en aragonés»

O papel de as broxas como presonache en a literatura feita en aragonés

Cristóbal Chesús Parra Ruiz

A estrutura d'iste treballo obedexe, en gran parti, á o desembolique en diferens alpartatos de o tema á tratar, que se basará, más que más, en a tematica broxeril u de as broxas en a literatura feita en aragonés, os cuals beyeremos dende diferens ambistas y dembas que pertocan tanto á l'antropolochía, pero más que más á la literatura, siga ista oral u no, como fruito d'espresión y sentir de tot un pueblo y cultura de bez.

1. Introduzión

En primerías, debérbanos amanar-nos á dito presonache drento de l'ambista de a tradizión oral, ya que ísta ye a que más amán en tenemos; as presonas a las que se deziba u clamaba con iste nombre u calificatibo yeran mullers marguinatas en gran parti de as ocasions.

Cuan una biella embiudaba y, por o tanto, ísta pasaba a bebir sola a chen de o lugar empezipiaba a comentar feitos rarizos arredol d'ella, y sólo que por o feito de que en o lugar acayezesen diferens suzesos sin d'esplicazión ista presona pasaba á estar clamata por tota la comunidá con o calificatibo de «broxa». Exemplos replegatos por R. Andolz en tenemos muitos:' 1. En L'Aínsa estió asabelo de famosa, fa ya añadas, Azanza (a broxa d'os Molins). 2. De Vicenta R., de Buesa, deziban que yera broxa: maldizió una casa y les se morioron toz os tozinos durante a libratura; cuan ísta morió garra chen quereba marchar ta amortallar-la. 3. En Sallén bebiba una broxa que de nueis se'n iba á minchar enta las zolles de os tozinos. 4. Chuliana, de Las Paúls, tamién iba por as casas dezindo maldizions u bendezindo, pos bebiba seguntes lo que le daban.

Por atro costato, y como ya sapemos, as broxas, antiparti d'estar un tema tabú ta gran parti de os altoaragoneses —montañeses—, yera una presona asabelo de temita por os suyos maldaus y totas as suyas feiturías pos ya yera bien

' Andolz Canela, Rafael, El nacer en Aragón: mitos y costumbres, Zaragoza, Mira (Colección «Aragón») (1991), p. 35.

conoxito por buena parti de a poblazión que o castigo podeba durar o tiempo que l'aganase á la broxa, ye dezir, podeban estar un diya, una nuei como tota una añada; en relazión con os maldaus, ístos podeban afeutar de a traza siguién: a. Por un costato, particularmén, ye dezir, a una familia, más que más, o maldau afeutaba á os animals u á la fazienda, pos en una economía como yera l'altoaragonesa, cuasi cuasi de subsistenzia a perda d'un animal u barios animals teneba un efeuto dominó que con o pasar de o tiempo remataba en trachedia, cualo resumen esplicamos en os puntos siguiens: a.l. No poder contar con ixe animal ta cutio; iste gosaba estar o macho u machos pendendo de o ran de riqueza d'ixa casa, ye dezir, si iste moriba a nafra yera prou importán, pos ya ixa familia no poderba contar con iste animal ni ta labrar ni ta fer as diferens fainas u treballos que alazetaban o buen fer d'una casa aragonesa. a.2. Perder un animal de o ganau, ya estase un cochín, craba, güella, ezt., yera morir por no poder parar-se ta un ibierno duro y fredo.

As causas por as cuals una broxa daba o maldau en dita familia podeba estar por razons diferens: quimera, imbidias, ezt. b. Coleutibamén, ye dezir, ye tot un lugar u redolada o que se beye afeutato; ista puede decumentar-se, por exemplo, en os diferens miedos que cualsiquier lugar teneba cuan s'amanaba una pedregada y de os diferens ritos u costumbres que encara s'emplegan ta esfer bellas superstizions. Aquí por exemplo, isto zaguer se decumenta en atro presonache muito común en os lugars, semos fablando de os famosos esconchuradors, en a que a fegura de mosén Bruno Fierro ye fundamental como esconchurador d'esconchuradors; dita fegura, alasbezes yera tanto o miedo que se teneba a istas tronadas, que o esconchurador feba emplego de os suyos dotes ta nimbiar ixa tronada enta o lugar u lugars bezins.

2. A tematica broxeril

2.1. Situazión

A tematica broxeril en Aragón ye estata como emos dito antis muito enradigata y más que más en os diferens lugars de l'Alto Aragón. Dende o punto de bista cheografico y umano, istas mugas no son de raso prezisas, sin dembargo estarban comprenditas dende o norte de a probinzia de Uesca y determinatos enta o sur por una linfa que, partindo de Benabarre pasarba por Tamarite, Monzón, Balbastro, Uesca enta l'ueste continando biellos bials que son agora carreteras; ista zona no ye eslechita de traza casual sino que ye una zona en a que se determinan carauteristicas umanas, sozials y sicolochicas muito peculiars.

Uesca y Balbastro yeran zentros churidicos, eclesiasticos, alministratibos, culturals y economicos que ligaban redoladas y trazas de bida, que chunto con Chaca podeban considerar-sen, os tres, zentros urbanos fren á un Alto Aragón rural.

2.2. Prezedens de dita tematica

En iste caso en Aragón no esiste un prezedén que sirba de guida; por cuentra si que bi ha muitas falordias, leyendas y tradizions, ezt., antiparti de referenzias a zierta mena de suzesos acayezitos en diferens lugars. As obras en a literatura altoaragonesa feita en castellano fablando sobre iste tema, tampoco no son estatas guaires.

Fendo una breu descrizión de l'asunto que mos afeuta pasamos agora a enumerar as obras más importans que alto u baxo y de traza direuta han fablato sobre iste tema:

1. Carmen de Burgos, con a nobela suya Los endemoniados de Jaca.' 2. Salvador M.a de Ayerbe, con un cuento u rilato que fa sobre as broxas de Bastarás, estando tetulato Las brujas de Guara, en A través del Somontano altoaragonés.3 3. Silvio Kossti con o cuento suyo de Los espiritatos de Santa Orosia." 4. Ramón José Sender con a nobela Criaturas saturnianas.' 5. José Llampayas con cuadros de l'Alto Aragón con a obra suya tetulata Mosén Bruno Fierro.' 6. Herminio Lafoz Rabaza, con a obra suya tetulata Cuentos altoaragoneses de tradición oral. En dito libro aparixen chiquez cuentos no sólo que sobre brozas sino tamién sobre bruxons.'

Manimenos, emos creyito combenién adibir zierta mena de publicazions sobre etnolochía y folclore que s'han referito a la broxería aragonesa á ormino, pero sin afondar guaire en dito tema, tenemos: 1. Ramón Violant y Simorra, presona que más ha treballato en ista mena d'estudios, en El Pirineo español, alporta bels datos bien conoxitos por a suya presona, fruito de os suyos biaches por istas tierras y de a suya fayena como pastor en os Pirineos.' 2. Ricardo del Arco fabla de traza pasachera sobre o tema en barias de as obras suyas.' 3. Pedro Arnal Cavero fabla de a broxería en bels treballos de traza aneudotica, pero alazetando-se en o Semontano." 4. Ángel Ballarín Cornel, adibe bels rilatos populars en os libros suyos. 11 5. Antonio Beltrán, en Nuestras tierras y nuestras gentes, rezenta barias creyenzias de Salvatierra, Alto Aragón y refusa a importanzia de a broxería en istas redoladas." 6. Antonio Plaza Boya, El mundo religioso del Alto Ésera," ye un estudio etnolochicolexico de Castejón de Sos y de a suya redolada, fendo espezial fincapié á o lexico de as espresions cristianas y tamién á os mitos y superstizions de os suyos abitadors. 7. Rafel Andolz Canela, en dos obras suyas, De pilmadores, curanderos y sanadores en el Alto Aragón y a tetulata El nacer en Aragón," ya citata, en as que se fabla sobre barios aspeutos, más que más, sobre mitos y costumbres arredol de as broxas y curanders. 8. Rafel Vidaller Tricas, en Actas de las V Jornadas de Cultura Altoaragonesa," fa tamién un breu repaso de remeranza basato en iste tema de as broxas afondando y fendo referenzia á os ritos, costumbres y diziendas que buena parti de a soziedá altoaragonesa teneba sobre o mundo de istos presonaches que aquí mos ocupa.

' Burgos, Carmen de, Los endemoniados de Jaca, Madrid, Revista Literaria («Novelas y Cuentos») (1932).

Ayerbe, Salvador M ede, Las brujas de Guara, en A través del Somontano altoaragonés, carta 3.a, Huesca, Imprenta de Justo Martínez (1931). ° Kossti, Silvio, Los espiritatos de Santa Orosia, en Cuentos aragoneses en prosa, Madrid, Emilio Casa- ñal (1910), pp. 144-159.

Sender, Ramón José, Criaturas saturnianas, Barcelona, Destino (1968).

Llampayas, José, cuentos «El duende de la abadía», «Las Salbachinas», «El Maleficio», «Un medium que acierta o el espirnan», en Mosén Bruno Fierro, Huesca, Col. Argensola (1824). ' Lafoz Rabaza, Herminio, Cuentos altoaragoneses de tradición oral, Huesca, Instituto de Estudios Altoaragoneses (colección «Cosas Nuestras») (1990).

Violant y Simorra, Ramón, El Pirineo español, Madrid, Plus Ultra (1949), pp. 498 y ss. Arco, Ricardo del, Notas de folklore altoaragonés, Consejo Superior de de Investigaciones Científicas, Instituto «A. de Nebrija», Madrid (1943), pp. 502-504; Costumbres y trajes en los Pirineos, Berdejo Casañal (1930), pp. 81-85.

Arnal Cavero, P., Aragón en alto, Zaragoza, Imprenta «Heraldo de Aragón» (1942), pp. 84-168-172. " Ballarín Cornel, Á., Civilización pirenaica, Zaragoza (1972), pp. 121-126. " Beltrán Martínez, A., De nuestras tierras y nuestras gentes, Zaragoza (1970), t. II, pp. 202 y ss. " Plaza Boya, Antonio, El mundo religioso del Alto Ésera, Huesca, IEA («Colección de Estudios Alto- aragoneses») (1989). " Andolz Canela, Rafel, De pilmadores, curanderos y sanadores en el Alto Aragón, Zaragoza, Mira (Colección «Aragón») (1991), pp. 35-47. 's Vidaller Tricas, Rafel, «Bellas superstizions y ritos de Salas Altas (Semontano Sobrarbe)», en Actas de las V Jornadas de Cultura Altoaragonesa, Huesca, IEA (1986).

9. Cherna Gutiérrez Lera, con o treballo suyo tetulato Breve inventario de seres mitológicos, fantásticos y misteriosos de Aragón," fa tamién un sobrebueno comentario á o mundo de as broxas y a broxería en cheneral basando-se, mesmo, en exemplos replegatos en diferens lugars y redoladas de l'Alto Aragón.

En zaguerías, y ta rematar iste alpartato que mos ocupa, podemos comprebar como dito tema ye estato presén en una buena ripa de obras y treballos, ya sigan ístos adedicatos á o mundo de l'antropolochía como de a literatura.

As broxas, á la marguin de diferens considerazions ya esposatas anteriormén, son una reyalidá biba. Diferens exemplos, en tenemos, en os ritos y costumbres que amanixen diya á diya debán de os nuestros güellos. Istos exemplos pueden estar bibos en diferens construzions y estruturas d'arquiteutura popular que trobaremos en as casas nuestras y, cómo no, en a sapenzia —tamién popular—, an por meyo de seguntes que repuis rituals encara se gosa pribar de nombrar o tema de a esistenzia broxeril; tals exemplos en tenemos en un buen camatón de chamineras rematatas en diferens espantabroxas que fan remeranza á un mundo machico, u mesmo, en os diferens ritos adedicatos á las tronadas, o emplego de yerbas proteutoras como a ruda. Antiparti, beyer panochas u cardinchas punchatas sobre as puertas, mos fa pensar en a suya esistenzia.

Sin dembargo, a esistenzia, de bez, d'una gran tradizión oral en a que ditos presonaches son como claus en o desembolique de leyendas u falordias, fan que los beigamos no sólo con medrana, sino tamién con almirazión; pero as continas albertenzias que amagan ditas istorias pasatas mos obligan a prebar de beyer-las con muito rispeto no cayendo en adulazión, porque en o mundo, en a bida mesma, o bien y o mal son enreligatos y enradigatos, ye dezir, son como bezons que chupen de o mesmo puesto, sin dembargo, uno ferá siempre o bien y en l'atro caso o mal será de contino presén.

En zaguerías y continando con iste mundo broxeril amagato, pero no xuplidato drento de l'esmo de as chens, bi ha siempre un mezclallo —presén en dita tradizión—, que contrimuestra que a penar de o pasar de o tiempo ye un tema que siempre será autual. L'aparixión contina de treballos, sigan ístos de tipo antropolochico u literario, mos fa pensar que istos presonaches ta unos continarán estando imachinarios u fruito de a imbenzión umana, pero ta otris serán berdaders continando bien bibos a trabiés de os ritos que encara se gosan dar en pleno sieglo XXI.

Istos ritos, caldrá tamién dezir, que se basan en dos mundos que s'achuntan como emos puesto comprebar y documentar por meyo de as dibersas informazions replegatas en os diferens estudios de l'antropolochía y de a literatura, sin dembargo, a esposizión d'iste treballo, ba á estar basata, más que más, en a literatura, anque ta ixo adediquemos u faigamos una menzión espezial á l'antropolochía, ta seguir ziertas esplicazions que, sobre bel tema en concreto, tiengamos a nezesidá d'emplegar-ne, u obras carauterizatas que puedan alportar una intresán bisión ta o nuestro estudio sobre o tema.

3. As broxas: presonache literario fruito de a reyalidá u a superstizión

Como emos adebantato anteriormén, o treballo se basará en l'aparixión de iste presonache pero sólo que como fegura literaria en diferens relatos u obras en as que a suya presenzia ye importán en o desembolique de a obra, bien siga

Gutiérrez Lera, Cherna, Breve inventario de seres mitológicos, fantásticos y misteriosos de Aragón, Zaragoza, Prames (1999), pp. 38-44.

por o tema emplegato bien siga por custión d'adibir á iste presonache que ferá enriquezer una mica más o escrito literario.

3.1. Clasificazión de as broxas drento de a literatura

A clasificazión que agora imos a beyer ye importán en o desembolique d'iste treballo, pos mos fa fer una güelladeta sobre iste mundo de as broxas y de bez parar cuenta en una serie d'elementos unificadors que alazetan o contenito d'istas obras.

Continando con iste esquema, emos creyito beyer una serie d'autituz esclateras y bien diferens en tota a ripa d'obras que se basan arredol de os presonaches que fan o papel de broxa u presona relazionata con iste mundo machico; manimenos, cal adibir que ista clasificazión obedexe, en gran mida, á o papel que o presonache fa durante a narrazión: 1. En un primer puesto tenerbanos aquels que pautan con o demonio u diaple y churan semisión con apostasía; son totas aquellas broxas que prautican una mena de machia negra. Son as representatas por a mayoría de as obras en a que a broxa ye considerata una biella que se transforma en mixín y fa o maldau. Son broxas como Edubixis y Miteria, aparexitas en a obra Falordia y broxa," Salustia de Os mons malditos," asinas como Tiedera en A casa maldada," ezt. 2. En un segundo puesto, aquels, que tienen una mena de «don u grazia espezial», seguntes a creyenzia popular; ístos, cal adibir, serban como os autuals curanders u curanderas, os cuals podemos encara agora refirmar-los en ixas chens que s'adedican a ixe tipo de merezina popular y que d'antis más, yeran menazatos y mesmo consideratos igual que as broxas u os bruxos; son totas ixas que prautican y s'adedican á fer o bien por meyo de a machia blanca. Son protagonistas femeninos como Aldonseta en Aldonseta Peraire," Serafinona en a falordieta tetulata Serafinona la bruixa," ezt. 3. Y, en zaguerías, aquels que no creyen en denguna machia u declaran no pas creyer, pero por atra parti manipolian a credulidá de a resta de chen ta o benefizio suyo.

3.2. Conchunto de obras y falordias con tematica broxeril

As obras literarias en as que emos trobato una presenzia de a tematica broxeril u l'aparixión d'una d'istas broxas son as siguiens. Adibir que a clasificazión de as obras ye feita asinas siguindo un orden cronolochico y no pas por atras custions: 1. En Falordias y broxas (1980), de Rafel Barrio Pueyo, aparixen tres falordias sobrebuenas, carauterizatas totas ellas por ista tematica de as broxas y mesmo bruxos, presonache —iste zaguero— tamién asabelo de importán drento d'Aragón, por estar ista tierra plena de bruxons. As obras en as que aparixe iste presonache son as siguiens: a. A broxa Edubixis. b. A brempa grisa. c. Diyas y nueis en Tiello.

" Barrio Pueyo, Rafel, Falordias y brozas, Uesca, Publicaciones Porvivir Independiente (chinero 1980).

Gracia, Chusé A., Os mons malditos, ed. de l'autor (1992). " Castillo Bestué, Chuaquín, A casa maldada, Zaragoza, DGA (Colección «O pan de casa nuestra») (1989). " De Fierro, Luisón, «Serafinona la bruixa», Fuellas d'Informazión de o Consello d'a Fabla Aragonesa, 100 (marzo-abril 1994), pp. 13-15. 2' Vicente de Vera, Eduardo, A l'aire (garbas), Zaragoza, DGA (Colección «O pan de casa nuestra») (1985).

2. En a obra de teyatro de l'autor Santiago Román Ledo Rolde de brozas en Crenchafosca (1987), mos tornamos a trobar con una obra plena de broxetas y con ista merma tematica broxeril pero con a esferenzia de que ísta ye feita ta estar representata. En ista obra, a reunión una fosca nuei de totas as broxas más importans, de drento y difuera d'Aragón, mos fa tremolar de fridor debán de a descrizión y carauteristicas que se'n fan de cada presonache que i amanixe. 3. Tamién en o libro Nieus Luzía Dueso Lascorz Leyendas de l'Alto Aragón (1985), en a falordia tetulata «Las bruxas», se fa menzión a ditos presonaches pero d'una mena muito diferén á o esquema que nusatros creyérbanos trobarne en o conchunto d'obras carauterizatas por dito presonache. 4. En a obra tetulata a A l'aire (garbas), de Eduardo Vicente de Vera (1985), mos trobamos con un relato feito por Rafel Vidaller 'Fricas en o que antiparti de charrar-nos sobre atras custions relazionatas con o suyo lugar —Salas Altas— aparixe —y más concretamén entre as pp. 119/121— tamién un chiquet amanamiento enta o mundo broxeril. L'autor fa un poder por esplicar-nos casos no sólo que de broxas y bruxos como presonaches ta fer maldaus (fote-rondas, entrecortamientos, no adubir una fuesa con o cuerpo y l'almeta de bez), sino tamién de remeyos ta poder esfer ditos posibles mals. 5. Tamién en a obra que a continazión se i cuaterna, Calibos de fogaril, y de l'anterior autor, Eduardo Vicente de Vera (1986), aparixen dos relatos, replegatos en dos zonas bien esferenziatas Nabal o primer y Echo o segundo, y que fan referenzia a iste mundo machico de as broxas; o primer aparixe con o tetulo La plazeta de las brujas y o segundo Lo mal dau. Sin dembargo y como más entadebán comentaremos os dos rilatos s'esferenzian plateramén en o contenito y tratamiento, o primer ye replegato y rezentato de traza chuzona y o segundo tiene, más bien, una balura antropolochica sobre os ritos, costumbres y mals á las que gosaban adedicar-sen istas presonas clamatas con o nombre de broxas. 6. En o libro de Chuaquín Castillo Bestué, A casa maldada (1989), mos trobamos con una istoria sobrebuena sobre dito tema en a que a tematica broxeril pasa á estar o elemento zentral de tot lo libro y ye o primer libro an aparixe un caso de posesión demoniaca. 7. En o libro de Chusé A. Gracia, Os mons malditos (1992), l'aparixión de as broxas tamién ye importán en o desembolique de l'argumento, pos as medranas, a escureldá, os mitos y demás feguras pasan á estar elementos importans durante a narrazión y desembolique de o libro.. 8. En o libro Bellas falordias d'o Biello Aragón (1992), libro publicato por o Consello d'a Fabla Aragonesa, amanixen una serie de narrazions replegatas y escritas por os mozez y mozetas de as escuelas d'Ansó, Aragüés de lo Puerto, Bailo, Berdún, Canfrán, Embún, Chasa, Chabierregai y Santa Engrazia de Chaca; en ditas narrazions —escritas tanto en aragonés como en castellano—, beyemos una tematica broxeril que encara ye biba grazias, en gran mida, á ixa tradizión oral que mos fabla d'un pacato no guaire lexano drento de a tradizión popular. As falordietas en as que o presonache de a broxa amanixe son as que a continazión feguran aquí baxo: a. Angeleta. b. La leyenda de Noche Vieja. c. La muller que maté a lo macho. d. Leyendas de gatos. e. Cosetas d'as bruxas. f. El gato.

Si femos una leutura prefunda sobre as siguiens «falordietas» podemos comprebar, antiparti de que a suya elaborazión ye muito simpla, cómo o esquema u denominador común ye o mesmo: a muller, isto ye a broxa, transformata en gato se repite en totas as narrazions, fruito d'ixa tradizión encara biba en muitos lugars de l'Alto Aragón. 9. En o libro Nuei de tiedas (1999), en o cuento de Carmen Castán tetulato «Aldonseta Peraire», trobamos dimpués d'una funda leutura, un escrito sobrebueno sobre ixe episodio de a nuestra istoria en a que presonas que sólo prauticaban o bien u machia blanca yeran condenatos y preseguitos por prauticar —seguntes os chuezes— broxería, anque se tratase de simpla merezina popular.

Sin dembargo, adibir que tamién emos creyito combenién, encluyir tota una mena de «falordietas» u «cuentos» de chicota amplaria que emos replegato en atras publicazions de tematica literaria u estudio literario como ye o caso de diferens rebistas. 10. En o libro de Chusep Coarasa Atienza (1992) L'ombre l'onset, se fa dentrada en iste mundo machico a trabiés d'un relato tetulato «A casa embroxada», pero iste no remató de fer-se pos a muerte suya mos pribó de a suya leutura finitiba; sin dembargo, creyeba combenién fer a suya referenzia por o importán de o tema.

D'ista tematica broxeril replegata en ditas publicazions, podemos beyer cómo tamién a fegura de «a broxa» ye importán por estar en seguntes qué casos un protagonista más drento de o desembolique argumental u, en atras, por estar un protagonista zentral, pero, de bez y en muitas ocasions o que une as dos ambistas ye que ditas istorias gosan estar en bels casos chupitas por ixa importán tradizión oral de a que Aragón ye plena; istas «falordietas» son as que á continazión se cuaternan y prenzipalmén aparixen en a rebista Fuellas d'informazión, publicata por o CFA: 1. En o lumero 97 y en falordia feita por Rafel Andolz Canela (traduzión en aragonés feita por F. Nagore), tenemos A Broxa de os mallos, en a que mos se cuenta una mena de leyenda arredol de dito presonache. 2. En o lumero 100, tenemos a falordia de Luisón de Fierro, «Serafinona la bruixa», en a que mos se charra d'ista bruxa, estando sólo que ella a protagonista zentral de tota a istoria. Sin dembargo, no ye a clasica broxa malina sino tot lo contrario, ye una muller buena y dulza que por custions de superstizión se beye marguinata y perseguita por a resta de a chen. 3. Tamién en a rebista Fuellas d'informazión, en o lumero 104, en tenemos atra d'istas falordietas de Chesús y Alba de Mostolay, «As bruxas de Colungo», en a que a tematica broxeril y a machia fan aparixión en tot lo relato —fendo o maldau— entre as casas de un lugar. Sigue o caso tipico de broxa malinna. 4. Ta rematar y una begata más, en a rebista Fuellas d'informazión, en o lumero 126, y en o libro L'aragonés de A Fueba, Bocabulario y notas gramaticals (Uesca, 1999), colezión «Puens enta ra parola», lum. 9, trobamos una d'istas «falordietas» que chira arredol d'istos presonaches tan quiestos drento de a tradizión oral, sernos fablando de a falordieta replegata por Fernando Romanos Hernando y Fernando Sánchez Pitarch, «Falordia de bruxas en fobano» en a que de nuebo, a presenzia de a broxa ye a d'ixa muller endina que fa o maldau entre as chens u casa d'un lugar y que se basa en buena parti de totas as obras feitas en aragonés.

3.3. Esquema que carauteriza a ista mena de narrazions

Como ya emos benito adebantando u mesmo albertindo en iste treballo, mos trobamos en buena parti de as narrazions, con dos trazas de broxas que se gosan repetir en buena parti de as narrazions u falordietas, en as que aparixe dito presonache y as cuals emos trestallato en dos collas bien esferenziatas que, pendendo de o tipo de machia que iste presonache fese bien podeba estar machia negra u machia blanca: 1. Ista primera colla que beyérbanos en una gran parti de as obras que emos comentato alto d'iste alpartato carauterizato por l'aparixión de un mesmo esquema simple gosa aparixer no sólo en una buena parti de as narrazions como tals sino tamién en falordias u leyendas que sobre o tema en tenemos.

Isto mos fa pensar que l'aparixión en as narrazions literarias d'un mesmo esquema son copia u fruito d'ixa biella tradizión oral en a que encara podemos beyer entutatos biellos repuis de una tradizión de tiempos xuplidatos y que han estato amagatos drento de un contino prozeso repetitibo.

O esquema de o que fablamos u que beyemos en istas obras ye o siguién:

A broxa que cuan plega o Nadal se transforma en gato y dimpués de plegar a escura nuei aguaita l'inte ta poder fer o suyo maldau, amanando-se y ficando-se en a estrabilla de bella familia u casa ta matar, de botiboleyo, a os animals domesticos más importans que tiengan.

Sin dembargo en bel inte ye pillata en galafatons y sólo que dimpués de dar-le bel tochazo en bella garra u zarpa, iste mesmo mixín, fuye, con a sospresa por parti de os dueños de que á o diya siguién bella biella de o lugar bien conoxita garría coxa (en bellas ocasions ista puede estar a propia lola).

Responden a iste tipo d'esquema as falordias, leyendas y rilatos siguiens: a. A broxa Edubixis. b. A brempa grisa (tematica de bruxons y o libro berde). c. Diyas y nueis en Tiello. d. Angeleta. e. La leyenda de Noche Vieja. f. La muller que maté a lo macho. g. Leyendas de gatos. h. Cosetas d'as bruxas. i. El gato. j. As bruxas de Colungo. k. Falordia de bruxas en fobano. 1. Os mons malditos. m. A casa maldada.

Talmén, seguntes ista tematica menzionata, caiga adibir drento d'iste alpartato o comentario reyalizato por Rafel Vidaller Tricas sobre a combersión tamién feita de broxa en gato negro, pero con a esferenzia respeuto de l'anterior, que dita combersión ye conoxita como fote-rondas, ye dezir, como o nombre endica y seguntes diz l'autor a fin d'iste gato «yera florer á ras rondallas» (p. 117).

3.3.1. Simbolos u feguras

Dimpués de fer istas leuturas mos blincan en o tozuelo una buena ripa de preguntas, como por exemplo: a. ¿por qué en un gato? b. ¿un animal matando á un atro animal? c. ¿por qué fosco u escuro?

Son muitas preguntas ta contestar una por una, pero o que ye esclatero y curiosísmo ye que en a Edá Meya, y más que más en a Europa ozidental, iste animal estió asabelo de perseguito por a Ilesia y a Enquisizión, plegando cuasi cuasi a la dexaparixión suya; as causas d'ista asurda matazía por a que estió condenato á la muerte, prauticamén, risponden a criterios relichiosos, ya que iste felino plegó á combertir-se d'estar un animal quiesto y considerato como una dibinidá más —ta ixo beyer o caso de o biello Echipto, por l'aduya que representaba como depredador de rosigadors y demás animals-, á estar identificato como animal de o diaple y como colaborador de broxas y feitillers, pasando d'ista traza á o suplizio y á la foguera dreitamén.

Sólo que dentrando a Edá Moderna ista persecuzión quedó aturata, pero sin dembargo encara continó estando prou biba por meyo d'ixa bielliza tradizión oral y en buena parti de as falordias que sobre ista tematica en quedan, ye dezir, bi ha un modelo de dita literatura en a que le se contina representando como animal cospirador e ispirador de o maldau baxo a fegura de as broxas.

A color fosca, puestar que siga por ixa antiga luita que representa a dople dualidá de a bida y que se da en totas as culturas, como ye a luita de o bien cuentra o mal a trabiés de as colors luz-bien/escureldá-maldá y que tamién podemos beyer en ritos u biellizos costumbres populars cardincha-luzsol/mixín-negro-nuei, de a mesma traza que encara se daba en a biella conzeuzión de a color en as mullers en a literatura meyebal y que más entadebán autors como E. Allan Poe continan emplegando con gran mayestría en buena parti de os suyos rilatos (Ligeia, Morella, ezt.) y as obras suyas: a. A muller con pelos royos yera considerata portiadora de o bien. b. A muller de color moreno tieda de o mal.

A eslezión, como animal, de o gato puede deber-se á que dito animal estió domesticato zagueramén en comparanza con a resta d'animals que conoxemos, ixo fa que se trate d'un animal que siga a caballo en un estato encara salbache y por atro domestico u manso. Isto tamién lo podemos comprebar en ixe caráuter tan independién que tienen en relazión con cualsiquier atro animal. Ista razón poderba refirmar que una broxa —caráuter biolento, moregón, independién...— fese eslechir á o mixín como «tótem» ta las suyas feiturías, antimás d'estar un animal en o que s'achuntan l'acuteza bisual y l'achilidá que lo carauterizan como un buen cazataire nueiturno.

O xufre ye un elemento que parixe estar importán en os rilatos como simbolo que carauteriza a presenzia u aparixión de o diaple u a broxa. Sólo que a suya ulor dispierta rezelos por encarnar o mal ripresentato por meyo de a fegura de a broxa muitas bezes.

O fuego ye o elemento curatibo en istos relatos por estar o fuego purificador que fa amortar o mal.

O lumero siete, machico e importán en tot lo mundo machico. Iste aparixe rezentato a trabiés d'ixa canta simpla y sin sentiu que aparixe en o rilato La plazeta de las brujas:22 Lunes y martes y miercoles: tres, Jueves y biernes y sabado: seis.

Vicente de Vera, Calibos de fogaril (refrans, ditos, charrazos, y falordias de tradizión popular en aragonés), Zaragoza, DGA (Colección «O pan de casa nuestra») (1985), p. 100.

3.3.2. Atras obras que encluye iste alpartato

Tamién calerba encluyir en iste alpartato obras como Rolde de broxas en Crenchafosca (1987), de Santiago Román Ledo, y A casa maldada (1989) de Chuaquín Castillo Bestué, por estar, en as dos, os suyos presonaches berdaderas broxas reconoxitas en o libro y no pas por superstizión u imbenzión de a chen.

En Rolde de broxas en Crenchafosca sigue o esquema de os aquelarres u riunions que gosaban aparixer y carauterizar á la tematica broxeril, anque d'una traza muito superfizial.

Tamién tenemos un caso an se cuentan as Chuntas que feban as broxas «chunta de biejas en cueros que yeran bailando y cantando arredol de lo diablo», como ye o relato replegato baxo o tetulo La plazeta de las brujas anque dito rilato aparixca rezentato con caráuter umoristico, no dixa d'estar asabelo d'intresán pos siñala y atestigua a esistenzia d'ixos roldes machicos; como mui bien diz l'autor «este cuentecillo muestra la importancia que el fenómeno brujeril tuvo en la zona. Ni más ni menos lo que nos narra -aunque en clave de humor"- es un aquelarre...».

Sin dembargo, en A casa maldada podemos comprebar dimpués de leyer totas as pachinas suyas cómo se da o primer caso de una posesión aparexita en una narrazión feita en aragonés; ye o caso de a siñá Petra que ye esprituata por a broxa Tiedera y que en a obra sólo que paramos cuenta d'iste feito en zaguerías de o rilato.

Drento d'ista colla u alpartato d'obras caldría fer una menzión un tanto espezial á la tematica de os bruxos, prou importans tamién en Aragón y de os que en tenemos un exemplo con o relato tetulato A brempa grisa de Rafel Barrio Pueyo, Falordias y broxas (1980), relato en o que o protagonista no ye una broxa sino que ye un bruxo con un poder un tanto espezial, pos fa o emplego entre os suyos conchuros de o libro berde tamién clamato libro de San Cipriano, libro iste que debanta muitas enquietuz y medranas encara drento de a tradizión oral y que parixe contrimuestrar, a trabiés de a simbolochía, que en una soziedá rural como l'altoaragonesa do a mayor parti de as chens yeran analfabetas sólo qui podeba leyer teneba con isto un gran poder. 2. Ista segunda colla ye formata por un lumero de narrazions, ya sigan ístas falordias, u rilatos, en as que a protagonista femenino ye considerata como broxa anque ista poderba pertenexer por un costato, más bien á o mundo de os curanders, pilmaders y sanadors que en Aragón estión muito conoxitos y de os que Andolz fabla en a suya obra. Ye una mena de machia blanca que se s'oposa á l'anterior:

Á ista colla pertenexerban as obras que a continazión se cuaternan: a. «Aldonseta Peraire», relato que aparixe en o libro Nuei de tiedas (1999) -cuento de Carmen Castán- en a que a protagonista, Aldonseta, y Margalida -un atra amiga- son acusatas de prauticar broxería as dos, cuan á ella mesma -Aldonseta- ditos calificatibos la xorrontan y no quereba saper cosa de as broxas y a machia negra que istas prauticaban. Ye una mena más bien de curandera u, como emos benito clamando, machia blanca, que por meyo de as fuerzas de a naturaleza y emplegando diferens plantas y bechetals feba diferens rezetas y remeyos ta fer sanar á la chen, por ixo istas cantaban as siguiens cantas (pp. 19-20):

' Ibídem, pp. 100 y 101.

Aldonseta, Aldonsán Mos donabas chulla Mos donabas pan Mos curabas á tots Cuan se mos feba mal.

Aldonseta, Aldonseta Aldonseta Peraire biene, biene, porta-mos la esencia d'el tuyo aire.

b. «Serafinona la bruixa», anque l'adibidura d'iste rilato en o que a protagonista no parixe estar una broxa, se debe más bien a una custión persecutoria por superstizión que por razons de broxería u curanderismo pero que en bella mida, dita mal clamata broxa, se beye afeutata y dispreziata y en zaguerías marguinata por á resta de a chen que creye en iste mundo de broxas acusando-la de tota mena de mals.

Tamién bi ha una cosa prou intresán en iste relato, que concuerda prou bien con a creyenzia popular, como ye o prexinallo de gran parti de a chen á o respeutibe d'iste mundo de as broxas como ye que parixeba estar que a machia d'ístas se transmitiba como si estase un erenzio, asinas se dize en a falordia por meyo de a frase (p. 13): «Se diba, que l'eba eredau d'una tía de la montaña, que según se diba, que teniba to'l contorno atolondrau».

Tamién caldría en iste alpartato, adibir, o libret Parolas maxicas (1998) de Pablo Prestifilipo, en o que o tema de a broxa se menziona pero d'una traza bien diferén á o esposato anteriormén, ye dezir, aparixe una broxa buena, que chuga con as parolas aduyando á la nieta suya á entender o sinificato de as mesmas. c. En iste alpartato dentrarban obras que se sirben d'ista tematica broxeril ta o benefizio suyo anque no se pueden considerar como tals broxas, ye dezir se chuga con a creyenzia de a esistenzia suya ta xorrontar á las chens. Ficamos en ista colla obras como a rezentata por Nieus Luzía Dueso Lascorz en a falordia tetulata «Las bruxas»,24 an s'emplega una tematica que fa referenzia á o tema d'estudio pero que en zaguerías ye un relato do se sirbe d'ista tematica ta arreguir-se d'un pobrón mozet de o lugar.

4. Conclusions

Ta concluyir iste treballo y a modo de rematanza final adibiremos que una buena parti de a literatura de a que disposamos en aragonés fa referenzia á ista tematica. Isto quiere dezir que istos —sers sigan fizión o reyalidá— son encara bibos drento de a nuestra esenzia como pueblo y que a suya aparixión drento de a tradizión oral y literatura gosan dar-sen porque a mitificazión d'iste presonache ye encara presén en muitos de os ritos y costumbres que gosan estar enreligatos en una traza tanto de bebir como de sentir y de a que se chupe tota a nuestra cultura.

Sin dembargo, no cal xuplidar que iste fenomeno no sólo se da en a demba de a literatura sino que tamién fa a suya dentrata en a pintura y ye drento d'iste alpartato do tendrá tamién un gran desembolique prou importán y reconoxito, más que más, grazias a ixa fegura que por meyo d'obras suyas consa-

" Dueso Lascorz, Nieus-Luzía, Leyendas de l'Alto Aragón, Uesca, CFA (1985).

groron Aragón como tierra d'importans presonaches inteleutuals, sernos fablando de E Goya, ilustre presonache que anque, como gran parti de os aragoneses, han tenito que emigrar, a fama suya estió presén en tota a bida suya.

A broxa tamién estió en parti de os suyos prexinallos adedicando-le á o tema feriosos ritratos de gran reyalidá, que ta rematar leigo aquí en ixa sobrebuena descrizión que d'istas fa Inazio Almudébar en a obra suya Beyendo chirar o sol:"

¿Qué le pasaba á Goya cuan pintaba os suyos Aquelarres? Yera qu'iban cayendo con as fuellas amarillencas as qu'estieron as suyas berdas ilusions. O zierzo las regüelbe y las debanta formado quimericas bisions.

Quimericas bisions d'o Gran Buco arredolato de broxas sicalipticas, obazenas y marranas. Antiparti, misticas, beatas, atonitas y pasmadas. Poco más u menos como os aquelarres presidius tamién por un gran bogue qu'imple as suyas pochas con a sincusa d'a liberazión umana. Os dos portan barbas de buco y zerras de peluernos como pilara salomonicos.

Broxas biellas qu'están un armazón de güesos y pelleta y en a suya escoba portan una broxeta que no imbidia á ra «maja espullada».

Broxas narigudas de fundos estimulos olorosos. Brozas morrudas, piconas y befas, unas con luenga u sin d'era, atras con diens u sin d'era, pero todas angluziosas d'agradar á o Gran Buco.

Almudébar, Inazio, Beyendo chirar o sol, Uesca, CFA (1980), pp. 121-122.