SESTAOKO JAIAK 2022 EKAINA/JUNIO 23 - UZTAILA/JULIO 3
AFISES Desgaitasun Fisikoa duten Pertsonen Elkartea 2022ko PREGOILARIAK
AFISES Elkartea 1999. urtearen amaieran sortu zen, desgaitasun fisikoa dugun sestaoar batzuk herri honetan zeuden gabezia larrien aurrean kezkatuta sentitzen hasi ginenean. Arazo arkitektonikoak, esaterako, oso garrantzitsuak dira mugikortasun urria eta enplegua, aisialdia, lortzeko zailtasunak ditugunontzat, eta horrelako trabek gizarteratzeko aukera izugarri murrizten ziguten. Elkartea sortu genuen aukera gutxien dituzten pertsonek zentro bat izan zezaten aisialdirako eta harremanak sortzeko, hau da, jarduerak egin eta gozatzeko elkargune bat edukitzeko. Batez ere, pertsona asko etxetik ateratzea lortu nahi genuen, elkarrekin borrokatzeko eta mundu hobe bat sortzeko. 23 urte hauetan zehar, gure udalerrian dauden hesiak apurtzen saiatu gara, betiere oztopo arkitektoniko eta mentalei aurre eginez, desgaitasunari normaltasuna emateko gure kaleetan. Horretarako, psikologia eta autoestimu tailerrak eskaini ditugu, bat-batean gaindiezina dirudien egoera bati aurre egin behar dioten pertsona horiei lagundu eta aurrera egitea posible dela erakusteko. Gure ahalmenei buruzko informazioa ere ematen dugu; eta ikastetxeetara jotzen dugu, zailtasunak zailtasun, zer egiteko gai garen erakusteko. Aisialdia lantzen dugu tailer, txango eta bisita kulturalak eginez; jaietan parte hartzen dugu, bazkariak ere antolatzen ditugu; eta, urtean bitan, aldizkari bat argitaratzen dugu herrian egiten diren jarduera eta hobekuntzak, eta egiteke daudenak ere, azaltzeko. Horiek guztiak eta beste hainbat posible izan dira hasierahasieratik izan dugun Udalaren laguntzari esker, beste erakunde batzuek emandakoa ere ahaztu gabe. Denbora aurrera joan arren, gaur egun ere lanean jarraitzeko eta gure egunerokoa hobetzeko ilusio eta interes bera dugula esan dezakegu.
12
