courant
gratis
tel 022 487 3221
Uitgawe 164
die
swartland en weskus
14 Maar t 2012
hugenotestraat 11, malmesbur y
Oom Mossie bêre bladmusiek eers Ná meer as 56 jaar agter die note van die NG Kerk op Riebeek-Wes se orrel, het Nic Mostert (Oom Mossie) Sondag die tuig neergelê. Saam met Mostert (links) is sy twee kinders Rouxdie (links agter) en Nicola (voor) asook Henri Warnich (regs agter) en ds. Andre Duvenhage.
SA Toutrek lok baie na MBury
Alle paaie lei hierdie naweek na Malmesbury, waar ongeveer 40 skole van regoor die land saamtrek vir die Suid-Afrikaanse Junior Toutrek-kampioenskappe wat vir die eerste keer op Malmesbury gehou sal word. Ongeveer 221 spanne sal Vrydag en Saterdag meeding op die Swartland skougronde, nadat al die spanne Donderdagaand in die verkoopslokaal van Malmesbury Toyota ingeweeg word. Terwyl al die slaapplekke op Malmesbury en die omgewing vol bespreek is vir die naweek, is die voorbereiding op elke ander vlak in rat om die geraamde 2 500 ekstra besoekers op Malmesbury te kan huisves. Bennie Geldenhuys is vir die afgelope twee jaar die afrigter van Hoërskool Swartland se spanne en is vol vertroue dat dié byeenkoms op eie bodem die saak van toutrek in die Swartland sal bevorder. “Dié byeenkoms behoort baie belangstelling in toutrek uit te lok. Ek voorsien dat ons voortaan meer kinders sal kry wat ook by dié
sport wil aansluit.” Geldenhuys is self ‘n bekende in toutrekkringe, nadat hy 25 jaar gelede begin toutrek het. Hy het die Suid-Afrikaanse toutrekspan drie keer verteenwoordig en voorsien dat die sterkste spanne vanjaar uit die Boland sal kom (Drostdy), asook die Suid-Kaap (Oakdale en Van Kerwel op George). “Verder is Jan Kriel vanjaar lekker sterk. Ek verwag darem self goeie resultate uit minstens drie van my eie spanne,” het Geldenhuys voorspel. Waarna moet die leek kyk wanneer hy die eerste keer gaan kyk na die toutrek op Malmesbury? “Die groot geheim in toutrek lê in die spanwerk. Verder is die aanvoerder van elke span baie belangrik, want hy moet die opponerende span kan lees, en die ritme en spanwerk van sy eie mense bestuur,” het Geldenhuys aanbeveel. * By die skougronde sal die ouerkorps gerat wees met die verkoop van 600 kg warm aartappelskyfies, 800 warmbrakke, 1 000 hamburgers, 2 000 warm broodjies, 400 ontbyt ‘buns’ met
spek en eiers, pasteie, samoesas en kerrie-vetkoeke, terwyl die Voortrekkers sal regstaan met ongeveer 2 000 pannekoeke. Terwyl die skoolspanne weerskante van die toue kompeteer, kan die ouers ontspan in die teetuin, of dalk reeds Vrydagaand by die ondersteunersbraai bywoon, waar heerlike etes teen R40 per persoon geniet kan word (skakel die skool om te bespreek). Toegang by die hekke is R10 per persoon en kinders met skoolklere aan, kry gratis toegang. Donderdag is die inweeg en registrasie
Onthou: Kansa se Relay for Life Saterdag op Malmesbury
164a.indd 1
van 10:00 tot 17:00. Vrydag tree die spanne reeds om 07:30 aan terwyl hulle Saterdag van 07:45 gereed moet wees.
SM Burgemeester gesels
2012/03/14 07:42:52 AM
courant
die
2
Aan die tou
As daardie twee spanne die fluitjie hoor, is dit ‘n teken vir die eerste salvo’s in die magstryd. Daar is verskeie taktieke wat gebruik word. Sommige meen dit moet toudruk genoem word. Diegene sê jy trek nie aan die tou nie. As dit goed gaan, trek jou arms ook nie. Jou arm is net daar om jou liggaam stewig aan die tou te anker. Eintlik druk jy met jou bene weg en tree vir tree na agter. Van die sterk spanne, as hulle op die agtervoet is (eintlik op die voorvoet volgens die spreekwoord), gaan hang half staties en sluit in daardie posisie. Dit maak die opponente moeg en seer vir ‘n makliker doodskoot. Die groot toutrek op Malmesbury, SA Junior Kampioenskap, vind die naweek plaas. Toutrek is ‘n sport en die sport moet tog immers seëvier. Net ironies hoe daar nou (soos seker maar altyd) ook ‘n paar ander magstryde (toutrekkery) afspeel. Die betrokkenes moet net onthou, midde elke klein magstryd (teleurstellings ingesluit) moet elke skool bó sy beheerliggaam, rugby bó owerhede se skorsingbeheptheid, kinders bó ouers se aansienhonger en die gemeenskap bó enkele sakelui se belange eerste kom. Kontak die courant by 022 487 3221; faks 086 699 6276; epos admin@diecourant.co.za www.diecourant.co.za
dis goeie nuus
deur: Dr. Andrew Bosman
Kom laat ons ons broer verkoop Josef se verhaal in Genesis het baie ooreenkomste met Jesus in die Nuwe Testament. Hy was sy vader se geliefde seun. Die drome wat hy gedroom het van die gerwe wat voor sy gerf buig en die son en die maan wat voor hom kom buig, was vir sy vader en sy broers nie aanvaarbaar nie. Dit was vir Josef seker ook vreemd, maar baie duidelik en daarom het hy dit seker vertel. Dit het sy broers nie goed gestem teenoor hom nie. Sy vader stuur hom om na sy broers se welstand te vra, die broers sien hom kom en besluit om hom dood te maak. Juda, een van sy broers, sê aan hulle dat daar geen voordeel in is om hulle broer dood te maak nie, kom ons verkoop hom liewer. Ons is in die lydenstyd, Jesus word ook deur Judas verkoop. Josef se broers het vir mekaar gesê hulle sal graag wil sien wat nou van sy drome gaan word. Sy drome het waar geword. Jesus se vyande het ook so gevoel toe Hy oorgelewer is en doodgemaak word. Maar Hy het opgestaan uit die dood. Ons aanbid ‘n Lewende God wat in alle omstandighede in staat is om vir ons te sorg.
164a.indd 2
courant menings/nuus Die Swartland Munisipaliteit se burgemeester, Tijmen van Essen, het gister verjaar. Sy ma uit Nederland kuier op Malmesbury. die courant het gaan inloer en toe was al die vroue in Van Essen se lewe saam. Hy vertel bietjie meer van die mens Tijmen van Essen.
14 Maart 2012
Die Swartland-burgemeester het vandeesweek sy verjaarsdag gevier saam met die vroue in sy familie. Links agter is sy dogters, Sandra Crafford, Linda Cotter en Marijke Crafford. Voor is kleindogter Jana Crafford, sy ma Houkje van Essen uit Nederland, Bianca Crafford (kleindogter), sy vrou Doedtie en Monique Crafford (kleindogter).
Van Essen verjaar en gesels oor sy gunstelinge
Hoe het u oorspronklik in die politiek beland? Deur die Malmesbury belasting betalersvereniging. Maar my belangstelling is meer in munisipale wese as in politiek a.g.van my jare in die publieke sektor. Met ons aankoms in Suid Afrika het ek vir 4 1/2 jaar by die destydse Malmesbury Afdelingsraad gewerk en daarna vir 4 jaar as assistent ingenieur vir Malmesbury Munisipaliteit. Van waar het u oorspronklik gekom? Is dit die plek waar u moeder steeds woon? Dorp: Ideard, Provinsie Friesland, die Noordelikste Provinsie van Nederland. Maar emigreer sit in die van Essens se bloed. My pa se broer is ge-emigreerds na Frankryk en sy suster (my tante) na Suid Afrika. Watter werk het u vader gedoen? Bestuurder van ‘n melkveeplaas met friesbeeste. Doedtie en ek is altwee opgegroeid in die landbou omgewing want haar pa was mede-eienaar van ‘n melkveeplaas. Is daar nog naby familie wat naby u moeder woon (soos broers/ susters.) Ja my broer en twee susters woon ook in het Friese dorp Grou waar my moeder ook woond. My vrou, haar drie broers en ‘n suster woon ook in Nederland. Dus Doedtie en ek is die enigste kinders van ons twee se ouers wat emigreerden. Praat julle steeds jul taal van oorsprong in die huis? Doedtie en ek praten normaalweg Fries maar as die res van die familie kom kuier is
dit Afrikaans.
Hoe laat begin die burgemeester se dag? Opstaantyd is ongeveer 06:00 en die werksdag begin meestal met die oopsluit van die Swartland munisipaliteit se deure so tussen 07:00 en 07:10. Wat doen u op u afdae (Bestaan daar so iets??) Werk op die “laptop” of lees ‘n boek. Of kuier by die kinders en kleinkinders. Wat lees u graag (buiten al die notules en noodsaaklike leesstof)? Fiksie soos Deon Meyer, Clive Cussler en Dan Brown. Baie jare terug was dit Konsalik. Wat irriteer u? Mense wat lui is en laat op die werk kom. Wat maak u bly (buiten die SM se skoon oudit!)? Om elke dag te kan diens lewer aan die Swartland inwoners. Wat is u gusteling-kosse? Sop Varktjops met Aardappels en Blomkool – Gebakte poeding met vla. En melkskommels. Wat is u kosbaarste besitting daardie item wat ‘n mens gryp as alles begin brand? My “laptop” en my vrou. Het u dalk ‘n kosbare versameling van iets, soos daardie mense wat sout- en peperpotjies/knipmesse/ kieries/teelepels versamel? “Powerpoint”-voorleggings op
my “laptop”. En amper die volle reeks van Konsalik-boeke. Glo u in nuwejaarsvoornemens? Ja, maar dit hou normaalweg net een dag. As u weer u lewe van voor af kon beplan, wat sou u graag verander?? Niks U word reeds geloof vir die SM se nuwe rioolstelsel, asook die nuwe afvoerstelsel wat saam met die padwerke na Riebeek se kant toe aangebring word - watter mikpunte het u nog vir u termyn as burgemeester?? Om alle dorpe ‘n hart te gee (Eie identiteit te gee en uit te bou). Armoede te verminder. Om aan alle inwoners dieselfde basiese dienste op hoë standaard te kan gee. Om die N7 as ‘n dubbelpad te sien waar word. Watter boodskap het u vir die mense van die Swartland, veral in die lig van stygende kostes en die huidige ekonomiese klimaat? Kla minder, waardeer meer. Wees tevrede met wat jy het. Meer as 70% van die wêreld se bevolking leef in baie grotere armoede as ons in die Swartland. Met die min finansiële bronne beskikbaar, maar met uitmuntende munisipale bestuurder, bestuurspan, personeel en raadslede lewer Swartland die bes moontlike diens aan sy inwoners. Indien die inwoners ‘n nog betere diens wil hê, sal hulle ongelukkig baie meer daarvoor moet betaal.
Die kaartjie-wenners van die optrede van Onbeskaamd môreaand, is Mariska du Plessis, Zelda Esterhuizen, Lieb Liebenberg, Christa Conradie en Theresa Kellerman. Die kaartjies sal by die deure beskikbaar wees. Die konsert begin om 19:00.
2012/03/14 07:43:05 AM
14 Maart 2012
courant nuus
3
Riebeek se ‘Meneer Orrel’ los die note ná 56 jaar Die tagtigjarige meneer Mossie (Nic) Mostert het Sondag sy loopbaan as orrelis by die NG gemeente Riebeek-Wes afgesluit ná 56 jaar. Meneer Mostert het hom 56 jaar gelede op Riebeek-Wes gevestig as musiek-onderwyser by die destydse Middelbare Skool op Riebeek-Wes, waar hy skoolgegee het tot 1992. Daarna het vir nog 10 jaar lank privaat musieklesse gegee. Intussen het hy aaneenlopend die orrel bespeel. “Ek het nooit getel vir hoeveel troues ek die troumars gespeel het nie!” gesels Oom Mossie, soos hy oral bekendstaan. Hy het ook by geleenthede die orrel saam met sy blokfluit gespeel en ook een keer die trompet saam met die orrel. Tydens die afskeidseremonie Sondag is hy geloof vir sy toewyding en entoesiasme vir die begeleiding en die kore, wat hy vir baie jare met groot sukses afgerig het. “Mossie het oor die jare‘n integrale rol in die kultuurlewe van die gemeenskap gespeel. Hy sal altyd onthou word vir die baie kore wat hy afgerig het. Hierdie kore het menigmaal in die kerk opgetree en ook by kultuuraangeleenthede. Hy het in die skool ‘n liefde vir musiek en sang by die kinders gekweek. “Mossie het saam met Elsa en sy gesin onmeetbare waarde toegevoeg tot RiebeekWes.” Só het Henri Warnich, ‘n jarelange vriend, wat 10 jaar oud was toe Oom Mossie as jong man op Riebeek-Wes gekom het, Sondag tydens ‘n huldeblyk gesê. Sondag het hy die trouwals vir die laaste
164a.indd 3
keer vir die gemeente gespeel, asook ‘Love changes everything’. “Daar was maar ‘n gesuis en bietjie trane,” vertel hy aan die courant. Maandagoggend was Oom Mossie vir oulaas op sy pos, toe hy vir die courant se fotograaf weer sy gunsteling liedere gespeel het. “Prys Hom, die Hemelvors; Jesus, Joy of my desires; Voel jy ooit of die Here te ver is?” Oor sy werk by die gemeente, vertel hy dat ‘n orrelis “later so ‘n spoed ontwikkel wat vir die gemeente kompenseer.” Sondag het sy twee kinders Nicola en Rouxdie, ook die afskeid bygewoon. Sy vrou, Elsa, het hom in 2005 ontval. Nadat Oom Mossie verlede jaar ‘n ligte beroerte-aanval gehad het, het hy aan uittree begin dink. Nou sien hy daarna uit om naweke nie so gebind te wees nie. “Ek was vir 56 jaar elke naweek gebind, sodat ek en my gesin nie veel kon weggaan nie. Dis of ek nou nuwe asem kry!” sê hy. Die kerkorrel is in 1906 aan die kerk geskenk en in 2006 het Oom Mossie ook by die 100-jarige vieringe die orrel bespeel. Hy het later self begin hand bysit by die stem van die note. “Dis ‘n vreeslik moeilike werk om hier te stem, omdat die pype so toegebou is!” Oom Mossie is op Piketberg gebore. Na skool (Pionierskool op Worcester) het hy hom bekwaam aan Konservatorium by die Universiteit Stellenbosch. Hy speel die orrel, klavier, trekklavier, blokfluit, trompet en ghitaar en het sy soliste-lisensiaat geslaag. “Om te dink ek wou aanvanklik eintlik net leer om klaviere te stem.”
Top sangers bekoor op Porterville
Die sewende jaarlikse Christusfees is die naweek op Porterville gehou. Elvis Blue en Riana Nel (bo) was onder die gewilde kunstenaars wat Vrydag en Saterdag opgetree het. Saterdagoggend vroeg was daar weer ‘n pretdraf vir Bybels en daarna het Jannie de Beer, Springbok rugbyspeler, as spreker by die ontbyt gepraat oor hoe om jou huis te herstel. Die fees se Facebook-blad was “nog nooit so besig na enige van ons vorige feeste nie”, het Danie Gous voorsitter van die fees gesê. Volgende jaar se datum vir die fees is 8-10 Maart 2013.
2012/03/14 07:43:33 AM
courant nuus
4
14 Maart 2012
Swartland ondersteun Kansa Shavathon
Die ondersteuning was groot vir verlede week se Kansa Shavathon. Hier is paar leerders van Chris- Ook by Riebeek Kelders op Riebeek-Kasteel het die personeel hul telike Privaatskool Malmesbury by Malmesbury ondersteuning aan Kansa toegesê met ‘n Shavathon wat deur die Toyota met gekleurde hare. personeel gehou is.
4de Relay for life dié naweek op Malmesbury Spanne kan nog inskryf vir vierde Relay For Life: Malmesbury is aan die gons oor Kansa se vlagskip-geleentheid, wat hierdie naweek by die Hoërskool Swartland se A veld plaasvind. Relay For Life is ‘n unieke deurnag gebeurtenis, waar spanne om die baan stap vir fondse ten bate van Kansa. Spaninskrywings kan steeds gedoen word by die Kansa-kantoor teen R400 per span. Spanne moet bestaan uit tussen 10-15 lede. Die hek open 15:00
164a.indd 4
vir dagbesoekers; toegangsfooie beloop R20 per volwassene en R10 per skoolkind. Die publiek word versoek om slegs die boonste ingang te gebruik, vanuit die Dirkie Uysstraat grondpad (agter die OLOK saal). Die hek sluit 23:00 vir die dagbesoekers. Luminaria sakkies is ook nog te koop teen R10 per sakkie. Vir verdere inligting oor Relay For Life, kontak Hester Smit by die Kansa-kantoor (022 482 1111/ 073 509 9221) of Herman Aucamp (083 915 9575).
Die kleingoed by Kammaland Speelskool op Malmesbury het hul eie Shavathon ten bate van Kansa gehou.
BO: Jeanne Thomas skeer Wim Smit se hare by Malmesbury Toyota waar een van die shavathons gehou is. REGS: Theo en Carine Strydom van Moorreesburg Spar het die shavathon ondersteun. By hulle staan Carla Scheffer
2012/03/14 07:44:09 AM
14 Maart 2012
courant nuus JDD skenk bankbalans aan Jo Dolphin
5
Nadat die Jong Dames Dinamiek onlangs op nasionale vlak ontbind het, is besluit dat elke tak sy oorblywende fondse na goeddunke kan aanwend. Malmesbury se tak het besluit om die balans in hul rekening aan Jo Dolphin, tehuis vir gestremdes, te skenk. By die laaste afsluitingsfunksie van dié tak wat Saterdag op Wellington gehou is, was agter Beverley van Schalkwyk, Yolande Naude, Karin Rabbets, Helena Jurgens, Annerie Beukes en Christel Versfeld. Voor sit Mariata Malherbe, Liza-Mari Lategan en Lizl Coetzee.
Promosie
DC Scrap Metals – ‘Jou skroot-metaal is my passie’ Wernich van der Walt het op 28 Januarie aan sy eerste nasionale wedren te Humansdorp in die Oos-Kaap deelgeneem. Hy het die eerste ronde van die “Offroad” nasionale kampioenskappe vir seniors, 450cc voltooi, en ‘n uitmuntende sewende plek gehaal.
164a.indd 5
Driaan Coetzee, eienaar van DC Scrap Metals op Malmesbury én Mooorreesburg, het reeds drie jaar ondervinding in die skroot-bedryf. Sy doelstellings is duidelik: “Om die beste pryse vir my kliënte te waarborg en kwaliteit diens te lewer.” DC Scrap Metals maak persele en plase in die Malmesbury en Moorreesburg-omgewing skoon van alle skroot-metaal en bied ook gratis kwotasies aan. Driaan nooi die publiek uit om die DC Scrap
Metals-kantoor in Albaniestraat 16 op Malmesbury te besoek, of Industriële Singel op Moorreesburg, vir ‘n kennismaak of ‘n kwotasie. Dié twee kantore word beman deur sewe goed opgeleide personeellede. Driaan bedank sy getroue kliënte van die afgelope jare vir hul ondersteuning. Skakel DC Scrap Metals se kantoor op Malmesbury by 022 482664 of Moorreesburg (022 433 4969) of Driaan op sy sel by 072 1109275.
2012/03/14 07:44:29 AM
6
courant promosie
14 Maart 2012
Ons wil ‘n verskil maak
Julian Adams en Shane Arendse hard aan die werk met akkurate en flink diens.
Die aantreklike wagkamer van Hi-Q waar klante kan ontspan terwyl daar aan u motor gewerk word.
164a.indd 6
Derik Swanepoel en Leon Louw van Hi Q op Malmesbury het op 5 Maart hul deure op Malmesbury oopgemaak en is van die begin af gefokus op uitstekende diens. “Bande is ‘n noodsaaklikheid en nie iets wat jy aankoop as dit nie nodig is nie. Daarom moet die koop-ondervinding by Hi Q ten minste so aangenaam as moontlik wees!” verklaar hulle. Die dienste wat Hi Q bied is bande, alle onderstel-werk, sowel as klein dienste op enjins. Hi Q bemark alle plaaslike en ingevoerde produkte, maar is geaffilieer met Goodyear, die no 1
verskaffer vir bande aan Hi Q. Derik en Leon het van die begin af die gerief van die kliënt eerste gestel: Daarom is die voorportaal en ontvangsarea met glaspanele van die werkswinkel afgeskort, sodat die stof en geraas grootliks wegbly van die kliënt wat daar wil wag. “Ons bied ‘n gemaklikke ontvangs-area waar die kliënt ‘n beker koffie kan geniet terwyl hy tv kyk en die kinders inkleur en speel in die kinderhoekie. En omdat hulle pro-plaaslik is, is feitlik alle dienste en aankope vir die inrig van hulle werkswinkel en wagkamer plaaslik bekom. Ook die
Die eerste klante van Hi-Q Malmesbury was Liese le Roux en Mariëtte le Roux.
2012/03/14 07:45:00 AM
14 Maart 2012
courant promosie
by Hi - Q Malmesbury nuut aangestelde personeellede is almal van Malmesbury. Besoek gerus die vriendelike, kundige personeel van Hi Q in
Voortrekkerweg, Malmesbury tussen 08:00 en 17:00 op weeksdae en 8:00 tot 11:00 op Saterdae, of skakel hulle by 022-482 1931.
Personeel van Hi-Q Malmesbury: Julian Adams, Derik Swanepoel, Leon Louw en Shane Arendse.
Daar is ‘n groot verskeidenheid produkte om aan elke behoefte te voldoen.
164a.indd 7
courant nuus
7
Swartland Groep stuur Crossroads-projek vir jeug Die Swartland-groep het verlede Woensdag ‘n projek in samewerking met Crossraoads op Malmesbury bekendgestel waardeur die jeug opgebou en sosiale euwels verminder moet word. “Crossroads is ‘n program wat konsentreer op karakterbou om jong mense te help om die regte besluite te neem en risiko-gedrag te vermy,” het Jurie Hanekom, hoof uitvoerende beampte van die Swartland-groep, gister gesê. “Swartland Boudienste dra die koste van die projek vir die bekendstellingsfunksie aan skoolhoofde, asook die koste verbonde aan die vierdag-opleiding van die onderwysers. “Ek reken dit is die maklike deel van die projek. Ons toets van sukses gaan wees hoeveel vrywillige onderwysers ons kan oplei, want hulle moet dit wil doen en dit dan inkorporeer in die bestaande kurrikulum van die skool. “Dus maak ons grootliks staat op die onderwysers se welwillendheid om die program ‘n sukses te maak en die opleiding deur te gee aan die jong mense,” het Hanekom gesê. “Die Swartland-groep wil weer terugploeg
in die gemeenskap en hierdie is een van die gemeenskapsprojekte wat ons geïdentifiseer het,” het Johann Maritz, hoof van opleiding en veiligheid by die Swartland-groep, Maandag aan die courant gesê. Dié projek behels dat twee tot drie onderwysers uit elke skool in die groter Swartlandomgewing betrek en opgelei word in ‘n kurrikulum wat in samewerking met Crossroads aangebied sal word. Die Swartland-groep dra die koste vir die ongeveer 90 mense uit die 31 skole wat hierby betrek word. Dit sluit skole in vanuit die Riebeek-Vallei, Moorreesburg, Malmesbury, Darling, Mamre en Atlantis. “Die fokus van die opleiding bly karakterbou onder die jongmense. Ná die opleiding sal die kursusgangers ‘n sertifikaat van bevoegdheid ontvang. Daarna sal ons weer teruggaan na die skole toe om te monitor en te evalueer hoé die opleiding deurgegee word na die jeug van die Swartland toe.” Maritz het aangedui dat die skool- en departementshoofde baie opgewonde is oor die projek en wat dit vir die jeug kan beteken.
Onder die rolspelers by die loodsvergadering van die Swartland Groep en Crossroads verlede Woensdag, was Johann Maritz van die Swartland Groep (links), die nasionale koördineerder van Crossroads, Piet de Beer (naaslinks), Jurie Hanekom, hoof uitvoerende beampte van die Swartland Groep (derde van regs) en twee van die hoofaanbieders Ruth en Hans Stormbroek (naasregs en regs).
2012/03/14 07:45:22 AM
courant courant wat gebeur
8
14 Maart 2012
Sudoku 164 Sudoku 163 antwoord
die courant Maart
kalender Kaas en Wyn vir Addele Jonker 20 Maart - ‘n Kaas en Wyn met ‘n modeparade in die NG Kerksaal op Moorreesburg, gereël deur vriende van Addele Jonker, ‘n 18-maande dogtertjie met kanker. R100 per persoon. Colleen Martin: Tel 022 433 1880 Biblioteekweek 20 Maart - Die Malmesbury Biblioteek bied ‘n poppekas om 08:30 aan. Neulfontein Staproete 20 Maart - Die Moorreesburg Koringberg Toerismeburo nooi amateurfotograwe om mee te doen tydens die bekendstelling van Neulfontein Staproete om 17:00 by Neulfontein. Trek koel en gemaklik aan. RSVP 16 Maart @ 12:00 Annelize by 022 433 1072/082 574 0357.
Onbeskaamd @ De Bron Teater 15 Maart - “Onbeskaamd” tree om 19:00 in die De Bron Teater op Malmesbury op. Kaartjies beloop R50. Kontak 022 487 2000. VLV Sirkel 14 Maart - Die Malmesbury VLV is die gasheer vir die Paarl-sirkel se 60ste verjaardag-konferensie in die Malmesbury stadsaal. Die agt takke wat die Paarl-sirkel vorm, bied dit aan. Rig navrae aan Erina Myburgh (022-482 3560). NG Kerk Moorreesburg Familiefees 16-18 Maart - Vrydag 16de 17:30 Basaar en Sang-aand; Saterdag 17de Wyksbraaie; Sondag 18de 9:30 Jubeldiens aangebied deur Gwendoline Kriek en 12:00 Gemeente-ete. Skakel die Kerkkantoor by 022 433 1105.
Beheerraadvergadering 20 Maart - Badisa op Malmesbury se nominasies vir beheerraadslede vir die tydperk tot Maart 2015, sluit. Die Beheerraadvergadering word op 22 Maart gehou. Skakel JD van Wyk (022 486 6240) vir navrae. Ethembeni ‘Place of Hope’ 20 Maart - Ethembeni ‘Place of Hope’ se jeug kom elke Dinsagaand byeen vir gesonde vermaak en lesings by Jakarandastraat 9. Skakel Adriaan Januarie by 073 025 7170 vir navrae
Ghoema-wenner Sarah Theron op Malmesbury
AGS Corpus Christi Malmesbury 18 Maart- Die oggenddiens om 9:30 is ‘n lof- en dankseggingsdiens vir die kerkgebou wat afbetaal is. Die aanddiens is ‘n gesinsdiens om 18:30 Skakel pastoor Smit (073 447 2902) vir navrae.
164a.indd 8
Sarah Theron @ De Bron Kleinteater 21 Maart - Sarah Theron tree op in die De Bron kleinteater op Malmesbury. Kaartjies by 022 487 2000 @ R100 per persoon. Kaskarre @ HDU 22 Maart - Die Hoërskool Dirkie Uys op Moorreesburg hou ‘n fondsinsameling met kaskarre om 17:30 by die Gene Louw Sportgronde. Stalletjies met eet- en drinkgoed sal beskikbaar wees en kaskarre sal voorsien word. Spanne bestaan uit ‘n minimum van nege lede. Kostes beloop R40 per lid en gelde is voor of op 14 Maart betaalbaar. Kontak die skool by 022 433 2253 met navrae. ACVV Speelkasteel Pretloop en Braai 22 Maart 2012- Deelname aan die stap, wat om 18:30 begin by die ACVV Crèche Speelkasteel Lowry Colestraat, is gratis. Braaiete is beskikbaar @ R50 ‘n ete, nagereg @ R10 per porsie en boereworsrolle @ R10 Etes MOET vooraf bestel word. Etes kan vanaf 19:00 die aand afgehaal word. Vir navrae en bestellings, kontak Suzanne van der Merwe by 022 482 3742. ACVV-Dienssentrum 22 Maart -Die ACVV-Dienssentrum op Malmesbury hou hul jaarlikse pretloop en braai. Kaartjies vir braaietes is beskikbaar by Natalia Steyn (022 48 22245).
Kansa se Relay for Life op Malmesbury 17 Maart - Die vierde Relay for Life op Malmesbury vind deurnag plaas op die velde van die Hoërskool Swartland. Skryf ‘n span in (15 lede @ R400) om te stap om die baan op ‘n aflosstyl, terwyl die musiek en kermis-atmosfeer deur die nag duur. Skakel Hester Smit by Kansa: 022-4821111 of Herman Aucamp (RFL-voorsitter) by 083 519 957 Richard Jon Smit 18 Maart - Die House of Prayer op Malmesbury bied die gospelsinger en evangelis, Richard Jon Smit aan 15:00 in die Wesbank-gemeenskapsaal. Gratis toegang, maar donasies sal waardeer word. Sy CD word ook daar verkoop. Pastoor Ken Pattison (083 498 2990) vir navrae.
Ekonomiese bemagtiging 21 Maart (Menseregtedag)-Ekonomiese bemagtigingsdag in die Malmesbury Stadsaal waar almal wat ‘n besigheid wil begin, toegerus word en inligting bekom oor beskikbare fondse. Besighede kan ook uitstallings aanbied om hul werk bekend te stel. Die WesKaapse minister van Finansies, Ekonomiese ontwikkeling en Toerisme, Alan Winde, is een van sprekers. Skakel Michelle Morris by 022-482 79400 vir navrae en besprekings.
Polisiëringsforumvergadering 22 Maart - Die polisiëringsforumvergadering op Riebeek-Wes word om 19:00 in die stadsaal gehou. Alle organisasies is welkom om ‘n verteenwoordiger te stuur en ‘n verskil teen misdaad te maak. Die kontakpersoon is Anna Wilschut (072 023 0832). Jeugkamp/-uitreik 23 tot 25 Maart - Die Maria Mission Ministries onder leiding van Pastoor van Harte reël ‘n jeugkamp/-uitreik by die Vooruitsig Primêre Skool op Darling teen R30 pp, alles ingesluit. Skakel mev. van Harte (082 3061748) om te bespreek.
Die gewilde sangeres Sarah Theron tree op 21 Maart in die De Bron Kleinteater op Malmesbury op. Kaartjies @ R100 is beskikbaar by 022 487 2000. Theron se album Storm in a D-Cup is Sondagaand by die eerste Ghoema-toekennings aangewys as die beste country-album.
Lions Potjiekoskompetisie op Malmesbury 14 April - Lions Potjiekoskompetisie op Malmesbury Die Lions bied hul jaarlikse potjiekoskompetisie by die skougronde aan met vermaak, saamkuier en ‘n lewendige orkes. Inskrywings @ R200 per pot; fondse gaan vir liefdadigheid. Skakel Andy Johnston met navrae ( 083 256 8178)
2012/03/14 07:45:45 AM
courant kos en nuus
14 Maart 2012
9
Stil sit, dié wil Oom Piesang Muffins vir SP de Greeff nie die gesin Karen Rabbets van die Deli in die Checkerssentrum op Malmesbury het hierdie week se resep voorberei. Besoek hulle vir enige tuisgebak, soetigheid of Chinese disse.
Bestanddele 400g oorryp piesangs fynge druk 1 lemmetjie se sap en skil fyn gerasper 200g semelryke bruismeel 1/2 t fyn kaneel 75g margarien 110g bruin suiker 2 eiers liggies met ‘n vurk geklits Heuning
Metode Meng die piesang en die lemmetjiesap en skil en hou eenkant.
Heerlik!
Meng die meel en speserye en vryf die margarien in.
Roer die suiker by. Roer die piesangmengsel en eiers by en skep in gespuite muffin pannetjies. Bak by 180 grade tot die toetspen skoon uitkom. Bedruip liggies met heuning wanneer dit uit die oond kom en laat afkoel in die pannetjies.
164a.indd 9
bedryf, maar het dit aan Goodall & Williams verkoop ná sy pa se afsterwe. “Toe het ek as bestuurder vir dié maatskappy gewerk, maar omdat ek grootgeraak het in Moorreesburg, was dit elke keer vir my moeilik om bekendes te begrawe. Ek het dus 27 jaar gelede afgetree, want die spanning van dié werk het my gesondheid begin aantas.” De Greeff beskou sy jarelange dienswerk nie as iets merkwaardigs nie, want hy besef die waarde daarvan om besig te bly en in kontak te bly met tydgenote. Hy is ook baie trots op sy susterskind (Ruan van Heerden) wat ook op jong ouderdom aktief betrokke is by die ACVV - veral omdat dit ‘n tradisioneel vroue-gebied is.
Maak 6 ekstra groot of 9 standaard muffins.
Wen ‘n CD van Dee-Dee! Dee-Dee, ‘n jong kunstenaar van Durbanville het pas haar splinternuwe Country Album, “Ly aan die Liefde” vrygestel. Hierdie CD bevat 21 snitte waarvan 15 oorspronklike snitte is en deel ook ‘n duet met Robbie Klay. Dis lekker Country Musiek wat deur oud en jonk geniet sal word. Die CD sluit ook 7 gospel snitte in. Dee-Dee tree gereeld by feeste en fondsinsamelings op en is die ideale keuse vir u volgende fondsinsameling of fees. Sy het pas terug gekom van die Little Nashville Country Festival in Vanderbijlpark en gedurende Maart strek haar program verder deur Hermanus, Stellenbosch en die KKNK. Dee-Dee word deur EXTREME Promosies bestuur en is beskikbaar vir sangoptredes by enige
“Ek is al vir 27 jaar afgetree, maar gelukkig het ek die ACVV,” verklaar meneer SP de Greeff (81) van Moorreesburg. De Greeff het net na sy aftrede dié werk op hom geneem om die gekookte middagetes van die Moorreesburg-ACVV uit te ry - na die Kleuterland Dagsorgsentrum; na Immanuel-tehuis vir bejaardes op die dorp; na verswakte bejaardes wat wag op outehuis-opname; elke weeksdag. Soms ry hy ook met mense na die Kaapse dokters toe en vir baie jare het hy ook die ACVV Dienssentrum se lede vir uitstappies uitgeneem. “Ons het heerlike uitstappies gehad,” vertel De Greeff. “Na Tafelberg, winkelsentrums, Kunstekaap ...” De Greeff vertel heerlike stories oor die dae toe hy nog die uitstappies hanteer het: “Dit bly ‘n groot verantwoordelikheid om na al die mense om te sien! Een keer, toe ons ná ‘n kabelkarrit teen Tafelberg uit, terug kom by die bussie, was daar twee mense ‘missing’. “Ek is toe weer teen die berg uit, baie ontsteld oor dié twee se welstand. En wat sal ek sien toe ek daar bo kom? Dié twee sit heerlik en kuier rondom ‘n koppie tee!” Hy het egter ses jaar gelede besluit om die verantwoordelikheid van die uitstappies af te gee, juis oor die groot verantwoordelikheid wat dit meebring. De Greeff is gebore en getoë op Moorreesburg, waar sy pa die destydse begrafnisondernemer was. Hy het vir ‘n klompie jare saam met sy pa dié besigheid
Promosie
fondsinsameling- of feesgeleentheid. Alhoewel haar nuutste CD ‘n Country album is, is sy ‘n veelsydige kunstenaar en sing sy enige iets van Afrikaans tot Pop tot Country! Kontak Lance vir enige verdere navrae of besprekings by 021-559 2299 of 079 039 8863 of besoek haar webwerf by www.dee-dee. co.za vir meer inligting. Hierdie Country CD, “Ly aan die Liefde”, is beskikbaar by Extreme Promosies – Lance 0790398863. Vyf gelukkige lesers kan elkeen ‘n splinternuwe CD van Dee-Dee wen. Stuur die antwoord op die vraag asook jou naam en dorp voor 20 Maart na 084 8333813. Watter gewilde musiekgenre verteenwoordig Dee-Dee se CD “Ly aan die Liefde”?
Glinsterogies Kleuterskool op Malmesbury het verlede week ‘n skenking van speelgoed ontvang deur Ilse Loock en Chris Hunsinger van die Swartland Munisipaliteit. Die skenking spruit uit die jarelange vennootskap met verskeie internasionale projekte soos die MySwartland/Eurokamp, Sondeza AFRIyouth Camp & Studente Uitruil Projekte. Die speelgoed is ingesamel en geskenk deur Frau Christiane Brandenburg, hoof van KIES, Gunthersberge en die besoekende Duitse afvaardiging van 2011. Glinsterogies is die vierdie kleuterskool wat gebaat het uit hierdie inisiatief.
2012/03/14 07:46:09 AM
10
courant nuus
14 Maart 2012
Boland-atlete in die Swartland
Die jaarlikse FNB Classic Clash tussen die spanne van Hoërskool Piketberg en Schoonspruit Sekondêr vind op Saterdag 12 Mei op die terrein van Hoërskool Piketberg plaas. By die beplanningsvergadering wat verlede week op Piketberg gehou is, was van links Raynard (Vos) de Jager van Schoonspruit, Frikkie Osborne takbestuurder van FNB Piketberg en Chris van der Merwe, Iza Schreuder en Marius Scholtz (skoolhoof) van Hoërskool Piketberg.
Die atlete van Hoërskool Swartland is in die Boland-atletiekspan opgeneem en neem die naweek aan die Wes-Kaapbyeenkoms op Oudtshoorn deel: vlnr: Tiaan Nell (S.17 2000m hindernis), Annereen Malan (D.17 2000m hindernis), Ezra Geldenhuys (S.15 800m), Thando Magingxa (S.15 stap, Ester van der Merwe (D.15 stap), Hamzah Ismail (S.17 2000m hindernis), Allison de Wet (800m), Doné du Randt (D.19 hamergooi) en Lorenzo Adams.
BO: Hierdie leerders van Laerskool Darling het verlede naweek op Oudtshoorn aan die Wes-Kaap Laerskole Atletiekbyeenkoms deelgeneem. Hulle is Lucrisa Barends (Hoogspring Dogters 12 jaar) en Jay-Cee Kotze (Verspring Seuns 11 jaar) saam met die organiseerder, Johan Hattingh.
By Wesbank Sekondêr op Malmesbury het Brandou Skippers (links) en Siphosetu Thobigunya uitstekend gevaar tydens die Bolandkampioenskappe. Brandou neem die naweek deel aan die Wes-Kaapbyeenkoms op Oudtshoorn: driesprong Seuns o/19. Siphosetu verower bronsmedalje in 200m seuns o/14. By hulle is afrigter Hennie Klaase.
Anushka Odendaal en Eddie Jones van Hoërskool Dirkie Uys op Moorreesburg het Boland-kleure verwerf en neem die naweek deel aan die Wes-Kaapbyeenkoms op Oudtshoorn.
Ughen Lewis van Schoonspruit Sekondêr op Malmesbury gaan die naweek verspring by die Wes-Kaapse atletiekbyeenkoms op Oudtshoorn.
Kontak ons gerus met enige skolenuus of enige ander goeie nuus. 022 487 3221 of admin@diecourant.co.za
164a.indd 10
2012/03/14 07:46:54 AM
14 Maart 2012
courant nuus
Streek vaar goed by Debatfees
11 Promosie
Met die viering van hul eerste verjaarsdag verlede week het daar ‘n feestelike atmosfeer geheers by BI Worx Construction in Bokomoweg op Malmesbury. Daar was groot belangstelling en heelparty uitstallers het van die geleentheid gebruik gemaak om hul produkte uit te stal. Schoonspruit se debatleerders het uitstekend gevaar by die US Woordfees se WOWdebat Saterdag. Hulle het in die afdeling ‘Nuwe Besems’ deelgeneem en skoonskip gemaak deur daar te wen. Op die foto is N. Larey (afrigter), Charmoné Jacobs, Dealon Fredericks en Nikite Swartz. Die Hoërskool se senior debatspan is Niel van Zyl, Jana Eksteen, mev Betsie Jordaan (afrigter) en Ernst van Zyl.
As deel van die Woordfees het Jana Eksteen, Ernst van Zyl en Niel van Zyl, graad 10-leerders van Hoërskool Swartland Saterdag saam met 32 ander skole van die Wes- en die Oos-Kaap aan die WOW Debatfees op Stellenbosch deelgeneem. Die jong span van Swartland het in die Ou Hande kategorie vir senior spanne (graad 10 tot 12) meegeding teen topskole soos Tygerberg, Bloemhof, Oakdale,
Monumentpark en Hugenote. Spanne kry die onderwerp van elke debat slegs 10 minute voor die aanvang daarvan. Swartland het gerekende skole soos Hoërskool Pearson, Somerset College en Outeniqua uitgeskakel en deurgedring tot die halfeindronde waar hulle naelskraap vasgeval het teen die wenners van die afgelope twee jaar, DF Malan.
Konstabel Glen van der Merwe is aangewys as die Moorreesburg polisie se polisiebeampte wat die beste presteer het vir die maand Februarie. Van der Merwe (middel) is hier saam met Kaptein van Zyl - vispol hoof (regs) en stasiebevelvoerder Kolonel Williams (links).
164a.indd 11
2012/03/14 07:47:25 AM
12
Uitslae en bepalings MALMESBURY TENNIS
MALMESBURY A TEEN DURBANVILLE Malmesbury wen 8 wedstryde teenoor nul Braam Isaacs k N.Stadler 6-1, 6-4 David Isaacs k F.van der Merwe 6-0, 6-2 Demi Rose k E.Swanepoel 6-0, 6-0 Kim Titus k T.du Toit 6-4, 6-3 Dmitri Marais & Emci Dippenaar k T.Prinsloo & V.Wessels 6-4, 6-2 Braam Isaacs & Demi Rose k N.Stadler & E.Swanepoel 6-1, 6-1 David Isaacs & Kim Titus k T.Prinsloo & V.Wessels 6-4, 6-4 Dmitri Marais & Emci Dippenaar k F.van der Merwe & T.du Toit 6-1, 6-2 MALMESBURY B TEEN BRACKENFELL Malmesbury wen 8 wedstryde teenoor nul Kristoff Isaacs & Divan Robertson k M.Ehlers & F.Basson 6-0, 6-2 Irwin Turner & Daryl Blom k G. Rheeder & I. Janse van Rensburg 6-4, 6-1 Annette de Wet & Marietjie de Kock k K.James & A.Myburgh 6-1, 6-3
Melanie Stemmet & Nicolette Brand k C.Geldenhuys & M.Wentzel 6-7, 6-2, 7-6 Kristoff Isaacs & Annette de Wet k M.Ehlers & M.Wentzel 6-0, 6-0 Divan Robertson & Marietjie de Kock k F.Basson & K.James 3-6, 6-2, 7-6 Irwin Turner & Melanie Stemmet k G.Rheeder & A.Myburgh 7-6, 6-3 Daryl Blom & Nicolette Brand k I.Janse van Rensburg & C.Geldenhuys 6-2, 6-2
nuus courant
14 Maart 2012
Hoërskool Swartland seëvier in oefenstryde
MALMESBURY GHOLF KLUBKAMPIOENSKAPPE INDIVIDUELE STABLEFORD C - Afdeling - 1. R. Liedeman 86; 2. G. Immelman 89; 3. W. van Niekerk 89. Dames - 1. N. Lawrance 89; 2. I. Visser 94.
MALMESBURY RUGBY BLOUES Bloues vs Voorberg: Bloues 1 wen 32-31 Bloues 2 wen 10-8 Bloues 3 wen 20-0
LINKS: Estevan Janse van Rensburg steek die doellyn oor vir Hoërskool Swartland met ‘n opponent op sy rug en spanmaat Josef Burger by om te ondersteun. Regs is Dewald Stoffberg wat die bal dra en Jacques Welman wat hand bysit. HSS se eerste span het gewen 47-12 en die tweede span het met 48-5 teen Robertson geseëvier.
Swartland se Junior Stadsraad byeen
Die nuwe junior stadsraad van die Swartland Munisipaliteit het Maandag vir die eerste keer vergader. Hulle woon binnekort ‘n skolingskamp by, waar hulle toegerus sal word vir die jaar se werksaamhede.
164a.indd 12
2012/03/14 07:47:55 AM
14 Maart 2012
courant nuus
13
Schoonspruit & Piketberg hou St Stithians proewe
Die proefwedstryd vir hul toer na die St Stithians-toernooi tussen Schoonspruit en Piketberg was ‘n tipiese vroeg in die seisoen-affêre. Schoonspruit se agterlyn het beïndruk. Hier het veral Chemandre van Schalkwyk en Anzo Stubbs die ooggevang. Ludio Williams no. 8 het sy span ook goed oor die voordeellyn gebring met sy stormlopies. Piketberg se voorspelers het gesorg dat hulle genoeg balbesit het
164a.indd 13
Bo: Cheslyn Korasie (SS) rank hoog bo sy teenstanders. Links Bo: JP de Villiers (PHS) dra bal. Links: Darryn Cleophas (SS) dra die bal. Werner Lourens (PHS) probeer keer. om mee te speel. Hier het Werner Lourens JP de Villiers en Dewald Greeff met voorbeeld gelei. ‘n Lastige wind, vroegseisoen verroestheid en hanteerfoute het verhinder dat dit ‘n skouspel is. Die afrigters is egter positief dat met genoeg oefening en ‘n oefenwedstryd of twee die span weer vanjaar, soos in die verlede, goed sal vaar op die Saints Toernooi in Johannesburg vanaf 4 - 9 April.
2012/03/14 07:48:35 AM
14
die courant
nuus courant
Om hier te adverteer, skakel ons gerus by 022 487 3221
164a.indd 14
14 Maart 2012
dienste
Jody brings years of experience to The Dog Groomer Jody the Dog Groomer has been involved with dogs as long as she can remember. Her mother used to sell Schnauzers and was also a dog groomer. Jody says: I started out in die North Western province with a big parlour and six staff members. I quickly realized that I did not like the way things were done – it was like a production line with no personal attention and rows of dogs in cages. I sold the parlour and moved to Knysna, where I did it in my way, doing everything myself with lots of personal care for the dogs – and I loved it! The dogs enjoyed coming to the parlour and a happy dog is a happy owner! Due to my husband’s work, we moved to Cape Town nine years ago, so I started
all over again with the same personal attention and a shop with a garden area for the dogs to enjoy! Soon business was booming and I even started grooming black russian terriers, huskies and golden retrievers for the K.U.S.A. championship shows. But I missed the quiet of a small town, so we moved to Malmesbury – I love it here! I am looking forward to meeting your lovely dogs, for grooming and lots of personal attention!! A collection/delivery service is available in Malmesbury, but bookings are essensial. The Dog Groomer is open Monday to Friday 8:00 – 16:00 and Saturdays 8:00 – 12:00. Call Jody on 022 4822749/082 519 4769.
2012/03/14 07:49:42 AM
die courant 14 Maart 2012
Algemeen
1
• PASTORALE BERADING - Skakel Theresa van Vreden by 083 310 3823 vir afspraak. (Assosiaatberader ABBO/ Radiokansel. Reg: SAAP AO20/80 -------------------------• NERIA MISSION MINISTRIES - Onder pastoor van Harte reël ‘n jeugkamp / -uitreik 23 - 25 Maart by Vooruitsig Primêr (Darling) @ R30pp. Skakel 082 306 1748
Gesoek Wanted
2
Te koop For sake
3
• GOEDERE GESOEK - 2de handse meubels, yskaste, vrieskaste, asook linne, skoene, handsakke en breekgoed. Kontak 022 487 1547 / 084 794 7528 -------------------------• JOLLY JUMPER - Vir baba gesoek. Kontak 078 502 7405
• EGTE LEER MANSSKOENE - (Vellies, stewels en sandale) Alle nommers beskikbaar, asook groot nommers (5 - 15). Teen baie spesiale pryse. Verskeiekleure. Malmesbury. Kontak Max 083 275 8266
Te Huur To Let
7
• KANTOORSPASIE, MALMESBURY Middedorp kantoor/winkel met klein komb & badk te huur @ R2000pm. Rainierstr. Skakel 083 991 7350 -------------------------• PORTERVILLE - 4 Slaapkamer huis te huur. Twee badkamers, met motorhuis. Sentraal geleë. Huur R3000pm. Skakel Pieter by 082 838 3766 -------------------------• KANTOORRUIMTE - Ruim huis, sentraal geleë in Malmesbury - onmiddellik beskikbaar. Skakel 022 482 1131 -------------------------• DU TOIT TRAILERS Sleepwaens te huur, asook kar sleepwa “piggy back”. Kontak 022 482 1767 / 072 237 2349
Dienste Services
12
• DIENSTE GELEWER - Vervoer van meubels, verwydering van bourommel en
164a.indd 15
tuinvullis, afsaag van bome & afmaak van struike. Kontak Willie Gagiano by 082 875 4802 of 022 448 1336 -------------------------• VERWYDERING VAN BYE - Uithaal en verwydering. Kontak Kobus du Plessis by 083 722 7787 of 022 482 2767 -------------------------• NEGOSIKAS KOOP EN VERKOOP - Porselein, enemel, wit linne en alles wat interessant is. Op die hoek van Hill en Vredestr, Malmesbury. Skakel 022 487 2601 -------------------------• VERWYDERING VAN TUINVULLIS - Skoonmaak van erwe groot en klein asook skoonmaak van beddings, tuine ens. Gratis kwotasies. Skakel 083 227 5937 ------------------------• ABC PARTYTJIES - Kinder-temapartytjies, dekor, tafeltjies, stoeltjies, koeke en versiersuiker-prints. Kontak Elsa 078 544 2038, abcpartytjies@ gmail.com of www. abcpartytjies.weebly.com
Diere Animals
per week. (3 x 5 hour sessions) Start soonest. Send CV to Lani admin@occucare.co.za of fax to 086 613 1872
15
mini gigs
& dienste
Om hier te adverteer, skakel ons gerus by 022 487 3221 of stuur ‘n e-pos na accounts@ diecourant. co.za
15
• LABRADOR HONDJIES - Goudkleurig, 7weke oud. Ingeent en Ontwurm, R2000elk. Skakel 082 852 2552
Betrekking beskikbaar
17
• KELNERS & KOMBUISPERSONEEL GESOEK - Skakel 082 563 2161 of 072 186 6996 -------------------------• PERSONEEL BENODIG VIR KROEG (BAR) - Kontak 082 898 9757 of 078 263 7344 -------------------------• ALGEMENE PLAASWERKER BENODIG 3maande proeftydperk. Kode 10 sal in u guns tel en moet ook kan trekker bestuur. Hardwerkend en ook eie inisiatief kan neem met moontlike toekomstige bevordering. Geen kansvatters. Rapporteer aan eienaar. Skakel 082 698 1181 -------------------------• OHNP FOR MALMESBURY FACTORY - Temporary contract - month to month. 15 hours
* LET OP * Die betaling vir alle geklassifiseerde advertensies (smalls) is Dinsdaemiddae om 14h00.
2012/03/14 07:50:04 AM
courant agterblad
die
swartland en weskus
14 Maar t 2012
Bloues skop seisoen goed af
Die Boland-liga het begin. Malmesbury Bloues het in die hitte van Malmesbury hulle teenstander, Voorberg, geklop. Die eerstespanwedstryd was naelbyt, maar Bloues het hom deurgehak met 32-31. Hier soek Christo Kotze (links) van Malmesbury Rugby Bloues ‘n gaping en bo druk Xander van Heerden een van Bloues se drieë in die hoofwedstryd.
Die laaste been van Malmesbury Gholfklub se Klubkampioenskappe afdelings C en D - is Saterdag beslis. Regs is Marlon Bocks besig om sy bal op die 18de putjie dop te hou. Kippie Immelman (links) het tweede geëndig in sy afdeling. Volledige tellings op bladsy 12.
164a.indd 16
Riebeek se Ashleigh MoolmanPassio wen Cape Argus Riebeek-Kasteel se nasionale fietsry-kampioen, Ashleigh MoolmanPassio, het Sondag haar opmars na die Olimpiese Spele voortgesit toe sy die Argus-fietstoer gewen het in ‘n tyd van 2:52:24 oor ‘n afstand van 110km.
2012/03/14 07:50:31 AM