Gazeta e Bashkive - nr. 33 by dldp albania

Gazeta e Bashkive Shkurt, 2011 / Nr. 33

Botim i Shoqatës së Bashkive të Shqipërisë Në këtë Numër do të lexoni:

Pse është i nevojshëm kontributi i autoriteteve lokale

SHOQATA E BASHKIVE TE SHQIPERISE mori pjesë në konferencën:

“E ardhmja Evropiane e Ballkanit Perëndimor dhe kontributi i autoriteteve lokale 18-19 Shkurt, Paris” Konferenca që solli risi...

“E ardhmja Evropiane e Ballkanit Perëndimor dhe kontributi i autoriteteve lokale”në senatin francez (Pallatin e Luksemburgut Paris)

Bashkitë dhe Media

VENDET E BALLKANIT NE DERE TE EVROPES Z.Pierre MIREL, Drejtor i Përgjithshëm i Zgjerimit të Komisionit Evropian, deklaroi se luhej me «stabilitetin e kontinentit»; ai nënvizoi punën që mbetej për t’u bërë me qëllim aderimin. Ky proces integrimi nuk mund të bëhet pa një pjesëmarrje aktive të të gjithë qytetarëve evropianë, dhe është pikërisht në këtë nivel ku duhet bërë «progresi» më i madh. Të drejtosh është një kompleksitet sfidash Z. Refik Rrugeja, President i Shoqatës së Bashkive të Shqipërisë dhe Kryetar i Bashkisë Kavajë, Të drejtosh një njësi vendore; një qytet pse jo edhe një komunë për ne të zgjedhurit vendorë është sigurisht një sfidë; një kompleksitet sfidash, të shumëllojshme, hera herës të mprehta që lidhen pazgjithmërisht me hendekun që duket se do ekzistojë gjithmonë midis pritshmërisë qytetare dhe realizmit real të projekteve e shërbimeve, që lidhen gjithmonë me eksplodimin e të drejtave dhe përgjegjësive të njësive vendore dhe mundësive tona”. Z. Isa Mustafa z/Kryetar i Asocacionit të Komunave të Kosovës (AKK) dhe Kryetar i Komunës Prishtinë paraqiti etapat nëpër të cilat komunat dhe demokracia lokale e Republikës së Kosovës kanë kaluar në periudhën e pas luftës. Ai prezantoi në detaje rolin dhe rëndësinë e binjakëzimit të komunës së Prishtinës me komunat e Budapestit, Ankaras. Gjithashtu theksoi rolin e AKK-së shkëmbimin e përvojave në rajon përmes rrjeteve të ndryshme.

Vijon në faqen 3

Strategjia kombëtare e mbetjeve, në një takim ekspertësh Intervista me - Kryetarët e Bashkive - Z. Edmond Gjoka, z. Ilir Krosi, z. Gjon Marku - Z. Arqile Gorea, Kreu i Postës Shqiptare Kujdes me shpenzimet për pagat dhe shpërblime! Strategji investimi në Kamëz Ligje Akte normative me rëndësi për pushtetin vendor

Editorial

Kur flasin …kryetarët! Ky numër i “Gazeta e Bashkive” është i përveçëm, jo thjesht për informacionin që do të sjellë tek ju. Risia qëndron tek diçka tjetër. Duke filluar nga ky numër redaksia e gazetës ka zgjedhur që të hapë një dritare në të cilën të fokusohen kryetarët e bashkive. Këtë herë duke folur me gojën e tyre, pra duke pasqyruar drejpërdrejt atë që kanë mundur të bëjnë e projektojnë për të bërë në të ardhmen. Në përgjithësi, për krerët e bashkive dhe punën e tyre kanë folur të tjerët, vartësit e tyre, gazetarët, mediat, në tërësi. Ne menduam të krijojmë një hapësirë në gazetën tonë që vetë kryetarët të bëjnë një pasqyrim të punës së bërë dhe të tregojnë çfarë i kanë ofruar komunitetit që i

ka votuar. Dhe kryetarët e disa prej bashkive të vendit e kanë bërë më së miri këtë gjë. Në faqet e gazetës ju do të gjeni, të shkruara, me një gjuhë të thjeshtë, arritjet e disa prej bashkive të vendit, projektet e ideuara dhe të realizuara tashmë, apo planet perspektive të bashkive. Por do të gjeni gjithashtu ambicjet e disa prej krerëve të bashkive për të vijuar punën e nisur dhe projektet e inicuara prej tyre dhe stafet e tyre, me dëshirën e preokupimin e mirë të rikandidimit dhe të rizgjedhjes. Doemos kjo është një gjë e mirë. Ne thjesht krijuam këtë hapësirë mediatike që kryetarët e bashkive të shprehen, të tregojnë, të informojnë dhe të jeni ambiciozë për të ardhmen. A kemi bërë mirë? Lexo në faqen 5

Gazeta e Bashkive

të Shqipërisë

Konferenca që solli risi...

“Rolin e Shoqërisë Civile dhe kontributi i donatorëve në Fuqizimin e Qeverisjes Vendore në Shqipëri”. Ja cfarë është e rëndësishme të mbahet parasysh në veprimtarinë e të zgjedhurve lokalë Shoqata e Bashkive të Shqipërisë në bashkëpunim dhe me mbështetjen e Fondacionit “Hanns Seidel” organizoi në fillim të muajit shkurt konferencën kombëtare:“Rolin e Shoqërisë Civile dhe kontributi i donatorëve në Fuqizimin e Qeverisjes Vendore në Shqipëri”. Sipas organizatorëve, qëllimi i kësaj konference ishte që: "Të

njohë Njësitë e Qeverisjes Vendore me rolin e ekspertizës së shoqërisë civile dhe kontributin e donatorëve në procesin e

decentralizmit me synim koordinimin e aktiviteteve të tyre”. Në konferencë morën pjesë përfaqësues nga qeveria qendrore, donatorë, shoqëria civile, kryetarë të bashkive, komunave dhe qarqeve, organizata jofitimprurëse si dhe aktorë të tjerë të qeverisjes vendore.

Bashkitë duhet të bashkëpunojnë më shumë me shoqërinë civile madje edhe duke i ndihmuar financiarisht për projekte apo programe të ndryshme. Duhet të krijohen partneritete të ngushta shoqëri civile dhe njësi vendore. Duhen koordinuar dhe bashkërenduar veprimtaria e shoqërisë civile në mënyrë që të shmangim dublikimet. Shoqata e Bashkive do të organizojë edhe në të ardhmen aktivitete të tilla për të koordinuar të gjithë aktorët që operojnë në qeverisjen vendore. Shoqata e Bashkive falënderon me mirënjohje bujarinë e të gjithë donatorëve si USAID, Swiss Cooperation, Amabasada Hollandeze, GTZ , BB , UNDP OSBE dhe vecanërisht Fondacionin Hanns Seidel për mbështetjen që i kanë dhënë qeverisjes vendore në Shqipëri.

Bashkitë dhe Media Në datën 25 shkurt në ambjentet

Midis të tjerave u diskutua mbi

e Hotel Rogner, kryetarë bashkish

strukturën

dhe përfaqësues të shtypit pranë

Gazetës së Bashkive, cfarë duhet

bashkive u mblodhën për të

përmirësuar dhe si duhet paraqitur

diskutuar mbi temën: Bashkitë dhe

lajmi. Rubrika me mjaft interes janë

media. Ky takim i organizuar nga

ato të legjislacionit, interpretimi i

Shoqata e Bashkive të Shqipërisë me të

mbështetjen Fondacionit

financiare

Hanns

Seidel,

një gazete të

suksesshme • Ndërvarësia

përmbajtjen

tyre, eksperiencat më të mira nga bashkitë dhe nga rajoni. Mjaft

institucionale

rëndësi iu kushtua dhe faqosjes dhe

kishte si qëllim të “Evidentonte,

pushtet vendor pushtet qendror

mënyrës së reklamimit të lajmit.

Promovonte si dhe Reklamonte

dhe Media

Në fund të takimit pjesëmarrësit u

punën e bërë nga Bashkitë e

Dy gazetarë të njohur u ftuan duke

shprehën se në të ardhmen do të

Shqipërisë në fushën mediatike”.

ndarë eksperiencën e tyre me

ketë më shumë bashkëpunim dhe

Në këtë takim pjesëmarrësit u

përfqëqsuesit e bashkive: Z. Bardhi

më shumë njoftime në gazetë nga

njohën diskutuan mbi:

Sejdarasi Sekretar i Përgjithshëm

bashkitë e Shqipërisë, si një mjet

• Krijimin e një strategjie për

Lidhja e Gazetarëve Ekonomikë të

mjaft i mirë për reklamimin dhe

Shqipërisë, si dhe Znj. Ornela Liperi,

dhënien e informacionit.

median • Shkrimin e një artikulli të mirë

• Hartimin e

dhe

kryeredaktore e Monitor.

Redaksia Gazeta e Bashkive

Botim i Shoqatës së Bashkive të Shqipërisë / Shkurt, 2011 / Nr. 33

Vijon nga faqja 1

Lajmi Në datat 18 dhe 19 Shkurt 2011, një delegacion i autoriteteve vendore shqiptare i kryesuar nga Z. Refik Rrugeja, Kryetar i Bashkisë Kavajë dhe Kryetar i Shoqatës së Bashkive të Shqipërisë mori pjesë në konferencën: “E ardhmja Evropiane e Ballkanit Perëndimor dhe kontributi i autoriteteve lokale” Kjo konferencë u organizua në senatin francez (Pallatin e Luksemburgut në Paris) nga Shoqata Franceze e Këshillave të Komunave dhe Rajoneve në Evropë (AFCCRE) në bashkëpunim me bashkinë e Dijonit dhe me mbështetjen e Ministrisë së Çështjeve të Jashtme të Evropës si dhe me ftesë të Z. Francois Rebsamen, Senator dhe Kryetar Bashkie i Dijon-it . Rreth 150 pjesëmarrës morën pjesë në këtë takim si nga rajoni i Ballkanit (Shqipëria, Bosnjë-Hercegovina, Bullgaria, Kroacia, Kosova, Mali i Zi, Maqedonia, Serbia dhe Sllovenia) ashtu dhe nga Institucionet Evropiane. Qëllimi ishte të theksohej roli i autoriteteve vendore të vendeve të Ballkanit Perëndimor në procesin e integrimit në Bashkimin Evropian.

Evropën Jug-lindore dhe Presidenti i SHBSH z. Refik Rrugeja Raporteri i Kongresit për

Rrugeja: Të drejtosh është një kompleksitet sfidash Në Shqipëri politika e rrugës ka përçarë dhe ndarë politikisht bashkitë duke mos lejuar që të mblidhemi së bashku dhe të diskutojmë mbi problemet e bashkive dhe rrugët e mënyrat që do të na duhet të zbatojmë për të realizuar misionin për të cilin u betuam kur filluam punë. Gjithashtu vërehet, për fat të keq edhe nga ndonjë i zgjedhur vendor, një keqkuptim i fjalës “autonomi” që shpesh herë interpretohet si pavarësi apo separatizëm. Keqpërdorimi i kësaj fjale me dashje apo pa dashje shkakton pengesa të panumurta apo krijon një tymnajë për procesin e decentralizimit. Pra nëse do të

Njësitë vendore bëjnë përpjekje edhe pse jo me eficiençë 100% për përmbushjen e prioriteteve kombëtare siç janë lufta kundër korrupsionit; modernizimi i shërbimeve publike; thjeshtëzimi i shërbimeve të ofruara; shkurtimi i kohës për garantimin e shërbimit, rritjen e transparencës në qeverisje si dhe sigurimin e pjesëmarrjes së publikut në vendimarrje. mendonim që bashkia është e “pavarur” dhe mund të bëjë ç’të dojë atëherë do të kemi copëtime në bashkësi të bashkive të grupimeve politike që do përdoren si instrumenta politike dhe jo për ti shërbyer komunitetit që i ka zgjedhur. Rjedhimisht elita vendore do të përçahet, bashkëpunimi midis bashkive dhe organeve qëndrore vështirësohet dhe ai midis bashkive bëhet konfuz dhe kuptohet qartë pasojat janë të padëshiruara. Njësitë vendore bëjnë përpjekje edhe pse jo me eficiençë 100% për përmbushjen e prioriteteve kombëtare siç janë lufta kundër korrupsionit; Vijon në faqen 9

Gazeta e Bashkive

Strategjia

të Shqipërisë

kombëtare e mbetjeve, në një takim ekspertësh

Me mbështetjen teknike dhe financiare të DLDP Swiss Cooperation Shoqata e Bashkive të Shqipërisë në bashkëpunim me Shoqatën e Komunave dhe me mbështetjen teknike dhe financiare të DLDP Swiss Cooperation kanë ndërrmarrë gjatë muajve Janar – Mars 2011 mjaft takime me Bashkitë dhe

Pyetje që kërkojnë përgjigje A kanë sot NJQV-të kapacitetet adminstrative dhe financiare për zbatimin e saj? Sa janë parashikuar të ardhurat për familje në këtë Strategji, duke iu refruar kostos së vendosur? Cili është organi apo autoriteti kompetent i cili do të caktoj vend depozitimet për grumbullimin e mbetjeve? A është menduar në këtë strategji se cila do jetë kostoja që do të llogaritet për familjet në nevojë? Sa % do zenë këto shpenzime në të ardhurat e familjes? Cili shtet i BE-së e ka pjesë të legjislacionit të brendshëm këtë strategji dhe si është implementuar ajo në nivel lokal? A mund të zbatohet kjo strategji në këtë ndarrje territorial që ka sot vendi ynë? Meqënëse fushat do të jënë rajonale a ekziston mundësia e fuqëzimit të qarkut, duke iu referuar ligjit organik, kompetencat e së cilit janë të kufizuara? Cili është forma më e mirë e bashkëpunimit me ndërrmarje private apo publike?

Komunat e Shqipërisë për realizimin e projektit të advokimit dhe lobimit mbi: “Strategjinë Kombëtare të Mbetjeve”. Në kuadër të projektit të sipër përmendur, SHBSH, organizoi takimin e dytë për këtë Strategji, në

Në

sallën e Prefekturës në Durrës. Qëllimi i këtij takimi, ishte marrja e mendimeve nga pjesëmarrësit për të plotësuar serinë e konkluzioneve të dala nga Forumi i Parë, në mënyrë që kjo Strategji të ketë një zbatim sa më të plotë nga NJQV-të.

Elbasan, në një takim të zgjeruar

Pikat mbi “i” strategjisë kombëtare të mbetjeve Në Hotel “Skampa” në qytetin e Elbasanit, Ministria e Mjedisit, Pyjeve dhe Administrimit të Ujërave, organizoi takimin për prezantimin e Projekt Planit të Menaxhimit të Mbetjeve. Shoqata e Bashkive të Shqipërisë, u ftua si pjesmarrëse e këtij takimi, jo vetëm për përmbushjen e misionit të saj, në mbrojtje të interesave të NJQV-ve, por edhe për shkak të projektit që ajo po implementon së fundmi, me mbështetjen financiare të DLDP Swiss Cooperation, për Strategjinë Kombëtare të Mbetjeve, në kuadër të fushatës së Advokim dhe Lobimit.

Fjalën e hapjes e mbajti Z. Fatmir Mediu, i cili falënderoi të gjitha autoritetet lokale në Elbasan për pjesëmarrjen në këtë takim, si dhe ekspertët e INPAEL për të gjithë punën dhe gatishmërinë që kanë treguar gjatë të gjithë hapave të këtij projekti, në hartimin e këtyre dy dokumentave të rendësishme në fushën e mbetjeve. Z. Mediu theksoi rëndësinë që Strategjia dhe Plani Kombëtar ka për NJQV-të, duke mos e trajtuar çështjen e mjedisit vetëm si debat politik, por si një sfidë e përbashkët për tu zgjidhur, në bashkëpunimin me nivelin qëndror dhe lokal, në pajtim me standardet dhe direktivën kuadër të BEsë. Më pas Z. Scott Crossett, ekspert i projektit INPAEl, bëri prezantimin e Projekt Planit të Menaxhimit të Mbetjeve. Vijon në faqen 10

Botim i Shoqatës së Bashkive të Shqipërisë / Shkurt, 2011 / Nr. 33

Perla e Jugut, në vizionin e një kryebashkiaku

Vijo nga faqja 1

Saranda, kush ka bërë çfarë Intervistë e z. Edmond Gjoka, kryetar i Bashkisë së Sarandës, dhënë “Gazeta e Bashkive” Për 4 vitet në vijim, bashkia, si rezultat i një pune të madhe studimore e projektuese, ka të gatshme 100 milionë lekë projekte, që presin burime financimi, mbi të cilat janë identifikuar prioritetet për një zhvillim të gjithanshëm të qytetit

Cilat janë sukseset dhe arritjet që do të reshtonit për 4 vitet e mandatit tuaj? Së pari, dua të theksoj se të vizionosh e programosh rrugën e zhvillimit, të ardhmen e një qyteti, të një njësie vendore, është një proces sa i bukur, aq dhe i vështirë e kompleks. Të programosh zhvillimin e njësisë vendore si Saranda, është sa kënaqësi, por dhe një përgjegjësi, për vetë dinamikën e intensitetin e lartë të zhvillimit të këtij qyteti me sfida, supriza e “kaprico“. Qyteti dhe zona periferike gjatë këtij 4-vjecari, janë karakterizuar nga një zhvillim intensiv, nga ritme të larta rritje e veçanërisht kjo e dukshme në qytet. Si njësi vendore, është përfshirë në një axhende të planifikuar potenciale investimesh publike. ku janë realizuar gjithsejt 5 miliardë lekë, ose 3.5 herë më shumë se në 4-vjeçarin 2001-2004, në të gjitha fushat e infrastrukturës, si në rrugët kryesore dhe dytësore të qytetit, ku janë realizuar 30 km rrugë, sistemimet në blloqet e banimit, në përmirësimin e furnizimit me ujë, problem i cili ka përmirësime të ndjeshme. Në shtimin e sipërfaqeve të plazheve publike, të sipërfaqeve të gjelbëruara për banorë, ku janë mbjellë rreth 1500 rrënjë pemë, në shërbimet e pastrimit dhe ato të ndriçimit të qytetit. Çelja e Universitetit në qytet, ka qënë një prioritet i kryetarit të bashkisë, ku numri i studentëve brenda katër vjetësh u 10–fishua. Sot, numri i

studentëve ka arritur në 650, nga 25 qytete të vendit. Rezultate të larta dhe pozitive kanë edhe kultura, sporti, mbështetja sociale për shtresat në nevojë etj. Këto e të tjera prioritete, kanë dhënë impakte që qyteti i Sarandës të kthehet në një destinacion kryesor turistik në shkallë kombëtare. Gjatë dy vjeteve të fundit është dyfishuar numuri i turistëve. Numri i tyre ka arritur në 600 mijë me tendence rritje të shpejtë dhe se 40 % e tyre është e ricikluar. Nga industria e turizmit sigurohet ¼ e produktit të përgjithshëm bruto të bashkisë. Suksesi i zhvillimeve të këtij 4-vjeçarit (2007-2011), ka qënë dhe mbetet partneriteti i qëndrueshëm e funksional Bashki-Biznes-Komunitet, i cili ka dhënë frutet e veta.

Cilat janë sfidat, me të cilat do të përballet bashkia juaj gjatë viteve në vijim? Për 4 vitet në vijim, bashkia, si rezultat i një pune të madhe studimore e projektuese, ka të gatshme 100 milionë lekë projekte, që presin burime financimi, mbi të cilat janë identifikuar prioritetet për një zhvillim të gjithanshëm të qytetit. Kjo bëhet e domosdoshme për potencialet turistike që ofron qyteti si dhe për ritmet e zhvillimeve demografike e sociale. Vëmendja kryesore do të jetë sidomos tek zgjerimi e përmirësimi i infrastrukturës rrugore të qytetit, shtimi i sipërfaqeve të plazheve, gjelbërimit, pastrimi, ambjenti,

zgjidhja përfundimtare e furnizimit me ujë në 24 orë, ku do të ndërhyhet në dy faza një fond prej 10 milionë euro, zgjidhja e përpunimit të mbetjeve urbane me ndërtimin e impjantit të përpunimit, i cili është në fazën e projektit të financuar me rreth 5 milionë euro, përfundimi i impjantit të përpunimit të ujrave të zeza, së bashku me sistemin e kanalizimeve në qytet, objekt i cili është në fazën përfundimtare për venien në shfrytëzim. Bashkia e Sarandës është futur në një proces dinamik e transformues. Fillimi i punimeve në aeroportin Vrion, me një projekt me vlerë 18 milion euro, punimet në Zgjerimin e Portit të Pasagjerëve, me vlere 4.5 milionë euro, zgjerimi i Universitetit, ndërtimi i shkollës 9-vjeçare për 1.2 milionë euro, përfundimi i rrugëve hyrëse në qytet, si ajo e Butrintit për një financim me rreth 9.5 milionë euro, KardhiqSarandë për 30 milionë euro, Qafë-Bot-Sarandë për 29 milionë euro, etj, të cilat financohen nga bashkia, institucionet financiare ndërkombëtare dhe Qeveria Shqiptare, do të rrisin performancën e qytetit

Në raste se ju do të rizgjidheshit, cili do të ishte mesazhi juaj? Tashmë qyteti dhe qytetarët e tij, janë pronar i pasurisë që na ka dhuruar natyra dhe të krijuara nga dora e tyre. T’i çojmë bashkërisht përpara këto arritje dhe pasuri për një jetë më të lumtur.

Gazeta e Bashkive

të Shqipërisë

Peshkopia në planet e integrimit Është koha të vazhdojmë së bashku… Intervistë e z. Ilir Krosi, Kryetar i Bashkisë së Peshkopisë, dhënë “Gazeta e Bashkive” Gjatë viteve në vijim, prioritet mbetet modernizimi i shërbimit të pastrimit, përmirësimi i sistemit të mbledhjes dhe adiministrimit të të ardhurave lokale, përmirësimi dhe modernizimi i vazhdueshëm i infrastrukturës dhe hapësirave publike në qytet.

1. Cilat janë sukseset dhe arritjet që do të rreshtonit gjatë 4-viteve të mandatit tuaj ? Pas përfundimit të mandatit të parë, 2003-2007, qytetarët e qytetit të Peshkopisë, qytet qendër e Qarkut Dibër, më besuan dhënien e mandatit të dytë, 2007-2011. Ky ishte një vlerësim për punën e bërë në mandatin e parë dhe njëkohësisht ishte një përgjegjësi e re dhe një shtysë për ta vazhduar së bashku me stafin tim dhe qytetarët e Peshkopisë për realizimin e të gjithë premtimeve tona, që përbëjnë kërkesat dhe prioritetet e identifikuara në shërbim dhe për qytetarët tanë. Kështu, bazuar në eksperiencën e fituar, nevojave të identifikuara dhe prioriteteve tona, tashmë në përfundim të mandatit të dytë, me kënaqësi konstatojmë realizimin në përgjithësi të të gjithë angazhimeve tona dhe madje tejkalimin e disa prej tyre. Konkretisht, me fondet tona, të qeverisë shqiptare dhe donatorëve (kryesisht Amabasada e Mbreterisë së Hollandës) etj. realizuam një sërë projektesh më poshtë po përmendim disa prej tyre: Rikonstruksionin dhe vënien në punë të Pallatit të Ri të Sportit “Korabi”, një investim prej mbi 70 milion lekësh (të reja). Rikonstruksionin dhe vënien në punë të Muzeut të Ri të Qytetit me vlerë 15 milion lekë. Tregu i ri agro-bujqësor i qytet me vlerë rreth 70 milion lekë. Rehabilitim i Llixhave Dibër, me vlerë 25 milion lekë. Sistemim Asfaltim Rruga e Llixhave

me vlerë rreth 100 milion lekë. Ndërtim Konvikti i ri ne truallin e shpronesuar, vlera 50 milion leke. Përmirësim i Shërbimit të Pastrimit, blerje kazane dhe makineri, vlera 15 milion lekë. Ndërtim i një Pallati me 24 Apartamente për të pastrehët, me financim prej rreth 500 mijë Euro. Kreditimi i familjeve të pa streha nëpërmjet programit mbështetës me kredi favorizuese nëpërmjet Entit Kombëtar të Banesave, MPPTT dhe BKT. Nxitja e fortë dhe këmbëngulja tek Qeveria Shqiptare për konkretizimin e Projektit të Rrugës së Arbërit. Tashmë ky Projekt është në rrugë të mbarë dhe siç ka deklaruar Kryeministri, “Rruga e Arbërit, po hedh shtat drejt Tiranës” . Nxitja e fortë dhe këmbëngulja pranë Ministrit të Arsimit dhe Qeverisë për hapjen e Universitetit Shtetëror edhe në Peshkopi, Dibër. Tashme kjo është një realitet me hapjen e rreth 13 degëve të Universitetit “ A. Moisiu” të Durrësit në Peshkopi me kohë të plotë dhe kohë të pjesshme. Tashmë kemi rreth 1000 studentë në këtë Filial Universitar. Kënaqësi e jashtëzakonshme. Pretendojmë kalimin nga Filiali në Universitet të Dibrës. Kemi hartuar me fondet e vitit 2010 te gjithë Projektet Teknike për prioritet e investimeve në vazhdim për vitin 2011, 2012, 2013 etj. Pas kësaj, tashmë, konkretisht kemi të gatshëm dhe mjaft projekte të tjera.

2. Cilat janë sfidat që do përballet bashkia juaj gjatë viteve në vijim ?

Gjatë viteve në vijim, prioritet mbetet modernizimi i shërbimit të pastrimit,

përmirësimi i sistemit të mbledhjes dhe administrimit të të ardhurave lokale, përmirësimi dhe modernizimi i vazhdueshëm i infrastrukturës dhe hapësirave publike në qytet. Për sa sipër, kemi menduar dhe kemi hedhur themele të shëndosha. Kemi hartuar politikat dhe projektet e sipërcituara dhe jemi në garë për gjetjen e financimeve. Po konkurojmë me dinjitet dhe me sukses në sistemin e granteve konkurruese dhe që në këtë fazë kemi siguruar financimet e v.2011 për: - Sistemim Asfaltim Rrugë të Brendshme në qytet. - Ndërtim i Shkollës së re nga Banka Botërore. Hartim dhe miratim Studim Urbanistik për krijim Park i Gjelbërt në Kodër Llasen dhe Zona Kodra mbi Llixha. - Kalimi në mbledhjen e veçuar me qëllim Riciklimi i mbetjeve urbane në qytet. Jemi në negociata me donatorë dhe me ministritë e linjës (komitetin e granteve) për financimin e projekteve të tjera që kemi hartuar më parë për to Projektin Teknik.

3. Në rast se ju do të rizgjidheshit, mesazhi juaj do të ishte.... ? “ Vazhdojmë së bashku”, për të përfunduar projektet e nisura dhe të hartuara së bashku, për të integruar përfundimisht qytetin tonë, Peshkopinë jo vetëm në qendrat e mëdha urbane, por në njësitë dhe rajonet vendore evropiane. Vazhdojmë së bashku, për Universitetin e Dibrës, për Rrugën e Arbërit, për një Peshkopi të Integruar në Rajonet e Evropës.

Botim i Shoqatës së Bashkive të Shqipërisë / Shkurt, 2011 / Nr. 33

Një mandat dhe… shumë arritje Flet Z. Gjon Marku, kryetar i Bashkisë së Vaut të Dejës 1.Cilat janë sukseset dhe arritjet që do të rreshtonit gjatë 4 viteve të mandatit tuaj? Së pari dua të them që unë pata privilegjin që gjatë mandatit tim qeverisja demokratike bëri te mundur futjen e Shqipërisë në organizatën më të madhe paqëruajtëse të botës në Nato, si dhe gjatë këtij mandati qeveria Berisha arriti të bëjë të mundur lëvizjen e qytetarëve në zonën Shengen pa viza. Përsa i përket mandatit tim katër vjeçar unë po e mbyll me shumë arritje të cilat në fillim dukeshin të pa imagjinueshme si për ato politike ,ekonomike apo shoqërore, të cilat në këtë intervistë të shkurtër nuk mund të përmenden të gjitha, por po citoj disa prej tyre: Hartimin e Buxhetit të Bashkisë gjatë katër viteve me pjesëmarrjen aktive të komunitetit.Rritjen e të ardhurave në krahasim me 2004-2006 me 324% Hartimi i planit strategjik të zhvillimit. Hartimi i planit urbanistik të qytetit. Ndriçimi i qendrave të të gjitha fshatrave. Përmirësimi dukshëm i infrastrukturës rrugore, arsimore, shëndetësore, mjedisore dhe kulturore.

2.C ilat janë sfidat që do përballet bashkia juaj gjatë viteve në vijim ? Për të zbatuar më së miri programin e partisë demokratike që ti shërbehet sa më mirë komunitetit sfidat janë të shumta por më emergjentet janë: Ulja në maksimum i numrit të pa punëve. Rritja në maksimum e transparencës ndaj komunitetit, Rritja e pjesëmarrjes së komunitetit si dhe të grave në vendimmarrje. Përmirësimi i vazhdueshëm i infrastrukturës mbitokësore e nëntokësore. Mbrojtja e mjedisit si dhe Lobimi për turizmin duke patur parasysh pozicionin gjeografik të zonës si dhe resurset natyrore që natyra na ka dhuruar.

3.Në rast se ju do të rizgjidheshit, mesazhi juaj do të ishte....... Të punojmë së bashku me ritmin e punës së qeverisjes Berisha të viteve 2005- 2010 duke e shfrytëzuar kohën në maksimum për përmirësimin e nivelit të jetesës, për të kompensuar kohën e humbur gjatë periudhës së tranzicionit që me një kontribut sado të vogël të gjithësecilit të bëhemi sa më parë pjesëtarë të komunitetit Evropian.

KUJTESË Kujdes me shpenzimet për pagat dhe shpërblime! Sipas ministrisë, bashkive u lënë hapësira për shpenzime në masën 20-30 për qind, komunave deri në 40 për qind, kurse qarqeve 50 për qind. Ministria e Financave ka nxjerrë udhëzimin e buxhetit të shtetit 2011, i cili përcakton kriteret dhe kufijtë që duhen respektuar për shpenzime pagash nga njësitë e pushtetit vendor. Nga inspektimet e Ministrisë së Financave të kryera deri tani, rezulton se shumë bashki i kanë shpenzuar fondet duke përdorur politikën e rritjes së pagave dhe aplikimin e shpërblimeve. Për këtë arsye, Financat ndryshuan ligjin e buxhetit, duke vendosur kufizime. Kufizimi bëhet akoma edhe më i ndjeshëm për njësitë vendore të cilat nuk e kanë miratuar ende buxhetin për këtë vit, pasi do të duhet t’i menaxhojnë fondet me shumë kujdes. Përmes një udhëzimi të posaçëm, ministria ka përcaktuar përqindjet që bashkitë dhe komunat mund të përdorin për pagat e personelit. Bëhet fjalë për fondet që marrin nga qeveria përmes granteve të pakushtëzuara, pra fonde që jepen për qëllime të ndryshme, jo vetëm për paga, por edhe për investime. Drejtoresha e përgjithshme e Buxhetit pranë Ministrisë së Financave, Mimoza Dhëmbi, deklaron se udhëzimi i zbatimit të buxhetit përcakton qartë kufirin e shpenzimeve vetëm për paga. Sipas saj, transfertat e fondeve të pakushtëzuara që nuk përdoren plotësisht gjatë një viti buxhetor, do të mbarten për vitin e ardhshëm. Sipas ministrisë, bashkive u lënë hapësira për shpenzime në masën 20-30 për qind, komunave deri në 40 për qind, kurse qarqeve 50 për qind. Këto aplikime nuk do të jenë njëlloj për të gjitha njësitë vendore, por mbi bazën e një formule e cila i referohet numrit të popullsisë dhe mesatares së shpenzimeve.

Gazeta e Bashkive

të Shqipërisë

Kreu i Postës Shqiptare dhe Ish-Kryetar i Bashkisë Durrës Intervistë me Z. Arqile Gorea,

Gjatë mandatit të tij Durrësi u binjakëzua me Stambollin dhe Barin. Kjo nuk ishte aspak rastësi, pasi ky kryebashkiak duke zgjedhur këto qytete binjake me Durrësin hodhi bazat e projektit të Korridorit të Tetë, e thënë ndryshe riaktivizimin e rrugës së vjetër Egnatia. Ju brenda dy viteve të para në cilësinë e Kryebashkiakut të Durrësit, gjatë mandatit tuaj në vitet 1996-2000, keni parë nga perëndimi kur e keni binjakëzuar Durrësin me Barin dhe keni parë nga lindja kur e keni binjakëzuar Durrësin me Stambollin. Dashur pa dashur ju nëpërmjet këtyre binjakëzimeve keni riaktivizuar rrugën e famshme Egnatia, korridorin e sotëm të tetë. A jeni Ju një vizionar, për sa i përket kësaj rruge të gjatë të Shqipërisë deri në zbatimin e saj të vërtetë?

Unë nuk do ta përdor fjalën vizionar, sepse është fjalë shumë e madhe. Unë jam inxhinier nga profesioni, inxhinieria ka një shkencë të quajtur biomekanikë, pra modelet biologjike përdoren dhe në mekanikë, është një shkencë që ka të bëjë me filozofinë e të menduarit, bën praktikë duke të ulur me këmbë në tokë. Po të shikosh të gjitha rrugët kalojnë nëpër luginat e lumenjve, po aty dhe njerëzit kanë

Mesazhi im do të ishte: Cdo njeri që duhet të marri inisiativën si Kryetar Bashkie, nuk duhet ta quajë si një aventurë elektorale, por duhet të njohë përgjegjësitë si dhe të ndjejë veten të aftë për ti shërbyer qytetit. hapur tunele, duke ndjekur këtë rrjedhë si dhe duke bërë llogaritjet ekonomike. Po ta shikosh nga lart Rruga Egnatia është një rrugë që lidh të dyja rrugët lindjen me perëndimin, pra ishte një gjurmë natyrore, kjo rrugë ka si qëllim të rritet komunikimi, të barazohen nivelet e pagesave, bashkëpunimi ndërkombëtar si dhe pasja e shkëmbimeve intesive. Korridori 8 është varianti modern i rrugës Egnatia. Kjo lloj filozofie na bëri të fillonim bashkëpunime të ngushta binjakëzimi me bashkitë përkatëse, të Shkupit, Stambollit, Barit, kjo rrugë

NJOFTIM

lidh detin Adriatik me detin e Zi. Është një rrugë mjaft fitimprurëse jo vetëm për Shqipërinë, por edhe për rajonin. Ju keni qenë Kryebashkiak i Durrësit për periudhën 1996-2000. Mendimi juaj: Si është menaxhuar durrësi në këto dy dekada? Nuk dua të ndalem te cilësitë e kryetarëve bashkiakë në këto dy dekada. Kandari më i mirë është vlerësimi i qytetarëve. Unë dua të ndalem te Qyteti i Durrësit, që është një qytet që ka resurse, ka një emër shumë të madh por fatkeqësisht po trashëgon shumë pak dashuri. Nuk është e rëndësishme të bësh gjëra që bëhen, e rëndësishme është të ruash gjërat që nuk bëhen. Ne kemi shkatërruar në mënyrë barbare historinë tonë. Që të jesh kryetar bashkie si fillim duhet të njohësh detyrimet karshi qytetarëve tënd, në rradhë të parë duhet ta ndjesh veten banorë dhe qytetarë të atij qyteti, duhet të njohësh minimalisht historinë e atij qyteti, që të kuptosh se ku shkelin këmbët e tua dhe të kuptosh se kush është objekti i punës tënde. Duhet të kuptojmë se ajrin, ujin e detit, tokën nuk mund ti ndajmë vec, janë gjëra të përbashkëta dhe të shenjta dhe i përkasin të gjithë komunitetit.

Zagreb: 6-8 prill 2011 Energjia dhe politikat vendore Në datat 6 dhe 8 Prill 2011 do të organizohet në Zagreb (Kroaci) takimi i përvitshëm i “Energy Cities”, për të inkurajuar autoritetet vendore të Evropës me moton: “Bëjeni vetë…..së bashku”. Ky takim ka si qëllim të jetë një burim frymëzimi për vendimmarrësit-politikë, përfaqësuesit teknikë, kompanitë dhe akademikët. Politikat vendore të energjisë do të diskutohen së bashku me temat e mëposhtme: • Si kontribuon energjia në kohezionin territorial? • Çfarë metodash duhen përdorur për të përfshirë qytetarët dhe aktorët vendor? • Ku mund të gjejmë fonde për të financuar këto aktivitete?

Botim i Shoqatës së Bashkive të Shqipërisë / Shkurt, 2011 / Nr. 33

modernizimi i shërbimeve publike; thjeshtëzimi i shërbimeve të ofruara; shkurtimi i kohës për garantimin e shërbimit, rritjen e transparencës në qeverisje si dhe sigurimin e pjesëmarrjes së publikut në vendimarrje. Është po kaq optimiste se mjedisi shoqëror shqiptar, veçanërisht ai politik e institucional duke konsideruar Kartën Evropiane të Vetqeverisjes lokale, Konventën Kuadër për bashkëpunimin ndërkufitar, si dhe dy protokollet shoqëruese, Konventën për Pjesëmarrjen e të Huajve në jetën Publike në nivel vendor, Deklaratën

e Varshavës, Deklaratën e Utrechtit, Dokumentat kuadër të Kongresit sëAutoriteteve Lokale dhe Rajonale, ka përcaktuar që prioritet evropiane në fushën e qeverisjes lokale e rajonale janë edhe po aq shqiptare. Në këtë proces rolin kryesor dhe determinues e ka qeveria shqiptare, të cilës i duhet të bëjë reforma të mëdha në të gjitha fushat e jetës. Por gjithashtu ky proces jo i lehtë kërkon ndërmjet të tjerave dhe një pjesëmarrje të të gjithë potencialeve njerëzore të shoqërisë shqiptare dhe kryesisht të bashkive dhe shoqatave të tyre. Kjo për faktin se qeverisjes vendore në

Vijon nga faqja 3 vendet e BE i duhet të zbatojë afro 65% të të gjithë legjislacionit të BE. Për këto arsye duhet që kooperimi dhe bashkëpunimi midis Qeverisë Qendrore dhe Qeverisë Vendore të vazhdojë për të mos lejuar imponimin e direktivave të BE pa i diskutuar ato bashkarisht me qeverinë. Njësitë e qeverisjes vendore për të maksimalizuar përfitimet dhe për të minimizuar pasojat gjatë procesit të integrimit duhet të bashkëpunojnë me të gjitha njësitë e tjera vendore dhe të marrin pjesë në shoqatë duke hartuar një strategji të qartë të integrimit evropian.

Whitemore: Jemi të kënaqur me qeveritë tuaja! Flet Keith Whitemore, President i Kongresit të Autoriteteve Lokale dhe Rajonale të Këshillit të Evropës Sipas mendimit tim Ballkani Perëndimor ka bërë një përparim të jashtëzakonshëm krahasuar me ku ishte mëparë, dhe e ardhmja e tyre natyrisht është në integrimin Evropian. Nuk ka alternativë tjetër Në këtë konferencë u diskutua shumë mbi nevojën për trainime dhe transferimin e njohurive si dhe sfidat e mëdha të krizave ekonomike. Unë besoj fuqimisht që bashkëpunimi kufitar dhe kooperimi i decentralizuar japin pjesërisht zgjidhje.

Sidoqoftë gjatë përgatitjes të vendeve për aderim në BE ne nuk duhet të nënvleftësojmë kërkesat fondamentale për të patur një demokraci të fortë dhe me një bazë të plotëligjore. Është bindja jonë e fuqishme që zbatimi i plotë i Kartës Evropiane të Vet-qeverisjes Lokale, respekti për parimet e saj është baza mbi të cilën në mund të ndërtojmë një qeverisje të mirë…ja përse monitorimi i zbatimit të Kartës ka qenë misioni bazë i Kongresit në vendet e Ballkanit perëndimor dhe kudo në Evropë…Ne jemi të kënaqur të shikojmë që qeveritë kombëtare po marrin parasysh rekomandimet tona sic edhe Raporteri i Kongresit për Evropën Jug-Lindore z. Refik Rrugeja e përmendi dje në fjalimin e tij …. Do të dëshiroja të konkludoj që sipas mendimit tim Ballkani Perëndimor ka bërë një përparim të jashtëzakonshëm krahasuar me ku ishte mëparë, dhe e ardhmja e tyre natyrisht është në integrimin Evropian. Nuk ka alternativë tjetër.”

Konkluzione dhe Rekomandime • Asnjë progres social ekonomik nuk mund të arrihet pa një përpjekje të fortë bashkëpunuese dhe gjithpërfshirëse të të gjithë aktorëve, të qeverisë qëndrore, qeverisë vendore dhe shoqatave të tyre si dhe shoqërisë civile. Pra për këtë qëllim duhet të bëhen tryeza të hapura me debat konstruktiv dhe me konkurrencë të ideve. • Në kohët e sotme kur ndryshimet social ekonomike janë tepër të mëdha dhe teknologjia e informacionit po ofron përdorime nga më të paimagjinueshmet qytetet dhe rajonet nuk janë më vetëm objekt i strategjive dhe programeve nga donatorët, por janë dhe subjekt i tyre, çdo projekt apo program në fushën e QV-e duhet të konsultohet përpara hartimit dhe gjatë zbatimit. Kjo do të bëjë eleminimin e dublikimeve dhe do të racionalizojë aktivitetet e donatorëve. • Ndihma e huaj nuk duhet “të përçajë” qeverisjen vendore por të inkurajojë sjelljet bashkëpunuese të çdo bashkie, komunë apo qarku. Ndihma e huaj nuk duhet të fokusohet në disa bashki por të synojë përhapjen e përvojës në të gjitha bashkitë e komunat e qarqet. Duhet të pyeten njësitë vendore për prioritetet që ato kanë përpara zbatimit të projekteve. • Duhet të përgatiten dhe të trainohen njësitë vendore për të thithur fondet e Bashkimit Evropian. • Shoqata e Bashkive duhet të luajë një rol më të madh për përshpejtimin e procesit të integrimit të Shqipërisë në BE.

Gazeta e Bashkive

të Shqipërisë Vijon nga faqja 2

Strategjia

kombëtare e mbetjeve, në një takim ekspertësh

Ja cilat janë prioritetet! Sipas organizatorëve strategjia dhe Plani Kombëtar i Mbetjeve është një hap i caktuar në përmirësimin e sistemit të mbetjeve, pjesë e një mundësie më realiste që kërkon një vëmendje më konkrete, dhe inkurajon Pushtetin Vendor në zgjidhjen e anës praktike të problematikave. Strategjia dhe Plani Kombëtar i Mbetjeve plotëson politikat dhe standardet e një

Strategji

zbatimi të qëndrueshëm në përputhje me kërkesat e direktives kuadër të BE-së. Plani përcakton detyrimin për vendosjen e një strukture të qartë për grumbullimin e mbetjeve urbane dhe të një impianti për trajtimin përfundimtar të tyre. Bashkëpunimi i dobët mes NJQV-ve, në çështjen e trajtimit të menaxhimit të mbetjeve, që sjell problematika në një zhvillim të qëndrushëm ekonomiko-shoqëror në mjedis.Gatishmëria e NJQV-ve, në përgatitjen e Planeve Rajonale të Mjedisit në përmbushje të afateve që kërkon ndërgjegjësim dhe edukim të qytetarëve për të

investimi në Kamëz në fushën e komunikimit elektronik

Pas bashkëpunimeve strategjike të arritura nga Bashkia Kamëz për realizimin e investime në fushat e ujësjellëskanalizimeve, energjisë e telekomit në vitin 2010. Një tjetër bashkëpunim do të realizohet së shpejti për investim të rrjetit të komunikacionit elektronik në të gjithë territorin e Bashkisë Kamëz. Kjo ishte dhe tema kryesore e bashkëbisedimeve të zhvilluara midis Kryebashkiakut të Kamzës z. Mziu dhe Drejtorit të degës së Bankës Amerikane “Bedminster Capital Manaxhment LLC”, në Evropë, me qendër në Vjenë dhe si menaxher i fondeve në Njësinë për Evropën Juglindore Z. Andrei C. Krikliwy, si edhe z. Genti Daci, menaxher i përgjithshëm i Kompanisë ABCOM në Shqipëri. Partnerët në bashkëbisedim shkëmbyen informacione lidhur me hapat që secila palë duhet të ndërmarrë në arritjen e marrëveshjes për zbatimin e Masterplanit, që do të ofrojë

respektuar tarifat e mjedisit dhe për të siguruar bashkëjetesën në një mjedis të pastër; Thithja e investuesve private në fushën e menaxhimit të mbetjeve, në formën e bashkë-finacimit,për ti dhënë një zgjidhje më të shpejtë problemit të menaxhimit të mbetjeve, apo mungesa a fushave të mbetjeve në vëndin tonë, krijojnë vështirësi edhe për transportimin më vehte për riciklim të mbetjeve në këto fusha. Në këtë takim u tha se marrja e masave emergjente për krijimin e fushave tranzitore të mbetjeve dhe bashkëpunimi i bashkisë/komunës, qarkut, prefektit dhe Ministrisë së Mjedist dhe Punëve Publike për të koordinuar marrëdhëniet midis tyre në zgjidhjen e shpejtë të problematikës apo edhe mungesa e një studimi të mirëfilltë ku të përcaktohet qartë teknologjia e menaxhimit të integruar të mbetjeve mbeten prioritete për t’u zgjidhur.

kompania zbatuese për shtrirjen e rrjetit kabllor në të gjithë territorin e Kamzës për të bërë të mundur plotësimin e nevojave të komunitetit dhe institucioneve në rritje në këtë bashki, për shpërndarjen e internetit, të transmetimeve dixhitale etj., bazuar në standardet e një teknologjie të fjalës së fundit. Si nga informacioni prezantues i dhënë nga Kryetari i Bashkisë, por edhe nga vizita e përfaqësuesve për realizimin e këtij projekti madhor në mjedisin e Bashkisë , në veçanti në Qendrën e shërbimeve “One Stop Shop”, përfaqësuesi amerikan u shpreh se :”ishte i befasuar nga ndryshimet e Kamzës dhe për një Qendër të tillë shërbimesh, që nuk e kishte parë deri tani në asnjë vend tjetër ku ai ka punuar”. Në fund u arrit në konkluzionin, për të filluar sa më shpejt hapat e tjera, në realizimin e këtij investimi tepër të rëndësishëm, për të ardhmen e qytetit të Kamzës.

Botim i Shoqatës së Bashkive të Shqipërisë / Shkurt, 2011 / Nr. 33

LIGJE Per muajin Shtator- Dhjetor janë miratuar disa akte normative me rëndësi për pushtetin vendor. Aktet po i rendisim sipas rëndësisë normative (Ligje;VKM; Udhezime;etj) •

LIGJ Nr.10 340, datë 28.10.2010 “PËR PAGESËN E DETYRIMEVE NDAJ TË TRETËVE TË NDËRMARRJEVE DHE SHA-VE NË PRONËSI TË PUSHTETIT VENDOR”

•

LIGJ Nr.10 323, datë 23.9.2010 PËR DISA SHTESA DHE NDRYSHIME NË LIGJIN NR. 9780, DATË 16.7.2007 “PËR INSPEKTIMIN E NDËRTIMIT”, TË NDRYSHUAR

•

LIGJ Nr.10 324, datë 23.9.2010 PËR DISA SHTESA NË LIGJIN NR. 8402, DATË 10.9.1998 “PËR KONTROLLIN DHE DISIPLINIMIN E PUNIMEVE TË NDËRTIMIT”, TË NDRYSHUAR

•

LIGJ Nr. 10 319, datë 16.9.2010 PËR DISA SHTESA DHE NDRYSHIME NË LIGJIN NR. 8405, DATË 17.9.1998 “PËR URBANISTIKËN”, TË NDRYSHUAR

•

LIGJ Nr.10 355, datë 2.12.2010 “PËR BUXHETIN E VITIT 2011”

•

LIGJ Nr.10 360,DAT` 16.12.2010 PËR DISA NDRYSHIME NË LIGJIN Nr.10 119, DATË 23.4.2009 “PËR PLANIFIKIMIN E TERRITORIT”, TË NDRYSHUAR

•

VENDIM Nr.799, datë 29.9.2010 PËR NJË SHTESË NË VENDIMIN NR.549, DATË 26.8.1996 TË KËSHILLIT TË MINISTRAVE “PËR CAKTIMIN E TARIFAVE TË SHËRBIMIT TË ZYRAVE TË REGJISTRIMIT TË PASURIVE TË PALUAJTSHME”, TË NDRYSHUAR

•

VENDIM Nr.738, DATë 8.9.2010 PËR PËRCAKTIMIN E KRITEREVE DHE TË PROCEDURAVE TË SHITJES SË TROJEVE NË ËRDORIM, SIPËRFAQE TË DOMOSDOSHME DHE SHTESË FUNKSIONALE TË NDËRMARRJEVE, SHOQËRIVE APO TË OBJEKTEVE SHTETËRORE, TË VEÇUARA, TË PRIVATIZUARA DHE TË NDËRTESAVE TË NDËRTUARA NË BAZË TË LEJEVE TË NDËRTIMIT

•

UDHËZIM Nr.1, datë 22.11.2010 PËR ZBATIMIN E VENDIMIT TË KËSHILLIT TË MINISTRAVE NR.428, DATË 9.6.2010 “PËR KRITERET E VLERËSIMIT TË PRONËS SHTETËRORE QË PRIVATIZOHET APO TRANSFORMOHET DHE PËR PROCEDURËN E SHITJES”

•

UDHËZIM Nr.16, datë 25.8.2010 PËR DISA SHTESA E NDRYSHIME NË UDHËZIMIN NR.1649, DATË 16.8.1999 “MBI PLOTËSIMIN E DISA KUSHTEVE TË VEÇANTA NË TRANSPORTIN RRUGOR TË UDHËTARËVE”, TË NDRYSHUAR

•

PROJEKT-VENDIM PERCAKTIMIN E KUFIRIT MINIMAL TE REGJISTRIMIT PER TATIMIN MBI VLEREN E SHTUAR (TVSH)

•

PROJEKT-LIGJ “PËRTË DREJTËN E KALIMIT NË PRONË TË SHTETIT DHE PRIVATE, PËR NDËRTIMIN E RRJETIT TË KOMUNIKIMEVE ELEKTRONIKE 11

“Rolin e Shoqërisë Civile dhe kontributi i donatorëve në Fuqizimin e Qeverisjes Vendore në Shqipëri”. Në konferencën ndërkombëtare “Rolin e Shoqërisë Civile dhe kontributi i donatorëve në Fuqizimin e Qeverisjes Vendore në Shqipëri” u përvijuan disa konkluzione të rëndësishme që do t’i shërbejnë komunitetit të drejtuesve të qeverisjes vendore për në rrugën e tyre të ndryshimit e progresit.

Gazeta e Bashkive mbështetet nga Intercooperation, financuar nga Qeveria Zvicerane (SDC), në kuadrin e Programit për Decentralizimin dhe Zhvillimin Lokal.

Shoqata e Bashkive të Shqipërisë Rr. “Avdyl Frashëri”, Pall. 11, Shk. 2, ap. 14, Tiranë Tel/fax ++ 355 4 2257603/6, Email: aam@albmail.com, Url: www.aam-al.com