courant swartland en weskus
tel: 022 487 3221
Uitgawe 230
die
Bekroon: Nommer 1-Streekkoerant
10 Julie 2013
hugenotestraat 24, malmesbury
Nog ‘n “Spiere” druk op C’week Die volgende “Spiere”, Johan du Toit van Hoërskool Swartland op Malmesbury, druk ‘n drie Maandag tydens die Cravenweek in die Boland se sege oor hul eweknie van die Blou Bulle. Johan is die kleinseun van die oud-Springbok Piet ‘Spiere’ du Toit van Kloovenburg, RiebeekKasteel en jonger broer van Pieter-Steph wat vroeër vanjaar vir die Springbokke gekies is. Foto: Gallo Images/Duif du Toit
•eerste in die swartland
Nuwe Astro beplan
Omdat die hokkie-wêreldbeker volgende jaar in Holland plaasvind, word baie astro-bane daar opgerol sodat daardie wedstryde op splinternuwe bane kan plaasvind. Op dié manier kan Hoërskool Swartland (HSS) op Malmesbury bes moontlik nou sy eie astro-baan bekom. Só vertel dr. Gert van Staden, hokkie-ouer en ondervoorsitter van die skool se beheerliggaam. Die groeiende behoefte aan ‘n astro-baan vir vir Swartland het daartoe gelei dat HSS se hokkieouers reeds drie Lotto-aansoeke vir dié doel ingestuur het, by Helen Zille as Wes-Kaapse premier gaan draai het, basaars en pannekoekverkope geloods het ... en nou baie moontlik ‘n goeie tweedehandse astro-blad van Den Haag af gaan invoer. “Ons herhaalde pogings van die laaste twee tot drie jaar begin nou tot ‘n punt kom,” sê Van Staden. Dit blyk dat die huidige astro-bane in Holland oorwegend sandbasisse het en met waterbasisastro-bane vervang moet word ter wille van die wêreldbyeenkoms daar. Omdat die leerders uit die Swartland gereeld benadeel word wanneer hulle as grasveldspelers by groot byeenkomste en proewe opdaag, raak die druk vir ‘n eie astro-baan toenemend groter. As leerders by hokkieproewe opdaag, ondervind
hulle probleme met dié veel vinniger oppervlak, waarmee hulle dan nie vertroud is en word dikwels nie vir spanne in ag geneem nie. Weens dié probleem het die hokkiespelers al selfs op die veel kleiner netbalbane gaan oefen om die vinner speelveld gewoond te raak. Volgens Van Staden het hy en sy gesin al in die verlede gaan kuier in Holland, waar sy dogter Anine, met vergunning gaan oefen het op die astro-baan daar. Só het hy bewus geraak van die tweedehandse mark wat nou vir astro-bane in Holland ontstaan, waarop hy by sy tuiskoms dié moontlikheid verder ondersoek het. “In Holland gebruik hulle dieselfde astro-bane vir hokkie en vir sokker. Dit word dus baie beter benut as wat ons sou doen met net hokkie. Holland gaan gróót met die vervanging van tuingras met sintetiese gras, selfs in hul tuine. “Toe ons begin somme maak het, het ons besef dat wanneer ons R40 per m² vir ‘n tweedehandse astro-baan betaal, die ongeveer 6 000 m² wat ons moet koop, veel goedkoper sal uitwerk as die aanvanklike bedrag van twee en ‘n halfmiljoen rand vir dieselfde grootte nuwe astro-baan. “Ons moet egter byvoeg dat die voorbereidingsfase vir die astrobaan ook baie geld gaan kos.” “Selfs al moet ons dan die tweedehandse baan
ná ses of sewe jaar vervang, het ons intussen kans gekry om geld daarvoor te genereer, met dié voordeel dat die basiese voorbereiding vir die lê van ‘n tweede baan dan reeds gedoen is,” het Van Staden bygevoeg. Hy het ook verwys na die Maties se astro-baan wat 11 tot 12 jaar oud is. “Dis ‘n sterk bewys dat astro-bane wel vir lang jare bruikbaar is – ook in Suid-Afrika.” Gevra oor die uitdaging dat ‘n astro-baan wat ontwikkel is met die oog op ‘n terrein in die noordelike halfrond, die warm Swartlandse so mers moet deurstaan, het Van Staden gesê: “Die bane word maar almal dieselfde gemaak. In Holland is daar weer baie meer reën op die bane, met ander uitdagings en verweer wat dit meebring.” Tydens ‘n onlangse vergadering van die hokkie-ouers van HSS, het die meerderheid ouers die besluit gesteun om dié opsie te ondersoek. Die saak is vir goedkeuring terugverwys na die Beheerliggaam van die skool. Indien dit daar goedgekeur word, sal die pro ses glo deur ‘n Hollandse vriend bemiddel word. “Joggie Scholtz, die voorsitter van die beheerliggaam, is reeds besig met die opstel van ‘n sakeplan vir die aankoopproses – ons kan nie aansoek doen vir die aankoop as ons nog nie die geld het daarvoor nie,” het Van Staden gesê.
2
NUUS•News 10 Julie 2013
•nie net wingerd- en Olyfplase
Top-landbouwerkers nou ook wyer gesoek
Opleiding: Die personeel van die Swartland moes in hul laaste vakansieweek opleiding ontvang om die nuwe skoolstelsel, Caps, baas te raak. Hierdie groep is vandeesweek by Schoonspruit Sekondêr besig met opleiding. Regs is die kringbestuurder, Johannes Mouton.
Projek vir waterbewaring by kanomarathon geloods Bergrivier Toerisme loods vandeesweek tydens die Bergrivier Kanomarathon ‘n waterbewaringsinisiatief wat die belangrikheid van die Bergrivier as hulpbron bevestig. Dit sluit direk aan by 2013 se Wêreld Toe rismedag-tema: Water en Toerisme: die besker ming van ons gemeenskaplike toekoms. Die Bergrivier ontspring in die Drakensteinberge naby Franschoek en vloei by Velddrif in die Atlantiese Oseaan. Vir die afgelope 51 jaar vind die Bergrivier Kanomarathon tussen hierdie twee dorpe plaas en roei sowat 200 kanovaarders die 240 km oor vier dae in ‘n stryd om die titel van een van die wêreld se bekendste uithou-kanokompetisies. Die Bergrivier Munisipaliteit ontleen sy naam aan die rivier wat vir 155 km deur die gebied vloei. Drakenstein-, Swartland- en Bergrivier Munisipaliteite, wat al vir jare betrokke is by die Bergrivier Kanomarathon, het ‘n verklaring opgestel waarin elkeen onderneem om die bewaring van die Bergrivier op alle bestuurvlakke te handhaaf. Elke verklaring sal by die verskeie
wegspringpunte tydens die wedvaart, deur die betrokke streek se burgemeester aan ‘n roeier oorhandig word. Al drie verklarings sal deur die burgemeester van die Weskus Distriksmunisipaliteit, Harold Cleophas, by die eindpunt van die wedvaart op 13 Julie in Velddrif ontvang en bekend gemaak word.
Die burgemeester van die SM, Tijmen van Essen, oorhandig Donderdag by Sonkwasdrift ‘n verklaring aan een van die roeiers.
Die Swartland het vanjaar sy kompetisie vir plaaswerker van die jaar uitgebrei om inskrywings deur boere buite die wingerd- en olyfbedryf in te sluit. “Inskrywings het reeds gesluit en die beoordeling gaan nou begin,” sê die organiseerder vir die Swartlandstreek, Jolene Janse van Rensburg. “Die Swartland Wyn- en Olyfroete wou graag sy dienste uitbrei, maar ons wou nie graag weer die wiel uitvind nie. Daarom het ons ingeskakel by die departement landbou se direktoraat: plaaswerker-ontwikkeling, om vier jaar gelede ook die ‘plaaswerker van die jaar’-kompetisie te loods. ”Eers kon net lede van die wynroete inskryf, maar vanjaar het ons die kompetise wyer oopgemaak, sodat meer boere as net die wyn- en olyfboere kan inskryf. Volgende jaar gaan ons ook saam met die landbouverenigings werk, want ons wil graag dat alle landbouers hierby betrek word.” Die Swartlandse plaaswerker van 2012 is Johannes Engelbrecht van Org de Rac, terwyl Christo Somers van Riebeek Cellars die eerste kompetisie in 2010 gewen het, met Francina Swarts van Swartland Wynkelder as die 2011-wenner. Die kategorieë waarin die werkers beoordeel word, is: Algemene werker, trekkerdrywer, administratief, diereproduksie, tegniese operateur, besproeiingspesialis, junior-, middel- en senior-bestuur, asook die nuwe kategorie: sosiale ontwikkeling. Die volgende standaard-aspekte geniet aandag tydens die evaluering deur ‘n paneel beoordelaars: Hoe kandidate die vrae beantwoord, sy/haar persoonlikheid en algemene kennis, hoe die persoon redeneer en konflik hanteer, hoe hy/sy algemene vrae beantwoord en hoe hy homself oordra. In elke kategorie word ‘n wenner, naaswenner en tweede naaswenner gekies. “Die ideaal is om vir elke afdeling ‘n ander paneel beoordelaars te hê,” verduidelik Janse
Die wenner van die Swartlandstreek vir 2012 was Johannes Engelbrecht van die plaas Org de Rac naby Piketberg. Hier saam met hom is Gerrit van Rensburg, Wes-Kaapse minister van landbou. van Rensburg. “Ons hoop om dit in die toekoms so te ontwikkel, wanneer al meer landbouers deelneem aan hierdie kompetisie.” Die wenner van die Swartlandstreek neem later aan die provinsiale kompetisie deel en daarna aan die nasionale kompetisie. Elke deelnemer kry ‘n sertifikaat. Die plaaswerker van die jaar op streekvlak wen R1 700, terwyl die wenners van elke kategorie ook kontantpryse wen. Die algehele wenner stap weg met ‘n kontantprys van R20 000, asook ‘n studiekursus ter waarde van R20 000, geborg deur die US en ‘n oorsese toer ter waarde van R40 000. Hierdie kompetisie is in 2002 deur die Hexri vier-vallei begin en het só gegroei dat dit nou reeds op nasionale vlak plaasvind. “Ons soek die top-ouens. Daarom bied ons ook met elke kompetisie-uitdun uithang-geleenthede soos ‘n ete met goeie sprekers aan. Mense soos Solly Philander, Zane Meas en Helen Zille was reeds sprekers tydens ons provinsiale byeenkomste.”
Beyers Truter praat by studiegroep
Die Malmesbury Landbouvereniging se wingerdstudiegroep hou sy Algemene Jaarvergadering op Dinsdag 16 Julie om 19:00 by die Malmesbury Skougronde se Fluitjiebar. Die spreker van die aand is Beyers Truter van Beyerskloof en almal is welkom. Kontak Liam Viljoen by 074 380 1372 of Erna Thiart by 083 557 1307 met navrae of rig ‘n epos aan malmesburylandbou@gmail.com.
3
NUUS•News 10 Julie 2013
Droom Piketberg mooi: Hierdie ruimte van die oostelike ingang is die eerste fokuspunt om Piketberg te verfraai om deel te vorm van die Droomdorp-konsep.
•Droomdorp: Piketberg
‘Daar is ‘n groter behoefte aan hoop as aan brood ...’ Iemand wat ‘n boom plant, dink aan môre. Só het die stigter van Droom Suid-Afrika Mooi Theuns Coetzee, gesê toe hy in April op Piketberg ‘n vergadering oor dié konsep toegespreek het. Dus is die mense van Piketberg nou besig om hul vere reg te skud vir die verbeterde voorkoms van hul dorp, sê die toerismebeampte, Georgia Esau. “Dié idee is besig om al meer vlam te vat. Van ons eerste projekte is om die ingange van die dorp mooi te maak.” Maar om net te droom is nooit goed genoeg nie, daarom begin die Piketbergse inwoners reeds self identifiseer watter areas hulle wil verfraai: Die dorp se ingange, straathoeke, elke erf of besigheid of leë sypaadjie wat straat toe front - “orals waar die oog sal val!” sê Georgia. Theuns Coetzee van Bonnievale het in 2007 met sy argitekspraktyk teruggekeer na sy tuisdorp, waar hy begin het om in sy eie dorp dié konsep te laat vlamvat en daarna het ongeveer 63 dorpe in Suid-Afrika en Namibië ook hierdie idee hulle eie gemaak. “Ons wil graag fokus op plante wat waterwys
is. Voor die Sinagoge, waar ‘n helfte van die dorp se museum gehuisves word, plant ons dus nou vetplante,” sê Georgia. “Uiteindelik gaan dit daaroor dat mense weer trots raak op hulle dorp!” Deelnemers word daarop gewys dat elke tuin of ruimte wat beplant word, eers ‘n vooraf-foto moet kry, sodat dit vergelyk kan word met die ‘daarna’-foto. Intussen het die Bergrivier Munisipaliteit ook sy volle gewig agter die projek ingegooi: Hulle het die stuk grond langs die Joodse begraaf plaas in Trekstraat - suid van die sakekern - begin skoonmaak sodat dit ook verfraai kan word. Intussen reël die toerismeburo ‘n byeenkoms vir almal wat belangstel, vir Maandag 15 Julie om 18:00 in die raadsaal van die munisipale kantoor op die dorp om hierdie projek verder te bespreek. ‘Daar is ‘n groter behoefte aan hoop as aan brood ...’ sê die webtuiste van Droom/Dream Suid-Afrika - ‘n aanhaling van Moeder Theresa. Besoek ook www.SAdogood.co.za vir meer inligting hieroor.
Swartlanders vier Mandeladag Mandeladag het reeds ‘n instelling geraak en Swartlanders begin nou al planne maak hoe dié dag (18 Julie) tot voordeel van die gemeenskap benut kan word. Op Riebeek-Wes sê Huis Bergsig: “In plaas van 67 minute se werk, wil ons die Vallei uitdaag om pannekoeke te koop sodat ons R6 700 wins kan maak. Huis Bergsig wil die fondse aanwend vir ‘n mobiele boekrak en nuwe stoepstoele. Hoe kan mense help? • Skenk bestanddele vir die pannekoekbeslag en lewer dit af by die kantoor van Huis Bergsig teen 11 Julie. * Bestel Huis Bergsig se gewilde pannekoeke @ R5-00 elk. Bestel tot Woensdag 17 Julie by 022 461 2535. • Kontantbydraes. • ‘n Handige persoon om die boekrak te maak.
Op Darling staan die materiaal en wag by die Dierbeskermmingsvereniging: Bring net jou hamer en kom help op 18 Julie tussen 12:00 en 16:00 om nuwe hondehokke te maak. Op Goedgedacht Trust buite Malmesbury kan belangstellendes toebroodjies help maak vir minderbevoorregte skoolkinders. Dié broodjies help die kinders om beter te konsentreer op skool. Jong tieners help elke oggend vanaf 5:00 op Goedgedacht om dié broodjies voor te berei en versprei dit van 6:00 af onder die leerders wat per bus skool toe vertrek. As jy op Madiba se verjaardag jou bydrae wil maak, kan jy vanaf 04:55 op 18 Julie gaan help broodjies maak. Skakel Ingrid Lestrade (082 596 6284) vir meer inligting.
menings•opinion
courant
10 Julie 2013
die
4
Hierdie tree is ‘n GROTE vir gemeenskap Die groot stap om mee te werk aan ‘n droom om ‘n eerste astro-baan vir die Swartland te reël, kan reuse-voordele vir die gemeenskap inhou. Terwyl dit ál meer gebeur dat Swartlandse hokkiespelers wat aan proewe gaan deelneem, benadeel word juis omdat hulle nie dié vinniger speelveld ken nie, raak dit ‘n al groter jammerte as die kinders van die omgewing aan die kortste ent trek. Met ‘n emmer vol faktore wat daartoe bydra dat geleenthede en fasiliteite elders verbeter, is dit uiters noodsaaklik om saam te werk om die groterwordende gaping sover moontlik in bedwang te hou. Ook belangrik om te onthou als is almal nie beskore nie. Daar is baie gemeenskappe wat moet regkom en oorleef met dié kariger deel wat vir hulle afgemeet is. Waar leerders moet rugby speel sonder gras op die rugbyveld of atletiek oefen met die skaarsste geriewe denkbaar. Tóg, om te droom en na beter te streef en daad by die woord te sit, is geen sonde nie. Nou kan die Swartland uitsien na die moontlikheid van ‘n eie astrobaan - ‘n fasiliteit wat in ‘n ander, meer afgeleë gemeenskap dalk net nooit moontlik sou wees nie. Vooruitgang bly kosbaar en baie nodig - solank dié wat dit ontvang, dit kan waardeer en voluit benut. En vreemd genoeg, die waardering is gewoonlik baie groter dáár waar die nood en die wegbly van die luukse lank uitgerek is. Hierdie astro-tree, straks klein in die oë van die meer welvarende skoolgemeenskappe, is inderdaad ‘n GROTE vir die Swartland en bring geleenthede net soveel nader vir die hele streek.
Dis Goeie Nuus
dr Andrew Bosman
Het die nasies rondom ons bevrees geword Nehemia, een van die ballinge uit Juda, was in die vesting Susan. Hy het ver neem dat dit sleg gaan met dié wat in Jerusalem is, dat hulle in groot ellende verkeer, die poorte is verbrand en die mure van die stad is omgegooi. Nehemia het vir dae hieroor getreur en geween. Hy het die sondes van sy volk aan die Here bely, ook dat hy en sy familie ook betrokke was by die ongehoorsaamheid aan God - die groot rede waarom die volk in ballingskap weggevoer is na Babel. Hy was die skinker van die koning Atrasasta of Ahasveros van wie ons ook in die boek Ester lees. Die koning het gemerk dat hy nie vrolik was nie en het hom daarna uitgevra. Hy was eers beangs, maar het sy saak aan die koning voorgedra. Koning Artasasta het aan hom briewe en hout en ander middele wat hy nodig gehad het, gegee om na Jerusalem te kon gaan en die werk daar te gaan doen. Daar was egter vyande van Israel wat die herstel van die stadsmure en heropbou van Jerusalem wou keer. Hulle het hulle eers voorgedoen as mense wat wil help, maar Nehemia het deur hulle planne gesien. Ook toe hulle hom geïntimideer het, het hy vas bly glo en vasgestaan. Binne twee en vyftig dae is die mure herstel en het die nasies rondom bevrees geword, want hulle het gesien dat hierdie werk deur God gedoen is.
Tydloos: Hierdie sonderlinge foto van die Moederkerk op Malmesbury is deur Melt van Aarde geneem vanaf sy vorige huis in Moorreesstraat, met die AM Trust-gebou in die voorgrond.
Tyd, Jik, my suster en die kamikaze-budgie Ek dink soms ek het ‘n obsessie met datums en tyd. Op ‘n manier onthou ek sulke goed. Seker ‘n knoop wat in my regter breinlop gemaak word, maar sekere datums steek vas in my brein. Sekere reuke maak ook ‘n geheueboksie van sy eie diep weggebêre in my gedagtes. Een van daardie reuke is die reuk van Baby Sta-Soft versagmiddel. Dit tesame met die geluid en gevoel van ‘n tuimeldroër, neem my jare terug na ‘n tyd toe my seun nog ‘n baba was. Ek onthou hoe ek altyd langs hom ingekruip het en hoe sag sy babapakkies gevoel het. Dit laat my terugdink aan die dae wat my pa nog in die gang afgeloop het en oor en oor herhaal het, “wa oupa voete” as hy vir Zander kom hello sê het na ‘n dag by die werk. Net die naweek het ek weer langs ‘n klein lyfie ingeklim. Dié van my dogtertjie. Haar klere het nes haar boetie s’n geruik en dit het my teruggeneem in tyd. Met die wat ek so na die sla pende gesiggie lê en kyk, besef ek dat dit in ‘n oogwink verby gaan wees. Vinnig sal die dae vlieg wat die lyfie na my aangehardloop koop met handjies uitgestrek. Die oop mondjie wat sommer ‘n soen kom haal en nie vra nie. Die dae wat sy
my nodig het en van my afhanklik is. Die dae wat ek nog een van die belangrikste mense in haar lewe is. Ek ervaar dit reeds met my oudste. “Mamma, ek kan self.” “Mamma, moet my nie nou soen nie, almal sien!!” “Mamma, as jy eendag dood is, kan ek jou selfoon kry asseblief.” Vandag nog steek Ansje haar hande uit na my en vra: “Help”. Een van die dae is dit: “Nee, ek kan self.” Maak mens nogal hartseer. Ek onthou ek was altyd grensloos geïrriteerd as my ma altyd gesê het, “eendag as jy jou eie kinders het, sal jy verstaan.” Ek doen nou nogal. Reuke bly my by. Die reuk van bleikmiddel, spesifiek Jik, kan ek nie uitstaan nie. Toe ek 10 jaar oud was, was my
suster in die weermag. Dié het pas gekry en tydens haar week by die huis het sy besluit sy wil ons waterbottel ontsmet. Sy gooi ‘n lekker stewige dosis Jik in die bottel en sit dit terug in die yskas. Ek kom rooi in die gesig en dors soos die Sahara-woestyn by die huis ná netbal, gryp die waterbottel en gee ‘n groot sluk. ‘n Vulkaan het in my keel ontplof en het alles skoongebrand op die pad af maag toe. Ek moes alleen afsukkel na ‘n dokter toe, want Ma se been was gebreek en suster-lief het die padgevat. Vandag nog kan ek nie die reuk verdra nie. Ek kry nou nog die gevoel van die Jik, die nasmaak in my mond. Jiggie. Net so het my einste suster my in ons voëlhok toegemaak toe ek sewe jaar oud was, sodat ons terroris budgie my kan aanval, terwyl sy lekker lag aan die buitekant van die hok. Daardie groen budgie het aan my vinger vasgeklou en gehou vir volk en vaderland. Maak nie saak hoe ek geskud en geswaai het nie, hy was gimnas en het sommer saam al die bewegings gemaak. Dit terwyl Adele haar slap lag. Alles onder die witleuentjie dat “Ma gesê het jy moet die voëls kos gee”. Ons het nou weer budgies en ek kom nie naby die hok nie...
nuus • news 10 Julie 2013
AHI hoof praat op Malmesbury Die Malmesbury Sakekamer vergader vandeesmaand op Woensdag 24 Julie in die OLOK-saal om 19:00 vir 19:30. Die hoofspreker vir die aand is Christo van der Rheede, uitvoerende hoof van die AHI, waarby die Malmesbury Sakekamer tans geaffilieer is. Hy gaan die lede inlig oor die AHI se visie en fokus ten opsigte van sakekamers. Hierdie is ‘n gulde geleentheid om kommunikasie en gesprek tussen lede en die AHI te fasiliteer en alle lede word aangemoedig om die geleentheid te gebruik. Die koste vir die aand beloop R80 pp vir lede en R100 pp vir nie-lede en dit sluit ‘n ligte ete in. ‘n Kontantkroeg is ook beskikbaar. RSVP stiptelik teen Vrydag 19 Julie om 15:45 by Annebelle van der Merwe by 022 482 1060. Lede moet let op die sperdatum van 19 Julie ter wille van die persone wat die kos maak. Indien ‘n bespreking gedoen is, is die betrokke persoon of instansie verantwoordelik vir die koste van hul bespreking. Rienzi Duvenage kom ook kortliks gesels oor: Mentorvennoot. Hierdie is ‘n inisiatief wat ten doel het om jong Afrikaanse sakemense te help om hul besighede suksesvol te vestig met die hulp en mentorskap van ervare en sukses volle sakemense. Hierdie inisiatief word ook ondersteun deur groot name in die Afrikaanse sakewêreld. Skakel 022 482 1060 vir meer inligting.
Klem op baie kleur in Riebeektuinkompetisie ‘n Blomtuinkompetisie met aantreklike pryse is onlangs in die Riebeek-Vallei van stapel gestuur. Die inisiatief word ondersteun deur die vernaamste rolspelers in die Vallei, soos Riebeek Kelders, PPC en die Royal Hotel. Allan Barnard, restauranteienaar op Riebeek Kasteel, sê: “Hoewel dit nie ‘n unieke konsep is nie - dit word jaarliks dwarsoor Europa gedoen, veral in Frankryk waar meer as 4 000 dorpe deelneem - kan dit groot voordele vir die Riebeek-Vallei en die hele Swartland as streek inhou.” Die idee is om die Vallei met blomme te bedek. “Die maklikste manier om dit te doen is vir elke huis- of sake-eienaar om sy eie lappie grond te verfraai”, sê Barnard. Die lys van pryse wissel van R10 000 kontant tot gratis etes, brandstof, ‘n pamperlang in ‘n skoonheidsalon, vleis en talle geskenkpakke met plaaslike produkte. Malmesbury Kwekery ondersteun die projek met afslag op alle aankope wat gedoen word vir die kompetisie. Die kompetisie is gratis en almal in die Riebeekvallei kan deelneem, mits die tuin of blombakke duidelik van die straat af sigbaar is. Die klem is op kwantiteit en kleur. Die beoordeling word in Oktober gehou en inskrywingsvorms is by Kasteelberg Bistro beskikbaar.
Darling maak reg vir sy 10de Voorkamerfest
Dis amper tyd vir een van Suid-Afrika se uniekste feeste - die Voorkamerfest 2013 in Darling. Nou in sy tiende jaar, bied die Voorkamerfest ‘n multi-kulturele ervaring in ‘n opwindende en onkonvensionele formaat. Kom neem deel aan die pret-parade deur die strate van Darling Saterdagoggend, 7 September. Kom verteenwoordig en bemark jou besigheid of organisasie op dié manier. Hierdie fees is ‘n opwindende mengsel van gemeenskapsgees en wêreldklas-kunstenaars en om by te dra tot die naweek se atmosfeer, het die Darling-komitee dié parade geïmplementeer. Deelname is verniet en sal voortgaan, rëen of sonskyn. Om deel te neem, e-pos Omnia gerus by omnia@voorkamerfest-darling.co.za voor of op 15 Julie en sy stuur al die nodige inligting. Vir enige vrae, kontak Omnia by 082 658 4671. Kom doen saam iets vir die gemeenskap, deur die gemeenskap! Die voorkamerfest-komitee kan gekontak word by 082 321 7542/ www.voorkamerfestdarling.co.za/bookings@voorkamerfest-darling. co.za
s c 1 6 8 4 1 _ wh y _ s h o p _ a r . p d f
Pa ge
1
2 0 1 3 / 0 7 / 0 8 ,
1 : 3 1
PM
5
6
kalender•diary 10 Julie 2013
swartland: kalender - diary
Katriena Adams (70) sorg vir siekes en haweloses van die omgewing. “My pa het my so geleer om te sorg vir ander,” sê sy.
Fokus op mansgesondheid Julie - In Julie fokus Kansa op mansgesondheid: Besoek ‘n deelnemende dokter (Malmesbury: Dr. Lategan/Dr. Van Zyl - 022 482-4788 /Dr. Brits & Vennote - 022 482-1640 / Dr. Fry - 022 486-4355 / Dr. Nel/Dr. Neethling - 022 4822552 / Dr. Van Niekerk - 022 482-4589 / Dr. Kritzinger - 022 482-113. Riebeek-Wes/Kasteel: Dr. Oosthuizen: 022 461-2517 / Yzerfontein: Dr. Walters - 022 451-2941) en laat doen ‘n PSA (prostaat spesifieke antigeen)toets @ R85. Bloed word gratis deur dokters getrek en die uitslag word ook deur hulle behartig. Vir verdere navrae kontak Hester Smit by KANSA 022 482-1111. Biduur en kerkdiens op Riebeek-Wes 10 Julie - Die AGS Riebeek-Wes bied om 19:30 hul biduur aan en Sondag 14 Julie vind hul oggenddiens om 10:00 plaas. Die oggenddiens is ‘n jeugdiens en almal is welkom. Skakel pastoor C. Fredericks vir navrae by 083 745 9117. Jaarvergadering vir Jo Dolphin 11 Julie - Dié organisasie Jo Dolphin Swartland APD wat dagsorg bied aan gestremde persone op Malmesbury, hou hul jaarvergadering om 18:00 in die Wesbank gemeenskapsaal en alle belangstellendes is welkom. Skakel Anita by 022 486 4186 vir meer inligting. Gratis snoei-demonstrasie op Moorreesburg 13 Julie - Dis snoeityd en elke jaar voel jy onseker! Woon die gratis snoei-demonstrasie om 10:00 by in die Moorreesburg Kwekery. Skakel 022 433 3232 vir navrae. Pretrit op veld-motorfietse 13 Julie – Hoërskool Dirkie Uys bied ‘n pretrit aan vir mense op rygoed soos quad bikes en veldmotorfietse oor 60 km. Dit begin om 10:00 op die plaas Klein Swartfontein, nage noeg 4 km vanaf die N7 by die Moorreesburgafrit. Die roete strek oor verskeie plase.Dis ‘n dag vir die hele gesin. Daar sal heerlike eetgoed en drinkgoed te koop wees, soos pannekoek, hotdogs en hamburgers. Almal is welkom. Navraag kan gerig word aan 082 326 7134 of 022-433 2712 of Hanette Groenewald by tershan@pcnetmail.co.za of per e-pos. Kerkdiens op Malmesbury 14 Julie - Die AGS Corpus Christi hou hul kerkdiens om 09:30 met die titel: Die Twee Herlewings. Daar is geen aanddienste tydens die vakansie nie. Skakel pastoor P. Smit vir navrae by 073 447 2902. Droom Piketberg Mooi 15 Julie - Alle besigheidseienaars, inwoners en belangstellendes is welkom om die vergadering “Droom Piketberg Mooi’, by te woon in die raadsaal van die Munispale kantore om 18:00. Vir meer navrae, skakel Georgia by Toerisme (022 913 2063). Matthys Roets op Malmesbury 17 Julie - Dié gewilde sanger tree op by die De Bron-teater. R100pp; Bring eie eet en drinkgoed saam. Skakel 022-4872000 vir kaartjies. Deure open 19:00. Swartland Drankforum vergader 18 Julie - Die Swartland Drankforum se vergadering sal om 14:00 in die Bloues-klubhuis op Malmesbury plaasvind. Die gassprekers is Alan Winde, Wes-Kaapse minister van finansies, ekonomiese ontwikkeling en toerisme, en Thys Giliomee van die Wes-Kaapse drankowerheid. Kontak Johann Kieser by 0835818151 ten einde navraag te rig.
Mandeladag in die Swartland 18 Julie - Bestel Huis Bergsig se gewilde pannekoeke @ R5-00 per pannekoek. Bestel teen 17 Julie by 022 461 2535. Donasies tot 11 Junie, om die mikpunt van R6 700 moontlik te maak. Fondse word gebruik vir mobiele biblioteekrakke en stoepstoele. Mandeladag t.b.v. die SPCA 18 Julie - Ondersteun die Dierebeskermingsvereniging van Darling - bring jou hamer tussen 12:00 en 16:00 en kom help om hondehokke te bou! Alle ander materiaal sal voorsien word. Sandra Prinsloo op Darling 19 Julie - OSKAR en die Pienk Tannie, ‘n veelbekroonde stuk met Sandra Prinsloo, is te sien in die Darling Sportklub om 19:00 teen R100 pp. Skakel Anneline by 082 898 6835 vir meer inligting. Retha McPherson op Moorreesburg 19-21 Julie - Retha McPherson tree op in Moorreesburg se stadsaal. Besoek www.rethamcpherson.com vir nader inligting of rig u navraag aan Ina Lambrechts by 082 434 5447 of betesda@hotmail.co.za per e-pos. Aglow meeting in Malmesbury July 20th - The next Aglow meeting is on Saturday at Malmesbury House of Prayer, commencing at 3 p.m. The speaker is Rita Manshon and everyone is welcome. Refreshments will be served. Phone Elaine Walker (0725906636) for further information. Gratis snoei-demonstrasie op Malmesbury 20 Julie - Dis snoeityd en elke jaar voel jy onseker! Woon die gratis snoei-demonstrasie om 10:00 by in die Malmesbury Kwekery. Skakel 022 4822612 vir navrae. Ma-en-dogter tee 20 Julie – Ma-en-dogter tee in Hoërskool Swartland se skoolsaal om 14:30 vir 15:00. Die gaskunstenaar is Louwtjie Rothman. Kaartjies is by die lede van die Verteenwoordigende Raad van Leerders beskikbaar. Die funksie word aangebied ten bate van “Reach for a Dream.” Kom ondersteun asseblief hierdie mooi geleentheid. Die koste is R80 per persoon.
Samaritaan op M’burg - Ek móés net spring vir ‘n dak Oor baie jare heen versorg Katriena Adams van Moorreesburg die siekes van die omgewing. Reeds vir langer as 18 jaar kry mense wat andersins sonder heenkome sou wees, by haar ‘n dak oor hulle koppe. Toe die stormwind twee weke gelede die dak van hierdie ‘privaat siekeboeg’ van haar afwaai, was sy baie ontsteld: “Eers het ek bly sit voor hierdie bedlêende ‘kind’ van my, want ek was bang hy kry weer ‘n epileptiese aanval van die lawaai van die wind. Gelukkig het hy dit nie oorgekom nie! “Dis maar goed my ‘kind’ wat in die rystoel sit, was nie toe by die huis nie – hoe sou ek nog na hom ook kon kyk?” “Maar toe ek sien die dak is heeltemal afgewaai, het ek al in die rondte gedraai, want my mense kan mos nie só woon nie! Hulle is siek, hulle kan nie sonder ‘n dak oor die kop slaap nie!” Omstanders vertel dat ‘Tant Klaartjie’, soos hulle haar ken, nie tot rus kon kom nie. Sy het daardie selfde middag gesorg dat daar weer ‘n
nuwe dak oor hulle koppe kom. Die splinternuwe dakplate kry nog elke dag sedert daardie stormwind hulle twee weke gelede so skielik getref het, ‘n paar nuwe spykers by om seker te maak so iets gebeur nie weer met haar of haar pasiënte nie. “My hart kry die mense darem te jammer – ek het streng reëls hier, maar ons help mekaar altyd wanneer dit nodig is!” Junie-maand was ‘n besonder moeilike maand vir Katriena – slegs een week nadat sy haar een seun moes begrawe, het die stormwind gekom. Intussen het haar kleindogter, wat ook by haar woon, haar voet ernstig beseer en het een van haar inwoners gesterf. Die oorledene se weduwee woon nog by haar en maak staat op haar ondersteuning. “Ek het vanjaar 70 jaar oud geraak – ek gaan nie nou nog nuwe mense inneem (om te versorg) nie! My pa het my geleer om te sorg vir mense en hy is al 18 jaar dood. Die Here het my nog elke dag bygestaan, maar nou moet ek my werk minder maak!”
Die Kankervereniging van Suid–Afrika bied PSA (Prostaat Spesifiek Antigene)-toetse aan teen ‘n SPESIALE PRYS van R85.00 (kontantbetaling by Drs spreekkamers). Alle mans van die Swartland kan ‘n toets ondergaan gedurende Julie om vas te stel of hulle moontlik prostaat-probleme het. Kansa moedig alle mans aan om dit deel van hul roetine te maak om gereelde selfondersoeke te doen, asook om verdere opsporingstoetse te laat doen en om ‘n gesonde en gebalanseerde leefstyl te handhaaf. Die spesifieke bloedtoets word gedoen om vas te stel of die prostaatklier gesond is en kan dus help met vroeë opsporing van prostaatkanker of abnormaliteite. “Baie mans vermy gereelde selfondersoeke omdat hulle bang is dat hulle hospitaal toe sal gaan of omdat hulle verleë voel om hulle gesondheids kwessies te bespreek. Kansa wil mans deur middel van hul mansgesondheidsveldtog bewus maak van waarskuwingstekens en inlig hoe belangrik dit is om prostaat- en testikulêre kanker vroegtydig op
te spoor. Vroeë opsporing lei tot meer effektiewe behandeling en ‘n groter kans op herstel,” sê Hester Smit van Kansa op Malmesbury. Deelnemende dokters is: Malmesbury: Dr. Lategan/Dr. Van Zyl - 022 482-4788 /Dr. Brits & Vennote - 022 482-1640 / Dr. Fry - 022 486-4355 / Dr. Nell/Dr. Neethling - 022 482-2552 / Dr. Van Niekerk - 022 482-4589 / Dr. Kritzinger - 022 482-113. Riebeek-Wes/Kasteel: Dr. Oosthuizen: 022 461-2517 / Yzerfontein: Dr. Walters - 022 451-2941 • Besoek u naaste spreekkamer/ dokter gedurende Julie. • Maak net eers ‘n afspraak; • Betaal R85 en vul Path lab-vorm in vir die ont leding; • Bloed word gratis getrek deur die dokter of suster; • Uitslag van bloedtoets word deur die spreekkamer behartig; Vir verdere navrae kontak Hester Smit by 022 4821111.
Mansgesondheid in fokus
Talenteaand op Malmesbury 21 Julie - Die AGS Corpus Christi: Almal welkom om te kom deelneem Kontak 073 447 2902 om in te skryf. Almal het talente, kom verheerlik God daarmee. West Coast Bird Club Meeting 24 July - West Coast Bird Club’s July meeting takes place at 18:30 for 19:00, at Windstone Centre on the R45 to Hopefield. The speaker will be Tony Williams whose topic is his work with the several penguin species he encountered on Marion Island. The modest R20 fee covers home-made soup and bread after the talk. Visitors and potential new members are most welcome! More information: Jeannie 082 571 6367 Rugbyklub hou Piekniekdans 26 Julie - Wesbank Rugbyklub hou ‘n ‘Piekniekdans’ om 20;00 met die orkes New Strings Skakel Teen Lategan by 0837457794 of Andre Adams by 0837972858 vir kaartjies. AGS Potjiekoskompetisie 27 Julie - Die AGS Corpus Christi op Malmesbury bied ‘n Potjiekoskompetisie vanaf 8:00 aan. Kontak Susan Smit by 082 214 2511 met u navrae.
Yskas-wenner: Die
wenner van die Pilof-kompetisie wat deur PNA op Malmesbury uitgeloot is, is Zanele Ciycotyelwa van Malmesbury. By haar op die foto is Elizma Japhta van PNA.
nuus•news
7
10 Julie 2013
Vondeling-diere:
Vakansieprogram:
‘n Program vir die toerusting van lewensvaardighede word reg deur die vakansie by St Thomas Primêr op Malmesbury aangebied. Met Daryl Garland, Eddy Williams en Nowida Watson as fasiliteerders en Koinonia & Healing and Welness van die Paarl as diensverskaffers, is die fokus daarop om die jeug bewus te maak van die gevare van dwelms, alkohol en bende-betrokkenheid. Op die vlak van persoonlike ontwikkeling kry konflikhantering, ‘coping skills’, kommunikasie en die ontwikkeling van ‘n goeie selfbeeld ook aandag. Op die foto is ‘n klompie van die leerders wat die program bywoon, saam met die fasiliteerders.
Wenner:
Okkert van der Berg (regs) het in een van die Spar 50ste verjaarsdagviering-kompetisies ‘n Samsung 40cm televisie en tuisteater-sentrum by Malmesbury Superspar gewen.
Troeteldiere, soos hierdie vier Oosterse katte die afgelope week weer op die stoep van die Malmesbury Dierehospitaal, word dikwels tydens vakansies oornag in ‘n hok op die stoep van ‘n veeartspraktyk gelaat. Gelukkig vir dié vierstuks word hulle nou goed versorg: Een van hulle het ‘n veilige heenkome gevind. “Die ander drie sal ‘n veilige huis by diereliefhebbers beslis kan waardeer,” het Dr. John Liebenberg gesê.
8
PROMOSIE•PROMOTION
10 Julie 2013
Beleef die verskeidenheid van Tuinstraat Parkeer jou motor ‘n slag aan die bokant van Tuinstraat op Malmesbury en stap deur dié straat, wat baie meer moontlikhede bied as wat die eerste oogopslag aandui: Aan die bokant is die spreekkamers van Dr. Rudolph Hiemstra, pediater, wat elke Dinsdag daarin slaag om sy spesialisdienste na die mense van die Swartland te bring. Met jare se ondervinding in die mediese versorging van die baba- tot tienerjare, bied sy praktyk sedert verlede jaar aan jong Swartlanders uitstekende mediese sorg sonder om uit die dorp te ry daarvoor. Langsaan bied die praktyk van Sinmarie Pieters opvoedkundige sielkundige-diens van uitstekende gehalte aan elke Swartlandse kind wat moet besluit oor ‘n vak, beroep, hoërskool en toekoms, asook ondersteuning aan ouers en kinders wat bekommerd is oor sekere aspekte van die kind se ontwikkeling. By Kaap Agri Meganisasie kry jy die advies
van kenners oor grondverskuiwing en elke moontlike bekommernis hiermee word blitsvinnig opgelos. Henry’s Blomme is einde Julie een jaar oud. Terwyl Henry Loubser reeds vir 32 jaar die goeie én hartseer blomtye van die mense van Malmesbury deel (sedert 1981 as eienaar van Blommandjie), vertel hy dat hy nou al die trou, doop, voorstel- en verjaardagblomme van die derde generasie van sommige gesinne doen. Intussen leer ken hy die voor- en afkeure van sy kliënte, sodat dit amper later soos familie voel, sê hy. Vir alle matriekafskeidblomme bied Henry’s Blomme 30%-afslag met die toon van die aangehegde advertensie. Riverside Hiring se Geraldine Houston het haar verhuringsplek oorspronklik in haar huis teen die rivier begin ‘met net vyf doeke’. “Omdat die gogga my ordentlik gebyt het, het ek voortgegaan om eetgerei, linne, glas- en silwerware, ysbakke, blombakke, tafelversierings, lang tafels en stoele aan te koop en doen nou voltyds verhurings en die decor van sale vir alle geleenthede, selfs tot in die buurdorpe!” Riverside Hiring bied bekostigbare verskeidenheid en is altyd bereid om nuwe, kreatiewe tendense te beproef. Loer gerus in by Riverside Hiring, waar Geraldine ook trourokke en strooimeisierokke verhuur. Welkom Meubels in Tuinstraat 6 bied reeds vir 7 jaar ‘n baie gewilde geleentheid vir die koop en verkoop van tweedehandse meubels vir die kombuis of die res van die huis. Net langsaan is die groot verskeidenheid tweedehandse klere, boeke, huisware en alle moontlike tweedehandse ware, wat die eienaar, Liz Strydom, reeds vir 5 jaar bedryf. “Met die ekonomie wat deesdae almal knyp, lok Welkom Meubels en Welkom Tweedehandse Ware gereeld kliënte van wyer as net Malmesbury - van my gereelde kliënte kom van dorpe soos Moorreesburg en die Riebeek-Vallei. Ons koop nooit stukkende goed nie en dit wat ons verkoop is altyd ‘n winskoop,” sê Liz. By Jim Green’s Pub raak die besoeker gougou tuis met musiek wat wissel van toeka tot nou, terwyl die eienaar, Andrew, regstaan met kos wat pas by elke geleentheid - of jy nou wil
rugby kyk, ‘n ‘bachelors’ of verjaardag wil vier, of dalk ‘n sakebyeenkoms bywoon. Besoek gerus hierdie pub met sy warm, gemaklike atmosfeer.
Jim Green’s is ‘n gewilde kuierplek.
Welkom Meubels en tweedehandse klere is ou ‘n ou bekende. Hul bure is Henry’s Blomme en Riverside Hiring.
Tuinstraat is ook die tuiste van mediese spsialisste soos opvoedkundige sielkundige Sinmarie Pieterse en pediater Dr. Rudolph Hiemstra.
NUUS • NEWS
9
10 Julie 2013
‘Jy kom armer anderkant uit, maar slimmer’ "Ek het wel ‘n graad in my lewe verwerf – ‘n CSgraad, wat staan vir Common Sense.” Op 82 kyk George Leith van Moorreesburg terug op sy lewe en sê oortuigend: “Ek het baie om voor dankbaar te wees! Ek het baie lesse in my lewe geleer, ek ry nog my eie kar, en ek dank die Here vir hoe dit met my gaan.” Leith het 63 jaar gelede as 20-jarige skrynwerker van Idasvallei (Stellenbosch) na Moorreesburg gekom om die kerktoring van die NG Kerk te help bou. Van dié toring af het hy die dorp leer ken en elke dag die jong Ann na haar werk toe sien stap – en later met haar getrou. Sy het vir 31 jaar by die Samoa-hotel op die dorp gewerk, toe dit nog behoort het aan die Katz-familie. “Ann het die een Katz-seun grootgemaak vandat hy drie dae oud was; sy was ‘n ware regterhand in daardie hotel.” Hy het op Moorreesburg kom 21 word: “Ek is al ‘n ou Moorreesburger!” Soos Leith terugdink, vertel hy van sy lewe as skrynwerker: “Ek het vir Kotzé en Steenkamp gewerk – aanvanklik sou ek vir twee weke vir hulle werk op Tulbagh, toe werk ek 17 jaar vir hulle! “Later het ek my eie besigheid as skrynwerker begin, maar ek het my profyt weggewerk met gaaf wees. Ek het eers later jare by die Katz-fa milie geleer dat ‘n mens in besigheid met jou verstand dink en werk – nie met jou hart nie. “Jy kom armer anderkant uit, maar slimmer!” Nadat hy vir jare lank ‘te gaaf’ was, het hy vir 13 of 14 jaar die Samoa-hotel bestuur. Intussen het hy en Ann die ouers van een seun en ‘n dogter geraak. Beide het gaan leer vir onderwysers. “My dogter gee nou skool in Knysna. Maar my seun, wat ‘n fikse jong LO-onderwyser in die Kaap was, is skielik aan sy hart dood op 46. Hy was nie net my seun nie; hy was my ‘pal’. Terwyl Leith met houtwerk besig was, het hy as gemeenskapsmens ook sy kant gebring: “Op Moorreesburg het ek altyd met sport te doen gehad: Ek was so half haastig; het altyd senter en vleuel gespeel. Leith was die kaptein van die Swallows-klub toe hulle die puntebeker vir 1958 tot 1964 gewen het. Ek en my groot mond het gemaak dat ek ge-reeld afgevaardig is vir unie- en federasie-vergaderings. Ek was vir 10 jaar aaneenlopend die voorsitter van die Swartland rugby-unie, wat geaffilieer was
George Leith van Moorreesburg met SARU. Later was ek die sameroeper van die keurkomitee en ook die bestuurder van die SA Rugby Football Federation. “Hier het ek skouers geskuur met Abe Williams (later parlementslid), John Noble, Attie Lategan, Errol Tobias en Dougie Dyers (kaptein van die Protea-span wat teen die Britse Leeus gespeel het). Later het Leith sy Federasie-bestuurdersbaad
jie vir iemand weggegee, maar “ek het nog hande vol sertifikate van daardie dae”. Leith was ‘n stigterslid van die Perseverance Rugbyklub in 1970 en in 1999 is dié klub saam met die Swallows opgeneem in die Samoa-rugbyklub. “Samoa was oorspronklik die afkorting vir die SA Milling Company (Samco), maar iewers het die mense verkeerd gelees en dit as Samoa begin uitspreek – en só vasgesteek.
Deesdae staan die rugbyklub bekend as die Moorreesburg Rugbyklub. Leith onthou die dae toe elke Swartlandse dorp sy eie burgemeester en eie raad gehad het: “Ek was ‘n raadslid vir die ou bedeling, op die bestuurskomitee. Later was ek voorsitter van die bestuurskomitee én van die sportbeheerraad. “Op ‘n stadium het ek vir die burgemeester van daardie tyd, Coenie de Jongh, vertel dat ons ongelukkig is met hoe die stads raad reageer op ons notules, want geen van ons aanbevelings of versoeke het aandag gekry nie. “Net daar word ek toe die skakelpersoon tussen die bestuurskomitee en die stads raad – in die apartheidtyd dien ek toe op die stadsraad! In dié hoedanigheid, vertel Leith, het hy ‘n instrumentele rol gespeel in die daarstel van die daghospitaal, in die oordra van die oorspronklike International-hotel na die outehuis (Huis Immanuel) wat deur die ACVV bestuur word, asook die bou van die gemeenskapsaal by die rugbyveld. “Wellington wou hulle pawiljoen verkoop en ons het dit oorgekoop.” Nou, as afgetredenes, woon George en Ann op ‘n plaas in ‘n ruim huis wat hy met sy skrynwerkershande gesellig ingerig
het. “Ek hou my besig met allerhande werkies by my huis; ek het nie 12 duime nie!” Intussen is hy lief vir musiek, sing hy graag –“Ek en my familie het graag en gereeld in Idasvallei gesing, by elke moontlike geleentheid.” As ek so terugkyk, besef ek dat ek wel ‘n graad in my lewe verwerf het – ‘n CS-graad, wat staan vir Common Sense.”
10
dienste• services 10 Julie 2013
Dansers: Oudtshoorn was einde Junie die gasheer vir die Fedansa Wes-Kaap Latynse en baldanskampioenskapstoernooi. Ceaghan Goliath van Malmesbury se dansskool het soos volg presteer: Instrukteur lei deur voorbeeld: Voor is Ashman Maarman (2de), Curtley Felix (1ste), Nicole Williams (2de), Eldricks Loubser (1ste en 3de plekke), Tarah (1ste) en Brigitte Buys (1ste), Michaela Timotheus (2de) en Melanie Oosterwyk (2de). Agter is Junaith Swarts (2de) en Malcolm Goliath (3de). Ceaghan Goliath (met trofee) was eerste. ONDER: Malcolm Goliath en Jaycee Hoogbaard (3de Junior 2/Level 3); Eldricks Loubser en Meuran Dyason (1ste Junior 2/Level 3) en Jude Johnson en Miscke Barlow (2de Junior 2/Level 3).
Skouspring:
Elizma Schoeman (HSS) het met Slew Per Charge 1ste gekom in die 80 cm-spoedklas en 2de in die 80 cm-klas. Johan du Toit (HSP) met Tusanko Witko: 2de plek die 80 cm-spoedklas en Lara Coetzee (HDU) met Automatic Account ‘n 2de plek in die 90 cm-kompetisie. klas en ‘n derde plek in die 90 cm - spoedklas behaal.
Uitslae/Results:
Malmesbury Gholfklub
Martel van Lill is die wenner van die Boland Junior Ope wat op Langebaan gespeel is. Die 14-jarige Martel, ‘n 10-voorgee B-afdeling speler, het die hele veld met ‘n ronde van 72 bruto geklop. Die tweede ronde van die Malmesbury teen Moorreesburg “Clash of Titans” 30 man span gholf word op 24 Augustus in Malmesbury gespeel. Nou Woensdag is die ROLA Sundowner en Vrydag , die Malmesbury Gholfklub Hoender Sundowner. Die meeste eerste rondes van die klub se enkelputjiespel kampioenskappe is verlede Sater-dag afgehandel. Die volgende ronde moet teen 20 Julie afgehandel word. Sondag se beplande PRO-AM het uitgereën. Weeklikse Sundowner Enkel Stableford 1. Faffa Pieters; 2. Donovan Visser; 3. Craig Petersen; 4. Kobus Lambrechts; 5. Aldrin Soudien 6. George Prinsloo Vrydag Sundowner Enkel Stableford 1. Eben Lingeveldt; 2. George Prinsloo 3. W. van Dyk; 4. Tony Goosen; 5. Donato Stelluto Enkel Stableford 1. K. Parnell; 2. T. Esterhuizen; 3. W. van Tonder 4. J. Ackerman; 5. P. Willemse; 6. S. Conrad 7. N. Januarie; 8. L. Stubbs
Malmesbury Posduifklub
Beaufort wes Jaaroud uitslag 1 F Meintjes En Seuns 1214.1937; 2 J Steenkamp 1204.1534; 3 C Basson 1178.9196; 4 G Williams 1166.5703; 5 J Steenkamp 1142.8683; 6 F Meintjes En Seuns 1136.7753; 7 F Meintjes En Seuns 1136.7189; 8 E Kotze 1125.7655; 9 C Basson 1122.9288; 10 G Horn 1101.1097 Beaufort Wes Ope Uitslag 1 F Meintjes En Seuns 1188.2059; 2 G Horn 1178.3170; 3 J Steenkamp 1173.2208; 4 J Steenkamp 1162.9847; 5 C Basson 1154.2044; 6 G Williams 1135.7145; 7 J Steenkamp 1133.1528; 8 C Basson 1132.0093; 9 C Basson 1129.7810; 10 J Steenkamp 1127.2472
Moorreesburg Posduifklub
Beaufort Wes Jaaroud Uitslag 1 Hmo Smit En Seun 1086.1639; 2 Frans Jooste 1079.6982; 3 P De La Qeurra 1062.3708; 4 Israel Saunders & Fam 1023.5622; 5 Frans Jooste 1017.3281 6 Yt & Tuis 1016.4849; 7 Hmo Smit En Seun 993.1331; 8 Frikkie En Johan 983.9358; 9 Yt & Tuis 948.2924; 10 Kb Huister En Seun 938.2908 Beaufort Wes Ope Uitslag 1 Hmo Smit En Seun 1096.5666; 2 Hmo Smit En Seun 1078.0440; 3 Kb Huister En Seun 1035.6945; 4 Hmo Smit En Seun 1035.3279; 5 Hmo Smit En Seun 1035.2338; 6 Frans Jooste 1034.8642; 7 Israel Saunders & Fam 1030.8581; 8 Frans Jooste 1022.1266; 9 Frans Jooste 1016.4646; 10 Frans Jooste 982.2387
Om die sport-uitslae te borg, skakel ons by 022 487 3221
11
kleintjies•smalls 10 Julie 2013
Gesoek Wanted AANDAG! Welkom Meubels soek goeie 2de handse bruikbare meubels. Beddens, kaste, yskaste, sitkamerstelle, ens. Ook op soek na: Kombuisware, bv. breekware, ornamente, potte, panne, beddegoed, gordyne, asook mans en vroue winterskoene. Kom besoek ons gerus in Tuinstraat 6, oor kant Cash Crusaders. Kontak 022 487 1547 of 082 851 0915.
Dienste Services
GEKWALIFISEERDE diesel/petrol werktuigkundige. Vir enige nutswerk, skrynwerk, loodgieterwerk, elektriese probleme asook sweiswerk. Kontak Neels 076 124 7576. ----------------------------HUIS PALEIS MEUBELS - Verskaffer van alle Truform en Cloud Nine beddens en matrasse, asook alle parte vir huishoudelike toebehore. Skakel 022 482 2100. ----------------------------JK SKOONMAAKDIENS. Jou alles in een tuindienste. Sny van grasperke en rante, snoei van bome en struike, skoonmaak van beddings, uitleg van tuine, verkoop en lê van gras en verwydering van vullis. Kontak Jaco vir gratis kwotasies by 083 227 5937. ----------------------------KONTANTLENINGS vir maandelikse persone. Persone op swartlys ook welkom. 074 114 2554. ----------------------------MELIETA’S KITCHEN-Daagliks vars gebak: Soet & Sout Platters/Dosyne. Geleentheidskoeke, kaaskoeke en terte, asook heerlike kosse vir enige geleentheid. www. melieta’skitchen. co.za. 082 589 1785/082 492 4485. ----------------------------NAMIBIESE Kudu Biltong @ R195 p/
kg. Droëwors @ R175 p/kg. Ideaal vir geskenke. Kontak Jaques 073 294 3343. Malmesbury aflewe rings ingesluit. ----------------------------TOP CARPETS en Blinds, Teëls, matte, laminering, vinyl vloere, blindings en hersteldiens. Gratis kwotasies en professionele diens. Skakel 022 482 2100. ----------------------------YSKASTE HERSTEL: Ons verkoop ook tweedehandse kaste met waarborg. New Freeze, Kerkstraat 18, Moorreesburg. 022 433 3831 of 083 651 5547 of 082 573 1589. ----------------------------NEGOSIKAS: Op die hoek van Hill- en Vredestraat. Soek en verkoop gister en eer gister se ware, veral wit linne en porselein asook alles wat interessant en oud is. Skakel Tannie Juna: 022 487 2601.
Te Huur To Let BACHELORS Woonstel te huur in Malmesbury. Sentraal geleë @ R1800 per maand met koopkrag ekstra. Onmidellik beskikbaar. Kontak 082 325 9330. -----------------------------
Vehicles Voertuie
VOERTUIE TE KOOP AANDAG, ALLE KLIëNTE! Alleenlik kontant. Voertuie dringend gesoek. Ek betaal kontant vir enige voertuig of bakkie en doen ook bankaflosse. Kontak 083 464 6960. -----------------------------
Betrekkings Vacancy
KELNERS gesoek vir plaaslike restaurant. Ervaring noodsaaklik. Faks CV en afskrif van ID na: 086 621 6858. -----------------------------
Geluk Congrats
RAAI WIE WORD 1!! Veels geluk met jou verjaarsdag Nashwill Pietersen. Van Oumas, Pa, Ma, Antie, Uncles en jou sustertjie. ------------------------------
Te Koop For Sale
BABABENODIGDHEDE- Baba-eetstoeltjie @ R150, snug & safe @ R200, camping cot @ R200 en loopring @ R150. Kontak Cornelle - 082 927 6514. ----------------------------BESIGHEID TE KOOP. Malmesbury. Mobiele eenheid/”take aways” met toerusting. Goeie ligging, nywerheidsgebied. R30 000.00 plus voorraad. Uitstekende werker-ten volle operasioneel.Kontak Chrissie 083 483 8789. ----------------------------BLACKBERRY Curve te koop. Kontak 081 541 3234.
Susara Rautenbach van Malmesbury, alom bekend as Tannie Rautenbach of Tannie Bach: Geluk aan ons Ma, Ouma en Oumagrootjie wat vandag ‘n volle 90 jaar oud is. Ons bewonder ‘n ma en ouma wat nooit gaan lê nie – altyd positief. XX Joppie, Suzie en familie.
Raak ontslae van jou wit olifante en adverteer dit in ons kleintjies. 022 487 3221
courant
die
SPORT
tel 022 487 3221
10 Julie 2013
Roeiers spook sake uit op die Berg
Die 52ste Bergrivier-kanomarathon skop vanoggend in die Paarl af en sluit vanmiddag sy eerste skof af ná 62,1 km af by Sonkwasdrif, noord van Riebeek-Wes. Dié gewilde roete strek hiervandaan deur die Swartland, waar dit eers onderdeur die Gouden Spoorwegbrug kronkel voor dit aan die einde van die tweede skof (45,7km) by die Bridgetownkampterrein eindig. Die eerste roeiers daag reeds van 11:00 af hier op. Dag drie strek oor 74,8km en eindig by Zoutkloof, naby die Bergrivierstasie en Kersefontein. Dié uitdagende roete loop verby onder meer die Misverstanddam en skilderagtige Klub Elani. Die
laaste skof is 58,7 km lank en eindig Saterdag by die Velddrifbrug. Alle oë is vanjaar op dié marathon, nadat die wenner van die afgelope agt marathons, Hank McGregor, nie vanjaar hier deelneem nie. McGregor het ook ‘n negende keer, in 2000, die marathon gewen. Hoewel verskeie buitelandse roeiers en van Suid-Afrika se bestes vanjaar hier deelneem, is die pad na die eindstreep toe een wat nie voorspel kan word nie. Net die tyd, en die 243 kmroete met al sy uitdagings, sal die groot vraag oor wie vanjaar se wenner sal wees, kan beantwoord. Lees www.berg.co.za vir meer inligting.
SA-hokkie:
Lida Kotzé, oud-leerder van die Laerskool Swartland op Malmesbury, is die naweek tot die o.16 SA-hokkiespan verkies. Sy was ook die kaptein van die o.16-Bolandspan. Altesame 18 meisies is na afloop van die o.16-interprovinsiale hokkietoernooi in ’n toernooispan opgeneem. Daar sal dié komende week by die o.18-meisiestoernooi nog 18 spelers tot ’n toernooispan verkies word. Die 36 spelers sal na verwagting teen Augustus reeds op hul eerste oefenkamp gaan. Die afrigter, Patrick Tshutshani, is in die proses om ’n span van 10 spelers vir die Olimpiese Jeugspele saam te stel. Dié span sal in Februarie in Zambië vir die Spele moet kwalifiseer.
DUIKSLAG: Die span van Never De-
spair het Saterdag op hul tuisbodem teen die span van Langebaan te staan gekom en hulle oortuigend met 48-8 geklop. Dillon Strydom (bo en regs) het met ‘n oorwinningsduik agter die pale gekuier. Bo word hy ondersteun deur Dennis Phillips. Die span sal Saterdag teen Hillcrest op Wellington kragte meet. Foto’s: David Howburg
Groot name ding mee in derde wintertoernooi Hoërskool Swartland op Malmesbury se wintertoernooi vir rugby en netbal vind môre en Saterdag vir die derde jaar op die terrein van dié skool plaas. Ongeveer 14 skole, van wie twee uit Brittan-
Spiesgooi:
Robert Oosthuizen van Malmesbury, wat tans as lid van die SA Studentespan aan die 27ste Somerstudentespele in Kazan, Rusland, deelneem, het Maandag sy afdeling gewen met ‘n afstand van 76,48m. Hy neem vanaand aan die finale kompetisie deel om 17:55 Suid-Afrikaanse tyd. Hierdie Spele is net op internet te sien: Kliek in op www.worldstudentgames/kazan/ results om na sy gooie te kyk.
je kom, speel daagliks agt rugbywedstryde terwyl vyf skole sake uitspook op die netbalbane. Rugby- en netbalwedstryde begin Donderdag om 9:00 en duur tot 18:30, terwyl die Saterdagwedstryde van 8:30 tot 18:00 duur.
so many Ways To
PLUs EaRn PoInTs
get more for your money
Langebaan, malmesbury, Vredenburg & Wellington
7999
Vat 69 Whisky 750ml
7999
Wellington VO Brandewyn 750ml
6995
Iceberg Rum 750ml
2399
2999
Sedgwick’s Old Brown 750ml
Chateau Libertas 750ml
15499 Per kas
Windhoek Lager Nie-inruilbare Bottels of Blikke 24 x 330ml
most Trusted Retailer 2012
most Reputable Retailer 2013
PrICeS VALID 11 - 14 JuLy 2013 aT PIck n Pay LIqUoR LanGEBaan, maLmEsBURy, VREDEnBURG & WELLInGTon onLy (noT foR saLE on sUnDays aT maLmEsBURy oR WELLInGTon LIqUoR)
Pick n Pay endeavours to meet the demand for these promotional items, but stocks are limited. Please check availability: 0800 11 22 88 (toll free landline only. Cell phone rates apply). We strive to ensure all printed information is correct, but will not be liable for any print errors that may occur. Advertised prices are inclusive of VAT where applicable. We reserve the right to limit quantities. smart shopper terms and conditions apply. Certain products are excluded from the smart shopper programme, please see in store or go online for more details.
Alcohol Not for Sale to Persons Under the Age of 18. Drink Responsibly. 10405M_E