Superslankeren

Hus og kjøkken – din leverandør i Sogn og Fjordane

Tlf. 57 72 17 00 – www.gravdal.no

Nr. 215 – Veke 37 93. årgang 49 000 lesarar kvar dag Laussal kr 20,–.

Laurdag 18. september 2010

Ny sjef inn i beinhard bransje

Anders Lien er ny sjef for 160 skipsinnreiarar i Maritime Montering, og han skal leie selskapet i ei tid med færre oppdrag og hardare konkurranse.

Side 8–9

Drøymer om byggjestart i vinter Høgre-politikar og medlem av anleggsutvalet, Rasmus Værn (biletet), håpar på byggjestart på aktivitetssparken på Hafstad i løpet av vinteren.

Side 4–5

Våre 10.-klassingar er best i landet Side 10 Tips oss på telefon 57 83 33 33 / MMS / SMS fitips 2005

Siste nytt på www.firda.no

Slanketrend: Personleg trenar For 15 år sidan vog Johann Gotteberg (35) frå Førde 78 kg. I dag veg han 108 kg, og har bestemt seg for at noko må gjerast. Denne veka vart han «innvegen» av Camilla Søvig. I fire år har ho prøvd seg som personleg trenar, og starta sitt eige firma 1. september.

Trenden med å nytte profesjonell hjelp for å kontroll på kilo og aktivitetsnivå har nådd Sunnfjord. – Eg vart overraska.

Det har vore stor respons, seier Camilla Søvig (28) frå Hellevik i Fjaler.

Side 16- 18

KRIMHELG

I FJÆRLAND 5 0 % r a b a tt

17.–19. september www.bokbyen.no

LEI AV HØGE

UTGIFTER? BLI ENIVEST ADSL

KUNDE KU K UND DE O OG GF FÅ Å

3 MÅNADER UTAN KOSTNAD

inform-media.no

57 00 91 00 enivest.no

Foto: Bent Are Iversen

BYTT I DAG OG SPAR INNTIL KRONER 1194,-

16 FJORDALANGS FIRDA LAURDAG 18. SEPTEMBER 2010

Mindre godteri på Gotteberg Ein 108 kilo tung kropp fordelt på 169 cm skal slankast. Ved hjelp av personleg trenar og sunn kost skal Johann Gotteberg nå målet sitt om eit lettare liv.

«Are you man enough?»

Burger King- skiltet lyste som ei levande utfordring mot Johann og kompisane.

– Og gjett om vi let oss utfordre! På under 15 minutt hadde vi fått i oss 1,5 kg mat: hamburger, pommes frites, milkshake og løkringar. Og då kunne vi kunne slå oss på brystet: Yes, I`am man enough!

Men vi kjende oss jo som ei sprengt brosme etterpå, ler 35- åringen.

Johann Gotteberg frå Måløy, busett i Førde, har ikkje problem med å tøyse med si eiga matlyst og ein litt for stor kropp.

– Berre det å gå forbi godtedisken på Rimi gir meg ein ekstra fleskevalk, seier han tørt og flirer.

Musikken som strøymer ut frå høgtalarane på Spenst i Førde blir overdøyvd av ein hjarteleg latter frå ein lyslugga kar som sit godt planta i ein sofa.

Han ler mykje og ofte og har ein sjølvironi og galgenhumor som får Atle Antonsen til å verke som ein sjølvhøgtideleg tørrpinn.

Men målet om å gå ned i vekt er alvor-

«Berre det å gå forbi godtedisken på Rimi gir meg ein ekstra fleskevalk» Johann Gotteberg, med glimt i auget

leg nok. Difor har han denne måndagsmorgonen hatt sitt første møte med sin ferske personlege trenar Camilla Søvig.

I tillegg vil Firda gjennom ein reportasjeserie følgje Johann og målet hans om å gå ned i vekt og komme i betre form.

– Når eg både har ein personleg trenar og Firda sine lesarar som følgjer meg, så legg det eit ekstra press på meg, seier 35åringen.

–Noko er jo gale når eg blir kalla kanapeen i jaktlaget, flirer den ivrige jegeren.

Johann Gotteberg

– Eg fekk ein telefon ein kveld frå Johann der han skreik «hjelp!», så eg hadde ikkje noko anna val enn å ta han som kunde, tøysar Camilla, som nyleg starta sitt eige firma der ho tilbyr personleg trening og kosthald-råd.

Ho er no i full gang med å lage til ei timeplan til Johann. Her er treningstimane innteikna og i tillegg står det kva han skal ete og kor tid han skal ete det.

– I løpet av den første timen vi hadde i dag har vi tatt mål av Johann. På denne måten kan vi følgje framgangen hans. I tillegg han også tatt ein gåtest for å finne ut kva form han er i.

– Og den kom ut som «ganske dårleg», skyt Johann kjapt inn.

– Nei då, du låg litt under snittet, så det var ikkje så gale, legg Camilla til.

– Vel, i så fall er snittet ganske elendig, flirer han.

Johann vil bruke personleg trenar til han kjem i betre form. Sjølv om han ikkje har eit konkret mål når det gjeld kilo, så har han tidlegare hatt ei matchvekt på rundt 90.

Utdrag periodeplan

Johann sitt mål er å komme i ei slik form at han utan problem kan suse nedover Bjørkelia utan å ta ti heseblesande stopp. Han vil unngå å kveste okla fordi kroppen ikkje svingar så lett som hovudet tenkjer, han vil sleppe ryggtrøbbel, og han vil vere så aktiv som han ønskjer. For med ein tung kropp blir alt litt meir vanskeleg for ein sportsglad kar.

– Hovudet trur eg kan gjere alt, men det greier ikkje kroppen min. Bikkar eg 40åra med denne kroppen, så er eg ille ute, konstaterer Johann.

35-åringen var tidlegare svært aktiv og som 19- åring trente han 8–10 økter i

a Vitale mål tatt av Gotteberg på ■ oppstartsdagen 13. september 2010. a Feittprosent: 34 prosent ■ a Brystkassa: 122 cm ■ a Magen: 116 cm ■ a Rumpe: 121 cm ■ a Lår: 115 cm ■ a Vekt: 108 kg.

■ a Høgd: 169 cm.

■

Trening: Veke 2: a ØKT 1: Forbrenning i studio: ■ Mølle 20 min, elipse 25 min, sykkel 10 min./eller spinningtime. Totalt 55 min a ØKT 2: Styrke/forbrenning. Gene■ rell styrketrening. 15 repsX3sett20min. Tredemølle/Sykkel (litt stigning). 30 min. Totalt 50 min a ØKT 3: Kardiotrening. Gåing ute.

■ Gå til nedste skitrekk og opp att.

Puls nærast mogleg 174 opp att (sjå tabell). Totalt 40 min a ØKT 4: Inga førebels.

■ Kosthald: (Døme ein dag) Måndag: a Frukost: 07-08: Havgryn med ■ frukt. 1. glas mjølk.

Mellommåltid: 1 stk appelsin. a Lunsj: 11-12: Tre skiver fedon■ brød med pastrami-skinke. 1. glas juice. a Mellommåltid: 1 stk eple.

■ a Middag: 15-16: 1 stk kyllingfilet ■ med «to hender» brokkoli/ blomkål og «ei hand» villris. Vatn. a Mellommåltid: 1. stk eple ■ Kvelds: 2 stk knekkebrød med ost.

1 glas mjølk.

LEGG OM STILEN: Johann Gotteberg har bestemt seg for å endre livsstil, men han treng litt hjelp. Difor har han hyra inn personleg trenar Camilla Søvig for å komme i betre form. Under den første timen blei han tatt mål av.

FJORDALANGS 17 FIRDA LAURDAG 18. SEPTEMBER 2010

veka. I yngre dagar var han nede i underkant av 80 kilo.

– Kva skjedde?

– Eg måtte begynne å tene pengar, svarar han tørt.

Dei to siste åra har han jobba som seniorrådgjevar i Sparebanken Vest. I tillegg er han også leiar for den geografiske avdelinga for finansforbundet. Alt dette fører til at han sjeldan har ein vanleg dag på kontoret i Førde frå 08.00- 16.00.

– Eg reiser veldig mykje, noko som er mitt største problem. Det er ofte lunch og middag ute, pølse med brød på ein bensinstasjon eller usunn ferjemat. Når eg så kjem heim etter ein heil dag med møter og bilkøyring, så blir det ofte middag som er lett å lage, seier Johann.

I starten av treningsopplegget skal han trene to gonger i veka med Camilla. Då står både sykling, gåing og symjing på programmet. Han skal også trene ein gong i veka på eiga hand. På sikt skal han opp i fire økter i veka.

– No i starten skal vi først og fremst konsentrere oss om å få ned vekta før vi også tek til med muskeltrening, seier Camilla.

– Mål i veg, det er nok hud å ta av. Camilla flirer. Ho er i full gang med å ta mål av Johann som berre minutt tidlegare har tatt av seg den kvite skjorta, dressjakka og dongeribuksa.

No står han i boksershortsen og blir tatt mål av over bryst, rumpe, mage og lår med eit målband.

Og i ein situasjon der mange andre, og då spesielt kvinner, heller ville grave seg ned, er Johann ganske så urørt. Heller ikkje folka som passerer i gangen og som får eit glimt av mannen i boksershorts i glasvindauget, ser ut til å plage han.

I staden for går han opp på vekta og fortel at han har gått ned tre kilo på eiga hand sidan i sommar. Då vog han 111 kg og fekk seg eit lite sjokk.

– Eg tok jo ein sånn feittprosent-test tidlegare i dag. Eg er faktisk ein tredjedels feitt! ler han.

– Ein mann bør ha ein feittprosent på 15-25, så den må ned litt, legg Camilla til.

– Men eg vil påstå at til å vere ein feit

18 FJORDALANGS FIRDA LAURDAG 18. SEPTEMBER 2010

MENYEN: Johann Gotteberg har nettopp fått vite kva han skal leve på dei kommande vekene.

person, så er eg i veldig god form, seier Johann og fortel at han sjeldan seier nei når kameratar vil ha han med på fjelltur og sykkeltur.

Problemet kjem når han skal gå på trening åleine.

– Det er nemleg mykje enklare å bryte avtaler med seg sjølv. Og i tillegg får eg magesår av treningsstudio, seier han.

– Men sjølv om du tøysar mykje med di eiga vekt og kropp, er det ikkje litt sårt?

– Nei, det er det ikkje. Men det er klart at eg tek det på alvor, seier 35- åringen.

– Du må starte å smørje deg matpakke. Ei brødskive eller to med Fedon-brød er supert. Du kan også ha ei tynn stripe med smør, seier Camilla som er i full gang med å fortelje Johann om hans nye kosthald.

– Smør har eg kutta ut for lengst, så det går bra. Ta ei halv tube med majones i staden for, så blir det like bra. Og lettmajones er for pyser, flirer han, og legg til medan han studerer matlista.

– Men eg ser at seigmenn og popkorn står her, altså?

– Ja, men det er altså kosemat, ikkje kvardagsmat.

Ikkje overraskande manglar softis, favoritten til 35- åringen, på innkjøpslista han no har fått i handa.

– No i starten kan du godt ha med mat-

pakke på kino i staden for å ete godteri, seier Camilla.

Johann smiler litt skeptisk tilbake.

– Eg har verkeleg kjøpt meg ei streng kjerring, fleipar han og får eit smil tilbake.

– Men no i starten er det viktig å vere streng. Du kjem til å gå rundt og vere svolten heile tida i byrjinga, men det er heilt normalt, forsikrar ho.

frukost, smørje seg sunn matpakke og ete kvar tredje time, må han også kutte ut saus på maten, ete meir grønsaker og seie nei takk til dessert.

– Ja, med mindre du synest det er umogeleg å ta med matpakke på restaurant, spør Camilla, men får raskt eit nei tilbake.

Det vil nemleg sjå veldig rart ut, synest 35- åringen.

Men i likskap med mange andre, veit Johann ein god del om kva som er sunn og usunn mat. Men det er rett og slett viljen til å gjennomføre det som er problemet, fortel han.

– Problemet er at ein heile tida unner seg noko godt. Plutseleg er det helg halve veka, seier Johann.

Camilla nikkar einig.

– Dette er ein feil mange gjer. Ein er veldig flink heile veka og et sunt, men så sprekk ein totalt fredag 16.00 og et berre usunt heile helga. Då er det nesten betre å ete litt sjokolade kvar dag, seier ho og legg til at Johann også må passe på festing i helgane.

– Alkohol er ein stor fy- fy, seier ho og legg til at han får festforbod den neste månaden.

– Eg kan greie to veker, men då skal eg på omvising på Guinness i Dublin, kjem det kontant tilbake.

I tillegg til at 35-åringen må starte å ete

Måndag ettermiddag tikkar det inn ei melding på mobilen til underteikna.

«Typisk! Har ikkje lest gjennom handlelista ein gong før første freisting dukka opp! Halv pris på softis i dag på Jølstraholmen. Hahaha!»

«Og du stod imot fristinga?».

«Sjølvsagt. Det stod jo ikkje på handlelista eg fekk av Camilla:)» kjem det kjapt tilbake frå Johann.

Og 35- åringen kunne tysdag rapportere at matboksen var innkjøpt og nista smurt til jobbmøtet i Sogndal.

– Kollegaene mine lurte fælt på kva det var som rista i matboksen min. Og eg måtte berre svare at eg hadde lovd å ete nokre nøter presis klokka 14.00, flirer han.

ASTRID IREN SOLHEIM tekst BENT ARE IVERSEN foto

Stor interesse for personleg trenar Camilla Søvig har allereie fått mange kundar til det nystarta selskapet sitt.

– Eg blei nesten litt overraska, det har vore stor respons, seier 28- åringen frå Hellevik som 1. september oppretta eit enkeltmannsføretak.

Ho har jobba i fire år som personleg trenar, men då gjennom jobben på Spenst.

Her vil ho også halde fram å jobbe, men vil gå ned litt i stillingsprosent for å jobbe med firmaet sitt.

Og det er liten tvil om at interessa er stor for tilbodet.

– Vi hadde eit prøveprosjekt for ei tid tilbake og det var veldig vellykka. Vi greidde knapt å ta hand om alle. Difor var det ikkje så skummelt å kaste seg ut i eige firma, seier Søvig.

I tillegg til at ho er personleg trenar, vil ho også gi kosthaldsråd til dei som ønskjer det.

– Eg kan lage oppsett der det står detaljert kva ein bør ete og kor tid. Men ein kan også få ei kosthaldsplan etter ønskje og sjølv bestemme kor detaljert ein vil ha det.

Det er opp til kunden sjølv, seier 28åringen som har tre års idrettsutdanning frå Høgskulen i Sogn og Fjordane.

Firda følgjer Gotteberg a Under innvegingane ■ a Fram til mai 2011 ■ a Kjem Gotteberg ned mot 85 kg?

■ a Kjem feittprosenten ned mot 25 prosent ■ a Får Gotteberg eit sunnare liv?

■

Camilla sine mattips

a Variert kosthald er det viktigaste. Få i ■ deg nok grønsaker og litt frukt for å styrkje immunforsvaret. a Kroppen treng lette, små og saman■ sette måltid med korte mellomrom.

Planlegg kva du skal ete dei tre neste timane, få alt inn i faste rutinar og et til faste tider. a Prøv dampkoking av grønsaker eller ■ wok. Grill maten i steikjeomnen eller på teflonpanne. Kutt ut smøret. a Et så mykje fersk mat som mogleg.

■ a Bytt ut karbohydrat med protein. Litt ■ havregraut/gryn eller ei skive grovbrød er ok. a Et mindre av pasta/potet/ris, meir av ■ brokkoli/blomkål. a Drikk mykje vatn. ca 3 liter pr dag, og ■ endå meir dersom ein trenar. a Dersom ein trenar mykje bør ein tenk■ je på samspelet mellom trening, kosthald og kvile. Det bør vere ca. 2 timar mellom måltid og trening. I i tillegg til faste måltid, skal der også vere 2–3 mellommåltid. a Døme på mellommåltid er ein ■ yoghurt, ei frukt eller ei hand nøtter.

Bananar og rosiner er dømer på gode småmåltid rett etter trening fram til ein kjem heim og får laga middag.

FJORDALANGS 13 FIRDA LAURDAG 18. SEPTEMBER 2010

OPPSTYR: Prinsesse Märtha Louise har nok ein gong fått media si interesse med sine uttalelsar om sin kontakt med dei døde.

Foto: Erik Holsvik, Rogalands Avis/ANB

Frå det hinsidige I barndommen var eg ein gong med på det vi meinte var ein okkult seanse. Vi sat som små spiritistar i mørket rundt eit bord og kalla på avdøde slektningar og gamle vikingkongar, medan vi heldt kvarandre i hendene. På bordet stod eit glas, som visstnok skulle flytte seg dersom vi kom i kontakt med noko eller nokon frå det hinsidige. Så sat vi der, spende som felestrengar, og kvapp så vi skreik kvar gong det gjekk i ei dør eller knirka i huset. Kontakt fekk vi aldri, men skremde, det vart vi. Spesielt då stearinlyset borte i hjørnet, den einaste lyskjelda i rommet, blæs ut. Då la vi på sprang det fortaste vi vann, utan å ta oss tid til å helse på den som eventuelt kom på besøk. For alt eg veit kan det ha vore onkelen til Arne, han som forsvann på sjøen og aldri kom til rette, som sløkte lyset. Men mest truleg var det berre trekken frå vindauget.

Frå barndommen hugsar eg også at eg og ein kamerat, vi var ni-ti år gamle, fann ut at vi skulle skremme folk som på kveldstid passerte eit trongt smau der vi budde. Det var i utgangspunktet ein skummel stad, spesielt i mørket, med eit par falleferdige skur som stod der og knaka i samanføyingane når det blæs.

Vi skulle kle oss ut som spøkjelse, så eg stal eit kvitt dynevar heime, klypte hol til auga og tok på meg stasen. Så sneik eg meg av garde til den staden der eg hadde avtalt å møte kompisen min.

Men han såg eg ikkje. I staden sat det

FRISPARK

For alt eg veit kan det ha vore onkelen til Arne, han som forsvann på sjøen og aldri kom til rette, som sløkte lyset Knut Magnussen

eit spøkjelse inne i buska, og både eg og det andre spøkjelset skreik høgt då vi fekk auge på kvarandre og sprang kvar til vårt. Først i dagslyset neste dag, då verda verka mindre skummel og vi torde å snakke om det vi hadde sett, forstod vi at dei einaste gjenferda vi hadde møtt, var kvarandre.

Slike barndomsminne dukka opp att denne veka då eg las om prinsesse og engleskulestyrar Märtha Louise. I lang tid har ho drive på og snakka med englar, i tillegg til Ari Behn og hestane sine.

No har ho også, viser det seg, kontakt med dei daude, som ofte kjem på besøk til Maridalen der ho bur. Dei bankar neppe på, men går sikkert tvers gjennom veggen. Og for alt eg veit sit ho prinsesse Märtha der, saman med Ari og svigermor og bankar i bordplata og seier «kjekt å sjå deg, og værsågod kom inn!»

Det blir ofte sagt at monarkiet er ei avleggs styreform, men at den her til lands fungerer fordi kongefamilien har vore flinke til å finne rolla si, og ter seg som folk. Harald er ein sympatisk kar som trakkar jovialt rundt i den gamle vindjakka si, og Håkon Magnus har verken kledd seg ut i nazikostyme eller klabba til pressefotografar når han har vore ute på fest, slik prinsar i andre land har gjort. Og sjølv om Mette-Marit visstnok skal ha hatt ei utagerande fortid, og kven har ikkje det, så har ho ikkje, etter at ho blei kronprinsesse,

funne på verre ting i selskapslivet enn å gå i burdagsselskap til Jonas Gahr Støre.

Men så har vi altså Märtha, sjølve lysfontena, som denne veka har gjort Kyrkja, Den norske, trist som faen, for å sitere ektemaken Ari Behn. Både biskopar og Snåsamannen refsar prinsessa for hennar kontaktar i det hinsidige.

Men truleg er ho berre symptomatisk for det som mange kallar «tidsånda».

Dei siste par tiåra har det oppstått underlege og eksotiske religionar og sekter som ser ut til å vere attraktive for mange menneske. Truleg er forklaringa så enkel som at dei i ein grå kvardag treng mystikk og ei tru på høgre krefter av eit eller anna slag. For dei vert høgmessa på søndagen for tafatt, og sjølv om stadig fleire ser ut til å ha funne ei form for religion i trua på fotballen, og særleg Manchester United og profeten Alex Ferguson, er det nok eit åndeleg tomrom der ute som mange prøver å fylle.

Eg var ein gong på eit møte der nær døden, eller rettare; rett etter dødenopplevingar var temaet, der folk mimra om opplevingane sine på den andre sida. Eg har sjølv hatt hjartestans, men hadde ingen ting å bidra med. Ikkje såg eg lys, og ikkje høyrde eg harpespel. For meg verka hjartestansen som konsekvensen av ein ubetalt straumrekning: Det vart brått mørkt....

14

FIRDA LAURDAG 30. OKTOBER 2010

fjordalangs

Kan eg få majones Vekta viser noko heilt anna enn for fem veker sidan.

Men den viktigaste endringa for Johann Gotteberg har skjedd inne i hovudet hans.

– Fy fankern, Johann! Ser du at det lønner seg?

Sjokoladebrunt, langt hår dinglar hit og dit, personleg trenar Camilla Søvig har med målebandet i den eine handa og pennen i den andre nettopp oppsummert resultatet av kva fem veker med trening og sunt kosthald har gjort for Johann Gotteberg.

– No veks det snart grøne hår ut av øyra mine etter alle grønsakene eg har ete dei siste vekene, så takk og lov for at det har gitt resultat, flirer Johann.

HAN HAR NETTOPP gått opp på vekta på treningsstudioet Spenst i Førde. Då han stod her for fem veker sidan, var han fast bestemt på å gå ned i vekt, og Firda fekk lov til å følgje kilokampen hans.

Vekta til den 169 cm høge mannen synte då 108 kilo. No lyser eit heilt anna tal mot han.

– 100 kg!

Det har skjedd noko med Johann, og det synest. Men det er noko meir også – noko viktigare, som ikkje syner utanpå. For no tenkjer Johann annleis. Han veit at han ikkje kan skeie ut litt av og til, ta små snarvegar når det passar.

Skal han endre kosthaldet sitt, må han bruke hovudet, snu tankegangen. Og det har han greidd.

▼ ▼

«KOSAR MEG I SOFAEN med snop» Denne Facebook-statusen har du nok sett blant dine venner ein heilt vanleg kvardag du også. Det har i alle fall Gotteberg.

– Alle skal jo kooooose seg så mykje no til dags. Men mat er ikkje kos, men bensin for kroppen. Det er så lett å komme med unnskyldningar til seg sjølv heile tida. Kanskje du tek deg ei ekstra brødskive til kvelds. Men et du den ekstra skiva kvar dag, så blir det jo til slutt 4000 kaloriar ekstra i månaden. For min del blir det 5–6 timar ekstra på tredemølla, seier Johann.

– Og så kjekt er det ikkje å gå på tredemølla at eg gidd det, seier han bestemt.

Sjølv har nordfjordingen fått eit heilt anna syn på mat etter at han la om kosthaldet. Men sjølv om han no tenkjer annleis, er det lov å kose seg, også for ein som er på slanker’n. Men berre ein gong i veka.

– No har eg fått tilbake den gode laurdagskjensla som eg hadde då eg var liten. Då gledde eg meg heile veka til godteri den eine dagen i veka, og slik har eg det no. Sjeldan har eg gledd meg ei heil veke til å ete lasagne på laurdag, seier Johann.

FIRDA FØLGJER GOTTEBERG ■ Under målingane kvar 5–6 veke der vekt, feittprosent og storleik blir målt.

■ Første måling var 13. september, andre måling 18. oktober og neste måling blir i slutten av november.

■ I mai håper Gotteberg at målet om ein feittprosent ned mot 25 og ei vekt på om lag 85 er nådd.

I BETRE FORM: Er pulsen til Johann lågare no enn då han tok den fysiske testen på tredemølla for fem veker sidan? Personleg trenar Camilla Søberg følgjer spe

fjordalangs

p책 skiva no?

nt med p책 Johann som tel pulsslag. Resultatet syner at Johann bruker mindre tid og har l책gare puls no enn i midten av september.

FIRDA LAURDAG 30. OKTOBER 2010

15

16

FIRDA LAURDAG 30. OKTOBER 2010

fjordalangs

▼ ▼ Sjølv kunne han gjerne tenkt seg at vekta synte under 100 kg denne måndagsmorgonen.

– Men samstundes er det veldig greitt å framleis kunne målast i tonn, konstaterer 35- åringen frå Måløy, men med base i Førde og på Vassenden.

MEDAN KAMERATANE har vore ute på fest og drukke øl, har Johann stort sett roa ned på laurdagskveldane. Alkohol har vore ein stor fy-fy. Frå å ete store, men få måltid, et 35- åringen no seks–sju mindre måltid om dagen. Majones og feite sausar har blitt eit ikkje- ord, og med niste med seg på jobbturar, greier Johann å planleggje måltida betre.

– Den første veka var eg svolten heile tida. Men etter kvart har det gått seg til, og eg synest det har gått mykje betre enn eg hadde venta, seier han.

Kleda har blitt for store, og beltereima har han gått inn tre hakk på.

– Eg merkar vektnedgangen godt på kroppen, pustar lettare og har fått mindre mage. Her om dagen var eg ute og spikra på verandaen, og medan eg tidlegare hadde blitt dyvåt av sveitte av ei slik økt, så var eg no like tørr! Det aller meste går lettare no enn før, og det er godt å kjenne!

KJAPPE FINGRAR tastar inn mål på ein kalkulator, kan liksom ikkje bli ferdig raskt nok.

– Du har blitt 26 cm mindre! Men det aller beste er at du har minka feittprosenten frå 34,6 til 29,5. Det betyr at du har trent rett og mista feitt, men ikkje musklar.

Men ein vektnedgang på 8 kilo på fem veker er nesten litt for bra, sjølv for ein stolt trenar.

– Sunn vektnedgang er 0,5 kg i veka.

Går du ned for mykje, går kroppen på sparebluss, seier ho til Johann.

– Så kan eg få majones på skiva no, då? repliserer Johann kjapt, vel vitande om at majones er bannlyst.

ENDRINGAR: Innhaldet i kjøleskapet til Johann har endra seg stort på fem veker. Majones er ikkjeeksisterande, medan skinkepålegg og frukt har fått plass. Men ølen tek ikkje Johann ansvar for, den er ikkje hans, seier 35- åringen.

PÅ VEG MOT MÅLET: I midten av september starta Johann å trene og ete sunt. Så langt har det gitt ein vektreduksjon på åtte kilo. Innan mai håper den tidlegare 108 kg tunge nordfjordingen at han er nede i ca 80 kg.

«NO VEKS DET SNART GRØNE HÅR UT AV ØYRA MINE ETTER ALLE GRØNSAKENE EG HAR ETE DEI SISTE VEKENE» Johann Gotteberg

Jegergryte med omnsbakte grønsaker

JOHANNS MATTIPS

Johanns jegergryte er ein sunnare versjon av den tradisjonelle jegergryta. Den er utan fløyte, smør eller anna «feitt», med unntak av 2 matskeier olivenolje til baking av grønsaker og ein boks lettrømme. Gryta held til fire personar.

Ingrediensar: ca 600 g reint hjortekjøt Kjøtbuljong 1 boks lettrømme 4 poteter 1 kålrabi 8 gulrøter Kantarellar Rosenkål 1 løk Tytebær Brunost frå geit (gjerne frå ein av våre lokale produsentar) Einebær – (som du har tørka i omnen tidlegare) Provencekrydder

Slik gjer du det: 1. Skjer kjøtet i passande terningar og fres dei i ei panne, eventuelt ei jerngryte. Krydre kjøtet med litt pepar.

2. Bland ut buljong i ca 7–10 dl vatn. Ha dette over kjøtet og gje det eit oppkok. NB! Ta av skummet.

La dette stå å trekkje/småkoke til det er mørt, noko som kan ta alt frå 1 til 3 timar avhengig av kva kjøt du brukar og kor store stykka er.

3. Set omnen på 180 grader. Skjer opp kålrabi, gulrøter og poteter ca 1 cm tjukke og gjerne på langs. Legg det i eldfast form. Ha over 1–2 matskei med olivenolje saman med grovsalt, pepar og Provencekrydder. Bland godt og set det inn i omnen i om lag 1 time. Snu av og til. Du kan og ha rosenkål saman med dette, eller du kan koke/dampe den for seg sjølv.

4. Forvell/steik kantarellen. Kutt opp løk og gje den ei runde i steikjepanna saman med litt olje, men ikkje steik løken for mykje.

5. Når kjøtet omtrent er ferdig, tek du opp i rømmen og om lag 4–6 skiver med geitost. Rør godt. Ha i 4 knuste einebær og ei matskei med tytebær. Ha i løk og kantarell. La dette småkoke. Smak til med salt og pepar.

God fornøyelse og hugs: dobbelt så masse grønsaker som kjøt på tallerkenen.

– ØLET ER IKKJE MITT! Kjøleskapsdøra er knapt opna og innhaldet langt ifrå ferdigstudert før Johann bryt inn og forklarar kva nei-drikken har å gjere i kjøleskapet hans.

Vi er nemleg heime på kjøkkenet hans på Vassenden for å ta ein nærmare kikk på kva han fyller opp kjøleskapet med.

Men det som Johann derimot gjerne tek på si kappe, er klippfisken, skinkepålegget, frukta, grønsakene, kartongane med skumma mjølk og det sukkerfrie syltetøyet.

Majonesen som tidlegare var eit fast innslag, er no ein saga blott.

– Eg hadde meg ei solid ryddeøkt i kjøleskapet og kasta alt det som enno ikkje hadde hatt vit til å gå sjølv, seier 35- åringen medan han kuttar opp eple, pærer og bananar til ein fruktsalat som skal bli kveldsmat.

– No et eg så lite og regelmessig at eg nesten kan stille klokka etter kor tid eg er svolten, seier Johann og blandar frukta opp i ein liten bolle.

Med ei matskei vaniljekesam og cottage cheese og litt nøtter, har han på få minutt laga kveldsmaten klar. (Kan anbefalast.

Sjå oppskrift!)

Johann trur det hadde blitt vanskelegare å slanke seg om han hadde hatt ein kjærast i hus.

fjordalangs

– No har eg berre meg sjølv å tenkje på, noko som er ein fordel akkurat no. Eg slepp til dømes å ha nokon som knaskar i seg sjokolade medan eg er i rommet, seier han.

Den største utfordringa i matvegen har vore jobbmiddagane for nordfjordingen som ofte er ute på reis. Men ved å kutte smør og sausar og be om meir grønsaker og mindre poteter, har han greidd å kutte mange kaloriar her.

LEGGENE BRENN, SVIR, skrik etter å sleppe.

Men ikkje enno. Medan musikken dunkar taktfast i bakgrunnen på Spenst, trillar sveittedropane av Johann der han går i veg på tredemølla.

Kosthaldet har fungert, mannen har blitt åtte kilo lettare. Men har trening tre gonger i veka gitt utslag?

Enno er det vel 1000 meter igjen av testen på 1609 meter som han tok fem veker tidlegare, og no skal han sjå om han kjem i land med betre tid og mindre puls.

– Dette ser bra ut, Johann!

Camilla følgjer nøye med på kor mange meter Johann har att av testen og kor høg pulsen hans er.

Og etter hundrevis av steg, sveitte som silar og ei Camilla som kjem med oppmuntrande kommentarar, har endeleg Johann komme i mål. 1609 meter, ei engelsk mil, er passert.

– Leggene svir! Hadde det ikkje vore for det, kunne eg greidd å gå meir.

Johann set seg ned og strekkjer ut leggene. Og fem veker med trening har gitt resultat: 35- åringen har lågare puls og brukar mindre tid no enn han gjorde for fem veker sidan.

TRE GONGER i veka har Johan tatt på seg joggeskoa, sveitta og forbrent kaloriar.

Medan han har trent kondisjon to gonger i veka saman med Camilla, og då i hovudsak på ein spinningsykkel eller tredemølla, har han trent variert åleine den tredje økta i veka.

I lag med litt styrketrening, har han mista feitt, og ikkje musklar, noko som er svært viktig, poengterer Camilla.

Men sjølv om vektreduksjonen har gått nærast som ein leik så langt, kan ikkje Johann vente seg at det kjem til å gå like lett framover, understrekar Camilla.

– Det er i tida framover at det blir tøft.

Kroppen vil ikkje miste like mange kilo som den har gjort til no, og mange slit då med motivasjonen, seier ho.

Sjølv er Johann mest bekymra for den kommande julebordsesongen.

– Eg er invitert på fire julebord, noko som kan bli ei skikkeleg utfordring, sukkar han, Men Johann er ein sta mann og meir disiplinert enn dei fleste. Sjølv om 35åringen sjeldan takkar nei til ein fest, så skjer det litt annleis no enn før, til dømes under ølsmaking på Guinness i Irland.

– Eg kunne jo ikkje takke nei til øl her, det går jo berre ikkje an. Så eg tok meg først ein god times treningsøkt på hotellet før eg kunne gå ut og unne meg litt øl. Då hadde eg nemleg forbrent nok kaloriar på forskot.

FIRDA LAURDAG 30. OKTOBER 2010

17

VITALE MÅL Tala er basert på målingar av Johann 18. oktober.

Tal frå første måling 13. september i parentes.

■ Vekt 100 kg (108,2) ■ Feittprosent: 29,5 (34,6) ■ Brystkassa: 108,5 cm (118) ■ Magemål: 112,5 cm (120,5) ■ Rumpe: 119 cm (122) ■ Lår: 105 cm (111) ■ Totalt: 26 cm mindre på 5 veker.

ASTRID IREN SOLHEIM tekst og foto

Kjapp kyllingsandwich Ingrediensar: 1 kyllingfilét 1 tomat 1 salat (isberg eller romano) 1 stor sopp 1 skive skikkeleg grovt brød Raudløk Kvitløkolje (Bland saman olivenolje, salt, pepar og kvitløk)

Slik gjer du det: 1. Set panna på litt høg varme, men ikkje ha i olje. Skjer opp sopp og hiv opp i panna. Del kyllingfilét på langs (dette reduserer steikjetida) 2. Legg brødet på panna saman med soppen og «svi» brødet litt på begge sider. Ha salt og pepar på soppen.

3. Tøm panna og ha opp i litt steikjeolje (ikkje kvitløkoljen) og steik kyllingen. Mens den steikjer, skjer du opp løk og tomat. Snu kyllingen og krydre den med litt salt og pepar eller anna krydder.

4. Legg sopp, salat, tomat og løk opp på brødet (gjerne i den rekkjefølgja). Sildre over 1 teskei med kvitløkolje og så tek du kyllingen oppå til slutt.

(Eventuelt kan ein byte ut kvitløkoljen med balsamico- eddik. Ein kan også kutte ut brødet om Atkinson-dietten er tingen) FØR/NO: Biletet øvst syner Johann under første målingsdag 13. september. Biletet nedanfor syner ein åtte kilo lettare Johann 18. oktober.

Johanns fruktsalat Kutt opp eple, pære og banan. Bland det og hiv opp i litt nøtter. Topp det heile med ei matskei med vaniljekesam og ei matskei med cottage cheese.

CAMILLA SØVIG ■ Personleg trenar for Johann Gotteberg og ei rekkje andre kundar. Driv eige firma i Førde der ho tilbyr personleg trening og kosthaldsrettleiing.

■ På nettsida til Camilla, http://treningsguide.no, finn du mellom anna treningstips og gode råd om sunn mat.

14

FIRDA LAURDAG 8. JANUAR 2011

fjordalangs

Slankinga SUSAR AV GARDE: Johann Gotteberg elskar å stå på ski i Bjørkelia. Med ein 15 kilo lettare kropp går det mykje lettare å vere ute i løypa og trene. Men det er likevel vanskeleg for nordfjordingen å finne motivasjonen til å halde fram det nye og sunne livet.

Foto: Bent Are Iversen.

fjordalangs

K

leda som tidlegare sat litt stramt, sit no laust på ein kropp som har gått ned 15 kilo på like mange veker. Beltereima treng stadig vekk nye hakk, det meste i klesskapet har blitt for stort. Når Johann Gotteberg no går til topps på fjelltoppar eller susar nedover skibakken i Bjørkelia, er det ikkje like heseblesande lenger, kroppen jobbar betre og er meir uthaldande.

MOTBAKKE. Ingen tvil om at Johann har lukkast så langt i å endre livsstil. Sidan han starta prosjektet i midten av september, har han gått ned frå 108 til 93 kilo. No er han halvvegs i målet om å slanke vekk nær 30 kilo, ein kamp som han let Firda sine lesarar få følgje.

Den første tida gjekk det som ein leik.

Rett nok var Johann svolten heile den første veka, men kiloa rann vekk. Personleg trenar Camilla Søvig lagde treningsplan og kosthaldsmeny, og frå midten av september og fram til slutten av oktober gjekk Johann ned åtte kilo. Motivasjonen steig i takt med den aukande forma. Men no har det blitt verre. Mykje verre.

Johann sit på kontoret sitt i Sparebanken Vest, drikk kaffi og funderer litt denne januarmorgonen. Den sunne maten har blitt meir og meir kjedeleg, treningsøvingane byr heller ikkje akkurat på den store spenninga alltid. Vektnedgangen har flata ut.

– Dørstokkmila blir ikkje kortare og kortare, dessverre. Og trening er ikkje berre ein leik. Eg får magesår av tredemølla, men eg veit at eg berre må igjennom det, seier Johann.

KUTTA PEPARKAKENE. Johann er tilbake på jobb etter ein juleferie der han har tatt fullstendig fri frå kosthaldsplanen sin med salatar, frukt og sunne middagar. I jula har han gjort som dei fleste av oss andre: stappa i seg godteri dagen lang og ete altfor mykje feit julemat. Men vekta viser berre ein halv kilos oppgang, for Johann tok ikkje fri frå treninga og la inn fleire treningsøkter.

FIRDA FØLGJER GOTTEBERG ■ Under målingane der vekt, feittprosent og storleik blir målt.

■ Første møte med 35-åringen var 18. september 2010 og andre reportasje på trykk var 30. oktober.

■ I mai håper Gotteberg at målet om ein feittprosent ned mot 25 og ei vekt på om lag 85 kg er nådd.

Feite ribber, alkohol og peparkaker på kvart eit bord. Johann såg med gru på adventstida, ein slankars mareritt.

– Målet var å berre komme seg igjennom det, enkelt og greitt. Eg kutta ned på ein del julebord, og dei eg gjekk på brukte eg som fridagen min, fortel Johann som har lov til å ete det han vil ein dag i veka. Og dei freistande peparkakene som står på kvart eit kaffibord i heile desember tok han berre ei av.

– No tenkjer kanskje ein del lesarar at eg er fullstendig fanatisk og at ein må kunne unne seg litt ekstra ein gong imellom, seier Johann, tenkjer litt etter.

– Men for min del handlar det om at eg ikkje gidd å traske endå lengre på tredemølla for dei ekstra kaloriane den vesle peparkaka gir meg. For det er ikkje så kjekt å jogge, smiler han.

– Ein må ha det rette perspektivet. Er den peparkaka eller tv-programmet viktigare enn å prioriterer å ta seg ein treningstur og halde kroppen sunn?

FISKEKAKE-TACO. For alle dei av oss som har knaska i oss snop og gafla i oss julemat, blir det kanskje ekstra tungt å plutseleg ta ei heilomvending og bli sunn i ein fei over nyttår.

– Då må vi jo redusere matinntaket vårt kjempemykje, så det seier seg sjølv at det blir tungt å snu livsstilen i januar, seier Johann som sjølv er disiplinert når det gjeld å ete sunt.

– Eg prøver å gjere dei gode matrettane sunne, og på søndag hadde eg til dømes taco med fiskekaker i staden for kjøtdeig... Ikkje akkurat ei kulinarisk oppleving, flirer han.

Johann et 5–6 gonger dagleg. Måltida er små.

Lunchen kan stå av to knekkebrød med makrell i tomat og kanskje ei frukt medan mellommåltidet kan vere grønsaker eller ei frukt.

TRAPPAR OPP. I byrjinga av desember trappa Johann opp treningsøktene frå tre til fire i veka. Den personlege trenaren er med på to av dei timeslange øktene. Ei av treningane er styrke medan resten er kondisjonstrening og forbrenning.

– Eg hadde neppe greidd dette utan personleg trenar. Det er ikkje så lett å berre avlyse ei trening om du heller vil liggje på sofaen ein kveld.

Men sjølv om nordfjordingen no er godt på veg

FIRDA LAURDAG 8. JANUAR 2011

15

mot målet, merkar Johann at han er usikker på tida etterpå. Korleis skal han balansere trening og kosthald når han ikkje lenger skal ned i vekt, men halde den stabil?

SJUK AV SNOP. Sjølv om Johann tok fri frå kosthaldsplanen sin i jula, så merkar han ein vesentleg forskjell frå tidlegare.

– Eg blir mykje fortare mett, og på julaftan greidde eg berre å ete halvparten av pinnane som var rekna til meg. Ikkje noko særleg kjekt, flirer han.

– Dessutan merkar eg at når eg et mykje snop og godteri, så kjenner eg meg skikkeleg uggen dagen etterpå, nesten litt fyllesjuk på ein måte. Kroppen min er ikkje like vand til usunn mat lenger.

Likevel merkar Johann godt at noko har skjedd med kroppen hans i jula. Mange dagar med fråtsing fører til at han no må starte på nytt.

– Magen har blitt vand med meir mat og no kjenner eg at eg går rundt og er svolten heile tida slik eg var den første veka i programmet, seier Johann.

LATE PÅ TRENING. Medan musikken dunkar taktfast supar dei i seg vatn, kleda er like tørre og sveittfrie, dei spankulerer bort til eit apparat, gjer eit par øvingar før dei tek seg ei pause og pratar med ein kompis. Johann er ikkje like imponert over innsatsen til alle han ser på treningssenteret Spenst i Førde.

– Det er så mange som knapt sveittar og som berre heng på treningssenteret. Om du blir for oppteken av korleis du ser ut og ikkje vil vise deg sveitt og raud i trynet ute blant folk, så kan det jo vere like greitt å ta seg ei treningsøkt på eiga hand.

Sidan Johann har lagt bak seg ein del treningsøkter i ungdommen, er han godt vand med å presse seg sjølv. Men han trur det finst ein del som ikkje er flinke til dette, dei orkar ikkje presse seg når dei merkar at mjølkesyra kjem.

– Eg snakka med ein fortvila turgåar her om dagen. Ho går på tur med hunden sin kvar dag, men går ikkje ned i vekt. Men om du ikkje aukar intensiteten etter kvart, så vil jo kroppen venje seg til belastninga. Så ein må heile tida auke på om ein ønskjer framgang, seier 35-åringen.

inn i motbakken Kroppen blir stadig lettare, men motivasjonen tyngre for Johann Gotteberg.

16

fjordalangs

FIRDA LAURDAG 8. JANUAR 2011

JOBBAR MED HALDNINGANE. Kvifor ikkje unne seg litt ekstra til kveldsmat? Og hadde det ikkje vore godt med noko ekstra godt til middag i dag? Johann har nytta eit utal med unnskyldningar for å unne seg ekstra god mat titt og ofte. Han er flink til å finne gode unnskyldningar. Difor har han jobba mykje med å ta tak i seg sjølv og det mentale.

– Desse vekene her har eg funne ut at eg er skikkeleg lat!

Auga blir smale og Johann flirer godt.

– Sjølv om eg kan glede meg til ein topptur laurdagen, så greier eg godt å halde meg i ro på sofaen fram til då. Eg må ikkje ut å springe før skituren, flirer han.

– Er du lykkelegare no enn då du åt det du ville og ikkje talde kaloriar?

Johann smiler litt, blir stille.

– Hm. Det var eit vanskeleg spørsmål.

Både ja og nei. Det er sjølvsagt kjekt å vere ute å drikke øl, men samstundes er det veldig kjekt å ha overskot til å reise ut å stå på ski. Så eg veit ikkje kva eg er, har

ikkje gjort opp status enno, smiler han.

DÅRLEGE UNNSKYLDNINGAR. Ungar, familie, jobb, sliten og trøytt, har ikkje tid osv. Å finne grunnar til at ein ikkje har tid til å trene, er det nok av, men Johann kjøper ingen av dei.

– Du finn alltids tid. Vi greier alltids å sy saman kvardagen slik at vi rekk å trene.

Berre ved å skru av TV-en sparar du ein del timar, seier han.

Sjølv jobbar han på det meste oppimot

14 timar dagleg, og ofte har han meir lyst å slappe av enn å trene, men han dreg seg likevel til treningssenteret.

– Når presidenten i USA rekk å trene, ja då gjer dei fleste av oss det. Om du har born du skal køyre hit og dit, kan du jo til dømes ta deg ein gåtur medan du ventar på at dei blir ferdige. Eg har full forståing for alle unnskyldningar, men det er jo framleis berre unnskyldningar.

ASTRID IREN SOLHEIM tekst

JOHANN SINE VITALE MÅL

SEPTEMBER 108,2 kg

OKTOBER 100 kg

DESEMBER 93,2 kg

Siste måling 17. desember (tal i parentes frå målingane i september og oktober) ■ Feittprosent: 27,7 (29,5, 34, 6) ■ Brystkassa: 109 cm (108, 5, 118) ■ Magemål: 107,5 cm (112,5, 120,5) ■ Rumpe: 113,5 (119, 122)

Start lett, men bli sveitt Kva gjer du når du hatar synet av treningssenteret etter berre ei vekes trening og synet av salatblad får deg til å ville grine?

Du går knallhardt ut og trenar fem dagar i veka. Magen rumlar og du greier ikkje å tenkje på anna enn mat. Feitt og sukker er bannlyst. Etter to veker er du så lei at du slengjer deg på sofaen med ein pakke chips og blir der.

Ein vanleg feil mange gjer er å gå for hardt ut når dei planlegg eit nytt og sunnare liv. Då forsvinn også motivasjonen raskt.

SLIK STARTAR DU OPP. Camilla Søvig er personleg trenar for Johann Gotteberg, og ho veit av erfaring at mange slit med å halde på nyttårsforsetta.

– Ein held kanskje ut ein månad eller to, men så går ein fort lei fordi ein set seg for høge mål og tenkjer for langt fram. Mange planlegg for stor vektnedgang på altfor lita

tid. Ein sunn nedgang er eit halvt kilo i veka, seier Søvig.

Start enkelt med 1–2 timeslange økter i veka. Set deg eitt realistisk mål, ikkje sju ting du skulle ha gjort noko med. Om du får hjelp til å lage eit skikkeleg program (til dømes av treningssenteret ditt), trenar du rett i forhold til målet ditt.

Om du får med deg ein treningspartnar blir det heile sosialt og meir lystprega, påpeiker trenaren.

DETTE GJER DU FEIL. Skal du få resultat må du ta i og sveitte. Du kjem ikkje så langt med den «snille» forma med lite sveitting og meir behageleg trening, ein trend som Søvig har lagt merke til i det siste.

– Varier treninga di og sveitt, seier ho, og viser til at til dømes kondisjonstrening som spinning, jogging, fjellturar og motbakkegåing på tredemølla er god kondisjonstrening der du neppe går tørrkledd heim.

Styrketreninga skal vere effektiv, ikkje ha for lange pausar, 20 sekund er nok mellom kvart sett.

Tren heile kroppen og ikkje gløym magemusklane, minner Søvig om.

– Magetreninga blir dessverre ofte nedprioritert, noko som er veldig synd sidan coremuskulaturen er det viktigaste å trene.

Du treng ein sterk mage og rygg for å halde kroppen oppe. Dette er også førebyggjande til når ein blir gammal, understrekar Søvig.

VENT MED KOSTEN. Etter kvart som ein kjem litt inn i treninga kan ein etter ein månads tid starte å tenkje på kosten. Ikkje gjer alt på ein gong, det kan lett bli for ambisiøst, meiner Søvig.

Start med hyppigare og mindre måltid.

Hugs frukost og ikkje et etter klokka 20.

Ikkje tenk på alle dei tallause råda og tipsa om kost og kaloriar, gjer det heller enkelt: kutt ned på karbohydrat og erstatt dei med protein og grønsaker.

JOHANN OG MOTIVASJONEN. At Johann slit med motivasjonen no, er heilt vanleg på dette tidspunktet, meiner den personlege trenaren hans.

– Difor tek vi mål ein gong i veka og har tettare kontroll. Det går seinare å gå ned i vekt no fordi Johann har mindre å ta av, seier Søvig, som i desember la inn ei ekstra forbrenningsøkt i veka for 35-åringen og litt meir styrketrening.

I tillegg gjer Søvig det ho kan for å motivere Johann under dei to treningane dei har i lag i veka og snakkar med han på telefon for å få han til å halde motet oppe.

Ho synest 35- åringen har gjort ein kjempegod jobb så langt, men ser at han kan bli flinkare med kosthaldet.

VEGEN VIDARE FOR JOHANN. Innan mai håper Johann at han har nådd målet sitt. Då kan han gå over til litt vedlikehaldstrening, om lag 2–3 økter i veka. Treningsopplegget blir endra i forhold til den fysiske forma slik at 35- åringen trenar rett.

– Det veldig mange slit med, er at dei ikkje veit nok om kva som er rett trening i forhold til mål og fysisk form. Dei trenar feil og får lite resultat, noko som igjen fører til tapt motivasjon og til slutt treningsstopp, seier Camilla Søvig.

FIRDA LAURDAG 12. FEBRUAR 2011

9

FJORDALANGS

FINST IKKJE LANGSINT: – Eg kan bli veldig sur i omtrent 20 sekund, men så er det over, seier Jessica Ann Venø.

Foto: Tone Merete Lillesvangstu

Ho har ei liste over ting ho skal gjere før ho døyr, men mest glad blir ho av å glede andre.

Roskilde-frelst med brei musikksmak – Blir det litt rart når russerevyen er over?

– Det blir det heilt sikkert. Eg dansar for Danseverkstaden også, og då vi sette opp Nøtteknekkaren til jul, gjekk det i eitt heile tida. Og så vart det litt rart etterpå. Eg trur det blir slik no og.

– Korleis har det vorte med skulearbeidet midt oppi alt dette? – Må du spørje? Hm, det har nok gått ut over skulearbeidet, det trur eg. Ikkje berre for meg, men for dei fleste, trur eg. Dei siste tre vekene har vore rimeleg intense. Dessutan jobbar eg på Carlings og, så det er nok å hengje fingrane i. Samtidig får eg gjort meir når eg har det travelt. Dersom det er lite som skjer, så blir eg veldig ineffektiv. Det har synt seg gong på gong.

– Kva har du tenkt å bli? – Kunne godt tenkt med å jobba med menneskerettar som advokat. Eg har lyst til å bli rik nok til å hjelpe andre. Det gir meg mykje å glede andre. Og så kunne eg tenkt meg å dra til Brasil for å hjelpe gateborn. Det er mange organisasjonar som tek inn frivillige, og det kunne eg godt tenkt meg å gjere. Elles er eg ein person som tek ting litt sånn som det kjem. I 99,9 prosent av gongene går det bra.

PROFILEN Jessica Ann Venø ALDER: 18 BUSTAD: Førde AKTUELL: Ein av to revysjefar i samband med Hafstadrussen sin russerevy 2011 TRE KARAKTERISTIKKAR: Positiv, livsglad og bestemt HOVUDINTERESSER: Venner, musikk og dans.

– Kva gjer du etter russetida då? – Eg hadde to ting eg var sikker på i forhold til det; eg skulle ikkje på folkehøgskule, og eg skulle vekk frå Norge. Difor dreg eg til Barcelona 26. august.

– Fordi? – Eg har hatt spansk sidan åttande klasse, men likevel tykkjer eg at eg ikkje snakkar godt nok. Difor var eg lysten på å bu i eit spansktalande land slik at eg kunne lære å snakke spansk flytande. Vi var i Barcelona på studietur, og det gav verkeleg meirsmak. Og så ville eg ut. Eller vekk frå Norge.

– Er du lei av Norge? – Tja, det er ikkje berre det. Eg har liksom ei liste over ting eg har lyst til å gjere før eg dør, og ting eg har lyst å gjere etter vidaregåande. Det å bu utanlands har eg hatt lyst til ei stund.

– Du snakkar rimeleg bra engelsk då? – Ja, må vel seie det. Mamma snakkar alltid engelsk til meg, men eg svarar på norskengelsk.

– Du har drive mykje med dans, og er framleis aktiv både som dansar og instruktør på Danseverkstaden. Du har ikkje tenkt på å gjere dansen til ein karriereveg? – Nei, eg veit kor hardt og vanskeleg det er å leve av dans. Er nok kjekkare å ha det som ein hobby.

– Kva gjer du når du skal slappe av? – Då høyrer eg musikk eller ser tv-seriar.

– Noko favorittmusikk? – Eg er rimeleg open for all musikk. Og så er eg Roskilde-frelst.

Eg fekk min tredje Roskildebillett til jul og gler meg sjukt. Roskilde er definitivt eit lys i tunnelen akkurat no. Men det omtrent fem eksamenar til.

– Er det eit friår i Barcelona, eller? – Nei, det er eit slags kulturakademi. Eg skal ha eksamen både i spansk og idéhistorie.

– Men du er ikkje heilt ukjend med utlandet frå før? – Nei, eg er halvt engelsk, og eg har og gått på skule i England då eg var liten.

Av Tone Merete Lillesvangstu

fjordalangs

FIRDA LAURDAG 8. JANUAR 2011

«PÅBOD OG FORBOD, SPESIELT VISS DU KAN KOPLE DEI TIL ORDET «MILJØ», ER MEIR SMITTSAMT ENN SVINEINFLKUENSA»

Shopparens venn og miljøets fiende ÅP«..OG at det er ein nyttig ting, kan ingen komme fra» song Alf Prøysen i visa om han som skulle snikre noko fint til mor til jul, men endte med ei skjerefjøl. Ein annan nyttig ting er plastposen. Men den vil snart forsvinne, for om den er aldri så nyttig, så er den eit symbol på bruk-og-kast-samfunnet, og derfor vil politikarane fjerne den. Italia er første land ut med forbod mot plastposar, men når det først kjem ein stad dukkar det snart opp andre stader. San Francisco i California var forresten aller først ute. Dei forbaud plastposane allereie i 2007. Årsaka var at dei er lagd av olje, og for å få ned utsleppet av CO2 forbaud dei plastposane. Bilbruken, derimot, har amerikanarane gjort fint lite med. Men når eit forbod først er innført, er det berre eit tidsspørsmål før plastposen forsvinn, også her til lands.

EG PRØVDE å finne ut meir om plastposar, og det er ikkje vanskeleg å finne informasjon på nettet: «Plastic bags» gav 39 000 000 – trettini millionar (!) _ treff, og nye 51 900 treff dukka opp då eg søkte på «plastpose». Det seier sitt om kor mykje vi nyttar plastposane, som vart innført på sekstitalet.

Då var det ikkje ein kjeft som snakka negativt om plast av noko slag, og dersom nokon brukte uttrykket «ikkje berekraftig» om plastposar, sikta dei berre til at handtaket på enkelte av dei hadde ein tendens til å slitne. Sidan den tid har vi bore oss skakke, og frakta heim berg av plastposar. I den vestlege verda, der vi shoppar som aller verst, er plastposen eit velstandsikon, og saman med kredittkortet, shopparens beste venn. Dei som hugsar tilbake til syttitalet, vil kanskje også hugse dåverande sosialminister Bergfrid Fjose, og ein urtypisk norsk debatt om korvidt Polet skulle trykkje logoen sin på plastposane, slik alle andre firma gjorde: – NEI, sa Bergfrid, og resultatet var at polet måtte selje varene sine i einsfarga brune posar, som var så påfallande diskrete i reklamevrimmelen at du såg lang veg kven som hadde vore på polet og handla lovlege, men moralsk forkastelege, varer. Og det norske språket vart velsigna med nyordet «fjosepose».

AV EIN eller annan grunn er det italienarane som er dei aller største plastposebrukarane. I snitt brukar kvar italienar 330 posar i året. Det blir ein bra haug av slikt, med tanke på at det bur 60 millionar menneske i støvellandet. Det er derfor styresmaktene no vil forby plastposar, som sleng rundt om i gater og natur. Av omsyn til miljøet, heiter det, men sidan det er Italia vi snakkar om, blir grunngjevinga likevel litt pussig: For der er det vel ikkje først og fremst plastposane som har vore problemet, men at bosset blir ståande ute i veker og månader og stinke og rotne, fordi stat og kommunar ikkje greier å bli samde med mafiaen om bosshentinga

FRISPARK Knut Magnussen

og tilgangen til fyllplassane. Då blir plastposeforbodet omtrent som å rive ned Svinesundbrua fordi nokre brukar den til smugling. Berlusconi, som har føter i begge leirar, både i regjeringa og i underverda, og truleg ville vore bura inne om han ikkje var statsminister, har heller ikkje akkurat hatt miljøet øvst på dagsorden.

Vi trur derfor plastposeforbodet først og fremst er eit patetisk forsøk på å framstå som handlekraftig, i miljøets namn.

NYTTEVERDIEN av forbodet er derimot meir diskutabel. Plastposar er ei hendig sak når du skal bere heim varene, og dessutan er plastposane stort sett produsert av resirkulert plast. Så den posen du bar heim juleakevitten i, kan det hende du frakta gulrøter og mandelpoteter i året før. og det skal fellast mange tre viss papirposar skal erstatte plastposane.

Dessutan, tenkte eg, då eg handla yoghurt her om dagen, kva er vits i å forby plastposen, når seks små yoghurtar er så emballert i plast at dei nesten er innbrotssikre, i tillegg til at dei er pakka inn i papp? For viss det er plasten ein vil til livs, skulle det vere flust å ta av. Kvifor begynne med plastposen, som trass alt har ein misjon?

LIKEVEL kan du vere trygg på at plastposen, sine dagar snart er over, også her til lands, uansett kor mykje ein resirkulerer. For påbod og forbod, spesielt viss du kan kople dei til ordet «miljø», er meir smittsame enn svineinfluensa.

Men ein ting håper eg eg slepp, om dei er aldri så «mijøvennlege», nemleg dei nedbrytbare bioplastposane, visstnok lagd av mais, som kommunen ville vi skulle ha matbosset vårt i for nokre år sidan. I tillegg til å vere like ekle å ta i som brukte kondomar, var dei så lett nedbrytbare at komposteringa starta før du fekk bore ut bosset. Og når du står der, med ein revna bioplastpose i neven og matavfallet ligg strødd ut over kjøkkengolvet fordi bioplasten er gått i oppløysing, då saknar du noko å samle møkka i. Då er ein skikkeleg plastpose eit pluss for mijøet.

13

Hus og kjøkken – din leverandør i Sogn og Fjordane 1961–2011

Tlf. 57 72 17 00 – www.gravdal.no

LAURDAG 16. APRIL 2011 • Nr. 90 • Veke 16 • 94. årgang • Laussal kr 20,–

FJORDA LANGS I DAG

Jentene vil bli sterkare enn før Hyppig styrketrening er medisinen til handballjentene i Førde.

– Dei vil bli innpå 50 prosent sterkare kort tid, seier trenaren.

Side 20–21

Vil ikkje rive før anbodsopning

Tips oss på telefon 57 83 33 33 • SMS fitips 2005 • 42 000 lesarar kvar dag • Siste nytt på firda.no

Saftig, sprøtt og smakfullt

Likar å bli litt redd

Reportasje side 11–15

Profilen side 9

Superslankaren ■ Slik forsvann

22 kilo på åtte månader Side 16–18

Planutvalet har bestemt at rådhuskvartalet ikkje skal rivast før anboda på nybygget kjem inn.

Side 6–7

FØR SERIESTART: 4. DIVISJON MENN

Jølster går for opprykk til 3. div.

Med 4. divisjon som årets arena er måla til Jølster alleire klare. Dei skal opp att i 3. divisjon. Side 22–23

Vil investere 340 mill og bli størst

Snøen skjulte ei ekkel overrasking Norodd Ramstad er sint og skuffa over turgåarar som berre slengjer frå seg boss på privat eigedom.

Side 5

Foto: Bent Are Iversen

Breim Kraft søkjer om konsesjon til å byggje ut Storelva. Utbygginga dekkjer behovet for elektrisk straum til 5000 husstandar og blir den største private småkraftutbygging i Norge. Side 2–3

16

FIRDA LAURDAG 16. APRIL 2011

fjordalangs

BLIKKFANG: Johann Gotteberg kan sjå ei lettare utgåve av seg sjølv i spegelen no enn i fjor sommar. Men ein 22 kilo lettare kropp krev også ny garderobe, og klesekspeditør Mariann Bruland i Førde er godt nøgd med kleda 36- åringen testar ut.

Foto: Bent Are Iversen

fjordalangs

FIRDA LAURDAG 16. APRIL 2011

Johann Gotteberg har blitt 22 kilo lettare og lever no (nesten) på luft og kjærleik åleine.

Sjekk den go’biten!

Med glimt i auget og eit anerkjennande nikk er ekspeditør Mariann Bruland på klesbutikken Match i Førde godt nøgd med spegelbiletet til sin 36 år gamle venn Johann Gotteberg.

Kroppen som lyser mot oss i prøveromsspeilet er ikledd splitter nye kle, for med ein kropp som har blitt 22 kilo lettare enn i fjor haust, trengst det ein ny garderobe.

Men tru ikkje at mannen trivst der han prøver plagg på plagg og tuslar ut og inn av prøverommet, shopping er framleis eit pes, uansett kroppsfasong. Men visst er det kjekt å sjå at kleda i klesskapet ikkje lenger passar, det legg han ikkje skjul på.

FERSK KJÆRAST. I tillegg til ein lettare kropp som no veg 86 kilo, skjedde det også noko rundt nyttår som gjer til at Johann no har fått «ordre» om å skaffe seg litt nytt fyll i klesskapet.

– Det berre smalt. Vi har kjent litt til kvarandre ei stund, men det var først rundt nyttår at noko meir skjedde, seier 36åringen om kjærasten Kjersti Grytten (35), som meiner typen ikkje akkurat har vondt av å fornye garderoben litt.

Sjølv ser ikkje Johann behovet, så lenge han har ei ytterjakka som fungerer til skiturar og til turar på byen, er han nøgd, flirer han.

Men her er han. På shopping ein fredagsettermiddag med god hjelp frå Mariann, som leitar fram det eine antrekket etter det andre.

– Denne her er jo lekker!

– Vel, er det noko eg faktisk har lært meg, så er det at du ser dobbelt så stor ut med striper, så eg trur eg held meg unna, seier Johann skeptisk medan han studerer skjorta Mariann har leita fram.

– Men, Johann, roper ei av dei butikktilsette som overhøyrer kommentaren frå 36åringen.

– Du er jo ikkje tjukk lenger! Så køyr på!

FØLGJER GOTTEBERG ■ Firda følgjer Johann Gotteberg under målingar der vekt, feittprosent og storleik blir målt.

■ Første møte med Gotteberg var 18. september 2010, andre reportasje stod på trykk 30. oktober og den tredje 8. januar i år.

■ Målet til Gotteberg i haust var å få ein feittprosent på 25 og ei vekt på om lag 80– 85 kg til mai.

BEINTØFT. Då vekta til den 169 cm lange nordfjordingen synte 111 kilo i fjor sommar, bestemte Johann seg for at nok var nok. Å gå inn i 40-åra med ein kropp som rett og slett var for tung, var uaktuelt for 36- åringen som Firda har følgt på si livsstilsendring sidan i fjor haust.

Med hjelp av personleg trenar Camilla Søvig starta han i fjor haust å følgje ei trening- og kosthaldsplan. Først rant kiloa vekk, men så kom vinteren og trening og kosthald blei ei kjedeleg rutine. Motivasjonen dalte. Vekta suste ikkje nedover lenger.

På eit tidspunkt stoppa den også heilt opp, og i nokre veker gjekk vekta til og med litt opp.

– Eg trur det er veldig lett å gi seg på det stadiet der vekta stagnerer og du er dritlei av kaloriar og sunn mat, fortel nordfjordingen.

– Difor er eg veldig glad for at eg er så glad i å trene i utgangspunktet, for når dørstokkmila er så lang og vekta stoppar opp, så er det vanvittig tungt å finne motivasjon, seier han.

Han synest framleis det er beintøft, men vekta går i alle fall rett veg. Sjølv om han no går ned eit halvt kilo i veka og berre er få kilo unna målet om å vege 80- 85 kilo i mai,

må han kjempe hardare for kvar kalori han tek av.

– Å finne motivasjon er beintøft til tider, den kjem ikkje av seg sjølv. Min viktigaste motivasjon er å tenkje på korleis eg føler meg etter ei treningsøkt. Eg har aldri opplevd å vere i dårleg humør etter ei god trening! seier 36- åringen frå Måløy, men med base i Førde og i Jølster.

Han merkar godt at kroppen er betre trent og at han har blitt lettare.

– Før bar eg jo ein sekk på over 20 kilo, men no er den lasta slanka vekk. Og det merkar eg veldig godt. No brukar eg ein halvtime mindre på turar som eg tidlegare brukte 1,5 time på. Og det er herleg!

SMEKK PÅ FINGEREN. I tillegg til at han har slite, og framleis slit med motivasjonen, har den personlege trenaren hans gått ut i mammapermisjon, så no må Johann sjølv passe på mat og trening og presse seg sjølv vidare. Og det er ikkje berre lett: han har allereie gitt seg sjølv fleire smekkar på fingeren.

– Plutseleg var den timeslange treningsøkta mi blitt 50–55 minutt, så eg innsåg at eg måtte stramme meg sjølv opp.

I tillegg til at Johann merka at han tok litt lettare på treninga, sklei det også ut på matfronten med kjærastkveldar der det plutseleg var «lov» med snop fredag og laurdag og ikkje berre på den eine dagen i veka.

Tredemølla på treningsstudioet blei heller ikkje akkurat meir attraktiv etter at Johann endra sivilstatus, og nokre av treningsøktene gjekk i vasken.

– Men så blei det stopp, det kunne ikkje halde fram slik. Det blei eg og Kjersti einige om etter at vi kjende oss fyllesjuke etter alvorleg mykje godteri ein fredagskveld, seier 36- åringen.

Då Firda møtte Johann som singel i fjor haust, trudde han det hadde blitt vanskele-

«NO MÅ DU HUGSE PÅ AT EG FRAMLEIS LIR AV LRS – LÅR RETT I STØVEL – SÅ DEN BUKSA DER KJEM IKKJE TIL Å SJÅ BRA UT PÅ» Johann Gotteberg til klesekspeditøren som lokkar med ny bukse

17

18

FIRDA LAURDAG 16. APRIL 2011

fjordalangs JOHANN SINE VITALE MÅL

gare å slanke seg og halde eit sunt kosthald om han hadde hatt kjærast i hus.

– Men eg er nok heldig der, Kjersti er heldigvis glad i å halde seg i form og ete sunt. Det hadde nok blitt litt tøft om det ikkje var tilfelle, men det at ho er sunn gjer det lettare for meg, seier Johann.

ENDRAR TRENINGA. Medan han i haust gjekk ned i vekt berre ved å ete mindre og sunnare mat, er det annleis no.

– No hentar eg all reduksjon frå trening, eg går ikkje ned i vekt ved kosthaldet åleine. No et eg så å seie normalt utan ei bestemt timeplan og meny som eg hadde dei første månadene. Men eg et slik den personlege trenaren har anbefalt meg og som vi snakka om tidlegare. Eg passar på jobbmiddagane og at eg berre har ein dag i veka der eg et det eg vil. I tillegg har eg ikkje smakt majones sidan jul og eg et heller ikkje pølse lenger.

Ifølgje den personlege trenaren Camilla Søvig si plan, skal Johann endre treningsopplegget når han kjem under 88 kilo. Årsaka er at når kroppen blir vant med ei treningsøkt, vil den etter kvart bruke mindre energi på å utføre den same økta. Difor har Johann no på eiga hand lagt inn to styrkeøkter i staden for ei. I tillegg har han to andre kondisjonstreningar i veka, og nokre gonger blir det også ei femte økt.

FRÅ XXX-L TIL M. Tilbake i prøverommet dreg Mariann fram ei bukse.

– Denne er knalltøff! seier ho overbevisande og syner den fram for Johann.

– Aldri i verda. No må du hugse på at eg framleis lir av LRS, lår rett i støvel, så den buksa der kjem ikkje til å sjå bra ut, slår 36åringen fast.

Frå å nytte 40 i buksestorleik, er han no nede i 36. Og med ein slankare kropp, er det også fleire klede som kler kroppen hans betre.

– Johann kan gå med skjorter som sit litt tettare no, og sidan mykje av moten er litt meir kroppsnær, kan han gå med meir trendy kle, seier Mariann.

– Han kan tørre å gå med litt meir fargar og mønster no som kroppen kler det betre, legg ho til før Johann kjem ut av prøverommet med eit kvit skjorte han prøver ut.

– Denne er for stor, har du ei mindre ei? spør han.

Prøvinga går radig unna. Johann er ikkje ein mann som prøver kle for moro skuld, her går det kjapt og effektivt.

Berre sidan januar har kleda han kjøpte den gong blitt for store. Den kvite skjorta han har på seg denne fredagen passa ein gong for mange kilo sidan, buksa sit også laust på.

Johann har gått frå å bruke XX-large, i nokre tilfelle trippel- X, til medium.

– Det er litt ok at skjortene sit strammare her enn på magen, seier 36- åringen og klappar seg på brystet.

– Slik var det ikkje før, legg han til.

AVDUKING I MAI. Ikledd ny bukse, kvitt belte og blå skjorte er Johann nøgd med dagens klefangst.

Mariann beundrar verket, og Johann er også godt nøgd med kleda han har fått seg (og det var også dama, alt var godkjent, kan Johann rapportere etter handleturen).

Med posen full av nye kle som sit fint på ein stadig lettare kropp, er Johann vel vitande om at ein del av kleda vil sitje lausare på han om nokre veker. For enno er det ikkje stopp. Etter åtte månader med totalt endra livsstil, er planen at han først i mai har nådd matchvekta på rundt 80- 85 kilo.

– Og då kan eg love at det blir «avduking» av kroppen, flirer han.

ASTRID IREN SOLHEIM astrid.solheim@firda.no 91149816

SEPTEMBER 108,2

OKTOBER 100

JANUAR 93,2

APRIL 86,5

Siste måling 1. april 2011 (tal i parentes frå januar, oktober, september) Vekt: 86,5 kg (93,2, 100, 108,2) Feittprosent: 15,8 (27,7, 29,5, 34,6) Brystkassa: 108 cm (109, 108,5, 118) Magemål: 98 cm (107,5, 112,5, 120,5) Rumpe: 107 cm (113,5, 119, 122) I tillegg syner målingar at Johann sin kropp har blitt «yngre». Ut frå målingar i januar, var kroppen 42 år, medan den no er 21 år.

Ei ny vekt på treningssenteret er litt av grunnen til at feittprosenten er såpass mykje lågare enn før, presiserer Johann

fjordalangs

FIRDA LAURDAG 19. MARS 2011

17

Sigrid Haugnes Tyssekvam viser full konsentrasjon under portalløype.

Foto: Geir Løkke Tomassen

Dei kosar seg på ski i dei vakre omgjevnadene i Instedalen, Bjørnar Storehaug Svoen og Iver Svorstøl.

Foto: Åsmund Berthelsen

Aktivitet, leik og skiglede i Instedalen Instedalen skianlegg Sogn og Fjordane Turlag i samarbeid med Firda vil kvar laurdag tipse lesarane om turar i fylket vårt.

Ta alltid omsyn til vêr og føre når du ferdast i naturen!

Nesholmen GLOPPEN

615

Gjengedalen

Vonavatnet

Slettheia

Blånipa

Fimland

Som ei gruppe under Indre Sunnfjord Turlag er det nyleg skipa Barnas Turlag i Naustdal.

NÅR VI GÅR langs skilBarnas Turlag Naustdal øypa, er det ofte haresHaren likar seg i skianleg- skal ha sitt første arranpor å sjå. Er vi ekstra get, noko ein ofte kan sjå gement i Instedalen merksame, kan vi sjå skianlegg søndag 20. spor etter.

Foto: Jorunn Kleiven mars. Det vert samling kvistar og greiner der haren har gnege, og og leik, bål og ein skitur kanskje finn vi harebæsj. Røyskatten i skogen rundt anlegget. Arrangemenlikar seg også i skogen rundt skianlegtet er ope for alle, både for naustedget. Den vesle rakkaren er ganske så øler og andre turglade. Informasjon nysgjerrig, så får vi først auge på han, om turen er å finne på www.istur.no. kan vi vere heldige å få studere han lenge.

Jorunn Liv Kleiven

Sandfjellet NAUSTDAL

da

len

Blåfjellet

ge

Naustdal

An

INSTEDALEN SKIANLEGG er eit samarbeid mellom Instedalen krins, Tambarskjelvar IL og Naustdal kommune. Kvar vinter blir det arrangert skiskule i anlegget. Her vert også arrangert skikarusell med renn knytt til både helg og kveldar.

Herstad

Ullaland

l ne rø Tun t Flo mo

SKIANLEGGET har langrennsløype på 1,2 km der det er høve for både å skøyte og gå klassisk. Nytt for året er ei løype på 4-5 km i området kring skianlegget. Løypa vert køyrd opp med skuter og sporleggjar, og er noko meir kupert og svingete enn løyper som vert preparerte med meir moderne utstyr. Det er ikkje lys i heile langrennsløypa, så vi må ha med hovudlykt om vi vil gå i løypa etter at det er blitt mørkt.

TURTIPSET

KULELØYPE, orgeltramp, slalåmportar og tunnelar. På Instedalen skianlegg er det tilrettelagt for å leike med ski på beina. Om vi vaksne kastar oss med i leiken, er det like moro både for liten og stor, og det gjev god skitrening. Her er kuleløyper og unnarenn i ulike nivå. Spade, snøskuffe og stenger står tilgjengeleg, og gjer det mogleg å lage fleire utfordringar om vi ynskjer det.

FØRDE 609

Førde

Instedalen skianlegg. Køyr frå Naustdal og følg vegen innover Naustedalen i retning Nes. Like etter Instedalen skule er det skilta mot skianlegget. Parkeringsavgift. Meir informasjon om Instedalen skianlegg på www.instedalen.no.

14

FIRDA LAURDAG 24. SEPTEMBER 2011

fjordalangs

Gotta banen! Er det Sjeldan er det eit godt teikn at ein personleg trenar ler når du går på vekta. Men for Johann Gotteberg, er det nettopp det. 30 kilo er vekke sidan i fjor haust.

JANNE G. SØRGULEN janne.sorgulen@firda.no 41694690

SAKA ■ I eitt år har Firda følgd Johann Gotteberg sin veg frå 108 til 78 kg.

BERRE I BOKSAREN står Johann Gotteberg klar. Han er attende der det heile starta for éitt år sidan, i lokalene til Spenst i Førde. Personleg trenar Camilla Søvig har henta fram både badevekt og måleband.

Resultatet frå då han først starta å leggje om livsstilen skal målast.

Samstundes som morgontreningar, grøne salatar og friske grønsaker har vorte ein del av kvardagen hans, har han vore nøydd til å seie «ha det» til feite dressingar, sausar, chips og øl.

Og livsstilsendringa har hatt eit visst ekstra press over seg, då Firda og deira lesarar har følgd heile prosessen.

– Eg har juksa litt, altså. Eg stilte meg på vekta heime, slik at eg veit at eg er på den lette sida, seier han medan den nådelause vekta vert fôra med informasjon. Alder: 36. Høgd: 169.

CAMILLA SØVIG svarar med plystring då skjorta og dressbuksa til Gotteberg forsvinn. Men no, etter at det første vesle pipet som fortel at den vesle maskina er klar, vert det stille i frå både trenaren og den 36 år gammle bankmannen.

Så kjem latteren.

– Å, herregud Johann! Dette er imponerande. Fantastisk!

78 kilo. Det same som nordfjordingen frå Måløy vog då han vara i 20-åra.

Johann tek reknestykket i hovudet: Han har gått ned over 30 kilo sidan august i fjor. Då vog han 108 kilo.

– Det er jo eit heilt greitt tal, seier Johann med eit stort glis.

I feittprosent har han i løpet av eitt år gått frå 34 til 12,5.

– Og så veldig mykje meir bør du strengt tatt ikkje ta av. Helst bør prosenten liggje mellom 10-15, seier Søvig.

Gotteberg glimtar til og påpeiker at han såleis har ein perfekt feittprosent. Nokre minutt seinare, og trenaren har funne fram målebandet.

– Orsak at eg må tafse litt meir på

FØR ■ Vitale mål 13. september 2010: Feittprosent: 34 prosent Brystkassa: 122 cm Magen: 116 cm Rumpe: 121 cm Vekt: 108 kg Høgd: 169 cm DER OG DÅ: Med det personleg trenar Camilla Søvig skildrar som ei «epleform», var Gotteberg i september 2010 i faresona for hjarte- og karsjukdommar.

fjordalangs

FIRDA LAURDAG 24. SEPTEMBER 2011

15

same mannen? deg her, seier den 28 år gammle kvinna.

– Det er berre å tafse i veg, sjølv om det ikkje er så mykje å tafse på lenger, kjem det spøkjefullt frå hovudpersonen.

Vel 20 centimeter har forsvunne frå både rumpe og brystkasse. Kroppen til Gotteberg har vorte ein lightversjon av kva han var då han tok valet om å leggje om livsstilen sin.

TYDELEG TALE ifrå legen førre haust var det som fekk han til å ta grep om sin eigen kvardag. Ein del av prosessen var å ta kontakt med personleg trenar Camilla Søvig.

– Eg hadde blodtrykk som ei brannpumpe. Beskjeden ifrå legen min var at om eg ikkje starta å ta nokre grep, måtte eg ha starta med blodtrykksreduserande medisinar før jul, seier Gotteberg.

Dei seks første månadene fekk han tett oppfølging av Søvig, med innføring i både trening og kosthald. Han kjøpte rundt 60 timar, fordelt på 30 veker. Ei helseinvestering som kosta han rundt 10.000 kroner.

– Det var verd kvar ei krone! understrekar Gotteberg.

– Alternativet var hjarteinfarkt, og eventuelt døy når eg kom opp i 40åra, seier han.

EIN SUNN LIVSSTIL LET SEG JO IKKJE SÅ VELDIG LETT LET FOREINE MED Å GÅ UT PÅ BYEN HEILE TIDA Johann Gotteberg

NO ■ Vitale mål 12. september 2011: Feittprosent: 12,2 prosent Brystkassa: 105 cm Magen: 91 cm Rumpe: 101 cm Vekt: 78 kg

HER OG NO: Seks små måltid for dagen og fire-fem treningsøkter for veka har gitt Johann Gotteberg ein heilt ny kropp.

No meiner Gotteberg å ha lært verktøyet som skal til for å halde på den nye, sunne livsstilen, slik at vekta held seg der han vil at ho skal vere: Under 80 kilo. Bankmannen peikar på jobben i Sparebanken Vest som ein av hovudgrunnane til at han enda opp med for mange kilo på kroppen.

Nokre dagar låser arbeidet han fast inntil 12–14 timar. Det betyr ofte middagar og lunsjar saman med kundar og fleire forretningsreiser.

– I løpet av dette året har eg vorte klar over kor hårfin balansen er mellom matinntak og trening. Men generelt handlar det om at folk flest fråtsar og kosar seg mykje med mat.

Tommelfingerregelen er at ein berre skeiar ut ein gong for veka, meiner Gotteberg.

SIDAN OPPSTART har den no spreke 36-åringen hamna i ein og annan diskusjon med både venner, kjende og medarbeidarar.

– Eg kom i prat med ei småbarnsmor som meinte det var så mykje

16

FIRDA LAURDAG 24. SEPTEMBER 2011

fjordalangs

TIPS 1. Trening har prioritet. Legg inn trening i timeplanen din på lik linje med arbeidsoppgåver.

2. Et mindre porsjonar og kutt ut «impulskosen». Ikkje skei ut meir enn ein gong for veka.

3. Skaff deg personleg trenar, helst det første halvåret. Slik lærer du korleis du bør leggje om kosthald og få gode treningsrutinar.

enklare for meg å trene fordi eg bur for meg sjølv, seier Gotteberg som har vorte single sidan Firda sist prata med han.

– Då spurte eg ho kva som var yndlingsprogrammet hennar på fjernsynet. Då ho svara Grey’s Anatomy, sa eg at den timen ho brukte på å sitje på rumpa i sofaen, kunne ho i staden brukt til å trene. Det enda med at ho vart ganske sint på meg, flirer 36åringen.

– Til sjuande og sist handlar det om å prioritere treningsøktene. For meg har løysinga vorte å leggje treninga inn på timeplanen min, og at eg held avtalen, seier Gotteberg.

– Eg tenkjer litt som treningsguruen Yngvar Andersen. Trening er ikkje alltid så innimari kjekt, men ein må sjå på det som ein jobb og prioritere treninga i kvardagen, seier han.

Endringane han har gjort i kosthald og treningsvaner har gitt tydelege resultat. Det er dei tre boss-sekkene han har fylt med klede som ikkje lenger passar eit bevis på. Det same er fjellturen opp på Fureviksnipa – ein tur han tidlegare brukte over ein time på, men som han no har gjort unna på 28 minutt.

Sjølv om Gotteberg er tydeleg på at han ikkje har endra personlegdom sidan i fjor haust, har han fått passet påskrive av enkelte i omgangskrinsen.

– Eg har ikkje slutta å gå ut på byen, men fleire av kompisane mine synest nok at eg har vorte litt kjedelegare, seier han og held fram: – Ein sunn livsstil let seg jo ikkje så veldig lett let foreine med å gå ut på byen heile tida.

DEN VELTRIMMA nordfjordingen legg ikkje skjul på at det har vore utfordrande å kvitte seg med over 30 kilo.

– Frå september til og med mai tok eg av ein eller fleire kilo kvar veke. Då var det snakk om å heile tida ete mindre enn kva eg forbrende. Det var ein befrielse å vere ferdig med denne perioden, seier han.

Frå februar av måtte han klare seg utan personleg trenar, då Søvig gjekk ut i fødselspermisjon. Samstundes opplevde han ein ny vanskeleg periode.

– I februar-mars var eg så inni granskauen matlei og vekta stod bom fast. Før den tid hadde ho gått jamt og trutt nedover, seier han.

Ifølgje Søvig må han bu seg på at dei siste kiloa ikkje forsvinn med det første.

– Det eldste, hardbarka feittet sit gjerne ekstra godt på kroppen, og vil ta lenger tid før ein vert kvitt, seier ho.

– Det blir eit ekstra år det då, kanskje, skyt Gotteberg inn.

– I nokre tilfelle kan det ta så lang tid, ja, svarar ho og møter eit «off» frå kunden sin.

NYE MÅL: Då legen ga beskjed om at Johann Gotteberg måtte endre livsstil, eller bu seg på å starte med blodtrykksreduserande medisinar, forstod han alvoret.

No, éitt år seinare, er han utanfor den mest kritiske faresona for hjarte- og karsjukdommar.

Alle foto: Bent Are Iversen

DET ER BERRE Å TAFSE I VEG, SJØLV OM DET IKKJE ER SÅ MYKJE Å TAFSE PÅ LENGER Johann Gotteberg

UTANFOR DEN MEST kritiske faresona for hjarte- og karsjukdommar. Der er Johann Gotteberg no.

– Han har gått ifrå ei epleform med mykje feitt rundt organa, til no å ha fått ei sunn timeglasform, seier Søvig.

– Men det var jaggu mykje jobb å ta det av! seier nordfjordingen.

Likevel meiner han at alle har føresetnader om å leggje om livsstilen på same vis som han sjølv.

– Eg er ikkje noko supermenneske, men

det bør vere overkommeleg for alle å gå ned i vekt, seier han. At han skulle nå målet sjølv, var han aldri i tvil om.

– Som eg har poengtert tidlegare, så har dette vore snakk om ei livsstilsendring, og ikkje noko mellombels, seier han.

I éitt år har han forbrent meir kaloriar enn kva han har ete. No startar vedlikehaldsarbeidet.

– Kan eg gå ut og starte livet no? spøkjer han i retning av sin personlege trenar, og møter eit smil.