courant
gratis
Uitgawe 174
die
swartland en weskus
tel 022 487 3221
23 Mei 2012
hugenotestraat 24, malmesbur y
Leier-boer kom na Swartland
Koot en Tersia Claassen. Een van Suid-Afrika se voorste boere het vyf plase buite Malmesbury gekoop en sal hom binnekort hier kom vestig. Koot Claassen (62), president van Mpumalanga Landbou, het Verland, Diepkloof, Cruywagenskraal en die twee Windheuwel-plase van altesame sowat 2900 hektaar gekoop. Die plase is naby mekaar. Hy en sy vrou, Tersia, en hul kinders wat saam met hulle boer, sal hulle einde Augustus in die Swartland kom vestig, het hy aan die courant gesê. Die egpaar Claassen besoek Malmesbury vandeesweek om finale reëlings vir hul koms te tref. Claassen het al sy grond van sowat 4600 hektaar in die Delmas-omgewing verkoop weens die ontwrigting wat mynboubedrywighede en die ontwikkeling van kragsentrales veroorsaak. Hy boer daar met mielies, braaikuikens, aartappels, ertjies en vleisbeeste. Die onderneming het nagenoeg 500 000 braaikuikens per maand produseer. “Ek kan nie meer met hierdie ouens van
“Ek dink die Swartland gaan vorentoe een van die beter gebiede raak om in te boer.” die steenkoolmyne saamboer nie. “Hulle tree onverantwoordelik op teenoor die omgewing en het geen behoefte om die natuur te beskerm nie. “Die besoedeling van die water en rivier is verskriklik. “Dan is daar die skuddings wanneer hulle met dinamiet skiet, wat ons geboue laat kraak,” het Claassen gesê. “Verder ry hier elke dag 3000 na 4000 vragmotors oor ‘n ou se plaas. “Dis vir my ‘n treurige dag om na 36 jaar hier op te pak, maar ek doen dit vir my kinders en kleinkinders,” het hy uit Delmas aan die courant gesê. Delmas is ‘n hoë-potensiaal-gebied, spe-
sifiek vir hierdie gewasse waarmee ons boer, maar dit is net een van daardie dinge waarmee ‘n mens net nie meer kan saamleef nie,” het hy gesê. Op die vraag waarom hy op die Swartland as nuwe tuiste besluit het, het Claassen gesê hy het strandhuise op Yzerfontein en George en het al ‘heelwat hier in die gebied rondbeweeg’. “Ek dink die Swartland gaan vorentoe een van die beter gebiede raak om in te boer.” Hy beoog om met tradisionele gewasse soos koring, skape en wyndruiwe te begin, maar meen hier is ‘n moontlikheid vir uitbreiding.
Hulde aan speaker bl. 4 Riebeek onthou begaafde leerkrag bl. 4 Skoonheid besoek dorp bl. 3
courant menings/nuus
courant
die
2
23 Mei 2012
97 jaar vs 97 dae!
Hoop in dié vertroue
Die Swartland is (miskien sonder dat hy in baie kringe na waarde geag word) ‘n belangrike en invloedryke landboustreek. Hier word nie net van die beste wyne in ons land geproduseer nie, maar veral die groot bydrae tot die graanspens van ons land kan luidens vroeë voorspellings vanjaar opnuut sy waarde beklemtoon. Die boerderysektor is voortdurend onder druk. Nie net speel omgewingsfaktore ‘n groot rol nie, maar ook die stigma van politiek, ekonomiese druk en owerheidsbeleid van vandag (waaronder die gebrek aan ekonomiese owerheidsondersteuning) maak dat die bedryf ‘n groterwordende uitdaging is. Dit is dan wat die uitspraak van ‘n nuwe Swartlandse boer wat hom as leier in dié bedryf vanuit die noorde hier vestig, nogal ‘n mosie van vertroue in dié streek is. Met die ervaring as leierboer in die provinsie van die opkomende son (Mpumalanga) is dit ironies dat hy hier aan die weste(sononder)kant eintlik die son sien opkom as hy sê hy glo die Swartland “gaan vorentoe een van die beter gebiede raak om in te boer”. Hierdie bedryf wat direk betrokke is in haas elke deel van ons bestaan en die produksie van ons verbruik, is só kardinaal tot ons bestaan dat dit ten alle koste ondersteun moet word om makliker en beter te voorsien in die mensdom se behoeftes. Nie alleen produseer die landbou produkte nie, maar dit bou ook ons land - veel weier as die land waaróp dit boer. Met al die inwerkende kragte is daar in die Nuwe Boer se woorde soveel hoop opgesluit vir ons in hierdie streek. Want as hier geboer kan word, kan hier meer werk en welvaart geskep word om ‘n nog groter bydrae tot die Wes-Kaap én die land as geheel te maak.
Kontak die courant by 022 487 3221 Faks: 086 699 6276; Redaksie - epos: redaksie@diecourant.co.za Advertensies - epos: admin@diecourant.co.za Rekeninge - epos: accounts@diecourant.co.za www.diecourant.co.za
dis goeie nuus
deur: Dr. Andrew Bosman
Jy kan nie… Almal ken die ou testament verhaal van Dawid en Goliat die reus. Saul is koning oor Israel en met sy manskappe op die gevegsterrein. Saul self is kop en skouers groter as sy ander landgenote. Maar Saul sien self nie kans om teen die groot Filistyn te veg nie. Dawid se drie oudste broers, wat self groot manne is, is in diens van Saul se weermag. Wanneer Dawid op die gevegsterrein kom hoor hy hoe Goliat die Israeliete uitdaag en hoe die manne vertel wat met die man sal gebeur wat teen hierdie reus sal veg en hom verslaan. Dawid is bereid om teen hom te veg, want die man daag die linies van die Allerhoogste God uit. Koning Saul is aanvanklik bly dat daar wel iemand is om teen Goliat te veg, maar as hy Dawid sien is sy eerste reaksie: “Jy kan nie na hierdie Filistyn gaan om teen hom te veg nie, want jy is ‘n seun…” Dawid het nie na sy eie vermoë gekyk nie, hy kyk na God se vermoë om hom te gebruik. Ons is in die tydperk van die herdenking van die uitstort van die Heilige Gees. Dieselfde Gees wat in Dawid gewerk het om op te tree en die oorwinning moontlik te maak.
Baba Steyn (97) van die Amandelrug Aftreeoord op Malmesbury het ‘n besonderse Moedersdag by haar kinders op Yzerfontein gevier toe sy vir Lexy (97dae!) haar nuwe agterkleindogter, vir die eerste keer kon ontmoet en vashou.
Dieprivier word verfraai “Dit was my droom vandat ek ingetrek het op Malmesbury, om hierdie rivierwalle te verfraai,” vertel Gail du Plessis oor haar projek op die walle van die Dieprivier. Gail, wat tans herstel van kanker, het vier weke gelede besluit om daad by die woord te voeg en uit haar eie sak plante en gif vir die onkruid begin koop. Haar tuinhulp, Andries Farao, ondersteun haar fluks hiermee en sy geniet wye steun uit die gemeenskap vir hierdie projek. Eerstens moes hulle baie gif spuit om die dorings te stuit en nou word daar fluks geplant. George Retief van die Malmesbury Kwekery dra plante by, honderde geskenkte agapanthus-plante is reeds in die grond en Gail het selfs al drukkies van waardering uit die publiek vir hierdie groot gebaar van haar ontvang. Die Swartlandse burgemeester, Tijmen van Essen, het onlangs aan die Malmesbury Sakekamer voorgestel dat die omgewing rondom die rivier in die toekoms ontwikkel kan word as ‘n toerisme-attraksie en juis dit vestig weer nuwe aandag op hierdie terrein. Gail raak opgewonde as sy vertel wat sy alles beoog: Drie Swartoog nooientjies moet oprank teen die ou boomstam, haar petrol-randsnyer werk oortyd om die ou droë grasse weg te sny, twee amandelbome staan weerskante van die Amandelrugbrug geplant - “Wat is die Amandelbrug nou sonder ‘n amandelboom?” vra sy gelukkig. Sy kla kamtig oor haar getroue tuinman wat so ‘oorneem’ en self ander planne maak as sy vir hom opdragte gee: “Hy besluit self as ek vir hom sekere werke gee en doen dan sy eie ding.
Gail du Plessis en haar helpers, Andries Farao en Abe Isaacs, aan die werk. Eintlik is dit wonderlik, want hy en sy maat, Abe Isaacs, het dié projek hul eie gemaak, ek waardeer dit só baie!” vertel sy. Gail het reeds vier houers gif gekoop en ‘n spuitkan, ‘n nuwe kruiwa en verskeie plante. Verder soek sy nog na strelizia-plante, omdat dit so ‘n duur plant is om dit aan te koop. “Ek is so bly dat dit weer beter gaan met my, daarom is hierdie projek vir my ‘n vreugde! “My finansiële raadgewer het my ongeskiktheidsversekering uitstekend belê. Nou het ek ‘n ekstra geldjie wat ek met Malmesbury kan deel en dit maak my só gelukkig!”
Terwyl die courant met Gail gesels het, het ‘n buurman van die omgewing ‘n kuifkop-visvanger (foto, links onder) by die rivier kom vrylaat, ‘n kleurvolle, skaars spesie. “Hier is soveel kosbare voëls rondom die Dieprivier,” bevestig buurman Rynard van der Merwe, en wys die verskeidenheid sommer net daar aan ons uit: “Die lepelaar, die bloureier, die riethaan, hamerkoppe, die reuse visvanger en allerlei duikers.” “Projekte soos hierdie bevestig net weer die waarde van dié onderskatte en onderbenutte natuurbate van Malmesbury!” het die burgemeester hieroor gesê.
Nog skenkings vir Laerskool Swartland en Philip - hy breek weer Afrika-rekords In die courant se projek om saam met plaaslike ondernemings geld in te samel vir die Laerskool Swartland se eerste SkoolDonateurs ”Protea”, Philip Weideman, gee ons erkenning aan nog nege Donateurs ondernemings vir hul bydraes. Philip is gekies om die land in November in Italië te gaan verteenwoordig as lid van die SA Swemspan vir deelnemers met Downs. Philip het die naweek op ‘n ligagala by UWK weer twee van sy eie Afrika-rekords in die slag laat bly. Sakelui en donateurs kry nog tot aanstaande week die geleentheid tot erkenning vir hul skenkings in hierdie ruimte. Ons plaas die logo’s van besighede wat voor die einde van die maand ‘n minimum skenking van R300 direk in die skool se rekening inbetaal. Enige donateur/sakeman wat belangstel, kan ons kantoor (022 487 3221) skakel en met Hannie Klein praat om te bevestig dat ons u logo gratis in die courant sal plaas. Ons sal dan die skool se bankbesonderhede voorsien waarna u die inbetaling kan doen met u onderneming se naam as verwysing.
23 Mei 2012
courant nuus
Skoonheid besoek Malmesbury
Claudia Degenaar, ‘n Wes-Kaapse finalis vir die Mej. Aarde SA-kompetisie, saam met die graad 4-leerders van Illengu Lethu Primêr op Malmesbury, wat sy geleer het hoe om bone in ‘n glasfles te plant. Claudia Degenaar, ‘n Wes-Kaapse finalis vir die Mej. Aarde SA-kompetisie, het twee Swartlandse skole besoek met die doel om graad 4-leerders groen wenke te leer. In aansluiting by die graad 4-sillabus, het sy die 96 leerders by Illengu Lethu Primêr geleer hoe om bone in ‘n glasfles te plant, en watter noodsaaklike faktore plante benodig om te groei. Sy het later dié projek by OJ Erasmus Primêr in Kalbaskraal herhaal. Claudia Degenaar en die skoolClaudia is sedert haar dae as finalis aan hoof Martin Bocks die Miss PreTeen-kompetisie betrokke by Huis Dahlia op Malmesbury en tree ge“Danksy die Consol-skenking (glasflesreeld op as ambassadeur van Huis Dahlia. Sy is dus geen onbekende op Malmes- sies) en die Malmesbury Kwekery se bome kon ek hierdie projek vandag loods.” bury nie. Weens die reënweer kon die kinders “Ek wil graag al meer plattelandse gebiede bedien,” het sy aan die courant nie die boomplanting by Illengu Lethu Primêr bywoon nie. gesê.
Voëlvleidam tans 43,5% vol
Die jongste damvlak van die Voëlvleidam by Gouda is 43,5%. Die waterinhoud beslaan tans 158,6 miljoene kubieke liter. Dit is byna 6% laer as die 49,2% watervlak op die oor-
eenstemmende tyd verlede jaar. Al die damme in die Wes-Kaap is tans gemiddeld 43,8% vol, teenoor verlede jaar se 43%, volgens die Departement van Waterwese.
Bloudruppelstatus toegeken Die Weskus Distriksmunisipaliteit se waterafdeling is vereer met ‘n bloudruppelstatus-toekenning. Dit is ‘n toekenning van uitnemendheid vir die watergehalte wat aan 22 dorpe in sy bedieningsgebied voorsien word. Volgens Nic Faasen, die Weskus Distriksmunisipaliteit se bestuurder: water, word kriteria soos watergehalte, waterveiligheidsplanne, waterbestuursplanne, perso-
neel, onderhoud, instandhoudingsplanne en die SABS-standaard vir drinkwater in Suid-Afrika in ag geneem deur die Departement van Waterwese se beoordelaars. Die Weskus Distriksmunisipaliteit sluit in die munisipale gebiede Swartland, Bergrivier en Saldanha. Die betrokke 22 dorpe se water word voorsien vanuit die Voëlvleidam en die Misverstanddam.
3
4
courant nuus
23 Mei 2012
Riebeek bring hulde aan begaafde juffrou
‘n Onderwysmens wat haar beroep friendship is like sound health; the value 120% beoefen het, en ‘n opvoeder wat of it is seldom known until it be lost,” het haar ontferm het oor agtergeblewe en Erasmus gesê. verwaarloosde leerders. Matthee het in 1979 op Napier geDit is hoe die matrikuleer, waarna ontslape Lizbe Matsy aan die Wellingthee beskryf is deur ton OnderwyskolIain Erasmus, hoof lege studeer het. van Laerskool RieSy het eers beek Kasteel. twee jaar by HoërMatthee (51) was skool Douglas in ‘n departementsdie Noord-Kaap hoof, maar volgens skoolgehou, waarErasmus ook die na sy die afgelope skool se nie-ampte26 jaar met die like adjunkhoof en kinders van Riebeek ‘n “ware regterhand Kasteel gewerk het. en vertroueling van Matthee was my”. onder meer atleSy is weens pantiekhoof van die kreatitus en orgaanskool, ‘n netbalversaking oorlede. afrigter en het die “Kwaliteit in afgelope tien jaar ‘n haar werk was buitelugskoolkamp ’n hoë prioriteit. oor naweke vir beKonsekwentsoekende skole heid en ‘n passie bestuur. vir integriteit was Haar enigste van haar sterk eiennaasbestaandes is skappe. ‘n suster se kinders Lizbe Matthee “Sy het geglo sy in Pretoria. kan elke leerder se Op Facebook is potensiaal ontwikkel en bevorder. verskeie huldeblyke aangeteken. “Sy het bevele en opdragte van die Stefan Degenaar skryf: “Jufrou Lizbe departement slaafs nagevolg. ‘n Kollega was die onderwyser wat ek die meeste wat lojaliteit as 100% beskou en uit- van gehou het in ons skool. gelewe het. “Sy het ons gehelp in die klas as ons “Sy was ‘n hoogs begaafde leier wat sukkel. swaarkry in die lewe geken het en vir “Ek sal haar baie erg mis, maar weet haarself ‘n toekoms moes bou. ook dat sy nou by die Here ons God is.” “Sy pas so skitterend in by die volgen‘n Roudiens word Donderdagmiddag om de aanhaling van Charles Colton - True 15:00 in die NG Kerk Riebeek Kasteel gehou.
23 Mei 2012
courant nuus
Douvoordag vir u gerief
Hier staan Leon Thomas (Thomas Elektries), Johan Minnie (Bestuurder: Handel en Meganisasie, Frans Jooste (Takbestuurder), Jaco Jonker (Assistent takbestuurder) en Jasper Smit (bouer) voor Douvoordag in Moorreesburg.
MKB se nuwe bate, Douvoordag, die kafee op die perseel van die SHELL vulstasie het verlede week geopen en bied nou aan Jan Alleman die voordeel van inkopies oor langer ure. Dié winkel is daagliks oop vanaf 6:00 tot 22:00, vakansiedae ingesluit. Met drie kassiere wat in skofte werk en die assistent-bestuurder, Jaco Jonker aan diens, kan klante altyd vars produkte en kundige hulp verwag vir alle nood- of laaste minuut-aankope. Douvoordag het ‘n wye reeks produkte wat insluit die noodsaaklikste kruideniers- en toiletware,
‘n verskeidenheid vars groente en daagliks vars gebakte pasteie, asook tafels en stoele met ‘n koffiemasjien waar besoekers kan kom ontspan. Verder bied die winkel produkte soos beskuit, neute, melk, brood, tydskrifte, sigarette, braaihout en toerusting, lekkers, chips, koeldrank en vele meer. Douvoordag en sy personeel wil graag die gemeenskap bedien met wat hulle benodig en enige voorstelle is meer as welkom. U word vriendelik uitgenooi om die winkel te besoek en die lekker inkopie ervaring te beleef. Sien u by DOUVOORDAG!
5 Promosie
6
Gister is verby en ‘n baie goeie leerskool, maar dit bly bloot geskiedenis en hoogstens ‘n redelik goeie verwysing waarop ons die vandag en veral die môre kan bou. Tóg snaaks hoe meer dinge verander en die tyd (veral tegnologietyd) die toekoms in skiet, só baie eintlik die pas markeer en dieselfde bly. En daarom as jy raad soek, jy maklik by gister kan aanklop. Mense luister graag. Dink maar aan hoe gewild was Só maak mens met Esmé (Euvrard) en Jan (Cronjé) op Springbokradio of Murray Janson se Sake van die Hart. ‘n Honderd jaar gelede het ‘n outeur net bekend as ene Mevr. D.J.H. “die derde veel vermeerderde druk” van haar Oranje Kook-, Koek- en Resepten-boek voor Zuid-Afrika” by H.A.U.M. die lig laat sien. Dié boek, slegs die tweede gedrukte Afri-
23 Mei 2012 courant motors Gister se raad, Toyota en die Et(i)os van wildedagga
water gedoopt en dan gebakken wordt.” As de brood dan wil eten en de zukkel met de zere keel, “Doe 3/4 pint kokend azijn over een handvol salieblaren. Giet door als koud is, gorgel dikwels.” As dit brood dan tot gevolg had dat jy las het van “Sooibrand (Zuur op de maag.): Een mespuntje soda, met weinig water.” Luister met respek na die deurdagte en ervare raad en beproefde resepte van gister... maar wonder as Mevr. D. J .H. bietjie waag-halsig raak
Tog wil daar so ‘n “gut feeling” ontstaan dat die vuurwarm vars brood (Maandag gebak en amptelik in Suid-Afrika vrygestel) - Toyota se nuwe Etios - maar ‘n regmerkie kan verdien vir ‘n resep wat kán werk. Ons het bietjie met een van Malmesbury Toyota gery en hy is B-segment met ‘n bekvol. Splinternuut, nie afgestof of opgekikker nie. Hierdie 1.5l motor (terloops, die sedanmodel spog met ‘n kattebak van bykans 600 kubieke sentimeter)
met die volgende raad vir “Slechte spijsvertering: Laat wilde klipdagga trekken en drink 3 maal daags 1kelkje vol na eten.” Weet nie oor die etiek van dié raad en of dié goed vandag nog algemeen wettig beskikbaar is nie. En of die matige gebruik van dié medikasie nie straks tóg effe veiliger as baie nuwerwetse plastiekpille is nie. Maar van pille terug na resepte. ‘n Resep werk, of hy werk nie (rocket science?). Op die terrein van ‘n Siener van Rensburg en kie sal die uwe hom nou nie begeef nie, nog minder oor die Etos van voorspellings.
- met sy breë glimlag van voor, bied baie en kan lag-lag op jou inkopielys kom as jy in dié prysklas wil koop. Die vyfdeur-luikrug Etios se lyne is opwindend, funky, karaktervol en die afgestompte stertkant herinner nogal aan die gewilde RunX. Met die inklimslag is dit die ruimte wat jou opval - nie net voor nie, maar ook vir die passasiers. As vriend Hugo met gemak agter inskuif sonder dat sy kop die dak raak, sal die meeste ander volwassenes met nog gemak daar inpas. Gemak - daardie komvormige sitplekke is be-
‘n Paar feite van belang:
kaanse resepteboek, bevat nie minder nie as 706 resepte plus ‘n goeie skoot raad. Huishoudelike “raadgevingen” en Geneeskundige “voorschriften” vir jan alleman. Daar is gespaar en weinig vermors in der jare. As jou brood oud geword het, was die raad “zal bijna vars smaken als het voor een ogenblik in
Toyota Etios 1.5 Luikrug XS 4 silinder - 16 Klep Krag: 66kW @ 5600 r/min Wringkrag: 132Nm @ 3000 r/min Verplasingsinhoud: 1598 cm3 5-spoed Handrat Lengte: 3,775m - Breedte: 1,695m
Hoogte: 1,510m ABS remme met EBD Brandstoftenk 45 l Diensintervalle: 10 000 km 3 jaar/100 000km waarborg Prys: R120 900 (modderflappe en allooivellings opsioneel)
sonders gemaklik. Voor is die instrumentepaneel in die middel gemonteer (weg is die dae van jou hand so posisioneer dat passasier vroulief of ma nie die spoed kan lees as jy hom bietjie in die rooi druk nie). Die Etios se paneelkissie (of 13 liter-mossienes as jy wil) kan amper ‘n versamelnes raak so groot is hy. Jy kan jou klein skootrekenaar daar inpas en daar is ‘n spesiale uitlaat van die lugreëlaar as jy jou rekenaar of straks versnaperings bietjie koud wil hou terwyl jy ry. Hier is ABS en EBD, lugsakke, kragstuur (elektries), elektriese vensters voor en agter (XS-modelle), lugreëling, afstandslot vir die luikrug en ‘n kantelstuurkolom. Ander kenmerke van die XS-modelle is die afstandbeheerde sentrale sluiting, die kleurgepaste deurhandvatsels en buite-truspieëls en die voorste mislighulsels. Die XS-luikrugmodelle het ook ’n ruitveër en wasser vir die agtervenster as deel van sy standaard-toerusting. En die brandstofverbruik? Die amptelike syfer is ‘n skrale 5,9ℓ/100km en 6,0ℓ/100km vir die sedan en luikrug onderskeidelik. Wat wil jy meer hê?
Vervaardiging van die Tazz (nimmereindigende Tazz sou mens kon sê) is ses jaar gelede gestaak en nou is hier die Etios - wie weet, straks soos Mev. D.J.H. se boek, die veel vermeerderde weergawe van sy voorgangers. Gaan toetsbestuur die Etios. Loer Saterdagoggend gerus in by Malmesbury Toyota. Neem jou gesin en kuier lekker saam om die geboorte van die Etios te vier. ’n Omvattende reeks bybehore is reeds vir die nuwe Etios beskikbaar, en sluit ’n rompstel, skermstroke, ’n verskeidenheid sitplekoortreksels, klankstelsels sowel as ’n Bluetooth-stel in. Hiermee dan, Cheers tot die wiele weer rol. (En, ..... los maar eers die wilde dagga tuis). ps: Wou darem nog sê, as jy ‘n glasie vonkel wil klink op enige geleentheid. Onthou die vonkelwyn van Swartland Wynkelder (droog en semi-soet) is nogal goeie waarde vir geld.
Murano het hart van ‘n sportmotor
Toe die Nissan Murano aanvanklik in 2004 in Suid-Afrika bekend gestel is, was dit die eerste keer dat ‘n vervaardiger so ‘n vermenging van eienskappe saamgevoeg het, lui ‘n mediaverklaring van Nissan Suid-Afrika. ‘n Coupe-profiel op ‘n beduidende massa sportnutsvoertuig. Hier is ‘n unieke, robuuste ontwerp, ondersteun deur ‘n sportiewe voorkoms en nutsvoertuig-vermoë, het die weg gebaan dat die Murano vereer is as die eerste sportnutsvoertuig wat as finalis aangewys is in die SA Motor van die Jaarkompetisie in 2005. Nissan het die kenmerkende voorkoms van Murano nou verder verfyn. Die moderne kunsontwerp behels ‘n nuwe neusrooster, nuwe buffers en ‘n nuwe ontwerp aan die stertkant, wat alles bydra om die nuwe Murano met ‘n meer sportiewe voorkoms toe te rus. Die bakwerk word aangedryf deur titanium allooiwiele, terwyl die kajuit met die jongste tegnologie pronk. Die aerodinamika is verbeter en die vloeiende coupe-daklyn en spierkragtige
voorkoms is onderskeidende kenmerke. “Dit is meer toekomsgerig met ‘n besonder aantreklike voorkoms,” volgens Nancy Reddy, ‘n produkbestuurder by Nissan Suid-Afrika. “Die nuwe slanker ontwerp sluit aan by ons toekomsgerigte etos wat die Nissan-familie vandag aandryf, terwyl die ervaring binne die motor verhoog is tot tegnologies gevorderde luukses en infotainment.” Die sonskerms, leersitplekke, getinte glas en ‘n voorpaneel wat kan kantel om vars lug in te laat, is van die kenmerke. ‘n Slimsleutel beteken dat die bestuurder nooit die sleutel uit sy sak hoef te haal om die voertuig aan te skakel nie. Die sitplekke, vensters en spieëls word elektronies verstel. Vensters word ook verhit om vinnig van wasem en ryp ontslae te raak op die koudste van oggende. Dit alles teen die aantreklike prys van R545 600, sowel as ‘n vyf jaar/90 000 km diensplan.
courant nuus
23 Mei 2012
7
Veearts keer terug ná siekte
Claude Deyzel, veearts en avonturier van Malmesbury, keer op 1 Junie terug na sy praktyk by die Begzicht Dierehospitaal. Twee jaar en vier maande nadat NonHodgkins Limfoom by hom gediagnoseer is, en ná ‘n beenmurg-oorplanting, chemoterapie en bestralings en ná tye waarin ‘jou gemoed afgetrek word tot in die diepste donkertes in,” sê Claude nou: “Ek het besef ek is gelukkig om die dood in die oë te kan staar en weet ek kan veg teen die kanker. Daar is ongelukkig te veel sterftes waar mense nie die kans het, of ‘n keuse het, om te laat gaan of te veg nie. Dit is ongelooflik wat ‘n mens kan deurgaan, waardeur jy nie wil gaan nie! Ek het besef dat dit okay is om op iemand anders te leun. “Geen mens is gewaarborg van sukses deur behandeling nie, maar as ‘n mens selfs net ‘n paar dae kan kry waar jy kan normaal verkeer, al sal die wolk vir ewig oor jou hang, was al die pyn en lyding van die behandeling die moeite werd. Mense moet besef dat kanker nie ‘n vloekwoord is nie!” Oor sy nuwe lewensmikpunte sê hy: “Vir my is dit belangrik om te besef dat elke dag baie inhou, en dat my planne nie te ver vooruitstrek nie. Geen dag kan vanselfsprekend aanvaar word nie, jou vryheid, jou gesondheid, niks nie! “My doel is om te doen wat my lus vir die lewe bevredig, sodat as die kanker terugkom en dit is neusie verby, kan ek met 100% satisfaksie sê - ‘what a life!’”
LINKS: Monique Basson van Hoërskool Swartland se eerste hokkiespan wen veld vir haar span teen Charlie Hofmeyr. Geen doele is in die wedstryd aangeteken nie. Claude Deyzel
Oor sy avontuurlike motorfietstoere deur Afrika vertel hy graag: “In 2008 het ons ‘n sirkelroete van 16 000km oor 3 maande deur Afrika suid van die Sahara gedoen, in 2009 ‘n 10 000km toer in 27 dae na die suide van die Demokratiese Republiek van die Kongo. Dáár het die eerste tekens van die gewas begin kop uitsteek. Die motorfietstoere het darem al weer ‘n bietjie momentum gekry en einde 2011 het hulle op ‘n rustige 10 weke Mosambiek- en Malawitoer gegaan (12 000km). Die volgende mikpunte is Suid-Amerika en Asië. “Ek het vroeg vanjaar bietjie gaan backpack in Indië en Nepal om die kop skoon te kry.” Het jy ‘n boodskap vir die Swartlanders? “Ek het ongelooflike ondersteuning ontvang van die Swartlanders! Soveel oproepe, boodskappe, briewe en gebede! Dit maak ‘n groot verskil om te weet ‘n mens veg nie alleen nie - baie, baie dankie. Dit is belangrik om na ‘n mens se gesondheid te kyk en te luister wat die medici sê. Ek sien daarna uit om weer al die ou gesigte te sien en die nuwes te leer ken.”
REGS: Johan du Toit van Hoërskool Swartland se o.19A-rugbyspan worstel met twee verdedigers van Hoërskool Charlie Hofmeyr van Ceres. Die telling was 18-elk toe die eindfluitjie blaas.
LINKS: Dewald Stoffberg van Hoërskool Swartland se o.19Arugbyspan met die bal in die hand teen Hoërskool Charlie Hofmeyr van Ceres. Die eindtelling was 18-elk.
Wen met deelname aan Laerskool Swartland se projek Die Laerskool Swartland is tans besig met sy jaarlikse fondsinsamelingsprojek: Senor Chef.
Die produkte wat aangebied word, is uitgesoekte kruie en speserye van goeie gehalte waaronder Ina Paarman’s Kitchen- produkte. Die groot voordeel van hierdie fondsinsameling is dat die leerders iets in die koper se hand kan teruggee. Tesame met die hele projek is daar
ook baie pryse wat leerders, kopers en onderwysers kan wen. Die leerder wat die meeste geld insamel wen ‘n wegbreeknaweek vir ‘n gesin van 4-5 lede. Elke Maandag-oggend is daar gelukkige trekkings vir leerders wat meer as R250,00 se produkte verkoop het. In samewerking met die courant gee Laerskool Swart-
land ook twee geskenkpakke weg aan 2 gelukkige lesers wat ook aankope gedoen het by een van die leerders. Die geskenkpakke bevat Senor Chef produkte en tuisgebak van Lynn Visser - ter waarde van R250 elk. Die projek duur tot 1 Junie waarna ons die wenners bekend sal maak.
courant courant wat gebeur
8
23 Mei 2012
Sudoku 174 Sudoku 173 antwoord
die courant Mei
Kabouterland hou sokkie 26 Mei - Kabouterland hou ‘n loslit-sokkie om 18:30 met die DJ Johan Mouton in die saal van Laerskool Swartland. Kaartjies kos R60 vir volwassenes - bring eie piekniekmandjie, glase en borde. Vir besprekings en navrae bel Riana by 022-4822535 of 0736112212 of Marlene by 0769328832. Letsgo Winterdans 26 Mei - Letsgo Winterdans in die Malmesbury Stadsaal om 19:00 teen R100 per kop. Fondse gaan vir uitreikspanne wat in Junie en Julie ander lande besoek. Bel Marnette by 0741012440 of Zelda by 0711745977 vir kaartjies of navrae. Markdag en Kattebakverkoping 26 Mei - Maandelikse markdag by die museumterrein op Moorreesburg van 8:00 tot 14:00. Inskrywings kos R30. Navrae kan aan Annelize by tel 0224331072 gerig word.
kalender Kerkdiens 27 Mei - Die AGS Corpus Christi op Malmesbury hou om 09:30 sy oggenddiens met die tema: Pinkster. Die prediker is pastoor Piet Smit. Geen aanddiens weens die wêreldbiddag in Wesbank. Vir navrae bel 073 447 2902 ACVV-minibasaar ACVV Malmesbury hou sy jaarlikse minibasaar op 25 Mei by die NG Moedergemeente Sentrum vanaf 10h00. Gesamentlike Wêreldbiddag 27 Mei - ‘n Gesamentlike Wêreldbiddag word om 16:00 in die gemeenskapsaal in Wesbank op Malmesbury gehou om Pinkster af te sluit. Almal welkom. Gospel-konsert 26 Mei - Awesome Talents, die jeug-talentgeselskap van Malmesbury, bied om 14:00 ‘n gospelshow aan saam met Karin Kortjé in die Wesbankgemeenskapsaal. Toegang: R50. Bel 0730257170 met navrae.
Endurance Race 26 May - the much awaited third edition of the RE:CM 100Miler at the Swartland Winery over 160km, with total elevation of 2252m. Action will start at 07:30. This event is not for the singletrack junkies. It is a grueling endurance race with the route containing a little bit of everything including farm track, gravel roads, Jeep track, railway crossings and wide open roads. There will be five waterpoints and three spectatorpoints. Visit www.dirtopia.co.za for directions and more information.
Ian Wessels tree op Moorreesburg raak Loslippig met Ian Wessels se eenmanvertoning op 1 Junie in die NG Kerksaal. Kaartjies teen R150 sluit ‘n ete met wyn in. Die opbrengs is ten bate van Huis Moorrees en Huis Emmanuel (ACVV-tehuise op Moorreesburg). Bespreek betyds by Joy Coetzee by 022-433 1445 of 083 5148785 of joycoetzee@pcnetmail.com. Voortrekkers hou sopdans 2 Junie - Die Voortrekkers hou hul jaarlikse sopdans in die saal van Laerskool Swartland op Malmesbury; 19:00 vir 19:30. Kaartjies kos R60 vir volwassenes; R40 vir hoërskoolleerlinge en toegang is gratis vir jonger kinders. Skakel Jan en Helene Nel by 0224872172 of 08345552990 of Elrien by 076 960 4634.
Galop op jou besemstok Het jy die J & B “Met” misgeloop? Moenie bekommer, die Gerfie “Met” op 1 Junie om 18:00 in die Malmesbury Landbousaal bied nuwe kanse! Wie kan die vinnigste galop op sy besemstok? Is dit mamma, pappa, boetie, sus of dalk die buurvrou? Pryse vir die beste ruiter en vir die bes geklede paartjies.
PPC Riebeek Bergmarathon The annual PPC Riebeeck Bergmarathon this year celebrates its 27th anniversary on 28 July 2012. The marathon is a 42.2km run in the Riebeek Valley, while the more leisurely 21.1km, 10km and 5km fun runs for the less seasoned athletes. To enter visit www.championchip.co.za and more info at www.ppc.co.za Vrouerugby Die Vrouerugbyspanne van die Boland takel mekaar op 2 Junie op die Malmesbury-rugbyklub se veld. Navrae kan aan Valerie McQuire by 078 3255028 gerig word.
courant courant kos en nuus
23 Mei 2012
Karin Rabbets van die die Deli in die Checkers-sentrum op Malmesbury het hierdie week se heerlike Romerige Hoender Sampioen en Aspersie sop voorberei. Besoek die Deli vir heerlike tuisgebak, smaaklike wegneemetes.
Romerige Hoender Sampioen en AspersieWsop inter is
KANSA op Malmesbury en die courant
loods reeds regdeur Meimaand ‘n kompetisie, waar lesers volgende week vier antwoorde tegelyk moet instuur na die sms-lyn, wat volgende week bekendgemaak sal word. Vandag plaas ons die vierde vraag, met die antwoord wat in die onderstaande teks te vind is. Uitstekende pryse is op die
9 spel, onder meer ‘n naweek-wegbreek en verskeie ander bederfpakkies. Vandag se kompetisie-vraag is: ‘Hoeveel chemikalieë bevat ‘n sigaret?’ Onthou intussen om u WNTD (WêreldNee-vir-Tabak-Dag)-plakker vir R5 te koop by die KANSA-kantoor in Truterstraat op Malmesbury, of skakel 022 48 21111. Dié plakkers word op WNTD (31 Mei) gedra.
hier..
Bestanddele:
Metode:
1 Med ui fyn gekap 250g bruin sampioene in skywe gesny 1 blik (430g) aspersies (salad cuts) 2 gaar hoenderborsies ontbeen en gevlok 250ml room 1 ½ blikkie melk knoffel en kruie geursel swartpeper
Braai die ui in ‘n bietjie olie tot glaserig. Voeg die sampioene by en braai tot geurig. Voeg die hoender, aspersies en sous in aspersieblik by asook die room. Meng die soppoeier en halwe blikkie melk goed deur en gooi by res van die bestanddele. Voeg die laaste blikkie melk by en prut vir ± 5min. Geur met swart-peper en bedien met brood.
Prosedure vir nuwe speaker Nadat die speaker van die Swartland Munisipaliteit, Abe Johnson, oorlede is, het vrae ontstaan oor die prosedure vir die aanstelling van die nuwe speaker vir die Raad. “Daar is twee prosesse wat moet loop,” het die burgemeester van die Swartland Munisipaliteit, Tijmen van Essen, Maandag gesê. “Die eerste fase is die vervanging van die speaker by die volgende raadsvergadering wat op 31 Mei sal plaasvind. Op daardie raadsvergadering sal die munisipale bestuurder, Joggie Scholtz, as verteenwoordiger van die OVK die vergadering begin met die vra van nominasies vir die amp van speaker.” Die benoemings moet op ‘n voorgeskrewe vorm wees waarop twee raadslede die nominasie doen en die genomineerde moet dan daardie nominasie
aanvaar. Indien daar meer as een nominasie is, sal daar oorgegaan word tot ‘n verkiesing wat op stembriewe moet plaasvind. Oor die verkiesing van ‘n nuwe raadslid vir wyk 6 (Darling-Oos, Goedehoopstemkantoor en Ruststasie), sê Van Essen net die kiesers in wyk 6 sal aan die tussenverkeising deelneem. Alle tussenverkiesings word op ‘n Woensdag gehou, waar die stembusse om 07:00 open en 21:00 sluit. Volgens die munisipale bestuurder en OVK-verteenwoordiger, Joggie Scholtz, het die SM ‘reeds ‘n konsepprogram van wat wanneer gebeur (vir die tussenverkiesing), maar is dit nog nie amptelik nie aangesien dit nog eers gepromulgeer moet word’. Kennisgewings hieroor sal binnekort bekendgestel word.
Regstelling
KANSA van Malmesbury en Sanlam het ‘n geslaagde gholfdag gehou ter stywing van KANSA se fondse. Die bedrag van R6 110 is ingesamel en nié R126 110, soos verlede week berig is nie. Ons vra verskoning vir enige ongerief wat moontlik hierdeur veroorsaak is.
10
courant nuus
Die grondslagfase-koor van St Thomas Primêr op Malmesbury is op die jaarlikse Distrikskore-eistedfodd by Schoonspruit Sekondêr met die toekenning ‘distrikswenners’ vereer. Hul afrigters is Estrallita Swarts en Gladolene Errens.
Die leerlinge, ouers en onderwysers van Darling Kollege het ingespring en werk gemaak van die indringerplante op hul skoolterein. Dié projek is deel van hul Eko-skool program. Van die ouers het ook hulle tuiniers saamgebring en almal het hard gewerk om van die dorings en onkruik ontslae te raak. Sommige leerlinge het nuwe plantjies geplant en nou voel almal baie trots op hulle handewerk. Op die foto is ‘n klompie flukse graad 6-leerders aan die werk.
Hierdie leerders van Hoërskool Dirkie Uys op Moorreesburg is in die Wes-Bolandse netbalspan opgeneem. Voor van links is Johanna Skippers (inlas), Farica Ferreira, Herlouise Skippers, Jaclyn Engelbrecht, Lenka de Waal. Middel: Thana Kitshoff, Jeanette Coetzee, Hannemie de Jongh, Anja Bester, Stephany McKrieling. Agter: Esna van der Merwe, Jesmine Erasmus, Tiné Kitshoff, Anette Coetzer, Anushka Odendaal, Claudia Rhoode.
23 Mei 2012
Die Graad R-koor van St Thomas Primêr het tydens die jaarlikse Distrikskoreeistedfodd by Schoonspruit Sekondêr op Malmesbury aan hul eerste kompetisie deelgeneem. Hul afrigters is Felicity Edas en Leandré Liedeman (wat afwesig was met die neem van die foto).
Laerskool Dirkie Uys is baie trots op hulle 10 spelers wat in die Boland Skaakspan opgeneem is: 0/8 - Anja Nel en Juan Kitshoff; 0/10 - Marko Nel en Christiaan Bester; 0/12 - Enrique Marais en Dirk Bester; 0/14 - Wouter Bester, Christiaan Mostert en Lee Marvin van Aarde; 0/16 - Frederik Louw. Hulle neem van 11 - 13 Julie aan die Wes-Kaapse toernooi deel.
Die IOGKF SA Wes-Kaap Karatekampioenskappe het op Saterdag by Hoërskool Paarl Gimnasium plaasgevind. Laerskool Dirkie Uys se leerders het soos volg presteer: TJ Liebenberg, Stefan Liebenberg en Lené Mostert het silwer medaljes gewen en Suzanne Kotze ‘n bronsmedalje. Kayla Visagie (4de); Dirk du Toit (4de) en Hannes Mostert (4de) het Wes-Kaapse Ontwikkelingskleure ontvang.
23 Mei 2012
courant nuus
11
KFC Malmesbury nou amptelik oop!!
Promosie
KFC Youth Band
Fanie Malherbe (Prima Bande), Alida (restaurantbestuurder), Estelle Godfrey (eienares KFC), Tjimen van Essen (burgermeester), Allan Godfrey (eienaar KFC) en Gey Kriek.
Edwina September (bestuur), Tjimen van Essen, Amanda Roman, Doreen Isaacs, Chandre Mentoor en Mildred Larey
Estelle Godfrey (KFC), Chris Lottering, Tobie Mostert (TRE), Sharon Crosby (Silverspoon),Tjimen van Essen (burgermeester) en Allan Godfrey (KFC).
Die KFC Malmesbury Span in hulle nuwe perseel met flink, vinnige en goeie gehalte diens.
12
courant nuus
‘Hero Awards’ by Laerskool Swartland
Laerskool Swartland het hul eerste Pick n Pay Hero Awards oorhandig en vyf leerders het elk ‘n Hero Award ontvang. Helen Halvorsen, Emma Louw en Suzanne Beukes het die Boland A-span vir hokkie gehaal, terwyl Gary John Walsh in die Boland A-span vir seunshokkie opgeneem is. Suzanne Beukes het vroeër vanjaar ook WP kleure ontvang vir uitvoerende kunste in drama en klavier. Sy het pas in Rustenburg deelgeneem aan die Suid-Afrikaanse kampioenskap vir uitvoerende kunste, waar sy vier medaljes ontvang het. Suzanne is ook in die Suid-Afrikaanse span opgeneem en gaan later aan die wêreldkampioenskap in Los Angeles deelneem. Philip Weideman is vereer met ‘n Hero Award vir sy uitmuntende prestasie in die SAII Somerspele 2012, waar hy sewe medaljes losgeswemhet. Philip gaan in November die nasionale span in Italië verteenwoordig. By hulle op die foto is agter: Hennie Weideman (skoolhoof), Mariken Schenk (PnP Skoolklub) en Yolaine Swanepoel (PnP Malmesbury).
23 Mei 2012
Oupa en Ouma sit op ons stoep
Die Malmesbury Museum het baie belangstelling gelok met die besoek van die akteurs Johan en Lida Botha. Dié akteurs, wat tans in die Swartland woon en plaaslik skiet aan Oupa en Ouma, wat Maandagaande op kykNET te sien is, is op die foto saam met (agter): Margot van Niekerk, Gunnar Muth, Pam Kolbe en Martie van Blerk. Voor is Johan en Lida Botha saam met Simon van Blerk.
Wen kaartjies na konsert met 4 sangers In 2010 het 4 top-kunstenaars van die Wes-Kaap besluit dit is tyd om iets terug te gee vir die senior burgers van ons land. Rooies, Nadia Louw, Hugo Nieuwoudt en Annique Lourens het koppe bymekaar gesit en met die naam “Want ons gee om” weggespring op toer. Die toer was baie gewild en die navrae het ingestroom. Vier veskillende kunstenaars. Vier verskillende style. Die Want ons gee om-vertoning bestaan uit 2½ uur vertoning wat skrik vir niks propvol opwinding, hartseer, grappe en sommer lekker saamsing. Op 20 Junie tree hulle op Malmesbury
in die De Bron K leinteater op. die courant gee weer in samewerking met M4 Events & Promotions aan twee gelukkige lesers elkeen ‘n dubbelkaartjie vir die vertoning. Om in aanmerking te kom vir die kompetisie, sms voor 12 Junie jou naam, dorp en die naam van een van die vier kunstenaars na 084 8333 813.
23 Mei 2012
Malmesbury VLV praat kopstukke
courant nuus
Uitslae Rugby
PREMIERLIGA: Wesbank 19, Saldanha 20; Darling 18, Villagers-Worcester 62; SUPERLIGA (WES): Porterville 23, Mamre 20; Moorreesburg 26, Hopefield 24; Never Despair 29, Hillcrest United 18. PRESIDENTSLIGA (WESKUS): Good Hopes 16, Voorberg 19; Young Hearts 16, Coronations 11; Velddrif 29 Malmesbury 10.
Netbal A-AFDELING: Vredenburg A 40, Citrudsdal A 24; Clanwilliam A 39, Vredenburg B 23;
13
B1-AFDELING: Young Spurs A 47, Porterville B 17; Velddrif A 22, Citrusdal B 22; Langebaan A 45, Sea Harvest A 30; B2--AFDELING: Darling A 38, Vredenburg C 33. C-AFDELING: West Point A 32, Riebeek United A 5.
Gholf MALMESBURY GHOLFKLUB 4 BALL ALL 1. J. Potgieter, D. Potgieter 92 S. Neethling, M. Neethling 2. F. Roets, W. Desfountein 92 D. Erasmus, G. di Gianatale 3. A. v/d Merwe, J. Goosen 83 I. Louw, Q. Welman
Die Malmesbury VLV was die gasvrou vir ‘n Paarl-sirkelbyeenkoms met 128 gaste teenwoordig. Misi Overturf van TUIS het die metode om ‘n bed se kopstuk oor te trek, gedemonstreer. Dieselfde kopstuk is uitgeloot en die wenner was June Smit van Wellington, met Dalene Buckle die wenner van die konsultasie-afspraak wat Misi ook as ‘n prys beskikbaar gestel het. Op die foto van links is Dalene Buckle, June Smit, Misi Overturf en Helena Visser van die Malmesbury VLV.
LINKS: Maryke Heydenrych van Laerskool Swartland se o.11-netbalspan verdedig teen Liebenberg Primêr. REGS: Hendré Walters sit op loop vir Laerskool Swartland se o.7A-span, met van links Hein Louw, Jaco Nortjé, Hein Willem Rabbets en Dawid Kotzé by om te ondersteun. Die Swartlanders het Liebenberg Primêr met 35-0 geklop.
Louis Koch, Ivan Gheysens, Ryan Timotheus, Esra Pinto, Anton du Plessis het die uitstappie teen Riebeekberg saam met pastoor Piet Smit meegemaak. Die uitsig in die agtergrond strek oor die geboue van Goedgedacht.
14
die courant
courant dienste
23 Mei 2012
dienste
Vermeulen Tentverhuring span die seile
Vermeulen Tentverhuring is ‘n gevestigde tentverhuringsbesigheid wat in Malmesbury gesetel is. Nadat Vermeulen Tentverhuring ses jaar gelede tot stand gekom het, doen hulle nou tentverhurings sover as die Wes- en Noord- en Suid-Kaap. Vermeulen Tentverhuring is bekend vir goeie kwaliteit-tente teen uiters bekostigbare pryse,” sê die eienaars, Tiaan en Jolandi Vermeulen. “Ons spesialiseer in markies- (peg & pole) en benquin-tente en is gereed om enige funksie vir jou in ‘n droomgeleentheid te omskep.
“Ons doen deeglike vooraf kwotasies en voorsien ons kliënte van ‘n dinamiese en professionele tentspan wat tente op enige plek en vir enige geleentheid nommerpas kan opslaan. “Ons glo aan plaaslike ondersteuning en wil graag die Swartlanders bedien met flinke diens en goeie pryse sodat ons mense lekker kan kuier in die gerief van ons tente,” nooi Jolandi en Tiaan. Besoek Vermeulen Tentverhuring by St Johnstraat 19A, Malmesbury of kontak hulle vir kwotasies by 072 358 4560.
Om hier te adverteer skakel ons gerus by 022 487 3221 of stuur ‘n e-pos na alta@diecourant.co.za
die courant 23 Mei 2012
Algemeen
1
• PASTORALE BERADING - Skakel Theresa van Vreden by 083 310 3823 vir afspraak. (Assosiaatberader ABBO/ Radiokansel. Reg: SAAP AO20/80
Gesoek Wanted
2
• OPSOEK NA... Welkom Meubels betaal harde kontant vir 2de handse goeie meubels, linne, breekgoed, winterklere (mans) skoene ens. Kontak 022 487 1547 / 084 794 7528
Te koop For sake
4
• SONY PSP - Met 4 spelletjies in baie goeie toestand. R890 o.h.b. Kontak Wahldo by 084 409 9742 ----------------------------• EGTE LEER MANSSKOENE - (Vellies, stewels en sandale) Alle nommers beskikbaar, asook groot nommers (5 - 15) . Teen baie spesiale pryse. Verskeiekleure. Malmesbury. Kontak Max 083 275 8266
Voertuie te koop
5
Te Huur To Let
7
• VOERTUIE DRINGEND GESOEK - Ek koop enige gebruikte voertuie vir kontant. Skakel 083 464 6960
• STOORPLEK TE HUUR - ± 1,000m2 @ R2000pm. Skakel 082 366 7309 ----------------------------• 4 SLAAPKAMER HUIS - R8500pm plus dep. Itc en goeie verwysings. Beskikbaar vanaf 1/6/2012, Malmesbury. Kontak 074 411 5711 ----------------------------• DU TOIT TRAILERS Sleepwaens te huur, asook kar sleepwa “piggyback”, asook skaap spitbraai te huur. Kontak 022 482 1767 / 072 237 2349
Eiendomme
8
• KAFEE / WEGNEEMETES BESIGHEID TE KOOP - Malmesbury omgewing. R150 000 o.h.b. Bel eienaar by 073 166 1360 ----------------------------• MALMESBURY R800 000 Netjiese 3Slaapk huis met
sit- eetkamer, badkamer, toegeboude stoep, TV-kamer en twee motorhuise. Kontak eienaar 083 284 6662
Dienste Services
12
• LAMINATING FOORING - Ingesit teen beste prys vir ‘n gratis kwotasie. Skakel 082 658 4690 ----------------------------• INTENSIEWE DUITSKLASSE - Gedurende skoolvakansie of weeklikse klasse gedurende kwartaal. Afstandonderrig moontlik. Kontak Edith Rust 082 331 3853 ---------------------------• BOEKHOU/ADMIN DIENSTE - Voorbereiding van BTW, Debiteure, Krediteure, bankrekonsiliasiesinlees van inligting op Pastel. Salarisse en lone op VIP-Payroll. Kontak persoon: Eileen Basson 082 373 0220 ---------------------------• HABITAT LANDSCAPE ARCHITECTS & ENVIRONMENTAL PLANNERS - Visit our website for more information www. habitatdesign.co.za Contact Stefan du Toit 083 226 0828 or email: stefan@ habitatdesign.co.za ----------------------------• TOP CARPETS EN BLINDS - Teëls, matte, laminering, blindings en vinylvloere. Gratis kwotasie en professionele diens. Skakel 022 482 2100 ----------------------------• VERWYDERING VAN TUINVULLIS - Skoonmaak van erwe groot en klein asook skoonmaak van beddings, tuine ens. Gratis kwotasies. Skakel 083 227 5937 ----------------------------• DIENSTE GELEWER - Vervoer van meubels, verwydering van bourommel en tuinvullis, afsaag van bome en die afmaak van struike. Kontak Willie Gagiano by 082 875 4802 of 022 448 1336 ----------------------------• WIL JY DALK IETS OUDS KOOP OF VERKOOP? - Skakel of kom besoek dan gerus die Negosikas. Op die hoek van Hill en Vrede-straat, Malmesbury. Skakel 022 487 2601 -----------------------------
• ABC PARTYTJIES - Kinder-temapartytjies, dekor, tafeltjies, stoeltjies, koeke en versiersuiker-prints. Kontak Elsa 078 544 2038, abcpartytjies@ gmail.com of www. abc-partytjies.weebly.com
Betrekking beskikbaar
17
• LUTEA PARFUUM - 146 geure om te bemark! Uitstekende kommissie! 083 655 0445 / madrigrobbelaar@gmail.com / www.luteaperfume. co.za ----------------------------• CHRISTELIKE PRIVAATSKOOL MALMESBURY - Tydelike Onderwyspos (3de & 4de kwartaal 2012). Intermediêre Fase: SW Gr. 6, EBW Gr.4 & 5, Tegn Gr.4 & 5, AFR Gr.5, L.O. Gr.6. Meld buitemuurse aktiwiteite. Kontak die skool by 022 487 2142 vir ‘n aansoekvorm asook verdere inligting. Sluitingsdatum: 30 Mei 2012
courant dienste
Diere Animals
18
mini gigs
15
& dienste
• LABRADOR HONDJIES - 6 weke oud op 29 Mei 2012. Skakel 083 659 7640 of 083 747 0740
* LET ASB OP *
Die betaling vir alle geklassifiseerde advertensies (smalls) is Dinsdaemiddae om 13h00 voor plasing.
Kontak ons gerus om hier te adverteer by 022 487 3221 of stuur ‘n e-pos na accounts@diecourant. co.za
courant agterblad
die
swartland en weskus
Bloues trap vas in ligastryd teen Velddrif
Collin Samson van Malmesbury se rugbyspan gee uit in ‘n laagvat in Saterdag se wedstryd teen Velddrif. Links agter storm Gerhard Januarie (kaptein) nader. Malmesbury het die Presidentsligawedstryd met 29-10 verloor.
Robert mik steeds na Spele
Robert Oosthuizen, die Swartlandse spiesgooister, het pas teruggekeer van die Diamond League-byeenkoms in Sjangai, China, waar hy met ‘n afstand van 75m sewende onder die wêreld se bestes geëindig het. Die 25-jarige Robert het gister oor sy planne vir die res van die seisoen aan die courant gesê dat hy op 2 Junie in Oregon, Amerika, aan die volgende Diamond League-byeenkoms gaan deelneem. “Om te kwalifiseer vir vanjaar se Olimpiese Spele, moet ek teen die einde van Junie by twee verskillende byeenkomste die kwalifiserende afstand van 82m gooi. Al het ek eers middel Februarie weer aan ‘n spies gevat ná my skouerbesering, begin ek nou meer vertroue kry in my herstelde skouer se vermoëns. Al lyk dit nou of ek langer vat om te kwalifiseer vir die Spele, is ek nog baie optimisties. Ek sit alles in wanneer ek deelneem en dan hoop ek vir die beste!” Robert, wat nog op 28 Mei en 6 Junie eksamen skryf (B.Comm deur Unisa), sê dat hy ná die Amerika-byeenkoms sal kyk na verdere byeenkomste in Europa. “Vir ‘n spiesgooier is dit beter om beseringsvry deur ‘n seisoen te gaan as om te vinnig te veel wil presteer,” het John Oosthuizen, Robert se pa en afrigter, Maandag gesê. “Professionele spiesgooiers bereik meestal hul piek teen hul 30ste jaar, dus bly die grootste mikpunt om beseringsvry deur jou loopbaan te beweeg,” het Robert ter afsluiting gesê.