courant swartland en weskus Uitgawe 229
die
Bekroon: Nommer 1-Streekkoerant
tel: 022 487 3221
3 Julie 2013
hugenotestraat 24, malmesbury
Inwoners vra Honde vir SA-rekord vir Nog 129 windlaaiers? oor myne weermag Phillips
•derde boek op 85
Nr 4 straks oor Skotte Nadat Ian Fleming van Malmesbury sy eerste boek op 80 voltooi het, het sy derde boek ‘Tattle Tales and Some Sure-shot Short Stories’ pas die lig gesien. Nou, op 85, wéét Ian Fleming reeds waaroor sy vierde boek sal handel: “My Wilder Scottish Ancestors”. Fleming, rekeningkundige en geoktrooieerde rekenmeester van beroep, raak entoesiasties oor sy skryfwerk: “Al my verhale is losweg op die waarheid gebaseer, met ‘n spoor van verbeel ding daarby.” Hierdie derde Fleming-boek bevat veertien kortverhale waarvan Ian dertien geskryf het. Die veertiende verhaal is geskryf deur sy seun, Ross Fleming, wat in Kaapstad woon. Met titels soos ‘Either him or me’, Poetic Justice’, ‘One Man’s Passion is another Man’s Meat en ‘Amateur De tectives’ neem dié verhale die leser nie net deur ‘n groot verskeidenheid situasies nie (die Boereoorlog, die Groot Depressie in King William’s Town, die Tweede Wêreldoorlog, ‘n hondelewe en inflasie), maar dit vermaak, voed op en laat in elke storie die leser twee keer (en meer) dink oor die dieper lê van elke verhaal as wat die eerste oogopslag bied. “Party van my stories se oorsprong lê reeds 20 jaar in die verlede; ek kan dit nie eens meer spesifiek onthou nie. Ander verhale het meer onlangs sy beslag gekry, met ‘n Malmesburyagtergrond,” vertel hy. Wat ‘Tattle Tales’ besonders maak, is dat dit reeds vandeesweek by die Grahamstadse Kunstefees by die Van Schaik-stalletjie (uitgewers) te sien is. Watter van hierdie verhale is sy gunstelinge? “Geen gunsteling nie – ek hou van hulle almal.” Ian en Wendy Fleming was voorheen boor linge van King William’s Town, waar hulle ‘n ak tiewe rol in die gemeenskap gespeel het. Nadat hulle mekaar ontmoet het by ‘n musiekkonsert waar Wendy klavier gespeel het, het hulle lewens verweef geraak met die hou van konserte vir die bou van ‘n eie teater vir King William’s Town, die aanbied van pantomimes en
Ian Fleming met sy drie boeke. ander opvoerings, die hou van huiskonserte – ‘n konsep waarvoor Wendy baie lief is en reeds met sukses op Malmesbury aangebied het. Wendy is tydens haar musiek-opleiding bekendgestel aan die speel van twee klaviere – iets wat sy en haar dogters steeds graag saam doen. Baie van hul konserte is ook gehou om welsynsorganisasies se fondse te sterk. “Toe dié teater uiteindelik ingewy is, was F.W. de Klerk se pa (destydse minister van kultuur) ook teenwoordig,” vertel hulle.
Voordat die teater in King William’s Town die lig gesien het, moes hulle saans en naweke die 60 km Oos-Londen toe reis om te oefen vir die konserte en dramas. “Ross, ons oudste, was ‘n baba en moes maar saamry.” Terwyl Ian baie besig was met sy werk, sy gesin en vier kinders, as Round Table-lid, ten nis, lief vir sy eie seiljag, as tesourier van baie liefdadigheidsorganisasies soos Kansa en die kinderhuis, het hy reeds begin skryf: amateur dramas, opvoerings, pantomimes en komedies. “Die meeste van daardie verhale is ook verweef met die waarheid en met die geskiedenis as wegspringplek.” Ian is herhaaldelik deur die Rotariërs lidmaat skap aangebied, maar hy kon dit nooit aanvaar nie: “Hy was net te besig daarvoor. Uiteindelik het die Rotariërs aan hom ‘n toekenning gegee vir sy gemeenskapsbetrokkenheid, hoewel hy nooit self ‘n lid was nie! Só werk ons altyd saam; verstaan en ondersteun ons mekaar altyd.” sê Wendy (volgende week ‘n jong 83). Op 80 het Ian se eerste boek gehandel oor sy Ierse ouma aan vaderskant, Isabella - ook die titel van die boek. Sy tweede boek ‘An Age of En joyment’ bevat outobiografiese vertellings.
2
NUUS•News 3 Julie 2013
Honde vir die weermag:
Dogs and All het pas ‘n opleidingskursus met vyf honde in en rondom Malmesbury voltooi. Dié maatskappy is ten volle geakkrediteer by SASSETA ten einde honde in die sekuriteitsbedryf op te lei vir die SAPD, Korrektiewe Dienste, die Metropolisie, SARS en die SA weermag. Die honde word opgelei om te patrolleer, speurwerk te doen, te beskerm, op te spoor (uit te ruik) en selfs om gas- en waterlekkasies betyds op te spoor. Hierdie honde het verlede week hul opleiding in ‘n sopnat Malmesbury voltooi en is pas na die weermag oorgedra, waar hulle verdere opleiding en ontwikkeling sal ontvang.
Sidney Adams (18) van Schoonspruit Sekondêr en Meagan Samson (15) van Wesbank Sekondêr.
•Program ter bewusmaking
Leerders opgevoed oor strafregstelsel ‘’Vir my was dit ‘n groot skok om te beleef hoe ‘n tronk werk. Dis beslis nie ‘ n plek waar ek wil wees nie,’’ het Meagan Samson (15), ‘n graad 8-leerder van Wesbank Sekondêr, aan die courant gesê. Sy was een van nagenoeg 80 leerders van vyf skole op Malmesbury wat verlede week ‘n program deurloop het om hulle aan die onder skeie elemente van Suid-Afrika se strafregstelsel bekend te stel. Leerders van Wesbank Sekondêr, Schoon spruit Sekondêr, Liebenberg Primêr, St. Thomas Primêr en Naphakade Primêr is in die program omvattend opgevoeg en ingelig. Die leerders in die program, wat oor vyf dae aangebied is, het op die onderskeie dae besoeke ingesluit aan Malmesbury se polisiekantoor, die Malmesbury-gevangenis, die ou Malmesburygevangenis en die Malmesbury landdroshof. Sidney Adams (18), ‘n graad 9-leerder van Schoonspruit Sekondêr, het aan die courant ver tel dat die program ‘n sterk vermaning was om ‘’nie verkeerde dinge aan te vang nie.’’ Meagan het verduidelik dat dit vir haar ‘n openbaring was. ‘’Dit het ons gewys hoe om uit die moeilikheid te bly. Ons was ook binne-in die polisieselle en het gesien die mense in die tronk kry net twee keer ‘n dag kos. Ons het ook met die prisoniers gepraat. Van die mense is daar omdat hulle kinders seksueel gemolesteer het. Ons is ook vertel hoe tronkbendes werk.
Uitreik:
‘’Ek het ook gesien die gevangenis se bedde goed word net een keer per maand gewas.’’ Volgens Cathleen February van korrektiewe dienste op Malmesbury was die doel van die pro gram bewusmaking van negatiewe dinge en ver keerde groepsdruk. Ná Maandag se besoek aan die polisiekantoor het die groep ‘n debat gevoer oor wat reg en verkeerd is. Nog ‘n onderwerp wat hier geopper is, is huishoudelike geweld. By die Malmesbury-gevangenis is die asses seringseenheid besoek, waar gevangenes met hul aankoms ‘n tyd deurbring om ‘n rehabilita sieprogram vir die tyd van hul vonnis te beplan. Die werkswinkel is ook deur die groep besoek waar gevangenes nuwe vaardighede soos reke naaropleiding, motorwerktuigkunde, kabinet makery en konstruksiewerk kan aanleer en ser tifikate behaal met die hulp van Weskus-kollege se personeel. Sidney se plan is om eendag ‘n staatsaanklaer te word, terwyl Meagan haar oog het op ‘n rigting in inligtingstegnologie. Met die besoek aan Malmesbury se land droshof het die groep kennis gemaak met land droste, staatsaanklaers en hofverrigtinge. Daar was ook ‘n uitvoerige gesprek oor gesinsgeweld. ‘’Dit was baie goed om alles in die program te leer. Ek is nou oortuig die tronklewe is nie vir my nie,’’ het Meagan gesê. Volgens konst. Henry du Rand van die SAPD wou hulle juis sien dat jong mense betyds besluite neem teen misdaad.
‘n Aangrypende inisiatief het Vrydag gelei tot die insamel van toiletware vir die kinders van die Swartland-hospitaal. Omdat elke ambulansstasie ‘n gemeenskapsprojek moet loods, het die Malmesbury-personeel besluit op die insamel van toiletware vir dié kinders by die De Bronsentrum en by Checkers. Ambulanspersoneel tot sover as Bitterfontein het dié projek kom ondersteun en gehelp met bloedsuiker- en bloeddruktoetse. Volgens die streekbestuurder, Elvin Pedro, het die publiek hul harte en hande behoorlik oopgemaak. Piketbergers kan binnekort ook hul ambulansmanne in aksie sien met ‘n welsynsinisiatief. Op die foto is raadslede Reggy van der Westhuizen en Chris Hunsinger (links) saam met ambulanspersoneel, terwyl hulle ook bloeddruk meet.
3
NUUS•News 3 Julie 2013
Die eerste windturbine op Koperfontein buite Hopefield word nou gebou as deel van 37 nuwe turbines vir HWF. ‘n Tweede windplaas met 129 turbines word nou ook hier naby beoog.
•129 verdere turbines
Nóg ‘n windplaas vir Hopefield? Net oos van Hopefield lê die plase Karbo naatjieskraal, Koperfontein, Twee Riviere en Slangkop, waar die volgende windplaas nou beoog word. Volgens beplanning sal dié windplaas, wat deur Turquoise Energy (Pty) Ltd ontwikkel gaan word, 129 windlaaiers oprig om ±390 MW se elektrisiteit aan Eskom te voorsien. Hierdie aanleg word apart van en deur ver skillende ontwikkelaars in die vooruitsig gestel as die Hopefield Wind Farm (HWF) wat reeds besig is om die eerste van 37 windlaaiers by Koperfon tein, ook oos van Hopefield, op te rig. Turquoise Energy (Pty) Ltd het reeds ‘n huur ooreenkoms met die plaaseienaars van bo genoemde plase aangegaan vir die volgende tien jaar. Volgens die huidige eienaars, wat nie hulle name genoem wil hê nie, is dié dele van hul grond nie ekonomies vatbaar vir landboubedry wighede nie. Macroplan Town Planners is die maatskappy wat tans die beplanning en aansoek vir die her sonering van die grond doen, terwyl Enviro Di namik die onafhanklike omgewingsimpakstudie hanteer. Faktore wat nou ondersoek word, is die gemiddelde windsnelheid van elke strook grond ter sprake, die krag van elke turbine, die grootte van die rotors, bestaande toegangsroetes, die dra-krag van elke brug en oorgang in die gebied, die huidige infrastruktuur, asook bestaande kragdrade wat dalk oor die beoogde windplaas mag loop. Daar is nog geen finale uitleg vir dié plase se windlaaiers nie. Die aanbeveling is dat ‘n gede tailleerde ondersoek nou gedoen word na die impak wat so ‘n windplaas op die omgewing in hou en ‘n geraas- en flikker-ondersoek moet ook nog gedoen word sodat die ideale ligging van elke turbine bepaal kan word. Verder aanvaar die ontwikkelaars dat die infrastruktuur in plek moet wees voordat hierdie tweede windplaas net buite Hopefield ontwikkel kan word. Volgens ‘n verslag van die ontwikkelaars hou hulle wel in gedagte dat die naburige Hopefield Wind Farm
ook goeie, sterk paaie benodig om hul vrag te kan vervoer. Op die plaas Karbonaatjieskraal dui die voor lopige uitleg op 19 windturbines, elk met ‘n 100m rotor middellyn en ‘n totale opbrengs van 30MW tot 60MW, afhangend van die kapasiteit van elke turbine. Volgens die ontleders is die gemiddelde windspoed daar redelik laag, dus sal ‘n turbine met ‘n groter rotordeursnee en kleiner generator hier van toepassing wees (‘n IEC-klas 3A of 3B-turbine). Op dié plaas verdeel die R45 streeksroete die beoogde windplaas. By Tweeriviere wys die voorlopige uitleg op die aanbring van 32 turbines, om elektrisiteit van 48MW tot 96MW te lewer. Ook hier word die 100m rotor diameter aanbeveel, met dieselfde lae windspoed en dieselfde grootte turbines wat hier geld as vir Karbonaatjieskraal. ‘n Kragdraad wat regoor die beoogde windplaas loop, is een van die faktore wat hier ‘n ekstra uitdaging bied. By Koperfontein (noord van Hopefield) word 58 turbines beoog, om 87MW tot 174MW op te wek, afhangend van die grootte van die turbine. Dieselfde grootte generator en lemgrootte word hier beoog. ‘n Spoorlyn, die R45 en ‘n krag draad bemoeilik die uitleg van die turbines hier. Vir Slangkop word 20 turbines beplan, met dieselfde grootte turbine en rotor as vir die an der plase. Elektrisiteit van 30MW tot 60MW be hoort hier gewek te word. Op Slangkop verdeel ‘n waterkanaal die beoogde uitleg. Die beoogde toegangsroete vir al die plase begin in Saldanhabaai en die verwagting is dat die eerste windplaas, HWF, die nodige opgrade rings aan die paaie in die omgewing sal aanbring. Die ontwikkelaars, Turquoise Energy Pty, beklemtoon dat bogenoemde slegs voorlopige bevindings is en dat die spesialisstudies van nou af gedoen sal word, met die oog daarop om die geraas-, visuele en omgewingsimpak te bepaal. Gereelde nuwe verslae sal te sien wees by www. envirodinamim.co.za/reports. Dit is ook die adres waar appelle ingedien kan word.
menings•opinion
courant
3 Julie 2013
die
4
Wie se saak weeg die swaarste - joune of myne? Wat was eerste die hoender of die eier? Of Nóg vis Nóg vlees. Óf straks op die draad sit as jy nie ‘n mening het nie. Wat maak ons hier? Is dit om ten alle koste te kyk wat ons nou uit die lewe kan haal en te dinges met die gevolge vir hulle wat (moontlik) ná ons moet kom? Is dit daarteenoor beter om agteroor te gaan sit en net te jep-jep en kritiek uit te spreek op ALLES wat almal doen en dan ‘n kapstok kry vir jou futlose insette? Iets soos dit is nie groen om dit te doen nie. Dit gaan nie werk nie. Die kreef sal nie vir ons nasate behoue bly nie. Die dorre omgewing gaan nooit weer so mooi dor en ongerep lyk as die windlaaiers daar verrys nie. Is kreef regtig belangriker as die mense vir wie dit brood op die tafel sit? Of moet hulle straks halwe brode eet sodat die kreef langer kan hou? Wat sal die voordele van die windlaaiers wees vir die totale ekonomie en behoud van hierdie kontinent vergeleke met die geraas wat dit gaan maak, waarde-impak op eiendom, voëls se roetes, die estetiese sy, en en? Dieselfde vrae geld die beoogde kalksteenmyne wat straks by Piketberg, Moorreesburg en Riebeek-Wes ‘n werklikheid kan word. Wie se belange is die belangrikste- joune of myne? Ongelukkig is dit so dat die groter prent en groter effek seker veel swaarder weeg as dié van die individu of dié van geaffekteerdes in die omgewing. Aan die ander kant is hofsake al gewen (deur onder meer plaaslike owerhede) dat die impak op die onmiddellike omgewing nie genegeer mag word nie. Dus, weer die hoender of die eier. Die hoender is veel groter en swaarder, ja, maar die ligter eier is sy begin. Belangrikste dus om als in ag te neem en ingelig voort te gaan, ja óf nee.
Dis Goeie Nuus
dr Andrew Bosman
‘n Goeie voorbeeld
‘n Spreker het eenkeer tydens ‘n optrede gevra: “Wie is jou held in die Ou Testament”? Dit het my aan verskeie karakters laat dink. Maar omtrent elkeen het een of ander misstap begaan. Daniël was ‘n besondere persoon, hy was as jong man weggevoer in bal lingskap, maar het reeds genoeg kennis van God gehad om te kon vasstaan vir dit wat hy geleer en geglo het. Hy was eerste minister onder vyf konings, en toe sy jaloerse vyande iets teen hom wou kry om hom in diskrediet by die koning te bring, kon hulle niks vind nie, want Daniël was in geen opsig nalatig nie. Hy het selfs tyd gevind om drie keer per dag homself af te sonder en tot God te bid. Sy vyande het gedink dit is ‘n gebruik van Daniël waarmee hulle hom sou kon bykom. God het hom beskerm - selfs in die leeukuil. Sy vyande was egter nie so geseënd om deur God beskerm te word nie. Hy het immers vir Abraham (en sy nageslag) belowe dat Hy sal seën wie die gelowige seën en Hy sal vloek wie ‘n gelowige vloek.
Groen golwe
: Die Swartland in die winter is ‘n prentjie van groen, golwende koringlande. Met die afgelope paar dae se mooi weer, komplementeer die blou lug die groen see wat onder hom besig is om nuwe koring uit die grond te stoot.
Koffiekapitáál met siel, asseblief! Al ooit twee keer gedink oor die TV-advertensie waar die jongman ernstig huiwer oor die mooie jong meisie se aanbod vir koffie as hy haar die aand tuis besorg? Dan sê hy inderhaas ‘nee’ en jaag weg om alleen te gaan koffie drink - oor die beter kwaliteit daarvan! Terwyl die koffieboon gerooster en gemaal word, word ongeveer 700 verskillende chemiese stowwe vrygestel – wie is óns dan om dié trotse produk onnadenkend in ons bekers dood te gooi? Baie mense (ek inkluis) glo vas in daardie bekoorlike ‘poster’ wat sog gens pront sê: ‘What is Life before Coffee?’ Ek wonder nogal of diegene wat so gelate hul valerige kantoorkoffie drink, regtig besef dis koffie-sondersiel. Want in my boek (en in my koffiebeker) moet die melk nét die regte temperatuur hê wanneer eers die koffie, en dán die kookwa ter daarby gevoeg word. Let wel, ‘daarby gevoeg’. Nie daarby gegóói of ge’dinges’ nie! Ek glo ook vas die toewyding waarmee koffie gemaak word, gee daaraan sy siel. Koffie-sonder-siel is dié koffie wat ek in my koshuisdae in die eetsaal reeds vermy het – gemaak in ‘n reuse-urn en só lank gestaan en trek/verander/fossi leer dat geen mens met selfrespek dit kon geniet nie. Koffie-sonder-
siel is daai korrels wat vir weke en maande in ‘n tin-blik staan en verander van geur (gooi dit uit in jou eie glasfles, toe?) of wat som mer net saamgeflans word, sonder moeite of sonder ag. Koffie is ‘een oppepende mid del’ lees ek op ‘n Nederlandse blad en dit laat my regop sit. Koffie is volgens oorlewering ontdek deur ‘n Ethiopiese skaapwagter, Kaldi, wat besef het hy word ‘opgewonde’ ná die eet van ‘n sekere bessie. Hy het dit ook begin trek (m.a.w. die by voeg van warm water) en besef dis geurig, hoewel bitter - en die gewer van ‘n gevoel van genoegdoening en ‘n helder gees. As ek so kyk na al die koffiedrinkery in sekere werksplekke, moet die Swartland propvol genoeglike mense met ‘n
helder gees wees! Koffie as troos word al vir baie jare gekoester as dié beproefde en outomatiese handeling wat gewoonlik die gees ‘n bietjie ‘op pep’, al bring dit nie noodwendig ‘n kitsoplossing nie. In die Karoo het ‘n ouma teenoor my gebieg dat as koffie moes dronk maak, haar koffie-verslaafde nageslag pal ge koring sou wees! Koffie is miskien nie só belangrik as water en olie, dat dit ‘n volgende wêreldoorlog sal veroorsaak nie, maar die afwesigheid van koffie in moeilike tye kompliseer net sake onnodig meer. Só het die Suid-Afri kaanse kommando’s swaar getrek tydens die Boere-oorlog, toe die vlugtende manskappe later sonder koffie geraak en uit nood sekere boomwortels in kookwater getrek het om die koffie-lus te demp. Dit het gelei tot ‘n vreeslike mog-dittrof oefening, want nie elke boom wortel was bewus van dit wat toe skielik van hom verwag is nie! Só, geniet jou koffie terwyl jy nog nie boomwortels daarvoor hoef te grawe nie. Geniet die maak daarvan (mét siel, asb!), die geur daarvan en die geselskap wat jy saam met jou beker koffie het. Eers dan kan ons begin verstaan wat Jan Spies bedoel het toe hy so tevrede ge’smile’ het met sy beroemde ‘Koffie Kapitáál!’
nuus • news 3 Julie 2013
Nuwe tuiste vir Porterville Lions
Drie inligtingsvergaderings is verlede week gehou oor beoogde mynbedrywighede buite Piketberg, Moorreesburg en Riebeek-Wes.
•Piketberg, Riebeek en MRB
Kalksteenmyne op drie plekke beoog Om te myn of nie te myn - dit was vandeesweek die groot vraag op Swartlanders se lippe terwyl inligtingsvergaderings in Piketberg, Moorrees burg en Riebeek-Wes hieroor gehou is. Gondwana Exploration and Mining het reeds ‘n gedeeltelik aanvaarde prospekteerreg by die Departement van Mynregte ontvang vir die pros pektering op 10 plase wat grens aan die Bergrivier naby Piketberg, buite Moorreesburg en by Rie beek-Wes. Tydens die inligtingsvergaderings het Danielle Welgemoed, namens Osho Ventures wat die fasiliteringsproses hanteer, verduidelik dat die eerste fase behels dat hulle met die grondeienaars in verbinding tree: “Ons het gesukkel om al die eienaars se kon takdetail te kry, maar gesprekke en onderhande ling is nou ons belangrikste doel. Ons het gehoop om meer name te kry deur die koerant-adverten sies - alle belanghebbendes word genooi om ons te kontak oor die proses wat voorlê!” Welgemoed en Tovhowani Madzivhandila, ‘n minerale-geoloog vir Osho SA Coal, het verduide lik dat die aanvanklike prospekteerdery die eerste fase van geologiese analise is en net kleiner dril gate en die neem van toetsmonsters behels. Dié oop areas en boorgate sal opgevul of toegemaak word, is belowe. ‘n Omgewing-impakstudie word eers gedoen nadat die prospektering aandui dat die hoeveel heid minerale in die grond die mynproses sal reg verdig, het hulle ook gesê. Vraetyd het verwys na kwessies soos oop- of toe-myne, betalings aan die eienaars, hoeveel water gebruik gaan word, hoe die waterbronne, veral die Bergrivier, beskerm sal word en tot wat ter mate die grondeienaar betrokke sal wees in die bepaling van die boorgate en/of myne se lig ging. Welgemoed moes erken dat sy nie al die vrae kan beantwoord nie: “Ons is bloot aan die begin van die proses - al die vrae sal ná die prospek
teerfase beantwoord kan word!” moes sy her haaldelik sê. “Oop groewe is kan groot dramas veroorsaak, maar in sekere areas is dit heeltemal taboe!” Belangrike aspekte wat Welgemoed beklem toon het, is dat grondeienaars vooraf betaal word indien daar wel gemyn gaan word, dat eienaars deurentyd baie betrokke is by die konsultasie proses oor wáár gemyn sal word en dat die myn maatskappy die verantwoordelikheid dra om ná die tyd die area te rehabiliteer. Hoe die kosbare renosterveld gerehabiliteer kan word, was ‘n belangrike vraag wat ook on beantwoord moes bly. Op Moorreesburg is ‘n voorbeeld genoem van ‘n titaanmyn in die omgewing wat daartoe gelei het dat die boorgate in die omgewing leeggetrek is. “Daarom is ons nou meer skepties as in die verlede!” Gevra oor die waarde van openbare deel name, het die gespreksleiers aangedui dat indien ‘n landbouer mynwerk op sy grond weier en nie wil onderhandel nie, dit terugverwys word na die Departement van Mynregte toe. Daarna geld die beginsel dat die minerale in werklikheid aan die regering behoort en dan kan mynontwikkelings sonder die boer se toestem ming of sonder vergoeding geskied. “Maar dit is nie ons manier van doen nie; ons probeer altyd die weg van so min as moontlik probleme volg!” het Welgemoed gesê. Omdat die openbare reaksietyd in die vakan sie val en baie van die belanghebbendes óf met vakansie is óf te min tyd gekry het om ‘n deeglike studie hiervan te maak, het Welgemoed belang hebbendes aangemoedig om aansoek te doen vir ‘n verlengde proses. Alle komunikasie kan gerig word na dan ielle@oshoventures.com of stuur u faks na 0866 235 664.
Die Bergrivier Munisipaliteit het pas ‘n aansoek goedgekeur om die Porterville skietbane, wat reeds vir jare in onbruik is, vir ‘n driejaar-termyn aan die dorp se Lionsklub te verhuur. Volgens die president van dié klub, Ernst My burgh, probeer die Lions reeds van 2008 af om dié gebou te huur vir hul maandelikse vergaderings. Omdat dit nou vir lank nie gebruik is nie, verg dit heelwat opknapwerk. Die Lions, wat in 2004 vir ‘n tweede keer op Por terville gestig is, hou fondsinsamelingsprojekte ten bate van die minderbevoorregtes in die gemeen skap. “Ons gee rolstoele, het verwarmers in die ou etehuis se siekeboeg laat installeer, gee pap vir preprimêre kinders, skenk boeke vir skole, om maar net ‘n paar projekte te noem,” het Myburgh gister gesê.
5
6
kalender•diary 3 Julie 2013
swartland: kalender - diary
BioBlitz
: Vrydag het die leerders van Riverlands ‘n BioBlitz-uitstappie geniet, waar hulle meer geleer het oor die omgewing. Dit vorm deel van bewaringsbewustes se inisiatief om omgewingsopvoeding te bevorder en om die verskillende plantspesies op te teken. Die kinders het geleer van fynbosspesies en hoe om dit te bewaar.
Sandy Esau Kunsuitstalling Tot 26 Julie - ‘n Uitstalling van Darling se Sandy Esau by die Darling Lodge van 14:00 tot 16:00 en Dinsdae tot Sondae van 11:00 tot 17:00. Esau is bekend vir sy skilderye van treffende tonele uit die omgewing. Skakel 076 918 5526 of esau.art@gmail.com
Munisipale Polisie: Op 1 Julie het die munisipale polisie soos Swartlanders dit die
laaste 10 jaar leer ken het, heeltemal van struktuur verander. Hoewel die polisiediens ‘n waardevolle rol gespeel het in wetstoepassing, is die afskaling van die diens weens die groot finansiële implikasies genoodsaak. Terwyl dit die Swartland Munisipaliteit die laaste jaar R15,9 miljoen uit die sak gejaag het, word die oorspronklike 48 munisipale polisielede nou deur natuurlike uitfasering verminder tot slegs 30. As deel van die afskaling is ook die drie honde nou oorgeplaas na die Kaapse Metropool, waar hulle verder aangewend sal word. Die 24-uur diens vir elk van die Swartlandse dorpe strek nou weeksdae van 7:00 tot 23:00; Saterdae 7:00 tot 17:00 en Sondae 10:00 tot 19:00. Terwyl die twee vaste kameras én die drie mobiele kameras in die Swartland nou lank buite werking was, is Syntell van Maandag af die nuut aangestelde kontrakteur vir dié diens. Skakel die Munisipale polisie vir verdere navrae by 022 487 9411. Die drie honde, genaamd Mo, Scooby en Zeus is verlede maand aan Kaapstad oorhandig. Hier is Niel Africa met Zeus, Daphné Baron met Scooby en Saul Jacobs, (waarnemende hoof) by Mo.
Skryfkursus in olyfboord 3 Julie - Bring jou laptop (of joernaal!) en kom skryf tussen die olyfboorde Saam met Erla-Mari Diedericks Op Woendag 3 of 10 Julie 2013 Vanaf 9:00–14:00 by De Fayebosch, tussen Malmesbury en Melkbosstrand. Die koste is R500 pp. Dit sluit in koffie/tee en biscotti op aankoms & basmati-rys, bief ragout en ‘n glasie wyn vir middagete, asook iets soets. Laat weet indien jy vegetaries is. Notaboek- & pengeskenk ingesluit. Bevestig aan 0731665996 of defayebosch@ esterhuyse.co.za per e-pos. Bergrivier-kanomarathon 10-13 Julie – Die 52ste Bergrivier-kanomarathon oor 230 km begin op 10 Julie in die Paarl en eindig met die vierde skof in Velddrif. Die roete strek deur talle Swartland plaasgemeenskappe, onder meer verby Hermon, Gouda, Moorreesburg, die Misverstanddam, Morawië en Piketberg.Die tweede skof eindig op Donderdag 11 Julie op die Bridgetown-kampterrein naby Moorreesburg. Die eerste roeiers word reeds om 11:00 verwag. ‘n Yslike groot oop tent word op die gras opgeslaan waaronder toeskouers kan ontspan en die roeiers dophou. Daar sal gebraai en gekuier word. ‘n Kafee is heeldag beskikbaar - etes, pannekoek, hotdogs, lekkers, sop, koeldrank, koffie en tee sal te koop wees. Teen 19:00 word n groot vuur aangesteek. Ansu by 022 4333279 het inligting oor die Bridgetown-verrigtinge. Die webwerf www.berg.org.za het nader inligting. Jaarvergadering vir Jo Dolphin 11 Julie - Dié organisasie Jo Dolphin Swartland APD wat dagsorg bied aan gestremde persone op Malmesbury, hou hul jaarvergadering om 18:00 in die Wesbank gemeenskapsaal en alle belangstellendes is welkom. Skakel Anita by 022 486 4186 vir meer inligting. Rugbytoernooi op Malmesbury 11-13 Julie - Die wedstrydbepalings by Hoërskool Swartland se rugbytoernooi op Malmesbury vir Donderdag 11 Julie is: 9:00 Piketberg t Drostdy; 10:15 Tygerberg t Charlie Hofmeyr; 11:25 Brackenfell t Despatch; 12:35 Strand t Stonyhurst; 13:45 Swellendam t Charlie Hofmeyr o.16; 14:55 Coleraine t Cradock; 16:05 Bishops t Augsburg en 17:15 Swartland t Coleraine. Die huidige wedstrydbepalings vir Saterdag 13 Julie, soos voorsien deur Hoërskool Swartland, die organiseerder, is: 8:30 Swellendam t Cradock; 9:40 Charlie Hofmeyr o.16 t Coleraine o.16; 10:50 Charlie Hofmeyr t Strand; 12:00 Despatch t Augsburg; 13:10 Coleraine t Bishops; 14:20 Swartland t Stonyhurst 15:30 Brackenfell t Drostdy en 16:45 Piketberg t Tygerberg. Toegang R10 per kop en R10 per voertuig. Netbaltoernooi op Malmesbury 11-13 Julie - Die wedstrydbepalings by Hoërskool Swartland se netbaltoernooi vir Donderdag 11 Julie is: 9:00 Swartland t Tygerberg en Charlie Hofmeyr t Swartland 0.16; 9:30 Swartland t DF Malherbe; 10:00 Piketberg t Swartland; 10:30 Swartland 2 t Charlie Hofmeyr en Piketberg t DF Malherbe; 11:00 Tygerberg t Swartland o.16; Swartland t DF Malherbe; 12:00 Piketberg t Charlie Hofmeyer en Tygerberg t Swartland en 12:30 Swartland t DF Malherbe en Swartland 2 t Swartland 0.16. Die wedstrydbepalings vir Saterdag 13 Julie: 9:00 Tygerberg t DF Malherbe en Piketberg t Augsburg; 9:30 Augsburg t Swartland; Tygergberg t Charlie Hofmeyr; 10:00 Piketberg t Swartland 2 en DF Malherbe t Augsburg; 10:30 Charlie Hofmeyr t Swartland; 11:00 Swartland 1 t Swartland o.16 en Tygerberg t Piketberg; 11:30 DF Malherbe t Charlie Hofmeyr; 12:00 Tygerberg t Augsburg en Swartland 1 t Swartland 2; 12:30 Swartland 2 t Swartland o.16; 13:00 Charlie Hofmeyr t Augsburg en Piketberg t Swartland o.16. Afsluiting. Toegang R10 per kop en R10 per voertuig.
Pretrit op veld-motorfietse 13 Julie – Die Hoerskool Dirkie Uys bied ‘n pretrit aan vir mense op rygoed soos vierwielmotorfietse en veldmotorfietse oor 60 km. Dit begin om 10:00 op die plaas Klein Swartfontein, nagenoeg 4 km vanaf die N7 by die Moorreesburg-afrit. Die roete strek oor verskeie plase.Dis ‘n dag vir die hele gesin. Daar sal heerlike eetgoed en drinkgoed te koop wees, soos pannekoek, hotdogs en hamburgers. Almal is welkom. Navraag kan gerig word aan 082 326 7134 of 022-433 2712 of Hanette Groenewald by tershan@pcnetmail.co.za of per e-pos. Gratis snoei-demonstrasie op Moorreesburg 13 Julie - Dis snoeityd en elke jaar voel jy onseker! Woon die gratis snoei-demonstrasie om 10:00 by in die Moorreesburg Kwekery. Skakel 022 433 3232 vir navrae. Swartland Drankforum vergader 18 Julie - Die Swartland Drankforum se vergadering sal om 14:00 in die Bloues-klubhuis op Malmesbury plaasvind. Die gassprekers is Alan Winde, Wes-Kaapse minister van finansies, ekonomiese ontwikkeling en toerisme, en Thys Giliomee van die Wes-Kaapse drankowerheid. Kontak Johann Kieser by 0835818151 ten einde navraag te rig. Sandra Prinsloo op Darling 19 Julie - OSKAR en die Pienk Tannie, ‘n veelbekroonde stuk met Sandra Prinsloo, is te sien in die Darling Sportklub om 19:00 teen R100 pp. Skakel Anneline by 082 898 6835 vir meer inligting. Retha McPherson op Moorreesburg 19-21 Julie - Retha McPherson tree op in Moorreesburg se stadsaal. Besoek www.rethamcpherson.com vir nader inligting of rig navraag aan Ina Lambrechts by 082 434 5447 of betesda@hotmail.co.za per e-pos. Ma-en-dogter tee 20 Julie – Ma-en-dogter tee in Hoërskool Swartland se skoolsaal om 14:30 vir 15:00. Die gaskunstenaar is Louwtjie Rothman. Kaartjies is by die lede van die Verteenwoordigende Raad van Leerders beskikbaar. Die funksie word aangebied ten bate van “Reach for a Dream.” Kom ondersteun asseblief hierdie mooi geleentheid. Die koste is R80 per persoon. Gratis snoei-demonstrasie op Malmesbury 20 Julie - Dis snoeityd en elke jaar voel jy onseker! Woon die gratis snoei-demonstrasie om 10:00 by in die Malmesbury Kwekery. Skakel 022 433 3232 vir navrae. Rugbyklub hou Piekniekdans 26 Julie - Wesbank Rugbyklub hou ‘n ‘’Piekniekdans’’ om 20;00 met die orkes New Strings Dance Band in die Wesbank Gemeen skapsaal. Kaartjies kos R50 per persoon, kroegfasiliteite beskikbaar. Vir kaartjies kontak Teen Lategan by 0837457794 of Andre Adams by 0837972858. AGS Potjiekoskompetisie 27 Julie - Die AGS Corpus Christi op Malmesbury bied ‘n Potjiekoskompetisie om 8:00 aan. Inskrywings is gratis. Kontak Susan Smit by 082 214 2511 ten einde navraag te rig. PPC Marathon, Halfmarathon 3 Augustus - Die PPC Marathon oor 42,2km en Halfmarathon oor 21,1 km word in die Riebeekvallei aangebied, met 22 Julie as sluitingsdatum vir inskrywings. Besoek www.championchip.co.za vir nader inligting. House of Prayer Bible teaching on Tuesdays at 19:00 on the Book of Acts and on Thursdays at 10:00 on the Book of Genesis in the House of Prayer in Nywerheidsingel, Malmesbury. Enquiries to pastor Joshua at 0844717914 or Carmen at 0719872625.
nuus•news 3 Julie 2013
Hoof groet Laurie Hugo:
Clife Rafferty, vir 15 jaar skoolhoof van Laurie Hugo Primêr op Moorreesburg, het pas uitgetree. Ná 33 jaar as onderwyser, sien Rafferty nou uit na ‘n ‘nuwe’ bedeling as afgetredene. Sy pos word intussen geadverteer.
Verkiesingsbestuurder:
Chris Hunsinger, raadslid vir Malmesbury, is pas aangewys as die verkiesingsbestuurder vir die DA se 2014 verkiesingsveldtog in die Wesstreek. Dit sluit die kiesafdelings vir Matzikama, Cederberg, Bergrivier, Saldanha, Swartland, Drakenstein, Stellenbosch, Witzenberg, Langeberg en die Breedevallei in. Die Weskaap is in drie streke verdeel, naamlik die Metro, Oos- en Wesstreek.
Netbal: Nelie Fortuin van Moorreesburg
het Saterdag as administratiewe bestuurder van drie o.18-netbalspanne na Kwa Zulu Natal vertrek vir die provinsiale wedstryde in Margate. Nelie, ‘n raadslid vir Moorreesburg, stuur die spanne van die WP-, SWD- en Boland. Hierdie byeenkoms gaan nagenoeg 3 000 deelnemers trek. Dit het Sondag geopen en duur tot môre. Netbal word beskou as die grootste vrouesport in SA.
s c 1 6 8 2 2 _ Di e _ c . p d f
Pa ge
1
2 0 1 3 / 0 7 / 0 2 ,
4 : 0 8
PM
7
8
Nuwe SA Kampioen
: Anrich Phillips van Malmesbury is die nuwe SA Gewig optelkampioen in sy afdeling. Sien berig op agterblad.
NUUS • NEWS 3 Julie 2013
Goue medalje: Kermit Tieties van die Malmesbury Gewigoptelklub het ook goud gebuit by die nasionale byeenkoms. Sien berig op agterblad.
Swartlanders speel vir Boland in meisies se 7’s Dorings: Die Do-
rings rugbyklub het Saterdagaand hul jaarlikse modelkompetisie aangebied, waar een van hul spelers, George Galant, as die algehele wenner aangewys is. Hier is van die bestuurslede en spelers: Carlo Pieters, Mark Petersen, Julie Swarts (President), Salmon Arendse (afrigter). Voor is Christopher Nero.
SARU se meisies onder 18 Sewestoernooi vind môre en Vrydag by Boland Stadion op Wel lington plaas. Alle wedstryde sal op die A-veld beslis word. Die Swartlanders in die span is Mareshe Arends en Ulrica Blom van die Swartlandspan, asook Sumonay van Rhyn van Schoonspruit Sekondêr. Tydens die informele opening môre-aand
om 18:30 by Hugenote Hoërskool, sal SA Swemmer Penny Heyns as motiveringspreker optree. In die o.16 Boland rugby-span is die volgen de Swartlanders: Rene van Rhyn (nr. 9, Swart landspan), Keshia Stuurman (nr. 7, Darling) en Constance Pick (nr. 6, Mamre). Dié toernooi vind plaas by Langenhoven Gimnasium op Oudtshoorn vanaf 8 – 13 Julie.
Om hier te adverteer, kontak 022 487 3221 of stuur ‘n epos aan admin@diecourant.co.za
die courant - jou goeienuus-vennoot
landbou • agriculture
9
3 Julie 2013
Swartland is sopnat Op die plaas Kliprug buite Malmesbury was dié prentjie gister tekenend van die huidige goeie reënvalsyfer. Hoewel die reën vanjaar baie laat opgedaag het en die droë Meimaand baie kommer veroorsaak het, is die damvlakke nou aan die styg en is die natuur nou in ‘n welkome winterrus.
Boere in hul noppies met 2013-reënval Met die reën wat laat begin val het, wou die landbouers van die Swartland hulle nie graag uitlaat oor die vooruitsigte vir vanjaar se gesaaides nie. “Ons het ‘n goeie Junie gehad en sien nou dat damme begin lig,” sê Liam Viljoen, voorsitter van die Malmesbury Landbouvereniging. “Verlede jaar was die reënval en die hele jaar vir die landbouers goed, maar ek wonder of ons dit vanjaar sal kan ewenaar. Die huidige koue is baie goed vir die win gerde; om dit ‘n welkome ruskans
te gee. Die wingerde was baie droog, maar nou is dit mooi aan die herstel.” Viljoen het daarop gewys dat die gesaaides kol-kol onegalig opkom en dit maak voorspellings vir vanjaar se oeste moeilik. Bennie Lambrechts stem hier mee saam: “Tot op datum het ons baie meer reën as die vorige jaar gehad en daarvoor is ons dank baar. Waaroor ons ‘n bietjie skep ties is, is die feit dat die koring wat later plant is, baie stadig is met die huidige koue. Ons reënvalsyfer tot dusver is so 213mm.”
10
dienste• services 3 Julie 2013
Uitslae/Results: Malmesbury Gholfklub
Gholf Rola Sundowner 27 Junie 2013 (Enkel Stableford) 1. Furlo Theron 19, 2. Aldrin Soudien 19 3. Jacob Goosen 18, 4. Coenie van Rensburg 16, 5. Lotie Harmse 16 Die “Clash of the Titans”-wedstryd tussen Malmesbury en Moorreesburg is Saterdag op Moorreesburg gespeel. Moorreesburg het die eerste ontmoeting met 47 punte gewen. Die volgende ontmoeting sal Augustus op Malmes bury Gholfklub wees. 29 Junie 2013 (Enkel Stableford) 1. C Coetzee 36, 2. Josef de Beer 35 3. Manus Nel 35, 4. Shawn Conrad 35 5. Leon Carstens 33, 6. Johann Ackerman 33, 7. Thys Esterhuizen 33 Woensdag is die Rola Sundower en Vrydag die Malmesbury Gholfklub Hoender Sundowner. Saterdag is die eerste rondte van die Malmes bury Gholfklub se Enkelputjiespel-kompetisies. Inskrywings beloop R50 per persoon met ‘n bring en braai na die tyd. Moorreesburg Posduifklub Vanaf Leeu-Gamka 1 HMO Smit en seun 1256.3028; 2 Hmo smit en seun 1254.4523;3 Hmo smit en seun 1252.1051; 4 Frikkie en johan 1237.7100; 5 P de
la qeurra 1221.4263; 6 Frans jooste 1211.8927 7 Frikkie en johan 1210.4540; 8 P de la qeurra 1185.1930; 9 Hmo smit en seun 1178.8411; 10 Hmo smit en seun 1152.5189 Leeu-gamka ope klubuitslae 1 Hmo smit en seun 1198.2924; 2 Israel saun ders & fam 1193.4570; 3 Hmo smit en seun 1164.0470; 4 Frans jooste 1141.6188; 5 P de la qeurra 1141.4507; 6 P de la qeurra 1140.6899 7 P de la qeurra 1128.0330; 8 P de la qeurra 1127.5994; 9 Hmo smit en seun 1111.4967; 10 Frikkie en Johan 1107.0092 Malmesbury Posduifklub Leeu-Gamka jaaroud uitslag 1 E Kotze 1321.1625; 2 E Kotze 1320.8834; 3 F Meintjes en seuns 1266.0900; 4 J Steenkamp 1259.2419; 5 F Meintjes en seuns 1239.2089; 6 J Steenkamp 1229.5748; 7 G Horn 1217.1763; 8 J Steenkamp; 1215.2987; 9 J Steenkamp 1215.2987; 10 E Kotze 1210.1491 Leeu-Gamka ope uitslag 1 C Basson 1258.2501; 2 F Meintjes en seuns 1255.8214; 3 J Steenkamp 1254.6883; 4 E Kotze 1251.1684; 5 J Steenkamp 1242.2104; 6 E Kotze 1241.4764; 7 C Basson 1240.1242; 8 C Basson 1239.8784; 9 E Kotze 1236.4012; 10 F Meintjes en seuns 1229.9350 Rugby Die Bloues rugbyklub het Saterdag teen Young Eagles van Dassenberg gespeel Bloues 1 wen 27 - 17 Bloues 2 wen 10 - 8
Om die sport-uitslae te borg, skakel ons by 022 487 3221
die courant - jou goeienuus-vennoot
kleintjies•smalls
11
3 Julie 2013
Gesoek Wanted
AANDAG! Welkom Meubels soek goeie 2de handse bruikbare meubels. Beddens, kaste, yskaste, sitkamerstelle, ens. Ook op soek na: Kombuisware, bv breekware, orna mente, potte, panne, beddegoed, gordyne, asook mans en vroue winterskoene. Kom besoek ons gerus in Tuinstraat 6, oorkant Cash Crusaders. Kontak 022 487 1547 of 082 851 0915. -
Dienste Services
Engels en Duitsklasse word aangebied. English and German classes offered. Moor reesburg. R100/1,5 hours. Skakel: 078 329 0508. ----------------------------Handyman/bou/ Mechanic/ snoei van bome en verwydering tuinrommel – Betrou baar en eerlik. Kontak my asb vir kwotasie of enige inligting verlang. Ver wysings is beskikbaar – kontak Neels 076 124 7576 ----------------------------HUIS PALEIS MEU BELS - Verskaffer van alle Truform en Cloud Nine beddens en matrasse, asook alle parte vir huishoude like toebehore. Skakel 022 482 2100. ----------------------------JK SKOONMAAKDIENS. Jou alles in een tuindienste. Sny van grasperke en rante, snoei van bome en struike, skoonmaak van beddings, uitleg van tuine, verkoop en lê van gras en ver wydering van vullis. Kontak Jaco vir gratis kwotasies by 083 227 5937. ----------------------------KITSMURE:Oprigting en Vervaardigers van “Vibacrete” mure. Kontak ons vir gratis kwotasies. Tel: 022 482 1220 k/u of sel: 083 321 9357 n/u. ----------------------------KONTANTLENINGS vir maandelikse persone. Persone op swartlys
ook welkom. 074 114 2554. ----------------------------MELIETA’S KITCHEN-Daagliks vars gebak: Soet & Sout Platters/Dosyne. Geleentheidskoeke, kaaskoeke en terte, asook heerlike kosse vir enige geleentheid. www. melieta’skitchen. co.za. 082 589 1785/082 492 4485. ----------------------------NAMIBIESE Kudu Biltong @ R195 p/ kg. Droëwors @ R175 p/kg. Ideaal vir geskenke. Kontak Jaques 073 294 3343. Malmesbury aflewerings ingesluit. ----------------------------TOP CARPETS en Blinds, Teëls, matte, laminering, vinylvloere, blindings en hersteldiens. Gratis kwotasies en profes sionele diens. Skakel 022 482 2100. ----------------------------YSKASTE HERSTEL: Ons verkoop ook 2de handse kaste met waarborg. New Freeze, Kerkstraat 18, Moorreesburg. 022 433 3831 of 083 651 5547 of 082 573 1589. ----------------------------NEGOSIKAS: Op die hoek van Hill- en Vredestraat. Soek en verkoop gister en eergister se ware, veral wit linne en porse lein asook alles wat interessant en oud is. Skakel Tannie Juna: 022 487 2601.
Te Huur To Let
KORINGBERGWoonstel te huur vir jong mense en afgetredenes-1 en 2 slaapkamers-Kontak 022 433 3333/082 810 5686. ----------------------------Winkel/Kantoor ruimte +-60 m² in die 3 Gewel sentrum (oorkant poskantoor). Kontak Ester Tel: 082 872 7981 -----------------------------
Te Koop For Sale
BABABENODIGDHEDEBaba-eetstoeltjie, snug & safe, camping cot en loopring @
R900.00. Kontak Cor nelle - 082 927 6514. ----------------------------OPVOU ROLSTOEL te koop @ R1500.00. Kontak Hennie Bester by 078 633 9780.
Voertuie Vehicles
VOERTUIE TE KOOP AANDAG, ALLE KLIëNTE! Alleenlik kontant. Voertuie dringend gesoek. Ek betaal kontant vir enige voertuig of bakkie en doen ook bankaflosse. Kontak 083 464 6960.
courant
die
SPORT
tel 022 487 3221
3 Julie 2013
•PPC hou Marathon no. 28
Duisende sal opruk vir hardloopdag Duisende hardlopers sal op Saterdag 3 Augustus weer die skilderagtige Riebeekvallei se natuurskoon kom indrink wanneer die skote klap vir die 28ste PPC Marathon oor 42,2 km en Halfmarathon oor 21,1 km. Die dag maak voorsiening vir die fiksstes tot die onfikses deurdat wedlope oor 10 km en 5 km ook aangebied word. Die legendariese Bruce Fordyce, wat die Com rades-marathon nege keer gewen het, het verlede jaar die halfmarathon gehardloop: ‘’Die wedloop en die roete was puik, maar die hoogtepunt van die dag was die oorweldigende gasvryheid van die organiseerders en die gemeenskap,’’ het hy luidens PPC se mediaverklaring gesê. Morne du Plessis, oud-Springbok-rugbykaptein, het verlede jaar besluit om die 10 km-wed loop te hardloop: ‘’My laaste wedloop was byna 20 jaar gelede en ek kon nie ‘n beter begin vir my terugkeer gekies het nie. “Die vriendelike atmosfeer, wonderlike hard loopweer en pragtige landskap het die pyne van die ouderdom sommer net laat verdwyn deur die vreugde van deelname. Boonop het my familie ook aangesluit en saam met mense uit alle dele van die gemeenskap het ons ‘n heerlike tyd ge
had. Ek sal almal wat lief is vir die buitelewe en oefening aanmoedig om hierdie hardloopervar ing te beleef,’’ het Du Plessis luidens ‘n media verklaring gesê. Die manswenner verlede jaar was Luyanda Mapoyi van New Balance Khayelitsha in ‘n tyd van 2:39:36 en die vrouewenner Liana Maree van Stellenbosch in 3:26:10. Die halfmarathon is gewen deur Thembelani Zola van Mr Price WP in ‘n tyd van 1:11:13 en die eerste vrou oor die wen streep was Annerien Van Schalkwyk van die Irene Marathon-klub in 1:19:27. In die wedloop oor 10 km was Sityhilo Diko van Nedbank die wenner in 31:52, met Mia Pienaar van die Weskus in 38:12 die eerste vrou verby die wenpaal. Volgens Ilze Vlok van die wedlooporgani seerders is reeds nagenoeg 200 inskrywings ont vang, wat strook met vorige jare. ‘’Die meeste inskrywings kom in die laaste week voor die sluitingsdatum,’’ het sy gesê. Maandag 22 Julie is die sluitingsdatum vir in skrywings. In 2011 en 2012 het meer as 2 000 atlete by die geleentheid kom hardloop. Besoek www.championchip.co.za vir nader inligting.
Wesbank bly op wenpad
Die eerste rugby-span van Wesbank het Saterdag sy kragtoer in die Boland se Premierliga voortgesit toe hy die besoekers van Ceres met 36-12 geklop het. Die rustydtelling was 11-9 in die tuisspan se guns. Andre Coetzee, kaptein van Wesbank, beur hier deur die verdediging van TC Botha van Ceres.
Naelbytsege
: Abbotsdale se eerste rugbyspan het Saterdag sy ondersteuners behoorlik laat naels kou toe hy op sy tuisveld met Mamre kragte gemeet het in die Boland se Superliga-Wes. Nadat die spanne gaan water drink het met die telling op 20-10 in Abbotsdale se guns, het Mamre in die tweede helfte alles in die stryd gewerp. Abbotsdale kon daarin slaag om aan sy voorsprong te klou en het die sege met 32-29 beklink. Abbotsdale se Harlon Klaasen (heelagter) klop die verdediging op pad doellyn toe. Jong Bolanders klop die jong Bulle: Die Akademieweek vir o.18-rugbyspelers vind vandeesweek in Durban plaas. Die Bolandspan se spanbestuurder is Vos de Jager van Schoonspruit Sekondêr. De Jager het gister uit Durban gepraat oor sy span se sege van 13-12 Maandag oor die span van die Blou Bulle. Swartlanders in dié Boland-span is Kobus Kotzé van Hoërskool Dirkie Uys en Christie van der Merwe van Piketberg Hoërskool. SA Kampioen met nuwe rekord: ‘n Nuwe SA-rekord deur Anrich Phillips (20) van die Malmesbury Gewigoptelklub het aan hom die titel ‘kampioen van die kampioene’ besorg tydens die SA Gewigoptelbyeenkoms in Johannesburg. Phillips het deelgeneem in die 56 kg-kategorie. In die opraap en hurksit het hy gewen met 87 kg en in die opraap en uitstoot met 124 kg. Kermit Tieties (19) van dieselfde klub, het ook met ‘n goue medalje weggestap van die SA-byeenkoms. In die 94 kg-kategorie het hy gewen met opraap en hurksit (115 kg) en die opraap en uitstoot (145 kg). Beide het in April by die WP-kampioenskap ook goue medaljes verower. Hulle word afgerig deur Anrich se pa, Willem Phillips. Hulle oefen nou om later vanjaar aan die wêreldbyeenkoms in Pole te gaan deel neem. Sien foto’s op bl 8.