Buletin Informativ nr.9

Buletin Informativ Dldp synon përmes këtij Buletini informativ të përcjellë tek lexuesi arritjet kryesore të çdo tremujori si dhe aktivitetet kryesore të planifikuara në tremujorin e ardhshëm.

Ky format pasuron edhe më tej mënyrat e përcjelljes së informacionit përmes faqes sonë në internet.

PËRMBAJTJA 1

Takimi i parë i Komitetit Drejtues të dldp për 2017

2 Një sistem politik

i komplikuar, që funksionon në mënyrë perfekte “Transparenca e buxhetit” -

2 projekti më i ri në Bashkinë Shkodër

3 Një rrjet, ndikim i shumëfishtë Dldp nis programin e

4 trajnimeve kombëtare për qeverisjen vendore Takim i Qendrës së

4 Kompetencës së dldp për menaxhimin e mbetjeve urbane e reja dhe 4 Funksionet monitorimi i treguesve të performancës tek NJQV Përfshirja e Projekt

4 Buxheteve Afatmesme në Planet e Përgjithshme Vendore Hartimi i buxhetit –

4 Udhëzimi Plotësues në ndihmë të Njësive të Qeverisjes Vendore për 2018

EDICIONI IX-të JANAR-MARS 2017

Takimi i parë i Komitetit Drejtues të dldp për 2017 Programi për Decentralizim dhe Zhvillim Vendor – dldp – i cili vepron në Shqipëri që në 2016, zbatuar nga Helvetas dhe financuar nga SDC, ka organizuar më 15 Mars, në Tiranë Komitetin e parë Drejtues për 2017.

Në këtë takim të rëndësishëm morën pjesë kryetarë nga 11 bashki partnere, si dhe përfaqësues të tjerë nga ministritë e linjës, agjenci publike, donatorë dhe programe të tjera partnere.

Në fjalën hapëse, znj. Dhuka, Zv. Sekretare e Përgjithshme e Këshillit të Ministrave çmoi përpjekjet e dldp në mbështjetjen ndaj bashkive dhe nivelit kombëtar, duke theksuar kontributin e dldp në ofrimin e shërbimit ndaj q y te ta rë ve , n d ë r ve p r i m i n m e programet e tjera, zhvillimin e menaxhimit të mbetjeve urbane, ngritjen e kapaciteteve të NJQV-ve, etj.

Ajo e konsideroi dldp si një program shumë serioz, që me gjithë punën dhe përvojën e grumbulluar përgjatë viteve në I-OSSH dhe Menaxhimin e Mbetjeve ka treguar se qëndrueshmëria e modeleve të menaxhimit shkon përtej investimeve të dukshme.

Ambasadori zviceran, z. Graf si bashkëdrejtues i takimit, theksoi disa elementë të rëndësishëm që e kanë bërë vitin 2016 një vit shumë të rëndësishëm për vendin. Ai përmendi rëndësinë e zbatimit të RAT, miratimin e Ligjit të Financave Vendore, krijimin e Këshillit Konsultues mes nivelit qendror dhe vendor, arrritjet në zhvillimin rajonal. Misioni i Zvicrës është fuqizimi i demokracisë dhe besimi në këshillime dhe përqasjen nga poshtë lart. Ai gjithashtu informoi mbi zgjatjen e programit dldp edhe për një vit e gjysmë si dhe fillimin e një programi të ri në gjithë vendin.

Dldp prezantoi para të pranishmëve aktivitetet dhe arritjet për vitin 2016, të cilat ishin fokusuar tek treguesit e programit. Arritjet kryesore të përmbledhura dhe të paraqitura nga secili nëpunës i linjës përkatëse në dldp janë: 1. Fushë e re ndërhyrje për Planet e Përgjithshme Vendore me buxhet shtesë nga SDC. 2. Rritje në 17% e territorit të mbuluar me shërbim në 6 bashki me

mbështetje direkte, si dhe rritje e nivelit të mbledhjes së tarifës në 5%.

3. Dldp ka mbështetur 15 projekte në 12 bashki, përfshi edhe projekte me kohezion social.

4. Janë arritur të digjitalizohen 109 shërbime administrative dhe kanë përfituar më shumë se 24.000 qytetarë nga këto shërbime në 2016.

5. Iniciativat me aspekt gjinor kanë ndikuar në buxhetet vendore në Shkodër dhe Klos.

6. Dldp ka luajtur rolin e një ndërmjetësuesi njohurish, duke vënë besimin te produktet e veta, duke i shërbyer ndikimit në politika, të cilat kulmuan me kontributin e dldp (së bashku me Ministrinë e Financës dhe PLGP/USAID) në Projekt Ligjin e Financave Vendore.

Diskutimet nga pjesëmarrësit nënvizuan sfidat që sollën reformat dhe kontributin e dldp në adresimin e duhur të tyre. Kryetarët konsideruan si të rëndësishëm se qëndrueshmëria duhet marrë më seriozisht në periudhën e ardhshme, decentralizimi fiskal duhet zgjeruar në kuadër të Ligjit të Financave Vendore dhe nevojitet një kuadër më i plotë i rezultateve të dldp në bashki, duke theksuar se çfarë është bërë realisht në bashki dhe cilat janë rezultatet e prekshme dhe të dukshme të programit.

Takimi vazhdoi me prezantimin e planit të aktiviteteve të dldp për 2017, i cili përfshin të gjitha linjat tematike, siç janë: Procedimi për përmbylljen e ko m p o n e n t ë v e t ë q e v e r i s j e s elektronike dhe aksesimit të fondeve; zhvendosja drejt fazës zbatuese i

menaxhimit të financave publike dhe menaxhimit të mbetjeve; identifikimi përmes një analize të kujdeshme fizibiliteti i një projekti mbi mbetjet; një vëmendje e veçantë do të kihet për kapitalizimin e përvojës së dldp si dhe raportimit të fundit të fazës.

Në takim, plani i dldp për 2017 u vlerësua si mjaft i përshtatshëm nga përfaqësuesit e nivelit vendor dhe kombëtar. Kryetarët theksuan nevojën për adresimin e përgjegjësive që rrjedhin nga Ligji i ri i Financave Vendore, e sidomos për Instrumentin e Planifikimit Financiar. Nga niveli vendor u perceptuan si shumë të rëndësishme edhe vazhdimësia e rritjes së kapaciteteve dhe zhvillimi i mëtejshëm i njohurive. Modelet e zhvilluara nga dldp mund të përdoren edhe nga bashki të tjera (përmes institucioneve dhe programeve) si dhe kurrikulat e trajnimit duhet të reflektojnë edhe ndryshimet rregullative.

Znj. Debora Kern nga SDC, nënvizoi nevojën për t'u përqendruar në aktivitetet e vlerësimit të ndikimit.

Znj. Oriana Arapi, nga Departamenti i Koordinimit për Ndihmën e Huaj, vlerësoi rolin e dldp në krijimin e urave ndërmjet institucioneve, që konsiderohet i rëndësishëm për të rritur bashkëpunimin në nivel vendor, rajonal dhe kombëtar.

Në fjalën përmbyllëse, Ambasadori zviceran, z. Christoph Graf falenderoi të gjithë palët e interesuara për rezultatet e shquara të arritura deri tani. Ai shprehu vlerësimin e tij personal për debatet konstruktive dhe frymën pozitive të shkëmbimit.

Një sistem politik i komplikuar, që funksionon në mënyrë perfekte Gjatë datave 5 - 9 Shkurt 2017, një delegacion i nivelit të lartë i kryesuar nga Ministri i Shtetit për Çështjet Vendore z. Bledar Çuçi, i përbërë nga anëtarë të parlamentit shqiptar dhe stafit të Ministrisë, zhvilloi një vizitë zyrtare në Zvicër. Vizita u organizua në kuadër të mbështetjes që Qeveria e Zvicrës (nëpërmjet SDC) i jep Shqipërisë në fusha të tilla si decentralizimi, financat vendore dhe qeverisja e mirë, nëpërmjet Programit për Zhvillim Lokal dhe Decentralizim, zbatuar nga Helvetas Swiss Intercooperation.

Gjatë tre ditëve të kësaj vizite z. Çuçi dhe delegacioni që e shoqëronte, patën mundësinë të njihen me përvojën zvicerane në fushën e financave vendore, luftës ndaj korrupsionit dhe ndërtimin e marrëdhenieve mes tre niveleve të pushtetit federal, kantonal dhe komunal. Kjo eksperiencë u shkëmbye nëpërmjet takimeve të zhvilluara me përfaqësuesit më të lartë të nivelit federal në Departamentin Federal të Financës, Departamentin Federal të Drejtësisë dhe Policisë, Departamentin Federal për Çështjet me Jashtë, si

edhe në nivelin kantonal në Kantonin e Bernës gjatë takimit me Drejtorin (Ministër) i Drejtësisë, Komunave dhe Kishave, apo në nivel lokal në takimin me Kryetarin e Bashkisë së Interlaken.

Pjesëmarrja në këtë delegacion edhe e katër anëtarëve të parlamentit të Shqipërisë nga komisioni parlamentar i ligjeve dhe stafit më të lartë të Ministrit Çuçi, kishte si objektiv edhe angazhimin e parlamentit dhe Ministrisë në përgatitjen dhe diskutimin e ligjit të ri për financat vendore. Kësaj i shërbyen edhe takimi në Departamentin Federal të Financave apo shkëmbimet me ekspertët zviceranë të decentralizimit fiskal.

Delegacioni vizitoi Parlamentin Federal ku Ambasadori Claudio Fischer shpjegoi sistemin politik dhe legjislativ zviceran, ndërsa znj.

Elisabeth von Capeller, Zv. Drejtore e Përgjithshme e SDC dhe Shefe e Departamentit për

Bashkëpunim me Evropën Lindore pati mundësinë të shkëmbente mendime dhe opinione me delegacionin gjatë një darke zyrtare, që ajo shtroi për nder të tyre.

Zbatimi në praktikë i parimit të subsidiaritetit, demokracisë direkte, ekualizimit fiskal, kolegjialitetit apo proceseve konsultuese me grupet e interesit ishin disa prej pikave, që anëtarët e delegacionit vlerësuan si “mësime kyçe” nga njohja me sistemin politik dhe legjislativ zviceran, një sistem i veçantë dhe kompleks, por që funksionon në mënyrë të përkryer.

Gjatë gjithë qëndrimit të tij, delegacioni shoqërohej edhe nga z. Ilir Gjoni, Ambasador i Republikës së Shqipërisë në Zvicër dhe nga nëpunës të SDC, Helvetas Swiss Intercooperation dhe dldp.

“Transparenca e buxhetit” - projekti më i ri në Bashkinë Shkodër Në kuadër të mbështetjes së dldp ndaj bashkisë Shkodër, më datë 27 mars, Bashkia Shkodër organizoi një takim të hapur për të prezantuar dhe informuar qytetarët me projektin më të ri dhe të vetëm në llojin e saj në Shqipëri, për vitin 2017.

Në hapje të takimin informues eksperti i dldp, z.

Elvin Hoxha theksoi se transparenca gjatë procesit të hartimit të buxheteve dhe raportimi i zbatimit të tij është një ndër kolonat kryesore për krijimin e një shoqërie të hapur dhe të zhvilluar.

Projekti “Transparenca e buxhetit” i mundëson qytetarëve pjesëmarrje aktive jo vetëm gjatë hartimit të politikave buxhetore, por edhe gjatë zbatimit të tyre.

Duke marrë parasysh natyrën teknike të buxhetit, është e rëndësisë thelbësore që informatat të cilat janë pjesë e buxhetit të përgatiten dhe të shpërndahen në mënyrë të thjeshtëzuar në mënyrë që publiku i gjerë të mund t'i kuptoj dhe të jetë në gjendje të bëjë komente apo të kërkojë informacione shtesë.

Në vazhdim të takimin, në fjalën e saj, Kryetarja e Bashkisë Shkodër, znj. Voltana Ademi, theksoi se

përmes këtij projekti mundësohet për herë të parë në vend transparenca online e buxhetit për qytetarët e saj. Përmes këtij instrumenti qytetarët mund të njihen në kohë reale me çdo detaj dhe punë që ndodh në nivel vendor, duke u bërë edhe pjesë e sugjerimeve online.

Platforma online u shpjegua me demonstrime konkrete nga znj. Helga Sallaku, Përgjegjëse e teknologjisë dhe sistemeve të informacionit pranë Bashkisë Shkodër, e cila sqaroi për publikun organizimin dhe funksionimin e platformës online si pjesë e komunikimit me qytetarët. Ky instrument është i ndarë në tre module kryesore: në modulin e të ardhurave dhe shpenzimeve, në modulin Taksa e mia dhe modulin e hartës, e bazuar në platformën Google maps, së Bashkisë Shkodër sipas njësive administrative.

Transparenca e buxhetit është konceptuar dhe ndërtuar si një instrument për monitorimin e shpenzimeve publike të bashkisë nga ana e qytetarëve dhe organizatave të shoqërisë civile. Në këtë mënyrë rrit aksesin e publikut në informacion dhe ndihmon ta ndërgjegjësojë atë për të marrë

pjesë më shumë në proceset e hartimit të dokumenteve strategjike financiare të bashkisë.

Ky instrument tregon gjithashtu se si qytetarët po kontribuojnë në të ardhurat e bashkisë, duke dhënë informacione për secilën nga taksat dhe tarifat, por në të njëjtën kohë edhe se si çdo njësi administrative kontribuon në këto të ardhura.

Njëkohësisht synon ndërgjegjësimin e qytetarëve për të paguar taksat, duke rritur ndjenjën e pronësisë dhe përgjegjësisë më të madhe ndaj pronave dhe investimeve të bashkisë.

Dldp synon përmes këtij procesi të mbështesë bashkinë në një planifikim më efektiv, pjesëmarrje më të zgjeruar dhe rishpërndarje sa më të drejtë të buxhetit.

NjË RRJET, NDIKIM I SHUMËFISHTË Qysh në 2011, Programi për Decentralizim dhe Zhvillim Vendor (dldp) ka mbështetur Rrjetin “Gratë në Politikë” (RRGP). Rrjeti është themeluar me iniciativën e grave të këshillave vendorë në Qarkun Shkodër dhe Lezhë dhe qysh në 2015, është zgjeruar edhe në qarqet Durrës, Kukës dhe Dibër duke patur në përbërje nga 400 në 2015 deri në 468 anëtare sot.

Rrjeti GP është një rrjet jozyrtar i grave të cilat janë pjesë e strukturave të partive politike dhe i përfaqësojnë ato në trupa vendimmarrës, siç janë Këshillat Vendorë. Ndërkohë, disa prej anëtareve janë zgjedhur edhe në Kuvendin e Shqipërisë duke shërbyer si nxitës të ndryshimit në mbarë vendin.

Rrjeti GP u krijua në një kontekst të vështirë, duke patur parasysh konfliktin e ashpër ndërmjet partive politike në Shqipëri. Për më tepër,

mentaliteti i rolit gjinor në shoqëri i ka mbajtur gratë larg nga politika. Pak gra janë zgjedhur në strukturat qeverisëse siç ishin këshillat bashkiakë. Me përfshirjen e grave përmes 50% të kuotave sipas Kodit Zgjedhor në 2015, ky numër është rritur nga 12% në 35%, në nivel kombëtar. Ndërkohë që të tjera sfida paraqiten: Reforma Territoriale Administrative dhe kuadri i ri ligjor për qeverisjen vendore.

Në vazhdën e lëvizjeve për rritjen e pjesëmarrjes së grave në politikë, çka e bën të dallueshëm rrjetin GP, është përqasja novatore e dldp me synimin për të ndërtuar një model, i cili është i vetqëndrueshëm dhe lehtësisht i replikueshëm.

Dldp e zgjodhi me qëllim krijimin e një rrjeti për të drejtuar aspektin gjinor jo vetëm përmes projekteve, por edhe përmes aktorëve në sistem.

AKTIVITETET TRAJNIME DHE KONSULTIME Gjatë fazës së parë të programit, 2011-2013, mbështetja e Rrjetit GP ka qenë fokusuar në forcimin e aftësive të 54 këshilltareve vendore në fusha të tilla si funksionimi i qeverisjes vendore, buxhetimi, përfshirja sociale, etj. Pas Reformës Territoriale në 2015, trajnimet- nga të cilat përfituan 87 persona, përqendroheshin në legjislacionin e ri si dhe në përfshirjen e aspekteve gjinore në vendimmarrje.

FORUMET RAJONALE Faza e dytë e Rrjetit GP 2013-2015 filloi me përpjekjet për hartimin e një platforme të përbashkët të grave për zgjedhjet e pergjithshme të 2013. Rreth 300 gra dhe burra ndoqën 5 forume rajonale të mbajtura në Shkodër, Lezhë, Rubik, Malësi e Madhe dhe Pukë me synim rritjen e përfaqësimit të grave në qarqet Lezhë dhe Shkodër si kandidate dhe votuese në zgjedhjen e përgjithshme të atij viti. Menjëherë pas amendimit të Kodit Zgjedhor në 2015, u mbajtën edhe 8 forume të tjera vendore, me një numër total pjesëmarrësisht gra e burra prej 261 personash.

GRANTE TË VOGLA Në fillim, dldp ka mbështetur Rrjetin GP me grante të vogla iniciativat e ndërmarra nga gratë këshilltare. Në këtë kontekst, u zhvillua një fushatë ndërgjegjësimi për ediventimin e kancerit të gjirit dhe qafës së mitrës, në tetor 2013 me iniciativën e grave këshilltare të bashkive Lezhë dhe Rubik. Gjithashtu, në Shkodër, grupi i grave këshilltare në Komisionin e Arsimit propozoi pasurimin e bibliotekave për 10 shkolla: 8 tetëvjeçare dhe 2 të mesme, me tituj të rinj. Bashkia bashkoi fondet me dldp për të realizuar këtë projekt.

NDIKIMI Në sajë të inovacionit dhe fuqizimit, rrjeti u bë vendi ku anëtaret ndiheshin të lira për të shfaqur potencialin e tyre të plotë. Me përmirësimin e vetbesimit të grave për politikat me ndjeshmëri sociale dhe duke investuar ne zhvillimin e karrierave të tyre personale, anëtaret e Rrjetit ishin të afta të ndikonin qeverisjen kombëtare dhe vendore përmes ngritjes së politkave dhe burimeve publike. E fundit por jo më pak e rëndësishme, Rrjeti pati një ndikim të konsiderueshëm në hapësirën e konsensusit politik: 3 nga 9 Aleanca të Grave në Politikë të krijuara në nivel vendor i përkasin Rrjetit të GP.

Në ditët e sotme, Rrjeti GP është vërtet një rrjet, por me ndikim të shumëfishtë: në nivel personal, vendor dhe kombëtar. Por mbi të gjitha, ka prodhuar një model që tani mund të ecë vetëm dhe të jetë një faktor në procesin e reformave.

AKADEMIA E STUDIMEVE POLITIKE Dldp ka mbështetur deri tani 18 anëtare të Rrjetit GP për ndjekjen e studimeve në Akademinë e Studimeve Politike. Akademia është një program edukativ i themeluar në 2007 në kuadër të Rrjetit të Shkollave të Studimeve Politike nga Këshilli i Evropës.

VIZIBILITETI & RRJETËZIMI U botuan dhe u shpërndanë dy katalogë të grave kandidate për zgjedhjet vendore dhe OJF-ve aktive në çështje gjinore. Në vigjilje të zgjedhjeve vendore të 2015, dldp mundësoi një debat televiziv në kanalet më të mëdha televizive, duke propovuar kandidatet gra si dhe dy raste unike: Dy gra konkuruan për të drejtuar Bashkinë Shkodër, duke u dhënë të tjerëve hapësirë në programet televizive për të ndarë përvojat dhe synimet e tyre.

EKSPOZIM NDËRKOMBËTAR Rrjeti GP është ekspozuar edhe ndaj praktikave të mira ndërkombëtare.

Iniciativa bashkëpunuese u zhvilluan me përfaqësueset e zgjedhura kosovare.

Anëtaret e GP si studente të Akademisë së Studimeve Politike, morën pjesë në Forumin Global për Demokraci, i mbajtur në Strasburg.

SHPËRNDARJE PËRVOJASH GP kanë ndërvepruar me rrjete dhe iniciativa të tjera siç janë ato të mbështetura nga NDI dhe OSCE. Gjithashtu, Ambasadori i Zvicrës në Shqipëri lehtësoi një shkëmbim frymëzues ndërmjet deputeteve dhe ministrive me GP që rezultuan me projekte konkrete për përmirësimin e punësimit të grave në nivel vendor e vazhduar nga projekti RISI.

GP NË SHIFRA & VEPRIM (2011-2017) 468 Gra në Rrjet 118 Gra këshilltare 5 Qarqe (duke mbuluar 12- 30% të popullsisë totale) 15 Bashki 3 Aleanca të Grave Këshilltare 8 Trajnime 5 Forume rajonale 8 Forume vendore

1 Katalog për gratë kandidate në zgjedhjet vendore 2011 1 Katalog për organizatat e shoqërisë civile në Shkodër 2 Ligje 2 Paketa fiskale dhe buxhete 2 Gra të ngritura nga politika vendore në atë kombëtare 2 Iniciativa të përbashkëta të ndërmarra

Dldp nis programin e trajnimeve kombëtare për qeverisjen vendore Në vitin 2016, dldp dhe Shkolla Shqiptare e Administratës Publike (ASPA), si autoriteti ligjor për dhënien e trajnimeve të certifikuara për punonjësit e qeverisjes vendore, përmbushën për herë të parë, trajnime afatgjata, në Menaxhimin e Financave Publike dhe në Menaxhimin e Mbetjeve. Ky bashkëpunim u zgjerua edhe më tej

gjatë vitit 2017 edhe me Programin e Shërbimeve Administrative Vendore.

Në vazhdën e përvojës së mirë të bashkëpunimit me dldp janë identifikuar dhe kontraktuar Agjencitë e Zhvillimit Rajonal të vendit në rolin e lehtësuesit të aktiviteteve të parashikuara për mbarëvajtjen e këtyre

trajnimeve. Trajnimet dy ditore u zhvilluan paralelisht në Shkodër, Tiranë, Pogradec dhe Vlorë në datat 27-28 dhe 30-31 mars për Modulin I mbi Planifikimin e Menaxhimin Vendor të Mbetjeve.

Trajnimi u ndoq me interes nga ekspertët e fushës së mbetjeve të ardhur nga të gjitha bashkitë e vendit.

Takim i Qendrës së Kompetencës së dldp për menaxhimin e mbetjeve urbane Takimi i radhës së Qendrës së Kompetencës, i pari për vitin 2017, i konceptuar si një platformë që bashkon ekspertë të nivelit vendor nga bashkitë ku dldp punon aktualisht në fushën e menaxhimit të mbetjeve urbane si dhe organizatat partnere që ofrojnë asistencën teknike në këto bashki, u zhvillua më 7 mars në Tiranë.

Në takim morën pjesë përfaqësues nga grupi i punës nga drejtoritë e shërbimeve publike, drejtoritë e taksave, drejtoritë juridike dhe personat përgjegjës për informim dhe komunikim me publikun nga secila prej bashkive partnere, të dldpsë Lezhë, Shijak, Dibër, Pukë dhe Malësi. Këto bashki kanë përfunduar hartimin e planeve të menaxhimit

të mbetjeve urbane që në vitin 2016, prandaj edhe mbështetja e dldp po fokusohet në zbatimin e tyre.

Ekspertët ishin përfaqësues nga sektorë të ndryshmë brenda bashkive, në mënyrë që t'i përgjigjen sa më mirë qasjes së dldp për zbatimin e planeve nëpërmjet monitorimit, rritjes së nivelit të arkëtimeve nga tarifat dhe komunikimit me publikun.

Funksionet e reja dhe monitorimi i treguesve të performancës tek NJQV Seminari mbi përcaktimin e treguesve të performancës në lidhje me transferimin e funksioneve të reja tek njësitë e qeverisjes vendore u organizua nga dldp dhe Ministria e Financave, më 18 janar 2017. Në këtë aktivitet morën pjesë më shumë se 30 pjesëmarrës nga Ministria e Financës, Ministria e Brendshme, Ministria e Mjedisit, Ministria e Punëve Sociale, Agjencia

Kombëtare e Zbatimit të Reformës Territoriale, Bashkitë e Shkodrës, Durrësit, dhe Lezhës, si dhe nga projekti STAR. Që nga 1 janari i vitit 2016, janë decentralizuar gjashtë funksione të reja nga ministritë e linjës për nivelin vendor, së bashku me asetet dhe burimet njerëzore dhe financiare. Në vitin 2016, dldp ka përgatitur dhe ka vënë në zbatim metodologjinë

për monitorimin e përgatitjes së njësive vendore për të marrë funksionet e reja. Në vitin 2017, ekspertët kombëtar dhe ndërkombëtar të dldp kanë hartuar një grup paraprak të treguesve të performancës e bazuar në treguesit e përdorur nga ministritë e linjës për matjen e performancës së tyre në kuadër të dokumentit për Buxhetin Afatmesëm, që iu paraqit pjesëmarrësve në këtë ngjarje.

Përfshirja e Projekt Buxheteve Afatmesme në Planet e Përgjithshme Vendore Në kuadër të mbështetjes zvicerane përmes programit zbatues dldp u organizua, më 19 janar, një takim në lidhje me proçesin e hartimit të Planeve të Përgjithshme Vendore (PPV) në 5 bashki partnere (Malësi e Madhe, Vau i Dejës, Mat, Klos dhe Tropjë).

Në fokus të takimit ishte diskutimi i kërkesave shtesë për lidhjen e PPV me Projekt Buxhetet Afatmesme (PBA).

Në takim morën pjesë ekspertët kryesorë të kompanive konsulente që janë të angazhuar me hartimin e PPV në 5 bashkitë partnere, grupet e punës të ngritura pranë këtyre bashkive dhe që ndjekin në mënyrë të vazhdueshme proçesin si dhe dy ekspertët ndërkombëtarë të dldp, Fred Wenger dhe Stefan Pfaeffli, të cilët sollën eksperiencën e tyre sa i përket procesit të planifikimit dhe zbatimit.

Ekspertët e financave vendore të dldp prezantuan strukturën e Projekt Buxhetit Afatmesëm dhe evidentuan kërkesat kryesore në lidhje me formatin e kërkuar të paraqitjes së dokumentit të Strategjisë Territoriale që bën të mundur lidhjen sa më të përshtatshme me objektivat, programet dhe projekteve zhvillimore me PBA.

Hartimi i buxhetit – Udhëzimi Plotësues në ndihmë të Njësive të Qeverisjes Vendore për 2018 Në kuadër të vijimësisë së punës në fushën e planifikimit dhe menaxhimit financiar dldp në bashkëpunim me ekspertë të Ministrisë së Financave organizoi më 31 mars takimin informues mbi kuadrin e ri ligjor, konkretisht mbi udhëzimin plotësues të Ministrisë së Financave Nr. 10, Datë 28/02/2017, “Për përgatitjen e buxhetit vendor”.

Përfitues të këtij aktiviteti ishin ekspertë të financave vendore pranë Njësive të Qeverisjes Vendore nga të gjitha bashkitë e vendit që punojnë për hartimin e buxhetit vendor.

Z. Fran Brahimi, nga Ministrisë së Financave, trajtoi çështjen e Udhëzimit Plotësues, Nr. 10, Datë 28/02/2017, “Për përgatitjen e buxhetit vendor”,

duke shpjeguar legjislacionin fiskal, risitë me impakt në qeverisjen vendore, funksionet e reja dhe risitë në instrumentin e Fondit të Zhvillimit të Rajoneve si dhe sfidat e ardhshme për këto njësi.

Njësitë e qeverisjes lokale, me miratimin e Ligjit të ri të Financave Vendore, do të kenë mundësi që të hartojnë buxhetin nëpërmjet “hapave” të përcaktuar.