2F 16. april 2013

NÆRINGSLIVSMAGASIN FOR SOGN OG FJORDANE

Dugnad for folkehelse Evald Sandvik (t.v.) og Kim Ronny Lykkebø er to av tre eldsjeler bak planane om å bygge ut treningssenter på Vassenden. Jølster treningssenter skal drivast på dugnadsbasis for og av vassendarar.

TEMA NÆRINGSLIV

TYSDAG 16.04. 2013

Forska fram eigen Korleis transporterer du varer på landevegen mest mogleg miljøvenleg og kostnadseffektivt? Lerum-konsernet blei lei av å synse og bestemte seg for å finne svaret sjølv.

Lerum frakt ▶ Har 15 bilsett i drift per i dag, 9 semitrailerar og 6 vogntog. ▶ 4 av semitrailerane har kjøl og frys. Bilmateriellet er profilert for Lerum Fabrikker og Lerum Konserves. ▶ Kvart døger rullar ti vogntog fullasta av saft, syltetøy og jus ut av Sogndal. ▶ Lerum sysselset totalt 142 personar ▶ 4 av 5 eigarar i Lerum er kvinner

Svend Arne Vee svend@firdaposten.no

Kva er viktigast når ein skal flytte tonnevis med saft og syltetøy langs landevegen år etter år - og vil gjere det billegast mogleg og med best miljøprofil? Er det sjåføren sin køyrestil? Vegvalet?

Alderen på vogntoget? Eller vegstandarden? I Lerum-konsernet blei dei for nokre år sidan lei av å tru og synse om dette. Dei måtte ha sikker viten – og den einaste som kunne gi sikre svar var i realiteten Lerum Frakt sjølv. Slik starta eit eit FoU-prosjekt med base i Sogndal, eit prosjekt som handla om å montere teknologi i vogntoga og logge den minste rørsle, dieselforbruk, køyremønster og utslepp over eit gitt tidsrom og på gitte køyredistansar.

Svenskane blei med

Konklusjonane ▶ Vegstandard har størst effekt på dieselforbruk. Låg fart og høgt kraftuttak på bratte, svingete vegar aukar forbruket monaleg.

Nyare og betre vegar er difor ein avgjerande føresetnad for lågare energibruk og utslepp på lang sikt. Vegbygging er såleis eit viktig klimatiltak om ikkje tungtransporten vert flytta over på jernbane eller sjø. Med dei krav ein har i dag på levering fortast mogleg og minst mogleg lagerkapasitet hjå grossistane er det vanskeleg å sjå føre seg effektive transportsystem utan bruk av lastebil. ▶ Køyreåtferd har likevel noko å seie for forbruket, meir bruk av utrulling (trilling i unnabakke) og mindre tomgangskøyring gjev lågare forbruk. Men effekten av ulik køyrestil er mindre enn effekten av ulik vegstandard. Grovt rekna er effekten av vegstandard på drivstofforbruk 10-12 gonger sterkare enn effekten av køyrestil. ▶ Sidan køyrestil har ein effekt på forbruk kan transportselskapa sjølve bidra til lågare forbruk og utslepp gjennom jamnleg kursing og informasjon til sjåførar.

Volvo blei tent på prosjektet og stillte datateknologi til rådvelde. Datainnsamlinga starta i 2010 og blei sluttført no ved årsskiftet. Datamaterialet har no blitt til ein rapport som Vestlandsforsking er i ferd med å bearbeide og popularisere for at andre skal nyte godt av Lerum sitt FoU-prosjekt. Sjølv er konserndirektør Trine Lerum Hjellhaug overtydd om at prosjektet dei satsa på har gitt dei viktig kunnskap: – For vår del var svara eintydige: Det er ikkje vogntog-teknologien eller sjåførane sin køyrestil som er avgjerande for å frakte gods raskt og miljøvenleg. Det er vegvalet og ikkje minst vegstandarden som verkeleg betyr noko. Å få sikker viten om slike ting er sjølvsagt viktig for korleis ein planegg og gjer investeringar for framtida, slår Lerum Hjellhaug fast.

Som eit døme på kva informasjon Lerum no sit på, og som kan bli viktig for å transportere miljøvenleg i framtida, kanein sjå på dieselforbruket opp Hemsedalsfjellet kontra Filefjell.

Medan eit fullasta vogntog med 500 hestekrefter brukte 22 liter på mila opp Hemsedalsfjellet, var forbruket berre 14 liter per mil over Filefjell. Når ein så veit at Filefjell no blir ytterlegare utbetra, kan det få betydning for kva rute Lerum Frakt vel å bruke i framtida.

Sjølv om vegstandard er viktigast, viste all logginga at korleis sjåførane køyrer har ein viss betydning, noko som igjen har gjort at Lerum har laga systematiske rutinar for å «trimme» sjåførane sin grøne køyrestil – og halde på den over tid.

Hjelp var avgjerande Lerum-sjefen hadde ikkje fått gjennomført transport-prosjektet utan drahjelp utanfrå.

– Vi allierte oss med Vestlandsforsking og Transnova, det statlege programmet som skal arbeide for meir miljøvennlege transportløysingar i Norge. Utan deira hjelp ville vi ikkje visst det vi veit no, seier Trine Lerum Hjellhaug.

UMOGLEG ÅLEINE: – Vi har fått ny og viktig viten, men vi hadde ikkje klart det utan tett oppfølging frå forskingsmiljøet i Sogndal, seier konserndirektør Trine Lerum Hjellhaug.

Foto: Sogn Avis

«Vi hadde ikkje visst det vi veit no, utan hjelp frå Vestlandsforsking.»

Trine Lerum Hjellaug

TYSDAG 16.04. 2013

TEMA NÆRINGSLIV

transport-strategi

250 KRONER OPP BAKKEN: Å køyre eit fullasta Lerum-vogntog dei få kilometerane frå Borlaugkrysset i Lærdal og til Breistølen mot Hemsedalsfjellet kostar heile 250 kroner, viste køyrekartlegginga Lerum-konsernet og Vestlandsforsking har gjennomført. Den nye kunnskapen som saft- og syltetøyprodusenten no sit med, vil vere verdifull for å leggje framtidas transportenergi.

Foto: Lerum Frakt

– Det beste FoU-prosjektet eg har jobba med – Eg har jobba med mange prosjekt i mine år ved Vestlandsforsking. Dette er det beste, seier forskar Morten Simonsen.

Det er særleg det tette samarbeidet med Lerum Frakt sine sjåførar, og at resultata frå granskinga er tydelege og kan brukast til noko konkret som er grunnen til at Morten Simonsen rosar prosjektet.

– Vi har ei verksemd med ei viktig problemstilling, der miljøaspektet er vesentleg. Vi har køyretøyprodusenten

Volvo som stiller opp. Vi har sjåførane som heile vegen har vore positive og vore heilt avgjerande – og vi ved Vestlandsforsking har lukkast med vår del av prosjektet. Då blir forsking og innovasjon spennande å arbeide med, konkluderer han.

– Resultata som no ligg føre fortel at det ikkje er køyretøya og sjåføren som er avgjerande, men vegstandarden. Slik sett kan forsking og også bli ein politisk faktor?

– Heilt opplagt. Vårt prosjekt viser at

dersom ein vil ha ned miljøskadelege utslepp frå landbasert godstransport, gitt at trafikkmengda er ein konstant faktor, så er det betre vegar som gjeld.

Det kan sjølvsagt vere eit politisk innspel i klimadebatten, konstaterer Simonsen.

GIVANDE: – Det er kjekt å delta i FoU-prosjekt som du veit kjem til å bli nytta umiddelbart av oppdragsgjevaren, seier forskar Morten Simonsen ved Vestlandsforsking.

TEMA NÆRINGSLIV

TYSDAG 16.04. 2013

LÅG TAKT: Det er ikkje berre vårt fylke som kjem dårleg ut i nasjonal samanheng når det gjeld innovasjon. Ei samanstilling av Norge og fire andre europeiske land viser at vi kjem dårlegast ut når det gjeld innovasjonstakt.

– Ei forklaring er at oppdragsforskingsmiljøa våre sit for langt unna verksemdene til å fungere skikkeleg innovasjonsdrivande, seier Agnes Landstad ved Vestlandsforsking.

Jumbo på innovasjon – eller?

Er verksemdene i Sogn og Fjordane så dårlege på innovasjon som tala tilseier – eller er det tala som delvis lyg?

Svend Arne Vee svend@firdaposten.no

Ser ein på Statistisk sentralbyrå sine statistikkar, er det ikkje rare innovasjonstakten næringslivet i fylket og det offentlege Sogn og Fjordane kan slå i bordet med. Ein jumboplass, på linje med Finnmark er fasiten når det gjeld såkalla FoU-prosjekt. Likevel kan det ligge eit litt meir nyansert bilete bak tala, meiner leiar ved Vestlandsforsking, Agnes Landstad.

Sentralmakta rår – Hugs på at vi er ein utkant. Konsernmakta og eigarskapen sit ofte langt borte, og kvar forskingsprosjekt blir registrert på papiret og kvar dei faktisk skjer i røynda, kan vere to forskjellige ting, påpeikar ho.

Landstad meiner også det foregår mykje «kvardagsinnovasjon» rundtom i små og mellomstore verksemder. Og slikt dagleg utviklingsarbeid blir kanskje ikkje logga og registrert av verksemdene som innovasjonsarbeid og hamnar difor ikkje i statistikkane. Likevel deler ho delvis bekymringa over SSB-tala.

– Dersom FoU åleine er faktoren som måler innovasjonsarbeid, så er dette eit dårleg teikn og eit signal om at vi har for låg innovasjonstakt. Men innan ein del utblinka satsingsfelt som fornybar energi og offshorerelaterte bransjar som driv godt økonomisk, finst det sterke tradisjonar for innovasjon og forsking i fylket vårt, påpeikar Landstad.

Samtidig trekkjer ho fram ei anna næring som ho sårt treng meir FoU-tenking for å løfte seg opp og fram.

Reiseliv - sovande bjørn?

– Reiselivsnæringa i fylket er allereie stor og viktig. Her

har ein langt dårlegare utgangspunkt for innovasjon med dels dårleg lønsemd, korte tidshorisontar på planlegging og manglande samordning. Med slike råmer er det sjølvsagt mykje tyngre å kjøpe seg forsking for å løfte produkta sine, og her er ein heilt avhengig av finansiering frå det offentlege. Vi burde gjort meir innan felles destinasjonsutvikling og prøvd å skape sterkare eigarstrukturar. Eg trur på same tid at nettopp reiselivsnæringa har det største potensialet for å hente ut positiv utvikling gjennom meir forsking, utvikling og innovasjonsarbeid, fastslår ho.

Landstad skulle gjerne sett at næringsliv og forskingsmiljø i fylket inngjekk tettare partnarskap.

– Vi sit stundom for langt frå kvarandre. Forskarens kvardag blir så ulik kvardagen til dei som krigar ute i ein marknad om kundar og posisjonar. Vi manglar kanskje nokre uformelle møtestader, vi manglar den daglege kontakten. Det er berre å innrømme, seier forskarsjefen.

Likevel er ikkje biletet heilsvart. Stundom kan det vere eit gode å vere få og små som i Sogn og Fjordane.

– Miljøa våre er oversiktlege, då kan det vere lettare å samspele. Men vi må vere meir medvitne på dette enn i dag, slår ho fast.

Men skulda ligg ikkje berre hos forskarane. Mange

små verksemder har for lite tid og kompetanse til å samspele med forskings- og innovasjonsmiljø. Då blir det også vanskeleg å få til den kreative, kontinuerlege dialogen.

– Vi ser at i dei tilfella FoU-miljøa sit tett på bedriftene, som Lerum-prosjektet er eit døme på, så kan forskarmiljøa vere ein risikoavlastar i prosjektet, meiner Landstad.

FoU-tal ▶ I 2011 brukte norske verksemder i overkant av 20 milliardar på såkalla eigenutført FoU, der dei sjølve finansierte prosjekt som gav ny viten, nye produkt og kom opp med ny teknologi. ▶ Det var ein auke på 8,4 prosent frå året før, viser tal frå SSB. ▶ Halvparten blei brukt i verksemder innan tenesteyting (10 mrd). Industriverksemder kom på andreplass med sju milliardar. ▶ Over åtte milliardar FoU-kroner blei brukt i verksemder med meir enn 500 tilsette. Men det var i bedrifter med mellom 100 og 200 tilsette som hadde størst prosentvis vekst, med 33 prosent.

«I mange verksemder driv ein dagleg innovasjons-arbeid som aldri hamnar i statistikkane.»

Agnes Landstad, Vestlandsforsking

TYSDAG 16.04. 2013

Subsea

TEMA NÆRINGSLIV

Eventyret i Florø

TEMA NÆRINGSLIV

TYSDAG 16.04. 2013

DIGITALISERTE JOBBSØKINGA: – Vi har fått langt betre flyt i INC-systemet når det gjeld tilsetjingsprosessar etter at vi tok i bruk digitale verkstøy, konstaterer marknadsdirektør Roald Leivestad.

Her saman med oljekonsulent Audun Erik Sunde.

Foto: David Ekerhovd Antonsen

Fekk heilt ny flyt i hovudjakta Ved å bruke nye webløysingar har INCkonsernet i Florø fått ein heilt ny kvardag i kampen om å sikre seg dei gode hovuda.

Svend Arne Vee svend@firdaposten.no

Skal du søkje jobb i nokre av dei INC-eigde selskapa med base i Florø, kjem du ikkje lenger utanom elektroniske plattformer.

– Vi såg at noko måtte gjerast. Tradisjonelle søknadsprosessar var altfor tungvinte og tidkrevjande. Vi måtte tenke nytt, fortel marknadskoordinator i INC Gruppen, Roald Leivestad.

Bygde database Ein softwareleverandør blei valt, og med hjelp av programmet HR-Manager Talent Solutions

har alle verksemdene under INC Gruppen no utvikla ein felles stillingsdatabase, der ein til ei kvar tid finn oppdaterte oversikter over kva jobbar som er lyst ut, kva søknadsfristar som gjeld - og kva ein elektronisk søknad på ein av jobbane skal innehalde.

– Alle vert no behandla likt, anten ein søkjer jobb på Fjordbase, i Havlandet-systemet, i INC Engineering, INC Vedlikehold, NBN Elektro, WIS-grupperingane eller andre verksemder, fortel Leivestad.

INC går framleis ut i aviser og andre medier med annonsering. Men annonsen har no den oppgåva å sluse folk inn i databasesystemet. Og derfrå får INC ein heilt annan kontroll og oversikt.

Leivestad legg heller ikkje skjul på at databasen er eit viktig verktøy for framtidig hovudjakt.

– Vi forheld oss sjølvsagt til reglar frå Data-

tilsynet på kor lenge og i kva grad vi kan lagre søkjarinformasjon, understrekar han.

«Usynleg innovasjon» Leivestad trekkjer fram dette prosjektet som eit døme på det han kallar «kvardagsinnovasjon».

Slike endringar gjer vi og mange heile tida.

Eg stiller meg tvilande til at næringslivet i fylket vårt skal vere så «bakpå» når det gjeld nytenking, utvikling og innovasjon som ein del statistikkar tyder på.

– Eg trur heller at innovasjon og utvikling har blitt ein så vanleg del av kvardagen vår at vi korkje tenkjer over det eller rapporterer det inn gjennom kanalar som til dømes SSB, seier han.

TEMA NÆRINGSLIV

TYSDAG 16.04. 2013

Ein jungel av gode hjelparar Det finst ein hærskare av støttespelarar å lene seg på for verksemder som ønskjer å bli meir innovative. Men det er også ein heil jobb å halde styr på kven som kan hjelpe deg med kva.

Det skortar ikkje på aktørar i FoU- og innovasjonsapparatet her i landet, og heller ikkje i Sogn og Fjordane. Her er ei oversikt over dei viktigaste aktørane og tilboda per i dag: ▶ Innovasjon Norge (IN) – treng ingen presentasjon i rolla som finansiør, men dei administrerer også SkatteFUNN-ordninga, som er ei lågterskel og rettsbasert ordning for bedrifter som ønskjer å samarbeide med eit forskingsmiljø om å utvikle nye produkt/tenester. Kontaktperson SkatteFUNN: Rune Henjesand.

Også aktiv og til dels initiativtakar i utviklingsprosessar som t.d. på innovasjon og FoU i IT-næringa i S&Fjordane, utvikling av forskingsprogram i reiselivsklynge, FoU i frukt- og bærnæringa osb. ▶ Sogn og Fjordane fylkeskommune: Har rolle som regional utviklar; initierer, finansierer og ofte leiar regionale utviklingsprosessar, til dømes FoU-strategi for næring i fylket og no eit forskingsprogram for reiselivet i Sogn og Fjordane.

Kontaktperson fylkesdirektør for næring Jan Heggheim. ▶ Kunnskapsparken i Sogn og Fjordane: Bedriftskontakt og kompetanse-meklar mellom bedrifter og aktuelle FoUmiljø, til dømes når det gjeld å utvikle SkatteFUNN-søknader, men også partner i utvikling av klyngesamarbeid, til dømes sekretær i det avslutta Forskingsprogram for fornybar energi. ▶ Høgskulen i Sogn og Fjordane: FoU-aktør som samarbeider også med næringslivet, t.d. gjennom Forskingsprogram for fornybar energi (avslutta 2012). Kontaktperson: Erik Kyrkjebø. ▶ Bedriftsnettverket: Dyrkar klyngesamarbeid mellom energibedrifter, leverandørbedrifter og FoU-miljø (HiSF og VF) på energi: Energiregion Sogn og Fjordane. Kontaktperson styreleiar Atle Hamar. ▶ Vestlandsforsking: FoU-aktør og i nært samarbeid med bedrifter innan IT, reiseliv og fornybar energi, til dels også finansnæringa (FNO) og petroleum (Gaz de France Suez).

Samarbeid gjennom SkatteFUNN, bedriftsstyrte prosjekt finansiert av Forskingsrådet, EU, men også initiativtakar til regionale utviklingsprosessar på FoU i næringslivet som prosjektet «Eit kunnskapsbasert Sogn og Fjordane» i samarbeid med Torger Reve. ▶ NHO: bidreg aktivt i regionale utviklingsprosessar som VRI-partnarskapen, initierer også eigne prosessar og set agendaen på innovasjon i næringslivet, sist på årskonferansen der tema var potensialet innan energibransjen. Kontaktperson fylkesdirektør Jan Atle Stang. ▶ Fjord Invest Såkorn – såkornkapital for bedrifter som fell i «gapet» mellom IN og bankane, driv oppsøkande verksemd, ikkje spesielt FoU fokusert, men innovasjonsfokusert. Kontaktperson Aud Inger Espeland. ▶ I tillegg kjem viktige private aktørar som både initierer samarbeid rundt FoU i bedriftene, finansierer eigne prosjekt og støttar opp om initiativ frå andre som til dømes Sparebanken Sogn og Fjordane og Sparebanken Vest, Sogn og Fjordane Energi, fleire av aktørane i Måløy-miljøet og mange andre.

Oppå desse aktørane finst eit utval av reine verkemiddel: ▶ VRI Sogn og Fjordane: mobiliserande verkemiddel finansiert av Forskingsrådet, partnarskapssamarbeid om mobiliseringstiltak for at bedrifter i fylket skal ta i bruk forsking i sine innovasjonsprosessar. Både eit fellesprosjekt i partnarskapen (off, privat) og eit forskingsprosjekt på innovasjon i rurale strøk (HiSF, VF). Kontaktperson: Lars Hustveit i fylkeskommunen. ▶ SkatteFUNN: lågterskel finansiering av FoU-prosjekt i bedrifter. ▶ Regionalt Forskingsfond Vestlandet (RFF): Samarbeid mellom Rogaland, Hordaland og Sogn og Fjordane om prioritering og fordeling av forskingsmidlar frå Forskingsrådet. I all hovudsak er det bedrifter som søker om midlar til FoU-prosjekt, i eit samarbeid med eitt el fleire forskingsmiljø. Kontaktperson: Jone Engelsvoll, Hordaland fylkeskommune. ▶ Forskingsrådet sine verkemiddel, særleg BiA (bedriftsstyrte arenaer), kan vere ei vidareføring av SkatteFUNN-prosjekt

▶ Internasjonale (EU) finansieringsordningar for bedriftsstyrte forskingsprosjekt, krev samarbeid mellom bedrifter og FoU ▶ Nærings-PhD: Ei ordning der bedrifta kan tilsette ein PhDkandidat/gje eit PhD-stipend til eigen tilsett (3år), finansiert 50 prosent frå Forskingsrådet og resten frå bedriftene ▶ SIVA – medverknad i Næringshagane og Kunnskapsparken.

▶ ARENA Tourism – Fjord Norway: Eit klyngesamarbeid mellom reiselivsbedrifter og FoU-miljø på Vestlandet, finansiert av Forskingsrådet og IN, for å utvikle reiselivsnæringa på Vestlandet. Innretting på tematurisme og verdiskaping. Speler inn forslag til RFF Vestlandet slik at utlysingar derfrå matchar satsingar som reiselivsnæringa i regionen etterspør. Kontaktperson: Dagleg leiar Marcel, ARENA Tourism

TEMA NÆRINGSLIV

TYSDAG 16.04. 2013

Eldsjeler opnar døra til b Viss alt går som planlagt, opnar desse dørene i løpet av september: Då har også Vassenden fått sitt eige treningsstudio.

Svein Heggheim svein.heggheim@firda.no 91149819

Kim Ronny Lykkebø, Roger Midtun og Evald Sandvik har etablert Jølster treningssenter SA – eit senter som skal drivast på dugnad, der eventuelle inntekter skal pløyast tilbake for å utvikle senteret.

– Saman kan vi få til det utrulege, men vi er heilt avhengige av at lokalsamfunnet bidreg, seier Evald Sandvik.

Positiv respons Så langt er responsen overveldande. 91 vassendarar har kjøpt andelar i senteret, og salet av sponsorpakkar har så langt gitt 72.000 kroner.

Og pengane kjem vel med, for investeringsbehovet er på i overkant av 600.000 kroner, og initiativtakarane signerer ikkje ein einaste avtale før alle bitane i finansieringspuslespelet er på plass.

Fleire søknader er i sirkulasjon, mellom dei ein sende til Sparebankstiftinga Sogn og Fjordane og Sparebank 1.

– Og viss tidsplanen skal halde, må alt vere på plass i løpet av mai, seier Kim Ronny Lykkebø.

Senteret skal etablerast i bygget som tidlegare hyste LeFi bakst. Ivar A. Sunde eig bygget som i dag blir brukt til lager.

Senter på 240 kvadrat – Sunde er positiv til å bygge om arealet vi treng og leige det ut til selskapet. Og på 240 kvadrat får vi plass til treningsstudio, eitt rom med tredemøller og eitt som kan nyttast til spinning viss det viser seg å vere interesse for eit slikt tilbod, seier den entusiastiske duoen.

Dei møtte Firda utanfor bygget som ligg i gangavstand frå både bustadfelta Hjelbrekkefeltet og Langhaugane.

Begge er overtydde om behovet og at vassendarane saknar eit slikt tilbod.

– Støttegruppa på Facebook tel 240 medlemmer, og vi blir møtt svært positivt når vi bankar på dørene for å selje andelar i senteret, seier Sandvik, klar på at senteret vil lette tidsklemma for dei mange som i dag må reise til Førde for å få eit slikt tilbod.

– Småbarnsfamiliar er kanskje i den heftigaste tidsklemma med jobb i Førde og barnehageplass på Vassenden. Dermed blir det lite tid å reise til Førde for å trene i helsestudio på kveldstid. Ved å ha eit tilbod i nærmiljøet vil det bli langt lettare, og kanskje tek endå fleire seg tid til å trene, seier Lykkebø.

– Kva bakgrunn har de for å drive treningssenter?

– Ikkje noko spesiell utover at vi likar å trene. Men så er vårt ansvar å få senteret

FOLKEHELSE: Kim Ronny Lykkebø (t.v.) og Evald Sandvik ser eit klart folkehelseperspektiv i arbeidet med å etablere treningssenter på Vassenden. Går alt som planlagt, opnar dørene til dei 240 kvadrat meter store lokala i det tidlegare LeFi-bygget. Foto: Svein Heggheim

«Vi blir møtt svært positivt når vi bankar på dørene for å selje andelar i senteret.»

Evald Sandvik, medeigar i Jølster treningssenter SA

TEMA NÆRINGSLIV

TYSDAG 16.04. 2013

betre helse

Industri og næring Øyrane i Førde

Profesjonell leverandør av Shell Industriog Smøreoljar frå eige lager i Førde

Øyrane, 6800 Førde, tlf. 57 83 43 83

Øyrane 5, 6800 Førde, tlf. 57 82 90 90

SIGNES

RASPEBALL

Vil du ha annonsen din her?

Tlf. 951 98 509

Tlf. 57 82 03 03 www.signeraspeball.no signes.raspeball@live.no

opp og gå, og bidra til eit selskap med sunn drift. I det ligg også avtaler med personlege trenarar som kan samarbeide med brukarane, seier Lykkebø.

Senteret skal etter planen organiserast etter sjølvbeteningsprinsippet der medlemmer over 16 år får nøkkelkort og tilgang til lokala. Men initiativtakarane er også i dialog med grupper i idrettslaget med tanke på å bruke lokala til aktivitet for dei under 16 som skal ha ein vaksen til stades.

Saka 1. mars vart Jølster treningssenter SA registrert. Formålet er å skape eit treningstilbod for innbyggarane på Vassenden. Det skal vere eit sjølvbetent treningssenter der oppstart og drift baserer seg på dugnad og frivilligheit

• GRASFORDELAR FOR SILO • REKKVERK

Øyrane 10, 6800 Førde. Døgnvakt 900 68 123

TEMA NÆRINGSLIV

TYSDAG 16.04. 2013

Nye bedrifter der stå føre kjøp, sal, utleige og annan forvaltning av eigedommar og annan verksemd beslekta med dette.

Aksjekapital: 30.000 kr Styreleiar: Øystein Menes

LIFT' M ... UP AS ▶ Førde Tenesteyting innanfor kreativ idéskaping, kommunikasjon, menneskerelatert prosjektutvikling, samt kursverksemd varehandel, vareproduksjon og liknande verksemd.

Aksjekapital: 30.000 kr Styreleiar: Inger Fonn

FØRDE TAXI SA ▶ Førde Organisasjonsform: Samvirkeføretak Syte for at innbyggarane i konsesjonsområdet har eit tilfredsstillande drosjetilbod.

Utnyttinga av dei drosjeløyva som er tilknytt Førde Taxi SA skal samstundes vere effektive og økonomisk forsvarleg for den enkelte løyvehavar. Førde Taxi SA skal halde seg løpande orientert om etterspørsel etter drosjetenester i området og tilpasse køyreplanen etter transportbehova.

Styreleiar: Arne Reidar Solheimsnes

29-2 AURLAND AS ▶ Aurland Kurs- og turistnæring, samt utleige av fast eigedom.

Aksjekapital: 30.000 kr Tone Rønning Vike, dagleg leiar 2Ø SERVICE AS ▶ Sogndal Utleige av personale og kjøp og sal av varer.

Aksjekapital: 30.000 kr Styreleiar: Sigve Ølnes

Arne Reidar Solheimsnes - Førde Taxi SA GULATING BRYGGERI AS ▶ Fjaler Produksjon, import og sal av øl.

Aksjekapital: 30.000 kr Rolf Ivar Skår, dagleg leiar

BB EIGEDOM AS ▶ Luster Kjøp/sal, drift og utleige av eigedom.

Aksjekapital: 30.000 kr Styreleiar: Bjørn Berge

INNOVAGASS AS ▶ Stryn Utvikling, sal og service.

Aksjekapital: 300.000 kr Styreleiar: Harmen Derk Wieldraaijer

BERSETNO FELLESSTØL SA ▶ Luster Organisasjonsform: Samvirkeføretak Dyrke og drive fellesstøl med felles stell av beitedyra. Bersetno Fellesstøl leiger eller kjøper det arealet som trengst til føremålet. Bedrifta kan også drive anna verksemd som er naturleg knytt til laget.

Styreleiar: Claus Rumohr Moe BLOMSTERHAGEN RESTAURANT AS ▶ Flora Drift av restaurant- og serveringsverksemd.

Aksjekapital: 50.000 kr Dagleg leiar: Karin Nina Gjervik CAPILLI FRISØR SOGNDAL AS ▶ Sogndal Drive frisørsalong.

Aksjekapital: 100.000 kr Evy Merethe Lunde, dagleg leiar DIN HUD- OG FOTTERAPEUT JULIE ERVIK (ENK) ▶ Selje Klinikken skal drive med førebyggande og behandlande arbeid av ulike former for fotproblem og fotlidingar, i tillegg til å samarbeide med andre yrkesgrupper og anna kvalifisert helsepersonell. Det vil også vere eit tilbod innan hud- og kroppspleie. Tilbyr hårfjerningsbehandling, ansiktsbehandling, massasje og kroppsbehandling. Sal av produkt og forbruksartiklar.

Innehavar: Julie Elise Ervik EIDE GARD KAFE HOTELLET V/MARA NYHUS (ENK) ▶ Luster Servering. Overnatting.

Innehavar: Mara Nyhus FJORD AGENTUR AS ▶ Fjaler Sal og eksponering av ulike varer og produkt til butikkar med meir, og tilhøyrande verksemd.

JORDALSBAKKEN AS ▶ Aurland Eigedomsverksemd med utleige og entreprenørverksemd innan graving, massetransport, sprenging og liknande verksemd.

Aksjekapital: 30.000 kr Terje Jordalen, dagleg leiar Per Andreas Øren - Per A. Øren Holding AS

JØLSTER TRENINGSSENTER SA ▶ Jølster Organisasjonsform: Samvirkeføretak Føretaket skal starte og drive treningssenter. Formålet er å skape eit treningstilbod på Vassenden for innbyggarane. Dette skal vere eit sjølvbetent treningssenter der oppstart og drift baserer seg på dugnad og frivilligheit, og føretaket har eit ikkje - økonomisk formål. Verksemda si avkastning blir ståande i verksemda til vidare drift, vedlikehald og utvikling. Oppstartskapital blir blant anna basert på gåver frå næringslivet, stiftingar, det offentlege, organisasjonar og andelsteikning frå allmennheita. Dei som kjøper andelar blir medlemmer og kan ta del i drift og utvikling av treningstilbodet. Brukarane av føretaket må betale ei treningsavgift kvar månad som skal dekke driftskostnader og sikre framtidig drift og utvikling.

Styreleiar: Kim Ronny Lykkebø

Aksjekapital: 30.000 kr Per Morten Alværen, dagleg leiar FJORDFORSK AS ▶ Vik i Sogn Framstilling/sal av rådgjeving, prosjektleiing, og utvikling av løysingar innan nanoteknologi innan piezoelektrisitet.

Aksjekapital: 30.000 kr Sergio Manzetti, dagleg leiar FJORDKLIPP AS ▶ Leikanger Frisørsalong med omsetjing av hårtenester og tilhøyrande hårprodukt.

Aksjekapital: NOK 30.000,00 Marita Sandal, dagleg leiar FOSSHEIMGARDANE MIKROKRAFTVERK AS ▶ Jølster Å planlegge utbygging, bygge og drive kraftverk, produksjon og sal av energi, samt å bevare restane av Skei Elektrisitetsverk frå 1918 (museumsdelen av prosjektet) og halde ved like området ved Fossheimsfossen. Aksjekapital: 150.000 kr Kåre Eide, dagleg leiar FROST SEAFOOD AS ▶ Gaular Selskapets formål er kjøp og sal av fisk og annan sjømat.

Aksjekapital: 45.000 kr Styreleiar: Vidar Varlid

Roar Moe - Litle Færøyna Kystkulturlag SA

FØRDE GRANITT AS ▶ Førde Utvinning og handel med naturstein og skifer.

Aksjekapital: 30.000 kr Øystein Menes, dagleg leiar FØRDE GRANITT EIGEDOM AS ▶ Førde Sjølv, gjennom heil- eller deleigde selskap eller ved samarbeid med andre verksem-

KLINIKK 54 FYSIOTERAPI OG AKUPUNKTUR AS ▶ Eid Klinikk for fysioterapi og akupunktur.

Aksjekapital: 30.000 kr Bjørn Lien, dagleg leiar KVERNEVIK HOLDING AS ▶ Selje Drift av restaurantar og kafear, sal av handelsvarer, rådgjeving og deltaking i andre verksemder.

Aksjekapital: 400.000 kr Oddgeir Agnar Kvernevik, dagleg leiar

TYSDAG 16.04. 2013

TEMA NÆRINGSLIV

NAUSTDAL EIGEDOM AS ▶ Eid Forvaltning og utleige av fast eigedom samt kunne delta i andre verksemder gjennom aksje- eller kapitalinnskot.

Aksjekapital: 50.000 kr Arve Henning Naustdal, dagleg leiar

LAUKI OG MELEI KRAFTLAG SA ▶ Stryn Organisasjonsform: Samvirkeføretak Drive kraftproduksjon i Laukifossen for å levere elektrisk kraft til gardsnr. 89 Melheim og gardsnr. 112 Løken. Overskytande produksjon vert seld vidare til annan kjøpar.

Roar Oddbjørn Alsaker, dagleg leiar

ODDLEIV JEVNLID (ENK) ▶ Stryn Organisasjonsform: Enkeltpersonforetak Bestyrarordning på Taxi.

Innehavar: Oddleiv Jevnlid

LITLE FÆRØYNA KYSTKULTURLAG SA ▶ Solund Organisasjonsform: Samvirkeføretak Drive historiske stader og bygningar med kystkulturell og historisk verdi. Vidare skal Litle Færøyna Kystkulturlag SA arbeide for auka kjennskap til gammal norsk kystkultur. Vidare skal føretaket ta hand om båtar og båtutstyr frå tida før motoralderen, og om mogleg, setje dei i stand i samsvar med gammal gjerd. Ta vare på gamle reiskapar frå fiske og anna tradisjonell verksemd på kysten. Her vil ein legge særleg vekt på reiskapar og handverkstradisjonar i Solund.

Roar Moe, dagleg leiar

OLDEN VASSVERK SA ▶ Stryn Organisasjonsform: Samvirkeføretak Skaffe sikker forsyning av vatn med godkjend kvalitet til bustader, gardsbruk, forretningar, servicebedrifter og offentlege bygg (skule, helsetun, kyrkje m.m.)

Styrets leiar: Kjartan Urne

Rolf Ivar Skår - Gulating Bryggeri AS

PER A ØREN HOLDING AS ▶ Høyanger Investeringsselskap.

Aksjekapital: NOK 140.400 kr Per Andreas Øren, dagleg leiar

RALF BJARNE TARALDSET (ENK) ▶ Hornindal IT – konsultasjon og utvikling.

Innehavar: Ralf Bjarne Taraldset ROADHAWK NORGE TERJE STYVE (ENK) ▶ Jølster Sal av bilkamera med tilbehøyr, samt kamera til MC. Utleige av sjåførteneste. Utleige av Harley Davidson.

Innehavar: Terje Styve SAMEIGE STRANDGATA 22 ▶ Førde Eigarseksjonssameige.

Styreleiar: Liv Judit Straume SAMS EIGEDOM AS ▶ Luster Oppføring, forvaltning og eige av fast eigedom, samt ved aksjeteikning eller på annan måte å delta i andre verksemder.

Aksjekapital: 30.000 kr Kjetil Hovland, dagleg leiar

Framhald neste side

DEN HELT NYE FORD KUGA 4X4 En bil du kan snakke til? Som ringer opp dine kontakter, spiller din yndlingslåt og dirigerer deg til riktig sted – når du ber om det? Med en hands-free bakluke som åpner seg bare du beveger foten? Det er den helt nye Kuga. Høres ikke det ut som en SUV som nettopp har blitt til…

SMART UTILITY VEHICLE ford.no

Velkommen til prøvekjøring!

Nye Ford KUGA fra kr 396.600,-* inkl. Tectyl * Levert Florø/Førde. Årsavgift kommer i tillegg. CO2 utslipp ved kombinert kjøring 154- 179 g/km.

www.autoforum.sf.no

»

TEMA NÆRINGSLIV

TYSDAG 16.04. 2013

Nye bedrifter SANDEN PENSJONAT OG HANDEL AS ▶ Lærdal Drift av pensjonat og feriehus med frukost- og anna servering, auksjonsverksemd, sal av brukte og antikke gjenstandar, kunst, andre varer og tenester og aktivitetar.

Aksjekapital: 30.000 kr Stein Hallvard Trohaug, dagleg leiar SELLEVOLL VILLSAU DA ▶ Askvoll Organisasjonsform: Ansvarleg selskap, delt ansvar. Drive med villsau og anna landbruksnæring. Deltakarar: Vegard Kristoffer Vilnes (Andel: 50 %), Johannes Arctander Herland (Andel: 50 %) SNEKKERMESTER OG FJELLBONDE GEIRR VETTI AS ▶ Luster Entreprenørverksemd innan gråsteinsmuring og stiarbeid, arkitekt og konsulentarbeid, samt tømrartenester.

Aksjekapital: 150.000 kr Geirr Norman Vetti, dagleg leiar STRYN BYGGIMPORT AS ▶ Stryn Import og vidaresal av byggevarer.

Aksjekapital: 50.000 kr Ignacy Kacperski, dagleg leiar STRYN TOEMRER OG SNEKKER FIRMA LIMITED ▶ Stryn Organisasjonsform: Norskreg. utanlandsk

føretak. Bygging, riving og rehabilitering av bygg, samt eksport, import av byggmateriale. Lene Dall, dagleg leiar SÆTRE BYGGEFIRMA AS ▶ Sogndal Tømrarverksemd, kjøp og sal av eigedom.

Aksjekapital: 180.000 kr Marius Henjesand Sætre, dagleg leiar SØRØYANE VASSVERK SA ▶ Gulen Organisasjonsform: Samvirkeføretak Syte for vassforsyning til Sørøyane ved utbygging og drift av vassverk. Føretaket kan samarbeide med andre føretak.

Olav Solheim, dagleg leiar THARASO AS ▶ Sogndal Forvaltning, kjøp, sal og utvikling av fast eigedom samt entreprenørverksemd og oppgåver som naturleg fell inn under dette.

Aksjekapital: 30.000 kr Olav Farestveit, dagleg leiar THARASO HOLDING AS ▶ Sogndal Å investere i aksjar og andre verdipapir, eige og forvalte fast eigedom.

Aksjekapital: 45.000 kr Olav Farestveit, dagleg leiar THINGNES HOLDING AS ▶ Naustdal

Selskapet sitt føremål er investering og kjøp og sal av aksjar og andre finansielle eigendelar, samt i eigedommar.

Aksjekapital: 70.000 kr Styreleiar: Lars Gunnar Thingnes

VEEKIOSKEN AS ▶ Årdal Sal av kioskvarer/servering.

Aksjekapital: 70.000 kr Ann-Helen Bukve, leiar

ULLSENTRALEN AS ▶ Førde Kjøp og sal av eigedommar, samt utvikle og prosjektere eigedommar.

Aksjekapital: 100.000 kr Christina Maria Kvamme, dagleg leiar

VERNING AS ▶ Bremanger Fiske og fangst, samt omsetning av fangst og andre tilhøyrande aktivitetar.

Aksjekapital: 300.000 kr John-Roar Grotle, dagleg leiar

UTVIK BYGGEVARE AS ▶ Stryn Omsetjing av byggevarer.

Aksjekapital: 30.000 kr Bjørn Otto Hauge, dagleg leiar

VEVRING MONTESSORISKULE SA ▶ Naustdal Organisasjonsform: Samvirkeføretak Fremje medlemmene sine interesser gjennom å etablere, eige og drive ein skule grunna på montessoripedagogikk som eit anerkjent pedagogisk alternativ, og med høg pedagogisk kvalitet. Vevring Montessoriskule SA skal drivast i samsvar med Lov om private skular med rett til statstilskot. Avkastning blir ståande i verksemda.

Vevring Montessoriskule SA skal vere eit tilbod for grunnskuleborna frå 1. til 7. trinn. Føretaket legg vekt på formidling om og bruk av lokal natur, kultur og kunst.

Veronica Standal, dagleg leiar

VADHEIM ABSORBER AS ▶ Høyanger Produksjon, sal og marknadsføring av absorberande produkt. Polymere absorbenter for emballasje, helse og miljøfremjande beredskapsprodukt. Handelsverksemd, import og eksport. Eigarskap i andre selskap. Investering og utvikling av nye innovative produkt og prosjekt.

Aksjekapital: 30.000 kr Styreleiar: Knut Greve Rødsæther VARDAHEI IT AS ▶ Sogndal Konsulentverksemd innan informasjonsteknologi.

Aksjekapital: 100.000 kr Asbjørn Dale, dagleg leiar

Heistad Brønnboring AS er en boreentreprenør med over 40 år i bransjen. Vi utfører oppdrag over hele landet.

- Fundamentering - Grunnundersøkelser - Spesialboringer - Energibrønner - Energiparker - Høgtrykkspyling - Vannbrønner - Gjennomslag under veg - Rådgivning / Befaring

N! NNE

RU DIG

GO

Hen, 6320 Isfjorden Tlf. 71 22 58 61 - Mob. 924 44 399 www.bronnboring.com heistad@bronnboring.com

Christina Kvamme – Ullsentralen AS

ØRJAN THUNSHELLE (ENK) ▶ Aurland Ettersyn, vedlikehald av hytter og fjelleigedommar.

Innehavar: Ørjan Thunshelle