Buletin Informativ - EDICIONI I PARË by dldp albania

Buletin Informativ Dldp synon përmes këtij Buletini informativ të përcjellë tek lexuesi arritjet kryesore të çdo tremujori si dhe aktivitetet kryesore të planifikuara në tremujorin e ardhshëm. Ky format pasuron edhe më tej mënyrat e përcjelljes së informacionit përmes faqes sonë në internet.

EDICIONI I PARË

JANAR - MARS 2015

Programi për Decentralizim dhe Zhvillim Lokal Helvetas Swiss Intercooperation (HSI) me shumë vite përvojë në çështjet e qeverisjes vendore në Shqipërinë e Veriut ka kontribuar përmes programit për Zhvillim Lokal dhe Decentralizim (dldp), por edhe falë mbështetjes së qeverisë Zvicerane përmes SDC me rezultate të rëndësishme në n i ve l l o k a l , ra j o n a l d h e kombëtar.Praktika dhe modele të zhvilluara në bashkëpunim me par tnerët vendorë janë shpërndarë në nivel kombëtar, sikundër janë përmirësuar kapacitet për thithjen e fondeve nga burime alter native. Megjithatë, është i nevojshëm një konsolidim i mëtejshëm dhe validim tematik i paketave / kurrikulave të

ndryshme të ndërtimit të kapaciteteve duke përmirësuar pronësinë e ekspertëve në nivel lokal dhe të ministrive të linjës në nivel qendror. Shpërndarja e praktikave do të jetë e hapur në bazë performance dhe konkurrimi për të gjitha NJQV-të, ndërsa mekanizmat institucionalë dhe ato të shpërndarjes do të konsolidohen dhe do të ankorohen në sistem. Dldp-ja e ka zgjeruar gradualisht zonën e shtrirjes së projektit nga Shkodra dhe Qarku Lezhës me tre qarqe të tjera për fazën e 3-të (Dibër, Durrës, Kukës). Kjo gjë do lejojë të përzgjidhen NJQV të reja dhe të shpërndahen / përshkallë-zohen praktikat më të mira në mënyrë horizontale.

Prof. Asoc. Dr. Valbona Karakaçi Menaxhere e DLDP

Zona e projektit (zbatim i drejtpërdrejtë) do të mbulojë 5 nga 12 qarqe – ose 30 % të popullsisë në Shqipëri. Në 7 qarqet e mbetura, dldp-ja do të punojë me aktorë kombëtare dhe institucione për të lehtësuar dhe për të siguruar shpërndarjen e mjeteve dhe manualeve të testuara.

Zona Funksionale: Metodologjia dhe Projektet PËRMBAJTJA 1

Programi për Decentralizim dhe Zhvillim Lokal Zona Funksionale: Metodologjia dhe Projektet

Sistemi i Integruar i Zyrave me Një Ndalesë

Financat vendore

Kontributi i dldp në ligjin e ri organik dhe ligjin e ri për financat vendore

Rrjeti i Grave në Politikë

Metodologjia për benchmarking dhe standardet e shërbimit

Projekti për hartimin e dokumenteve strategjike të Zonave Funksionale gjatë muajve janar - mars, 2015 kaloi në fazën më intensive të saj. Programi për Zonat Funksionale përfshiu 5 Qarqe: Shkodër, Lezhë, Kukës, Dibër dhe Durrës dhe më konkretisht këto njësi: Malësi e Madhe, Lezhë, Tropojë, Kukës, Dibër, Mat, Durrës, Shijak. Metodologjia e hartuar nga ekspertë të dldp-së, e cila synon të japë disa zgjidhje për problematikat e identifikuara si më të ndjeshme në territorin që do t'u përkasë bashkive të reja dhe do të sigurojë parakushtet për një zhvillim të qëndrueshëm, u diskutua në workshope me ofrues të shërbimit dhe ekspertë të ndryshëm. Metodologjia ka në përbërje analizën ekonomike, analizën e shërbimeve, analizën organizative dhe projektet për zonën funksionale të cilat u konsultuan në forumet përkatëse.

Mesatarisht janë mbledhur 3 forume për çdo zonë funksionale, me përbërje nga të gjithë aktorët kryesorë në zonë, duke marrë pjesë biznese, shoqëri civile, administrata të njësive vendore nga të gjitha njësitë që janë përbërëse të Zonës Funksionale (ZF), qarqeve dhe të drejtorive të dekoncentruara. Një kontribut i madh erdhi edhe nga të rinjtë e zonave që ishin shumë aktiv në identifikimin e problemeve në forume. Gjatë forumeve ekspertëve të njësive vendore dhe grupeve të interesit u janë prezantuar dokumentet e hartuara nga ekspertët në faza të ndryshme. Në forume janë konsultuar dhe marrë mendime për saktësimin e të dhënave dhe informacioneve të marra nga intervista të ndryshme të kryera në terren. Nga këto forume mendimet dhe sugjerimet e pjesëmarrësve janë reflektuar herë pas here në dokumentet e ZF duke arritur në një

dokument që jep një analizë të situatës, identifikon probleme dhe avantazhe konkurruese dhe jep rekomandime për zgjidhjen e tyre. Në muajt e ardhshëm do të punohet në përgatitjen e projekteve, si dhe diskutimin e tyre në forume dhe seleksionimin e tyre nga ekspertë të zonës.

Hapat e ardhshëm Në muajin prill do të përfundojnë dokumentet e Zonave Funksionale dhe do të identifikohen tre grup projektesh për secilin program të zonës funksionale në lidhje me zhvillimin ekonomik, ofrimin e shërbimeve dhe të fillimit të shpejtë. Në fund të muajit prill do të organizohet platforma për zgjedhjen e projektit më të mirë për secilën zonë funksionale. Më 11 Maj, në Tiranë ky aktivitet do të finalizohet me organizimin e konferencës: “ K o n s o l i d i m i i Re f o r m ë s Administrative – Territoriale: Praktika dhe Mësime”, ku do të ndahen edhe çmimet për 2 programet më të mira të Zonave Funksionale.

Sistemi i Integruar i Zyrave me Një Ndalesë Dldp ka bërë publike Raportin e parë mbi Studimin e Sistemit të Integruar të Zyrave me Një Ndalesë. Kompania ICT Solution, e cila po përgatit studimin, ka prezantuar procesin për mbledhjen e të dhënave si dhe rezultatet e arritura në përfundim të fazës së parë të studimit. Zyrat e Integruara me Një Ndalesë janë identifikuar nga dldp si mjeti i duhur që do t'i përgjigjet sfidës së ofrimit të shërbimeve për qytetarin, në bashkitë e reja që do jetësohen pas zbatimit të Reformës Territoriale Administrative dhe zgjedhjeve për organet e qeverisjes vendore të datës 21 qershor 2015. Raporti përmbyll fazën e parë të aktiviteteve me dokumentimin e listës shërbimeve që ofrohet aktualisht në njësitë e qeverisjes vendore që shërbyen si kampion i këtij studimi. Kjo listë shërbimesh do të shërbejë si listë bazë për fazat e tjera të punës për përgatitjen e modelit të zyrave të integruara me një ndalesë.

Kampioni i studimit Për efekt të këtij studimi u zgjodh një kampion prej tetë njësish të qeverisjes vendore, të përbërë nga katër dyshe njësish të tilla që me ndarjen e re administrative territoriale i përkasin të njëjtës njësi vendore. Njëra nga njësitë vendore do të jetë qendra e njësisë vendore të

Mbledhja e skedave të shërbimeve Për identifikimin e listës së shërbimeve u bashkëpunua ngushtë me qendrën e kompetencës të ngritur nga dldp. Në kuadër të këtij bashkëpunimi specialistë të pushtetit vendor pranë qendrës së kompetencës që punojnë aktualisht në njësitë vendore të marra në studim u bënë pjesë e rëndësishme për identifikimin paraprak të listës së shërbimeve.

Konsolidimi i listës së shërbimeve Fillimisht u evidentuan 375 shërbime në tetë njësitë vendore të marra në studim. Kjo listë paraprake u analizua duke evidentuar shërbime të njëjta në njësitë e ndryshme vendore duke rezultuar në një listë me 123 shërbime të ndryshme. Për evidentimin e shërbimeve të njëjta u përdor fillimisht si kriter emërtimi i shërbimit i cili për një pjesë të shërbimeve ishte i njëjtë ose shumë i përafërt në të gjitha njësitë që e

ardhshme ndërsa tjetra do të jetë njësi përbërëse administrative e saj. Për çdonjërën nga njësitë e qeverisjes vendore që do të shërbejnë si qendra të njësive të reja të qeverisjes vendore u përzgjodh nga një njësi e qeverisjes vendore që do të jetë njësi përbërëse me hyrjen në fuqi të ndarjes së re administrative territoriale.

Skeda e shërbimit Skeda e shërbimit mban informacionet bazë për identifikimin e një shërbimi: *Emërtimin *Përshkrim të shkurtër *Bazën ligjore *Kategoritë përfituese të këtij shërbimi (qytetar, biznes, OJF, të tjerë) *Nivelin e kompetencës (funksion i drejtëpërdrejtë, i përbashkët, i deleguar)

kishin raportuar atë shërbim. Për të shmanguar gabimet pas evidentimit të shërbimeve të ngjashme për nga emërtimi u konsultuan gjithashtu informacionet e tjera që gjendeshin në skedat e shërbimeve: *përshkrimi i shërbimit *përfituesit e shërbimit *baza ligjore Në këtë fazë u identifikuan si një, vetëm ato shërbime të cilat nuk linin vend për interpretim pas verifikimit të informacioneve të skedës së shërbimit.

Hapat e ardhshëm

Konsultimi i listës prej 123 shërbimesh me specialistët e qendrës së kompetencës

*Dokumentim i rrjedhës së punës për shërbimet e identifikuara sipas bazës ligjore për ofrimin e shërbimit dhe intervista në terren në katër njësi të qeverisjes vendore. Kjo punë e dokumentuar do të analizohet më tej nga një ekip ekspertësh të qeverisjes vendore, të teknologjisë së informacionit dhe juristë. Ky ekip do të rekomandojë një riorganizim të proceseve të punës për ofrimin e shërbimeve duke patur parasysh organizimin e ri të njësive të qeverisjes qendore. Kjo analizë do të rezultojë në “Guidën operacionale të rrjedhës së punës për ofrimin e shërbimeve për qytetarët nëpërmjet zyrave të integruara me një ndalesë”. * Testimi i modelit nëpërmjet vënies në punë të sistemit IT për ofrimin e shërbimeve publike në një dyshe njësish vendore të cilat nesër do të jenë pjesë e së njëjtës njësi vendore. Njëra nga njësitë e përzgjedhura do të jetë qendra e njësisë së ardhshme vendore ndërsa tjetra do të jetë njësi administrative në përbërje të njësisë së re vendore. *Shërbime që ofrohen në komunë, por nuk ofrohen në bashki

Lista prej 123 shërbimesh u konsultua me specialistët e qendrës së kompetencës dhe pas një analize një ditore, e bazuar në praktikat e njësive të tyre vendore, dhe u ra dakord që lista mund të konsolidohej duke rezultuar përfundimisht me një listë prej 67 shërbimesh e pranuar si gjithëpërfshirëse për tetë njësitë vendore që ishin pjesë e studimit. Kjo listë i përket funksioneve të drejtëpërdrejta ose të përbashkëta të njësisë së qeverisjes vendore. Gjithashtu u identifikuan 37 shërbime që i përkasin funksioneve të deleguara të njësisë së qeverisjes vendore. Këto shërbime ofrohen për llogari të Gjendjes Civile dhe Qendrës Kombëtare të Regjistrimit.

Figura1 - Shërbimet e identifikuara sipas funksionit, paraqet numrin e shërbimeve të identifikuara sipas llojit të funksionit të njësisë së qeverisjes vendore.

Prerja e shërbimeve midis njësisë kryesore dhe njësisë përbërëse Në fillim të studimit pritshmëria ishte që numri i shërbimeve në bashkitë dhe komunat të ishte i ndryshëm për efekt të dimensionit dhe tipologjisë së ndryshme të njësisë. Ky fakt është i rëndësishëm për studimin duke patur parasysh faktin që bashkitë do të jenë qendrat e njësive të ardhshme administrative ndërsa komunat pjesë përbërëse e tyre. Studimi faktoi këtë pritshmëri duke rezultuar jo vetëm me një numër të ndryshëm shërbimesh, por duke evidentuar 3 grupe të ndryshme shërbimesh: *Shërbime që ofrohen në të dyja njësitë *Shërbime që ofrohen në bashki, por nuk ofrohen në komunë *Shërbime që ofrohen në komunë, por nuk ofrohen në bashki Figura 2 - Prerja e listës së shërbimeve midis bashkive dhe komunave, paraqet numrin e shërbimeve sipas tre grupimeve të mësipërme në tetë njësitë e qeverisjes vendore.

Financat vendore Një zhvillim i rëndësishëm në linjën e financave lokale ka qenë edhe diagnostifikimi i performancës financiare të bashkisë Shkodër në frymën e instrumentit PEFA si dhe implikimet mbi reformat e pritshme në ligjin organik dhe financat vendore. Në kuadër të këtij aktiviteti u mbodhën në Shkodër anëtarë të administratës publike të Bashkisë Shkodër, anëtarë të qendrës se kompetencës, përfaqësues të institucioneve kombëtare (Ministria e Financave) dhe ekspertë të fushës (anëtarë të grupit të punës për rishikimin e Ligjit Organik, si dhe përfaqësues të programeve të angazhuara në çështjet e pushtetit vendor (PLGP/USAID e NJQV partnere të tyre) të cilët validuan gjetjet mbi performancën financiare të Bashkisë Shkodër dhe bazuar në gjetjet dhe më gjerë diskutuan në lidhje me ndryshimet e pritshme në kuadrin ligjor që rregullon funksionimin dhe financimin e pushtetit vendor.

Gjetjet dhe rezultatet paraprake tëraportit draft u ndanë me ekspertët e Bashkisë Shkodër dhe ekspertë tëqendrës se kompetencës, të cilët dhanë mendimet dhe opinionet e tyre. Një raport i detajuar ku paraqiten standartet e frymëzuara nga PEFA dhe rezultati nga vlerësimi për secilin prej indikatorëve do të ndahet me ekspertët e Bashkisë Shkodër për komente të mëtejshme. Gjetjet e raportit mund të përdoren për rishikimin e kuadrit ligjor. Gjithashtu u prezantuan edhe disa gjetje paraprake të raportit mbi rregullimin e alokimit të funksioneve, mundësitë dhe sfidat për njësitë e qeverisjes vendore. PEFA është një instrument i Bankës Botërore për matjen e performancës së qeverisjes në menaxhimin e financave publike dhe llogaridhënien. Një raport i tillëështë përdorur për matjen e performacës së Qeverisë Shqiptare në 2006 dhe 2011 dhe është hera e parë që përgatitet

në nivel vendor në Shqipëri. Me kontributin e dldp, hartimi i PEFA në nivel lokal u bë pjesë e strategjisë për menaxhimin e financave publike.

Hapa të ardhshëm Përdorimi i gjetjeve në funksion të rishikimit të ligjit mbi financat vendore dhe atij organik.

Kontributi i dldp në ligjin e ri organik dhe ligjin e ri për financat vendore DLDP, në mbështetje të qeverisjes vendore në Shqipëri, po kontribuon në procesin e përgatitjes së ligjit të ri organik përmes bashkëpunimit të vazhdueshëm me programin PLGP/USAID, i cili drejton procesin e hartimit të Ligjit të ri organik për qeverisjen vendore. Një grup pune i përbërë nga Ministri i Shtetit për Çështjet Vendore dhe institucione e organizma të tjerë të rëndësishëm në vend do të kenë përgjegjësinë për drejtimin e procesit dhe paraqitjen e produktit përfundimtar.

Në kuadër të kësaj mbështjetje dldp zhvilloi tryezën e rrumbullakët mbi ligjin e ri “Për organizimin dhe funksionimin e qeverisjes vendore”. Ky aktivitet solli së bashku në një tryezë konsultuese kryetarë të njësive të qeverisjes vendore nga i gjithë vendi dhe prezantoi procesin e nisur nga grupi i ekspertëve lidhur me përgatitjen e ligjit të ri organik si dhe një plan veprimi me hapat kryesor deri në miratimin e ligjit të ri organik për qeverisjen vendore. Pas prezantimit të problematikave të identifikuara lidhur me zbatimin e ligjit aktual për organizimin dhe funksionimin e qeverisjes vendore, pjesëmarrësit diskutuan lidhur me nevojën e përfshirjes së një numri çështjesh në ligjin e ri organik. Ndër çështjet kryesore që u adresuan nga diskutantët ishin: - Çështja e burimeve financiare të njësive të qeverisjes vendore, të cilat duhet të jenë në përputhje me funksionet që ka qeverisja vendore. Decentralizimi ka si objektiv forcimin e qeverisjes vendore, por nga ana tjetër qeveria qendrore

duhet të parashikojë instrumentat e nevojshëm, me qëllim që qeverisja vendore të sigurojë të ardhura të mjaftueshme për ushtrimin e funksioneve; - Mënyra se si caktohen funksionet ishte një çështje tjetër e diskutuar. U konsiderua e nevojshme që ligji të parashikojë një rrugë të qartë se si i caktohen funksionet qeverisjes vendore. Pjesëmarrës në takim ishin kryetarë të bashkive të njësive vendore partnere të Projektit PLGP/USAID dhe Programit DLDP; Përfaqësues të Ministrit të Shtetit për Çështjet Vendore; Përfaqësues nga shoqatat e qeverisjes vendore (SHBSH, SHKSH, ALA); Përfaqësues nga USAID, si dhe Grupi i punës i ngritur për hartimin e Ligjit të ri. Hapa të ardhshëm Një element i rëndësishëm përmes të cilit dldp synon të kontribuojë në proces, do të jetë projekti “Parlamenti i Hapur”, i cili do të synojë në konsultimin e ligjit të ri organik në nivel vendor, duke përfshirë deputetë të Kuvendit, aktorë vendorë dhe median lokale e kombëtare.

Dldp mbështet Rrjetin e Grave në Politikë Dldp ka lançuar këtë vit mbështjetjen e Rrjetit të grave në politikë përmes një takimi miqësor të zhvilluar në Shkodër ku prezantoi edhe planin e veprimit dhe mbështetjen ndaj Rrjetit përgjatë vitit 2015. Në takim morën pjesë Rrjeti i grave në politikë nga qarqet Shkodër e Lezhë të aktivizuara gjatë fazës së dytë të programit (2011-2013); gra që janë mbështetur nga dldp për ndjekjen e Akademisë së Studimeve Politike; ekspertë lokalë për përfshirjen sociale, anëtarë të stafit të dldp 3, si dhe bashkëshortja e ambasadorit të Zvicrës në Shqipëri, zonja Nicole Graf e cila shprehu interes për njohjen më nga afër të problematikave dhe sfidave të reja që hasin gratë e angazhuara në sferën politike. Në vazhdimësi të aktiviteteve gjatë tremujorit të parë 2015, programi dldp ka ngritur database-n e Rrjetit të Grave në

Politikë, në të cilin janë përfshirë gratë dhe vajzat këshilltare të këshillave bashkiake të bashkive kryesore në të pesë qarqet, si: Shkodër, Lezhë, Kukës, Dibër dhe Durrës. Fuqizimi i kapaciteteve të grave të përfshira në politikë në fushën e studimeve politike nëpërmjet mbështetjes së 5 grave këshilltare për ndjekjen e Akademisë së Studimeve Politike është një ndër mbështetjet kryesore e inicuar këtë fillim viti nga dldp. Nëpërmjet takimeve të zhvilluara në pesë qarqet kryesore me gratë këshilltare të spektreve të ndryshme politike, anëtare të këshillave bashkiake dldp arriti të identifikojë objektivat kryesore të grave në nivel lokal për zgjedhjet lokale të vitit 2015. Ndër objektivat kryesore përmendim: rritjen e përfaqësimit të grave në vendimmarrjen lokale; gruaja një kandidate konkurruese jo vetëm për anëtare të këshillit bashkiak, por

edhe për kandidate për bashki. Ndër problematikat që hasin gratë e përfshira në politikë përmendim nivelin e përfaqësimit të grave në zonat rurale si dhe zhvillimin e proceseve transparente e demokratike brenda strukturave të partisë. Hapa të ardhshëm Gjatë tremujorit të dytë dldp planifikon zhvillimin e rreth 8 takimeve në qendrat kryesore të zonave funksionale: Shkodër, Lezhë, Durrës, Kukës, Bajram Curri, Peshkopi, Burrel, Koplik. Nëpërmjet këtyre takimeve synohet identifikimi i nevojave dhe problemeve reale që gratë e vajzat kanë lidhur me përfaqësimin e tyre në këshillat e ardhshme vendore; si dhe gjetja e mënyrave të zgjidhjes. Në përfundim të këtyre takimeve do të përgatitet një raport përmbledhës me gjetjet dhe rekomandimet kryesore që kanë dalë gjatë diskutimeve të hapura. Më tej dldp do të përcaktojë edhe aktivitetet në nivel kombëtar dhe lokal për të promovuar gratë dhe vajzat gjatë këtyre zgjedhjeve lokale.

Titulli i Projektit

Programi për Decentralizim dhe Zhvillim Lokal (dldp) në Veri të Shqipërisë Financues: Qeveria e Zvicrës përmes SDC Zyra e Koperacionit Zviceran

Partnerët në nivel lokal: Bashkitë dhe Komunat në Shkodër, Lezhë, Dibër, Kukës, Durrës

Kohështrirja (Faza III) 01.01.2014 -31.12.2017

Partnerët në nivel kombëtar: Ministria e Shtetit dhe Çështjeve lokale, Ministria e Financës, Ministria e Shtetit për Inovacion dhe Administratën Publike, Ministria e Mjedisit, Ministria e Integrimit Europian, Ministria e Turizimit dhe Zhvillimit Urban, Ministria e Transportit dhe Infrastrukturës dhe Agjenci të tjera kombëtare

Vendi: Shqipëri Zona e ndërhyrjes: • Veriu i Shqipërisë (lokale) • Niveli kombëtar Personeli: Manaxher programi (Valbona Karakaçi) dhe 11 anëtarë stafi

Programe/organizata të tjera partnere: KE, USAID/PLGP, UNDP/STAR

S Z1N

SISTEMI I ntegruar I ZYRËS ME 1 NDALESË

Adresa: Rr. "Ibrahim Rugova", Ndërtesa e PLUS-it, Kati i 2-të/ Nr. 3. 1001 | Tirana | Shqipëri Tel fiks +355 (42) 269225 Rr. Oso Kuka, Nr. 11 4001 | Shkodër | Shqipëri Tel fiks +355 (222) 50 247 Websites: dldp.al km.dldp.al youtube.com/dldpalbania facebook.com/dldp.al twitter.com/dldpalbania

fap functional area programme

Metodologjia për benchmarking dhe standardet e shërbimit Programi i dldpme një aktivitet prej disa vitesh, me prani aktive në 5 qarqet e Veriut të Shqipërisë, tashmë është kthyer në një partner të rëndësishëm në sektorin e mbetjeve urbane në Shqipëri. Ky program përmes asistencës financiare dhe teknike ndërmjet të tjerave ka synuar edhe në përmirësimin e cilësisë së ofrimit të shërbimeve nga NjQV. Kështu në drejtim të menaxhimit të mbetjeve urbane programi ka asistuar NJQV në planifikimin dhe zbatimin e planeve të menaxhimit të mbetjeve me qëllim arritjen e objektivave kombëtare. Gjatë periudhës Nëntor 2014-Shkurt 2015, dldp mbështeti iniciativën për hartimin e një metodologjie për benchmarking për matjen e performancës së shërbimit në sektorin e mbetjeve urbane duke u mbështetur në përvojën disavjeçare të aktivitetit të saj në disa qarqe. Në sektorin urban për menaxhimin e mbetjeve ende nuk ekzistojnë tregues të performancës së ofrimit të shërbimit, të cilët të jenë qartësisht të përkufizuar, të matur dhe raportuar në të kaluarën. Për rrjedhojë planifikimi dhe zbatimi i planeve lokale të menaxhimit të mbetjeve nuk është i mjaftueshëm për të përmirësuar performancën e organeve vendore në menaxhimin e mbetjeve. Hartimi dhe vendosja e disa treguesve të matshëm dhe të krahasueshëm do të ishte një orientim i mbarë në drejtim të përmirësimit të cilësisë së menaxhimit të

mbetjeve dhe të monitorimit të këtij shërbimi. Procesi i hartimit të sistemit të benchmark-ut është mbështetur në një përqasje me pjesëmarrjen e grupeve të interesit (përfaqësues nga ministritë e linjës, nga NjQV, ofrues shërbimi, përfaqësues nga shoqëria civile s i d h e e k s p e r t ë ko m b ë t a r ë d h e ndërkombëtarë). Ai është bazuar tërësisht mbi gjendjen aktuale të nivelit të shërbimit që ofrohet sot në NJQV si dhe është udhëhequr nga principet dhe politikat e hartuara në nivel kombëtar. Disa nga arsyet kryesore të hartimit të një sistemi benchmark-u janë: o Të bëjë të mundur për çdo NjQV të gjykojë performancën e vet në lidhje me ofrimin e shërbimit të Menaxhimit të Mbetjeve të Ngurta (MMN); o Të japë informacionin e nevojshëm për autoritetet vendim-marrëse mbi prioritetet për përmirësimin e shërbimit të MMN në kushtet aktuale me fonde të kufizuara në dispozicion; o Të bëjë të mundur identifikimin e pikave të forta (rrethanave lokale) mbi bazën e të cilave mund të ndërtohet më tej si dhe evidentimin e pikave të dobëta të cilat duhen trajtuar me kujdes; o Të monitorojë ndryshimet në cilësinë e shërbimit të MMN me kalimin e kohës. Përcaktimi i aspekteve që do të vlerësohen është bërë duke vlerësuar eksperiencën më të mirë në rajon dhe sugjerimet e ekspertëve zviceranë, konsultuar literaturën dhe ekspertët e ERRU-së, të cilët kanë njëexperiencë pesëvjeçare në monitorimin dhe raportimin e performancës së kompanive të ujësjellëskanalizimeve. Aspektet e shërbimit të MMN të ofruara në çdo NJQV që do të vlerësohen janë: Infrastruktura ekzistuese, cilësia e shërbimit,

qëndrueshmëria financiare, qëndruesh-mëria mjedisore, aspekte institucionale. Kjo metodologji propozon përdorimin e 10 indikatorëve cilësorë dhe sasiorë, të cilët masin performancën e cilësisë së shërbimit, qëndrueshmërinë mjedisore, ekonomike si dhe aspektet institucionale dhe qeverisëse të tij. Ndarje e eksperiencës së benchmarking me kolegët nga Kosova Dldp në bashkëpunim me Ministrinë e Mjedisit organizoi me 26-27 Mars, një udhëtim studimor në Kosovë, me qendrën e kompetencës së dldp, në fushën e menaxhimit të mbetjeve urbane. Udhëtimi kishte si objektiv eksplorimin dhe ballafaqimin e eksperiencave mes dy vendeve në njërin prej sektorëve më prioritarë të shërbimeve publike. Në këtë udhëtim morën pjesë përfaqësues nga njësitë vendore partnere të dldp, ministrive të linjës dhe ekspertë që ndihmojnë në zbatimin e paketave të mbështetjes së dldp për njësitë vendore në lidhje me modelin e llogaritjes së kostove dhe tarifave si dhe metodologjisë së benchmarking. Grupi nga Shqipëria kryesohej nga Zëvendësministrja e Mjedisit znj.Olijana Ifti. Gjatë sesioneve të këtij workshopi u prezantuan eksperiencat e dldp për modelin e llogaritjes së kostos dhe metodologjisë së benchmarking si dhe të DEMOS për punën e zhvilluar në komunat partnere për organizimin e shërbimit dhe riciklimin si dhe aplikimi i modelit të llogaritjes së kostos në komunën e Pejës. DEMOS është projekti që zbatohet nga Helvetas për Decentralizim dhe Përkrahje Komunave në Kosovë. Mes fushave të mbështetjes së DEMOS-it është edhe përmirësimi i ofrimit të shërbimeve publike në fushën e hapësirave publike, trafikut komunal dhe menaxhimit të mbeturinave.

Hapa të ardhshëm Dldp do të vijojë edhe në të ardhmen bashkëpunimin me Ministrinë e Mjedisit dhe organizma rajonalë si NALAS (NALAS është rrjet i shoqatave të autoriteteve lokale të Evropës Juglindore) në zhvillimin e instrumenteve për hartimin e standarteve të shërbimit. Përveç prezantimit të metodologjisë së benchmarking në platforma të ndryshme, dldp synon edhe aplikimin në praktikë të modeleve të zhvilluara.