GAZETA E SHOQATËS SË KOMUNAVE TË SHQIPËRISË - Nr. 18 by dldp albania

SHOQATA E KOMUNAVE TË SHQIPËRISË Mundësia më e mirë për Komunat dhe drejtuesit e tyre!

Organ i Shoqatës së Komunave të Shqipërisë. Nr. 18 Shtator - Tetor 2011

Adresa: Rr. “Dervish Hima”, Kulla 2, Apt.33 (mbrapa stadiumit “Qemal Stafa”), Tirana - Albania. P.O. Box. 2377. Tel&Fax: +355 4 24 68 492. E-mail.aac@abcom.al. Webpage:www.aac-al.org.

Berisha: Vendorët të mbrojnë mjedisin, jo më plehra në lumin Shkumbin

Mesazh

Decentralizimi, detyrë që duhet çuar përpara

Z. SABRI SOLLAKU

ë pari, ju uroj suksese në përmbushjen e detyrës fisnike që komunitetet tuaja ju kanë ngarkuar. Të gjithë Ju, sot të ulur në karriget e qeverisjes vendore do të mbani mbi supet tuaja një peshë të madhe dhe kam besim ashtu si dhe komuniteti juaj në zotësinë dhe përkushtimin tuaj në përmirësimin e mëtejshëm të situatës së përgjithshme në komunat tuaja. Kam besim në motivimin tuaj në përpjekje për t’ju përgjigjur kërkesave në rritje të komunitetit për ofrimin sa më cilësor të shërbimeve të ndryshme dhe njëkohësisht në përfshirjen e këtij komuniteti në zhvillimin ekonomik vendor. Të jesh Kryetar i një njësie vendore nuk është privilegj por është sakrificë dhe detyrim për të mbështetur zgjedhësit. Detyra që ju mbani do t’ju përballë me sfida të cilat kërkojnë zgjidhje në favor të rritjes së cilësisë së shërbimeve ndaj komunitetit. Decentralizimi është një proces që ka njohur progres dhe jeni Ju ata që do të çojnë më tej këtë progres në ushtrimin sa më rigoroz të funksioneve tuaja. Kryetarët e rizgjedhur do të japin sigurisht një kontribut më të madh, por Kryetarët e rinj do të jenë promotorë të nxitjes së decentralizimit duke ju dhënë zë interesave të qeverisjes vendore dhe duke mbështetur rritjen e kapaciteteve administrative dhe reformuese në nivel vendor. Sado të diskutueshme mund të konsiderohen rezultatet e arritura nga komunat, është fakt që në secilën prej tyre është ngritur një institucion i mbështetur nga komuniteti. Kjo duket dhe nga rezultatet e zgjedhjeve të majit 2011, ku besimi i komuniteti çoi në rizgjedhjen e shumë Kryetarëve. Ndërkohë komuniteti vlerësoi dhe punën atyre që nuk u votuan rishtas (Vijon në faqen 2)

ShKSh, konferencë për kryetarët e rinj të komunave Shoqata ju uroi “Punë të mbarë” duke ndarë mendime dhe eksperiencë me drejtuesit e rinj

hoqata e Komunave të Sh qipërisë (ShKSh) mblodhi në 15 shtator në një konferencë të zhvilluar në Tiranë, më shumë se 100 kryetarë të rinj të komunave nga i gjithë vendi, të zgjedhur si të besuarit e komuniteteve të tyre në zgjedhjet lokale të 8 Majit, 2011. Konferenca e të Zgjedhurve të ri Vendor, e titulluar “Punë të mbarë” kishte si objektiv kryesor të prezantonte përpara kryetarëve të komunave, misionin dhe qëllimin e ShKSh-së dhe po kështu ti njihte ata me mesazhet e përfaqësuesve të qeverisë qendrore dhe donatorëve që e kishin të lidhur punën e tyre me pushtetin vendor. Aktiviteti ndihmoi edhe në vendosjen e urave të komunikimit dhe bashkëpunimit ndërmjet komunave respektive dhe Shoqatës. Një aspekt tjetër i Konferencës ishte edhe njohja e pjesëmarrësve me legjislacionin e Qeverisjes Vendore, financimin e saj dhe investimet publike në sektorë të ndryshëm. Konferenca u çel nga kryetari i ShKSh-së, z.Sabri Sollaku i cili theksoi se vëmendja kryesore e kryetarëve të rinj të komunave duhet të

përqendrohet tek përmirësimi i përgjithshëm i kushteve në të cilat jeton komuniteti, sepse zgjedhjet treguan se kush gëzon besimin e komunitetit ku jeton gëzon të drejtën ti përfaqësoj ata. “Zgjedhjet treguan se besimi i komunitetit çoi në rizgjedhjen e shumë kryetarëve, ndërkohë që komuniteti çoi në moszgjidhjen e të tjerëve për shkak se nuk justifikuan besimin e zgjedhësve”, theksoi z.Sollaku. Ai shprehu besimin se motivimi dhe angazhimi i kryetarëve të komunave do të ndikoj në rritjen e cilësisë së shërbimeve të ndryshme që i nevojiten komunitetit dhe se kryetarët e rinj do të ishin promotor të thellimit të procesit të decentralizimit. “Decentralizimi është një proces që ka njohur progres dhe jeni Ju ata që do të çojnë më tej këtë progres në ushtrimin sa më rigoroz të funksioneve tuaja. Kryetarët e rizgjedhur do të japin sigurisht një kontribut më të madh, por Kryetarët e rinj do të jenë promotorë të nxitjes së decentralizimit duke ju dhënë zë interesave të qeverisjes vendore dhe duke mbështetur rritjen e kapaciteteve administrative dhe

Njoftim

reformuese në nivel vendor” uroi kryetari i ShKSh-së. Pas tij fjalën e mori zëvendësministri i Brendshëm, z.Ferdinand Poni, i cili shprehur vlerësimet më të larta për mandatin zgjedhor që kryetarët e rinj kishin marrë nga zgjedhjet dhe uroi që ai të ushtrohej i lirë në të mirë të qytetarëve dhe komunitetit. Një vlerësim dhe falënderim z. Poni e bëri dhe për organizatorët e aktivitetit, që në këtë rast ishte ShKSh. Sipas zëvendësministrit të Brendshëm, të zgjedhurit vendor do ti jepnin një shtysë edhe më të madhe procesit të decentralizimit. “Decentralizimi si proces do të vazhdoj të mbetet edhe për shumë kohë, një nga promotorët e shëndoshjes morale të shoqërisë, nga promotorët e akselerimit ekonomik dhe garantimit të shërbimeve publike, një nga formuluesit më të artikuluar të shpirtit lokal e rajonal por edhe atyre të komuniteteve”, theksoi zëvendësministri, duke shtuar se përmes decentralizimit do të zgjerohet dhe procesi i integrimit evropian. Po kështu, sipas Ponit, qeveria ishte e vendosur të (Vijon në faqen 3)

Shoqata e Komunave organizon gjatë muajit Janar 2012 Asamblenë e Përgjithshme si përfundim i zgjedhjeve të brendshme të organizatës. Kjo Asamble vjen pas organizimit të takimeve me Forumet e Qarqeve, prej të cilave zgjidhen përfaqësuesit e qarkut në Komitetin Drejtues dhe propozohen kandidatë për Kryetar të Shoqatës. Këto takime janë kryer tashmë në shumicën e qarqeve, ku janë diskutuar dhe çështje të tjera më rëndësi si propozime për ndryshime në Statut, caktimi dhe masa e kuotës së anëtarësisë. Këto diskutime në Forumet e Qarqeve do të prezantohen dhe në Asamblenë e Përgjithshme. Ne ju ftojmë të merrni pjesë aktive në këtë Asamble pasi nga pjesëmarrja juaj varet dhe suksesi i këtij organizimi të madh. Në Asamble do të jenë të pranishëm dhe përfaqësues të lartë të qeverisë qendrore dhe të organizmave të huaj që vazhdimisht kanë mbështetur Shoqatën e Komunave. Në ditët në vijim ShKSh do t’ju dërgojë informacione më të detajuara për këtë organizim. Punë të mbarë!

Shoqëria civile ftohet të kontribuojë për “Qeverinë e Hapur”

everia ftoi shoqërinë civile për të dhënë kontributin e saj në kuadër të pjesëmarrjes së Shqipërisë në Partneritetin për Qeverinë e Hapur (OGP). Kjo iniciative globale multi-laterale e nisur në 20 shtator në vendet anëtare të Asamblesë së Përgjithshme të OKB-së ka ardhur si rezultat i nismës së presidentit të Shteteve të Bashkuara të Amerikës, Barak Obama, për të bërë qeveritë në të gjithë botën me transparente, pjesëmarrëse dhe bashkëpunuese. (Faqe 3)

Përshtypje për Konferencën nga disa të zgjedhur vendorë

ë zgjedhurit e rinj vendorë nëpërmjet intervistave të dhëna për gazetën, shprehin ambiciet e tyre në kuadër të marrjes së mandatit si kryetarë komunash. Flasin Lumturi Hoxha, Ardian Kokomani dhe Sulejman Ibrahimi. (Faqe 4)

SHOQATA E KOMUNAVE TË SHQIPËRISË

Nr.18. Shtator - Tetor

PREMTIMI

reu i qeverisë, Sali Berisha në dy mbledhjet e fundit të Këshillit të Ministrave e ka vendosur theksin tek nevoja për pastrimin e plehrave në të gjithë vendin dhe rolin e madh që kanë të zgjedhurit vendor në këtë proces. Në mbledhjen e datës 20 tetor, kryeministri Berisha kërkoi që ti jepej fund djegies së plehrave në lumin Shkumbin. Në këtë kuadër ai kërkoi nga bashkitë dhe komunat e kësaj zone dhe po kështu nga institucionet qeveritare që brenda datës 15 janar të vitit 2012 të kishin caktuar një vend ku të depozitoheshin këto mbetje. “Inspektorati duhet të ndalojë në mënyrë kategorike çdo lloj depozitimi i plehrave në bregun e lumit Shkumbin, të vendosen sanksionet më të rrepta ndaj shkeljes së këtij rregulli dhe të sistemohet me përparësi të madhe nga Ministria e Punëve Publike e Transportit dhe ajo e Mjedisit landfill-i ekzistues i Rrogozhinës. Bashkitë e Kavajës, Lushnjës dhe komunat e Golemit, Synej, Gosës, Tërbufit dhe Dushkut, brenda tre muajve, deri më 15 janar, në bashkëpunim me Ministrinë e Punëve Publike dhe atë të Mjedisit të kenë caktuar e miratuar vendet e reja të depozitimit të mbetjeve solide”, kërkoi Berisha. Po kështu ai theksoi se ministria e Mjedisit duhet të sillte së shpejti një ligj për të ndëshkuar me penalitete të gjithë ata përfaqësues të pushtetit vendor dhe qendror që abuzojnë me mjedisin. “Ju kërkoj zoti ministër, të sillni të sanksionuar në ligj të gjitha penalitetet për qeveritarët vendorë dhe në drejtoritë e mjedisit, të cilët mbyllin një sy apo të

2011

Ligj për përjashtimin nga taksat tek investimet në zonat malore

Berisha: Vendorët të mbrojnë mjedisin, jo më plehra në lumin Shkumbin Kryeministri i bënë thirrje të zgjedhurve lokale për luftë ndaj mbetjeve dhe vendos afate të qarta dy sytë ndaj ndotjes së mje- detit të njerëzve. Studimet e KËRKESA disit. Këtë duhet ta marrim me universiteteve me serioze në “Bashkitë e Kavajës, Lushnjës dhe komunat e Golemit, Synej, Gosës, Tërbufit dhe Dushkut, brenda tre muajve, deri më 15 janar, në bashkëpunim me Ministrinë e Punëve Publike dhe atë të Mjedisit të kenë caktuar e miratuar vendet e reja të depozitimit të mbetjeve solide”

seriozitetin më absolute”, deklaroi Berisha, duke e quajtur ndotjen e mjedisit një problem tmerrësisht shqetësues. Ndërsa në fjalën e mbajtur përpara ministrave të kabinetit më 12 tetor, Berisha deklaroi se nga krerët e bashkive dhe komunave në të gjithë vendin kërkohej një luftë e pa kompromis kundër plehrave, duke e konsideruar këtë një iniciativë mbarëkombëtare. “Duke shprehur vlerësimin për qeveritë vendore edhe njëherë dua tu bej thirrje që në axhendën e tyre, çështje të parë të vendosin çështjen e mjedisit, si një kusht themelor për mbrojtjen e shën-

botë kanë faktuar se sot 40 % e vdekjeve janë direkt të shkaktuara nga ndotjet e ajrit, e ujit, e tokës, pra në radhë të parë problemin e ndotjes dhe shmangien e saj duhet ta konsiderojmë si një detyrim madhor për ruajtjen e shëndetit të qytetarit në këtë vend”, deklaroi kryeministri në mesazhin e tij drejtuar vendorëve. Sipas Berishës, lufta e vendosur kundër plehrave ndikonte edhe në një imazh të mirë jo vetëm për njësinë vendore, por për të gjithë vendin. Nga ana tjetër kreu i qeverisë premtoi se do të bëheshin të gjitha ndryshimet ligjore që t’ju jepnim më shumë

Të zgjedhurit vendor, pjesë organike e procesit të Censusit

R Trajnim i Trajnerëve për Bashkëpunimin Ndërvendor ëshilli i Evropës në vijim të zbatimit të Programit për “Forcimin K e Strukturave të Qeverisjes Lokale dhe Rajonale” organizoi një trajnim 3-ditor për Bashkëpunimin Ndërkomunal. Ky program për Trajnimin e Trajnuesve kishte si qëllim të identifikonte një bërthamë trajnuesish të cilët, veçanërisht me mbështetjen e Shoqatës së Komunave, Shoqatës së Bashkive dhe Ministrisë së Brendshme, mund të promovojnë dhe mbështesin nismat e bashkëpunimit ndërvendor. Trajnimi më i efektshëm vjen si rezultat i bashkëveprimit, një proces i dyanshëm i cili mbështetet tek përvoja dhe aftësitë e trajnuesit. Ky program për Trajnimin e Trajnuesve është krijuar me synimin që të jetë interaktiv; nëpërmjet tij mund të kuptohen çështjet që hasen dhe sfidat e IMC-së; ai u jep mundësinë trajnuesve që të simulojnë dhe të bëjnë vlerësime të situatave reale; ai shqyrton hapat kyçe që duhen ndërmarrë nga bashkitë dhe komunat kur ato krijojnë një partneritet real. Programi ju dha trajnuesve një platformë nga e cila ata mund të vazhdojnë t’i përmirësojnë aftësitë dhe të thellojnë njohuritë. Grupi i trajnimit është kompozuar me pjesëmarrës të njësive vendore, bashki dhe komuna, përfaqësues të Shoqatave dhe përfaqësues të projekteve në qeverisjen vendore të financuara nga Zyra e Bashkëpunimit Zviceran ne Shqipëri. Gjatë trajnimit u diskutuan tema si kuptim i përbashkët rreth mundësive, problemeve dhe rreziqeve të bashkëpunimit ndërvendor dhe mënyrës së zbatimit të tij; zhvillim i praktikave te punës në grup me qëllim që të krijohen sesione trajnimi dhe këto sesione të kryhen në bashkëpunim me njëri-tjetrin; familjarizim me mënyrën se si përdoren materialet e trajnimit për të përgatitur dhe kryer një program trajnimi të BNV për përfaqësuesit e bashkive dhe komunave dhe identifikim i çështjeve në Librarinë e Trajnuesit që mund të adaptohen më tej për kushtet e Shqipërisë. Trajnimi i konceptuar si trajnim trajnerësh kishte për qëllim jo vetëm të jepte njohuri dhe shprehi për BNV por në të njëjtën kohë të krijonte dhe përforconte shprehitë e trajnimit për pjesëmarrësit. Ky trajnim ishte një kombinim i dhënies së njohurive me punën praktike dhe prezantimet nga ana e pjesëmarrësve.

reth 160 të zgjedhur ven dor, përfaqësues të bashkive dhe komunave kryesore në vend u mblodhën në datë 19 gusht, nga përfaqësuesit e ministrisë së Brendshme, asaj të Inovacionit dhe Institutit të Statistikës (INSTAT) për të diskutuar në lidhje me rolin e tyre në Censusin e Popullsisë dhe Banesave. Të zgjedhurit vendor shihen nga institucionet përgjegjëse për Censusin, si pjesë organike e këtij procesi, i cili do të nisë në datën 1 tetor dhe do të zgjas 20 ditë. Në takimin e zhvilluar ku morën pjesë përfaqësues të njësive vendore pa dallime partiake, drejtuesit e institucioneve kërkuan bashkëpunim e të zgjedhurve për sa i përket krijimit të infrastrukturës së nevojshme në zonat e tyre, për ngritjen e zyrave dhe ambienteve të tjera për këtë proces. Një tjetër detyrë e të zgjedhurve vendor për Censusin do të jetë edhe ruajtja e të dhënave të procesit deri në përpunimin dhe publikimin e tyre të plotë. Por përveç kësaj, drejtuesit e njësive vendore do të jenë pjesë aktive e procesit, përmes atyre që do të quhen zyrat e Censusit në nivel bashkie apo komune. Drejtuesit e bashkive dhe komunave do të përfshihen në komisione të posaçme për këtë proces, ku në bashkëpunim me përfaqësues të Institutit të Statistikës dhe drej-

torive rajonale do të jenë pjesë e administrimit të procesit për zonën që përfaqësojnë. Në mbledhjen e zhvilluar të zgjedhurve vendor ju komunikua se do të ishin ata që do të aprovonin dhe trajnonin anketuesit e përzgjedhur nga INSTAT për këtë proces, duke qenë se njohja e zonës ndihmon në një proces efikas të caktimit të personave të duhur për të zhvilluar pyetësorin për Censusin. Po kështu drejtuesit e bashkive dhe komunave pritet të raportojnë në mënyrë periodike për ecurinë e procesit pranë Komisionit të Censusit në Qark. Përfaqësues të ministrisë së Brendshme në takim ju garantuan të zgjedhurve vendorë, një linjë të veçantë preferenciale komunikimi përgjatë gjithë procesit të kryerjes së Censusit, në mënyrë që të evidentohen problemet e mundshme dhe t’ju jepet zgjidhje e menjëhershme në kuadër të garantimit të një procesi të suksesshëm. Në lidhje me Komisionin e Censusit në Qark, Këshilli i Ministrave ka marrë vendimin që ai të përbëhet nga Prefekti, Përgjegjësi i zyrës së INSTAT-it në rrethin qendër qarku, Drejtori i Drejtorisë Rajonale të Arsimit në qark, Drejtori i Drejtorisë Rajonale të Bujqësisë dhe Ushqimit në qark, si dhe Drejtori i Drejtorisë së Policisë së Qarkut.

Qeveria pritet të miratoj së shpejti një ligj i cili do ti përjashtoj përreth 8 vite nga taksat të gjitha ato investime për turizmin në zonat malore në vend. Ky ishte një premtim që kryeministri Sali Berisha e bëri gjatë një vizite më 9 tetor në Dardhë të Korçës, teksa ishte duke u njohur me disa investime turistike të bëra nga banorët në këtë zonë. “Qeveria shumë shpejt do të kalojë një ligj, sipas të cilit, çdo investim për qëllime turistike në zonë malore do të jetë për 7 deri në 8 vjet i përjashtuar nga të gjitha taksat. Kjo është një mënyrë për të nxitur e stimuluar zhvillimin e tyre”, deklaroi kreu i qeverisë. Sipas tij, këto investime ndihmojnë në një promovim sa të mirë të bukurive natyrore të Shqipërisë dhe po kështu në ekonominë e banorëve të zonës. autoritet drejtuesve të bashkive dhe komunave në të gjithë vendin për të mundësuar kështu edhe një ndërhyrje më efektive nga ana e tyre në mbrojtjen e mjedisit.

MESAZH (Vijon nga faqja 1) pasi nuk justifikuan besimin e zgjedhësve. Një punë e mbarë për të zgjedhurit e Majit 2011 do të thotë angazhimin e gjithë energjisë dhe forcave tuaja në zbatim të strategjisë së decentralizimit, e cila përmban bazat për mirëqeverisje vendore përmes shfrytëzimit maksimal dhe efikas të kapaciteteve dhe burimeve të njësive tuaja. Suksesi juaj do të kalojë përmes dialogimit me banorët për përmirësim të ofrimit të shërbimeve ndaj tyre. Kam besim se me vullnetin tuaj, burimet dhe fondin e akorduar ju do të dini të harmonizoni punën për përmbushje të përparësive dhe nevojave të komunës suaj. Në realizimin e misionit tuaj ju duhet të menaxhoni në raporte sa më efikase cilësinë dhe koston e shërbimit në përgjigje të burimeve në dispozicion dhe nevojave të komunitetit. Në detyrën shumë të rëndësishme që keni marrë përsipër do të uroja të jeni sa më aktivë dhe novatorë në cilësinë tuaj si Kryetar komune por dhe anëtar i Shoqatës së Komunave e cila do të shërbejë si avokat i interesave tuaja për një qeverisje vendore sa më afër standardeve evropiane. Shoqata e Komunave do të jetë Kuvendi ku do të unifikohet zëri juaj në raport me qeverinë qendrore dhe aktorët e tjerë. * Kryetar i Shoqatës së Komunave të Shqipërisë

Nr.18. Shtator - Tetor

SHOQATA E KOMUNAVE TË SHQIPËRISË

2011

Intervistë me Z. SABRI SOLLAKU

“ShKSh garanton sukses për kryetarët e komunave” Drejtuesi i ShKSh-së, z. Sollaku shpjegon rëndësinë e konferencës “Punë të Mbarë”.

ShKSh, konferencë për kryetarët e rinj të komunave (Vijon nga faqja 1)

bashkëpunonte ngushtë me të gjithë përfaqësuesit e komunave të Shqipërisë, pa u kushtëzuar nga ngjyrimet politike. “Dua të nënvijëzoj se do të vazhdoj edhe si më parë qëndrimi i palëkundur i qeverisë për bashkëpunim të ngushtë me të zgjedhurit vendor, për bashkëpunim transparent, intensiv, të pakushtëzuar dhe influencuar nga ngjyrimet politike”, premtoi funksionari i lartë i ministrisë së Brendshme. Ai theksoi se qeveria do të jepte kontributin e saj për përmirësimin e infrastrukturës në komuna dhe ngushtimin e diferencës infrastrukturore mes komunave dhe bashkive në vend, nëpërmjet unifikimit të shërbimeve. “Një nga risitë e këtyre viteve të decentralizimit është ngushtimi i diferencës së kushteve infrastrukturore midis qyteteve dhe fshatrave tona, midis bashkive dhe komunave tona. Në qendër të vëmendjes duhet të kemi krijimin dhe unifikimin e shërbimeve vendore, bashkëpunimin mes jush për shërbimet publike, pse jo dhe në nivelin rajonal dhe ndërkomunal”, u shpreh z.Poni. Më pas fjalën në konferencë e mori znj. Elda Bagaviki, përfaqësuese e Kooperacionit Zviceran. Ajo theksoi se organizata që përfaqësonte kishte një interes të vazhdueshëm për procesin e decentralizimit dhe për misionin e të zgjedhurve vendore. Znj. Bagaviki ju bëri të qartë kryetarëve të rinj të komunave se ndihma e Zvicrës për përmirësimin e kapaciteteve të pushtetit vendor në Shqipëri do të vijonte dhe se ky vend qëndronte në anën e atyre që kërkonin

PAK HISTORIK Shoqata e Komunave të Shqipërisë (ShKSh), është themeluar në Gusht 1997 me synimin për të krijuar një zë të përbashkët për të përfaqësuar, mbrojtur dhe mbështetur qeveritë komunare (308 komuna janë anëtare te shoqatës) dhe për të influencuar në favor të tyre procesin e decentralizmit në përputhje me Kartën Evropian të Autonomisë Lokale, Kushtetutën dhe ligjet e Republikës së Shqipërisë. ShKSh është një nga organizatat më të fuqishme në Shqipëri qoftë për nga numri por edhe për nga autoriteti i qeverive vendore që përfaqëson, pasi në komuna banon më shumë se 55% e popullsisë dhe administrohen pjesa më të madhe të territorit dhe burimeve natyrore, ekonomike e turistike. Sot ShKSh është një aktor aktiv në procesin e decentralizimit në Shqipëri, është një zë përfaqësues në Evropë, si anëtare e delegacionit në Kongresin e Autoriteteve Lokale dhe Rajonale të Këshillit të Evropës. ShKSh ndjek zhvillimet, praktikat dhe eksperiencat në qeverisjen vendore dhe është prezentë me idetë dhe kërkesat tona në ambientet ku diskutohet dhe debatohet për çështje që lidhen me interesat e komunave dhe banorëve të tyre. dhe sillnin ndryshim për komunitetin e tyre. Një përshëndetje konferencës i erdhi edhe nga ana e z. Arben Qesku, përfaqësues i Shoqatës suedeze të autoriteteve lokale dhe rajonale (SKL-së) pranë ShKSh-së. Sipas tij, SKL është krenare për progresin e shoqatës gjatë viteve që e ka asistuar dhe se tashmë forcat duhet të përqendrohen në të ardhmen. Z.Qesku theksoi se ShKSh ishte mbrojtësja më e mirë e interesave të komunave në Shqipëri. Z.Harilla Mile, kryetar i komunës, Qendër Fier gjatë fjalës që mbajti në konferencë theksoi faktin se si një kryetar me disa mandate ai kishte pasur një eksperiencë shumë të mirë bashkëpunimi me ShKShsë. Z.Mile foli për historikun e Shoqatës së Komunave, si një aktore aktive në procesion e decentralizimit dhe në ndihmë të shumë komunave. Pas

pjesës së përshëndetjeve, fjalën në konferencën e morrin specialistët. Znj. Frida Damnori, Drejtore e Drejtorisë se Politikave të Financave Vendore në ministrinë e Brendshme dha të dhëna të dobishme për dhënien e ndihmës për njësitë vendore. Ajo foli për terma si të ardhurat nga buxheti, të ndara në transferua të kushtëzuara dhe të pakushtëzuara për pushtetin vendor, për të ardhurat nëpërmjet taksave, huasë vendore, bashkëfinancimit dhe donacioneve. Më pas në konferencë fjalën e mori z. Blendi Bushati, Drejtor i Departamentit të Zhvillimit Rajonal Fondi Shqiptar i Zhvillimit, i cili foli për mbrojtjen dhe investimin në pyjet komunale. Z. Nehat Çollaku, Menaxher Projekti për Zhvillimin e Burimeve Natyrore në Ministrinë e Mjedisit, Pyjeve dhe Administrimit te Ujërave mbajti një referat interesant në konferencë.

Pse mendoni se do t’ju shërbej kryetarëve të komunave ky aktivitet? Aktiviteti i sotëm është i rëndësishëm në disa aspekte. Në aspektin e parë kryetarët e rinj që janë ulur për herë të parë në karrigen e kryetarit të komunës duhet të përballen me sfida dhe sfida e parë është ligjshmëria. Kjo do të thotë se ata duhet të njohin ligjin e funksionimit dhe të organizimit të Pushtetit Lokal që është ligji 8652, që përfshin bazën e qeverisjes vendore, përfshin taksat vendore, ndarjen territoriale vendore, është ligji bazë themelor. Ky ligj mund të konsiderohet si Kushtetuta e të zgjedhurve vendorë. Për sa i përket aspektit të dytë, konferenca kishte për qëllim të shpjegonte sesi këta të zgjedhur vendor do të alternohen në funksionin e tyre. Pra si ata do ti njohin institucionet partnere të tyre, siç është Fondi i Zhvillimit Shqiptarë, Komiteti i Rajoneve për të pasur të qartë sesi mund të aplikohet me një pro-

jekt në këto dy institucione. Nga ana tjetër duhet pasur parasysh fakti se shumë komuna të Shqipërisë kanë në administrim pyje dhe kullota. Është e rëndësishme, që këto pyje që tashmë janë pronë e komunave të menaxhohen, të bëhen investime dhe specialistët e ministrisë së Mjedisit janë këtu për këtë çështje. Po kështu një aspekt i rëndësishëm i konferencës është edhe mënyra sesi këta kryetar të rinj të komunave do të alternohen me Shoqatën e Komunave. ShKSh është një koordinatore një avokat i tyre, brenda dhe jashtë Shqipërisë. Këta drejtues do të jenë pjesë e shoqatës së komunave, sepse ShKSh ka anëtarë të saj në të gjitha këto institucione që unë përmenda, në Fondin e Zhvillimit ka dy anëtarë në bord, në Komitetin e Rajoneve që drejtohet nga kryeministri i vendit po kështu ka një anëtar dhe kjo është ndihmë e madhe për ta. Unë jam i mendimit se pa mbështetjen e ShKSh-së asnjë kryetar i komunave nuk mund të ketë sukses.

Zvicra jep 4.5 milion euro për pushtetin vendor në Shqipëri

everia zvicerane akordoi një ndihmë financiare shtesë prej 4.5 milion euro për forcimin e Pushtetit Vendor në Shqipëri, ndihmë nga e cila përfiton edhe Shoqata e Komunave të Shqipërisë. Më 4 gusht ministri i Brendshëm, Bujar Nishani dhe ambasadorja e Zvicrës në vendin tonë, Yvana Enzler nënshkruan një projektmarrëveshjen që i jap rrugë çlirimit të fondit që do të ndihmojë në forcimin dhe përmirësimin e funksionimit të pushtetit vendor në pjesën veriore të Shqipërisë. Ky hap shënon një fazë të re për Programin e Decentralizimit dhe Zhvillimit Vendor (DLDP) dhe pritet të sjell më shumë mbështetje dhe eksperiencë për procesin e decentralizimit në bashkitë dhe komunat në vend. Më saktësisht fondi prej rreth 5 milion frangash zvicerane (4.5 milion euro) do të përdoret për një periudhë trevjeçare dhe do të fokusohet në forcimin e kapaciteteve të bashkive dhe komunave të Shkodrës dhe Lezhës. Kjo fazë e projektit të bashkëpunimit mes qeverisë të Zvicrës dhe asaj shqiptare do të zbatohet nga Organizata Jofitimprurëse zvicerane “Intercooperation”që zotëron ekspertizë të veçantë në decentralizim. Bashkitë dhe komunat e veriut të vendit do të kenë mundësi të përfitojnë nga shkëmbimi i përvojave dhe praktikave më të mira si dhe nga ekspertiza zvicerane. Ky vend, nisur dhe nga eksperienca e madhe që zotëron, i kushton një i kushton vëmendje të veçantë forcimit të pushtetit vendor dhe përparimit të procesit të decentralizimit në Shqipëri.

Shoqëria civile ftohet të kontribuojë për “Qeverinë e Hapur” Shqipëria ju bashkua nismës globale të nisur nga Presidenti i SHBA-ve, Barak Obama

monitorimit të tij, për të mos e lënë këtë detyrë të rëndësishme vetëm në letër. Po Përveç SHBA-së, iniciativës i janë bashkuar shtatë shtete të tjera si Brazili, Indonezia, Meksika, Norvegjia, Filipine, Afrika e Jugut dhe Britania e Madhe. Në këtë kuadër nisma ka marrë mbështetje dhe 46 vende të tjera, duke përfshirë Shqipërinë, Bullgarinë, Kroacinë, Maqedoninë, Malin e Zi, Rumaninë dhe Turqinë. Deklarata e Qeverisjes së Hapur u bën thirrje qeverive për t’u bërë partner me grupet e shoqërisë civile për të mbajtur përgjegjës zyrtarët, për të ofruar ide të reja dhe për tu ardhur në ndihmë liderëve për të marrë vendime

të mirë-informuara. Konkretisht, në këtë deklaratë qeveritë angazhohen për, rritjen e informacionit të disponueshëm mbi aktivitetin qeveritar, mbështetjen e pjesëmarrjes qytetare, zbatimin e standardeve të in-

tegritetit profesional në të gjithë administratën dhe rritjen e aksesit në teknologji të reja për transparencën dhe llogaridhënien. Vendet mes të cilave dhe Shqipëria janë angazhuar për dërgimin e planeve

të tyre të veprimit deri në Mars të vitit 2012, kur Partneriteti do të mbajë takimin e dytë të nivelit të lartë në Brazil, pas atij të mbajtur në New York ku morri pjesë edhe kryeministri i vendit, Sali Berisha.

Nr.18. Shtator - Tetor

SHOQATA E KOMUNAVE TË SHQIPËRISË

2011

PËRSHTYPJE PËR KONFERENCËN KRYETARI I KOMUNËS GJEPALAJ NË RRETHIN E DURRËSIT, Z. ARDIAN KOKOMANI

“Uroj të zgjeroj bashkëpunimin me shoqatën” Si e vlerësoni aktivitetin e sotëm të ShKSh-së? Aktivitetin e sotëm e shikoj si tepër pozitiv në kuadër të nevojës sonë si të porsa zgjedhur, për të njohur më nga afër funksionin e Shoqatës së Komunave dhe po kështu institucionet tona partnere që do të na shërbejnë për të ardhmen. Kishit dëgjuar më parë për Shoqatën e Komunave? Sigurisht sepse komuna që unë aktualisht drejtoj nga ShKSh ka arritur të përfitoj një projekt prej 400.000 lekësh në kuadër një përmirësimit të infrastrukturës ujore dhe kjo është diçka për tu përgëzuar. Uroj që me angazhimin tim në këtë shoqatë të kem mundësi të rris investimet për banorët e zonës së përfaqësoj. Komuna ku unë jam zgjedhur kryetar ka shumë probleme dhe një ardhura të pakta, ndaj shpresoj të bëjë më të mirën për komunitetin. Si prioritete të punës time kam përmirësimin e furnizimit me ujë të pijshëm, rehabilitimin e rrugëve brenda komunës dhe po kështu përmirësimin e gjendjes së shkollave.

KRYETARJA E KOMUNËS GJERGJAN NË RRETHIN E ELBASANIT, Z. LUMTURI HOXHA

“Fokusi kryesor i punës time janë gratë” Para së gjithash mund të më thoni si ndiheni që jeni e vetmja drejtuese komune në të gjithë vendin? Mund të them se kam fat që sot jam një femër që marrë drejtimin e një komune. Por ky pozicion ka dhe vështirësitë e tij, nisur nga fakti se sot jam e vetmja femër kryetare komune dhe do të doja të kisha më shumë kolege përreth. Më e vështirë për mua ka qenë pjesa e marrjes së vendimit për të kandiduar, sepse gara ishte e vështirë nga fakti se për herë të parë kandidate në këtë zonë do të ishte një femër. Por këtu dua të theksoj mbështetjen e madhe dhe inkurajimin që më ka dhënë në këtë garë familja ime. Im shoq dhe dy djemtë ishin shtylla të rëndësishme të fitores time. Duke qenë se tashmë jeni në drejtim, çfarë do të ndryshoni në komunën tuaj? Në radhë të parë fokusi i punës time do të jenë gratë, dhe tashmë

jam duke përzgjedhur stafin tim i cili patjetër në 30% të tij do të mbështetet nga femrat. Këtë vendim të shpallur si prioritet nga qeveria unë do ta zbatoj me ngulm në komunën që drejtoj. Po kështu si punë të parë kam vendosur të ngre një kopsht në komunë me vetë të ardhurat e saj, sepse në zonën ku unë drejtoj ka shumë banorë dhe fatkeqësisht aktualisht ka vetëm një kopsht. Unë kam qenë gjithmonë arsimtare dhe dua të theksoj se arsimi do të jetë një tjetër prioritet. Në këtë kuadër për nxënësit e zonës kam vendosur të ngre një shkollë, sepse Gjergjani ka një shkollë tepër të vjetër dhe aspak funksionale. Sot kam ardhur me një projekt me vete, që është pikërisht ai i ndërtimit të kësaj shkolle te re dhe kjo më bënë vërtet të lumtur. Po kështu në fokus do të kem edhe kanalizim ujësjellësin në zonën time. Uroj që të mbështetem në projektet e mija dhe falënderoj Shoqatën e Komunave për këtë mundësi që na dha sot.

KRYETARI I KOMUNËS ISHËM, NË RRETHIN E DURRËSIT, Z.SULEJMAN IBRAHIMI

“Kam shumë projekte për komunën” Çfarë mendoni se do të përfitoni nga ky aktivitet i sotëm i ShKSh-së? Ky aktivitet i sotëm i Shoqatës është shumë i rëndësishëm, nisur nga fakti se ne këtu prezantohemi me mundësi të shumta, që do të na ndihmojnë në të ardhmen për investime në komunat që drejtojmë. Shoqata duket se qëndron si një urë lidhëse mes nesh dhe organizatave kombëtare dhe ndërkombëtare që mund të na vijnë në ndihmë për përmirësimin e kapaciteteve dhe infrastrukturës në komuna. Si i sapo zgjedhur që jam si kryetar jam shumë entuziast për këtë takim dhe uroj që të jetë i frytshëm. Cilat janë projektet që ju keni menduar të zbatoni në zonën tuaj? Në fushatë kemi bërë një program pune i cili ka parashikuar shumë investime në favor të komunitetit të zonës. Si qëllim kryesor kemi ndërhyrjen me qëllim përmirësimi në disa rrugë të komunës. Një tjetër aspekt i punës është sigurimi i ujit të pijshëm banorëve të komunës nëpër shtëpitë e tyre. Duke qenë se jemi një komunë që shtrihemi edhe në bregdet, një punë e madhe do të behët për rehabilitimin e zonës së Gjirit të Lalzit. Përmirësimi i kësaj infrastrukture do të na rriste në mënyrë të ndjeshme të ardhurat në komunë.

Asambleja e Përgjithshme e ShKSh-së A

sambleja e Përgjithshme është organi më i lartë vendimmarrës i ShKSh. Komuna anëtare e ShKSh përfaqësohet në Asamblenë e Përgjithshme me kryetarin e komunës. Në rast të pamundësisë së kryetarit të komunës për të marrë pjesë në mbledhjen e Asamblesë, përfaqësimi i delegohet Kryetarit të Këshillit të Komunës i cili i paraqet ShKSh dokumentin që vërteton delegimin e posaçëm të përfaqësimit në Mbledhjen e Asamblesë. Mandati i anëtarëve fillon me mbledhjen organizative të Asamblesë së Përgjithshme deri një ditë përpara datës së mbledhjes organizative të radhës të ShKSh, përveç Kryetarit të ShKSh mandati i të cilit mbaron me zgjedhjen e kryetarit të ri të ShKSh. Asambleja e Përgjithshme mblidhet minimalisht dy herë brenda mandatit. Mbledhja Organizative e Asamblesë së Përgjithshme mbahet jo më vonë se pesë (5) muaj pas datës së mbajtjes së zgjedhjeve të përgjithshme vendore. Zgjedhja e Anëtarëve të Organeve Drejtuese bëhet nga Asambleja e Përgjithshme. Nuk zgjidhen në organet drejtuese të ShKSh kryetarë të rizgjedhur të atyre komunave të cilat nuk kanë paguar kuotën e anëtarësisë dy vitet e fundit përpara mbajtjes së Asamblesë dhe sipas afateve të përcaktuara në këtë statut. Anëtarët e Komitetit Drejtues miratohen në bllok me shumicë të thjeshtë dhe votim të hapur nga Asambleja e Përgjithshme. Anëtarët e Komisionit të Revizorëve dhe Komi-

ASAMBLEJA E PËRGJITHSHME KA KËTO KOMPETENCA: a. Zgjedh dhe shkarkon Kryetarin e ShKSh, b. Miraton në bllok anëtarët e Komitetit Drejtues ShKSh; c. Zgjedh anëtarët e Komisionit të Revizionimit, të Komisionit të Statutit, Mandateve dhe Rregullores dhe të Komisioneve të Përhershme; d. Miraton burimet financiare të shoqatës; e. Shqyrton dhe miraton ndryshimet në statutin e ShKSh; f. Miraton drejtimet dhe politikat strategjike të ShKSh; g. Miraton raportin financiar dhe të aktiviteteve për periudhën e punës midis dy Asambleve.; h. Vendos për përjashtimin e një anëtari për arsyet e përcaktuara në këtë statut; i. Merr vendim për bashkimin, ndarjen dhe për shpërndarjen e ShKSh; j. Përcakton kuotën e anëtarësisë; k. Vendos për të kërkuar auditim të jashtëm nga ekspertë kontabël të autorizuar. sionit për Statutit, Mandatet dhe Rregulloren bëhet me shumicë të thjeshtë dhe votim të fshehtë, për sa

kohë shumica e Asamblesë nuk vendos për votim të hapur. Kandidaturat për Kryetar të ShKSH dalin nga 10% e anëtarëve pjesëmarrës në Asamblenë e Përgjithshme, e shoqëruar me propozim të nënshkruar nga propozuesit, dhe/ ose propozimet e Forumeve të Qarkut. Një kryetar i komunës anëtare nuk mund të nënshkruaj për më shumë se një kandidaturë, pasi kjo do të bënte të pavlefshme propozimet. Kryetar i ShKSh zgjidhet kandidati që merr shumicën e thjeshtë të votave të vlefshme të anëtarëve të pranishëm në Mbledhjen e Asamblesë. Nëse asnjëri nga kandidatët nuk merr shumicën e thjeshtë të votave të vlefshme, do të bëhet një raund i dytë votimi mes dy kandidatëve që kanë marrë më shumë vota në raundin e parë. Nëse një kandidat ka fituar më shumë vota dhe dy të tjerë kanë vota të barabarta do të hidhet short mes kandidatëve të vendit të dytë. Kandidati fitues do të votohet bashkë me kandidatin e vendit të parë. Votimi për Kryetar të ShKSh bëhet i fshehtë. Në rast se ka vetëm një kandidaturë të vlefshme për kryetar të ShKSh, votimi mund të bëhet i hapur, kur për këtë voton 2/3 e anëtarëve të ShKSh, dhe kandidati konsiderohet se është zgjedhur Kryetar i ShKSh nëse votojnë Pro shumica e thjeshtë e anëtarëve të pranishëm në Asamble.