courant swartland en weskus Uitgawe 226
die
Bekroon: Nommer 1-Streekkoerant
tel: 022 487 3221
12 Junie 2013
hugenotestraat 24, malmesbury
Bergrivier kan nou R35 miljoen vorder - Grondwethof
Huis kry nuwe intrekkers
Die skuins gebou tussen Dorp- en Amandelrugstraat op Malmesbury, trek deesdae die oog van bewaringsbewustes. Gebou in die laat 1800’s (sover vasgestel kon word) en bekend as ‘die perdestal’, kan dit voortaan as ‘n toerisme-aantreklikheid ingespan word mits onderhandelings tussen die Swartland Munisipaliteit (SM) en die toerisme-vereniging slaag. Die gebou is die eiendom van die SM en lê teen die roete wat oorspronklik deel sou uitmaak van die rivierpad wat sedert verlede jaar van die baan is ten gunste van die Weskus-kollege en toerisme-ontwikkeling in dié area. Volgens Linza Louw, voorsitter van Malmesbury Toerisme, werk die Toerismevereniging nou aan ‘n sakeplan wat aan die SM voorgelê gaan word. “Ons wil dié gebou innoverend inspan - dalk plaaslike wyn en plaaslike produkte hier verkoop en ‘n maandelikse kunsmark hou”. Skakel die toerismekantoor by 022 487 1133 indien u meer weet van dié gebou.
32 Bokomo Road Malmesbury
Tel: 022 482 1412/4
www.biworx.net
Die ou “perdestal” op Malmesbury kan voortaan as ‘n toerismeaantreklikheid ingespan word. LINKS: Die pleisterwerk binne die gebou wat al afgeskilfer het, wys die vakmanskap van die era waarin dit gebou is.
•Doen basiese goed in jou besigheid reg
Opsies vir SSK vs Mall
Die agteruitgang van ‘n dorp se sakekern (SSK) ná die bou van ‘n groot winkelsentrum is ‘n wêreldwye verskynsel. Ná die provinsiale goedkeuring van ‘n streekwinkelsentrum in Malmesbury onlangs, het die courant gaan navrae doen oor idees om lewe in die middedorp te behou. “Die goedkeuring is pas gegee en baie dinge moet nog gebeur voordat die Mall gebou word,” sê André Mouton van die maatskappy wat ses Wes-Kaapse winkelsentrums (waaronder die De Bronsentrum in Malmesbury) bestuur. “Sakelui moet kalm bly. Daar is geen kitsantwoorde nie. Die belangrikste om te onthou, is dat daar beslis kompetisie op pad is. Daarom moet élke huidige eienaar die ‘back to basics’-ding doen. Gaan maak weer seker dat jy kwaliteitdiens en -produkte lewer met netjiese, skoon fasiliteite en behulpsame en goed opgeleide personeel. Wanneer die sentrum dan kom, kan diegene wat in die historiese deel agterbly, seker maak dat dit steeds ‘n aangename ondervinding bly om daar sake te doen,” het hy bygevoeg. “Eintlik is ons al die laaste drie tot vier jaar besig om die sakekern op te bou,” sê die burgemeester van die Swartland Munisipaliteit (SM), Tijmen van Essen. “As ons kyk na die WeskusKollege, die beoogde toerisme-fokus in Riebeek-
straat en rondom die rivier-oewer, die betreklik nuwe Prima-sentrum onder in die dorp én die beoogde ontwikkelings rondom Spar, lyk dit vir my ons is op die regte pad om die tradisionele sakekern te beskerm. “In wese kan die SM nie voorskryf watter besighede moet waar opgaan of wie moet dit besit nie. By die SM wil ons die omgewing regkry waarbinne sakelui hul besighede kan vestig, maar ons kan nie te voorskriftelik wees oor wie die nuwe eienaars van geboue kan wees nie.” Van Essen sê eienaars van geboue moet self die oordeel aan die dag lê wanneer sake beklink word: “Uiteindelik lê die vraag daarin of die sakeman ook wil help om die dorp te beskerm – dis onsself wat onsself en dit wat ons eie is, moet beskerm. Verder kan ek nie sien dat daar binne die volgende twee jaar ‘n graaf in die grond gesteek sal word vir die Mall nie.” Erik Louw, die voorsitter van die Malmesbury Sakekamer, het voorgestel dat die projek se fases ‘n bietjie geskommel word: “In plaas daarvan om die Mall en winkels eerste te bou, kan ons (die Sakekamer) in gesprek tree met die ontwikkelaar en hulle probeer oortuig om eers meer voete in die dorp te kry met byvoorbeeld nog groepbehuising en dalk die privaathospitaal. Sodra daar dan
meer voete op die dorp is, is die behoefte aan winkels mos groter as wanneer dit gebou word voor Malmesbury meer inwoners kry.” Patrys Bester (ondervoorsitter van die Sa kekamer) het gesê hy hoop elke besigheidsman, die munisipaliteit en die gemeenskap sal saamwerk om dié groei en ontwikkelings te bestuur. “Ons het nog tyd om seker te maak die middedorp word beskerm teen agteruitgang. As die ontwikkeling in fases kan kom, soos die voete/ klante meer raak, sien ek meer kans hiervoor.” Mouton het gesê hoewel sterkter nasionale huurders bes moontlik na die nuwe sentrum toe sal skuif, “is die huidige ekonomiese klimaat een ernstige faktor wat die pas sal aangee. Verder sal die huurkoste in dié sentrum aansienlik duurder wees as in die sakekern. Dit speel ook ‘n groot rol om besighede in die sakekern te behou.” Stuartt Pringle, raadslid vir Somerset-Wes, is betrokke by die herstel van die middedorp dáár: “Alle rolspelers het in 2008 vergader om te besin oor die gesamentlike visie vir die middedorp, om haakplekke soos taxi-staanplekke en sekuriteit te identifiseer en toerisme te bevorder. Met ‘n gesamentlike ontwerp in gedagte, kán ‘n nuwe, mooier sakekern in die historiese deel gevorm word - moet nooit moed opgee nie!”
info@biworx.net
2
WENNERS
Die wenners van ons Vadersdagkompetisie in samewerking met borge (Sabino Canyon Spur, Druiwetros, Riebeek Wynkelder, ZanRo Day Spa, Swartland Wynkelder en Debonairs Malmesbury) is Benjamin Kruger (Abbotsdale), Tashneem Jaffaer (Wesbank), Winnen Loubser (Malmesbury), Eben von Waltsleben (Malmesbury), Gerhard Horn (Malmesbury) en Elias Liedeman (Abbotsdale). Ons sal wenners skakel om pryse af te haal.
NUUS•News 12 Junie 2013
•voorkomende projekte
Spoedkameras kry nuwe lewe Swartlandse motoriste wat die laaste maande redelik gerus geraak het weens onaktiewe spoedkameras, moet maar lig loop (ry), want met die verstryking van die vorige diensverskaffer se termyn, word strenger maatreëls verwag wanneer die nuwe kontrakteur (Syntell), die leisels die volgende drie jaar oorneem. Só het Phillip Humphreys (Swartland Muni-
STEEL
CONSTRUCTIONS Cell: 082 345 6906 www.steelconstructions.net
sipaliteit se direkteur van beskermingsdienste) gereageer op navrae oor die uithaal van spoedkameras in Swartlandse dorpe. “Die twee vaste punte vir Malmesbury en een vir die Riebeek-Vallei, word gekombineer met drie mobiele kameras. Dié drie word geplaas op plekke soos goedgekeur deur die openbare vervolger en dek op ‘n rotasie-basis die hele Swartland. Ons padgebruikers moet asb onthou dit gaan nie vir ons oor die maak van geld nie, maar oor veilige motoriste en veilige padgebruik.” Humphreys het aangedui dat padblokkades ook nog soos in die verlede gehou sal word. Die betaal van boetes “Met die nuwe stelsel onder Syntell, sal die betaling van boetes met ‘n oortredingsdatum vanaf 1 Julie baie vergemaklik word,” het Humphreys aangedui. Hy het gesê dat boetes by elke munisipale betaalpunt, waar rekeninge betaal word, betaalbaar sal wees. “Dit beteken dat boetes met ‘n datum ná 1 Julie betaal kan word op Yzerfontein, Darling, Riebeek-Wes, -Kasteel en Moorreesburg. Alle oortredings wat voor 30 Junie begaan is, kan steeds net by die verkeersdepartement betaal word.“ Munisipale Polisie: Struktuur vanaf 1 Julie Die Munisipale Polisie, soos die Swartlanders dit sedert 2005 ken, word vanaf 1 Julie afgeskaal. “Dit behels dat dié diens nié meer polisie-verwante klagte soos aanrandings, huismoles en oproerige gedrag gaan hanteer nie. Ons gaan ook nie meer ‘n 24-uur diens aanbied nie,” aldus Humphreys. Hoewel die Munisipale Polisie oorspronklik as ‘n ‘pilot’-aksie op Malmesbury begin is, het die huidige koste van R15,9 miljoen per jaar heeltemal te duur geraak vir die SM, daarom dat dit nou afgeskaal sal moet word. “Dié afskaling geskied reeds vir die laaste jaar op ‘n natuurlike manier, deur nie vakante poste te adverteer of te vul nie. Geen poste sal deur afdankings verminder word nie, het Humphreys verseker. “Ons gaan niks snaaks doen nie, ons gaan dit bloot doen soos die res van die provinsie se B-munisipaliteite dit doen,” verklaar Humphreys oor die afskaling van die polisiediens vanaf 30 Junie. “Vanaf 1 Julie sal ons fokus op bywette soos verkeersoortredings, wat spoed, parkering en bestuur met die selfoon teen die oor insluit,” het Humphreys gesê. “Aanvanklik sal ons eers voorkomende en informatiewe bewusmaking doen. Dit sal voetpatrollies insluit, waar ons sal omsien na sake soos bedelbriewe, te veel honde per erf (maksimum twee per erf), onwettige bouwerk en misdaadvoorkoming. Aanvanklik sal ons eers net waarsku, maar ons kan ook nie 100 maal waarsku nie!” “Mense kan ons steeds bel by 022 487 9411 tydens die volgende ure: Weeksdae van 7:00 tot 23:00; Saterdae van 7:00 tot 17:00 en Sondae van 10:00 tot 19:00. ‘‘Alle Swartlandse dorpe sal steeds volgens ‘n skof-stelsel gedek word. “Ons bly steeds toegewyde verkeersmanne en toegewyde wetstoepassers!,’’ het Humphreys die publiek verseker. Wat word van die polisiehonde? Volgens ‘n besluit wat pas deur die uitvoerende burgemeesterskomitee geneem is, sal die drie honde wat by Malmesbury se munisipale polisiediens gewerk het, aan die stad Kaapstad oorhandig word. Dié besluit moet nog deur die stad Kaapstad aanvaar word, dus is daar nog geen datum vir hierdie oorhandiging bekend gemaak nie. Die drie honde, genaamd Mo, Scooby en Zeus en hul hanteerders, konstabels Pienaar en Boois, se paaie sal dus binnekort skei. Werk voorkomend: Kol. Nilsson, stasiebevelvoerder van die Malmesbury SAPD beoog ‘n deur-tot-deur-projek waar evangelisasie gedoen gaan word deur verskeie kerke. ‘n Koördineerder van elke kerk word aangewys om vrywilligers te werf vir die evangelisasieprojek wat van deur-tot-deur werk in die dorp. Strate sal aan elke kerk toegewys word, met gereelde terugvoer aan die SAPD. Koördineerders vergader elke Vrydag om 08:00 by die SAPD Malmesbury vir terugvoer en reëlings rondom die projek. Skakel me C Hunlun vir meer inligting by 0224827513/00.
3
NUUS•News 12 Junie 2013
Projek: Komberse @ Koue By die ACVV op Moorreesburg is komberse teen die winterkoue ingesamel - ‘n gesamentlike projek van die courant en ACVVtakke in die Swartland. Lesers kan komberse by enige van die ACVV-takke in die Swartland aflewer, of by die courant op Mal mesbury. Op die foto is Anita Steyn en Cornel Nel gister op besoek aan die ACVV Dienssentrum van Koringberg, waar voorkomende lesings en opvoedkundige lesings aangebied is. Die klub Tiger Muay Thai het as welsynsinisiatief 46 komberse aan die ACVV van Malmesbury geskenk. Van links is Maggie Goliath, Eva September, Paul Terblanche van die klub, Louisa Sass, Maria Willemse, Elaine Goliath, Mavy Smit en Uta Francis van die Malmesbury ACVV.
•Kan nou R35 milj vorder
Hofuitspraak stu Bergrivier M se geld Die uitspraak van die Grondwetlike Hof (GH) ten gunste van die Bergrivier-munisipaliteit behoort ‘n finansiële inspuiting van meer as R35 miljoen vir die plaaslike owerheid mee te bring. Boere wat die afgelope agt jaar in ‘n hofgeding met die Bergrivier-munisipaliteit was, moet onverwyld hul skuld betaal ná die GH se meerheidsuitspraak hieroor die afgelope Vrydag. Die hofgeding het gehandel oor die betaling van belasting en dienstegeld. Meer as R35 miljoen is weens die hofgeding teruggehou deur belastingbetalers, wat nou die skuld moet vereffen. Luidens ‘n omsendskrywe van adv. Hanlie Linde, munisipale bestuurder van die Bergrivier Munisipaliteit, aan personeel en wat sy ook aan die courant beskikbaar gestel het, is dit ‘’net ‘n klein groepie uit die landbousektor wat in 2001 opgehou het om hul belastings te betaal.’’ ‘’Die munisipaliteit het hulle landdroshof toe geneem en daar is besluit dat die landdroshof nie jurisdiksie het nie en dat ons hooggeregshof toe sou aansoek doen. In die hooggeregshof het die munisipaliteit die saak verloor. Toe het ons geappelleer na die appèlhof en daar die saak gewen. Die landbouers het toe aansoek gedoen by die GH om reg tot appèl. Hierdie reg tot appèl is toegestaan en die GH het hul appèl aangehoor en die appèl van die hand gewys. Die GH het bevind dat die foute wat die munisipaliteit in die prosesse in die jare 2001–2005 gemaak het, nie substansiële foute was wat die doel van die proses benadeel het nie. Verder dat ons prosesse in
jare 2006–2009 100% reg was. ‘’Dit beteken die groepie landbouers moet nou die geld wat hulle aan die munisipaliteit skuld, onverwyld betaal. Die normale regsprosesse vir skuldinvordering sal gebruik word en is reeds vandag begin.’’ In die uitspraak het sewe regters van die GH in die Bergrivier-munisipaliteit se guns beslis, terwyl ‘n minderheid regters beslis het in die boere se guns. Linde het aan die courant gesê daar was aanvanklik 94 boere by die hofgeding teen die munisipaliteit betrokke, maar hulle het teen die einde tot nagenoeg 34 gedaal. Linde het benadruk dat sy deurgaans ‘n goeie verhouding met al die betrokkenes gehandhaaf het. Die boere moes kragtens ‘n hofbevel al die regskoste tot by die appelhof betaal, maar die GH het beslis dat die meeste van die regskoste deur die boere, maar sekere ook deur die munisipaliteit betaal moet word. Die regskoste beloop miljoene rand. Die groep boere in die hofgeding staan onder leiding van Callie Liebenberg en skuld nagenoeg R1,1 miljoen, plus rente. Dan is daar ‘n tweede groep boere wat buite die hofgeding gebly het, maar ook ophou betaal het hangende die uitspraak. Hul skuld beloop nagenoeg R5,7 miljoen, plus rente. Dan is daar ‘n derde groep mense uit ander sektore, onder wie inwoners van dorpe, wat R30 miljoen, plus rente, agterstallig is.
menings•opinion
courant
12 Junie 2013
die
4
If you can’t beat them... Op Piketberg het pas ‘n splinternuwe sentrum verrys wat ‘n BAIE groot inspuiting vir dié dorp se sakekern is. In teenstelling daarmee het die groen lig vir ‘n streeksentrum langs die N7 aan die noordekant van Malmesbury dié dorp se sakelui aan die praat. Om op die dak te gaan staan (veral as jou bure se dak nie in elk geval hoër is nie), is waarskynlik nie die antwoord nie. Dit neem tyd en energie wat elders met meer vrug aangewend kon word. Of die sentrum nou goed of sleg is en hoe dit jou besigheid raak, kan deur baie faktore bepaal word. Maar met ‘n klomp eksterne faktore elke dag in elkeen van ons se lewe waaraan ons bitter min kan doen (veral as jy nie op die regte plekke ingegrawe is nie), konsentreer eerder op en verander dit wat jy kan verander. Een opsie is om te probeer affilieer (op welke manier ook al) by die groot vyand (ás dit die vyand is). ‘n Ander opsie is om eenvoudig ALLES in te sit en selfs vir Goliat ‘n klip of twee te wys. Daar is ALTYD iets wat die ánder nie so goed soos jy kan doen nie. Gebruik dít wat jy die beste doen en gaan groot daarmee. Intussen kan dit seker nie skade doen om betrokke te raak by visies en aksies om jou dorp se sakekern te beskerm nie. Belangrik om op ‘n positiewe manier saam te werk. Om die berg as hindernis te probeer afbreek, is dom. Vind die maklikste weg bo-oor.
Sneeu op bergpieke:
Sneeu, soos dié tussen Porterville en Gouda, het die winter ingelui en yskoue weer oor die Swartland gebring. Die goeie reënval wat reeds aangeteken is, word opgevolg met reën wat weer vir die streek voorspel word na die naweek toe.
Ek is lief vir Pappa omdat...
die huis. Hy werk baie, baie hard op die plaas. My Pappa boer baie hard. Pappa speel lekker saam met my.
* Hy lief is vir my! Hy bederf my baie vir my. Hy is ook baie sterk en beskerm ons. Pappa het baie meer geduld as Mamma!! Hy is liefdevol. Pappa werk baie hard om genoeg geld te kry vir dit wat nodig is. Pappa is baie spesiaal. Van Michele (Ek is agt jaar oud.)
It’s Good News
dr. Marc Blackwell Snr.
NO JOY? - Walk with Him
Have you ever withdrawn yourself for the Lord? Ok, well maybe not from Him but from “walking with Him”? Maybe that is where you are right now? John 6:66-69: As a result of this many of His disciples withdrew, and were not walking with Him anymore. (67) Jesus said therefore to the twelve, you do not want to go away also, do you? (68) Simon Peter answered Him, “Lord, to whom shall we go? You have words of eternal life. (69) And we have believed and have come to know that you are the Holy One of God.” The idea of “walking with” the Lord refers to many different things. Maybe you have just become to busy? Too busy to pray? Too busy to read the Bible? Too busy to attend church? Too busy to include others - even your children - in any meaningful discussions about eternal life? But if you have “believed and have come to know that you are the Holy One of God.” Then, “...to whom shall you go?” Now is the most reasonable time to return to Him - to your Lord. Why would you want to ‘walk’ through this world without Him? Surely, you can worship God without seeing Him and for those who wait until they “see Him” - they will miss the opportunity and command to believe in Him. Rather walk with Him now and “rejoice with joy” that you are not alone - HE IS WITH YOU! 1 Peter 1:8 “And though you have not seen Him, you love Him, and though you do not see Him now, but believe in Him, you greatly rejoice with joy inexpressible and full of glory.”
Hugo de Waal (8) Hy is net soos Jesus * Hy red my lewe. My pa sê dat ek mag bakkie bestuur. Ma sê: “Hou op om nie geduldig te wees nie!” Dan sê Pa “Ek is geduldig!” Hy is sterk. Hy werk hard elke dag. Partykeer is hy kwaad. Ek het die beste familie. Die beste persoon van my familie is my pa!
Renate Coetzee (9) My pappa is baie liefdevol vir my. Hy help altyd my met alles. Hy sal altyd lief wees vir my. My pappa bederf my baie. My pappa is baie sterk vir my. Hy beskerm my van alles altyd. Hy leer vir my goeie maniere. Hy is die heel beste pappa in die wêreld my pappa is baie spesiaal vir my! Jana Truter (9) My pappa is die beste pappa in die hele wêreld. As ek sleg voel, is hy altyd. Hy werk hard dad ons kan kos koop. Al het hy nie baie geduld, is ek baie lief vir hom. Ek mis hom as hy weggaan. Ek is altyd lief vir hom! JC van der Westhuizen (8) Pappa braai baie lekker vleis. Dis net Pappa wat bederf. Ons werk lekker saam. Pappa is baie sterk. Ons kyk lekker TV saam. Prtykeer speel pappa saam met my. Ek is lief vier Pappa. Pappa is die heel beste in die wêreld.
Su-Mari Hanekom (9) Elke dag werk my pappa hart. My pappa is spesiaal. My pappa is baie liefdevol. Pappa bederf my baie. My pappa leer my hoe om te bestuur. Partykeer het my pappa geduld. My pappa het baie goeie maniere.
Dankie vir so ‘n wonderlike pappa! Leoni Coetzee (9) Hy braai lekker vleis. Pappa is baie liefdevol en sterk. Hy werk baie hard om vir ons te koop wat nodig is. Dankie Jesus vir so ‘n spesiale pappa. Ons skree altwee vir die Stormers! PJ Rautenbach (10) Ek is lief vir my Pappa, want hy doen alles vir my. Hy braai lekker vleis vir my. My Pappa beskerm ons almal in
Ruben Vosloo (10) My pappa is spesiaal vir my. Dankie dat pappa saam met my krieket speel. ankie dat pappa die huis beskerm. Dankie dat pappa daar is as ek rugby speel. Dankie dat pappa vir my lief is en ek is ook lief vir pappa.
* Jani Hougaard en Iza Schreuder is leerkragte vir graad 3 by Hoërskool Piketberg. Hul klasse het só oor hul pa’s geskryf met die oog op Vadersdag 16 Junie.
nuus • news
5
12 Junie 2013
•R90 miljoen spandeer
Darling-pad einde Julie gereed Die verbreding en opknapping van die pad tussen Malmesbury en Darling sal, volgens plan, einde Julie voltooi word, het die kontrakteurs die courant by navraag ingelig. Die oorspronklike koste van die projek was R78,50 miljoen, maar dit het intussen tot R90 miljoen aangegroei. Volgens Louwtjie Louw van Power Construction bestaan die werk op die MR224 tussen Malmesbury en Darling uit die herseël van nagenoeg 15 km en die rehabilitasie oftewel opgradering en verbreding van nog 15 km tussen die twee spoorkruisings aan die Malmesburykant en die Darling Cellars-kant. ‘’Die grootste gedeelte van die konstruksiewerke waar die padwerke in halfwydtes uitgevoer moes word en die verkeer deur middel van stop-ry-reëlings beheer moes word, is nou voltooi.’’ Die finale laag bitumen-flodder word nou op die oppervlak aangewend. Dit gebeur nog met behulp van die stop-ry-reëlings, maar die wagtyd is drasties korter na gelang van die tipe verkeer wat deur die seksie onder konstruksie beweeg. Dit behoort reeds deurgaans korter as die voorgeskrewe 10 minute te wees.
Elzanne lei Bolandspan Elzanne Swiegelaar, puik hokkiespeler en graad 12-leerder van Hoërskool Swartland op Malmesbury, is vanjaar aangewys as kaptein van die Bolandse 0.18-Barlinka Streekspan vir 2013.
Volgens Louw het die verkeersbeheer van die projek die meeste werkverskaffingsgeleenthede gebied. ‘’Tot dusver is daar 126 tydelike plaaslike werkers in diens geneem deur die kontrakteur en subkontrakteurs.’’ Die werk wat nog afgehandel moet word, is volgens Louw die finale laag bitumen-flodder, asphalt-lae oor die brug-dekke, asphalt in die mees vername en groot interseksies, dreine ringsvore langs die kante van die pad, finale afwerkings in die pad-reserwes, finale padmerke en finale padtekens. Power Construction het nie groot oponthoude gehad nie. Vertragings is vroeër gedurende die projek meegebring deur die wind en reënweer, asook ‘n tekort aan en soms ‘n tegniese gehalteprobleem met padmateriaal soos bitumen, wat deur plaasllike groewe voorsien moes word. Die kontrakteur is volgens Louw se me dedelings aan die courant redelik ver voor op sy skedule en beoog om die uitstaande werk teen einde Julie 2013 klaar te maak en die pad dan aan sy kliënt, die departement van vervoer en openbare werke: padinfrastruktuur, terug te oorhandig.
TAPS 32 Bokomo Road Malmesbury
Tel: 022 482 1412/4 www.biworx.net
info@biworx.net
6
aftrede•retirement 12 Junie 2013
Fonteine Village lok baie belangstelling
LINKS EN BO: Belangstellendes is op ‘n rit geneem om die terrein te verken en ‘n beter idee te kry van hoe die totale ontwikkeling gaan lyk.
Verlede week is die eerste fase van die vyfjaarprojek formeel op Malmesbury bekendgestel, toe die ontwikkelaar, Ian Phillips, kopers toegespreek en vrae beantwoord het rondom die aftree-landgoed. Die eerste fase sluit 44 eietitel huise in, wat bestaan uit 2 of 3 Slaapkamers, 1 of 2 badkamers en enkel- of dubbelmotorhuise. Die dorp se mense het lewendige belangstelling getoon terwyl Phillips vrae oor onder meer die heffings, mediese sorg en sekuriteit beantwoord het. “Dit is ‘n gesogte ontwikkeling wat 24-uur sekuriteit sal bied met heinings en ‘n valhefboom. Dit is 100% rolstoelvriendelik en enige ouderdomsgroep kan koop in die Landgoed, alhoewel bewoners ouer moet wees as 50,” het Phillips gesê. Die bouwerk sal vroeg volgende jaar begin word en wooneenhede sal teen einde 2014 ge reed wees vir okkupasie. “Malmesbury is ‘n unieke ligging vir ‘n ontwikkeling soos hierdie, daar is ook groot aanvraag vir ‘n Aftree-Landgoed” het Phillips gesê.
Promosie
“Kaapstad is lekker naby, die N7 gaan binnekort nog meer gebruikersvriendelik wees en die aftree-landgoed se tariewe is uiters bekostigbaar. Die eenhede sal as enkeltitel-huise bemark word,” het Phillips gesê. In ‘n unieke ooreenkoms tussen die ontwikkelaar en die ACVV tehuis vir bejaardes, sal die tehuis se gesondheidspersoneel na die inwo ners van Fonteine Village kan omsien. Fonteine Village-Landgoed sal vanaf fase 1 tuisversorging beskikbaar hê. Vir meer inligting oor hierdie ontwikkeling, skakel Edna Lourens by 083 409 0354.
Die uitsig wat inwoners vanuit hul nuwe huise te wagte kan wees.
Baie belangstellendes het die bekendstelling bygeIan Phillips, die ontwikkelaar. woon en die planne bestudeer.
Besoekers aan die opedag het al die nodige inligting wat hulle benodig het, ontvang.
Die verskillende boustyle is aan die besoekers voorgelê.
LINKS: Edna Lourens en Ian Phillips in gesprek met ‘n belangstellendes van die omgewing.
REGS: Ontwikkelaar Ian Phillips en bemarker Edna Lourens het voornemende kopers gewys hoe die ontwikkeling beplan word.
vroue•skoonheid•gesondheid 12 Junie 2013
VROUEOGGEND:
Hannes besing vroue se deugde
Die motiveringspreker Hannes van Wyk het die afgelope Saterdag die deugde van vroue gedurende sy optrede op Malmesbury besing. Hannes, ook ‘n akteur en kontinuïteitsaanbieder, het gepraat op ‘n Vroueoggend van die ACVV Dienssentrum, wat in die stadsaal aangebied is. Hy het gepraat oor die rol van die vrou in die huishouding. Hy het veral die goeie hoedanighede van sy eie moeder besing en die gehoor laat skater met sy voordrag van ‘n teks van die kunstenaar Nataniël. Hannes het bygevoeg dat ‘n vrou ook nie net altyd goed is nie en toegegee daar ook swakhede is, soos hoe hulle kan wedywer. Hannes is reeds die afgelope 17 jaar akteur met hoofrolle in nagenoeg 30 verhoogstukke, asook in televisiereekse soos Torings, Laksman, Angels en Shattered Mirrors. Hy werk ook as regisseur, draaiboekskrywer en vervaardiger en seremoniemeester by die Fleur du Cap-toekennings. As televisieaanbieder het hy reeds onderhoude gevoer met Nelson Mandela, Bill Clinton, Tony Danza en Arnold Schwarzenegger en was jare te sien in die destydse televisiereeks, Egoli.
Die bekende akteur en motiveringspreker Hannes van Wyk (middel agter) het Saterdag ‘n draai in die Swartland gemaak en op Malmesbury opgetree. Sy optrede was deel van die ACVV Dienssentrum Malmesbury se vroueoggend. Hier is hy saam met Elize Weyers, Thea van Niekerk, Naomi Basson, Annelize Bester, Jemien Conradie, Riana Smit, Anna Lesch, Wilma Jooste, Amanda Walters.
7
8
kalender•diary 12 Junie 2013
Sakekamer byeen oor BEE
Netwerk byeen:
Die Swartland Besigheidsnetwerk het verlede week by Janno’s byeengekom. Hier is Suné van der Westhuizen, Maggie Steyn, Nora Marais en Rudolf Knoetzen by die geleentheid.
TOOLS 32 Bokomo Road Malmesbury
Tel: 022 482 1412/4 www.biworx.net
info@biworx.net
Die Malmesbury Sakekamer vergader Dinsdagaand (18 Junie) by die OLOK-Saal, net langs Hoërskool Swartland. Die spreker is Chris de Jager, wat gaan praat oor Swart Ekonomiese Bemagting (BEE) - iets waaraan besighede al meer blootgestel word en waarvan alle besighede moet kennis dra. De Jager is ‘n kenner en kan persepsies en wanopvattings verklaar, asook hoe jy dit in jou eie besigheid kan hanteer as ‘n nuwe geleentheid en nie ‘n struikelblok nie. Dit beloof ‘n baie interessante aand te wees. Die tyd is 19:00 vir 19:30. Moenie die aand misloop nie en bring gerus u vriende & kollegas
saam. Kaartjies beloop R80-00 per persoon vir lede en R100-00 per persoon vir nie-lede. Dit sluit ‘n ligte ete in. ‘n Kontantkroeg sal beskikbaar wees. RSVP asseblief stiptelik teen Vrydag 14 Junie om 15:45 by Annabelle van der Merwe (022 4821060). Die Sakekamer doen ‘n beroep op al die lede om die afsnydatum van 14 Junie te eerbiedig ter wille van die persoon wat die kos maak. Ledegeldrekeninge moet so spoedig moontlik betaal word - dit moet oorbetaal word aan die AHI.
Die dansende broers Jayden
en Kyle Jacobus van Malmesbury het Saterdag weer hul staal getoon by die WP danskompetisie in Muizenberg, toe beide hul Latyns Amerikaanse én langarmdanse saam met hul metgeselle gewen het. Hul volgende kompetisie is by die fe derasie van danssport in Suid-Afrika se vie ringe op 29 Junie in Oudtshoorn.
Gholfdag:
Never Despair Rugbyklub het Maandag hande gevat met Jo Dolphin, die dagsorgsentrum vir gestremde persone op Malmesbury, om ‘n gholfdag vir 21 September te reël. Alle fondse wat gegenereer word, sal vir Jo Dolphin aangewend word. Agter is Reggie van der Westhuizen, Johann Maarman, Francois Jones, Albertus Goliath en Izak Klasen. Voor is Madelene Basson, Anita Adams, Frederik Pieters, past. Cecil Errens en Maude Goliath.
swartland: kalender - diary
Sandy Esau Kunsuitstalling Tot 26 Julie - ‘n Uitstalling van Darling se Sandy Esau by die Darling Lodge van 14:00 tot 16:00 en Dinsdae tot Sondae van 11:00 tot 17:00. Esau is bekend vir sy skilderye van treffende tonele uit die omgewing. Skakel 076 918 5526 of esau.art@gmail.com VLV op Malmesbury 12 Junie - Die VLV vergader om 9:00 vir 9:30 by die klubhuis van die gholfbaan. Wicus van der Merwe op Noot vir Noot 14 Junie - Malmesbury se Wicus van der Merwe is om 19:30 te sien op SABC 2 se Noot vir Noot. Boekbekendstelling by !Kwa ttu 14 Junie - Die boek ‘What Dawid knew’, ‘n boek oor die Kruiper-familie van die Kalahari en geskryf deur Patricia Glyn, word om 17:00 by !Kwa ttu, aan die Weskuspad naby Yzerfontein, bekendgestel. Kaartjies teen R50 sluit sop en sjerrie in. Meer inligting by 022 4922 998. Aglow meeting in Malmesbury 15 June - Malmesbury Aglow will be meeting at 15:00 at the House of Prayer. The speaker is Abraham Pasineni. Refreshments will be served. Enquiries to Elaine Walker at 072 590 6636. Jeugdagvieringe op Malmesbury 15 Junie - ‘n Jeugsaamtrek met onderwerpe: ‘Tienerswangerskap en Tiener-aborsie’, asook ‘Ek was ‘n Dwelmverslaafde’. Die Motiveringspreker vir die dag is die fenominale blinde Lizzie Arendse van Delft. Kontak Cynthia Slingers , die GPF-voorsitter by 0835597318 of Cynthia.Slingers @sos.org.za per e-pos ten einde ‘n navraag te rig. Optog op Moorreesburg 15 Junie - Moorreesburg SAPD en GPF nooi die jeug en breë gemeenskap uit om deel te wees van ‘n optog om 10:00. Die doel van die optog is om die jeug toe te laat om deur middel van die optog te wys dat hulle teen die gebruik van dwelms, misdade, verkragtings en gesinsgeweld
is. Die optog sal vanaf die Sibanye Square-plakkerskamp begin. Navraag kan aan 022-4338688 gerig word. Kerkdiens op Malmesbury 16 Junie - Die AGS Corpus Christi hou hul oggenddiens om 09:30 met die titel: “Jou Beste Tyd.” Die aanddiens in die vorm van Gesinsdiens volg om 18:00. Skakel 073 447 2902 vir meer inligting. Motiveringspraatjies vir jeug 16 Junie - Die Moorreesburg GPF nooi al die kerkleiers, jongmense en gemeenskap uit om deel van ‘n ope middag vanaf 15:00 by die Rosenhof-sportgronde te wees. Die kerkleiers sal motiveringspraatjies gee aan die jeug en die jongmense kan ook items lewer. Die volgende persone kan gekontak word vir navrae: past Desmond Pypers by 084 7726538 of Aletta by 0725777453. Pannekoekfees op Riebeek-Kasteel 17 Junie - Die ACVV bied ‘n verskeidenheid pannekoeke te koop aan: Gewone pannekoek: R4. Met kaneel: R5; Met kerriemaalvleisvulsel : R10 Plaas jou bestelling betyds (voor Donderdag 20 Junie) by Sarie: 022 4481424. Police forum meeting in Riebeek West 19 June - Community Police Forum meeting at 19:00 in Riebeek West town hall. To elect a chairperson and deputy chairperson. For enquiries phone 072 023 0832. Bingo-aand op Malmesbury 19 Junie - Aandskemering, die ACVV-tehuis vir bejaardes bied in samewerking met die Malmesbury Rolbalklub en die Malmesbury Rotariërs, ‘n Bingo-aand aan as fondsinsameling vir die tehuis in die klubhuis van die Malmesbury Rolbalklub. Die kaartjies @ R100 sluit ‘n lekker ete en 5 rondes bingo in. Nog rondes kan gespeel word @ R10,00 per persoon. Kontantpryse te wen en ‘n kontant-kroeg beskikbaar. Afskop om 19:15. Vir kaartjies en verdere inligting kontak Casper Dreyer by 0826828877.
PROMOSIE•PROMOTION
9
12 Junie 2013
Weskus Kollege blink uit in vakmanskap
Studente in die ambagte luister aandagtig.
Die Weskus Kollege het Vrydag by hul Atlantiskampus ‘n opedag gehou en die jaar se tema “Year of the Artisan” gevier.
Osma Jooste-Mokgethi, Prinsipaal by Weskus Kollege saam met die Adjunkminister van Hoër Onderwys en Opleiding, Mduduzi Manana.
Lede van die Studente Verteenwoordigende Raad met Ntombekhaya Nduna, Studente-Ondersteuningsbestuurder.
Studente in die pas-en-draai-werkswinkel by die Atlantis-kampus.
Promosie
Zukile Mvalo was die seremoniemeester by die geleentheid.
Basetsana Mathibe, een van die KollegeRaadslede.
Ambagskap onder vroue begin al hoe meer gewild raak by die kollege.
BO: President van die studenteraad van Weskus Kollege, Stanley Mabala, tydens sy toespraak. REGS: Links is Hougsten Isaacs (wenner van die ‘Nasionale Jong Sweiser van die Jaar-toekenning), saam met Andy Meyer, kampushoof van Vredenburg. Studente geniet die samekoms.
10
dienste• services 12 Junie 2013
Invitation to Provincial Suppliers and Service Providers to Apply for Registration on the Supplier Database of the National Department of Social Development
The National Department of Social Development is in the process of updating its Supplier Database. Potential suppliers and service providers are invited to apply for registration on the Supplier Database. Note that this invitation is extended to all service providers nationally who are qualified and have knowledge in the commodities listed below. Suppliers and service providers that are already registered need not re-apply. Commodities Hiring of Marquees and Tents
Hiring of Crockery and Cutlery
Hiring of PA System, Sound Equipment and Stage Hiring of Decor Hiring of Venues and Facilities
Catering Services
Hiring of Toilets
Supply of Groceries and Food Parcels
Hiring of Transport
Supply of Promotional Material
Hiring of Shuttle Services
Hiring of Event Managers
Hiring of Facilitators
Hiring of Sign Language Interpreters
Hiring of Tables and Chairs
Hiring of Interpreters
Requirements: The submission of a completed application form, accompanied by relevant and valid documents as prescribed in the application form, is a prerequisite. Failure to submit any one or more of the documents may result in an application being disqualified. Application forms can be downloaded from the Department’s website at www.dsd.gov.za/Documents/Forms or can be collected at the HSRC Building (Reception), 134 Pretorius Street, Pretoria. Enquiries: Mr S Khumalo, tel. (012) 312-7871 or e-mail: SimphiweK@dsd.gov.za OR Ms S Mabina, tel. (012) 312-7447 or e-mail: ShamaM@dsd.gov.za OR Ms R Hlahla, tel. (012) 312-7499 OR e-mail: Rosinahma@dsd.gov.za Application forms may be deposited in the box marked “Database Application Form” situated in the foyer of the HSRC Building, 134 Pretorius Street, Pretoria or can be posted to the Department of Social Development, Private Bag X901, Pretoria 0001, for the attention of Mr S Khumalo. The closing date for the submission of application forms is 16 July 2013. Human Communications 98961
kleintjies•smalls
11
12 Junie 2013
Gesoek Wanted AANDAG! Welkom Meubels soek goeie 2de handse bruikbare meubels. Beddens, kaste, yskaste, sitkamerstelle, ens. Ook op soek na: Kombuisware, bv breekware, ornamente, potte, panne, beddegoed, gordyne, asook mans en vroue winterskoene. Kom besoek ons gerus in Tuinstraat 6, oorkant Cash Crusaders. Kontak 022 487 1547 of 082 851 0915. ----------------------------Op soek na Bantam Hoenders met groot wit oorbelle (rooskam) - of kuikens of eiers. Bel asb vir Dieter (022) 783 0962.
Dienste Services Engels en Duitsklasse word aangebied. English and German classes offered. Moorreesburg. R100/1,5 hours. Skakel: 078 329 0508. ----------------------------HUIS PALEIS MEUBELS - Verskaffer van alle Truform en Cloud Nine beddens en matrasse, asook alle parte vir huishoudelike toebehore. Skakel 022 482 2100. ----------------------------JK SKOONMAAKDIENS. Jou alles in een tuindienste. Sny van grasperke en rante, snoei van bome en struike, skoonmaak van beddings, uitleg van tuine, verkoop en lê van gras en verwydering van vullis. Kontak Jaco vir gratis kwotasies by 083 227 5937. ----------------------------KONTANTLENINGS vir maandelikse persone. Persone op swartlys ook welkom. 074 114 2554. ----------------------------NAMIBIESE Kudu Biltong @ R195 p/ kg. Droëwors @ R175 p/kg. Ideaal vir geskenke. Kontak Jaques 073 294 3343. Malmesbury aflewerings ingesluit.
TOP CARPETS en Blinds, Teëls, matte, laminering, vinylvloere, blindings en hersteldiens. Gratis kwotasies en professionele diens. Skakel 022 482 2100. ----------------------------YSKASTE HERSTEL: Ook binne-lekke. New Freeze, Kerkstraat 18, Moorreesburg. Skakel 082 573 1589/083 651 5547. ----------------------------NEGOSIKAS: Op die hoek van Hill- en Vredestraat. Soek en verkoop gister en eergister se ware, veral wit linne en porselein asook alles wat interessant en oud is. Skakel Tannie Juna: 022 487 2601.
Te Koop For Sale
Compressor 3 fase @ R1500.00. Saagbankhout (trekker aandrywing) @ R1300.00. Kontak Pieter 083 234 1509. ----------------------------Filing Cabinet, staal met 4 laaie in uitstekende toestand en hangleêrs ingesluit @ R500. Groot sonsambreel, vierkantig, Hotel tipe van hout met materiaal skerm. Voetstuk uitgesluit @ R450-Baie netjiese toestand. Skakel 082 879 8409. Piketberg. ----------------------------Ideale Vadersdag geskenk: 3 vlak opvoubare rooster staanders, geskik vir vleis, wors, hoender en vis. Skakel Pietie 083 458 4055. ----------------------------Twee selfone-Nokia x 2 (Rooi-6 maande oud) en Nokia 201 (Pienk-5 maande oud) te koop @ R500.00 elk. Malmesbury. Baie nejies met chargers. Kontak 071 133 8817.
Te Huur To Let
Huis te huur Malmesbury, 3slk, 2badk (hoof en-suite) Oopplan sit/eetkamer motorhuis + dubbel motorafdak, stoorkamer, R6500/maand. Kontak eienaar 082 374 2233. -----------------------------
INDUSTRIële/Stoor/ Spasie te huur-260 vkm en groter, 3 fase krag, veilig, maklike toegang en billike huur. Kontak 083 256 8188. ----------------------------Twee slaapkamer woonstel @ R3100 per maand. Geen kinders. Skakel 022 482 3993. ----------------------------
Betrekking Vacancy
Debonairs Malmesbury: “Casual” pizza aflewerings poste beskikbaar. Ervare motorfietsbestuurders kry voorkeur. Stuur CV / aansoek aan debonairs@ skoch.co.za. ----------------------------Die volgende poste is tans beskikbaar in die ingeboude kaste vervaardigingsbedryf in Malmesbury.: Ambagsman en algemene werkers. Faks CV met verwysings na 086 239 3255. ----------------------------KANS VAN ‘N LEEFTYD! Woon en werk in Kanada-benodig 25 tot 55 jarige dieselwerktuigkundiges, met baie goeie ondervinding in landboumasjienerie en / of grondverskuiwingsmasjienerie. Kwalifikasies nie ‘n vereiste nie
maar sal in u guns tel. Skakel Magda 012 547 0523/082 471 7710. Email: europersonnel@telkomsa.net ----------------------------Kode 14 vragmotorbestuurder met PDP en sober gewoontes. Slegs CV’s wat volledig is met ondervinding en verwysings sal in aanmerking kom. E-mail CV’s na info@ louwdiggers.co.za -----------------------------
Voertuie Vehicles
AANDAG, ALLE KLIëNTE! Alleenlik kontant. Voertuie dringend gesoek. Ek betaal kontant vir enige voertuig of bakkie en doen ook bankaflosse. Kontak 083 464 6960. -----------------------------
courant
die
SPORT
tel 022 487 3221
12 Junie 2013
TILES 32 Bokomo Road Malmesbury
Tel: 022 482 1412/4 www.biworx.net
info@biworx.net
RUGBY: Chemandré van Schalkwyk van Hoërskool Swartland op Malmesbury is vir Boland se o.18-span gekies, wat van 7-14 Julie gaan deelneem aan die Cravenweek in Polokwane. REGS: JP Groenewald is die eerste leerder in die geskiedenis van Darling Kollege wat in ‘n Bolandrugbyspan opgeneem is. JP “Commitment” Groenewald, soos sy skool hom noem, is gekies vir die Boland Laerskoleontwikkelingspan en gaan vanaf 30 Junie tot 3 Julie in die Nashua XV-Tal in Sasolburg deelneem. Bloues: Die Malmesbury Rugbyklub se eerste rugbyspan is agter van links na regs Jannie Nelson, Sipho Fex, Graig Abrahams, Denver Hendriks, Bearu Koegelenberg, Albert Loubser, Rikus Rheeder, Frederick Swanepoel, Abraham Slingers en Karel Vorster. In die middel is Gerhard Januarie en Soloman Koordom. Voor van links na regs is Eduardo Brink, Robert Joseph, Klaas Janse, Johan Krige en Donnie Sinclair. Die span het Young Blues Saterdag met 15-3 verslaan.
Uitslae/Results: Malmesbury Gholfklub
•Ondersteuners dra span
Woensdag: Rola Sundowner: Enkel-Stableford 1. Charl Verskuur 22 2. Jaco Basson 20 3. Van Rensburg Brand 19 4. Piet Kemp 18 5. Gerhard Immelman 18 6. William Glasson 18
Wesbank werk hard vir ligakroon
‘n Ondersteunerskorps wat wedstryd na wedstryd geesdriftig om die veld teenwoordig is, tesame met spelers se harde werk en toewy ding. Dít is die rede vir Wesbank se welslae tot dusver vanjaar op die rugbyveld. Aan die woord is Denna Koopman, hoofafrigter van die span wat tans derde op die Bolandse Premierliga-puntelys is. Die Wesbankspan het reeds 6 gespeel, 5 gewen en nog net 1 verloor. Dit was teen Roses United van Wellington, tans voorloper in die Boland se top-liga. Ceres, wat reeds ‘n wedstryd meer as Wesbank gespeel het, is tans die naasvoorloper in die liga. Wesbank het Black Leaves van Gansbaai Saterdag met 41-13 afgeransel. ‘’Ons werk hard op die oefenveld en aan die einde van die dag wys die resultate op die veld,’’ het Denna (40) gister aan die courant gesê. ‘’Ons almal werk daarna om die liga te
probeer wen. Met die ‘commitment’ van die spelers behoort ons naby daaraan te kom. Ons is baie positief vanjaar. Daar is ‘n gesonde kompetisie tussen spelers. ‘’Ons voorspelers lê gewoonlik die platform vir ons agterlyn, wat lekker kan hardloop.’’ Denna, wat in 2003 kaptein was van die Wesbank-span wat in daardie jaar die liga ge wen het, skryf die klub se sukses ook toe aan die ondersteuning van die bestuur en sy twee hulp afrigters, David Hendricks, voormalige Boland-, WP- en Stormers-flank en agsteman, en Fergie Thompson, wat op skoolvlak provinsiaal afgerig het. Wesbank lok volgens Koopman tans maklik 2000 toeskouers na ‘n tuiswedstryd. Met die tipe rugby wat die Wesbankers tans speel, stroom die toeskouers na die veld. En met wegwedstryde is daar altyd ‘n ondersteunersbus wat loop.
Coca-Cola Gewone 2 liter
nederburg Baronne 750ml
Boland Klubrugby: Premierliga: Wesbank 41, Black Leaves 13. Superliga-Wes: Never Despair 9, Darling 9; Piketberg 29, Hopefield 3; Moorreesburg 20, Langebaan 17.
Atletiek
* Dis vandag die MGC Sundowner en Vrydag , die Hoender Sundowner. Elke Vrydag is “Happy Hour and a Half” by Malmesbury Gholfklub. Halfprys vir drank in die kroeg van 17:00 uur tot 18:30. Almal is welkom. Saterdag is ‘n Enkel-Stableford Vlagkompetisie. Laas Saterdag se gholfkompetisie, soos die vorige week, is uitgereën. In vergelyking met Saterdag was dit heerlike weer op Sondag en daar was 36 gholfspelers op die baan. Die baan is eerskomende
Boland-Halfmarathonkampioenskappe te Robertson: Altech Autopage Swartland-atletiekklub: Dames 50+: Marietjie Nieuwoudt (1ste), Dames 60+: Adri Visser (2de). Mans 60+: Loutjie Swartz (1ste); Mans 50+ Piet Smit (3de); Mans 40+: Philip Pieters (3de). Robertson-wedloop oor 10 km wat gelyktydig plaasgevind het: Senior Mans: Garrith Maarman (3de), Mans 60+: Japie Truter (3de), Mans 40+: Jafta Hendriks (1ste), Mans 40+: Julie Welkom (2de), Dames 40+: Laura Schreuder (3de), Dames Spanprys: Carol Jordaan, Carine Strydom, Jenine Strydom, Wanda Carstens.
Rola Volkswagen Malmesbury
so many Ways To
get more for your money
Langebaan, malmesbury & Vredenburg
3799
Klubrugby
Vrydag: Sundowner: Enkel-Stableford 1. Koos Loubser 22 2. George Prinsloo 20 3. Eben Lingeveldt 20 4. Freek Sttander 18 5. Gielie du Toit 17
PLUs EaRn PoInTs
1199
Sondag gesluit vir ‘n groepbespreking. *Ons spesiale winteraanbod loop nog tot einde Junie. Nuwe lede kan vir net R1500 by Malmesbury Gholfklub aansluit - gewoonweg R2600. Dit sluit in ‘n Boland Gholfunie Affiliasiefooi (R302) en ‘n voorgeekaart van Handicap Network Africa (HNA).
6495
6999
Le royale Brandewyn 750ml
Iceberg Rum 750ml
16999 Bains Whisky 750ml
6999 Castle Lite Non-returnable Bottles 12 x 340ml
Always there for you
PrICeS VALID 13 - 17 June 2013 aT PIck n Pay LIqUoR LanGEBaan, maLmEsBURy & VREDEnBURG onLy most Trusted Retailer 2012
most Reputable Retailer 2013
(noT foR saLE on sUnDays aT maLmEsBURy LIqUoR)
Pick n Pay endeavours to meet the demand for these promotional items, but stocks are limited. Please check availability: 0800 11 22 88 (toll free landline only. Cell phone rates apply). We strive to ensure all printed information is correct, but will not be liable for any print errors that may occur. Advertised prices are inclusive of VAT where applicable. We reserve the right to limit quantities. smart shopper terms and conditions apply. Certain products are excluded from the smart shopper programme, please see in store or go online for more details.
Alcohol Not for Sale to Persons Under the Age of 18. Drink Responsibly. 10326M/Bil