos Tandeborsel, Babbelbekkie, Die Vriendelike Dokter, Oppaktyd en meer om saam slimmer te
word - en natuurlik ook 'n lekker dosis immergroen Lollos-bekendes wat almal se boudjies sal laat wikkel!
Leer ken vir Lollos!
1.Wie is Lollos se gunsteling kunstenaar om mee optetree- Almal wat al saam met hom op die DVD's was. Emo Adams, Bobby van Jaarsveld, Robbie Wessels, Heinz Winckler, Jakkie Louw en andere 2.Wat is Lollos se gunsteling kleur: Groen 3.Wat is Lollos se gusnteling kos: Gesonde kos soos vrugte, groente, vleis en dan beslis Lalalollies! 4.Hoe lyk dit op Lollos se planeet: So moooooi! Reënboë, Goue Gare, Foempies, Marshmallow wolkies- 'n regte droomwêreld! 5.Het Lollos ‘n toeteldier – Ja, Lollos het 'n Gomgompie! Maar hy is bang vir hom. 6.Wat is Lollos se gunsteling speletjie - Dans is die lekkerste maar hy hou ook baie van wegkruipertjie 7.Wat dink Lollos van die maatjies in PIKETBERG-Land? - hy kan nie wag om saam met hulle te sing en dans nie! Hy hoor hulle lag en dans te lekker 8.Wie is Lollos se beste maatjie- natuurlik Lettie! Wen! As jy 'n kaartjie na Lollos se vertoning op Piketberg wil wen, moet jy jou naam en van, tuisdorp en antwoord op die onderstaande vraag WhatsApp na 084 8333 813 voor Vrydag om 12:00. VRAAG: Wat is Lollos se gunsteling kleur? Wenners sal telefonies in kennis gestel word.
Kontak ons • Contact Us
Redakteur: Izélle Garcia- izelle@diecourant.co.za Joernalis: Madi Pieterse madipieterse@gmail.com Bemarkers: Desiré Kriel - desire@diecourant.co.za
Karin Neethling - karin@diecourant.co.za
Marietjie Nel - marietjie@diecourant.co.za Finansies: Jane Gouws accounts@diecourant.co.za Web: www.diecourant.co.za Facebook: @diecourant Tel: 022 487 3221
NUUS • NEWS
7
3 April 2019
Dagboek • Diary • Dagboek • Diary • Dagboek •
Geleenthede Donderdag 27 Maart: Vredenburg Tuinbouklub. Die Tuinbouklub besoek Scotts Kwekery om 09h30. Plae en ander tuinprobleme word bespreek. Alle lede en nie-lede is welkom. Navrae Elsabé Kruger 082 416 6305. Donderdag 28 Maart: Weskus Sakekamer-funksie, Juffroushoogte Gasteplaas, Vredenburg, 07h30 vir 08h00. Die gasspreker is Donné Nieman van Workforce Staffing. Navrae info@weskussakekamer.co.za. Saterdag 30 Maart: NG Kerk Hopefield basaar. Ontbyt 07h30-10h30; stalletjies open om 09h00 tot so middeldag. Vleistafels, poedings, braaivleis, gebak, plantjies, ‘crafts’, kindertafel. Almal is welkom - Engela 076 696 3570. 5km pretloop saam met NG Kerk Hopefield Basaar – inskrywings om 07h30 en wegspring om 08h00 vanaf kerk se parkeerterrein. R10 volwassenes, R5 kinders o/12. Loop of hardloop saam in jou mees kleurvolle klere en kleure. Pryse “Best Dressed” asook gelukkige trekkings. Navrae Sumarie Dettmer 071 537 3308. Rooibosteefees, Clanwilliam – Sanet (027) 482 1007 / admin@rooibosinfohub.com Lambertsbaai Boeremark. Navrae Jacky Valentine 082 920 8886 / Ian Turner 0833 700 400 / www.facebook.com/weskusmarket P.L.A.Y. Denlyn Park Country Craft Market, Langebaan, 09h00-13h00. Groot verskeidenheid produkte, speelplek vir kleingoed. Kontak Denise (022) 772 0638 / Lynne 082 935 5497 vir meer inligting. Piket-Bo-Berg Boeremark, Plaas Kruisementvlei, Piketberg, 09h00-12h00. Kontak Jane Paterson 083 208 6873 / www.piket-bo-berg.co.za Sondag 31 Maart: Langebaan Country Estate MTB 15km Funride - (022) 772 2112. Groote Post Country Market, Darling, (022) 451 2202 / info@iloveyzer.co.za Saterdag 6 April: Velddrif Netbalklub jaarlikse Gholfdag, 4-bal beterbal. Enige navrae kan gerig word aan Ige Theron op 078 893 0747. Car boot market, Catholic Church premises, Suffren Street, Langebaan, 09h00-12h00. Looking for an outlet to sell your unwanted goods, homemade craftwork or farm fresh produce? Contact Heidi 083 779 5127/ heidi.engelbrecht@gmail.com to book your spot. Art workshop @ Pumpkin House Langebaan. Contact Hanli Theron 082 853 8187 / arts2gether@gmail. com Piquetfees, Piketberg. Navrae Piketberg Toerisme (022) 913 2063 / tourism@piketberg.com / www.piketbergtourism.co.za Paasfees Blommemark, Goedverwacht – 083 872 7149 / 073 957 9549 / www.travelbergrivier.co.za Sondag 7 April: Mykonos Mark, Langebaan, (022) 707 7000. Saterdag 13 April: Badisa Aan Oewer Dienssentrum Velddrif basaar. Navrae (022) 783 0048. Sondag 14 April: NG Kerk Hopefield bied aan PASSIESPEL: die Lyding en Kruisiging van Jesus, geskryf deur Willa Kapp. Almal welkom, 19h00. Navrae 083 443 4742. Dinsdag 16 April - Vrydag 19 April: St Christopher’s Velddrif United Church, services in preparation for
Passion Week. All welcome to attend. Contact Ivan 072 458 7705 for further info! Saterdag 27 April: Fun & Wine Run & Spore Oppi Sand Fees, Plaasmol Padstal, Hopefield. Kontak Fransie Rossouw op 074 924 8478 om `n stalletjie te bespreek Lambertsbaai Boeremark. Navrae Jacky Valentine 082 920 8886 / Ian Turner 0833 700 400 / www.facebook.com/weskusmarket P.L.A.Y. Denlyn Park Country Craft Market, Langebaan, 09h00-13h00. Groot verskeidenheid produkte, speelplek vir kleingoed. Kontak Denise (022) 772 0638 / Lynne 082 935 5497 vir meer inligting. Piket-Bo-Berg Boeremark, Plaas Kruisementvlei, Piketberg, 09h00-12h00. Kontak Jane Paterson 083 208 6873 / www.piket-bo-berg.co.za Sunday 28 April: Langebaan Country Estate MTB 15km Funride - (022) 772 2112. Groote Post Country Market, Darling, (022) 451 2202 / info@iloveyzer.co.za Dinsdag 30 April: Weskus Fotografiese Stigting Maandvergadering by Ou Stalle, NG Moedergemeente-terrein, Vredenburg, 18h30. Navrae admin@ weskusfotoklub / 084 577 7752. Onderwerp vir Mei Plastic. Sondag 5 Mei: Mykonos Mark, Langebaan, (022) 707 7000. Thursday-Sunday 23-26 May: Presidence Trophy Air Race, Saldanha Airfield – 082 460 4970. Saturday-Sunday 25-26 May: Darling Brew Extreme – (021) 286 1099 / philippa@darlingbrew.co.za / www. darlingbrew.co.za. Saterdag 25 Mei: Lambertsbaai Boeremark. Navrae Jacky Valentine 082 920 8886 / Ian Turner 0833 700 400 / www.facebook.com/weskusmarket P.L.A.Y. Denlyn Park Country Craft Market, Langebaan, 09h00-13h00. Groot verskeidenheid produkte, speelplek vir kleingoed. Kontak Denise (022) 772 0638 / Lynne 082 935 5497 vir meer inligting. Piket-Bo-Berg Boeremark, Plaas Kruisementvlei, Piketberg, 09h00-12h00. Kontak Jane Paterson 083 208 6873 / www.piket-bo-berg.co.za Sondag 26 Mei: Langebaan Country Estate MTB 15km Funride - (022) 772 2112. Dinsdag 28 Mei: Weskus Fotografiese Stigting Maandvergadering by Ou Stalle, NG Moedergemeente-terrein, Vredenburg, 18h30. Navrae admin@ weskusfotoklub / 084 577 7752. Onderwerp vir Junie Panning or motion blur. Saterdag 1 Junie: Car boot market, Catholic Church premises, Suffren Street, Langebaan, 09h00-12h00. Looking for an outlet to sell your unwanted goods, homemade craftwork or farm fresh produce? Contact Heidi 083 779 5127/ heidi.engelbrecht@gmail.com to book your spot. Sunday-Tuesday 2-4 June: Vans Surf Pro Classic, Lambert`s Bay – (022) 921 3292 / 079 529 7137. Sondag 2 Junie: Mykonos Mark, Langebaan, (022) 707 7000. Dinsdag 25 Junie: Weskus Fotografiese Stigting Maandvergadering by Ou Stalle, NG Moedergemeente-terrein, Vredenburg, 18h30. Navrae admin@ weskusfotoklub / 084 577 7752. Onderwerp vir Julie Macro.
Vrydag-Saterdag 28-29 Junie: Snoek- en Patatfees, Goedverwacht – 078 316 3988. Saterdag 29 Junie: Lambertsbaai Boeremark. Navrae Jacky Valentine 082 920 8886 / Ian Turner 0833 700 400 / www.facebook.com/weskusmarket P.L.A.Y. Denlyn Park Country Craft Market, Langebaan, 09h00-13h00. Groot verskeidenheid produkte, speelplek vir kleingoed. Kontak Denise (022) 772 0638 / Lynne 082 935 5497 vir meer inligting. Piket-Bo-Berg Boeremark, Plaas Kruisementvlei, Piketberg, 09h00-12h00. Kontak Jane Paterson 083 208 6873 / www.piket-bo-berg.co.za Sondag 30 Junie: Langebaan Country Estate MTB 15km Funride - (022) 772 2112. Saterdag 6 Julie: Badisa Aan Oewer Dienssentrum, Velddrif het `n pannekoekstalletjie by die Bergrivier Winterkarnaval as fondsinsamelingsprojek vir die dienssentrum. Darling Winter Beerfest – (021) 286 1099 / philippa@darlingbrew.co.za / www.darlingbrew.co.za Sondag 7 Julie: Mykonos Mark, Langebaan, (022) 707 7000. Saterdag 27 Julie: Lambertsbaai Boeremark. Navrae Jacky Valentine 082 920 8886 / Ian Turner 0833 700 400 / www.facebook.com/weskusmarket P.L.A.Y. Denlyn Park Country Craft Market, Langebaan, 09h00-13h00. Groot verskeidenheid produkte, speelplek vir kleingoed. Kontak Denise (022) 772 0638 / Lynne 082 935 5497 vir meer inligting. Piket-Bo-Berg Boeremark, Plaas Kruisementvlei, Piketberg, 09h00-12h00. Kontak Jane Paterson 083 208 6873 / www.piket-bo-berg.co.za Sondag 28 Julie: Langebaan Country Estate MTB 15km Funride - (022) 772 2112. Dinsdag 30 Julie: Badisa Aan Oewer Dienssentrum Velddrif hou konsert. Weskus Fotografiese Stigting Maandvergadering by Ou Stalle, NG Moedergemeente-terrein, Vredenburg, 18h30. Navrae admin@weskusfotoklub / 084 577 7752. Onderwerp vir Augustus From Above. Saterdag 3 Augustus: Car boot market, Catholic Church premises, Suffren Street, Langebaan, 09h0012h00. Looking for an outlet to sell your unwanted goods, homemade craftwork or farm fresh produce? Contact Heidi 083 779 5127/ heidi.engelbrecht@ gmail.com to book your spot. Sondag 4 Augustus: Mykonos Mark, Langebaan, (022) 707 7000. Saterdag 24 Augustus: Piket Uitdaag, Piketberg – Annelle Vercuiel 073 031 4922. Sondag 25 Augustus: Langebaan Country Estate MTB 15km Funride - (022) 772 2112. Groote Post Country Market, Darling, (022) 451 2202 / info@iloveyzer.co.za Dinsdag 27 Augustus: Weskus Fotografiese Stigting Maandvergadering by Ou Stalle, NG Moedergemeente-terrein, Vredenburg, 18h30. Navrae admin@ weskusfotoklub / 084 577 7752. Onderwerp vir September Exploding Things. Saterdag 31 Augustus: Hopefield MTB Ride Your Best Ride. Inksrywings vanaf 1 Junie. Lambertsbaai Boeremark. Navrae Jacky Valentine
082 920 8886 / Ian Turner 0833 700 400 / www.facebook.com/weskusmarket P.L.A.Y. Denlyn Park Country Craft Market, Langebaan, 09h00-13h00. Groot verskeidenheid produkte, speelplek vir kleingoed. Kontak Denise (022) 772 0638 / Lynne 082 935 5497 vir meer inligting. Piket-Bo-Berg Boeremark, Plaas Kruisementvlei, Piketberg, 09h00-12h00. Kontak Jane Paterson 083 208 6873 / www.piket-bo-berg.co.za Sondag 1 September: Mykonos Mark, Langebaan, (022) 707 7000. Vrydag-Sondag 6-8 September: Darling Voorkamerfest – www.voorkamerfest-darling.co.za. Saterdag 7 September: Piket-Bo-Berg Cycle Challenge & Trail Run – Delanie Jooste 074 117 5743. Saterdag 14 September: Kardoesie N7, Piketberg Track/Cycle Challenge – Hanri Theron 076 508 3523. Vrydag-Sondag 20-22 September: Darling Veldblommeskou – info@darlingflowers.co.za. Goedverwacht Erfenisfees – 083 872 7149 / 073 957 3549 / www.travelbergrivier.co.za. Dinsdag 24 September: Saldanha Erfenisfees – 083 697 4897. Weskus Fotografiese Stigting Maandvergadering by Ou Stalle, NG Moedergemeente-terrein, Vredenburg, 18h30. Navrae admin@weskusfotoklub / 084 577 7752. Onderwerp vir Oktober Low Light. Saterdag 28 September: Lambertsbaai Boeremark. Navrae Jacky Valentine 082 920 8886 / Ian Turner 0833 700 400 / www.facebook.com/weskusmarket P.L.A.Y. Denlyn Park Country Craft Market, Langebaan, 09h00-13h00. Groot verskeidenheid produkte, speelplek vir kleingoed. Kontak Denise (022) 772 0638 / Lynne 082 935 5497 vir meer inligting. Piket-Bo-Berg Boeremark, Plaas Kruisementvlei, Piketberg, 09h00-12h00. Kontak Jane Paterson 083 208 6873 / www.piket-bo-berg.co.za Sondag 29 September: Langebaan Country Estate MTB 15km Funride - (022) 772 2112. Groote Post Country Market, Darling, (022) 451 2202 / info@iloveyzer.co.za Saterdag 5 Oktober: Car boot market, Catholic Church premises, Suffren Street, Langebaan, 09h0012h00. Looking for an outlet to sell your unwanted goods, homemade craftwork or farm fresh produce? Contact Heidi 083 779 5127/ heidi.engelbrecht@ gmail.com to book your spot. Sondag 6 Oktober: Mykonos Mark, Langebaan, (022) 707 7000. Friday 18 October: The U MTB Stage Race, Piket-B-Berg – Delanie Jooste 074 117 5743. Vrydag-Sondag 18-20 Oktober: Peter Tosh-fees, St Helenabaai – 062 182 6716. Vrydag-Saterdag 25-26 Oktober: Madeliefie Makietie, Strandfontein – Cindy Schade 071 151 6526 / cindy@namaqua-eng.co.za. Vrydag-Maandag 25-28 Oktober: Harley Davidson Biker`s Rally, Lambert`s Bay – Hannes Coetzee 079 148 1315. Saterdag 26 Oktober: Lambertsbaai Boeremark. Navrae Jacky Valentine 082 920 8886 / Ian Turner 0833 700 400 / www.facebook.com/weskusmarket
8
courant
dié
3 April 2019
Tel: 022 487 3221
NUUS • NEWS
SPORT
3 April 2019
President's Trophy air race coming up
The President’s Trophy Air Race (PTAR) is an annual race of light aircraft spanning 2 days and this year will be held at the Saldanha Bay Airfield on 3 and 4 May. Each year the race is held in another part of the country, aligned with flying clubs who host the event, and the South African Power Flying Association (SAPFA) serving as event organisers. The participating aircraft can be anything between 60 and 100, depending on the location of the event, but normally more at inland venues than at the coast, mainly due to
aircraft populations being more located in the Gauteng area. This year around 65 aircraft are expected, but it could be more. The weather will also play a part, but organisers are holding it earlier than usual to avoid the start of the winter weather. The history of the race started out in 1937 as the Governor General’s Air Race, which later became the State President’s Air Race, and since 1994 it was renamed to the President`s Trophy Air Race.
Skaakspelers in SA-span Doodle Dodds and Andrew Ward do it again Not satisfied with squeezing in a win at the previous week’s Hobie 14 Nationals over Hein De Jamer, Blaine “Doodle” Dodds (or is it “The Doddsicle” streaking past the rest of the participants?) served up a maestro’s performance with Andrew Ward last weekend in Langebaan and won (once again!) the 2019 Hobie Tiger Nationals. Well done Blaine and Andrew! Whoever said that fiddling on the beach doesn’t pay, hasn’t watched Blaine fiddle and diddle on the beach while waiting for wind! He even fiddles with a 14! On the first day the wind gods were too angry for racing. So no racing but lots of fiddling. On the second day there was a good breeze, up to 25 knots and more by the time we finished our four races for the day’s sailing. It was hard work out there on the water with lots of sore and broken bodies at the end. Day-end results - Dodd and Ward in the lead with 6 points, closely followed by Shaun and Lee (10) and Duncan and Hein (11). Doug Edwards and Nic Baigrie managed four fourth places! The third day was light wind, some unpredictable wind shifts, course shortening and even some protests, unusual in the Hobie fleet? The pie-weights struggled! After now 8 races,
Blaine still in the lead, (10), followed by Duncan (living up to his “Silver Fox” reputation on 17) and Shaun (20). The last day started with no wind, but perseverance paid off and our Race Officer managed to squeeze in two good races (won by Ferry/Hawkins and Lagesse/ Albert respectively), Blaine keeping a beady eye and covering his competitors. So Blaine and Andrew finally took the series with 14 points, followed by Shaun and Lee on 21 and Duncan and Hein on 24. Well done guys, not bad for a bunch of fifty-odd year olds (some soon to be 60 I believe....?), keeping the youngsters behind you! Johnny van der Vyver started poking around the sand dunes, and going over the notorious “hump” on the way to the beach, managed to poke...his spinnaker pole straight through the back window of his Land Rover. Good one Johnny, you have now joined this very exclusive club of which I am already a member! There was also a “Happy Threesome” on the water, you know the old saying, Hobie Sailors Do It On The Water....I believe Mark Kopel, Garth Loudon and Duncan decided to have a threesome near the top mark, some banging of boats, wild exclamations, a protest or two, and all resolved happily we hope !
Vyf skaakspelers van die Weskus het die verlede naweek in verskillende ouderdomsgroepe aan die Suid-Afrikaanse Junior Geslote Skaakkampioenskappe deelgeneem wat in Johannesburg aangebied was. Slegs spelers wat geïdentifiseer word as die beste in hulle onderskeie ouderdomsgroepe ontvang persoonlike uitnodigings vir deelname en latere moontlike insluiting in die Suid-Afrikaanse Skaakspan. Die Weskusspelers wat deelgeneem het, was Dominique Titus – seuns 0/12 Ope; Andrea Lewaks – dogters o/8; Legene Malleta – dogters o/14; en Anastacia Ligwa en Jamie-Lee Mitchells – dogters o/16. Hierdie was die grootste aantal spelers ooit van die Weskus af wat genooi was om aan die kampioenskappe deel te neem.
En alhoewel nie een van hulle gekwalifiseer het vir `n plek in die SA-span nie, kan elkeen met trots sê dat hulle onder die top-spelers in hulle ouderdomsgroepe in die land tel. Die spelers het as volg presteer: Andrea Lewaks – Laerskool Vredenburg – 14de; Legene Maletta – Uitkyk Primêr – 12de; Dominique Titus – Laerskool Vredenburg – 28ste; Anastacia Ligwa – Maskam Sekondêr – 18de; Jamie-Lee Mitchells – Hoërskool Vredenburg – 20ste. Die Weskus Skaak-unie het `n woord van dank gerig aan die maatskappye wat van die spelers geborg het om aan die kampioenskappe te kon deelneem: Club Mykonos, Italtile Foundation, Ceramic Foundation, Allen’s Real Estate, Tronox, Malgas Lions Klub en Skaak SA.