Buletini Informativ nr. 5 - Janar-Mars 2016 by dldp albania

Buletin Informativ Dldp synon përmes këtij Buletini informativ të përcjellë tek lexuesi arritjet kryesore të çdo tremujori si dhe aktivitetet kryesore të planifikuara në tremujorin e ardhshëm. Ky format pasuron edhe më tej mënyrat e përcjelljes së informacionit përmes faqes sonë në internet.

PËRMBAJTJA 1 Takimi i parë i Komitetit Drejtues për dldp në vitin 2016 2 Projektet e mbështetura nga Fondi Grant i dldp 3 Dldp vazhdon punën mbi Ligjin e ri të Financave Vendore 3 Zhvillimi i Strategjive Territoriale 4 Zyrat e integruara me një ndalesë, histori suksesi! 4 Aktivitete kryesore të organizuara nga dldp përgjatë tremujorit të parë të 2016

EDICIONI I PESTË

JANAR-MARS 2016

Takimi i parë i Komitetit Drejtues për dldp në vitin 2016 dldp do të kontribuojë në të ardhmen për fazën e konsolidimit të bashkive përmes skemës së fondit grant dhe sigurimin e qëndrueshmërisë së rezultateve Komiteti Drejtues i dldp, si një prej strukturave më të larta të këtij programi për bashkëpunim dhe menaxhim, u organizua më 13 janar, si takimi i parë për vitin 2016. Pjesëmarrës në këtë takim ishin përfaqësues nga Ambasada Zvicerane, qeverisja qendrore, programe të tjera dhe bashkitë partnere. Takimi bashkëdrejtohej nga Ambasadori zviceran, z. Christoph Graf dhe përfaqësuesja nga zyra e Kryeministrit, znj. Lorena Goxhobelli. Ministrja e Inovacionit dhe Administratës Publike, znj. Milena Harito, zv/ministrja e Mjedisit, znj. Olijana Ifti ishin gjithashtu të pranishëm në takim. Në fjalimin hapës, Ambasadori zviceran theksoi që bashkëpunimi i bashkive dhe institucioneve qendrore me dldp është shumë i vlerësuar sepse roli i dldp ka qenë shumë aktiv në kontekst të një numri reformash që po zhvillohen në këtë kohë në Shqipëri. Dldp ka mbështetur NjQV-të në 5 qarqe të Veriut të Shqipërisë si dhe ministritë e linjës dhe institucionet kombëtare, duke shërbyer edhe si një platformë shkëmbimi mes nivelit vendor dhe atij qendror. Puna e dldp u vlerësua edhe nga këshilltarja e kryeministrit Goxhobelli, e cila e nxiti dldp ta vazhdojë punën në nivel vendor në mbështetjen tij për t'u konsoliduar pas zbatimit të Reformës Territoriale dhe Administrative. Znj. Milena Harito, ministrja e Inovacionit dhe Administratës Publike, e përshëndeti punën e dldp, veçanërisht në dy drejtime kryesore: për bashkëpunimin shumë të mirë me ASPA-n për ndërtimin e kapaciteteve të qeverive vendore dhe për kuptim të mirë të angazhimit në shërbimet publike për qytetarët, ku pritet një qasje e përbashkët. Roli i dldp në ndikimin e nivelit kombëtar dhe reformave të ndërmarra nga Qeveria e Shqipërisë u nxor në pah nga znj. Oriana Arapi, kreu i Njësisë së Planifikimit Strategjik në Departamentit e Zhvillimit të Planifikimit, Financimit dhe Ndihmave të Huaja. Roli i nivelit vendor në zhvillimin rajonal shihet si shumë i rëndësishëm nga Qeveria e Shqipërisë. Falë mbështetjes së dldp, ekipi që punon për reformën e zhvillimit rajonal pati shansin të kuptonte përvojën zvicerane në këtë drejtim. Kjo është arsyeja pse kontributi i dldp në zhvillimin rajonal gjykohet si shumë i rëndësishëm dhe programi ftohet të jetë aktiv në këtë fushë. Znj. Valbona Karakaçi, Menaxherja e Programit të dldp, prezantoi ndryshimet kryesore në dokumentet e programit, që janë rezultat i Procesit të Rishikimt Afatmesëm (PRA), ndërmarrë nga SDC-ja në dhjetor 2015. PRA analizoi arritjet e dldp në dy vitet e para dhe parashtroi rishikimet e nevojshme për t'u bërë në dokumentet kryesore të programeve. Diskutimet kryesore gjatë takimit u hapën nga z. Enea Hoti, këshilltar i Ministrit të Shtetit për Çështjet Vendore, i cili tha se dldp ka hapur rrugën drejt përballjes me sfidat e reformave të rëndësishme ndërmarrë nga qeveria. Lidhur me shërbimet ndaj qytetarëve duhet të jetë e qartë një qasje e dyanshme:

shërbimet administrative dhe shërbimet utilitare. Ka tre modele të Zyrave të Integruara me Një Ndalesë të përgatitura, por ende mbesin sfida të konsolidimit të shërbimeve publike. Përgëzime të veçanta u dhanë prej tij për ndihmesën e parashikuar për procesin e përgatitjes së ligjit mbi financat vendore si dhe rishikimin e paketës fiskale. Z. Fran Brahimi, nga Ministria e Financave, e vlerësoi bashkëpunimin me dldp. Qeveria e Shqipërisë së shpejti do të fillojë përgatitjen e ligjit mbi financat vendore, kështu që jemi në kohë për një diskutim gjithëpërfshirës të skemave të financimit për nivelin vendor. Me dldp kemi vendosur një bashkëpunim të mirë në kornizën e përgatitjes së buxheteve vjetore dhe afat-shkurta të NjQV-ve. Ligji organik i buxhetit do të miratohet brenda tremujorit të parë. Znj. Olijana Ifti nga Ministria e Mjedisit e falenderoi programin për mbështetjen dhe bashkëpunimin. Sektori i mbetjeve është shumë i rëndësishëm për dldp dhe krejtësisht relevant në këtë drejtim. Programi dhe ministria janë pajtuar mbi çështje të tilla si trajnimi dhe ndërtimi i kapaciteteve, dhe do të bashkëpunojnë sa i përket nismave ligjore. Ne do ta vlerësonim orientimin e programit nga ndërtimi i landfilleve ose mbyllja e gropave të plehrave. Znj. Voltana Ademi nga Bashkia e Shkodrës ka punuar për një kohë të gjatë me programin dhe ka përfituar shumë prej tij. Ajo theksoi si shumë të rëndësishme zotërimin nga NjQV-të dhe praktikues të instrumentave të ndryshëm zhvilluar nga dldp. Është gjithashtu shumë e rëndësishme të sigurohet një integrim i instrumentave të tillë me instrumentet e krijuar nga niveli qendror dhe donatorët. Mund të jetë e këshillueshme të mos theksohet rëndësia e një standardi apo instrumenti të vetëm në territor, por të krijohen kushtet e duhura për integrimin e instrumenteve dhe standardeve të tilla, bazuar në kornizën ligjore. Znj. Aida Martiro nga Ministria e Zhvillimit Urban e vlerësoi bashkëpunimin e mirë me dldp në sektorin e mbetjeve. Kjo ministri ka krijuar një hartë dixhitale të vendeve të mbetjeve dhe është e nevojshme që niveli vendor të jetë i informuar për këtë gjë. Valbona Karakaçi mori fjalën dhe trajtoi disa nga komentet e bëra gjatë diskutimeve, siç janë: se dldp do të angazhohet në vitin 2016 në monitorimin e funksioneve të reja; dldp pranon që vendi është në një fazë të

ndërmjetme, veçanërisht nga pikëpamja institucionale. Kjo e ka bërë programin të jetë i kujdesshëm sa i përket përkufizimit të standardeve pa pasur qartësi në lidhje me financat vendore. Standardet mund të vendosen dhe ne kemi avancuar mjaft mirë sa i përket shërbimeve administrative, ku kostimi është i mundshëm. Dldp gjithashtu ka miratuar qasjen me shërbimet administrative dhe ato komunitare. Sa i përket shërbimeve utilitare (referuar si shërbimi i mbetjeve) ka vështirësi për shkak të faktit se një numër reformash e bëjnë të vështirë miratimin e një standardi. Ne do të punojmë me standardet por konsolidimi do të merret parasysh në një fazë tjetër. Sa i përket financimit IPA, dldp ka qenë i pari që ka mbështetur një komunë për të aksesuar IPA/CBC. Kontributi i mëtejshëm në këtë drejtim do të jetë të konsolidojë ciklin e financimit vendor që sjell IPA; planifikim përmes programeve dhe Programit të Zonave Funksionale që gjeneron projekte; asistencë në MCP rrit kapacitetet për akses në IPA. Znj. Deborah Kern theksoi që komentet e pjesëmarrësve tregojnë që është vendosur një bashkëpunim i mirë me dldp. SDC tashmë ka miratuar skemën e granteve për projektet që janë përzgjedhur përmes një procesi pjesëmarrës (qytetarë dhe teknicienë) në kornizën e Programit të Zonave Funksionale (PZF). Sa i përket çështjes së ngritur në lidhje me përfshirjen e dldp me standardet ne do të nxisim rishikimin e kornizës së dldp për ta trajtuar sa më mirë këtë çështje. Mbledhja e Komitetit Drejtues u mbyll me miratimin e Raportit të dldp mbi arritjet deri në dhjetor 2015 si dhe me Planin Vjetor të Veprimit për vitin 2016. Si komente përmbyllëse, z. Graf parashtroi pikat kryesore që të gjithë anëtarët kishin rënë dakord që dldp do të kontribuojë në të ardhmen për fazën e konsolidimit të bashkive përmes skemës së fondit grant dhe mbështetjes; qëndrueshmëria e rezultateve është shumë e rëndësishme dhe arritjet e dldp; zhvillim i mëtejshëm dhe thellim i praktikave të mira në kornizën e zbatimit të strategjisë së decentralizimit; rritje e dialogut në nivel kkombëtar, duke iu referuar kryesisht financimit dhe zhvillimit rajonal. Duhet të ketë një atmosferë të një fryme të shkëlqyer par tneriteti dhe qasje pjesëmarrëse të programit në strategjitë e ndërhyrjeve në të ardhmen.

Projektet e mbështetura nga Fondi Grant i dldp Në kuadër të bashkëpunimit me njësitë partnere të dldp janë nënshkruar gjatë tremujorit të parë të këtij viti 7 marrëveshje për financim të projekteve të cilësuara si prioritare nga bashkitë partnere të dldp. Përmbledhtas projektet e bashkëfinancuara nga dldp përmes fondit Grant dhe buxheti i Bashkisë përkatëse janë: 1. Titulli i projektit: “Fuqizimi i sistemit të menaxhimit të mbetjeve në Bashkinë Peshkopi”, Qarku Dibër. Vendndodhja: Qyteti i Peshkopisë, njësitë administrative Maqellarë, Melan dhe Tomin, si dhe me një shtrirje në zonat me rëndësi turistike të tilla si Muhurr, Arras, Kastriot dhe Kala e Dodës. Qëllimi i investimit: Projekti do të kontribuojë në përmirësimi dhe rritjen e cilësisë së ofrimit të shërbimeve publike duke bërë që Dibra të jetë një vend i pastër dhe i shëndetshëm. Përfitues të drejtëpërdrejtë nga projekti: Banorëve të zonës (do përfitojne afërsisht 80 % e banorëve të Dibrës e 78 % e familjeve). Bizneset (1.344 biznese, nga të cilat 1.018 në njësinë bashkiake Peshkopi). Institucionet (50 të tilla ku përfshihen institucionet në varësi të ministrive të linjës, qendra shëndetësore, NJQV, etj., me rreth 3249 punonjës dhe 44 shkolla). Buxheti i projektit: 25.000 € Bashkia Peshkopi; 100.000 € DLDP

3. Titulli i projektit: “Zyra me Një Ndalesë në Bashkinë Klos”, Qarku Dibër. Vendndodhja: Qyteti Klos dhe 4 njësitë administrative të saj: Klos, Suc, Gure, dhe Xibër. Qëllimi i investimit: Qëllimi kryesorë i këtij projekti është që kontribojë në përmirësimin e cilësisë së shërbimeve ndaj qytetarëve dhe në komunikimin sa më të mirë mes qeverisjes lokale dhe qytetarëve. Përfitues të drejtëpërdrejtë nga projekti: 20,208 banorët e Klosit dhe sidomos 10,380 banorët e zonës rurale në këtë njësi vendore. 236 bizneset e regjistruara dhe mbi 340 biznese të tjera informale do të mundësojnë aplikimin për licenca dhe leje. Buxheti i projektit: 25,000 € Bashkia Klos; 100,000 € DLDP

5. Titulli i projektit: “Zyra me Një Ndalesë në Bashkinë Mat”, Qarku Dibër

2. Titulli i projektit: “Rindërtimi i urës që lidh fshatin Jubë dhe Rrushkull” në Bashkinë Durrës, Qarku Durrës. Vendndodhja: Njësia Katundi i Ri fshati Jubë me njësinë Sukth, fshati Rrushkull. Qëllimi i investimit: Projekti do të kontribuojë në përmirësimi i cilësisë së jetesës së banorëve të fshatrave Jubë dhe Rrushkull. Kjo do të mundësohet nga lidhja e vijës bregdetare në të gjithë gjatësinë, në pjesën veriore të Bashkisë Durrës dhe në vazhdimësi si dhe zhvillimit të infrastrukturës në këtë vijë bregdetare me karakter turistik dhe bujqësor. Përfitues të drejtëpërdrejtë nga projekti: 18,000 banorë të fshatrave Jubë dhe Rrushkull. Bizneset dhe fermerët e këtyre fshatrave. Shtresat vulnerabël si gra, fëmijë, të moshuar etj. të cilët përdorin urën për nevojat e tyre. Buxheti i projektit: 37.500 € Bashkia Durrës; 150.000 € DLDP

4. Titulli i projektit: “Rikonstruksioni i Qendrës Sociale në Kukës”, Qarku Kukës. Vendndodhja: Qyteti Kukës, pranë qendrës së qytetit. Qëllimi i investimit: Përmirësimi i cilësisë së jetës së grupeve vunerable në territorin e Bashkisë Kukës duke u ofruar një shërbim cilësor dhe me standarte nëpërmjet përmirësimit të dukshëm të qendrës sociale dhe infrastrukturës. Përfitues të drejtëpërdrejtë nga projekti: Fëmijët dhe të rinj më aftësi të kufizuara. Gratë viktima të dhunës dhe trafikimit. Të moshuar të vetmuar dhe të braktisur. Buxheti i projektit: 25,000 € Bashkia Kukës; 100,000 € DLDP

6. Titulli i projektit: “Rikualifikim urban i qendrës së qytetit Bajram Curri dhe ndërtimi i tregut të punimeve artizanale” në Bashkinë Tropojë, Qarku Kukës.

Vendndodhja: Bashkia Mat dhe 7 njësitë administrative të saj: Lis, Bazë, Ulës, Rukaj, Derjan, Komsi, dhe Macukull.

Vendndodhja: Lagjja “28 Gushti”, Bajram Curri, Bashkia Tropojë.

Qëllimi i investimit: Qëllimi kryesorë i këtij projekti është që kontribojë në përmirësimin e cilësisë së shërbimeve ndaj qytetarëve dhe në komunikimin sa më të mirë mes qeverisjes lokale dhe qytetarëve.

Qëllimi i investimit: Projekti do të kontribuojë në përmirësimi dhe rritjen e cilësisë së ofrimit të shërbimeve publike dhe infrastrukturës fizike dhe sociale në të gjithë territorin e Bashkisë Tropojë.

Përfitues të drejtëpërdrejtë nga projekti: 38,463 banorët e Matit dhe sidomos 22,380 banorët e zonës rurale në këtë njësi vendore do të përfitojnë direkt nga ky projekt, pasi do të marrin shërbime në kohë dhe online. 896 bizneset e regjistruara dhe mbi 640 biznese të tjera informale do të mundësojnë aplikimin për licenca dhe leje.

Përfitues të drejtëpërdrejtë nga projekti: 1,980 banorë të lagjes “28 Gushti”, ose 473 familje të qytetit Bajram Curri (ose më shumë se 25% e banorëve dhe familjeve të qytetit) Rreth 450 gra shtëpiake, 300 fëmijë dhe të rinj (deri në 18 vjeç), 143 të moshuar. 320 prodhues dhe tregtues të prodhimeve artizanale nga qyteti dhe Njësitë Administrative të Tropojës.

Buxheti i projektit: 25,000 € Bashkia Mat; 100,000 € DLDP Buxheti i projektit: 25.000 € Bashkia Tropojë; 100.000 € DLDP

7. Titulli i projektit: “Zyra me Një Ndalesë në Bashkinë Vau Dejës”, Bashkia Shkodër, Qarku Shkodër. Vendndodhja: Bashkia Vau Dejës dhe 6 njësitë administrative të saj: Vau Dejës, Bushat, Vig-Mnelë, Hajmel, Temal, dhe Shllak. Qëllimi i investimit: Qëllimi kryesorë i këtij projekti është që kontribojë në përmirësimin e cilësisë së shërbimeve ndaj qytetarëve dhe në komunikimin sa më të mirë mes qeverisjes lokale dhe qytetarëve. Përfitues të drejtëpërdrejtë nga projekti: 48,966 banorët e Vau i Dejësit (sipas regjistrit te gjendjes civile), pasi do të marrin shërbime në kohë dhe online. 640 bizneset e regjistruara dhe mbi 340 biznese të tjera informale do të mundësojnë aplikimin për licenca dhe leje. Buxheti i projektit: 91,800 € Bashkia Vau Dejës; 73,900 € DLDP

Dldp vazhdon punën mbi Ligjin e ri të Financave Vendore Dldp ka përgatitur së brendshmi gjatë muajit janar 2016 përqasjen e saj ndaj një pozicionimi strategjik të programit në nivel vendor dhe kombëtar në lidhje me ndryshimet e fundit ligjore, por edhe duke iu përgjigjur kërkesave në nivel vendor. Kjo është edhe arsyeja kryesore e misionit të konsulentit zviceran Stefan Pfaeffli në lidhje me Menaxhimin e Financave Publike (MFP) i ardhur nga Universiteti i Lucernës. Objektivi kryesor i kësaj konsulence është mbështetja dhe rivalidimi i gjetjeve të dldp në nivel vendor dhe kombëtar për arsye të ndryshimeve territoriale për të siguruar një qëndrueshmëri të rezultateve të dldp dhe identifikimin e gjetjeve të reja ose forcimin e atyre aktuale. Gjatë disa ditëve të konsulencës janë mbajtur takime të ndryshme me aktorë vendorë dhe kombëtarë të përfshirë në proceset e MFP. Takimet janë organizuar me ofruesit e shërbimeve të dldp-së që të diskutohen produktet e ndryshme që janë në proces përpunimi e për të siguruar edhe të dhëna nga praktika të mira ndërkombëtare të zbatueshme për kontekstin e Shqipërisë. Janë mbajtur dy workshope për të diskutuar mbi ligjin e ri të financave vendore dhe alokimin e funksioneve me praninë e ekspertëve nga Ministria e Financave, Ministria e Shtetit për Çështjet Vendore dhe nga ministri të tjera të linjës, me organizata dhe programe të donatorëve dhe aktorë të tjerë vendorë dhe kombëtarë të përfshirë në MFP. Gjatë misionit u bë e mundur edhe pjesëmarrja në workshopin ndërkombëtar për “Praktikat më të mira në Legjislacionin e Financave të Qeverisjes Vendore: Përvoja e EES dhe Sfidat në Shqipëri” e organizuar nga NALAS dhe programi PLGP i USAID, që mblodhi së bashku zyrtarët e zgjedhur shqiptarë, politikëbërës, dhe përfaqësues të shoqatave me homologët e tyre nga vendet e përzgjedhura të rajonit përfshi Maqedoninë, Kosovën, Malin e Zi, Serbinë, Bullgarinë dhe Bosnjë Hercegovinën. Në këtë takim ekspertë të financave të bashkive të zgjedhura nga shoqatat anëtare të NALAS diskutuan me homologët e tyre shqiptarë mbi dobësitë dhe anët pozitive të ligjit të financave të qeverisjes vendore. Ky takim i ofroi zyrtarëve shqiptarë të nivelit vendor dhe kombëtar njohuri të thella krahasuese sesi çështje kyçe të financave vendore janë zgjidhur në vende të tjera dhe me informacion se cila prej këtyre zgjidhjeve ka funksionuar më mirë. Takimi gjithashtu ndihmoi Ministrinë e Financave dhe atë të Çështjeve Vendore në sigurimin e detajeve për Projekt Ligjin si dhe sigurimin e informacioneve krahasuese mbi strukturën dhe përmbajtjen e ligjeve të financave të qeverisë vendore. Gjatë dy ditëve të takimit dldp pati mundësi të paraqesë edhe rezultatet e takimeve të mëparshme mbi ligjin e financave vendore dhe alokimin e funksioneve.

Zhvillimi i Strategjive Territoriale Në kuadër të Programeve të Zonave Funksionave (PZF) të zhvilluara nga dldp gjatë vitit 2015 për 9 bashki, janë identifikuar gjithashtu edhe një listë projektesh për rritjen e zhvillimit ekonomik, optimizimin e shërbimeve dhe skemës organizative. Bashkitë e riformësuara pas Reformës Territoriale Administrative duhej të fillonin një proces strategjik planifikimi duke iu referuar një territori të ri më të madh. Qeveria e Shqipërisë filloi procesin e përgatitjes së Planeve të Përgjithshme Vendore me synimin për të mbështetur qeverisjen vendore përmes ekspertizës ndërkombëtare dhe kombëtare. Një proces i tillë realizohet përmes një përqasjeje me dy faza, ku së pari synohej adresimi i një grupi bashkish me “rezultate të shpejta” i përbërë nga 26 bashki për të vazhduar më vonë me një grup bashkish me “rezultate të ngadalta”. Bashkitë që janë partnere të dldp dhe që tashmë kanë dokumentin e PZF përfshihen në të dyja grupet. Në këtë mënyrë dldp filloi që në 2015 procesin e trasformimit nga dokumente të PZF në Strategji Territoriale për 5 bashki pjesë të grupit “rezultate të shpejta”. Procesi ka qenë i koordinuar shumë mirë me Ministrinë e Zhvillimit Urban dhe Agjencinë Kombëtare të Planifikimit të Territorit (AKPT). Dokumentet e Strategjisë së Territorit për Bashkitë Durrës, Shijak, Dibër, Kukës dhe Lezhë janë finalizuar gjatë muajve janar dhe shkurt 2015. Dldp ka asistuar këto bashki edhe gjatë konsultimeve të tyre publike për Strategjitë e Territorit. Në të gjitha këto 5 bashki gjatë konsultimeve publike janë përfshirë ekspertë të bashkive, ekspertë nga agjencitë e dekoncentruara dhe institucione të tjera, shoqata të prodhuesve, anëtarë të organizatave të shoqërisë civile, qytetarë dhe ekspertë të pavarur për fushat respektive. Strategjitë Territoriale të përpunuara i janë dorëzuar çdo bashkie nga AKPT për përdorim të mëtejshëm gjatë procesit të përgatitjes së Planeve të Përgjithshme Vendore. Një përqasje e njëjtë do të përdoret nga dldp për 4 bashkitë e tjera të cilat i përkasin grupit të “rezultateve të ngadalta”. Dldp do të mbështesë përgatitjen e Strategjive Territoriale për Bashkitë Malësi e Madhe, Tropojë, Klos and Mat. Dldp do të përpunojë më tej dokumentet e Strategjive Territoriale duke i lidhur ato me procesin e buxhetimit. Meqë Strategjitë Territoriale shërbejnë si një mjet i planifikimit strategjik, ato sigurojnë një varg ndërhyrjesh të cilat kërkojnë mjete financiare në mënyrë që të jenë të zbatueshme. Dldp ka mbështetur në vazhdimësi bashkitë partnere në procesin e buxhetimit, duke siguruar mbështetjen e saj në zhvillimin e disa përbërësve të ndryshëm të buxhetit, paketave fiskale, platformave të komunikimit për pjesëmarrje publike si dhe për platforma të përbashkëta me Ministrinë e Financave për një të kuptuar më të mirë të kuadrit rregullator. Në lidhje me këtë, ndërhyrja e dldp plotësohet duke lidhur përmbajtjen e Strategjive Territoriale me komponentin financiar dhe sigurimin e fisibilitetit dhe zbatimin e vizionit dhe objektivave të bashkive. Komponenti financiar shtrihet në një plan nga tre në katër vite, përmes përgatitjes së Buxhetit Afat Mesëm, duke siguruar qëndrueshmërinë e ndërhyrjeve si dhe transparencën dhe përgjegjësinë e bashkive kundrejt qytetarëve të tyre. Procesi do të fillojë në prill për 9 bashki, ku 5 prej tyre e kanë zhvilluar tashmë dokumentin e Strategjisë Territoriale, ndërkohë për 4 bashkitë e tjera procesi do të nisë paralelisht, me përgatitjen e Strategjisë Territoriale.

Titulli i Projektit

Programi për Decentralizim dhe Zhvillim Lokal (dldp) në Veri të Shqipërisë Financues: Qeveria e Zvicrës përmes SDC Zyra e Koperacionit Zviceran

Partnerët në nivel lokal: Bashkitë dhe Komunat në Shkodër, Lezhë, Dibër, Kukës, Durrës

Kohështrirja (Faza III) 01.01.2014 -31.12.2017

Partnerët në nivel kombëtar: Ministria e Shtetit dhe Çështjeve lokale, Ministria e Financës, Ministria e Shtetit për Inovacion dhe Administratën Publike, Ministria e Mjedisit, Ministria e Integrimit Europian, Ministria e Turizimit dhe Zhvillimit Urban, Ministria e Transportit dhe Infrastrukturës dhe Agjenci të tjera kombëtare

Vendi: Shqipëri Zona e ndërhyrjes: • Veriu i Shqipërisë (lokale) • Niveli kombëtar Personeli: Manaxher programi (Valbona Karakaçi) dhe 11 anëtarë stafi

Programe/organizata të tjera partnere: KE, USAID/PLGP, UNDP/STAR

S Z1N

SISTEMI I ntegruar I ZYRËS ME 1 NDALESË

Adresa: Rr. "Ibrahim Rugova", Ndërtesa e PLUS-it, Kati i 2-të/ Nr. 3. 1001 | Tirana | Shqipëri Tel fiks +355 (42) 269225 Rr. Oso Kuka, Nr. 11 4001 | Shkodër | Shqipëri Tel fiks +355 (222) 50 247 Websites: dldp.al km.dldp.al youtube.com/dldpalbania facebook.com/dldp.al twitter.com/dldpalbania

fap functional area programme

Zyrat e integruara me një ndalesë, histori suksesi!

Aktivitete kryesore të organizuara nga dldp përgjatë tremujorit të parë të 2016

Përfaqësues të qeverisë dhe komunitetit ndërkombëtar njihen me praktikat pozitive dhe vizionin strategjik të Bashkisë Shkodër për konsolidimin e reformës territoriale.

14 Janar 2016: Prezantim i Draftit të Strategjisë së Territorit. 15 Janar 2016: Takim me Ministrinë e Financave dhe 61 bashkitë e reja për hartimin e buxhetit vendor për 2016.

Me inisiativën e Ministrit të Shtetit për Çështjet Vendore dhe praninë e Ambasadorit të Zvicrës në Shqipëri, z. Christoph Graf, grupi i donatorëve i përbërë nga përfaqësues të SDC, USAID, UNDP, PLGP, Zyrës së Bashkëpunimit të Italisë dhe Zyrës së Bashkëpunimit për Zhvillim e Ambasadës së Suedisë, zhvilloi vizitën e parë informative për prezantimin e Modelit dhe Sistemit të Integruar me Një Ndalesë (bashkisë-njësive administrative), në Bashkinë Shkodër. Ky model është një nga historitë kryesore të suksesit të qeverisjes vendore pas zbatimit të reformës territoriale. Shërbimet administrative në Bashkinë e Shkodrës ofrohen përmes sistemit të Zyrave me Një Ndalesë (Z1N), ku qytetarët mund të paraqesin kërkesat e tyre në sportelet e ngritura pranë kësaj Bashkie, për të marrë aktualisht 74 shërbime të ndryshme. Modeli është mundësuar me mbështetjen e programit dldp, i financuar nga qeveria e Zvicrës, dhe ka nisur funksionimin pilot që prej dhjetorit të vitit 2015, në qytetin e Shkodrës dhe në Njësitë Administrative Dajç dhe Velipojë, për t’u zbatuar më pas në të gjitha Njësitë Administrative të Bashkisë Shkodër. Ky instrument shërben drejtëpërdrejtë në konsolidimin e territoreve të Bashkive të reja si edhe në zhvillimin e tyre. Për këtë arsye përfaqësues të Qeverisë Shqiptare dhe të komunitetit ndërkombëtar kishin interes për të parë nga afër se si funksionojnë Zyrat e ofrimit të shërbimeve me një ndalesë, të cilat janë zhvilluar nga tre programe të qeverisjes vendore: përkatësisht Programi për Decentralizim dhe Zhvillim Vendor (dldp); Programi STAR i UNDP; dhe Programi PLGP i USAID. Modeli i zhvilluar nga programi dldp u shikua më nga afër në Bashkinë Shkodër, ku është funksionalizuar sistemi i integruar i zyrave me një ndalesë. Vizita e delegacionit nisi në Njësinë Administrative Dajç, ku u demostrua nga vet punonjësit funksionimi i Z1N, mënyrës së ofrimit të 74 shërbimeve për banorët e Dajçit dhe demostrimi i drejtëpërdrejtë i procesit të ofrimit të një shërbimi. Më pas, delegacioni u drejtua për në Bashkinë Shkodër, ku Kryetarja e Bashkisë, Zj. Voltana Ademi prezantoi përfitimet dhe rezultatet e arritura që prej vënies në funksionim të sistemit pilot, duke shprehur njëkohësisht edhe rritjen e kënaqësisë së qytetarëve në marrjen e shërbimeve administrative dhe angazhimin për ta shtrirë sistemin në të gjithë Bashkinë brenda një kohe të shkurtër.

05 Shkurt 2016: Rrjeti i Grave në Politikë zgjedh 5 Këshilltare për të ndjekur Shkollën e Studimeve Politike të KE mbështetur nga dldp. 11 Shkurt 2016: Seminar i brendshëm i dldp për hartimin e Strategjisë së Komunikimit për 2016. 12 Shkurt 2016: Ambasadori zviceran, z. Graf vizitoi njësinë administrative të Sukthit në Qarkun Durrës, ndoqi dëgjesën publike për Strategjinë e Territorit 2015-2030 për Bashkinë Durrës dhe u takua me Rrjetin e Grave në Politikë, me këshilltare dhe parlamentare të Qarkut Durrës. 16 Shkurt 2016: Zyrtarë të SDC në Shqipëri vizituan programin e dldp dhe diskutuan mbi planifikimin e buxhetit vendor për 2016 me ekspertë të Bashkisë Shkodër. 17 Shkurt 2016: Dldp bashkë-organizon dëgjesën publike për prezantimin e Strategjisë së Territorit 2015-2030 për Bashkinë Peshkopi. 18 Shkurt 2016: Grupi i Punës fillon konsultimet për hartimin e Planit të Integruar të Mbetjeve në bashkitë Lezhë, Shijak, Shkodër, Pukë dhe Dibër. 19 Shkurt 2016: Dldp bashkë-organizon dëgjesën publike për prezantimin e Strategjisë së Territorit 2015-2030 për Bashkinë Shijak. 23 Shkurt 2016: Dldp bashkë-organizon dëgjesën publike për prezantimin e Strategjisë së Territorit 2015-2030 për Bashkinë Lezhë. 26 Shkurt 2016: Dldp bashkë-organizon dëgjesën publike për prezantimin e Strategjisë së Territorit 2015-2030 për Bashkinë Kukës. 26 Shkurt 2016: Dldp organizon një seminar dyditor me Rrjetin e Grave në Politikë me këshilltaret e Qarkut Lezhë mbi ”Rolin e grave këshilltare në qeverisjen vendore dhe buxhetimin gjinor”. 29 Shkurt 2016: Menaxherja e Programit dldp merr pjesë në konferencën “Bashkëpunimi në qeverisje për zhvillimin urban gjithëpërfshirës në Evropën Juglindore” organizuar në Austria. Znj. Karakaçi ngriti çështje të zhvillimit ekonomik dhe demokracisë në nivel vendor duke lobuar për një ligj më të mirë mbi qeverisjen vendore. Kryetarja e re e Bashkisë Shkodër, znj. V. Ademi ndau përvojën e zhvilluar në partneritet me dldp mbi menaxhimin e shërbimeve dhe ndikimin e tyre në autonominë lokale. 02 Mars 2016: Mblidhet grupi i punës së dldp për zhvillimin e Ciklit të Menaxhimit të Financave Vendore për të ndihmuar në hartimin e Ligjit të ri mbi Financat Vendore. 07 Mars 2016: Takim me bizneset vendore në njësinë administrative të Velipojës për hartimin e Planit të Menaxhimit të Mbetjeve Urbane. 10 Mars 2016: Dldp merr pjesë dhe kontribuon në Rrjetin e SDC për Decentralizim dhe Zhvillim Lokal në kursin e trajnimit të fokusuar në çështje të financave vendore e organizuar në Brighton të Anglisë. 17 Mars 2016: Dldp bashkë-organizon takimin me pjesëmarrje të komuniteti kombëtar dhe ndërkombëtar për prezantimin e Strategjisë së Territorit 20152030 në Bashkinë Kukës. 25 Mars 2016: Mbahet takimi në Bashkinë Malësi e Madhe për hartimin e Planit të Menaxhimit të Mbetjeve Urbane.