Buletin Informativ - EDICIONI I TRETË by dldp albania

Buletin Informativ Dldp synon përmes këtij Buletini informativ të përcjellë tek lexuesi arritjet kryesore të çdo tremujori si dhe aktivitetet kryesore të planifikuara në tremujorin e ardhshëm. Ky format pasuron edhe më tej mënyrat e përcjelljes së informacionit përmes faqes sonë në internet www.dldp.al

PËRMBAJTJA 1 Zëvendës Sekretari i Shtetit për Marrëdhëniet me Jashtë i Zvicrës viziton Shkodrën 1 Takim me kryetarët e rinj në kuadër të Komitetit Koordinues 2 Programi i Zonave Funksionale 3 Konstituimi i Qendrave të Kompetencës për vitin 2015-2017

Intervista me anëtarët e Qendrave të Kompetencave

EDICIONI I TRETË

KORRIK-SHTATOR 2015

Zëvendës Sekretari i Shtetit për Marrëdhëniet me Jashtë i Zvicrës viziton Shkodrën Helvetas Swiss Intercooperation përmes programit të saj për decentralizim dhe zhvillim lokal (dldp) u përzgjodh nga Zyra e Bashkëpunimit Zviceran në Shqipëri (SDC), për të paraqitur gjatë vizitës së Zëvendës Sekretarin e Shtetit për Marrëdhëniet me Jashtë të Zvicrës, z. Georges Martin, shoqëruar nga Ambasadori Zviceran në Shqipëri, z. Christoph Graf e stafi i tij, disa prej investimeve dhe rezultateve të një bashkëpunimi të suksesshëm disavjeçar. Gjatë vizitës së zhvilluar më 8 shtator 2015, delegacioni zviceran u takua me Kryetaren e Bashkisë Shkodër, znj. Voltana Ademi, e cila ndër të tjera falenderoi qeverinë zvicerane për mbështjetjen e vazhdueshme që i ka dhënë Shkodrës dhe Veriut të Shqipërisë në përgjithësi, përmes programeve të ndryshme për menaxhimin e

mbetjeve urbane, menaxhimin e f i n a n c a ve, m o d e r n i z i m i n e administratës publike, ku Zyra me Një Ndalesë pranë kësaj Bashkie u shikua si shembull i një investimi të suksesshëm. Gratë politikane të zgjedhura gjatë zgjedhjeve lokale të qershorit si anëtare të këshillave bashkiake si dhe deputete të Parlamentit patën rastin të diskutojnë në prani të delegacioni zviceran problematikat dhe sfidat me të cilat përballet femra në politikë. Në përmbyllje të asaj tryeze dldp paraqiti për herë të parë një film të shkurtër të realizuar me Rrjetin e Grave në Politikë ku prezantohet historiku i Rrjetit të Grave në Politikë, aktivitetet e

shumta, bashkëpunimi mes tyre dhe perspektiva e këtij rrjeti edhe përtej dldp. Qeveria zvicerane ka dhënë një mbështetje të vazhueshme edhe në sistemin e ujësjellësit dhe të menaxhimit të mbetjeve dhe për këtë arsye vizita vazhdoi në një qendër grumbullimi dhe riciklimi të mbetjeve si aktivitet i një partneriteti publik privat. Më tej delegacioni zviceran u shoqërua të vizitojë Impiantin e Trajtimit të Ujrave të Ndotura në Shirokë, realizuar me fonde të qeverisë zvicerane dhe venddepozimin e mbetjeve në Bushat, një iniciativë e përbashkët e qeverisë qendrore dhe lokale.

Takim me kryetarët e rinj në kuadër të Komitetit Koordinues dldp më 27 korrik 2015, organizoi në ambientet e hotel Rogner, Komitetin Koordinues duke mbledhur në një tryezë 18 kryetarët e rinj, të dalë fitues në zgjedhjet e 21 qershorit, në bashkitë e 5 qarqeve ku vepron programi dldp. Nderonte me pjesëmarrjen e tij edhe Ambasadori i Zvicrës në Tiranë, z. Christoph Graf. Gjithashtu merrnin pjesë edhe përfaqësues të ministrive të linjës, programit STAR dhe organizatave partnere të dldp që kanë pilotuar Programin e Zonave Funksionale. Takimin e hapi znj. Valbona Karakaçi, Menaxhere e Programit dldp. Në fjalën e saj përshëndetëse, znj. Karakaçi falenderoi kryetarët e rinj për përgjigjen pozitive ndaj ftesës së dldp, pavarësisht se akoma procedurat ligjore për konstituimin e këshillave bashkiake nuk kanë përfunduar në të gjitha bashkitë. Më tej, znj. Karakaçi theksoi rëndësinë e këtij takimi që zhvillohet në një periudhë e cila përkon me

momentin kur dldp po planifikon paketat e saj të mbështetjes për 6mujorin e dytë të 2015. M ë t e j z n j . Ka ra k a ç i f t o i Ambasadorin e Zvicrës, z. C h r i s t o p h G r a f, p ë r n j ë përshëndetje. Në fjalën e tij, Ambasadori theksoi mundësitë dhe sfidat e reja në zhvillimin lokal, tani me reformën e re territoriale. Ai vlerësoi që ka një progres në qeverisjen vendore dhe partnerët ndërkombëtarë, përfshi

edhe Zvicrën kanë mbështetur reformën me qëllim përmirësimin e administrimit të çështjeve vendore në Shqipëri. Më tej, sipas axhendës së takimit znj. Valbona Karakaçi prezantoi më gjerësisht programin dldp, linjat e veprimit, një historik të shtrirjes së programit nga viti 2006 dhe kaloi në prezantimin e secilës prej paketave afat shkurtra të mbështetjes për periudhën shtator - dhjetor 2015.

fap functional area programme

Programi i Zonave Funksionale

Në vazhdimësinë e punës së nisur me zonat funksionale, gjatë muajit korrik, specialistë të dldp kanë punuar me tetë zona funksionale në nëntë njësi të reja vendore duke përgatitur Programet e Zonave Funksionale (PZF). PZF përfshijnë pjesën e analizës ekonomike, të shërbimet publike kyçe dhe të qeverisjes vendore. Është bërë përzgjedhja e projekteve prioritare në tetë zonat funksionale. Këto projektet prioritare të ZF janë shpërndarë përmes fushatave publike dhe janë vlerësuar nga publiku i gjerë, por edhe nga grupe interesi dhe bisnesi lokal. Përmes një varg kriteresh, projektet u vlerësuan edhe nga një grup ekspertësh lokal, dhe shumatorja e gjithë vlerësimeve shërbeu për listimin e projekteve. Gjatë fazës së tretë, dldp ka përcaktuar një buxhet prej rreth 1 milion Euro për të mbështetur skemën tradicionale të fondeve grant. Ky fond është i hapur për të nëntë njësitë e qeverisjes vendore që morën pjesë në përgatitjen e Programit të Zonës Funksionale. Për të parapërgatitur dhënien e fondeve specialistë të dldp kanë zhvilluar gjatë muajit shtator takime me kryetarët dhe stafin e tij teknik në bashkitë që kanë përfituar nga PZF, siç janë: bashkia Durrës, Shijak, Dibër, Kukës, Tropojë, Klos dhe Mat. Nga pesë

projektet e përzgjedhura si më të mira nga votimi publik (grupe ekspertësh, këshilltarët, bisneset, qytetarët), dldp do mbështesë financimim e një projekti me një buxhet maksimal prej 100.000 Euro. Projekti i përzgjedhur duhet të shërbejë në përmirësimin e shërbimeve publike dhe rritje së kohezionit mes njësive admnistrative, si pjesëtë bashkive të reja. Gjatë takimit të Qendrave të Kompetencave, më 25 shtator, në

Parimet kryesore:

Hapat kryesorë dhe afatet:

NJQV propozon projektin/et prioritar Dldp bie dakort për projektin/et e propozuar Projekt propozimi i plotë/i përgatitur Vendimi final i miratuar nga donatori Nënshkrim i marrëveshjes së financimit

seancën me njësitë vendore përfituese të fondit grant ishin të ftuar edhe organizatat partnere, të kontraktura nga dldp për të mbështetur grupet teknike të secilës bashki përfituese, për hartimin e projekt propozimit të plotë për zbatim. Marrëveshjet dypalëshe për bashkëpunim dhe financim do të firmosen brenda vitit 2015 ndërsa zbatimi i projekteve do të jetë gjatë vitit 2016.

- Në shtator 2015 bëhet përzgjedhja e projektit/et prioritar e miratuar edhe nga dldp - Në nëntor 2015 bëhet përgatitja e projekt propozimit të plotë dhe miratimi nga Ambasada Zvicerane - Brenda vitit 2015 bëhet nënshkrimi i marrëveshjes së financimit - Brenda vitit 2016 bëhet prokurimi, zbatimi dhe raportimi

- Fondi i grantit do të mbështesë çdo NJQV pjesëmarrëse në PZF me së paku një projekt. Dldp do bashkëfinancojë deri në 100.00 Euro për NJQV. NJQV bie dakort të bashkëfinancojë të paktën 20% të buxhetit për projektit/et. - NJQV propozon projektin që do financohet. Këto projekte janë pjesë e PZF e të listuara në pesë projektet më të mira. Projektet propozohen nga kryetarët dhe administrata e tyre, ndërsa miratimi jepet nga Këshillat lokalë përmes angazhimit me projektet e bashkëfinancuara. - Dldp do të ofrojë asistencë teknike për menaxhimin e projekteve dhe për NJQV që të zhvillojnë një projekt propozim të plotë. - Procesi i vendim marrjes do bazohet në një proces të dokumentuar negociatash të udhëhequra nga rregulla të thjeshta e të pranueshme nga të dyja palët. - Dldp do të mbështesë NJQV (nëse duhet) të financojë përgatitjen e projektit (siç është studimi i fizibilitetit, planet menaxhuese, planet detajuese, qëndrueshmëria, plan bisneset). Kostot e asistencës teknike gjatë zbatimit të projektit janë të pranueshme.

Konstituimi i Qendrave të Kompetencës për vitin 2015-2017 Qendrat e Kompetencës si një instrument i rëndësishëm i programit dldp për të shpërndarë njohuritë e zhvilluara, për të konsultuar produkte dhe shkëmbyer përvoja, mblodhi së bashku në një tryezë konsultuese eskper tët e angazhuar nga administratat vendore në fushën e planifikimit strategjik dhe financiar, aksesimit dhe menaxhimit të fondeve përmes projekteve, shërbimeve publike dhe administrative si dhe 22 gra anëtare të këshillave bashkiake të bashkive, pjesëtare të Rrjetit të Grave në Politikë, përfaqësues të organizatave partnere të dldp dhe ministrive të linjës. Duke qenë se Ministri i Shtetit për Çështjet Vendore, z. Bledi Çuçi, sapo ka bërë shpërndarjen e draftit të ligjit për “Organizimin dhe Funksionimin e Qeverisjes Vendore”, pjesëmarrësit diskutuan tematikisht mbi këtë projekt-ligj, duke u përqendruar te risitë që sjell Projekt Ligji për pushtetin vendor dhe mundësitë për përmirësim. Në sesionin e parë, dldp ftoi disa prej ekspertëve që kanë punuar për hartimin e këtij drafti, ose që kanë marrë pjesë në tryezat konsultuese, të paraqesin pikëpamjet e tyre, veçoritë, rekomandimet për përmirësim dhe pse jo edhe vërejtjet apo çështjet për diskutim. Znj. Albana Dhimitri, eksperte e qeverisjes vendore prezantoi kuadrin e përgjithshëm dhe risitë e këtij projekt ligji duke bërë një përmbledhje të nevojës, situatës dhe hapat e bërë për ndryshimet e ndodhura duke theksuar miratimin e një ligji organik, i cili do të vendosë kuadrin e ri normativ për organizimin dhe funksionimin e qeverisjes vendore. Znj. Saemira Pino (Gjipali), eksperte e çështjeve të së drejtës dhe barazisë gjinore, trajtoi Projektligjin nga këndvështrimi gjinor duke theksuar se projekt-ligji garanton barazinë nga

pikëpamja ligjore, por në kushtet kur diskriminimi gjinor ekziston legjislacioni duhet të synojë dhe të nxisë realisht barazinë gjinore në struktura dhe pjesëmarrjen e grave në jetën publike. Ajo theksoi se duhen kthyer në ligj përvojat pozitive të OJFve mbështetur nga organizatat ndërkombëtare në ngushtimin e dallimeve gjinore e veçanërisht në promovimin e barazisë gjinore në nivel vendor, siç janë: fuqizimi i rolit të këshilltareve, buxhetimi gjinor dhe analiza gjinore, rritja e kapaciteteve të administratës vendore dhe të tjera. Z. Fran Brahimi, eskpert i financave publike, shqyrtoi implikimet për financat vendore në draft- ligjin “Për organizimin dhe funksionimin e qeverisjes vendore” duke u ndalur më gjatë te risitë që sjell si: materializimi i auditimit të brendshëm duke krijuar Komisionin e Financave si auditues i brendshëm i bashkisë, çështja e formulës, transfertave, dhe të drejtën e vendosjes së nivelit të taksave e tarifave, mënyrën e llogaritjes, mbledhjes dhe administrimit të tyre brenda kufijve dhe sipas kritereve të përcaktuara në ligj etj. Ndërsa z. Eduart Cani, ekspert i shërbimeve publike, e trajtoi ligjin e ri organik në

k u a d ë r t ë s h ë r b i m e ve p u b l i ke, specifikisht në sektorin e mbetjeve urbane, e veçanërisht risitë që sjell ky draft-ligj, siç janë: parimi i shumëllojshmërisë së mënyrës në kryerjen e shërbimeve duke filluar nga kryerja nëpërmjet strukturave të brendshme të vetë bashkisë deri tek modalitetet e partneritetit publik-privat, sanksionimi i detyrimit për të hartuar standarde të menaxhimit të performancës për secilin nga shërbimet publike dhe detyrimin për monitorimin e tyre, më shumë të drejta bashkive duke i dhënë liri veprimi përtej sanksionimeve në nivel Qarku, etj. Puna e Qendrave të Kompetencës vazhdoi në sesione paralele të ndara sipas tematikave, ku anëtarët në prani edhe të ekspertëve të dldp-së patën mundësi të shprehin përvojat dhe rekomandimet e tyre mbi çështje të menaxhimit të mbetjeve, të financave, të aksesimit të fondeve, dhe të çështjeve gjinore në kuadër të ligjit të ri organik. Risi e këtij takimi ishte edhe formimi i Qendrës së Kompetencës me pjesëmarrjen e Rrjetit të Grave në Politikë, si një mundësi më tepër për forcimin e rolit të këshilltareve në bashkitë ku ato veprojnë.

Titulli i Projektit

Programi për Decentralizim dhe Zhvillim Lokal (dldp) në Veri të Shqipërisë Financues: Qeveria e Zvicrës përmes SDC Zyra e Koperacionit Zviceran

Partnerët në nivel lokal: Bashkitë dhe Komunat në Shkodër, Lezhë, Dibër, Kukës, Durrës

Kohështrirja (Faza III) 01.01.2014 -31.12.2017

Partnerët në nivel kombëtar: Ministri i Shtetit për Çështje vendore, Ministria e Financës, Ministri i Shtetit për Inovacion dhe Administratën Publike, Ministria e Mjedisit, Ministria e Integrimit Europian, Ministria e Zhvillimit Urban, Ministria e Transportit dhe Infrastrukturës dhe Agjenci të tjera kombëtare

Vendi: Shqipëri Zona e ndërhyrjes: • Veriu i Shqipërisë (lokale) • Niveli kombëtar

Programe/organizata të tjera partnere: KE, PLGP/USAID, STAR/UNDP

S Z1N

Adresa: Rr. "Ibrahim Rugova", Ndërtesa e PLUS-it, Kati i 2-të/ Nr. 3. 1001 | Tirana | Shqipëri Tel fiks +355 (42) 269225 Rr. Oso Kuka, Nr. 11 4001 | Shkodër | Shqipëri Tel fiks +355 (222) 50 247 Websites: dldp.al km.dldp.al youtube.com/dldpalbania facebook.com/dldp.al twitter.com/dldpalbania

SISTEMI I ntegruar I ZYRËS ME 1 NDALESË

fap functional area programme

Intervista me anëtarët e Qendrave të Kompetencave Pas takimit të Qendrave të Kompetencave të mbajtur më datë 25 shtator në Tiranë, dldp zhvilloi disa intervista me anëtarë të sesioneve të ndryshme të Qendrave të Kompetencave, për të marrë përshtypjet e tyre rreth kësaj platforme. Për të vlerësuar çfarë përfitimesh dhe sa vlerë ka ky organizim për profesionin e tyre, sa dhe si ndikon gjatë punës dhe sa e kënaqshme ka qenë përvoja e tyre gjatë një viti angazhimi në Qendrat e Kompetencës.

Behar Ademi Departamenti i Shërbimeve Publike Bashkia Pukë -Si anëtar i Qendrës për shërbimet publike dhe administrative, specifikisht menaxhimi i mbetjeve urbane, mendoj se kam patur rritje në kapacatitetet menaxhuese në këtë fushë në shërbim të komunitetit, jam njohur më afër me problematika të tjera analoge dhe mundësitë e dhënies së zgjidhjes përmes diskutimeve me ekspertë të fushës. Po ashtu me interes kanë qenë edhe vizitat studimore duke u njohur edhe me përvojat e të tjerëve, por kam patur edhe mundësinë të ndajë me kolegë dhe ekspertë probleme specifike të bashkisë Pukë në fushën e menaxhimit të mbetjeve Nëpërmjet takimeve të organizuara nga Qendra e Kompetencës, kam ndjerë një përmirësim të dukshëm të punës organizative, teknike, dhe njohjes së kuadrit ligjor duke u orientuar drejt standardeve të kërkuara. Sinqerisht përgëzoj programin dldp për këtë iniciativë të krijimit të Qendrave të Kompetencave, si një mundësi e hapur për të gjithë, por në veçanti për ekspertët e administratave vendore.

Hasan Çuka Drejtor i Planifikimit e Zhvillimit të Territorit dhe Investimeve Bashkia Tropojë.

Çeljeta Saraçi Përgjegjëse e Departamentit të Financave Bashkia Dibër

-Si bashki kemi kemi realizuar përmes kësaj Qendre projekte të ndryshme, ku më kryesori është ai i Zonave Funksionale, që do ti shërbejë bashkisë Tropojë në të ardhmen për hartimin e projekteve.

-Kam përfituar mjaft nga tematikat e përzgjedhura dhe mënyra konkrete e trajtimit të problemeve si dhe rekomandimet për zgjidhjen e tyre, por dhe mundësitë për diskutime të mëtejshme edhe në sesionet e ardhshme për çështje të patrajtuara plotësisht. Na ndihmon të mirëfunksionojmë si grup i Qendrës së Kompetencës edhe ruajtja e kontakteve mes anëtarëve, por edhe me ekspertë të dldp-së dhe me ofruesit e shërbimeve duke shkëmbyer informacion dhe përvojat tona më të mira edhe gjatë trajnimeve e seminareve të ndryshme që dldp organizon. Mendoj që me këmbënguljen e dldp-së dhe bashkëpunimit të ngushtë me organet vendimmarrëse, udhëzimet e manualet e konsultuara me dldp të bëhen të zbatueshme në procesin e punës së një NJQV, në të ardhmen e afërt.

Por edhe personalisht dhe profesionalisht më ka ndihmuar të kuptoj dhe realizoj hartimin e një projekti përmes modeleve/standardeve mjaft të qarta të dhëna nga ekspertë të dldp. Është një përvojë shumë pozitive, si nga kontaktet me kolegë të tjerë deri te mënyra e organizimit të takimeve, ndjekja dhe realizimi i projekteve dhe pasurimi i përvojës sime profesionale.

Nirvana Lekaj Anëtare e Këshillit bashkiak Shkodër -Duke qenë se Rrjeti i Grave në Politikë krijoi Qendrën e Kompetencës përmes organizimit të dldp-së kjo platformë do të ndihmojë shumë këshilltaret, sidomos këshilltaret e reja duke i njohur më mirë me kompetencat, të drejtat dhe detyrimet e tyre ligjore. Qendra e Kompetencës do të shërbejë si një mbështetje e fortë me ekspertizën specifike që ofron, por edhe si nje urë lidhëse për të shkëmbyer përvojat pozitive me këshilltaret e bashkive të tjera. Një nga prioritetete Rrjetit të Grave në Politikë është edhe buxhetimi gjinor për vitin 2016 e në vazhdim. Me shtrirjen e re gjeografike të Bashkisë Shkodër, problemet sociale dhe ekonomike janë shtuar ndaj edhe përfshirja e grave të zonave rurale në projekte për zhvillimin e tyre social-ekonomik do të jetë një tjetër prioritet i këtij rrjeti.