Buletin Informativ EDICIONI VI-të

Buletin Informativ Dldp synon përmes këtij Buletini informativ të përcjellë tek lexuesi arritjet kryesore të çdo tremujori si dhe aktivitetet kryesore të planifikuara në tremujorin e ardhshëm.

Ky format pasuron edhe më tej mënyrat e përcjelljes së informacionit përmes faqes sonë në internet.

PËRMBAJTJA 1

Bordi Drejtues i Helvetas Swiss Intercooperation viziton programin dldp

1

Programi PSI nga Kirgiztani viziton programin dldp në Shqipëri

2 Zhvillohet takimi i radhës së Komitetit Koordinues në Shkodër

2 Zhvillohet Konferenca

Kombëtare “Menaxhimi i Mbetjeve: mësime dhe gjetje pas reformës territoriale dhe administrative”

3 Sistemi i Zyrave të Integruara Me Një Ndalesë – zbatim i suksesshëm në Shqipëri

3 Dldp kontribuon në përgatitjen e Projektligjit mbi Financat Vendore

4 Vazhdon programi I trajnimit për Administratën Publike Vendore për Menaxhimin e Financave Publike

4 Rrjeti i Grave në Politikë takohet me Ambasadorin e Zvicrës, Z. Christoph Graf

EDICIONI VI-të PRILL - QERSHOR 2016

Bordi Drejtues i Helvetas Swiss Intercooperation viziton programin dldp HELVETAS është një rrjet ndërkombëtar me organizata të pavaruara anëtare që punojnë në fushën e bashkëpunimit për zhvillim dhe ndërhyrje në rast emergjence. Si një rrjet, merret me promovimin e të drejtave themelore të individëve dhe grupeve si dhe forcimin e qeverive dhe personave të tjerë përgjegjes në shërbimet që ata ofrojnë.

Rrjeti HELVETAS është ndërtuar përgjatë gjashtë dekada përvoje në zhvillim. Me 1400 bashkëpunëtorë, ajo është e aktive në më shumë se 30 vende.

Një delegacion i Bordit Drejtues (BD) përfaqësuar nga Melchior Lengsfeld, Drejtor Ekzekutiv i HELVETAS Swiss Intercooperation dhe Remo Gesù, Bashkëdrejtues i Programeve Ndërkombëtare/Anëtar i Bordit Drejtues dhe të shoqëruar nga Jens Engeli, Bashkë-drejtues i Grupit për Njësinë Rajonale të Evropës Lindore dhe Matthias Herr, Bashkë-drejtues i Grupit për Njësinë Rajonale të Evropës Lindore / Konsulent në Sektorin e Zhvillimit Financiar vizituan projektet në Shqipëri gjatë datave 17 – 19 prill, 2016.

Vizita e delegacionit të Bordit Drejtues filloi me një takim me Ambasadorin zviceran dhe përfaqësues të SDC, ku SDC nënvizoi cilësinë e inputeve të programeve të zbatuara nga projektet

në Shqipëri.

Dita e dytë e vizitës vazhdoi më një takim të përbashkët të projekteve të HSI në Shqipëri (dldp, Risi Albania dhe PERFORM) për të prezantuar kontekstin dhe projektet. Prezantimet, diskutimet e hapura me partnerët dhe stafet e projekteve dhanë shumë informacion për vizitorët nga Bordi Drejtues.

Dldp organizoi edhe një takim me Ministrin e Shtetit për Çështjet Vendore.

Në takim z. Blendi Çuçi shprehu vlerësimin e lartë për ndihmën e dhënë nga dldp për Reformën Territoriale dhe Administrative dhe theksoi konsolidimin e mëtejshëm të kriterit të funksionalitetit përmes aplikimit të tij në Planet e Përgjithshme Vendore me asistencën e qeverisë për 26 NJQV. Ai theksoi se instrumentat e zhvilluar nga dldp në fushën e menaxhimit të mbetjeve përbëjnë model me potencial replikimi edhe në shërbimet e tjera publike në nivel vendor.

Në përfundim të takimin, z. Çuçi shprehu interesin për një njohje më të gjerë e të ndërsjelltë të HSI dhe përmes saj edhe të praktikave zvicerane, e cila mund të materializohet me bashkëpunime të mëtejshme në të ardhmen.

Delegacioni zviceran vizitoi praktika të ndryshme të zhvilluara nga programet

në zonën e Shkodër në lidhje me shërbimet publike, kohezionin social, partneritetin publik-privat, punësimin e të rinjve dhe promovimin e turizmit.

Vizita u mbyll me një aktivitet të përbashkët mes programeve dldp dhe Risi për të ndarë me delegacionin refletimet dhe hapat e ardhshëm.

Përfaqësuesit e HSI çmuan rezultatet pozitive të arritura nga programet në Shqipëri. Ata rekomanduan se përhapja, ndarja dhe promovimi i praktikave të mira të zhvilluara brenda organizatës në Shqipëri për fushat si ndikimi në politika, pjesëmarrja e grave në politikë dhe inovacioni duhen përdorur për të rritur efikasitetin e ndërhyrjeve të programeve të HSI.

Programi PSI nga Kirgiztani viziton programin dldp në Shqipëri Programi dldp në Shqipëri u vizitua nga programi PSI (Përmirësimi i Shërbimit Publik) nga Helvetas Swiss Intercooperation në Kirgizstan më 10 deri më 13 maj 2016.

Pjesë e stafit menaxhues bashkë me një përfaqësues të zyrës së SDC-së në Kirgiztan dhe bashkëdrejtuesi i ekipit të Drejtimit dhe Paqes në Helvetas përfituan nga afër prej përvojës së gjatë që ka dldp në përmirësimin e shërbimeve publike në zonat rurale dhe urbane të Shqipërisë.

Delegacioni nga Kirgiztani u prezantua me praktika të ndryshme dhe me partnerët e programit në nivel kombëtar dhe vendor.

Znj. Valbona Karakaçi, Menaxhere e programit dldp e shpjegoi gjerësisht historinë e programit, objektivat, ndërhyrjet kryesore dhe përparimin e arritur në linjat kryesore tematike në të cilat ka punuar ai.

Për voja shqiptare me Refor mën Administrative Territoriale dhe kontributi i dldp në të u prezantuan nga z. Enea Hoti, Këshilltar i Ministrit të Shtetit për Çështjet Vendore, ndërkohë që znj. Elda Bagaviki, përfaqësuese e Ambasadës Zvicerane shpjegoi strategjinë e Bashkëpunimit Zviceran me Shqipërinë për vitet 2014-

2017.

Gjatë vizitës së tyre në Shqipëri, kolegët nga Kirgiztani dhe Helvetas patën mundësinë të shkëmbenin përvoja me kolegët e tyre nga dldp dhe siguruesit e shërbimeve vendorë mbi linja të veçanta të veprimtarisë së dldp, si për shembull mbështetja ndaj iniciativës Gratë në Politikë.

Këshilltarja bashkiake e Shkodrës, znj.

Senida Mesi u ftua t'i informonte vizitorët mbi sfidat dhe punën e madhe që duhet të bëjnë gratë në politikë në jetën e përditshme.

Fusha të tjera pune të dldp si Programi i Zonave Funksionale si instrumente planifikimi dhe identifikimi projektesh u prezantuan nga z. Blendi Bushati, ndërsa ekspertët lokalë të dldp prezantuan dokumentet strategjike territoriale dhe planifikimin financiar.

Në ditën e tretë dhe të katërt të vizitës, delegacioni i Kirgiztanit u prit nga stafi i dldp në Shkodër.

Ata patën mundësinë të vizitonin Zyrën me Një Ndalesë në Bashkinë e Shkodrës dhe të njihen me zbatimin e programit DEMOS nga Helvetas në Kosovë që u paraqit nga menaxheri i tij i programit, z. Norbert Pijls.

Delegacioni tregoi interes të madh në prezantimin e bërë nga z. Arben Kopliku mbi menaxhimin e mbetjeve. Ata morën dijeni për manualin mbi planifikimin e mbetjeve vendore, kostot e tarifat, dhe sistemin benchmarking. Këto u pasuruan me diskutimet për shembujt praktikë mbi riciklimin, optimizimin e mbetjeve dhe sundimin e ligjit mbi menaxhimin e mbetjeve.

Dita e fundit u hap me prezantimin e politikëbërjes dhe ndikimin në politika nga z. Erton Kashta.

Misioni i Kirgiztanit shijoi edhe bukuritë që ofron Shqipëria. Gjatë javës ata patën mundësi të vizitonin liqenin e Shkodrës, muzeumin Marubi si dhe të shijonin mikpritjen dhe ushqimin e mrekullueshëm të Shkodrës.

Zhvillohet takimi i radhës së Komitetit Koordinues në Shkodër Programi për Zhvillim Lokal dhe Decentralizm (dldp) zhvilloi në Shkodër, më datën 10 qershor 2016 mbledhjen e radhës së Komitetit Koordinues.

Komiteti Koordinues i dldp, është një platformë jo vetëm për menaxhimin me pjesëmarrje të programit, por edhe për shkëmbimin e eksperiencave dhe praktikave, diskutimin e ndryshimeve të kuadrit ligjor si dhe politikave publike. Në këtë takim të Komitetit Koordinues merrnin pjesë përfaqësues të 11 bashkive partnere të programit duke përfshirë kryetarë, nënkryetarë, drejtues të departmenteve dhe specialistë të financës dhe shërbimeve administrative. Takimi u mirëprit nga Bashkia Shkodër. Në fjalën e saj të mirëseardhjes Kryetarja e Bashkisë Shkodër, znj.

Voltana Ademi përveç falenderimit të programit për ndihmesën që po u jep bashkive në tejkalimin e sfidave të post reformës territoriale, ftoi kolegët nga bashkitë e tjera të jenë më të kujdesshëm në zbatimin e funksioneve që janë transferuar nga qeveria qendrore. Nëpërmjet shembujve konkretë si psh. për bordin e kullimit, arsimin parashkollor, shërbimin e zjarrfikësve dhe emergjencat civile, Kryetarja e Bashkisë Shkodër evidentoi disa prej vështirësive në të cilat pushteti lokal është dashur të investohet. Nëpërmjet prezantimit që bëri Menaxherja e programit Valbona Karakaçi, pjesëmarrësit u njohën mes të tjerave edhe me rezultatet dhe sfidat e programit në 6 mujorin e

parë të punës për vitin 2016 si dhe kontributet e pritshme për pjesën e dytë të vitit.

Gjithashtu detaje u dhanë edhe për ecurinë e zbatimit të paketave të mbështetjes së dldp në planifikimin strategjik; menaxhimin e financave p u b l i ke – h a r t i m e t e buxheteve vjetore dhe afatmesme si psh. modeli i buxhetit i zhvilluar nga Bashkia Shkodër, inputet e dhëna nga dldp mbi ligjin e financave vendore; menaxhimin e mbetjeve urbane me planet e integruara të menaxhimit të mbetjeve dhe rehabilitimin e venddepozitimeve, draft- VKM mbi koston dhe tarifën dhe praktikat pozitive, procedurat dhe progresi i deri tanishëm me projektet e financuara nga fondi Grant për t’u mbyllur me hapat e mëtejshme me Zyrat me Një Ndalesë, me Rrjetin e Grave në Politikë.

Më tej takimi vijoi me prezantimin nga nënkryetarja e Bashkisë Shkodër, znj. Emilia Koliqi, të procesit të hartimit të buxhetit dhe sfidat e këtij procesi në kushtet e konsolidimit të reformës territoriale.

Ndërsa nga nëpunësi i programit dldp Elvin Hoxha u

prezantuan risitë që sjell ligji i ri për Financat Vendore në kuadër të menaxhimit financiar.

Në këtë takim, anëtarët e Komitetit Koordinues u njohën më nga afër me praktikat pozitive të Bashkisë mikpritëse edhe në fushën e shërbimeve administrative znj. Helga Sallaku, bëri një paraqitje të plotë të procesit dhe progresit që bashkia ka bërë në përmirësimin e dhënies së shërbimeve dhe informimit ndaj qytetarëve përmes Zyrës së Integruar me Një Ndalesë.

Zhvillohet Konferenca Kombëtare “Menaxhimi i Mbetjeve: Mësime dhe gjetje pas reformës territoriale dhe administrative” Me zhvillimet e ndodhura pas Reformës Territoriale administrative të tilla si ligji i ri mbi qeverisjen vendore, strategjia e decentralizimit, draft ligji i ri mbi financat vendore edhe sektori i menaxhimit të mbetjeve po përballet me sfidat që niveli lokal po has në arritjen e objektivave strategjik në kuadër të strategjisë kombëare.

Në vazhdimësi të platformave konsultative më 15 qershor 2016 dldp, në bashkëpunim me Ministrinë e Mjedisit, organizuan Konferencën Kombëtare “Menaxhimi i Mbetjeve: mësime dhe gjetje pas reformës territoriale dhe administrative”.

Në këtë takim të rëndësishëm morën pjesë kryetarë nga 61 njësitë e qeverisje vendore, ekspertë të shërbimit publik të mbetjeve pranë NJQV-ve, ministri të angazhuara në sektorin e menaxhimit të mbetjeve, programe dhe donatorë me fokus mbështetjen në sektor.

Konferenca u hap nga Zëvendës ministrja e Ministrisë së Mjedisit, znj. Olijana Ifti e cila shpjegoi objektivat e konferencës për diskutimin mbi praktikat e mira dhe instrumentet e zhvilluara për t’iu përgjigjur sa më mirë konsolidimit të reformës territoriale administrative si dhe për të prezantuar publikisht draft VKM mbi koston dhe tarifën e menaxhimit të mbetjeve, si një instrument për ekspertët në nivel vendor dhe qendror.

Ndërsa në fjalën e saj, znj. Debora Kern, përfaqësuese e Ambasadës Zvicerane në Shqipëri, ndër të tjera theksoi arritjet e deritanishme në mbështetjen që qeveria zvicerane përmës programit të saj zbatues dldp ka dhënë në përmirësimin e menaxhimit të mbetjeve si në nivel vendor ashtu edhe në politikat kombëtare.

Dldp ka arritur që modeli i zhvilluar për koston dhe tarifën të përmirësojë buxhetimin dhe rritjen e të ardhurave të

NJQV dhe përmes këtij aktivitetit t ë ko n s u l t o h e t g j e r ë s i s h t .

Gjithashtu janë zhvilluar modelet e riciklimit, kompostimit dhe ripërdorimit si dhe kurrikulat e trajnimeve përkatëse të cilat janë në proces rivlerësimi pas RAT përmes praktikave të reja pilotuese. Megjithatë ngelen për t’u zgjidhur probleme të tilla si trajtimi i mbetjeve edhe pse ka interes të ngritur të faktorit ndërkombëtar në sektorin e menaxhimit të mbetjeve.

Gjatë konferencës u ndoqën me interes nga të pranishmit prezantimet e bëra nga eksperti ndërkombëtar Felix Shmidt i cili paraqiti modelin e kostos së venddepozitimeve ilustruar edhe me rastin e landfillit të Bushatit.

Ndërsa eskperti i dldp, Arben Kopliku bëri një paraqitje të hartimit të planeve vendore bazuar në sistemin e performancës, sipas ligjit të ri për organizimin e pushtetit vendor. Një vëmendje të veçantë mori edhe dëgjesa publike mbi Draftin e Vendimit të Këshillit të Ministrave “Për rregullat e përcaktimit të kostos dhe tarifës së menaxhimit të mbetjeve urbane” prezantuar nga Lediana Karalliu, eksperte në Ministrinë e Mjedisit.

Sipas këtij drafti menaxhimi i mbetjeve do të administrohet nga njësitë vendore dhe në rastet kur ato nuk kanë mjetet financiare do të ndërhyjë Ministria e Mjedisit. Modeli i

tarifimit do të zgjidhet nga pushteti vendor.

Në përgjigje të sfidave të reja në sektorin e menaxhimit të mbetjeve ekspertë të menaxhimit të mbetjeve prezantuan praktika të mira si raste prej të cilave mund të mësohet. U paraqitën praktikat e mira të menaxhimit të mbetjeve në zonat bregdetare nga Bashkia Shkodër, menaxhimit të mbetjeve në zonat rurale nga Bashkia Lezhë dhe llogaritja e kostove të landfilleve dhe planet për rehabilitimin e vend-depozitimeve ekzistuese nga bashkitë Malësi e Madhe, Pukë e Dibër e ilustruar nga rasti i Bashkisë Bushat.

Sistemi i Zyrave të integruar me Një Ndalesë – zbatim i suksesshëm në Shqipëri Bashkia e Shkodrës fiton çmimin “Çmimet ICT Shqiptar IV 2015” dhe del e para për zbatimin e ligjit 119/2014 "Mbi të drejtën e informimit në nivel të qeverisjes vendore"

Në dy fazat e mëparshme të zbatimit të tij, dldp zhvilloi një model me një ndalesë bazuar në “zyrën kryesore” dhe programin e menaxhimit të informacionit për secilën nga njësitë e vjetra administrative që vepronin si zyra me një ndalesë, ndërkohë që zbatimi i RAT-it bëri të nevojshëm identifikimin, standardizimin dhe integrimin e shërbimeve publike që përdornin një sistem të integruar. Prandaj sfida kryesore në futjen e zyrës së integruar lidhej me mosbesimin e administratave të reja në zbatimin e rregullave mbi procedurat administrative lidhur me sistemin e dixhitalizuar.

Komunat e vjetra (p.sh. Kallmet, Dajç), ku dldp ka ndërtuar zyrat me një ndalesë, ende kanë një zyrë ku merren kërkesat për shërbime publike dhe tani me mbështetjen nga zyra e integruar në bashkinë e re të zmadhuar (p.sh. Lezha, Shkodra) kërkesat procesohen dhe klienti nuk ka nevojë të shkojë në bashki por është në gjendje ta marrë shërbimin e nevojshëm në njësinë e vet administrative.

Një rast i suksesshëm studimor: Zyra me një Ndalesë e Bashkisë Shkodër Dajçi është një nga partnerët e vjetër në rajonin e qarkut të Shkodrës që mori pjesë në nismën e dldp për Zyrat e Integruara. Prej reformës territoriale, Dajçi tani funksionon si njësi administrative e bashkisë së re të Shkodrës. Ngaqë dldp ka ndërtuar zyrat me

një ndalesë në njësitë e vjetra të Shkodrës dhe Dajçit, ai ka përzgjedhur këto dy njësi për studimin e fizibilitetit dhe projekin pilot të modelit të zyrave të integruara përpara dhe pas zbatimit të RAT-it.

Projekti i zyrës së integruar ka qenë një koncept komplet i ri i dhënies së shërbimeve publike, bazuar në dixhitalizimin e gjithë shërbimeve administrative të identifikuara.

Rezulati kryesor në zyrën e integruar të Shkodrës shihen në cilësinë e shërbimit ofruar qytetarëve, efikasitetin e kohës, zvogëlimin e kostos së dhënies së shërbimit, zvogëlimin e fushës së korrupsionit (duke shmangur komunikimin e drejtpërdrejtë të qytetarëve me administratën bashkiake dhe mjetet e mbikqyrjes zhvilluar përmes sistemit për performancën e administratës), ndërtimin e një kulture të re për shërbimet publike dhe në ndërtimin e kapaciteteve të burimeve njerëzore të bashkisë.

Dldp i mati rezultatet përmes pyetësorëve, intervistave, analizave të databazave të bashkisë dhe raporteve të dhënësve të shërbimeve. Ai i përdori analizat dhe raportet e mësipërme për të përmirësuar modelin e zyrës së integruar me qëllim Shkodrës është vendi i parë në listën për zbatimin e që ta përsërisë atë në njësitë e reja partnere si Klos, ligjit 119/2014 "Mbi të drejtën e informimit në nivel Mat dhe Vau Dejës. qeveritar vendor". Në raportin kombëtar të Mirënjohje për punën e madhe dhe bashkëpunimin e monitorimit ai u botua në të dhënat e monitorimit për shkëlqyer pesë përbërës kyç të zbatimit të ligjit të mësipërm, Programi dldp shpërndau me krenari për partnerët zhvilluar nga Qendra për Çështje të Informimit në media dhe mediat sociale arritjet e fundit të Publik. sistemit të Zyrës së Integruar me një Ndalesë, marrjen e çmimit “Çmimet ICT Shqiptar IV 2015” si finalist i kategorisë “Shërbimi më i mirë Figura: Tregon renditjen në krye të Bashkisë Shkodër për zbatimin publik I vitit”. e ligjit 119/2014 "Mbi të drejtën e informimit në nivel qeveritar vendor" Ky aktivitet u organizua më 29 prill 2016 dhe çmimi u dha nga Teknologjia e Informimit dhe Komunikimit dhe Media Sociale, një media e pavarur që promovon novacionin në teknologji dhe komunikim ( w w w. i c t a wa r d s . o r g ) .

Zv/kryeministri, z. Niko Peleshi, dhe Ministri i Shtetit për Administratën Publike dhe Inovacionit znj. Milena Harito, ishin të pranishëm.

Suksesi i dytë i Bashkisë së

Dldp kontribuon në përgatitjen e Projektligjit mbi Financat Vendore

Procesi i përgatitjes së Projektligjit mbi Financat Vendore (LFV) ka nisur në fillim të janarit 2016, drejtuar nga Ministria e Financave dhe PLGP – Programi i Qeverisjes Vendore i USAID. Si MF ashtu edhe PLGP/USAID i kërkuan dldp të kontribuonte në procesin e përgatitjes së LFV-së, duke marrë parasysh faktin që dldp ka grumbulluar një përvojë të madhe në këtë fushë dhe gëzon mbështetje shumë të fortë nga ekspertiza ndërkombëtare për LFV-në.

Ministria e Financave njoftoi në fund të vitit të kaluar

synimin e saj për të përgatitur një ligj të ri mbi financat vendore, për t'u përpjekur të përmirësohet gjendja e financave publike në nivel vendor dhe për të kontribuar në konsolidimin e Reformës Administrative Territoriale (RAT). Financat publike në nivel vendor shihen si një nga faktorët më të rëndësishëm që ndikon në cilësinë e shërbimeve dhënë qytetarëve nga bashkitë.

Programi i Decentralizimit dhe Zhvillimit Lokal (dldp) ka qenë i angazhuar prej një kohe të gjatë në mbështetjen e sektorit të menaxhimit të financave publike, si dhe ka dhënë inpute në nivel kombëtar për një proces politikë-bërjeje më të informuar.

Dldp u angazhua në proces i bindur që ndërthurja e modeleve më të mira ndërkombëtare me politikëbërjen e bazuar në evidencë ishte qasja e duhur për t'u ndërmarrë.Përmes ekspertizës ndërkombëtare ka qenë e mundur të përpunohet një model i mirë fillestar.

Ministria e Financës ka miratuar një projekt-ligj që do të përfshijë si pjesën e të ardhurave ashtu edhe

të shpenzimeve, dhe dldp ka kontribuar në pjesën e menaxhimit të financave publike. Ai zhvilloi një vlerësim të shpejtë të menaxhimit të financave publike (MFP) për financat publike në tri bashki partnere: Shkodër, Lezhë dhe Durrës. Ky operacion i zhvilluar me ekspertët vendorë të bashkive dha një përmbledhje të mirë të gjendjes aktuale të financave lokale dhe praktikat e ndjekura nga bashkitë në MFP. Seminare të ndryshme me Ministrinë e Financave, PLGP dhe aktorë të tjerë kanë pasuar më tej me përgatitjen e projekt-ligjit final. Konsultimet me aktorë ndërkombëtarë në menaxhimin e financave publike kanë prodhuar një diskutim shumë të frytshëm. Një dokument final integral i projekt-ligjit i është dërguar si Ministrisë së Financave si nga PLGP ashtu edhe nga dldp, dhe më tej do t'i parashtrohet Grupit të Punës së ekspertëve. Pritet një proces i gjerë konsultimesh mbi projektligjin gjatë korrikut 2016 dhe dldp është përkushtuar ta mbështesë Ministrinë e Financave dhe nivelin lokal në organizimin e platformave të diskutimeve duke përfshirë gjithë grupet e interesit.

Vazhdon programi i trajnimit për Administratën Publike Vendore për Menaxhimin e Financave Publike Në kuadër të mbështetjes së dldp mbi Planifikimin Strategjik të Territorit (planet e zhvillimit të bashkive) dhe Menaxhimit të Financave Publike në nivel vendor u organizua një aktivitet dyditor më 12-13 prill në Durrës. Programi i trajnimit kombëtar për 61 bashkitë ka për qëllim aftësimin e ekspertëve lokalë me aftësi dhe njohuri në menaxhimin e financave publike.

Harmonizimi i politikave kombëtare mbi planifikimin strategjik të territorit dhe menaxhimin e financave publike është një përqasje e dyfishtë: lart-poshtë dhe poshtë-lart. Për këtë arsye, dldp po merret me lehtësimin nga njëra anë të shkëmbimit mes nivelit vendor dhe kombëtar që të sigurojë koordinimin dhe koherencën në politikëbërje, dhe në anën tjetër dldp po mbështet reformat në administratën publike vendore përmes formimit të kapaciteteve të ekspertëve vendorë.

Trajnimi u organizua në bashkëpunim me ASPA (Shkolla Shqiptare e Administratës Publike), dhe në partneritet me Ministrinë e Financës dhe Ministrinë e Shtetit për Çështjet Lokale.

Në trajnim u ftuan zyrtarë vendorë nga zyrat e Financës, Buxhetimit dhe Taksave në 51 bashki. Ndërsa 10 njësitë e tjera vendore u trajnuan përmes Qendrës së Kompetencës së dldp-së më 5 dhe 6 prill.

Në aktivitet morën pjesë përfaqësues nga Ministria e Financës, Ministria e Shtetit për Çështjet Lokale, ASPA, përfaqësues të SDC, ekspertë të dldp dhe programi PLGP/USAID. Gjithashtu të pranishëm ishin përfaqësues nga agjenci dhe programe zhvillimi (STAR/UNDP, EU, SIDA, Italian Cooperation).

Programi i trajnimit përbëhej nga 5 module trajnimi që do të shpërndahen në 2 kurse të avancuara trajnimi përgjatë vitit 2016. Në fund të programit trajnues të gjithë pjesëmarrësit do të pajisen më certifikatë sipas nivelit të pjesëmarrjes dhe rezultateve në testet me shkrim që do të zhvillohen nga ASPA. Dita e parë e trajnimit kishte në focus Planin e Strategjik të Zhvillimit dhe Buxhetin Afatmesëm, Të ardhurat vendore dhe planifikimi i shpenzimeve vendore, Përgatitja e Buxhetit, Buxhetimi i programit, Monitorimi dhe Vlerësimi në lidhje me prezantimin e MTBP.

Në ditë e dytë të trajnimit, sesioni ishte konceptuar si një platformë informuese dhe shkëmbyese mes të ftuarve në panel dhe pjesëmarrësve. Ekspertët e dldp prezantuan çështje të hasura gjatë procesit të përgatitjes së buxhetit vjetor në bashkitë e mbështetura nga dldp gjatë vitit 2015. Diskutimet vazhduan me paraqitjen nga ekspertët e Ministrisë së Financës dhe Ministrisë së Shtetit për Çështjet Lokale të iniciativave në planifikimin strategjik dhe menaxhimin e financave vendore.

Menaxherja e programit, znj. Valbona Karakaçi prezantoi përqasjen e dldp në lidhje me Menaxhimin e Financave Publike dhe iniciativat në ligj për financat lokale. Ajo moderoi diskutimet dhe shkëmbimet mes partnerëve dhe aktorëve të zhvillimit të ftuar në trajnim duke theksuar në fjalën e saj se dialogu mes nivelit vendor dhe kombëtar, por edhe me aktorët e zhvillimit do të ndihmojnë në koherencën e politikëbërjes.

Rrjeti i Grave në Politikë takohet me Ambasadorin zviceran, Z. Christoph Graf Vendosja e 50% të kuotave të përfaqësueseve femra në zgjedhjet lokale (2015) në Kodin Zgjedhor i ka dhënë më shumë hapësirë angazhimit intensiv të grave në politikë dhe në vendim-marrje në nivel kombëtar dhe vendor.

Në përputhje me këtë realitet dldp në bashkëpunim me Rrjetin e Grave në Politikë organizoi më 22 qershor një takim me Ambasadorin e Zvicrës në Shqipëri, Z. Christoph Graf. Ky takim synoi në: - rritjen e bashkëpunimit efektiv ndërmjet grave parlamentare dhe grave këshilltare vendore. Ky bashkëpunim ka potencial për të ndikuar në çështje të rëndësishme dhe me interes të përbashkët.

- si dhe në prezantimin e mbështetjes zvicerane për zhvillim ndaj nevojave të Grave në Politikë dhe faktorëve ndikues në komunitet për gratë.

Dldp ka mbështetur aktorët publikë/politikanet në nivel vendor dhe kombëtar të cilat kanë provuar mundësitë e ndikimit në vendim-marrje në përfitim të komunitetit që ato përfaqësojnë.

Sa i përket shifrave në përfaqësimin e grave në 5 qarqet ku vepron dldp përqindja e përfaqësimit të grave këshilltare në këshillat bashkiakë arrin në 25% për mandatin e 2015-2019 kundrejt 18% të mandatit për 2011-2015.

Gjatë diskutimeve u theksua se përfaqësimi i Grave në Politikë në nivel vendor është perceptuar si një zë më i madh për gratë në komunitetin ku përfaqësojnë ato, si një mundësues për vendimmarrje përfshirëse dhe të ndjeshme dhe si mundësi për rritjen e përgjegjshmërisë dhe transparencës.

Duke konsideruar se shumica e grave këshilltare nuk kanë përvojë në politikat vendore dhe në vendim-marrje duke qenë se vijnë nga profesione të ndryshme dhe punojnë në fusha të larmishme në sektorin privat dhe publik, arritja e një rezultati të tillë kërkon fuqizim të grave këshilltare në fusha të ndryshme. Ajo më kryesorja është dija mbi politikën dhe vendim-marrjen në nivel vendor që

ndërkohë duhet lidhur edhe me veprime konkrete ose iniciativa vetjake për fuqizimin e profilit publik të Grave në Politikë.

Në fakt, Gratë në Politikë janë duke bërë një përpjekje të madhe për të treguar se ato po bashkëpunojnë mes tyre përtej përkatësive politike me qëllim që të shërbejnë sa më mirë në interes të qytetarëve që i kanë votuar.

Në takim duke ndarë problemet aktuale dhe sfidat e së ardhmes u çmua edhe iniciativa e mirë për aleancën mes grave parlamentare dhe grave këshilltare si një përqasje e duhur për të tejkaluar axhendën politike dhe për të arritur rezultate konkrete.