In cor' di cirnu

CARLU PIRODDI.

In cor’ di Cirnu Puesie (1990-2010)

a E Cunchiglie a

Piroddi_int.indd 5

07/04/2016 15:06:43

Piroddi_int.indd 6

07/04/2016 15:06:43

Aghju una pensata pe a mio mamma sparita troppu giovana nantu à i chjassi di a lingua corsa. À i mio figlioli, Michela è Ghjuvanni, ben ch’allevati in altrò, anu imparatu u nostru parlà. À i mio purfiglioli Andrea, chì hà messu in pagina e puesie, è Pierriccu d’avemi datu forza è voluntà. À Alesiu è Nicolà d’avemi sempre, cume à u stadu, dettu : « Allè ! allè !! » Un rigrettu pe a mio cumpagna, mamma è mammone, ch’avia in ella tutta a finezza di u spiritu corsu. À Ghjacumu Fusina è Ghjuvan Maria Arrighi pe l’attentive currezzione è puntuazione, grazie è saluti.

Piroddi_int.indd 7

07/04/2016 15:06:43

Piroddi_int.indd 8

07/04/2016 15:06:43

O MÀ PARLAMI CORSU

Aiò ò mà parlami corsu A ti dumandu per piacè Sai ch’ellu mi garba troppu È bramu d’amparallu da tè Ùn tengu à esse un saccu viotu Ma quellu pienu di sapè.

9

Aiò ò mà parlami corsu Ùn hè chè da tè ch’io l’aspettu Ùn mi tene d’altru discorsu Per dispacciami u t’affettu Aiò veni à mio succorsu Ùn sghisgià micca u suggettu.

Parlami a “lingua materna” Ghjunta da l’alta antichità È per ch’ella dimori eterna Aiò parlami corsu ò mà Què a ti dumandu per strenna Cum’è unica eridità Dicu megliu s’ella ti sinda Per terragna proprietà.

Falla cresce a mio cultura, da umanu vogliu avanzà, alluntanami a bughjura di a ignorente oscurità, amparami a mio lingua pura ch’ìo a possi trasmette, ò mà.

Piroddi_int.indd 9

07/04/2016 15:06:43

Piroddi_int.indd 10

07/04/2016 15:06:43

U mio veculu

Piroddi_int.indd 11

07/04/2016 15:06:43

Piroddi_int.indd 12

07/04/2016 15:06:43

À L’AIUTU TORREGIANU – TARRANU

Sò a torra di u Poghjale Chì chjamu “Aiutu” à l’adisperu M’addirizzu à l’umanità À l’anghjuli chì stanu in celu M’addirizzu ancu à u signore Ma ellu ùn stà à sente torre

13

Chjamu à l’aiutu à bocca aperta U mio tettu si n’hè falatu In un paisucciu sola è persa M’arricumandu à perde fiatu S’ellu ci fussi qualchì Corsu Per priservà u mio passatu Pietà s’ellu ne resta unu In Corsica o à u stranieru Ellu serà u ben venutu Eo l’accolgu è serà fieru Li conteraghju u vivutu D’un populu ardente è sinceru Daretu à sti muri pisani Sterà tranquillu è à l’agrottu U vogliu prutege mille anni Ch’ellu resti u giuvanottu Quellu ch’hè degnu di l’amore Ardente di e vechje torre À tutti l’omi di China Di Merica ancu a suttana Di l’Africa è di l’Arabia

Piroddi_int.indd 13

07/04/2016 15:06:43

È di a circa auropeana Ch’elli venghinu à a salvezza Di quella epuca torregiana M’addirizzu à e donne corse Fiere materne è passionate Ardenti degne è patriotte Tutte à a so terra attaccate Li ricumandu a mio sorte Ch’elle sianu e mio fate È a tutti i mio figlioli À quale possu dumanda Di salvà ghjustu quattru muri S’elli anu a pussibilità M’arricumandu à i prisenti È à tutta a “diasporà” Ancu à u putente Giappone Creatu un ghjornu nenzu à l’altri Dumandu à u so imperatore S’ellu pò vene à aiutacci À ripiglià e nostre torre Ch’ùn soffrenu chè di minacci Fiera torra di u Poghjale Mai ùn fuste più minacciata Ch’ellu s’arresti quì u male È ch’io ti vega illuminata Ch’è tù sie eternu fanale Di sta magnifica contrata

Piroddi_int.indd 14

07/04/2016 15:06:43

ALISGIANI, STRANE BELLEZZE

Piroddi_int.indd 15

Muntagne vechje è alte È frustate da l’anni Tutte zimbe è inghjuppate Chjudite à Alisgiani Vestute è attifate Di i più belli panni

À mezu fala Bussu Rapidu è capricciosu Da altri fiumi aghjuntu In un situ pomposu Offrendu u so suchju Limpidu è preziosu

Amu e vostre forme Tondule è maestose Mi piacenu ancu bianche Luccichenti è nevose M’incantanu l’estate Rubie è erburose

Guidatu da la fede Un frate guasi santu Hà postu à meza pieve In un situ d’incantu Per le nostre preghere Cusì bellu cunventu

À u nordu Castellu Trepieve à l’Oriente Monte Altu à u meziornu E Caldane à punente Limitanu u sugiornu In una accinta imponente

A Vergine si piace In stu grande chietore Hè un locu di pace Ci sparghje lu s’amore È quandu tuttu si tace Ci entre lu Ridentore

A punta à Santu Alesiu Incù la so cappella Dumineghja u mare Cum’è una ardente stella Ti hà datu lu so nome O tù u deste à ella

U Bambinu prisenta E so chjarasge in manu In collu à la so mamma Hà u sguardu luntanu Ci fissa l’esistenza Di u mondu supranu

Cum’è una lingua in bocca U traversa Pardina Incù la so bella groppa Rondula è cavallina È a so acqua acitosa Antica medicina

Alisgiani sì bellu Cum’è un niducciu apertu Un picculu ghjuvellu Di u grande universu Hè per mè sempre quellu À quale eu credu è pensu

15

07/04/2016 15:06:43

SERATA D’AOSTU

U sole fece a ciottata Quassundi sopra à Callerucciu U Trepieve s’induvinava È tenebrosu era u Bussu Si vedia appena a strada È tuttu u celu era in lussu

Tandu splendida è spampillente In tutta a so dimensione Di st’ermatone luccichente Ne pigliò a pussessione Paria un pastore imponente Appressu à u so bandiglione

Issu grende cuperchju turchinu O quantu puru è sporgulatu Era un incantu divinu Da tantu ch’ell’era stellatu Si vedia ancu u striscinu Di parechje ch’eranu in viaghju

Da l’Arcarotta si scupria Un scornu di mare argentinu È San Petrone chì paria Una Vergine à capu inchinu Portendu una pensata pia Nantu à lu so circunvicinu

À l’Oriente una lunetta Spuntava sopra à Sant’Alesiu Prima paria una berretta È dopu un picculu cappellu Chì si sviluppava a a lesta Per mostrassi tondula in celu

Passate quì i vostri cumii Quand’ella vene a statina À l’epuca di i vaghjimi Luce a stella matutina A terra ùn sparghje chè profumi In sta magnifica cunfina

Piroddi_int.indd 16

07/04/2016 15:06:43

U CAMPANILE

Dipoi cinquant’anni Mute e to campane Ùn sonavanu più E feste paisane Nè mancu e tristezze In ste sponde cristiane.

Noi credimu à la vita È u mondu s’arresta Ancu a nostra storia A si piglia à a lesta Ella ch’hà a memoria Chjara precisa è fresca.

Patrona d’Alisgiani Sì tantu venerata Da i to paisani È in tutta a contrata Ch’ùn si face per tè Sì tù sì minacciata.

Eramu di dicembre In pienu tempu di guerra Quandu u campanile Si ne scrollò per terra Togliendu a padre Poli A s’ultima preghera.

Oghje stu munimentu U pudimu rivede Maestosu è arrittu

Piroddi_int.indd 17

Piantatu a mezza pieve Puntatu versu Diu Per quellu chì ci crede.

17

Miraculu in stu mondu Induv’è tuttu hè prufittu Di rivedelu torna U campanile arrittu È in s’arche romane Vede e so campane.

Fieri di u cunventu Ch’hà cambiatu d’aspettu Fieri d’un campanile Chì ci dà u sugettu Di pudenne parlà Cun profondu rispettu.

Simu u sette d’aostu Mettimulu in memoria Chì da quì à sei anni A nostra santa storia Entrerà in duimila Incun speranza e gloria.

In piazza à un cunventu Fù curonatu un rè Ma u più grande hè quellu Chì si trova cun tè U ci podi mostrà Fallaci per piacè.

07/04/2016 15:06:43

A to bella ciccona Apre tutti i cori Ancu a terra introna À sti sacri rimori Disceta ancu i morti I nostri genitori.

Qual’hè l’Alisgianincu Ch’ùn ti prega suvente Regina di sti lochi Induv’è tù sì prisente Dopu chì tù sì ghjunta Cun Ghjuvanni Parente.

A conca d’Alisgiani Mezu u Bussu e muntagne È i so paisoli Gioielli di cuccagne Generosa natura In terra di castagne.

Ch’ellu resti in memoria Stu ghjornu di statina Ingranda a nostra storia O tù santa è divina Noi cantemu in gloria Diu ti “Salvi Regina”.

Possi a to ciccona Sveglià u mondu sanu È rimettelu in strada U populu cristianu Per facci vive in pace Cù u generu umanu.

Piroddi_int.indd 18

07/04/2016 15:06:43

DOLCE NATURA

A muntagna hà catellatu È hà fattu una cullina Una giricucculella Chì no’ chjamemu Pardina A vedimu ista catella Da a sera à a matina, Per ch’ella sia più vera Da a matina à a sera.

Piroddi_int.indd 19

19

07/04/2016 15:06:43

U TREPIEVE

Mughju d’in sù.

Intronu è ribombu In cor di circondu Mughju d’in sù.

À Orezza-Alisgiani Li parli di più È à Moriani dinù Mughju d’in sù.

Mughji o Trepieve Incun sole è neve Per dacci fede Mughju d’in sù.

Porti a bandera Bianca à testa nera Di a corsa terra Memoria sì tù Stalca d’in sù.

Da la to stalca Imponente è alta Dici avà basta Chì tuttu vi assalta Mughju d’in sù.

Mughji più forte Per apre porte È dà nove forze À la ghjuventù Mughju d’in sù.

Li conti una storia Chì hè piena di gloria Mughju d’in sù.

Sì tù u colombu Chì sparghje virtù Sapiezza è frombu Mughju d’in sù.

Piroddi_int.indd 20

07/04/2016 15:06:43

FELCE

In cima si trova u Poghjale Aggrongatu in pettu à Trè Pieve Ellu chì d’istu bel-vedere Serve di magnificu altare Per ogni Corsu di Museu A casa di Petru Cirneu U nostru storicu locale À pena sottu a so chjesa Bella impiazzata à u meziornu Da quì si scopre u contornu D’una valle tranquilla è chjeta È a so campana argentina Po ciccona sera è matina A s’incantevule alegrezza A piova nantu à u stradone Si ne intira da l’Acqualina Finalmente à a Pughjulina Traversata da u Rione L’estate sparghje fresculina Bellu spessu ancu freticina L’inguernu femuci attenzione

Inariata sentinella Mileria guarda istu rughjone Nun si scorda di San Petrone Da a so giricucculella Da l’altagna pusizione Certa a Cascia di Ghjannone Si ritrova prutetta ancu ella

21

S’o vi prisentu male à Felce Perdonu è mi ne scuserete Nantu à l’informatiche rete Pichjate è s’apre intera è verde D’istu nome è di a filetta Ùn ne serà mai dicetta In ste borgate ardenti è belle

Pare inciottatu ma vicinu Volgheracciu in tutta bellezza Forse l’anziana forterezza D’Aratimu u Sarracinu Un clime colmu di dolcezza Ci sparghje una linda carezza Da Pedimozzu à u Vaglinu

Piroddi_int.indd 21

07/04/2016 15:06:43

SUNTA

O mà, parlami corsu ..................... 9 U MIO VECULU À l’aiutu torregianu – Tarranu........ 13 Alisgiani, strane bellezze .............. 15 Serata d’aostu .............................. 16 U campanile ................................ 17 Dolce natura ................................ 19 U trepieve................................... 20 Felce ........................................... 21 Milerìa (paisolu di Felce) .............. 22 L’ortale ........................................ 23 Bussu .......................................... 24 Gloria à l’Alta Rocca ...................... 25 Aiacciu ........................................ 26 L’erba tabacca .............................. 28 U rè di Cirnu................................ 29 U cignale vallegianu ..................... 31 L’insetti ...................................... 33 Pressata ...................................... 35 A rundinella ................................ 35 Natura è sperenza ......................... 36

A LINGUA DI A PUESIA U puetu ....................................... 39 Lingua eterna è materna ............... 40 Lingua è memoria ........................ 42 A traduzzione............................... 44 Bona nova.................................... 45 Lingua corsa « salvi è mantena » .... 46 Puesie nustrali ............................. 47 Lingua vernaculare ....................... 48 E zitelle di u mio paese ................. 49 Nozze castagnine .......................... 50 Bandera a testa umana ................... 51 Battezimu à l’usanza ..................... 52 Tal’ paese tale omu ....................... 54 Minutu nostru.............................. 56 Pueticu ritrattu ............................ 57 À i prussimi cumii ........................ 58 Bonu anniversariu ....................... 59 Quindeci anni .............................. 60 Puesie prumesse .......................... 61 Centu ringrazii............................. 62 Corsu in anima ............................ 63 Croce è speranza .......................... 64

Piroddi_int.indd 99

07/04/2016 15:06:45

L’UMANA ISULA A Corsica à vene ........................... 67 Patria è saviezza ........................... 70 A pulizia ...................................... 72 Corsi elettori è elettori corsi ........ 73 A dimucrazia ............................... 75 A ben venuta ................................ 76 U duttore malatu (San Damianu) .. 77 L’infernale tramutu ...................... 79 À u Barbutu di Chera .................... 81 A scofia di casapaglia .................... 82 Civicu fattu ................................. 84 Plutone ha decisu d’urfanizà ci ...... 85 Ponti è leie ................................. 86 U stradò di a vuluntà ..................... 87 E catene ..................................... 89 L’ora di verità ............................... 91 U Tarranu di l’avvene .................... 93 L’umana isula .............................. 95 Cuncolta, acutezza è scelta............ 96 Natura sardo corsa ....................... 97 Isule surelle ................................ 98

Piroddi_int.indd 100

07/04/2016 15:06:45